Projekti i sheshit "Skënderbej"

[PINK]

ne fakt po ta shofesh,

shif si ecin makinat ne qefin e tyre. Ku eshte rruga aty se nuk merret vesht , ku jane vijat e bardha? Ku ecin njerzit aty, psh me dash me kalu te cepi tjeter si i behet te kalosh ? Lol


lets hope qe do bejne ndonje gje te hajrit.

[VOLSIV]

>>> Me duket se projekti i vjeter eshte me i bukur. Ku i riu eshte pa forme dhe nuk te kenaq syrin kur e sheh nga lart. Por ishalla po e mbarojne shpejt se na u thy makina ne dysh tu kalu aty.

[-BATO-]

Këtë hapësirë që kishte Tirana e vitit 1988, nuk ka për ta patur më. Këta 20 vjet Tirana u shkatërrua, po edhe projekti francez nuk është se do të rregullojë ndonjë gjë. Tirana do të jetë një xhungël betoni, me ndërtesa të ngjitura dhe pa hapësirë.

[Duaje Siveten]

perseri do te bejme sherr,
popullin perhere e kemi berr,
si ateher me zogun e zi,
kete radhe e merr asfalti,
ca muaj keshtu e shtyjme,
ne vere te semes do te hyjme.

ne vend te levizjes se lire,
kemi pusht-etare kellire,
"armiqesia" bashki-qeverri,
harxhet i paguan populli ...

[DYDRINAS]

