Daut Demaku

[Dar_di]

Daut Demaku - Beso se ke shëndet të mirë, beso se je i lirë, i pasur, i lumtur dhe besimi yt do të shndërrohet në farë të njëmendtë që mbillet në nëndërdije. Pse të dyshosh, kur katërçipërisht është vërtetuar se: TË GJITHA ligjet e natyrës punojnë për të mirën e njeriut. Humbolti i pavdekshëm ka thënë: Do të vijë dita kur sëmundja do të jetë marrëzi..., sepse të gjitha sëmundjet bazën e kanë në mendimet negative.

[Dar_di]

Daut Demaku - Vendlindja është e vetmja PIKË ku bëhet zbrazja e sedimentit të energjisë negative. Vendi i lindjes është PIKË shëruese e shqetësimeve. Ligjet e universit nuk e njohin rastin. Aty ku ke lindur e ke edhe një detyrë: ta bësh atë vend për çdo ditë më të mirë e më të përparuar. Kush do ta ndryshojë vendlindjen tënde, nëse nuk e ndryshon TI?

[Dar_di]

Daut Demaku - Gjysmat e shkatërrojnë tërësinë. Gjysmë mjeku të rrënon shëndetin, gjysmë kleriku ta çrregullon besimin, gjysmë mësuesi ta ngatërron rrugën dhe, o njerëz, a nuk kanë thënë librat e vjetër, laramanin s'e do as Zoti. Kur je i tërë, krejtësisht i mirë, je drita vetë, je i tërë, je mrekullia; kur je i tërë, krejtësisht i keq, je nata vetë, por, pasi je i tërë, je mrekullia vetë.

[Dar_di]

Daut Demaku - A ka kuptim të ecësh zhagas nëpër jetë, të jesh një prej gjithë atyre që e përbëjnë kopenë, apo të zbulosh fuqinë tënde të panjohur dhe të bëhesh me i rëndësishmi, më i dalluari, më i suksesshmi? Nuk ke ardhë në jetë të bëhesh kopje e askujt, sepse nuk ka nevojë të jenë dy njerëz të njëjtë në jetë, por ke ardhë që të plotësosh detyra krejtësisht të veçanta dhe të arrish majat e suksesit.

[Dar_di]

Daut Demaku - Duhet të mësoni si të zgjidhni mendimet tuaja - në të njëjtën mënyrë që ju zgjidhni rrobat tuaja çdo ditë. Kjo është fuqia që ju mund të kultivoni e ta mesoni. Nëse doni të kontrolloni gjërat në jetën tuaj, punoni në kontrollin e mendjes. Kjo është e vetmja gjë që duhet kontrolluar. Ju jeni ajo çfarë mendoni. Emocionet tuaja janë skllevër të mendimeve tuaja, dhe ju jeni skllav i emocioneve tuaja.

[Dar_di]

Daut Demaku - Ka shumë gjëra që ju nuk mund t’i kontrolloni. Por, ka shumë të tilla që varen krejtësisht prej teje. Ti mund të vendosësh se si e kalon kohën, me kë bisedon, me kë e ndanë jetën, paratë dhe energjinë. Ti mund të zgjedhësh se si i sheh rrethanat e pakëndshme në jetë – si mundësi apo si mallkim. Mund të zgjedhësh fjalët dhe tonin e zërit tënd kur flet me të tjerët. Mbi të gjitha TI MUND TË ZGJEDHËSH MENDIMET E TUA.

[Dar_di]

Daut Demaku - Trupin e njeriut, makinën më të përsosur në botë, mendjen e njeriut, kompjuterin më të fuqishëm në botë; shpirtin e njeriut, potencialin e energjisë së pastër në botë - nuk e ka bërë ndonjë farkëtar i varfër, por e ka krijuar mençuria universale: Zoti. Nuk ka “nuk mundem”. Bini me shqelma, fjalës “nuk”, le të mbetet fjala “mundem”, sepse: për të gjallin kurrë nuk mbyllen të gjitha dyert e jetës!

Daut Demaku - Pavarësisht se çfarë fëmijërie kemi pasur, a ka qenë ajo më e mira apo më e shëmtuara, ne, dhe vetëm NE, jemi përgjegjës për jetën tonë. Mund ta tretim kohën duke akuzuar prindërit për diçka që na ka ndodhur në fëmijëri, por me këtë vetëm sa e robërojmë veten edhe më fort në rolin e viktimës. Mënyra në të cilën mendojmë SOT e përcakton ardhmëninë tonë.

Daut Demaku - A ka kuptim të ecësh zhagas nëpër jetë, të jesh një prej gjithë atyre që e përbëjnë kopenë, apo të zbulosh fuqinë tënde të panjohur dhe të bëhesh më i dalluari, më i suksesshmi? Nuk ke ardhë në jetë të bëhesh kopje e askujt, sepse nuk ka nevojë bota per dy njerëz të njëjtë në jetë, por ke ardhë që të plotësosh detyra krejtësisht të veçanta dhe të arrish majat e suksesit, pra të bëhesh bjeshkë krenare.

[Dar_di]

Daut Demaku - Njeriu jetën e ka dhuratë. Askush në botë asgjë nuk ka bërë që ta lindë e ta krijojë jetën e vet. Secili njeri në këtë planet jetën e ka dhuratë, falas nga MËSHIRA hyjnore. E tash, kur merr diçka falas nga dikush, a e ke për detyrë, për kulturë, për mirësjellje, t'i thuash dhuruesit tënd: TË FALEMNDERIT? Të FALEMNDERIT për dritën e syrit, për mendjen, për fëmijën, për bukën, për ujin, për ajrin që marrin frymë.

Daut Demaku - Mund të bëhesh edhe perandor, edhe mbret. Por është vështirë të bëhesh njeri. E të bëhesh njeri nuk do të thotë vetëm të bësh punë të mira. Por, në brendinë tënde të jesh njeri. Kur në brendinë je njeri, atëherë s'ka mundësi që ndonjë veprim yti të jetë në kundërshtim me brendinë sepse: shtëpia nuk e ndërton njeriun, piktura nuk e pikturon piktorin, libri nuk e shkruan shkrimtarin, makina nuk e ndërton mjeshtrin.

Daut Demaku - Mos i vlerëso njerëzit, sepse ti je kompetent vetëm për jetën tënde. Ti nuk je Zot. Askujt nuk ia ke dhënë jetën tënde dhe nuk ke të drejtë të fusësh hundët në jetën e huaj.Mos i akuzo njerëzit. Ai që akuzon, një ditë do të jetë i akuzuar. Kur ti e shikon një kohë të gjatë fundin e pusit të thellë, edhe fundi i pusit të thellë të shikon ty!

[Dar_di]

Daut Demaku - Hap i rëndësishëm drejt dashurisë është të ndash pozitiven, të ndash jetën tënde, të ndash gjithçka që ke. Çfarëdo bukurie që të jetë me ju, kurrë mos e grumbulloni. Urtësia e juaj – ndajeni; lutja e juaj – ndajeni; dashuria e juaj, lumturia e juaj, entuziazmi i juaj – ndajini. Po, nëse nuk mund të gjeni njerëz, asnjë njeri të gjallë – ndani me qentë, por ama ndajeni. Ndajeni këtë me shkëmbinjtë, por ama ndajeni. Kur keni kryevepra – përhapni – mos u shqetësoni për faktin se çfarë ka këtu – derra, njerëz apo lule, thjesht – përhapini. Kjo është bukuria e shpirtit të njeriut.