Ditari i nje polici diten e 21 janarit 2011

[Albo]

Vrasjet, rrefimi i policit: Gardistët na thanë, po kaluan gardhin, dhijani rracën

Tedi Blushi

Nuk preferon të identifikohet për shkak se rrezikon vendin e tij të punës. Por garanton me përgjegjësi të plotë se po thotë vetëm të vërtetën në raport me masat organizative që u morën në 21 janar nga Policia e Shtetit dhe Garda e Republikës për të zmbrapsur atë që ai e cilëson si “sulm anti kushtetues ndaj institucioneve që synonte të rikthente vitin 1997”. Është një prej punonjësve të njërës prej strukturave të specializuara të Policisë së Shtetit, i angazhuar personalisht me mbrojtjen e godinës së kryeministrisë gjatë demonstratës së dhunshme të organizuar nga opozita. “***** me shurrë nuk e mbuloj unë por këto që them janë e vërteta dhe po rrezikoj vendin e punës që po jua them juve gjithë këto informacione vetëm e vetëm që të mos hidhet baltë në atë që bëmë. Sa kemi zbuluar deri tani ja kemi dorëzuar prokurorve që na thanë mos të flisnim fare në media e të mos i thoni as familjarve tuaj asnjë gjë për hetimin”, shprehet ai. Në fakt nuk janë gjë tjetër, veçse fletë të një “ditari” të tij, ku ekzkluzivisht për “Gazeta Shqiptare” zbërthehen në detaje gjithçka ka ndodhur brenda asaj që në gjuhën e tij profesionale, cilësohet si “gardhi i institucionit”. “Një gardist me një helmet alla zjarrfikshesh dhe një kallash me bajonetë me 5 krehër që i kishin nxjerrë nga depot na tha shkoni para e gjuani në ajër, po e kaluan oborrin dhijani rracën. Kur u hap dera dhe na kërkuan për ndihmë të gjithë thoshin “jo nuk di të gjuaj” , “jo kjo s’është puna ime”. Vetëm unë dhe një tjetër (pa e mburrur veten) morën guximin të futeshim në kryeministri”, vijon ai. Ky rrëfim sqaron gjithë defektet organizative me të cilat është përballur atë ditë Policia dhe Garda e Republikës, armët që janë përdorur për të zmbrapsur demonstruesit, mënyrën sesi dhe nga kush jepeshin urdhrat me celular, kush mban përgjegjësi për tre viktimat dhe dhjetra të plagosurit e asaj dite, dhe sesi u arrit të vendosej qetësia në Bulevardin “Dëshmorët e Kombit” pas 5 orësh. “Të gjithë u frikësuam e pa u menduar e lëviza siguresën dhe i zbraza nja 20 plumba në breshëri. U çudita më shumë kur pashë se nga makina doli një njeri. Një tjetër rrot k.... hypi në çati e na bënte si trim. Nja dy çunave aty u hypi në mendje ta qeronin..”, dëshmon polici i njësisë speciale.

