Salihaj: Hashim Thaci po pergatit atentate kunder kundershtareve te tij politike

[pejani34]

Ti KOSOVELLI qetash ke fol me vend ja ke dhan emrin e duhur ,BUDALL,(keti far sharit) dhe tash vetem budall duhet me thir

posht ttrathtart e kosove dhe shqipris , dhe trojeve shqiptare,


larg budallve , se te marrin ne qaf

[Kosovelli]

NDIHEM I RREZIKUAR NGA “KLANI I ZEMUNIT” KOSOVAR




Nazim Mehmeti thotë se në gjyq ka folur atë që e ka parë me sy të tij. Ramë Maraj atij i ka ofruar një veturë Toyota për të mos dëshmuar, ndërsa është kërcënuar dhe shantazhuar nga po i njëjti person. “Unë ndihem i kërcënuar dhe i rrezikuar nga ‘Klani i Zemunit Kosovar’, të cilin e udhëheq Ramë Maraj”, tha Mehmeti

Intervistoi: LORIK PUSTINA (Gazeta “LAJM”)

Prishtinë, 2 - 5 tetor 2006

Nazim Mehmeti, personi i cili ishte dëshmitari kryesor në procesin Bukoshi – Salihaj, dëshmon për ekzistimin e një eminence gri brenda LDK-së, që nga përfundimi i luftës në Kosovë. Ditë më parë, “Iliria Post” në disa vazhdime publikoi transkriptin e bisedës mes tij dhe një personi tjetër, duke iu referuar si dëshmitari i rrejshëm i Bujar Bukoshit në procesin gjyqësor kundër Adem Salihajt.

Sipas fjalëve të tij, ai është incizuar dhe përgjuar në një bisedë private dhe për këtë drejtori i “Iliria Post”, Ramë Maraj, do të përgjigjet penalisht.

“Po, unë jam incizuar dhe jam përgjuar, mirëpo sekuenca të botuara në gazetë janë falsifikuar, si për shembull pohimi se unë jam pjesëtar i njësisë G-2 të TMK-së, që nuk është e vërtetë, sepse unë nuk paguhem dhe nuk jam pjesëtar i kësaj njësie, por jam pjesëtar rezervë i Gardës së Kosovës. Po ashtu, Maraj ka thënë se unë jam dëshmitar i rrejshëm dhe se kam marrë të holla për të dëshmuar, që nuk është e vërtetë, sepse unë kam dëshmuar në gjyq vetëm atë që kam parë me sy”, tha Nazimi.

Ai Bujar Bukoshin e njeh qysh nga koha kur ka qëndruar në Shqipëri. Për takimet mes këtyre dyve ai nuk dëshiron të flasë më shumë. “Kjo është e përfshirë në procesin gjyqësor dhe unë nuk dua të ndërhyj në të”.

“Bashkëbiseduesi është Ramë Hoxha, një bashkëpunëtor i Ramë Marajt, mirëpo unë nuk dyshoj se ky e ka bërë incizimin, këtë e ka bërë vetë Ramë Maraj me mjetet e montuara në lokalin “Pinokio” në Prishtinë, ku kemi qëndruar. Këtë e di, sepse pas publikimit të shkrimeve, Ramë Hoxha më ka kontaktuar dhe më pyeti se ‘kush na paska incizuar’”.
Lidhur me këtë, Nazim Mehmeti, nga Zhilivoda e Vushtrrisë, ka ushtruar një kallëzim penal në Prokurorinë Komunale të Prishtinës.

“E kemi pranuar rastin, ai person ka qenë tek unë dhe ia ka bashkangjitur kopjen e gazetave. Incizimi dhe përgjimi i paautorizuar paraqet vepër penale dhe tani ky rast është nën hetime. Ne do ta shqyrtojmë shumë shpejt. Në këtë rast nuk ka pasur masa të fshehta, prandaj incizimi dhe përgjimi paraqet vepër penale”, konfirmoi për “Lajm” kryeprokurori i Prishtinës, Tahir Rreci.

Nazim Mehmeti ka qenë bashkëpunëtor i ngushtë i Ramë Marajt, kur ky i fundit ka qenë drejtor i Institutit për Hulumtime Strategjike. Ai ka punuar aty për katër vjet me radhë, ndërsa librezën e anëtarësimit akoma e mban me vete.

“Kam punuar për katër vjet si bashkëpunëtor i tij dhe pasi kam kuptuar për veprimtarinë e tij ilegale antikombëtare, jam larguar menjëherë, duke mos dashur të jem pjesë e kësaj veprimtarie. Ndaj Ramë Marajt janë duke u zhvilluar hetime aktive, ai është intervistuar nga prokurori ndërkombëtar dhe selia e tij është bastisur”, tha i mllefosur Mehmeti.

Sipas tij, Maraj ka bërë një ndërhyrje në një proces juridik, duke tentuar të komprometojë kredibilitetin e tij si dëshmitar në një proces të rëndësishëm gjyqësor.

“Maraj më ka kërcënuar dhe ka tentuar të më shantazhojë në mënyra të ndryshme. Kjo është edhe një lëndë tjetër në gjyq, sepse unë ndihem i kërcënuar dhe i rrezikuar”, tha më tej Mehmeti.

Dëshmitari i Bujar Bukoshit është përmendur se ka marrë para nga Bukoshi për të dëshmuar.
“Asnjëherë nuk kam bërë një gjë të tillë, vetëm se mund të konfirmoj që Ramë Maraj më ka ofruar një veturë luksoze Toyota për të mos dëshmuar, para se të fillojë gjykimi. Unë ndihem i kërcënuar dhe i rrezikuar nga ‘Klani i Zemunit Kosovar’, të cilin e udhëheq Ramë Maraj”, shton më tej ai.


RAMË MARAJ INCIZOI ATENTATIN MBI IBRAHIM RUGOVËN

Maraj ngarkoi baxhanakun e tij dhe katër persona të tjerë që të incizojnë marshrutën e presidentit. Para asaj ua ka tërhequr vërejtjen që “diçka mund të ndodhë sot”. Më 15 mars ndodhi atentati. Ramë Maraj shpeshherë i ka shantazhuar dhe i ka mashtruar zyrtarët e lartë të LDK-së, duke u thënë se janë të kërcënuar. Disa prej tyre janë Kolë Berisha, të cilit i ofroi ndihmë në sigurim personal, Sabri Hamiti, Melihate Tërmkolli, si dhe shumë të tjerë

Që nga përfundimi i luftës në Kosovë, Ibrahim Rugova u emërua për dy mandate kryetar i Kosovës. Presidenti i ndjerë, i cili ishte edhe lider i LDK-së, gjatë tërë kohës ishte i rrethuar me bashkëpunëtorët e tij më të ngushtë. Por, në hije vepronin edhe grupe të ndryshme interesi. Njëri prej tyre ka qenë, sipas fjalëve të bashkëpunëtorëve të tij të afërt, edhe i vetë-emëruari këshilltar special i presidentit, Ramë Maraj, i ngarkuar me detyra speciale.

“Më 17 dhe 18 mars të vitit 2004, Ramë Maraj, përmes disa miqve të tij, ka sjellë një arsenal të tërë armatimi në zyrën e tij. Këto ai i ka porositur nën pretekstin se janë armë për të siguruar zyrtarët e lartë të LDK-së, selinë e Marajt dhe vetë Ramë Marajn”, thotë Nazim Mehmeti, i cili deri vonë ka qenë bashkëpunëtor i ngushtë i Marajt në Institutin për Hulumtime Strategjike të Opinionit publik.