Tirana qendër, aty ku visarët e historisë nëpërkëmben

» Vendosur: 02/04/2010 - 08:00

• Prof.Asc.Sazan GURI

Si askund tjetër në Evropë, Tirana në përgjithësi dhe qendra e saj në veçanti po kërcënohen nga dy projekte, të ashtuquajtur ambiciozë, nga ai francez dhe nga ai belg. Por ama, kurrkush prej tyre nuk ka guxuar ta fusë këtë risi nëpër qytetet evropiane, aq më pak nëpër metropolet e saj, sikundër na pëlqen edhe ne të quajmë Tiranën. Por ja, që këto studio, nën emrin e shteteve nga vijnë, Francë apo Belgjikë, arrijnë lehtësisht të triumfojnë në planifikimin urban alla amerikançe të Tiranës, por pa pasur më parë një planifikim alla evropiançe apo më keq akoma, alla shqiptarçe të saj. Ende sot, Tirana nuk ka planifikim urban të saj, që do të thoshte një përqasje idesh nga grupet e interesit, si të arkitektëve, urbanistëve, sociale, historianësh, etnografësh, mjedisorësh, dhe mandej të kërkohej, pse jo dhe një ballafaqim me ato të huaja. Kjo kurrë s‘u bë dhe ç‘ndodhi? Përplasje e interesave të biznesit me ato sociale dhe me ato të mjedisit, që do të thotë projekte të paqëndrueshëm.
Të dy projektet në fjalë e simbolizojnë qendrën e Tiranës të tipit “down town” si në New York apo Toronto. Hajde gjeje lidhjen e Tiranës, Durrësit mijë vjeçar me qytet shtetet tej Atlantikut, qytete thjesht me histori, maksimumi 150-vjeçare, kur nga ana tjetër themi se do shkojmë drejt Evropës. Të dy projektet në fjalë i japin qendrës së Tiranës një pamje rrokaqiellash piramidale, që nuk ngjan me asnjë nga modelet urbane të Tiranës, me përjashtim të asaj që mbeti si emblemë e diktatorit, sikur duan me zor t`i sjellin në mendje këtij populli kultin e njëshave, kultin e beut apo të bajraktarit. Në zemër të këtyre piramidave, përsëri është menduar që qendra e tyre, sheshi i sotëm me natyrë të sheshtë, që simbolizon hapësirë të çlirët demokratike, shndërrohet në shesh piramidal me lartësi dy metra, lehtësisht e dallueshme, me pesë brinjë apo cepe, ku gjen e simbolizohet njëshi me yll, dhe duke qenë e rrethuar me një treçerek hark ngrehinash grataciela, në tërësi formojnë një simbol krejt tjetër të historisë së vendit, atë të një vendi tipikisht mysliman – gjysmë hënë me një yll.
Ndërkohë që qyteti i Tiranës, sikundër shumë qytete të tjera shqiptare, (Berati, Durrësi, Shkodra, Lezha) simbolizojnë qytete me histori dhe me tërtipe evropiane, mbasi në qendër të tyre janë ngritur objekte shpirtërore si kishë, teqe apo xhami, objekte kulti si sahat (ju kujtojmë se sahati në Tiranë është rreth 50 vjet më i vjetër se sahati Big Ben në Londër), objekte biznesi si Banka, objekte infrastrukturore si Bulevardi i madh, ku të gjitha rrugët e qytetit të çojnë në të, objekte kulture si pallati i madh, objekt memorial si Muzeu Kombëtar, objekte edukative si UFO University, deri në objektin mikpritës si hotel “Tirana Internacional”. A gjeni dot ndryshim me qendrat në Milano, Vienë, e kudo? Ky ansambël emblemash, mjafton dhe plotëson një qendër, duke i dhënë asaj kuptimin historik të një kombi, vlerën traditë të një qyteti, pasurinë shpirtërore të një grupi. Por, s`ishte e thënë që këto të ruheshin. Më parë, këtë qendër e zhveshën nga baza ligjore, që e mbronte apo që e kujdesonte, pastaj e shigjetuan me projekte të huaja, sepse askush prej studiove shqiptare nuk do të guxonte të shkelte mbi këto vlera, që te gjithë secili rrojnë të fshehura thellë ashtu në brendësi.
O qytetar, megjithëse jo arkitekt, e imagjinon dot që një hapësirë 200 me 200m (40,000m2) të mbajë veç atyre që ka sot, edhe 10 pallate të tjerë me 25 kate. Një pallat i tillë me sipërfaqe ndërtimi 1000m2, herë 25 kate, nda me intensitetin e ndërtimit, le të themi më optimalen 2.5 të rezulton se çdo godinë e tillë të kërkon një sipërfaqe urbane prej të paktën 10,000m2. Pyetja është fare e thjeshtë? Ku është hapësira publike e çdo pallati, po ajo e qytetarëve, si shesh qendër kombëtare, po ajo e gjelbër?
O qytetar, megjithëse jo urbanist, e përfytyron dot që bina betoni të kapërcejnë vlerat shekullore të një kombi. Pyetja është fare e thjeshtë? A gjen dot të tillë shembull në një nga qendrat e qyteteve të tjera evropiane, pjesë e së cilës ne kemi qenë e jemi, ku kubeja e kishës apo ajo e teqes dhe e xhamisë të kalohen nga vlerat e sotme të biznesit.
O qytetar, megjithëse jo ambientalist, a e mendon dot që me 12-13 katëshet e hapërdara në Tiranë dhe me këto 30-katëshe të mbledhura në qendër, njeriut tiranas i hiqet njëherë e gjithmonë gjeneza e tij me natyrën, ku kongresistët e Lushnjes e zgjodhën Tiranën, veç të tjerave, për lidhjen që ajo ka me peizazhin e Dajtit. Pyetja është fare e thjeshtë? A gjen dot qytet në Evropë, ku qytetari i vet mos të kundruall peizazhin e një mali simbol, si Lubiana – Alpet, Vienna – malet përballë me borë, Athina – Likiviton, etj., kur dihet që njeriu ka një gjëndër që prodhon një lëng të tipit endomorfinë, që lind kur njeriu vështron, prek, shijon një peizazh si mal, shkëmb, gjeo apo biomonument natyror, rezervat, dhe në kësi rastesh ajo i fal atij hormonin e haresë, të shpresës për jetën, atë antidepresiv. Epo kjo or i dashur qytetar do të mungojë. Gëzoju projekteve pa hanxhi, se fëmijë me hormone agresiv ke për të rritur, aq sa qarkullon një shprehje në psikoanalizat amerikane e angleze, se më thuaj në çfarë ambienti je rritur të të them se si do të bëhesh nesër.
O qytetar, megjithëse jo klimalog, a e kupton se këtej e tutje, qytetit tënd i ndërpritet ventilimi natyror, ku më parë, ajri si një brizë detare e freskët që vinte nga Paskuqani përshkonte shëtitoren e madhe, ngrohesh në jetën urbane, përplasesh në pyllin dhe liqenin artificial dhe kthehesh i freskët prapsh për të ajrosur si një kondicioner i madh qytetin. Pyetja është fare e thjeshtë? Po sot? Jo më kot, në 10 qytetarë tiranas, 9 prej tyre vuajnë nga sindroma reumatizmale, për shkak se lagështia fle në qytet, nuk qarkullon, duke nxitur kështu virusin reumatizmal bredhës nëpër trup.
O qytetar, megjithëse jo inxhinier, a ke parë që një shëtitore simbol për çdo kryeqytet të Evropës si shën Elise, Bundesshtagu në Berlin, shëtitorja e Nevës në San Peterburg, ato me emër në Pragë, Bukuresht e kudo, sikundër dhe kjo që kemi në Tiranë, të të copëtohen me ndërtesë shumëkatëshe, pikërisht aty në krye të Bulevardit Zogu i parë, (midis 15-katëshit dhe Muzeut Kombëtar), që ndryshe do quhet pallati i dasmave. Pse, për të thyer emrin mbret, për të shëmtuar vlerën kapitale të një bulevardi të vetëm që ka ky komb, kaq të gjatë, kaq të drejt, kaq të gjerë, me emër mbreti, si për të humbur njëherë e mirë lidhjet e popullit me dëshmorët e vet.
Por, gabimet apo krimet me jetën urbane të Tiranës nuk mbarojnë këtu?! Dihet se Tirana është planifikuar sipas një zhvillimi urban të tipit vjenez. Italianët, veç e zbatuan këtë model, ku gjerësia e rrugëve brenda qytetit për atë kohë nuk të lejonte të ngrije pallate me më shumë se 4-5 kate. Ndaj dhe u ndërtua e tillë, madje deri në vitet ‘90. Po sot? Ku u gjet justifikimi, që me të njëjtën gjerësi rrugore të trashëguar u ngritën gangrena betoni prej 12-13 katesh? Si mundet të ngresh ngrehina 12 deri në 25 kate, si ai te Telekomi apo kudo në Tiranë, me largësi zero nga trotuaret dy metrosh të rrugëve pa gjerësi.
Por, krimet me jetën urbane të Tiranës nuk mbarojnë këtu?! Dihet se Tirana është planifikuar që të zhvillohej drejt dhe tej stacionit të trenit, drejt Paskuqanit, që ndryshe nga dendësimi i pashembullt, ajo për shkak të një presioni të ri urban duhej të ndërtohej sipas një modeli Beogradi i ri, Praga e re, Viena në anë tjetër të Danubit, Parisi tej e jashtë unazës së vet dhe jo sipas parimit të dendësisë, çdo truall toke – një ngrehinë, çdo hapësirë publike një kompleks ndërtimi. Por, zgjerimi drejt një Tirane të re, sikundër dhe unaza, nuk janë bërë dhe nuk do të bëhen deri sa ti o qytetar të kuptosh, që të tjerë fitojnë dhe të tjerë si ty humbasin, sepse një Tiranë e hapur do të shfrynte një çmim shumëfish të mbledhur. Po tani e kuptove?!

panorama

[Brari]

mir ka folur sazan Guri..

