Aforizmat e Agim Metbalës

[Agim Metbala]

- Ata që vazhdimisht heshtin në shoqëri – ta kesh me dije se nuk vlejnë as pesë pare!
- Thashethemet, nuk i kanë hije burrit të pjekur!
- Mos u dashuro shumë në lakminë, mbase nga vetja, do e largosh shoqërinë!
- Shumë nga ata punëtorë të arsimit që dje nxënësve ua prishnin agjërimin e Ramazanit dhe Muajin e Muharremit, sot shtyhen në Hallkën e parë!

[Agim Metbala]

- Pse Zoti e deshti femrën më shumë, ia dhuroi aftësinë e lindjes!
- Nëse bëhen analizat e thukt në harmoni me kohën, s’ka dështime!
- Kujdes, jeta është shumë joshëse – tërheqëse!
- VJEHRA dhe NUSE në pamje të parë duket se bëjnë lojra – por lojrat e tyre janë betejat për fitimin definitive të “luftës” – okupimit njëra tjetrën!

[Agim Metbala]

- Dita më e këndshme e gjithë fushatës elektorale, është dita e heshtjes parazgjehore!
- Mos u merrë me thashetheme, vetes pa nevojë do i nxjerrish probleme!
- Nëse nuk dëshiron gabimet – vëri në barazpeshë ndjenjat dhe veprimet!
- Kujdes, në ditë të vështira, besnikëria bëhet asht e lëkurë!

[Agim Metbala]

- Personi që nuk beson në Zot, apriori ka zgjedhur rrugën e djallit!
- Vet sjellja jote, do të sjell gjykimin e rrethit!
- Shpirtngushtësia = varfëria!
- Kurrë mos prano të bëhesh regrut i së keqes, mbase vazhdimisht do të avansohesh me grada më të lart!

[Agim Metbala]

- Çdo herë më shumë shpaguhet largimi se sa konfrontimi!
- Vërtet është i mjerë, ai që e bishtëron punën!
- Do të rritet çmimi i fshesave në Shqipëri, kryeministri Rama i kishte blerë të gjithat, në të gjitha shitoret, mbase do t’i përdorë për pastrime!
- Kur s’ke çka të thuash, “çepe” gojën!

[Agim Metbala]

- Thashethemaxhiu është si veriu!
- Largohu shoqërimit nga shoku mohues!
- Nëse arin ta frenosh zemërimin, do ta fitosh thuase çdo duel!
- Pushtetarët e këqinj dhe armët për shkatërrim në masë, janë shumë identik – të rrezikshëm për popullin!

[Agim Metbala]

- Të mençurit dhe të fuqishmit, çdo herë “luajnë” me sendet e rrezikshme!
- Shkelja e vazhdueshme e syrit, është ves i frikacakëve dhe i hipokritëve!
- Politikanët dhe pushtetarët, zakonisht qojnë jetë shumë të shthurur!

[Agim Metbala]

- Jeta e shumicës së shqiptarëve, vërtet është bërë tragjikomedi!
- Libri i mirë, nuk matet me atë se sa faqe ka!
- E VËRTETA, shumë lehtë shkruhet me laps – e PAVËRTETA, kërkon laps e GOMË!
- Në momentin kur poeti bëhet anëtar i një partie, që nga ai moment, shkrimet e tija nuk janë më të paanshme!

[Agim Metbala]

- Fjalët dhe veprat, zakonisht ecin autostradës me kahje të kundërt!
- Kujdes maksimal se në cilin grup rekrutohesh!
- Në momentin kur vehet hierarkia ndërshtazore, ajo respektohet me përpikëri, ndërsa ajo ndërnjerëzore, vazhdimisht me nënkëmbëza!
- Në ngjarjet dhe situatat e këqija, do pësoj edhe dëshmitari i rastit

[Agim Metbala]

- Politikanët janë si bukëpjeksa, po të thanë se buka piqet për dhjetë minuta, prit disa orë!
- Pa pagesë, kurrë mos jep leksione!!
- Secila luftë, fsheh një interes e kamuflohet me patriotizëm!
- Në kohë të sotme nga maskat, shumë vështirë të gjenden fytyrat!

[Agim Metbala]

- Nëse ke arsye të plot, mos u bezdis se preken të tjerë!
- Kur s’je i ftuar të flasish, mos shpenëzo kot fjalë e as energji!
- Kurrë mos ik prej problemit, mobilizohu për zgjidhje, mbase ai të vie vazhdimisht pas!
- Kujdes, e vërteta do të mbijetoj edhe pa përkrahjen tënde!