Armë ka pasur nga më të ndryshmet. Pushkë automatike Hekler & Koch, revole me shurdhues, ndërsa armët janë sjellë në selinë e tij që atëbotë ishte në Bregun e Diellit, pohon Mehmeti.

Maraj, së bashku me armët, ka siguruar edhe një kontingjent të mjeteve përgjuese nga Gjermania e Zvicra. Këto ai i ka siguruar duke udhëtuar së bashku me një mik të tij (emri i njohur për Redaksinë). “Kamera digjitale, kamera të fshehta miniaturale që instalohen nëpër lokale afariste zakonisht, incizues të zërit, mikrofona të fshehtë, kamera survejimi, si dhe mjete të tjera përcjellëse për këto pajisje. Këto i ka sjellë së pari në Bregun e Diellit dhe më pas i ka dërguar në Presidencën e Kosovës dhe ka pajisur me këto kamera edhe Presidencën. Të gjithë e kanë ditur se përpos këtyre kamerave, Maraj në Presidencë ka vendosur edhe kamera të tjera, incizimet e të cilave i ka përdorur për qëllime të veta”.
Vetë bashkëpunëtorët e Marajt pohojnë për konspiracionet e thurura brenda zyrave të institutit nga drejtori i saj.

“Ramë Maraj shpeshherë i ka shantazhuar dhe i ka mashtruar zyrtarët e lartë të LDK-së, duke u thënë se janë të kërcënuar. Disa prej tyre janë Kolë Berisha, të cilit i ofroi ndihmë në sigurim personal, Sabri Hamiti, Melihate Tërmkolli, si dhe shumë e shumë të tjerë”.

Sipas tij, nëpër takime që i ka pasur me këta zyrtarë, ai u ka thënë kinse janë të rrezikuar, dhe njëkohësisht u ka ofruar mbështetje nga ekipet që kanë punuar për të.

“Në një takim, Ramë Maraj u ka thënë zyrtarëve të LDK-së se janë të rrezikuar nga ish- ushtarët e UÇK-së. Mbështetja kryesore për ta ka ardhur në sigurinë personale dhe në transportin e tyre me veturat që i ka ofruar vetë Ramë Maraj”.

Në kohën kur kishte futur thellë rrënjët dhe kishte krijuar lidhje të forta me zyrtarë të lartë të LDK-së, Maraj kishte ndikim të madh edhe në Presidencë. Këtë ai e kishte fituar me ndihmën e njerëzve më të afërt të presidentit të ndjerë.

Më 15 mars të vitit 2005 ndodh atentati ndaj kolonës së presidentit Rugova. Pas atentatit, shumë dyshime u ngritën në opinion, ndërsa më së shumti përflitej incizimi i atentatit dhe video inçizimi, që ishte në duart e një personi privat. Ky person privat ishte Ramë Maraj, pohon Mehmeti.

“Ramë Maraj, në kohën kur është kryer atentati, ka pasur një kontroll absolut brenda Presidencës, që nga koha kur granata e dorës ishte hedhur në oborrin e atyshëm. Pas këtij incidenti, Maraj shpall konkurs intern dhe pranon 80 persona, me arsyetimin se presidenti është i rrezikuar dhe këta persona do ta kryejnë sigurimin e tij. Prej kësaj kohe, marshutat e presidentit Ramë Maraj kohë pas kohe i ka pasur nën kontroll të përgjithshëm, duke ndikuar në shkarkimin e Elez Nikqit dhe vendosjen e Qefser Bahollit në vend të tij. Me këtë i ka survejuar kohë pas kohe marshrutat e presidentit”, thotë Nazim Mehmeti.

Sipas tij, në ditën e atentatit Maraj aktivizoi një ekip special për të xhiruar komplet marshrutën e Presidencës, që më herët nuk e ka pasur zakon, përpos në raste të posaçme. “Rugova kishte qenë duke shkuar të takohet me Javier Solanën në zyrën e tij në Kuvendin e Kosovës. Baxhanaku i Ramë Marajt, B. F., me kamerë, si dhe tre persona të tjerë brenda veturës Audi 80 B4, ngjyrë hiri, janë urdhëruar që të xhirojnë marshrutën e presidentit. Ai i udhëzoi që ‘sot të keni kujdes sepse mund të ndodhë diçka’. Dhe kjo ndodhi”.
Sipas Mehmetit, me atë videoincizim Ramë Maraj ka manipuluar dhe e ka fshehur për një kohë, duke mos e dorëzuar në organet e drejtësisë.


Fakte shtesë për ekzistimin e një shërbimi ilegal sekret brenda LDK-së

NË SHTËPINË E ISUF HAKLAJT TË VRARË GJENDET VETURA NË EMËR TË RAMË MARAJT

Sebahate Tolaj dhe Isuf Haklaj, dy policët e vrarë në Raushiq të Deçanit, ishin në listën e pagave të Ramë Marajt. Ai vetëm disa ditë para vrasjes ua mori atyre kompjuterët të cilët ua kishte dhuruar, ndërsa pas atentatit të vëllain e Sebahate Tolajt edhe e strehoi për disa ditë, duke i thënë se është në rrezik për jetën

Kanë kaluar tre vjet nga vrasja e policëve Sebahate Tolaj, Isuf Haklaj, dhe nga vrasja e Tahir Zemajt. Për tre vjet, organet e hetuesisë nuk kanë dhënë asnjë përgjigje se çfarë ka ndodhur saktësisht në këto raste, edhe pse disa persona janë arrestuar për vrasjen e policëve.
E çfarë fshihet në prapaskenën e vrasjeve të hetuesve të policisë, lidhet ngushtë me hetimet lidhur me rastin e Tahir Zemajt.

Ramë Maraj, ish- këshilltari special i presidentit Ibrahim Rugova, në listën e tij të pagave kishte edhe dy policët hetues nga Dukagjini, Sebahate Tolaj dhe Isuf Haklaj, të cilët ishin vrarë në vitin 2003, në Raushiq. Që të dy këta ishin të ngarkuar me hetimin e rastit të vrasjes së Tahir Zemajt.

Hetimet lidhur me këtë rast kanë treguar se vetura të cilën Isuf Haklaj e ka vozitur ka qenë e regjistruar në emër të Ramë Marajt, dhe emri i tij figuron në librezën e kësaj veture.
Kjo veturë është gjetur në oborrin e shtëpisë së Isuf Haklajt, menjëherë pas vrasjes, është ekzaminuar, dhe ka dalë se është e falsifikuar me librezë inekzistente. Por më vonë lidhur me këtë nuk u fol shumë, duke i lënë hetimet të vazhdojnë ende, por pa ndonjë rezultat.
“Lidhjet e tyre ishin të kahershme dhe gjithmonë kanë bashkëpunuar dhe i kanë dhënë llogari Ramë Marajt, i kanë raportuar atij në zyrat e tij për situatën në Dukagjin. Atij i kanë sjellë gjithmonë dosje të ndryshme nëpër zarfe dhe informata konfidenciale”, tregon Nazim Mehmeti, ish- bashkëpunëtor i Ramë Marajt.

Sipas tij, disa javë më parë, para vrasjes së dy policëve, Ramë Maraj i kishte prishur raportet me ta dhe ndërpreu bashkëpunimin.

Pas prishjes së bashkëpunimit, dërgon njerëz për t’ua marrë kompjuterët të cilët vetë ua kishte dhuruar për të kryer punët që i interesonin vetë Marajt.