---


ja dhe ky eksperti tjeter cfar thote
-


Aliaj: Plani belg në shërbim të interesave personale


Besnik Aliaj, njëri nga ekspertët e njohur të urbanistikës në vend, u shpreh gjatë një prononcimi për mediat, se ajo që po ndodh në Sheshin "Skënderbej" është një dështim i madh i administratorëve të qytetit. Eksperti urbanistikës Aliaj, thekson se është e pa pranueshme që një plan rregullues për një qendrën e Tiranës të bëhej në një kohë kaq të gjatë. Aliaj është i mendimit se prerja e bulevardit nga ndërtimi i një kulle nuk do të sillte frymëmarrje për qendrën, por do të mbyllte më shumë atë. Eksperti për çështjet urbanistike shprehet se projekti për qendrën e Tiranës duhet të ishte më funksional. Aliaj thekson se, pas këtij plani mund të fshihen interesa të individëve të ndryshëm. "Mendoj që, është një debat i vonuar. Dikush mund të thotë që nuk është asnjëherë vonë, që mund të ndërhyet, por është një debat shumë i vonuar, aq më tepër në gjithë morinë e këtyre tensioneve. Është e vështirë të kuptosh se, ku qëndron e vërteta. Është e vështirë të kuptosh se kush janë faktorët realisht të interesuar për qytetin dhe kush janë faktorë të tjerë, të cilët kanë interesa, ndoshta edhe konflikte mbi këtë debat në raport me interesin publik. Do të thoja se, ata që bërtasin më shumë ndoshta janë pikërisht ata që kanë interesa në këtë lloj loje që mendoj unë se po luhet në kurrizin e qytetit", u shpreh Aliaj.


Plani belg është antiligjor, pasi nuk ka marrë miratimin e asnjë institucioni

Plani për rregullimin e Sheshit "Skënderbej" nuk ka kaluar asnjë nga hallkat që ligji parashikon për miratimin e rikonstruksionit të një sheshi. Sipas procedurave ligjore, plani belg që të bëhej i ligjshëm duhej që të ndiqte disa faza. Faza e parë ishte kalimi dhe miratimi në KRRT i studimit të këtij plani, i cili është i mangët dhe i mungojnë firmat e anëtarëve të KRRT-së. Faza e dytë është kalimi sërish i këtij plani për të marrë lejen e sheshit të ndërtimit. Edhe kjo fazë ka procedurën e vet, e cila i nënshtrohet miratimit nga anëtarët e KRRT-së. Rama deri më tani nuk ka ndërmarrë asnjë hap për të kërkuar miratimin e sheshit të ndërtimit për planin belg të qendrës së Tiranës. Faza e tretë është ajo e nxjerrjes së lejes së ndërtimit. Edhe në këtë fazë, kërkohet firma e anëtarëve të KRRT-së, por që Rama nuk ka dënjuar që ta kalojë për miratim në Këshillin e Rregullimit të Territorit. Duke mos pasur asnjë nga këta elementë, fillimi i punimeve në Sheshin "Skënderbej" është tërësisht i paligjshëm. Paligjshmëria tjetër që përbën një skandal më vete është injorimi që kreu i Bashkisë kërkon t'i bëjë Këshillit të Rregullimit të Territorit të Republikës. Rama e ka kaluar planin francez në mbledhjen e këtij institucioni, ndërsa pretendon se edhe qendra është pjesë e këtij plani. Në të vërtetë, plani francez nga ai belg kanë ndryshime të mëdha. Nëse është miratuar në tërësi plani francez, plani belg është krejt i ndryshëm dhe ka kulla krejt të tjera nga ato të planit francez. Këto natyrisht që kërkojnë vendimmarrjen e KRRTRSH-së. Rama është munduar që ta anashkalojë edhe këtë pikë, duke shkelur haptas ligjin. E njëjta gjë ka ndodhur edhe me Këshillin Bashkiak. Ky institucion ka miratuar fondin e dhënë për rikonstruksionin e Sheshit "Skënderbej" dhe ka miratuar planin francez, por nuk është paraqitur për asnjë moment për diskutim plani belg. Ndërsa, Këshilli Bashkiak mund të konsiderohet si një hallkë e kalueshme në procedurën e sheshit, një gjë e tillë nuk mund të ekzistojë për KRRT-në e Tiranës dhe KRRTRSH-në. Shkelja e të gjitha proceduarave për nisjen e rikonstruksionit të planit për qendrën e Tiranës është një sfidë e hapur që Rama kërkon t'i bëjë ligjit dhe institucioneve.

Elis KUÇI

rd

[juanito02]

Nje gabim te madh ka ky gjatoshi Rama.
Gjithe keta kundershtare te pd qe ka i trajton si qytetare kur ne fakt jane barbare, injornate dhe destruktive.
Dhe gjuha per tu marre vesh me barbaret eshte vetem forca. Vetem huri i sjell ne vete keta monstra destruktive.
Bene tunelin e Thirres ju shemb e iken parate, bene rrugen Durres Kukes u ca e u be cope cope pa kaluar viti iken prape parate.
Bene petroliferen ne Vlore asnje dite ska punuar se eshte antiekonomike, iken prap parate.
Prishen mbikalimin te zogu zi ku hodhen ne ere 2 milion euro dhe harxhuan per ta ribere 17 milion euro iken 10 fish parate.
Vazhdo o gjatosh i bashkise tiranes ti quash njerez keta se si cifuti ne shkretetire do bredhesh e pushtet ske per te marre kurre

[landi45]

shume bukur qenka

[Edvin83]