E premte 21 Janar
Tani u ktheva në punë se në shesh thashë se lashë leshtë! Na kishin lënë mbrapa kryeministrisë e na thanë kujdes se sot ka për të ndodhur ndonjë gjë. Mbasi doli ajo hidrantja ata (demonstruesit Shën.Red) kërcyen keq fare e shkulën pllakat e trotuarit. Na thanë mbushni armët e shkoni e kapni atë që ju del para, por ne të shkretët s’kishim as mburoja e as helmeta. Unë me një shok u futëm te lulishtja mbas Piramidës dhe e kapëm njërin me kapuç të bardhë që ishte nja 17-18 vjeç. Ai shoku e kapi prej xhakete e unë prej flokësh, se s’kishim as pranga, e ja çuam policve tek furgoni. U kthyem e morëm dhe një tjetër, malok që dukej nga e folura dhe e morëm para dhe me ca shkelma e çova deri te furgoni. Mbas ca kohe, se kisha parë orën dhe as nuk më vajti ndërmend ta shifja, na thanë se kishin plasur derën dhe të vinin të gjithë për ndihmë se vetëm 15 gardistë ishin. Na futen te hyrja midis Rognerit, e na thanë prisni këtu. Mbas nja dy minutash na erdhi një gardist me një helmet alla zjarrfiksesh dhe një kallash me bajonetë me 5 krehër që i kishin nxjerrë nga depot e na tha shkoni para e gjuani në ajër, po e kaluan oborrin dhijani rracën. Në fillim nuk ua mbante të futeshin pastaj u futën nja 10 metra e tha ai komandanti i Gardës gjuani në ajër. Unë i zbrasa 2 krëhër të Makarovit që kisha me vete. U zbrapsën, pastaj erdhi një qeros me kapot të zezë dhe po tentonte t’i mbushte mendjen të mos futeshin dhe dalëngadalë u qetësuan disi por u afruan më shumë. Seç i fryu njëri në vesh, njërit prej tyre dhe i shtyu policët e morën hov të gjithë të tjerët. Guret bishin pa pushim por shyqyr që ishin ato bredhat që na mbrojtën shumë. E më në fund e gjeta një mburojë e u afrova më shumë. Për fat të mirë vetëm 5 gurë më ranë e ato ranë mbi mburojë. Pastaj veç ku erdhi një Benz i vjetër si ngjyrë jeshile e shpifur e veç kur ja veshi gungës para. Ajo nuk ishte beton autostrade por një pengesë që ulet me telekomandë, një të tille e ka edhe MM. Të gjithë u frikësuam se tha njëri ka bombë. Të gjithë u frikësuam e pa u menduar e lëviza siguresën dhe i zbraza nja 20 plumba në breshëri. U çudita më shumë kur pashë se nga makina doli një njeri. Një tjetër rrot k.... hypi në çati e na bënte si trim. Nja dy çunave aty u hypi në mendje ta qeronin por e mbajtën veten. Shyqyr që ishte ajo gunga se ndryshe do e kishim ngrënë me atë makinën. Më në fund me shumë frikë policët që erdhën nga cepi e mbuluan hyrjen me nja 2-3 rradhë policësh. Shpëtova thashë. E lashë kallashin tek hyrja dhe aty e kuptova si pa e vene re se i kisha zbrazur 3 krehër. “Demostruesit” u qetësuan e s’po gjuanin më me gurë. Tani që s’kishte më rrezik u afruam më shumë te hyrja. Pastaj filluan të gjuanin prapë me gurë. Njëri nga policët me shumë trimëri u nda nga rrjeshti e ju sul atyre dhe të tjerët e ndoqën, e ndoqa dhe unë e thoja me mendje o tani o kurrë! Në fillim bënë rezistencë por më vonë u shpërndanë po lanë plot mbrapa. Policët e shkretë a nga adrenalina a nga inati (dhe unë bashkë me ta) i futëm një dru kush nuk ishte polic. Njërin e rrafën keq fare dhe e morën me ambulancë. Unë për vete me shkop gome (që s’po më kujtohet ku e gjeta) i shemba dy sa kisha fuqi dhe e nxorra dufin. I pari ishte nja 25-30 vjeç dhe mu luste “ika, ika, të lutem , s’kam gjuajtur me gurë” por truri më ishte turbulluar e nuk llogjikoja dot. I dyti ishte nja 40-45 vjeç por ky s’kishte ndërmend të kërkonte falje po shante. Nga koka nuk i gjuaja por nga brinjët e bëra copë. E kapa nga jaka e xhaketës dhe e tërhoqa zvarrë nja 10 metra ku e morën ca të tjerë dhe i futën edhe një dozë tjetër druri. Në atë moment nuk më vriste ndërgjegja por tani po ndihem keq. Ca të tjerë ja futën vrapit tek Kullat Binjake ku një deputet i PS po mundohej ti mbante policët jashtë. Më bëri përshtypje 3 veta që ishin ngjeshur te xhami i një banke ku një person i shkurtër, me zyze i veshur si RENEA po i mbronte dhe spo linte të tjerët të bënin një trajtim me shkop gome. Ata të 3 të frikësuar, i pari mu duk edhe i plagosur ja futën vrapit e u larguan. Sheshi ra në qetësi. Ca policë i ndoqën protestuesit deri nëpër rrugica. Një kordon me 2 rradhë policësh u vunë para kryeministrisë. E rrethuam me shirit vendin para kryeministrisë dhe tani do fillojmë hetimet. Sot do e ngrys në kryet të detyrës. Eh shyqyr që shpëtova sot pa vajtur në spital se thashe që plasi `97 prapë.