“Unë kam pasur të shkoj t’i marr kompjuterët, por një gjë të tillë nuk e kam pranuar, dhe pastaj këtë e ka bërë një punëtor tjetër së bashku me Ramën”, konfirmon Mehmeti.
Pas vrasjes se Sebahate Tolajt dhe Isuf Haklajt në zyrën e vet, Maraj, me pretekst se është duke e siguruar vëllain e Sebahate Tolajt nga disa njerëz që gjoja donin ta vrisnin, edhe atë e ka strehuar në zyrën e tij, për disa ditë.

“Shpesh në zyrat tona kanë ardhur policë të ShPK-së, në uniforma. Arsyeja që kanë ardhur ka qenë bashkëpunimi me ta, duke shkëmbyer informata. Policët i kanë dhënë atij informata për raste të ndryshme, ndërsa ky i ka ofruar informata të tjera në disa raste duke dezorientuar hetimet lidhur me rastet. Ai drejtpërdrejt përmes pozicioneve të tij në ShPK ka influencuar apo ka ndikuar në gradimin e oficerëve të ShPK”, thotë Mehmeti. Sipas tij, jo vetëm policë të ShPK-së kanë frekuentuar këtë zyre. Policë ndërkombëtarë, më së tepërmi gjermanë dhe francezë kanë ardhur për të marrë informata në Institutin e Marajt. Ai ka dërguar disa herë një person (emri i njohur për Redaksinë) në Serbi, më saktësisht në Krushevc, për të shkëmbyer informata me shërbimin e BIA-s.

Maraj, sipas Nazim Mehmetit, nuk ka qenë kurrë këshilltar i presidentit, ai ka pasur një librezë kinse me nënshkrim të presidentit, të cilin e ka falsifikuar përmes një personi të afërt me presidentin e Kosovës, Ibrahim Rugova.

“Këtë post presidenti ia kishte premtuar Tahir Zemajt. Zemaj disa herë kishte dashur të takohet me Ramë Marajn mu për këtë çështje, për postin e këshilltarit special të presidentit, mirëpo Maraj gjithmonë i kishte ikur takimit për arsye të panjohura.

Vetë Tahir Zemaj ka ardhur në zyrën e Marajt kur unë kam qenë i pranishëm.
Natën e vrasjes së Tahir Zemajt, Ramë Maraj, në zyrat e tij në Bregun e Diellit, mban një aheng, duke thënë disa herë se ‘për mua më nuk ka rrezik’”, thotë më tej Mehmeti, i cili ka qenë i pranishëm në këtë ngjarje.

MEHMETI: “MARAJ U MARTUA ME NXËNËSEN E TIJ”

“Ramë Maraj përmes Iliria Postit bëri një tentim që të komprometojë kredibilitetin tim si njeri, luftëtar i UÇK-së, si qytetar akademik, dhe më në fund si dëshmitar në një proces kriminal, ku ishte edhe vetë i involvuar”, thotë Mehmeti. Ai ka vendosur të hapet plotësisht për publikun.

“Unë dua të tregoj se kam qenë vetëm 10- vjeçar në kohën kur Ramë Maraj merrej me malverzime, imoralitet, pikërisht në kohën kur u martua me nxënësen e tij, ia vuri zjarrin shtëpisë e tij në mënyrë që të krijojë përfitime nga shoqata “Nëna Terezë”, dhe shkatërroi tërë dokumentacionin e shoqatës “Nëna Terezë”, shumë shokë të tij të organizimit u burgosën dhe u torturuan, kurse ky si një hije i ‘shmangej’ çdo herë arrestimit duke ikur nga Kosova përmes Beogradit, në relacionin Fushë Kosovë– Beograd dhe gjetiu”.

Sipas Mehmetit, ai njëkohësisht kishte harruar se kush e ka punësuar në shkollën “Aca Maroviq” në Fushë- Kosovë, Sreten Martinoviqi, drejtor i kësaj shkolle, kur Maraj ishte në cilësinë e të “përndjekurit politik” gjatë viteve ’81. Këtij i kishte deklaruar vetë në vendlindjen e tij në Istog, për të cilën ekzistojnë edhe dëshmi faktografike.

(Gazeta “LAJM”)

[Kosovelli]

Fytyra e vërtetë e Bujar Bukoshit
Prishtinë, 17 Shtator - “Nuk them se ishin 179.000 e as 181.000 euro, por rrafsh 180.000 euro”, pati deklaruar më 26 janar të vitit 2005 në “Koha Vizion” Bujar Bukoshi,

ish-kryeministër i Kosovës dhe tani kryetar i Partisë së Re të Kosovës (PREK). Ai kishte thënë se zv/kryeministri i atëhershëm, Adem Salihaj, e kishte blerë postin institucional duke ia paguar këtë shumë, pra 180.000 euro, Lidhjes Demokratike të Kosovës. Një akuzë e tillë kishte ngritur shumë spekulime mediale dhe politike për personalitetin e Adem Salihajt, duke njollosur kështu edhe shumë njerëz, të cilët punonin në Presidencë dhe për të. Partia në të cilën ai kishte bërë karrierë politike (LDK), sipas tij, ishte duke u shndërruar në një parti ku baras po zhvilloheshin edhe politika edhe hajnia.

Pesha e fjalës publike dhe puna e drejtësisë

Sipas Kodit Penal të Kosovës, akuza publike për korrupsion në këtë rast kundër

ish-zv/kryeministrit të Kosovës, Adem Salihaj, është dashur të hetohet “Ex officio” apo sipas detyrës zyrtare. Sipas këtij kodi, nëse prokuroria nuk gjen fakte që mbështesin akuzën, në këtë rast të bërë nga ish-kryeministri Bujar Bukoshi në adresë të Adem Salihajt, Bukoshi mund të dënohet me gjobë ose me burg. “Kush nxjerr apo përhap diçka të pavërtetë, që dëmton nderin dhe autoritetin e tjetrit, dënohet me gjobë apo me burg”, thuhet në Kodin Penal të Kosovës.

Në bazë të kësaj, Bukoshi ka pasur njohuri se nëse një akuzë të tillë nuk mund ta mbështeste në fakte dokumentuese, ai do të mund të përfundonte në burg. Megjithatë, ai vazhdimisht kishte insistuar se deklarata ka prapa saj faktet, të cilat ai theksonte se do t’i bindnin edhe organet e drejtësisë se ai ka të drejtë. Bukoshi kishte pohuar se faktet e “forta” për akuzat e ndaj Salihaj dhe të tjerëve nuk do t’ia dorëzonte medieve, por, siç pati thënë ai, “aty ku duhet”, në tavolinën e kryeprokurorit publik të qarkut në Prishtinë.

Ndonëse Bukoshi ishte marrë në pyetje nga Prokuroria e Qarkut në Prishtinë dhe ka pasur mundësi t’i dorëzojë të gjitha faktet e forta, siç pati thënë ai, megjithatë Prokuroria deri më tani nuk ka iniciuar apo hapur rast për çështjen e “blerjes” së postit nga Adem Salihaj.

Bukoshi e kishte akuzuar ish-presidentin Rugova se është përfshirë në një mafi familjare, në një “Cosa Nostra”, dhe se shërben si mbulesë e saj. Kështu e pati kualifikuar Bukoshi stafin e presidentit Rugova, që dikur bekimin për kryeministër e kishte marrë po prej këtij presidenti.