[Agim Metbala]

- Me shokun, shoqërohu deri në atë masë, sa mundesh me e përcjell!
- Xhepi ndikon drejtëpërsëdrejti edhe në përzgjedhjen e shoqërisë!
- Personi që mohon thuase çdo gjë, ta dini se është egoist I papërmirësueshëm!
- Personit që asgjë nuk i bie për mase – ta dini se është tip egocentrik!

[Agim Metbala]

- Plogështia është si tensioni i ultë – nuk të lë ta ngrisish as kokën!
- Ai i cili nuk e respekton dhe nuk e do femrën – ai nuk e respekton dhe nuk e do veten!
- I kam edukuar fëmijët të jetojnë nga djersa e vet – e di se do të jenë fukara tërë jetën!
- Shpesh më ka ndodhur në jetë, atë që nuk e kam thënë dot me gojë e me fjalë, e kam shkruar në mënyrë magjepsëse!

[Agim Metbala]

- Nëse nënshtrohesh, do të të shkelin si asfaltin – nëse lartësohesh, do të tentojnë të rrëzojnë si me eskavator!
- Politikanit mbi kokë, vazhdimisht i rri Shpata e Damokleut!
- Do filloj ta sulmoj të VËRTETËN, të shoh barometrin e lexuesve të thënieve të mia...meqenëse e sulmova shumë vite të PADREJTËN, nuk pata sukses...
- Jeta e lumtur, vallëzohet në çift!

[Agim Metbala]

- Ku për krah mban personin e dashur, orët janë shumë të shpejtë e të gjitha rrugët shumë të shkurtër!
- Ne shqiptarët, shumë pak jemi thinjur, në krahasim se çfarë politikanë kemi!
- Dashuria nuk ka nevojë për reklamë, ajo shifet, ndjehet, preket, përjetohet…
- Mos u merrë shumë me teoritë e jetës, ajo ka rrugëtimin e vet!

[Agim Metbala]

- Kujdes, njerëzit çdo herë tentojnë të të ken përfundi (nën këmbë)!
- Ta mbash jetën në drejtëpeshim, vërtet është mjeshtri e madhe!
- Fatkeqësisht, fati i shqiptarëve, ka “ikur” në xhepat dhe xhirollagaritë bankare të politikanëve dhe pushtetarëve tanë!
- Nëse u lejon shqisave të veprojnë pa kontroll – iku karakteri dhe morali!

[Agim Metbala]

- Unë kam sajuar dhjeta mija aforizma e mendime çasti...një pjesë të madhe të tyre, i ka ngrënë koha, një pjesë tjetër do t’i ha koha në vijim e një pjesë e vogël, do të mbeten të pavdekshëm, disa sosh, veç janë radhitur në aforizmat më të famshme të botës, mes filozofëve antik e bashkëkohor...pra, asnjë mund nuk shkon huç...

@ Agim METBALA

[Agim Metbala]

- Interesant kjo koha e sotme - drejtësia abortohet thuase nga secila/li!
- Fatkeqësisht, shumica nga gazetarët, janë infektuar dhe instrumentalizuar nga politika!
- Dy shokë më besnik që nuk ju largohen kurrë nga jeta, janë QESHJA dhe LOTI!
- Pushtetetarët tanë, po të realizonin vetëm 30% të premtive parazgjedhore – populli shqiptar, vërtet do të jetonte jetë të lumtur!

[Agim Metbala]

- Politikanët tanë më ngjajnë orëve me bateri të sosur që lëvizin vetëm nga një sekond para-mbrapa!
- Nocioni – fjala DREJTËSI, është bërë aq e padëshirueshme, sa që njerëzit shtirosen edhe kur e ndëgjojnë e lëre më ta pranojnë!
- Nëse masa të mallkon, të preferoj të tërhiqesh për njëqind e tetëdhjetë shkallë!
- Secili që turpërohet, shpëton nga shumë mëkate!

[Agim Metbala]

- Nëse shpirti do, mos moho me gojë!
- Mos ia zini njeriut për të madhe - syri ka dëshirë të shoh të bukurën!
- Me keqardhje po e them, por si njeriu që vret në në mënyrë të ftoftë, nuk vret asnjë kafshë në botë!
- Një informacion në vesh, kërkon pastaj faqe e faqe arsyetime!