E shtunë 22 Janar
Tani u ktheva në punë. Për një pyetje që kishte bërë Bledi se ku ishte eprori im mund të them vetëm që nuk ishte aty dhe armë ai ka shkrepur vetëm në ‘97 dhe në dasma. Të tjerë të policisë kishte në fillim por kur u hap dera dhe na kërkuan për ndihmë të gjithë thoshin “jo nuk di të gjuaj” , “jo kjo s’është puna ime” etj, komente që nuk dua t’i përmend. Vetëm unë dhe një tjetër (pa e mburrur veten) morëm guximin të futeshim në kryeministri. Brenda ishte akoma administrata dhe burra e gra vraponin nëpër shkallë dhe ca ishin fshehur nëpër magazina. Urdhrat i merrnim nga ata të Gardës në terren. Urdhri ishte po të kalohej oborri të godisnim. Por mesa diskutonim me gardistët në ato momente të gjithë thonin “ca do bëjmë po kaluan?”, “ti do i gjuash?” më pyesnin mua. Unë i thoja “nuk ka dalë akoma asnjeri shqiptar që ti thotë kallashit hajde”. Por situata ishte dhe ters. Në krahun e majtë mburojën, në të djathtin kallashin, se gurët binin si shi megjithëse na mbronte dhe bredhi. I vetmi moment paniku ishte kur na hodhën një bombë molotov dhe shumë u frikësuan e aty qëlluam nga të gjitha anët dhe aty mund......Ata të Gardës merrnin në celular (se radio nuk kishin) që hajdeni sillni dhe njëherë hidranten dhe largojini nga dera se po u futën këtu do bëhet masakër. Ata thoshin nuk futet se është nga mbrapa dhe se kishin frikë se do e bllokonin në mes të rrugës. Ata të ndërhyrjes së shpejtë ishin strukur andej nga Rogneri. Nuk kishin as pushkë për të qëlluar plumba gome, as maska kundragaz prandaj edhe ato pak granata lotsjellës që ishin, u përdorën me kujdes se mos merrnin në qafë edhe policët. Ne kallashin kishim e nuk kishim asnjë mjet tjetër për t’i ndaluar ata të futeshin. Më kanë futur në një TASK FORCE dhe gjithë natën e kam kaluar nga një spital në tjetrin. Armët që u qëlluan nuk mund t’i marrim se mund të ketë edhe nesër trazira. Videon po e analizojmë me shumë kujdes. Në vendngjarje nuk ka gjak dhe për trajektoren e plumbit po hetojmë, kaq mund të them. Shumica e policëve atje nuk kishte trajnim për protesta por të gjithë u munduam të bënim më të mirën dhe të ruanim gjakftohtësinë. Unë nuk u futa në kryeministri për rrogën time apo që të më bënin një bust trimërie në shesh. Unë u futa që të mos lejoja që atdheu të bënte hapa mbrapa dhe të shkërmoqej si në ‘97. Nuk mund të lejoja që ky vend ti hapeshin përsëri plagët. Po të binte kryeministria, të tjera institucione do të binin dhe kush e di se ku do të binte vendi. Ata njerëz u duruan shumë sepse shumë herë kaluan derën e u afruan gati 15 metra nga ne dhe prapë nuk qëlluam megjithëse e kishim inatin në majë të hundës nga gurët. Mund të them vetëm që ishin 100 vetë nga forcat e ndërhyrjes së shpejtë atje. Të gjithë të tjerët ishin policë komisariatesh megjithëse se ishin veshur me helmetë dhe mburojë. A e mbron dot kryeministrinë nga 300.000 vetë me vetëm 100 policë të trajnuar? 1500 policë ishin po vetëm 100 ishin për atë punë. Kur u hap dera të gjithë ikën nga sytë këmbët dhe për këtë nuk i vë faj se nuk kishin me çfarë t’i largonin. Për të hyrë brenda ata do hynin vetëm kur të na mbaronin fishekët. Por siguroj që unë dhe të tjerët që kisha pranë kemi qëlluar vetëm në ajër. Pa kallashë ata do e kishin djegur kryeministrinë dhe frika i mbajti jashtë derisa ndërhyrja e shpejtë u riorganizua për të mbyllur hyrjen. A duhet të largoheshe qeveria? Këtë nuk e di unë, ajo është punë e politikanëve dhe jo e policisë. Përsa kohë që unë vesh këtë uniformë unë do vazhdoj të bëj detyrën time. Urdhrat vinin me telefon ku mbas rrëzimit të kryeministrisë do të merreshin të gjitha ministritë me rradhë. Në shesh kanë qenë 100 të Ndërhyrjes së Shpejtë dhe 1400 policë komisariatesh, rendi, rrethesh që me gjakftohtësi duruan rrebeshin e gurve që me aq urrejtje populli ja hidhte policisë së vet. ***** me shurrë nuk e mbuloj unë por këto që them janë e verteta dhe po rrezikoj vendin e punës që po jua them juve gjithë këto informacione vetëm e vetëm që të mos hidhet baltë në atë që bëmë. Nëse doni të bëni teori konspirative me Enverin e Mehmetin bujrum vazhdoni! Shifni televizorin se ju informon shumë mirë në brroçkulla! Më bënë mua aktivist e kulis i PD dhe vunë në dyshim profesionalizmin tim. Për dhunën në fund më ka vrarë ndërgjegja por të rrish 2 orë nën rrebeshin e gurëve që binin nga të gjitha anët, të durosh sharjet nga më të pista, të të gjuajnë me shishe molotov, provojnë të të venë para me makinë kamikaze nuk durohen. Ishte një duf i paparë që duhej çliruar. Dhe ata trimat që kur ishin në grup shanin me fjalët më të ndyra dhe gjuanin me sa kishin fuqi më vonë qarraviteshin dhe ja hidhnin fajin njëri tjetrit “jo gjuajti ky, jo gjuajti ay”.