Show medial i Bukoshit dhe “gjesti” qytetar i tij

Megjithëkëtë, Bukoshi kishte deklaruar se ka fakte dhe dokumente të “forta” për akuzat e tij të cekura më lart, përveç se kishte bërë një denoncim publik apo të themi një show medial, nuk kishte arritur të dëshmonte asgjë në organet e drejtësisë, të paktën të bënte një gjest qytetar, siç kishte deklaruar më herët. Edhe pse ai kishte ripërsëritur se i kishte të gjitha faktet argumentuese dhe predispozitat ligjore për të hapur padi penale në gjykatë, ai nuk e bëri një gjë të tillë.

Salihaj zgjedh gjyqin për sqarim të akuzës së Bukoshit

Ndërsa, ish-zv/kryeministri Salihaj, duke parë se një deklaratë e tillë nga një personalitet që në një mënyrë ose tjetër do të jetë një emër që do të shkruhet në historinë e Kosovës, vendosi që këtë kontest, fillimisht media, ta drejtojë në organet e drejtësisë. Një akuzë e tillë kishte filluar t’ia lëkunde autoritetin Salihajt në opinionin publik përballë pozicionit politik dhe institucional që ai mbante. Ai pati vendosur që të ngrinte padi private penale për shpifje ndaj ish-bashkëpartiakut të tij, Bujar Bukoshi, në Gjykatën Komunale në Prishtinë.

Padia është bërë në bazë të nenit 467, paragrafi 3 të Kodit Penal të Përkohshëm të Kosovës (KPPK), ndërsa Bujar Bukoshi ishte paditur për shpifje, sipas nenit 188, paragrafi 1 të Kodit Penal të Kosovës.

Zëvendëskryeministri Salihaj në atë kohë i pati dhënë tri arsye për këtë padi: “Së pari, të vërtetohet se unë jam i pastër dhe se akuzat e Bukoshit janë të paqëndrueshme, së dyti, se Bujar Bukoshi ka bërë shpifje me qëllim të denigrimit personal dhe politik të zëvendëskryeministrit të Kosovës dhe së treti, se ligji është mbi të gjithë dhe se secili duhet të përgjigjet para ligjit për veprimet e tij”. Ai kërkoi që në fillim që ky proces gjyqësor të jetë plotësisht transparent dhe të kryhet në një afat optimal, për të vetmin qëllim që të zbardheshin faktet e “forta” të Bukoshit karshi organeve të drejtësisë.

BOX

“Nuk them se ishin 179.000 e as 181.000 euro, por rrafsh 180.000 euro”, pati deklaruar më 26 janar të vitit 2005 në “Koha Vizion” Bujar Bukoshi,

ish-kryeministër i Kosovës dhe tani kryetar i Partisë së Re të Kosovës (PREK). Ai kishte thënë se zv/kryeministri i atëhershëm, Adem Salihaj, kishte blerë postin institucional duke ia paguar këtë shumë, pra 180.000 euro, Lidhjes Demokratike të Kosovës

BOX:

Se pse një gjë të tillë nuk e bëri Bukoshi edhe ende nuk e ka bërë dhe se ku i mbeten të gjithë ata dëshmitarë, të cilët i kishte përmendur gjatë prononcimeve publike dhe seancave gjyqësore, shpresojmë lexues të nderuar se në shkrimet pasuse që planifikojmë t’i botojmë për çështjen Bukoshi - Salihaj të këtij ekskluziviteti vetë dëshmitari i Bukoshit t’i demantojnë të gjitha ato “fakte”, që dikur Bukoshi i kishte quajtur të “forta”.

Vijon

Nesër do të lexoni:

(Si filloi dhe u zhvillua procesi gjyqësor i kontestit Salihaj - Bukoshi? Pse Prokuroria e Qarkut në Prishtinë nuk ka hapur asnjë padi penale ndaj Salihajt? Pse Bukoshi solli vetëm një dëshmitar në gjyq nga të shumëpërfolurit e tjerë? Ku mbeten dëshmitarët e tjerë, të cilët Bukoshi kishte premtuar se do të dëshmojnë në favor të tij? Si e konsideron Salihaj akuzën e Bukoshit dhe sa i ka kushtuar atij politikisht një akuzë e tillë?) | Iliria Post
__________________

[Kosovelli]

Kujt do t’i dhembë më shumë e vërteta?
Prishtinë, 24shtator - Duke u bazuar në faktet e gazetës “Iliria Post”, të cilat i ka botuar në numrat e saj paraprakë, dhe zvarritjen e procesit gjyqësor për çështjen

Bukoshi –Salihaj, del se institucionet e drejtësisë në Kosovë nuk janë në gjendje që së paku t’i verifikojnë akuzat dhe denoncimet e tilla, njëherësh edhe t’i vërtetojnë dëshmitë e rrejshme dhe të marrin një vendim të prerë. Kontradikta më e madhe në këtë çka thotë pala mbrojtëse e Bukoshit është se pasi ai kishte mundësi të sillte një dëshmitar në gjyq në cilësinë e dëshmitarit të mbrojtur, pse nuk i solli edhe të tjerët, të cilët i kishte deklaruar në fillim të procesit gjyqësor? Si ka mundësi të jetë i besueshëm një sistem drejtësie kur nuk është në gjendje t`u ofrojë mbrojtje dëshmitarëve, të cilët pritet të dëshmojnë në një çështje që mund të cilësohet ose si skandal qeveritar ose si papërgjegjësi absolute për fjalën e lirë publike. Kush është shefi i dëshmitarit në G2 të TMK-së, që e pohon vetë dëshmitari dhe a ka treguar dëshmitari për këtë në prokurori apo në gjykatë? Megjithatë, gjykata me kërkesën e palës mbrojtëse të Bukoshit, një dëshmitari, pra këtij që erdhi dhe dëshmoi në gjykatë, i kishte dhënë statusin e dëshmitarit të mbrojtur, kurse dëshmitarëve të tjerë nuk ua ka dhënë ose së paku nuk është konfirmuar publikisht se ua ka dhënë këtë status. Në media del sikur vetë Bukoshi ka vendosur se s`ka nevojë për momentin për më shumë dëshmitarë dhe në anën tjetër kur Adem Salihaj kërkon që ta sjellë komplet stafin e tij shoqërues në gjykatë, gjykata deklaron se janë të mjaftueshëm vetëm dy dëshmitarë. Kështu pra, gjykata pranon sugjerimin e palës së Bukoshit se mjafton vetëm një dhe e kufizon Salihajn me vetëm dy dëshmitarë. Këtu mund të nxirret edhe një fakt, të cilin opinioni i Kosovës dhe hallexhinjtë aktualë duhet ta kenë mirë parasysh. Ky veprim i gjykatës para opinionit duhet të sqarohet nëse ka një bazë juridike, përndryshe mosmarrja në konsideratë e dëshmitarëve të tjerë të Adem Salihajt, si dhe moskërkimi apo edhe detyrimi i Bukoshit për të sjellë në gjykatë dëshmitarët e premtuar e dëmton rëndë perspektiven e drejtësisë- gjyqësisë, si dhe besimin e qytetarëve në to. Tani po ju përmendin vetëm disa kontradikta, sipas të cilave dëshmitari i vetëm i Bujar Bukoshit në kohën kur ishte betuar para organeve të drejtësisë se do ta thoshte të vërtetën dhe vetëm të vërtetën del se në prapaskena çdo dëshmi e tij ka ardhur si rezultat vetëm për të përfituar nga manipulimet e informacioneve të rrejshme. Ai në video-xhirime shihet qartë se ka bërë çdo gjë që ta keqpërdorë ish-vendin e tij të punës pa pasur asnjë dokumentacion që do t’ia argumentonte dëshminë e tij në vendin ku ndahet drejtësia. Nëse këtë drejtësia nuk do ta ketë parasysh, atëherë ajo pothuajse shkelet nga vetë ata që duhet ta aplikojnë. Nga kjo mund të aludojmë se sa është bërë vërtetimi i deklaratave të dëshmitarëve nga Gjykata Komunale e Prishtinës, e cila edhe pas një kohe të gjatë ende nuk është në gjendje që të marrë një vendim, sepse, siç thonë ata, “ende nuk janë mbyllur hetimet nga Prokuroria e Qarkut”. Tash do të mundohemi t’i krahasojmë disa deklarata të dëshmitarit të Bujar Bukoshit, që sipas video-xhirimeve, të cilat i ka gazeta “Iliria Post”, do t’i demantojë deklaratat bazë të të njëjtit dëshmitar, të cilat i ka dhënë para trupit gjykues nën betimin se do ta thoshte vetëm të “vërtetën” dhe asgjë tjetër.