Nje gabim te madh ka ky gjatoshi Rama.
Gjithe keta kundershtare te pd qe ka i trajton si qytetare kur ne fakt jane barbare, injornate dhe destruktive.
Dhe gjuha per tu marre vesh me barbaret eshte vetem forca. Vetem huri i sjell ne vete keta monstra destruktive.
Bene tunelin e Thirres ju shemb e iken parate, bene rrugen Durres Kukes u ca e u be cope cope pa kaluar viti iken prape parate.
Bene petroliferen ne Vlore asnje dite ska punuar se eshte antiekonomike, iken prap parate.
Prishen mbikalimin te zogu zi ku hodhen ne ere 2 milion euro dhe harxhuan per ta ribere 17 milion euro iken 10 fish parate.
Vazhdo o gjatosh i bashkise tiranes ti quash njerez keta se si cifuti ne shkretetire do bredhesh e pushtet ske per te marre kurre

Me e forta ishte kur PD hidhet dje ne sulm ndaj bashkise, sepse kjo e fundit do te rehabilitoje brigjet e Lanes, pas ures se rruges se Kavajes, ku Lana eshte e mbushur me baraka e plehra. E pate mbrojtjen absurde qe i benin barakave e mureve pa leje ne Lane? Keta sikur nuk duan rindertim por duan ta lene Tiranen si hale!

[ulne]

Ramésesi po planifikon te ngreje piramiden ne mes te shqiperise, me kete gje gangrenizimi i tiranes perfundon. Nuk e imagjionoj si mund te jetoj robi ne ato skuta 150 mije euroshe ne katin e 17, pa kalim, pa parkim, pa privaci sepse te shikon tjetri ne pallatin perballe . Kioskat u hoqen brenda ores ata qe i kishin e dinin qe do hiqeshin dhe prandaj nuk ben ze, por si tja besh ketyre lloj bunkerave shumekaçe beton arme qe i kan zen frymen Tiranes. Finalizimi i kesaj masakre eshte venja dore e te vetmes hapesire qe ka Tirana, qe mburret Shqiperia, sheshi Skenderbej. Ate pasuri qe na ka ngele duan te na e marrin mafiozat me pallatet qe do ngrene.

[Besoja]

Në një forum ku i kërkohet liderit më të mëdh që ka parë bota që të zërë me dajak kundërshtarët politikë,duhet ikur me vrap.Ka rënë shumë niveli i debateve në këtë forum.

[veris]

Fillozofia e ndertimeve madheshtore ne qender te kryeqytetetve jo vetem qe deshtoi si fillozofi e fillimit te shekullit te kaluar ne shumicen e kryeqendrave ne amerike , por dhe Manhattan ne New York megjithese eshte i bukur dhe madheshtor eshte mbytes per te jetuar.
Kush nga ju ka pasur fatin dhe te vizitoje Parisin e di cfar do te thote hapesire ne nje qytet te madh, e njeh dhe ka shijuar bukurine e shesheve madheshtore qe nga Place della Concord etj. te shen Elizeja, nga shetitoret buze Senes e ku ta di une.
E pra miq te dashur sot fatmiresisht ne kemi nje hapesire te tille ne qender te kryeqytetit tone te dashur , qe fatekeqesisht eshte lene ne nje gjendje te mjerueshme dhe kjo sipas meje qellimisht per te justifikuar "regullimin" shkaterimin apo betonifikimin e saj.
E pra kultura qindra vjecare dhe ekperienca urbanistike boterore lejonte qe Ky shesh jo vetem te ruante pekuliaritetin e tij por dhe te permiresohej , po jo ne jemi shqiptare ne udhehiqemi nga interesat te vogla te momentit , fatekeqesi jone dhe epolitikaneve tane eshte se jo qe nuk mendojme per te nesermen dhe per brezat qe do te vijne por nuk na intereson asnjcike qe historia te na kujtoje per mire.
Egzekutimi i Sheshit nuk eshte dicka e pa pritur ne politiken e urbanizimit te Tiranes nen Ramen, te vjen per te qere kur shikoj nga dritarja e pallatit hapesiren e ish lagjes se kuqe nga punishtja e pastave te pesmbedhjetekateshi, apo kur shikoj rrugen e Dibres tashme te mbytur nga ato godina 20 kateshe si perbindesha ne horizont.
E pra miq sot ne po jetojme momentet e fundit te nje sheshi qe ka shkrojtur historine e Tiranes gjate ketij 100 vjecari.
O moj Shqypni e njera Shqypni.

[DYDRINAS]

Në një forum ku i kërkohet liderit më të mëdh që ka parë bota që të zërë me dajak kundërshtarët politikë,duhet ikur me vrap.Ka rënë shumë niveli i debateve në këtë forum.

Beso me te drejte shtron kete shqetesim!

Pse cuditesh? Nuk besoj se deri tash nuk ke njohur tipa te tille si ai qe ka shkruar me lart per "kulturen" e sopates se Edit!

Eshte dhe njeri qe ka studjuar ligjet dhe po ashtu qe ka zbatuar ligjet, por se cilat ligje vetem ai e di!

Injoroje dhe ec perpara!

[DYDRINAS]