Ora 07:30 PM
Shyqyr tani u ktheva në shtëpi. U ngrita që në 6.30 të mëngjesit të premten dhe u ktheva në 7 të darkës të shtunën. Gjithë ditën në këmbë e pa gjumë. Mezi marrim fryme nga ai dreq gazi lotsjellës. Sa kemi zbuluar deri tani ja kemi dorëzuar prokurorve që na thane mos të flisnim fare në media e të mos i thoni as familjarve tuaj asnjë gjë për hetimin. Nesër që në 8 të mëngjesit në punë se jemi në gjendje gadishmerie Nr.1. Trazira mund të ketë dhe nesër por shpresoj të mos ndodhin. Nga mesa dëgjova nga puna sikur do na jepnin shpërblim neve që ishim në kryeministri po të shofim çdo bëhet. Mora vesh se një plumbi ka kaluar dorën e një gazetari të Ora Neës (ABC Neës shën. red) dhe ka shpuar tejpërtej kokën e viktimës nga pjesa e veshit. Në këtë rast vdekja ka qenë e menjëhershme. Lartësia e trupit ka qenë 2.7 - 3.0 metra. Ndërsa për vrasjen e Veizit qitja e gardistit ka qenë mjaft e vështirë për mos thënë e pamundur pasi dera e hekurt pengonte pamjen e plotë dhe shfaqte pengesa fizike. Sipas ligjit gurët quhen armë dhe futen në kategorinë e “armëve të rënda” pra ata persona quhen të armatosur. Sipas ligjit në fuqi po e shpjegoj thjeshtë. Kur një individ cilësohet i rrezikshëm në fillim i bëhet thirrje “Ndal Policia, hidhni armën dhe vendosni duart në kokë”. Kur individi nuk ndalon atëherë qëllohet në ajër me armë në ajer dhe përsëritet thirrja e mësipërme. Kur përsëri individi nuk ndalon i bëhet e ditur që do të qëllohet nëqoftëse nuk ndalon dhe më pas nëse vazhdon goditet me armë zjarri në organe jo-vitale ose në atë pjesë të trupit goditja e të cilit do ta ç’armatoste individin. Nëqoftëse përsëri individi nuk reagon atëherë qëllohet për ta vrarë. Sot për sot po hidhet faji gardistëve që të kuptojë populli se çfarë i pret nëse përsëritet ajo që ndodhi dje. Siç është ajo shprehja popullore “frika ruan kopenë”. Ashtu siç u pranua edhe prezenca e snajpërve. Ta dini që situata është shumë delikate. Tani dihen dobësitë e policisë dhe sulmi i dytë mund të jetë më i mirëorganizuar. Zotërinjtë gjithë po merren pse gjuajtëm apo pse nuk gjuajtëm por nuk po e kuptoni shkakun pse u shkrepën armët. Dera e kryeministrisë u hap me dhunë! Derën nuk e hapën as policët dhe as gardistët por njerëzit. Deri sa pa u hapur dera nuk kishte asnjë krismë armësh. Nuk ishte urdhër i një personi të vetëm të hapej zjarr por është ligji që e lejon një gjë të tillë. Siç e thanë edhe familjarët e Veizit ai ishte nisur në mengjes nga fshati duke thënë “do e përmbysim qeverinë sot”! Qytetarët e thjeshtë nuk u përzien në mësymje vetëm ky kontigjent (që disa ishin me të vërtetë të droguar sa nuk dinin as emrin e vet) u afruan para hyrjes. Në mos në atë moment në një moment tjetër i ka leshuar edhe ai nja 20 gura. Policët u zbrapsën se gurat të copëtonin. Juve që flisni nuk e kuptoni çdo të thotë të të gjuajnë me pllaka trotuarësh nga të gjitha anët dhe të të gjuajnë me shishe benzine. Në fillim të demostratës vetëm FNSH dhe ca policë komisariatesh kishin helmeta e mburoje. Kur hidrantja iku dhe sheshi ishte boshatisur situata u qetësua. Nga ana ballore pushuan gurët por filluan nga ana anësore. Kur dera u hap ata që ishin para thirrën të tjerë protestues. Në atë kohë policët ishin bllokuar midis Rognerit dhe të tjerët po pajiseshin me mburoje e helmeta. Ata që ishin mbrapa (përfshirë dhe unë) në një krah mbanim kallashin në një krah mburojen. Vetëm kur ra muzgu kur disa njerez u tërhoqën u bë e mundur pak nga pak të afroheshim te hyrja e ta mbulonin atë. Në momentet e para nuk kishte burrë nëne të afroheshe te hyrja se të grinin. Bravo i qofte atyre gardistëve që rrinin të fshehur tek dritaret se atyre u adresoheshin shumica e gurëve. Unë ndërgjegjen time e kam në rregull se 3 krehër që i kisha harxhuar i kam qëlluar në ajër nga ana e Lanes dhe jo nga turma.