Dëshmitari: Dëshmoj për hir të interesit të përgjithshëm të Kosovës

Në transkriptin, të cilin e ka botuar në vijimësi “Iliria Post”, shihet qartë edhe shumëdimensionaliteti i veprimtarisë së dëshmitarit dhe strukturat ndërvepruese me të cilat ai ka kontaktuar gjatë kohës sa është rrahur çështja e Adem Salihajt në gjyq. Një transkript të tillë do të duhej ta merrte shumë seriozisht institucioni i drejtësisë, që e ka për obligim zbardhjen e këtyre çështjeve në mënyrë që t`i vërtetojë të gjitha deklaratat që dëshmitari i ka dhënë në gjyq dhe mbi të cilat është mbështetur Bujari Bukoshi kur deklaronte se ka fakte të “forta”, me të cilat do të dëshmonte akuzën ndaj Salihajt. Ajo çka besojmë se kemi bërë me botimin e këtij transkritpi është që sado pak këtyre institucioneve, që pretendojnë të merren me drejtësinë, por që deri tani kanë treguar shumë pak aftësi vepruese, t`iu ndihmojmë në një rast për të cilin organet e drejtësisë janë ankuar se nuk po kanë fakte të mjaftueshme për të marrë një vendim të prerë.

Zvarritja e një procesi të tillë gjyqësor nga organet e drejtësisë hap shumë dilema lidhur me funksionimin e vërtetë të institucioneve të drejtësisë dhe në aftësinë dhe kapacitetet e tyre për të zgjidhur çështjet e këtij niveli gjyqësor.

Mst: Përgjigjet që do të duhej t`i sqaroheshin opinionit publik

Disa përgjigje që do të duhej t’i sqaroheshin opinionit publik nga institucionet dhe personalitetet kompetente të drejtësisë dhe të niveleve të tjera relevante, që kanë të bëjnë me shumë çështje, të cila janë trajtuar në vazhdimësi në gazetën “Iliria Post”, gjatë javës së kaluar:

A është verifikuar nga gjykata dokumenti i invaliditetit të dëshmitarit, sepse ai ka deklaruar se është invalid i UÇK-së, çfarë natyre - diagnozë dhe çfarë shkalle të invaliditetit ka nëse kjo verifikohet? Dhe pastaj vetë gjykata, duke vlerësuar sesa ka qenë shkalla e pasojave të invaliditetit të dëshmitarit, të marrë vendim për vërtetësinë dhe mbi të drejtën e dëshmisë së tij në rast të pasojave përkatëse

A është verifikuar roli i dëshmitarit në UÇK, si shkoi ai në Kleqkë dhe përfundoi në Koshare, dhe tani thotë se është në G2-shin e TMK-së, ku nga shefi i tij merr 150 euro? Dëshmitari shpesh në video-xhirim thotë se me Bukoshin ka njohje familjare, a do të thotë kjo diçka për drejtësinë?

Nga erdhën lidhjet e tij me Fadil Syleviqin (dikur i zënë rob nga luftëtarët e UÇK-së të Zonës së Llapit, kur u sulmua Zona e Llapit nga forcat serbe në të cilat ishte edhe Fadil Syleviqi, i cili më vonë bëhet shef i sigurimit për këtë zonë?)

Pse Fadil Syleviqi është shkarkuar nga posti i lartë i inteligjencës në SHPK?

Nga e di dëshmitari se çfarë kapitali ka Fadil Syleviqi, i cili thotë se po të mos ishte përjashtuar nga SHPK-ja, Ramë Maraj do të kishte përfunduar në burg?

Kush ishte femra serbe që i thërriste në tel. 063 njerëzit nga ekipi i dëshmitarit (i referohemi bisedës në makinë)

A mund të këtë ndonjë kuptimi relacioni, dëshmitari i Bukshohit me Fadil Sylviqin në këtë proces?

Si ndodhi që Bujar Bukoshi u bë kryeministër i Kosovës vetëm disa ditë pasi serbët ia kishin futur kokën në thes?

Pse dëshmitari në videoxhirim thotë se sikur R. M. të mos e kishte qitur Bukoshin në out, Bukoshi sot do të ishte kryeministër i LDK-së?

Ku janë fondet që i ka kontrolluar Bujar Bukoshi, si “Gjithçka për pavarësinë”, “Tre përqindëshi” dhe “Huazimi popullor”?

Si u lejua Bukoshi që ta menaxhojë fondin me vlerë më se 50 milionë euro në Kosovë?

A po funksion në diasporë ende fondi i Bukoshit?

Pse nuk është bërë asnjëherë ndonjë auditim i këtyre fondeve?

A u vodh “Dardania Bank” në Prishtinë?

Si arriti të fshihet njëri nga drejtorët e kësaj banke në Angli?

Çka bëjnë tani disa drejtorë e menaxherë të kësaj banke në Kosovë?

Deri ku ka arritur procedura e shitjes së “Daradania Bank”?

A ka blerë Bujar Bukoshi me këto fonde ndonjë pasuri në Kosovë?

Kush mori rroga nga Bukoshi para, gjatë dhe pas luftës në Kosovë?

A ia dha Bukoshi pas luftës dikujt nga 20 mijë DM në emër të punës në fondin “Tre për qind”?

Si e formoi Bukoshi fondin e UFORK-ut dhe pjesëtarët e tij?

Kush janë ata dhe ku gjenden sot nëpër institucione?

Çka u bë me shtëpinë e qeverisë apo Bukoshit në Gjermani dhe çka ka ai prej pasurisë në Kosovë?

Sa i ka ndihmuar Bukoshi UÇK-në dhe FARK-un?

Pse pritën dhe sa pritën në Tiranë Sali Çeku dhe Agim Ramadani.......në hotelin “Kruja” për furnizim më armë dhe si u përgjigj Bukoshi?

Çka ka ndërmarrë Bukoshi për vrasjen e Ahmet Krasniqit në Tiranë dhe në Kosovë?