Fillozofia e ndertimeve madheshtore ne qender te kryeqytetetve jo vetem qe deshtoi si fillozofi e fillimit te shekullit te kaluar ne shumicen e kryeqendrave ne amerike , por dhe Manhattan ne New York megjithese eshte i bukur dhe madheshtor eshte mbytes per te jetuar.
Kush nga ju ka pasur fatin dhe te vizitoje Parisin e di cfar do te thote hapesire ne nje qytet te madh, e njeh dhe ka shijuar bukurine e shesheve madheshtore qe nga Place della Concord etj. te shen Elizeja, nga shetitoret buze Senes e ku ta di une.
E pra miq te dashur sot fatmiresisht ne kemi nje hapesire te tille ne qender te kryeqytetit tone te dashur , qe fatekeqesisht eshte lene ne nje gjendje te mjerueshme dhe kjo sipas meje qellimisht per te justifikuar "regullimin" shkaterimin apo betonifikimin e saj.
E pra kultura qindra vjecare dhe ekperienca urbanistike boterore lejonte qe Ky shesh jo vetem te ruante pekuliaritetin e tij por dhe te permiresohej , po jo ne jemi shqiptare ne udhehiqemi nga interesat te vogla te momentit , fatekeqesi jone dhe epolitikaneve tane eshte se jo qe nuk mendojme per te nesermen dhe per brezat qe do te vijne por nuk na intereson asnjcike qe historia te na kujtoje per mire.
Egzekutimi i Sheshit nuk eshte dicka e pa pritur ne politiken e urbanizimit te Tiranes nen Ramen, te vjen per te qere kur shikoj nga dritarja e pallatit hapesiren e ish lagjes se kuqe nga punishtja e pastave te pesmbedhjetekateshi, apo kur shikoj rrugen e Dibres tashme te mbytur nga ato godina 20 kateshe si perbindesha ne horizont.
E pra miq sot ne po jetojme momentet e fundit te nje sheshi qe ka shkrojtur historine e Tiranes gjate ketij 100 vjecari.
O moj Shqypni e njera Shqypni.

Tirana me e bukur ka qene ajo pjese e banuar nga ata qytetare dhe tregetare, qe i ndertuan shtepite ne kohen e Mbreterise deri ne vitin 1940, se pastaj erdhi koha e kajokarafilave dhe e opingave te tipave te partizanit Meke!

Shkaterrimi filloi qe me hyrjen ne fuqi te atyre te draper-cekanit, qe e kthyen Tiranen ne qytet pa identitet, ne nje qytet ku nje pjese u ndertua me planet sovjetike, nje pjese me projekte kineze e teprica me plane te denja per boten e trete.

Eshte per te ardhur keq se si opinioni qytetar tiranas ka arritur te mbese ende dhe ne ditet e sotme peng i atyre qe e shperfytyruan per 50 vite, qe ja moren token, dyqanet, bacet, pemet dhe i dhane pluhur, zhurma dhe kaos.

Eshte per te ardhur keq se si specialistet shqiptare me te mire te urbanistikes pajtohen me te keqen qe prodhon politika dhe nuk guxuan e as guxojne te hapin gojen, sepse ata u tremben nga krimet e mafies se ndertimit, qe nuk kurseu askend per tu hapur rrugen realizimit te projekteve, permes larjes se parave te ndyra e te fituara me trafik droge, trafik armesh, trafik njerezish dhe me kusari politike.

[juanito02]

Me e forta ishte kur PD hidhet dje ne sulm ndaj bashkise, sepse kjo e fundit do te rehabilitoje brigjet e Lanes, pas ures se rruges se Kavajes, ku Lana eshte e mbushur me baraka e plehra. E pate mbrojtjen absurde qe i benin barakave e mureve pa leje ne Lane? Keta sikur nuk duan rindertim por duan ta lene Tiranen si hale!

Barbaret jan pra.
Barbaret ca kan bere ne bote? Shakarrun Romen, shakatarrun Arabin gjithe boten.
Barbaret tane po shketerrojn Shqiprine dhe kur del nje njeri qe do te ndertoje i hidhen ne fyt sic bejn pdistet barbare.
Demokraci me barbare ska pase ne asnje vend ska pse te kete tek ne.
Le te hidhen si te duan barbaret kush shohin ksoj lloj shkrime po seshte faji im qe jane barbare.

[veris]

Kjo e vertete e hidhur te ben te vesh kujen kur shikon trasformimi e 10 vjeteve te fundit te Tiranes o Dydrinasi. Keto 10 vjet abuzime do ti paguajne shtrenjte brezat e ardheshem.

[soni12]

kam vajzen 3 vjec e gjys,nganjeher i ven kubat e veta kur luan,me ne regullsi se projekti i sheshit.A po nuk varet nga ajo?E gjeta!Ky eshte kombinacioni i ndertimeve qe con me shume lek ne llogarin bankare te Ed Rames,pse jo mbase dhe ne ate te sales....

[Jack Watson]

Si ka ndryshuar në 75 vjet qendra e kryeqytetit

Historia e krijimit të kompleksit historik "Skënderbej"

