Tiranë, 1 maj - Një pjesëtar i policisë kufitare malazeze ka kërkuar azil politik së bashku me familjen e tij në Luksemburg. Enver Daciqi javë më parë ishte arratisur nga vendi i tij, duke u dorëzuar pranë autoriteteve në Luksemburg me kërkesën për strehim azili, me arsyetimin se jeta e tij dhe e familjes së tij është e rrezikuar. Ai shërbente në pikën e kalimit kufitar në Rozhajë.
Rrezikimi i jetës së tij ka ndodhur një natë të muajit prill, pasi që, siç ka thënë ai, kishte refuzuar kalimin e një kamioni me cigare në drejtim të Kosovës, me ç`rast menjëherë ka marrë kërcënimin me jetë për të dhe familjen e tij.
Daciq para policisë së Luksemburgut ka përshkruar ekzistimin e rrjetit të drogës, cigareve të kontrabanduara, medikamenteve të falsifikuara, kafesë si dhe materialeve të ndryshme, qoftë ushqimore apo të teknikës së bardhë.
Gjatë intervistës, ai ka informuar para Entit për Azil se në qytezën Mojkovac ekziston një fabrikë, e cila prodhon cigare të falsifikuara, rrjeti i të cilave shpie në Kosovë.
Po ashtu gjatë intervistës ai ka shpjeguar se porositë vijnë edhe nga Kosova, përderisa kufitarët malazez dhe ata nga Kosova nuk guxojnë të ndalin rrugën e kontrabandës, raporton agjencia Ina.
http://www.koha.net/index.php?cid=1,58,57478
Krijoni Kontakt