Është një veprim i rrezikshëm, i pamoralshëm dhe shumë joserioz përpjekja e dëshmitarit që të abuzojë në emër të amerikanëve, anglezëve, emrave të prokurorëve të jashtëm. Sipas gjykimit tonë, këto ai i bën për ta fshehur inferioritetin, dobësinë apo për t’u dukur më i besueshëm në bashkëbisedim apo në përpjekje për të përfituar dëshmitarë të tjerë. Kjo duhet të sqarohet në gjykatë dhe të merret parasysh. Në vendet ku funksionon drejtësia dhe organet kompetente deklarimet e tilla cilësohen si shumë të pabesueshme. Për rastin konkret organet e drejtësisë të Kosovës duhet ta sqarojnë edhe rolin dhe relacionet e dëshmitarit të Bukoshit me Fadil Suleviqin (i kujtojmë opinionit se ky ka qenë një kohë relativisht të gjatë në pozita të larta të inteligjencës në SHPK, tani i larguar ose i suspenduar)

MST: Çka e shtyri dëshmitarin e Bujar Bukoshit të dëshmojë kundër Salihajt?

Deklaratat më kundërthënëse të dëshmitarit të Bujar Bukoshit po i paraqesim si vijon:

Në videoxhirim gjatë tërë kohës shihet haptas mosbesimi reciprok mes dëshmitarit dhe bashkëbiseduesit. Kjo edhe është ilustruar në transkriptin e botuar në “Iliria Post”. Ato çka dëshmitari i ka thënë në gjykatë, disa i përsëriste në fillim edhe në transkript, por ne po i botojmë disa deklarata të tij, të cilat e sjellin atë në kundërshtim me deklarimet në gjykatë.

MST: Disa nga deklarimet e dëshmitarit të Bujar Bukoshit para trupi gjykues në Gjykatën Komunale të Prishtinës

1. Vendi i institutit i përshkruar nga dëshmitari është “Bregu i Diellit”, Nr: 25

2. Bukoshi nuk ka paguar për dëshmi.

3. Dëshmitari i beson Bukoshit.

4. Dëshmitari flet vetëm të “vërtetën“.

5. E kam njohur Bujar Bukoshin në vitet ‘90, ( kjo ka qenë deklarata e parë për këtë pyetje, kurse në deklaratën e dytë për të njëjtën është përgjigjur: “Bukoshin e njoh prej ditëve të fëmijërisë”).

6. Në institut kam punuar deri në fund të fushatës së fundit të zgjedhjeve parlamentare

7. Në gjyq dëshmitari kishte deklaruar se: “Bujar Bukoshi është një ndër politikanët më të guximshëm në Kosovë”.

8. Dëshmitari në video-xhirim thotë se vetëm a kishte fakte kundër Salihajt se për para s’ishte problem.

9. Një ndër shumë kundërthënie të tjera është se në gjyq dëshmitari kishte deklaruar se Bukoshin e njeh personalisht dhe zhvillon takime të herëpashershme me të.

10. Dëshmitari thotë në gjyq se nuk e konsideron veten të kërcënuar.

11. Jam në studime postdiplomike në Drejtësi.

12. Dëshmitari i Bukoshit i pyetur nga mbrojtësi i Adem Salihajt se përse po dëshmonte kundër Salihajt, ishte përgjigjur se këtë e bënte për hir të interesit të përgjithshëm të Kosovës.

MST: Vetëdemantimi i asaj çka kishte deklaruar aty ku thuhet e vërteta dhe vetëm e vërteta

1. E vërteta është se instituti në atë kohë ka qenë i vendosur në rrugën “Ferat Draga”, është vendosur aty më 7 prill 2005, jo me nr. 25 por 36. Para se të vendosej në rrugën “Ferat Draga”, gjatë fushatës së fundit zgjedhore, instituti ka qenë i vendosur në rrugën “Enver Maloku” ( ish-Eqrem Qabej), me nr. 98.

2. Ndërsa dëshmitari tërë kohën thotë s`ishtë problem për pagesë, se paratë, sipas tij, vijnë prej Amerikës, dhe pasi të shitet “Dardania Bank” në Shqipëri.

3..... Bukoshi ja ka q... nanën edhe vet... por krejt i ka letrat e nënshkruara (fjala është për para të qeverisë), dëshmitari propozon që pos Bukoshit informatat t’i shiten edhe shefit të tij në G2 në TMK (edhe këtu shihet joserioziteti i dëshmitarit të Bukoshit).

4. Pse kërkon foto të A. S. dhe të R. M.? Që të duken si fshehtë, kokë më kokë, pra kërkon të bëjë sajim të rrejshëm për ta bindur opinionin dhe drejtësinë, dëshmitari edhe bashkëbiseduesi në video-xhirim qartë i thonë njeri-tjetrit se “s`po kemi dëshmi, s`kemi letra...,” a e flet të vërtetën kur mashtron se është në studimet postdiplomike, kur tregon për vitet, për adresën e institutit, datën, kohën dhe vendin, kur thotë se Bukoshi paguan pa problem për dëshmi “veç me pasë sende konkrete”, kur thotë se do të shpërblehemi pasi të shitet “Dardania Bank”, kur thotë se “tak-tak vijnë paret prej Amerike”, krejt këto çka duhet të ishin dhe të jenë për gjykatën?

5. Dëshmitari është i datëlindjes 1980, si duhet të komentohet në këtë rast fjala njohje, sa vjet ishte dëshmitari kur e paska njohur Bukoshin, a flet kjo moshë ndonjë gjë kur kihet para sysh se dëshmitari thotë se “Bukoshi nuk ma njeh as baben as babagjyshin”, kurse disa herë në videoxhirim e përmend se ka njohje familjare, se mund të shkojë te Bukoshi kur të dojë!

6. Kurse në pyetjen e Salihajt në gjykatë dëshmitari deklaron se në institut ka punuar deri para fushatës së fundit të zgjedhjeve parlamentare në Kosovë, pra dy përgjigje të ndryshme për pyetje të njëjtë. Thotë se në katin e dytë kishte bufe, kjo vërtetohet me dokumentacion se nuk është e vërtetë.

7. Ndërkaq, në video-xhirim dëshmitari thotë se për ta shkatërruar Adem Salihajn, Bujar Bukoshi është në gjendje të japë shuma të mëdha parash vetëm për të siguruar fakte kundër Sallihajt apo informacione, të cilat në një mënyrë ose tjetër do të mund të përdoreshin si fakte ndaj Salihajt. Në bazë të kësaj kundërthënieje të dëshmitarit vërehet qartë qëllimi i Bujar Bukoshit dhe se çfarë është në gjendje të bëjë ai vetëm për ta shkatërruar një personalitet siç është Adem Salihaj.

8. Sipas tij, Bukoshit ose ndërmjetësuesit paratë i vijnë nga Amerika.

9. Ndërkaq, në video-xhirim thotë se ai (dëshmitari) personalisht edhe mund të takohet edhe nuk takohet me Bukoshin. Sipas video-xhirimit, dëshmitari me Bukoshin komunikojnë edhe nëpërmjet një pale të tretë.

10. Ndërkaq, pala ka kërkuar që ai të jetë i mbrojtur.

11. Sipas dokumentacionit që ka Universiteti i Prishtinës, emri i dëshmitarit si student i studimeve postdiplomike nuk figuron.

12. Në video-xhirim thotë qartë: “Valla me q... nanen ma s’ka ren çështje kombëtare. Na diqem me kalendara, me Adem Jashara”.