Historiku i emërtimeve administrative në Tiranë, fillon me emërtimin e një sheshi të thjeshtë para Xhamisë së vjetër me emrin sheshi " Skënderbej ". Deri në vitin 1912, Tirana kishte të emërtuara vetëm disa lagje të vogla kryesisht me mbiemrat e fiseve që banonin në to. Pas vitit 1912, pleqësia e burrave të Tiranës ka vendosur dy emërtime mjaft domethënëse për historinë e vendit tonë që sapo kish dalë nga sundimi otoman si sheshi "Skënderbej " që sapo përmendem dhe rrugën që njihej me emrin rruga e "Sahatit " të cilën e pagëzuan pas pavarësisë me emrin rruga " 28 nëntori ". Zhvillimi urban i qytetit modern fillon më 1920 mbi bazën e spostimit dhe zmadhimit periodik të qendrës modeste " Skënderbej " për të mbërritur në pozicionin dhe madhësinë e qendrës kryesore të kryeqytetit dhe vendit. Pas vitit 1920, për të përmbushur funksionet e kryeqytetit provizor të vendit tonë ndërmerren në Tiranë një varg punimesh modeste por të rëndësishme për kohën si zgjerim dhe sistemim rrugësh dhe sheshesh etj. Në këtë vazhdë është edhe shpërngulja në vitin 1922 e dhjetëra varrezave që rrethonin objektet e kultit të Tiranës dhe sistemimi i tyre në një mjedis të vetëm jashtë qendrave të banimit dhe me një ndarje simbolike të myslimanëve dhe kristianëve.Kjo shpërngulje mundësoi krijimin e mjaftë hapësirave që gradualisht u kthyen në hapësira të lira publike dhe që krijonin mundësi punimesh për infrastrukturën e një qyteti në fillimet e formimit të tij. Kthimi i Tiranës më 1925 -ën në Kryeqytet të përhershëm, i dha hov shumë punimeve urbane shtetërore dhe private. Edhe sheshi i vogël "Skënderbej" spostohet dhe konfigurohet gradualisht nëpërmjet projektesh të ndryshme siç janë ato austriake të 1914 dhe 1918, plani rregullues i ing.Eshref Frashërit më 1923, për të mbërritur në planin rregullues të 1929 të projektuar nga arkitekti italian Françesko Brasini si dhe kompleksi i madh urban i përbërë nga Bulevardi Zogu i I-rë, kompleksi i Ministrive , nga sheshi dhe lulishtja me autor italianin Florestano De Fausti ( sot zona historike e Tiranës ). Nga kontakte të vazhdueshme evidentoj shpesh një mendim të gabuar mbi simbolikën e objekteve të sheshit " Skënderbej " duke e cilësuar atë si arkitekturë fashiste, por vetëm me një njohuri të thjeshtë dhe lidhjen ndërmjet tyre të elementeve të dekorit të përdorur në fasadat e stilit të rilindjes evropiane në këtë kompleks, ka bërë që i gjithë Kompleksi " Skënderbej" të jetë edhe një pavijon i hapur i historisë shqiptare. Nga ndryshimet në vite kompleksi fillestar është cenuar duke i hequr ( shembur ) disa objekte ku më kryesoret përmendim godinën e vjetër të Bashkisë dhe shatërvanin e sheshit. Kompleksi “Skënderbej” që mbush këtë vit 75 vjet nga viti i ndërtimi,t ka sot në përbërje disa objekte si godinat 75-së vjeçare të qeverisë dhe Bashkisë të kthyera në identitet nga një projekt i madh në vazhdim, sheshin “Skënderbej” të plotësuar në vitin 1969 edhe me monumentin luftarak të Skënderbeut, si dhe lulishten e sheshit që në vitin e 75 të ndërtimit po rikthehet po nga Bashkia e Tiranës në identitet, ashtu si shumë pjesë të zonës historike të Tiranës. Kjo lulishte 75-së vjeçare e përfunduar në gusht të vitit 1931, ka patur fatin të jetë pjesë e skenës historike kombëtare dhe duke gjykuar mbi materiale dokumentare sheshi dhe lulishtja kanë kronologjinë e tyre. Në këtë lulishte si pjesë e pa ndarë e sheshit "Skënderbej" janë organizuar shumë ceremoni të ngritjes së flamurit, manifestime, shumë koncerte të formacioneve të ndryshme, shumë panaire të gjinive të ndryshme etj. Shumë breza kanë në arkivin e tyre fotografik me dhjetëra foto të realizuara tek kjo lulishte, pasi për shumë vite ajo ka shërbyer si foto-studio e hapur për Tiranën, me qindra albume, revista dhe kartolina pasqyrojnë këtë objekt. Për vite me radhë qytetarët e Tiranës kalonin kohën e lirë në këtë lulishte që disa e quanin "bordura" disa "kafe Gjirokastra". Vizitorët e huaj nuk largohen pa futur në celuloidin e tyre vizionin e saj kompleks. Ndaj mund të themi se kjo lulishte që po ripërtërihet në përvjetorin e 75 -të të saj është për banorët dhe vizitorët e Tiranës vendi më i aktivuar për historinë dhe kujtesën qytetare.

Evenimentet e zhvilluara ne qendrën e Tiranës

Në vitin 1931, tek lulishtja e sheshit “Skënderbej” zhvillohet një pjesë e panairit të parë të Tiranës, më pas nuk pati ndonjë eveniment historik, pasi pranë saj ishte një kantier punimesh që mbylli punimet e sheshit në vitin 1936.
Në vitin 1937 festohet me madhështi 25 vjetori i Pavarësisë, lulishtja bëhet vendi kryesor i këtyre festimeve.
Në vitin 1938 festohet në të njëjti vend 10-të vjetori i mbretërisë shqiptare
Në vitin 1938 festohet martesa e Mbretit Zogu i I-rë
Në prill të 1939 festohet lindja e Princit Leka i I-rë
Në prill të 1939 zhvillohen protesta të qytetarëve të Tiranës kundër pushtimit fashist italian
Në prill të 1939 zhvillohet me demonstrim ushtarak hyrja e ushtrisë pushtuese italiane
Në maj të 1941 ceremonia e vizitës së Mbretit Viktor Emanueli i III-të
Në korrik të 1941 miting i madh për bashkimin administrativ Shqipëri-Kosovë
Në vitin 1941 demonstrata e rinisë antifashiste
Në vitin 1943 zhvillohet me demonstrim ushtarak hyrja e ushtrisë gjermane
Në vitin 1944 lufta për çlirimin e Tiranës
Në vitin 1944 bombardim britanik në qendër të Tiranës
Në vitin 1944 Çlirimi i Tiranës, organizohet rreth lulishtes paradë ushtarake dhe ngritja e flamurit tonë kombëtar
Në vitin 1951 tek lulishtja vendoset monumenti i Stalinit
Në vitin 1953 tek lulishtja zhvillohet ceremoni homazh për vdekjen e Stalinit
Në vitin 1959 ceremonia e vizitës së Sekretarit të Parë të Komitetit Qendror të Bashkimit Sovjetik, Nikita Krushovit
Në vitin 1968 hiqet nga lulishtja monumenti i Stalinit për t’u rivendosur tek parku Rinia
Në vitin 1968 ceremonia e vizitës së Kryeministrit Kinez Cu En Lait
Në vitin 1969 vendoset tek lulishtja monumenti i Skënderbeut
Në vitin 1985 ceremonia e varrimit të Enver Hoxhës.
Në vitin 1990 miting i madh me rastin e vizitës së Sekretarit Amerikan të Shtetit, Xhejms Beiker
Në vitin 1998 kësaj lulishte i jepet emër "Këshilli i Europës" , për anëtarësimin e strukturave përfaqësuese të pushtetit tonë vendor në organizmat vendore të Këshillit të Evropës