E diel 23 Janar
Këto që po them janë mendimet e mia. Ne disa komente lexova që nuk ishte përgjegjësia e organizatorit nëqoftëse protesta bëhet e dhunshme. Mirë e zemë se është kështu. Por Edi Rama si kryetar i partisë më të madhe opozitare duhet të dilte të bënte apel për qetësi para turmës. Dhe nuk besoj se nuk do e kishin dëgjuar. Kishte kohë të mjaftueshme të gjente megafon dhe ta ndalte dhunën. Megjithëse kishte thënë se nuk do kishte fjalime, demostrata precipitoi dhe doli nga kornizat e asaj që ishte planifikuar. Dëgjova që megjithëse protestuesit hidhnin gurë nuk ishte e justifikueshme të qëllohej me armë. Policia të premten NUK KISHTE një numër të mjaftueshëm pushkësh me saçme gome. NUK KISHTE një numër i mjaftueshem gazi lotsjellës. Edhe helmetat e mburojat i patë që ishin ngjyra ngjyra se janë të gjitha të dhuruara. As maska kundragaz nuk kishte. Unë kam 3 ditë që më djeg gryka nga gazi. NUK KISHTE asnjë mënyrë tjetër që të mbahej turma. U bë ç’ishte e mundur me mjetet që ishin të disponueshme. Vetë pranimi që të bëhej demostrata kur nuk ishin mjetet e duhura për ta kontrolluar ishte GABIM. Por ja që ndodhi dhe nuk ka për t’u kthyer më mbrapshtë. Të jetë një mësim i mirë për të ardhmen. Unë si i vdekur. Muskujt e krahëve më dhembin por më e keqja është djegia e fytit nga gazi. Më bënë një injeksion dhe më thanë se do bëhem më mirë. Shpresojmë të premten (28 janar 2011 shën.red) të mos ndodhë ndonjë gjë!