Në bazë të kësaj kundërthënieje të dëshmitarit, si mund të vlerësohet dëshmia e tij se është interes i përgjithshëm....një dëshmi të tillë do të duhej seriozisht të trajtohet në vendin ku duhet të ndahet drejtësia për atë se çfarë bëjnë njerëzit në mënyrë që të parandalohen shumë fenomene të tjera, që mund të dëmtojnë shumë njerëz të tjerë pa asnjë fakt, vetëm nëpërmjet ndonjë shou medial, ashtu siç ka ndodhur edhe me Adem Salihajn deri më tani dhe organet e drejtësisë vazhdojnë të heshtin. Këtë mund ta quajmë edhe si një luks të palejueshëm, që keqpërdorimi i emrit të heroit Adem Jashari të mos bjerë në sy tani te drejtësia për t’u bindur në seriozitetin e dëshmitarit të Bukoshit. FUND

BOX: Koment redaksional:

Amerikanët, anglezët dhe miqtë e tjerë ndërkombëtarë në Kosovë mbështesin proceset demokratike për krijim, zhvillim dhe funksionim të institucioneve të Kosovës, prosperitetin, sigurinë e qytetarëve të saj pa dallim dhe proceset integruese në Rendin e Ri Botëror. Kjo është ajo çka besojnë shumica e qytetarëve të Kosovës.
__________________

[Kosovelli]

Komunikata me e re e sigurimcave!

SIGURIMI I ATDHEUT
Zona Operative Prizren

K O M U N I K A T Ë
Nr. 011 / 11/08/2004 / Prizren

Sigurimi i Atdheut: Reagojmë ashpër, me rastin e minimit të aktivitetit të LDK-së në komunën e Dragashit, nga ana e një grupi majtistësh dhe bashkëpunëtorët e tyre dezertorë që mshefen nën ombrellen e LDK-së.

Sigurimi i Atdheut: Tërheqim vërejtjen, për herë të fundit se këta matrapaz do ti godasim pamëshirshëm dhe veprimtarinë e tyre kundër LDK-së do ta paguajnë me jetë.
Sigurimi i Atdheut: Me veprimet e tyre armiqsore kundër Lidhjes Demokratike të Kosovës, dhe kundër interesave të qytetarëve të Kosovës, e kanë mbushur kupën dhe do ti godasim pamëshirshëm këta përsona:
1. DEMIR RESHITI, armik i përbetuar i LDK-së, njëri me ideologji marksiste, pioner i diktatorit Enver Hoxha, idetë e të cilit edhe sot përpiqet ti vej në vepër përmes angazhimeve të tija për bashkimin e Kosovës me Shqipërinë. Fundamentalist i urryer që shfrytëzon çdo rast për ta minuar punën e udhëheqjes komunale në Dragash dhe e pengon drejtpërdrejt kryetarin Halim Shemsedini për të kryer me nder funksionin e kryetarit që e ka fituar me vota të popullit.
2. IZET ALIU, i vetquajtur kapiten i TMK-së dhe shok i Demirit. Ditë e natë bën plane se si ta rrëzoj udhëheqjen e Dragashit. Ësht person që e urrejn edhe familja e tij. Merret me drogë e prostitucion dhe ua fut tmerrin të gjithë atyre që e duan me shpirt presidentin tonë të nderuar Ibrahim Rugova dhe rrugën e tij paqësore për pavarësinë e Kosovës.
3. SALIH SHALA, një përson me të kaluar të dyshimtë majtiste. Bashkëpunëtor i këtyre dy të parëve i cili mshefet nën ombrellen e LDK-së duke qenë edhe deputet i saj në kuvendin e Dragashit.
4. XHEMAJL ILJAZI, dallaveregji dhe kartrierist i madh. Demagog i fëlliqur dhe bashkëpunëtor i majtistëve të lartpërmendur.
5. SALAJDIN TAFILI, njëri i cili ia ka ktyer shpinën LDK-së dhe bukshkelës i cili bashkë me familjen e tij shfrytëzon çdo moment për ti kritikuar shokët e deridjeshëm nga të cilët ka përfituar në të kaluarën shumë duke qenë në poste të rëndësishme.


Sigurimi i Atdheut: Jemi duke përcjellur me sukses edhe aktivitetin e disa të tjerëve që po e zhvillojnë kundër LDK-së dhe kundër Presidentit të Pavarësisë së Kosovës, Dr.Ibrahim RUGOVA. Po këtyre u bëjmë thirrje të tërhiqen nga lojërat e pista dhe të pa krye sepse më këtë strategji ata do të jenë përgjithmonë të humbur. Ata kanë plane të shkatërrimit të LDK-së dhe të bashkimit të Kosovës me Shqipërinë; ndërsa populli i Kosovës ka votuar dhe do ta votojë Dr.Ibrahim RUGOVËN, Presidentin e Pavarësisë.
Sigurimi i Atdheut: Kjo është vërejtja e fundit, dhe nëse vazhdohet me veprimtari destruktive, do ti godasim pamëshirshëm.
Sigurimi i Atdheut: Urdhërat janë të prera. Sigurimi i Atdheut është gjithmonë në mbrojtje të atdheut dhe të strukturave atdhetare të Pavarësisë së Kosovës. Kosova nuk është e vejë, ajo ka burra që i dalin zot.

[Kosovelli]

Qe nji komunikat e sigurimcave me heret.


----------------------------

S I G U R I M I I A T DH E U T ‘

K O M U N I K A T Ë
Nr. 002 / 12/07/2004 / Prishtinë

Sigurimi i Atdheut:Reagojmë ashpër, me rastin e minimit të aktivitetit të LDK-së nëpër degë të ndryshme në Kosovë, nga ana e një grupi dezertorësh, të cilët, në pamundësi për të realizuar synimet e veta idioteske, tradhëtuan djathtizmin kombëtar, duke i dalë përballë atij dhe duke u bërë me vetëdije pararojë e majtistëve kuislingë të cilët kanë vrarë atdhetarët më të devotshëm të Pavarësisë së Kosovës.

Sigurimi i Atdheut: Tërheqim vërejtjen, se çdo shantazh që Ju dezertorë do të bëni kundrejt degëve dhe nëndegëve të LDK-së, do të pësoni me jetë. Ju ftojmë që për të mirën e familjeve tuaja dhe për të mirën e Kosovës, të reflektoni dhe të kërkoni falje, derisa nuk ka ardhur momenti i fushatës elektorale, kur ju mund të ç’orientoni dhe shantazhoni anëtarë dhe personalitete të tjera të LDK-së, sepse atëherë, ju betohemi se do t’ju godasim pa paralajmërim.

Sigurimi i Atdheut: Ftojmë qytetarët e Kosovës, posaqërisht anëtarët e Lidhjes Demokratike të Kosovës, që të mos bijnë pre e mashtruesve dhe e matrapazëve mospërfillës të cilët kanë dezertuar sot nga LDK-ja duke mos qenë të aftë të kryejnë detyrat e ngarkuara. Ata janë të dezertuar edhe nga interesat e qytetarëve të Kosovës. Ata kanë qëllime mashtrimi dhe nuk janë të aftë për ta drejtuar Kosovën dhe për ta bërë të pavarur. Këta matrapazë kanë ikur nga përgjegjësitë që kanë pasur dhe tani kërkojnë përsëri përgjegjësi nga Ju, të cilëve u tradhëtuan pikërisht në momentin e fundit kur çështja e Kosovës do të fitoj statusin përfundimtar. Ata janë të shitur te majtistët të cilët kanë vrarë dhe po vrasin atdhetarët më të denjë të pavarsisë së Kosovës. Ata janë kundër pavarësisë së Kosovës dhe sot janë bërë aleatë të majtistëve të cilët i kanë paguar mirë që në të ardhmen t’i kenë për vete kur të vendosin që Kosovën t’ia bashkojnë Shqipërisë. Majtistët duan që ta rikthejnë Shqipërinë e madhe dhe kështu të bëhen rreziku për Ballkanin. Prandaj mos e përkrahni tradhëtinë e cila na e prishë imazhin; ta bëjmë Kosovën sipas planeve të Dr.Ibrahim RUGOVËS, të pavarur demokratike me fqinjësi të mirë dhe të integruar në të gjitha mekanizmat ndërkombëtar.

