Aleanca Kuq e Zi

[vajz]

27 Mars 2011 - 12:38 | Shqiperi

Aleanca Kuq e Zi në Fushë-Krujë firmoset peticioni

TIRANE-Përfaqësuesit e Aleancës “Kuq e Zi”, kanë mbërritur sot në Fushë Krujë, ku kanë ftuar gjithë qytetarët të nënshkruajnë peticionin kundër regjistrimit të popullatës mbi baza etnije dhe feje.

Numri banorëve që kanë treguar interes për këtë peticion është shumë i madh ndërsa përfaqësuesit e aleancës “Kuq e Zi” kanë theksuar se çdo nënshkrues ka qënë i pajisur me kartë identiteti për të pasur një peticionin sa më të rregullt.

“Do shkojmë në çdo qytet dhe fshat të Shqipërisë theksojnë përfaqësuesit e aleancës duke i bërë thirrje qytetarëve të firmosin peticionin për të mbrojtur harmoninë fetare dhe etnike në vend.

Aleanca “Kuq e Zi” prej ditësh ka nisur turin e saj në qytete të ndryshme të vendit duke ftuar qytetarët të nënshkruajnë peticionin që pritet t`i paraqitet parlamentit me kërkesën për ndryshimin e ligjit për gjendjen civile.

Aleanca ka theksuar sot se nga 20 mijë firma të nevojshme, Peticioni ka mbledhur 50 mijë të tilla, duke dëshmuar kështu se qytetarët kanë interest ë madh për ndryshimin e ligjit për regjistrimin e popullsisë.

Video:

http://www.balkanweb.com/videoAlbum/..._id_video=9674

(d.b/BalkanWeb)

[vajz]

MINORITETI ETNIK GREK NË SHQIPËRI

Minoriteti Kombëtar grek gjatë regjistrimeve nga viti 1945 deri më 1989 shfaq përmasat e mëposhtme:

Regjistrimi - Popullsia totale - Minoriteti grek

30.09.1945 -1.122.044 -26..535 (2.4%)
3.09.1950 -1.128.943 - 35.345 (2.5%)
2.10.1955 - 1.391.499 - 35.345 (2.5%)
2.10.1960 - 1.626.318 - 40.000 (2.4%)
1-15.04.1969- 2.068.155 - mungesë të dhënash
7-16.1.1979- 2.590.600 - 49.307 (1.9%)
2-8.04.1989- 3.182.417- 48.758 (2.4%)

[vajz]

Se di sa i sakte eshte ky lajm:

Durrës, nis regjistrimi i ortodoksëve
Mark Brunga | 28/03/2011 | Gazeta Shekulli

Besimtarëve u është kërkuar të firmosin në një regjistër për kombësinë që do të deklarojnë

Në qytetin e Durrësit grupe anonime kanë filluar që të trokasin nëpër dyert e qytetareve që i përkasin besimit ortodoks. Sipas banorëve ku kanë trokitur këto grupe jozyrtare dhe që nuk kanë bërë as prezantimet e duhura, ata kërkonin që të merrnin firmat paraprake për kombësinë që do të jepnin në regjistrimin e popullsisë.

Firmat sipas personave do të hidheshin në regjistrin që ata mbanin, duke realizuar kështu një lloj regjistrimi anonim për regjistrimin e të gjithë ortodoksëve si shtetas grekë.

Gjatë këtyre regjistrimeve ka pasur edhe incidente nga banorë që i kanë përzënë. Një banor i një prej lagjeve qendrore të qytetit, thotë se në derën e shtëpisë së tij janë shfaqur tre të rinj.

Sipas banorit Pask Allkanjari, ata kishin në dorë regjistra të rregullta me emra të plotë dhe i njihnin dyert ku trokisnin, pasi me sa duket informacioni dhe parapërgatitja e tyre kishte qenë e plotë. "Më thanë se donin të dinin çdo të deklaroja kur të bëhej regjistrimi për ortodoksët. Fillimisht thanë se kishin ardhur për të regjistruar popullsinë, duke e pyetur nëse ishte ortodoks.

"Më pas kërkuan që ta deklaroja me firmë kombësinë time greke", thotë Pasku, ndërsa vijon se kur ai ksihte kundërshtua, i kishin thënë se po bënin thjesht një sondazh. Edhe banorë të tjerë pohojnë nisjen e një regjistrimi, ndërkohë që thonë se janë rreth 5 grupe që bëjnë grumbullim të tillë të firmave.

Precedenti

Më 12 dhjetor të vitit të shkuar, dhjetëra besimtarë ortodoksë, të paraqitur për meshën e së dielës u gjendën përballë një formulari në të cilin dëshmohej dashuria, respekti dhe "besimi i patundur për udhëheqësin e tyre shpirtëror. Atë ditë mesha u drejtua nga një klerik i ardhur enkas nga Tirana dhe i dedikuar kryepeshkopit Anastas, ndërsa nga prifti është kërkuar hedhja e firmave. Mesha ka pasur qindra besimtarë, por deri në orët e pasdites numri i mbështetësve shkoi në rreth 50-60.

Disa besimtarë dolën disi të shqetësuar duke u shprehur se ishte hera e parë në këto 20 vite që ndesheshin me rastin e shkeljes së të drejtës së tyre të ushtrimit të besimit në mënyrë të lirë. Ata thanë se kishin shkuar në kishë dhe besojnë tek Zoti duke lënë të kuptojnë se nuk duan të ngatërrohen me emrin e kryepeskopit e as të priftërinjve.

Por ka pasur edhe zëra kundër firmosjes. Sipas pohimeve, pati pasur shumë besmimtarë që kundërshtuan të hedhin firmën, madje të shprehen edhe kundër kryepeshkopit Anastas duke shtuar se tani pas 20 vitesh kleri ortodoks duhet të ketë në krye priftërinj e kryepeshkop shqiptar. Teksti nuk mbante nënshkrimin e autoritetit që e kishte formuluar apo edhe vulën e institucionit fetar.

[Jack Watson]

Faqja ne facebook

http://www.facebook.com/pages/Aleanc...35038719899846

[vajz]

Aleanca Kuq e Zi, protestë kundër Bollanos: Duam drejtësi

Gazeta Panorama- e Martë, Mars 29th, 2011

VLORË- Ndërkohë që sot në Vlorë zhvillohet procesi gjyqësor në ngarkim të kryetarit të bashkisë së Himarës, Vasil Bollano, akuzuar për korrupsion, në qytet Aleanca Kuq e Zi ka zhvilluar një protestë. Me thirrjet “Duam drejtësi” dhe “Askush nuk është mbi ligjin”, përfaqësues të aleancës dhe shumë student të tjerë që i janë anëtarësuar asaj kanë kërkuar zbatimin e ligjit në këtë rast, sipas tyre flagrant me pasurinë e përbashkët. Sipas aleancës, Bollano ka rrënuar perlën e bregdetit jugor, Himarën dhe për këtë duhet të përgjigjet para drejtësisë.