Jakupi nga Brukseli, drejt e në Vetëvendosje?!
Publikuar: Sot, më 15 prill 2011
Prishtinë, 15 prill – Edhe pse jemi ende në muajin prill, një lajm i publikuar sot në një portal sikur na kthen në datën 1 prill, ditën e rrenës.
Sipas Kosovaonline, që pohon s mbështetet në burime të saj brenda Lëvizjes Vetëvendosje, sekretari i përgjithshëm i PDK-së dhe aktualisht kryetari i Kuvendit të Kosovës, Jakup Krasniqi, i pakënaqur me zhvillimet e fundit politike, ka nisur kontaktet me njerëzit e Vetëvendosjes. Thuhet të mos dihet sende se në cilën fazë janë këto konsulta për “transfer” ndërmjet Krasniqit dhe Albin Kurtit, mirëpo, ajo që dihet është se Krasniqi është tejet i pakënaqur me zhvillimet e brendshme në Partinë Demokratike të Kosovës e veçanërisht me raportet e krijuara në koalicionin qeveritar.
Këtë lajm askush nuk e ka demantuar, por as konfirmuar, kurse nuk dihet madje nëse kryetari i Kuvendit të Kosovës është kthyer nga Brukseli, ku ka qëndruar për dy ditë me radhë.
Krijoni Kontakt