Tirana Obeserver

[DYDRINAS]

05/04/2010

Ylli Manjani


Sheshi “Skënderbej”, si gjithmonë, është vendi ku reflektohen të gjitha lëvizjet politike. Nxitimi për të rregulluar sheshin vjen në fakt jo si shqetësim për të përmirësuar jetën apo pamjen e qendrës së Tiranës, por si merak për të marrë avantazhet elektorale të zgjedhjeve lokale të pas një viti. Nuk ka më asnjë dyshim se ka filluar fushata e zgjedhjeve vendore. Edi Rama ka vendosur të konkurrojë vetë në zgjedhje pa e pyetur partinë dhe pa e çarë shumë kokën për çka thënë kur fitoi herën e fundit. Me sfondin politik të kutive të pahapura (moshapjen e të cilave e arriti me sukses) dhe me imazhin e një kryetari bashkie “viktimë” e qeverisjes qendrore, zoti Rama ka filluar fushatën e tij për një mandat të katërt në krye të bashkisë së kryeqytetit.

Nga ana tjetër, zoti Berisha e ka filluar këtë fushatë fill pas fitores së zgjedhjeve të përgjithshme. Lojërat e tij të zakonshme me buxhetin lokal dhe me degjenerimin publikisht të figurës së Ramës janë tashmë prezente në politikë. Megjithëse i mundon një kandidat zyrtar (ka disa që përfliten), zoti Berisha qartësisht dëshmon se e ka marrë seriozisht betejën për të marrë pas 12 vitesh bashkinë e kryeqytetit. Nxitja e debatit për sheshin “Skënderbej”, përveçse shmangu vëmendjen e opinionit nga kriza e kutive, solli në fushatë edhe vetë Ramën, për të cilin mbajtja e bashkisë është me rëndësi jetike politike dhe jo vetëm. Pra ky është konteksti në të cilin palët kanë filluar fushatën e zgjedhjeve lokale fiks një vit kalendarik përpara.

Përveç dëshmisë së qartë mbi çeljen e fushatës elektorale, sheshi “Skënderbej” në mënyrë të dhimbshme po na tregon edhe disa të vërteta të tjera. Ndërtimi i kryesheshit të Shqipërisë tregon legenosjen e politikanëve para njerëzve sa herë u vjen radha për të marrë votat. Edhe ky shesh nuk i shpëtoi dot politizimit të çdo detaji të tij, duke larguar vëmendjen nga e vërteta dhe duke i ndarë mendimet në bazë të tifozllëkut dhe jo arsyes. As Rama e as Berisha nuk u kujtuan për ta rregulluar këtë shesh tre apo dy viteve më parë, megjithëse janë në po ato funksione publike. U kujtuan sot të merren me sheshin, sepse sot një vit duan vota. Puna për sheshin filloi para një viti i llogaritur të inaugurohet fiks në kohën e zgjedhjeve të ardhshme. Për “standardin” që kanë vendosur në politikë Rama dhe Berisha, politizimi i një pune publike nuk është problem, por për qytetarët Shqiptarë që deshën dhe duan të shprehin ndonjë mendim për sheshin e së ardhmes kjo mënyrë është një ferr i vërtetë.

Ligjërisht sheshi dëshmon se sa larg është sundimi i së drejtës në këtë vend. Të dyja palët shkelin ligjet e shtetit me sjelljet që dëshmuan në çeljen dhe bllokimin e punimeve. Bashkia duhet të paraqiste një projekt për miratim në KRRTSH, por nuk e bëri. Vendosi të fillojë punë pa këtë vendim, pra një mënyrë të paligjshme. Pra sheshi nuk është vetëm pa leje mjedisi, por është pa lejen e ndërtimit. Mbikalimi te “Zogu i Zi” u prish edhe pse kishte leje ndërtimi nga KRRTRSH-ja. Qeveria nxiti jashtë çdo ligji ministrin e Transporteve të hidhte asfalt në këtë shesh nga njëra anë dhe paragjykon marrjen e një vendimi në KRRTRSH në emër të klientelizmit. Shkurt asgjë e ligjshme nuk gjendet në sjelljen e politikanëve tanë që na drejtojnë. Sigurisht që kjo sjellje nuk është e para, por ky shesh na kujtoi edhe një herë se si ka rënë shteti e Kushtetuta dhe ligji në këtë vend (lëre pastaj e drejta që nuk ekziston fare). Shumë syresh thonë se ç’rëndësi ka ligji para sheshit? Pikërisht këtu e ka origjinën sjellja harbute e politikanëve me ligjin. Për fat të keq njerëzit e perceptojnë ligjin vetëm kur u bie drejtpërdrejt në kurriz, pa menduar se legalizimi i një shkelje ligjore çon automatikisht në legalizimin e çdo të keqe tjetër. Meqë ra fjala, ndoshta është ALUIZNI autoriteti që mund të marrë në dorëzim sheshin “Skënderbej” pas rikonstruksionit të paligjshëm. U mësuam tani me të dhe nuk na bëhet ta mbyllim.