GSH

[BlueBaron]

Ca do te thote GSH me kete ??? Mesazh i Vrromes apo Bollinos ???

[Brari]

tedi blushi eshte nje gardist i aldo bares e i bandes hsakmarrja.
jo vetem ai por gjith kolektivi i tv njuz 24 e i GSH-se e i SHQIP jane jashtzakonisht te implkuar ne krimet e bandave te selise roze e sidomos ne shperthimin e gerdecit dhe e kte te 21 janarit.

as nuk e lexova cka shkruar vetem se lexova autorin.

.

[mesuesi_1]

...thjesht eshte trakti me antishqiptar qe botohet ne Shqiperi!

[Albo]

as nuk e lexova cka shkruar vetem se lexova autorin.

Mos lexo hyrjen e te birit te Kicos, qe e ka ne gjak qe ta dredhi pak muhabetin, por lexo ditarin e policit, se ka per te te pelqyer.

Albo

[medaur]

Nese eshte e vertete qe vertet eshte ditari i tij dhe jo ndonje loje ,me terhoqi goxha dhe deri diku e kuptova ate njeri se edhe une po te me kishin share me rob shpie , gjujt me gura etj per pese ore rrjesht do ta kisha pallu ne dru po tme binte ne dore ndonjeri, me pelqeu me shume kur tha se me mendje te ftohte i ka ardhur turp qe rrahu ata njerez ,vetem per nje gje qesha me te madhe ,ne fillim ka shkruar qe mos tja publikonin emrin se e hiqnin nga puna pastaj si polic qe eshte ,me poshte thote, se ne kryeministri te tjeret kishin frike te hynin dhe hyri vetem ai me nje tjeter pra DY vete ... . Po ti e tregove vete veten o i zi....

[Albo]

Derën nuk e hapën as policët dhe as gardistët por njerëzit. Deri sa pa u hapur dera nuk kishte asnjë krismë armësh. Nuk ishte urdhër i një personi të vetëm të hapej zjarr por është ligji që e lejon një gjë të tillë. Siç e thanë edhe familjarët e Veizit ai ishte nisur në mengjes nga fshati duke thënë “do e përmbysim qeverinë sot”! Qytetarët e thjeshtë nuk u përzien në mësymje vetëm ky kontigjent (që disa ishin me të vërtetë të droguar sa nuk dinin as emrin e vet) u afruan para hyrjes.