Elektoralisht sheshi po tregon se as Rama e as Berisha nuk kanë ndryshuar strategjinë e tyre për zgjedhjet. Berisha vazhdon të sulmojë me dhe pa karar, ndërsa Rama mbrohet në pozicionin e viktimës politike. Nëse loja vazhdon kështu atëherë Rama është në avantazh elektoral. Kështu ka ndodhur edhe më parë, kur Rama fitoi dy mandatet e fundit në krye të bashkisë. Tirana ka dëshmuar se nuk mbështet sjelljet ekstreme politike. Ngjarjet e “Zogut të Zi” dhe përdorimi i taktikave të sulmit personal deri edhe në nxjerrjen e intimiteteve, treguan se humbësi është ai që i përdor. Ndërkohë, Rama nuk humb kohë duke shpeshtuar daljet publike të tij jo më për kutitë, por në prani të ziftit elektoral nëpër rrugicat e Tiranës (që sidoqoftë janë shumë pak) po bën fushatë të pastër elektorale. Nga ana tjetër, Berisha për momentin ka edhe një disavantazh tjetër, sepse nuk ka nxjerrë ende një kandidat përballë Ramës. Nëse kandidati i Berishës do të jetë ministër duhet llogaritur se gara fillon edhe me një disavantazh tjetër për Berishën, pasi ministrat marrin kostot e qeverisë në mënyrë të natyrshme.

Përplasja e Ramës dhe Berishës për Bashkinë e Tiranës është jetike për të ardhmen e tyre në politikë. Rama mund ta fitojë përsëri bashkinë, pavarësisht premtimit të tij se “nuk do të kërkonte mandat të katërt”, vetëm nëse u kërkon votën qytetarëve të Tiranës për të ruajtur balancën politike në vend. Humbja e bashkisë do të thoshte largim nga politika për dy arsye: së pari, politikisht ai del i dërrmuar dhe së dyti, nuk siguron dot më asnjë burim financimi për zgjedhjet e përgjithshme. Në momentin që Rama nuk ka më pushtetin e lejeve të ndërtimit, asnjë kacidhe nuk i paguan më askush, madje as deputetët ndërtues. Nga ana tjetër, Berisha e di shumë mirë se nëse Rama fiton bashkinë, qoftë edhe sikur Tirana të jetë e vetmja njësi e fituar në të gjithë vendin, fillon numërimi mbrapsht i kohës së qëndrimit të tij në qeveri. Kjo vjen natyrshëm pas një beteje elektorale të fortë, ku fituesit i ngrihen pikët elektorale, aq më tepër kur qeveria dhe koha e gjatë në politikë prodhon gjithnjë e më shumë konsum. Nuk dua ta çoj nëpër mend skenarin tjetër, që përflitet jo pak, se zgjedhjet e ardhshme në Tiranë do të bëhen si në Ruzhdie. Pra është e qartë se përplasja elektorale për Tiranën është thjesht dhe vetëm politike. Nuk do të ketë përplasje alternativash, idesh, projektesh, por thjesht rreshtim votuesve sipas thirrjeve politike të Ramës dhe Berishës. Për fat të keq, humbësit do të jenë përsëri qytetarët e Tiranës, të cilët në vend që të votojnë për të zgjedhur një kryetar bashkie, do jenë të detyruar të votojnë kryetarin e Partisë Socialiste dhe/ose kryetarin e Partisë Demokratike me idenë për të ruajtur ose larguar njërin prej tyre. Humbës do jetë qyteti, i cili do të vazhdojë të humbasë përfundimisht çdo shenjë të identitetit të tij, pavarësisht se kush i fiton zgjedhjet.

Simbolikisht, të paktën për të respektuar vetë sheshin, këtë radhë qeveria dhe bashkia duhet të ishim njësh për fillimin e punimeve. Për 20 vite ky shesh i mbajti në kurriz partitë që drejtojnë si qeverinë ashtu edhe bashkinë. Të paktën për këtë arsye e meritonte ky shesh këtë respekt. Ndoshta në pamjen e re të tij ky shesh nuk do të mbante më njerëz kaq shumë ndarë në llogoret politike. Por në vend të bashkimit qeveria dhe bashkia legalizuan ndarjen. Mesa duket edhe sheshi do të mbajë njerëz të ndarë thellë politikisht, sepse kështu duan liderët politikë. Qeveria dhe bashkia, pasi i morën frymën për 20 vite, tashmë duan t’i marrin edhe votat me emrin e tij. Edhe sheshi i ri do të vazhdojë të mbajë politikanë, që në krye të turmave përkatëse do të vazhdojnë t’i tregojnë njëri-tjetrit se “sheshi asht i xanun” me njerëz që protestojnë jo për kushte e jetë të mirë po për politikë.

gazeta shqip

[i humburi]

po mire bre agallare,po begenisni te degjoni dhe nje fshatare qe s merr vesh shume nga brrockullat e djallzite e politkse,po ka hallen e tokave qe mbene djerre,te tokave qe po rreshqasne ne kater nahite e vatanit ,e ca halle tjera....
le te bien ne ujdi ata,dy te paret tane qe ata kemi qe i pacim me jete,t i thone paradhenesve qe kane dhene parat per sheshn se cufe katundari,na e dha nje mendje keshtu e ashtu,qe ta heqne pergjegjsine nga vetja se shume do jene munduar duke e genjyer.... per mir xhanem po gjithsesi.....e te bejne nji parkingo
per 7 pale qefe poshte sheshit,siper te mos e luajne vec t a shtrojne se mbari,e ja ku u lame. se dhe nje priffesor,qe ja thone Sazan me duket ,tha ca arsye qe italjanet kishin patur te behej sheshi ashtu e jo tjater soj....po keta belgjet me sa duket,nukndenjen shume ketu andajza e bene jangellesh tonje gje, me thane qe nje brar brar a si ja thone qenkerka arkitektua me i madh ne bote e qenka shqipetar nga zhapokika,pse se gjeni e ti merrni nje mendje "