Kjo eshte pjesa me domethenese e ditarit. Ai deshmon se deri pa u hapur dera e kryeministrise, Garda nuk ka qelluar asnje fishek ne ajer. Dhe ai pohon se dera eshte hapur nga protestuesit.

Gjeja tjeter interesante ne ditarin e tij eshte citimi i viktimes te fshatit te Gjirokastres, u nis nga fshati ne mengjer per ne Tirane duke u thene familjareve e bashkefshatareve: "do e permbysim sot qeverine". Dhe keto nuk jane fjalet e tij, jane fjale qe ai i ka degjuar nga goja e njerezve te PS qe u kane trokitur ne dere e hipur neper autobuza. Dhe kjo deshmon qe ajo qe ndodhi ne Tirane ne 21 janar nuk ishte nje demostrate spontane, por e organizuar. Hetuesise nuk do t'i mungojne provat per ta provuar kete.

Dhe e treta, pretendim qe e ka bere edhe kryeministri i vendit, edhe polici thote se nje pjese e mire e protestuesve kane qene te droguar. Kush i drogoi? Nuk besoj se keta droguan veten me vetedije.

Albo

[OPARI]

ajde ditar adje ,sa e shkruan e nxierr drejte dhe ne gazete ditarin polici
lloj-lloj perrallash po degjojme dhe do te degjojme

[Korcar-L1]

dhe polic qe te mbante ditar nuk kisha degjuar ...... kur e mori mundimin dhe hodhi ne leter gjith ngjarjen? Kur shkoi ne shtepi i vdekur nga lodhja e me fytin qe i digjte nga gazi?!

Ne 100 menyra e genjejne kete popull sy nder sy.

[Izadora]

Nuk ka nevoje per ditar :
sa ja vodha njerit ket foto :-D

[Traktoristi]

Dëgjova që megjithëse protestuesit hidhnin gurë nuk ishte e justifikueshme të qëllohej me armë. Policia të premten NUK KISHTE një numër të mjaftueshëm pushkësh me saçme gome. NUK KISHTE një numër i mjaftueshem gazi lotsjellës. Edhe helmetat e mburojat i patë që ishin ngjyra ngjyra se janë të gjitha të dhuruara. As maska kundragaz nuk kishte. Unë kam 3 ditë që më djeg gryka nga gazi. NUK KISHTE asnjë mënyrë tjetër që të mbahej turma. U bë ç’ishte e mundur me mjetet që ishin të disponueshme. Vetë pranimi që të bëhej demostrata kur nuk ishin mjetet e duhura për ta kontrolluar ishte GABIM. Por ja që ndodhi dhe nuk ka për t’u kthyer më mbrapshtë. Të jetë një mësim i mirë për të ardhmen. Unë si i vdekur. Muskujt e krahëve më dhembin por më e keqja është djegia e fytit nga gazi. Më bënë një injeksion dhe më thanë se do bëhem më mirë. Shpresojmë të premten (28 janar 2011 shën.red) të mos ndodhë ndonjë gjë!

Si gjithmone, dikush e quan Komunist dhe Bollano - pa e lexuar fare se cfare thote - dhe dikush e lexon se prapthi.

Cka shkruan Polici, pershkruan shume paster perse njerezit e thjeshte ngrihen kunder qeverisjes se Berishes, SEPSE po vjedh dhe kalb cdo Institucion

"NUK KISHTE një numër të mjaftueshëm pushkësh me saçme gome. NUK KISHTE një numër i mjaftueshem gazi lotsjellës. Edhe helmetat e mburojat i patë që ishin ngjyra ngjyra se janë të gjitha të dhuruara. As maska kundragaz nuk kishte."

Sa pajisje Policore bashkekohore do bliheshin me 700.000Dollare ???


"Vetë pranimi që të bëhej demostrata kur nuk ishin mjetet e duhura për ta kontrolluar ishte GABIM." - E ke gabim Ti o Miku Polic, se duke lejuar Demonstraten, nderkohe qe e di mire qe e ka vjedhur deri ne themele Policine, Salibeu kerkon ti tregoje Botes se ka nje standard te larte demokracie ne Shqiperi, se cfare ndodh me Demonstruesit, Policet a krejt Popullin nuk i dhimbset ansje Politikani.

Rrofte Vjedhja - thirrja me e paster moraliste e Politikaneve Shqiptare dhe zagareve te tyre

[Korcar-L1]

Nuk ka nevoje per ditar :
sa ja vodha njerit ket foto :-D

Per te qare e per te qeshur eshte kjo fotografi!

[kleos]

Pervec faktit qe nuk eshte pjese e nje ditari , gjithcka tjeter e shkruar eshte vertete.

Shkrimi i policit eshte bere ne nje forum ku ai ka qene anetar dhe ka bere nje postim ku ka pershkruar eksperiencen e tij , gazetari i GSH thjesht i ka bere nje copy/paste postimit ca zbukurime dhe e ka publikuar.

[Korcar-L1]

Mesa shikoj nga fotografia, ashtu duhet te kete qene. Me kete poze do tallet nje bote e tere.

[altint71]

Mund te konfirmoj shum situazione te ditarit te policit.
Si vet ai me kete ditar ka treguar nje te mete te madhe ne organizim te ketyre trupave,nje te mete te madhe ne pajisjt e policeve me maskera kundra gazi.
Mua per dy minuta qe po kuriozojsha me dogjen syt prej tymit te zi jo me ata qe kan ndejtur me shum kohe nen kete efekT SI KAN PUNUAR!!!!

nuk eshte absolutisht i sakte kur thote qe vetem kyr u thy dera e Kryeministris kan qelluar ne ajer.
Genjen,ne oren 15.00 un kam tre vidjo qe mund tja konfirmoj isha atje tek ura dhe teshtenat nuk kishin mbarim.
Dera e kryeministris u hap rreth ores 15:25
Un kam pare nje djale qe mori plumbin ne ball ai si duket ska vdekur a eshte ne koma sdi gje ,(ku ishte 8 metra nga dera perball e ne ate moment aty ne ate pozicion nuk kishte nje dore lart per te hedhur gure o...)
1)eshte e papranushme per mua si civil te pranoj qe perse per tre gomer gjuajne me gure tek dera e kryeministris brenda nji meter )dhe ti ruajts rendi qellon horizontalisht e vret i mer jeten te tjere qe ishin aty duke protestuar paqesisht,akoma me e papranushme ku zjarri eshte bere nga njerez te pakualifikuar per ate pune.

Pra ketu eshte operuar gabim,eshte per te ardhur keq per ato djem.

Ky ka konfirmuar paaftesin e ketyre trupave ,ne cdo situacion.mes tirones
Kur ti nis e bej nje pune duhet te kesh te gjith mjete se ndryshe je i detyruar te bish ne kompromis,po ketu kompromisi fundit eshte ti maresh jeten tjetrit.
Policet ishin shum pak ,dhe ne oren 15:30 kur disa element gjuajne me gure duhet ti arrestonin(sic ndodh cdo vend)po jo ti i le situacioni degjenerohet e te bie ne ate stuacion skandaloz.
Ore zoterinj e kuptoni ju qe ketu vdicen tre persona tepafajshem prej ketyre mangesive te medha e nje prokurori ka dhen nje urdher arresti,por kjo su krye se Prengu eshte ish truproja Berishes(e keni te koriere della sera)E Berisha me shok nuk zbatojne nje kushtetun nje ligj shtetnor.Pra del siper prokuroris.

Eshte e rende ku ditar per familjaret e viktimave,eshte e papranushme sic eshte nje ditar i cmuar per nje prokurori per te perforcuar ate urdher arresti te leshuar prej zonjes Ina Rama.

Fokusohuni tek keta tre persona jepini rendesi jetes se tre personave.