Sigurimi i Atdheut: Jemi të informuar edhe për anëtarë të tjerë të “pakënaqur” të kryesisë së LDK-së, të cilët po planifikojnë që në momentin e fundit ta lënë LDK-në të boshatisur dhe t’i kthejnë shpindën Presidentit të Pavarësisë së Kosovës, Dr.Ibrahim RUGOVA. Po këtyre u bëjmë thirrje të tërhiqen nga lojërat e pista dhe të pa krye sepse më këtë strategji ata do të jenë përgjithmonë të humbur. Jemi të detyruar të ju informojmë se njëra nga të rebeluarat e LDK-së mban lidhje dhe ka mbështetje nga ekstremistët të cilët veten e kanë quajtur Armata Kombëtare Shqiptare, dhe synojnë që me forma terroriste ta bashkojnë Shqipërinë, që Kosovën t’ia bashkojnë Shqipërisë dhe me ne të udhëheq Fatos NANO apo Gafurr ADILI i cili është ngusht i lidhur me trashigimtarët e Enver HOXHËS dhe cilësohet si “Enveri i dytë”. Ata kanë plane të shkatërrimit të LDK-së dhe të bashkimit të Kosovës me Shqipërinë; ndërsa populli i Kosovës ka votuar dhe do ta votojë Dr.Ibrahim RUGOVËN, Presidentin e Pavarësisë. Lëvizja juaj do të fitoj turpin dhe do të vejë në humnerë me majtistët të cilët nuk do të kenë vend në Kosovën e Pavarur.

Sigurimi i Atdheut: Urdhërat janë të prera. Sigurimi i Atdheut është gjithmonë në mbrojtje të atdheut dhe të strukturave atdhetare të Pavarësisë së Kosovës. Kosova nuk është e vejë, ajo ka burra që i dalin zot.


Kolonel. R. Miftari

[Kosovelli]

Ju tregoj kush është "Sigurimi i Atdheut"...
Janë ata "100 eprorët" e diasporës që tentonte Tahir Zemaj ta instalonte në TMK - në mesin e tyre edhe disa njerz konfliktuoz të Strellcit , Irzniqit , Llaushës ....

Paknaqësia e tyre e brendëshme me LDK e ka fillin te izolimi politik i ma hereshëm i Tahir Zemës nga LDK-ja :

Kolonel Tahir Zemaj e kanë izoluar dhe largar LDK-ja kur nuk është pranuar propozimi që të zgjedhet Kshilltar për Siguri pran Presidencës se Kosovës ... !!

Kolonel Tahir Zemaj e kanë izolue dhe largue LDK-ja kur është larguar nga Lista për të u zgjedhur Deputet i Parlamentit të Kosovës !!

Kolonel Tahir Zemaj e kanë izolue dhe largue LDK-ja kur ja dhuruan gazetës "Epoka e re" dokumente kompromituese për Kolonel Tahir Zemaj , aktgjykime dhe dokumente të avokatve për një proces gjyqsor për narkotikë kundër Tahir Zemës në vitin 1988 !!

Kolonel Tahir Zemaj e kanë izolue dhe largue LDK-ja kur u Bllokua dhënja e Dekoratës së Lidhjes së Prizerenit për Kolonel Tahir Zemaj - të ndara nga Ibrahim Rugova !!

...Kjo ishte konkurrenc e Ramë Marës, personi i angazhuar rredh sigurimit dhe informimit të brendëshëm të LDK-së !!


Paknaqsia rreth trajtimit të Ahmet Krasniqit i shpallur Ministër i Mbrojtjes pa nënshkrim dhe Autorizim të Kryeminiostrit Bujar Bukoshi ... !!!

Këta janë ajo pjesa e oficerve që ishin kundër grupit të oficerve që kërkuan shkarkimin dhe ndrrimin e Ahmet Krasniqit ( Jashari, Demiri, Bicaj...) !!

Kjo pjesë e oficerve të ish APJ-së ishte e angazhuar në tentim grushtshtetin e 14 shtatorit 1998 në Tiranë... !!

Janë të lidhur me segmente si Ismet Haxhija (trproja e Sali Berishës - pjesmarrës në vrasjen e Azem Hajdarit) ... Ramë Berisha ... një i afërm familjar i Sali Berishës... Agron Rexha "Alban Berisha" me të ashtuquajturën "AKSH djathtiste" etj. .... !!

Paknaqësia është e rritur edhe ndaj atyre që patën shkarkuar Ibrahim Rugovën në Tiranë në maj 1999 dhe që ishin takuar me Presidentin Shqiptar Rexhep Mejdani ..!!

Më të rrezikuarit nga "Sigurimi i Atdheut" janë pjesmarrësit në "Darkën e fsheht" të Tiranës (maj 1999) që patën shkarkuar Ibrahim Rugovën nga të gjitha funksionet ... dhe patën emruar Hafiz Gagicën si përfaqësues të LDK-së....


Në këtë takim nuk merrte pjesë Klani Hamiti (Sabri Hamiti është dhëndërr i Ibrahim Rugovës dhe ndajn kulaçin e bisnisit politik të quajtur LDK)....

Ja fotografia e pjesmarrësve në "Darkën e fshehur" në Tiranë...

Milazim Krasniqi
Fatmir Sejdieu
Fadil Hysaj
Nimon Alimusa (që dual se LDK-ja është kundër "Sigurimit të Atdheut" )
Naim Jerliu
Fatmir Rexhepi (ka marrë edhe më heret kërcnime)
Hafiz Gagica
Hysen Gërvalla...
etj

http://www.buildingweb.org/hpgen/use...9194520022.jpg

Tash ky grupacion është më shum i përbër në grupimin e Melihate Trëmkollit (me prapavi ish sigurimin Ramë Marën - që ishte në konflikt me Tahir Zemën dhe grupin e tij) !!

Këta ish Oficer të APJ-së , paknaqësin ma të madhe e kanë në largimin e Bujar Bukoshit, Milazim Krasniqit, Fadil Hysës... nga LDK-ja dhe të Edita Tahirit dhe Edi Shukriut kohëve të fundit.. !!

Pas izolimit politik të Tahir Zemës nga LDK-ja... dhe tash 6 vite mos interesim për Varrimin e Ahmet Krasniqit në Kosovë, këto strukrura janë tërbuar ( që nuk mund të konsiderohen edhe të pa rrezikshme) !!
Ja disa edhe me emra ... janë ish zëvendësi i Ahmet Krasniqit, oficerët e ish APJ-sëFARK- A. Mehmeti, Sh. Shala, Rifat H. ( të fundit me qëllim ja lash emrin jo mbiemrin ) .. etj etj...

[Kosovelli]

Deklaratë për media e "Sigurimit të atdheut"
"Sigurimi i atdheut" demanton LDK-në: "Ne veprojmë me bekimin e Ibrahim Rugovës"

17.07.2004, 21:17
Pas zhurmës së madhe me publikimin e komunikatës nr. 02 të organizatës misterioze "Sigurimi i Atdheut", ku ndër të tjera më pas Lidhja Demokratike e Kosovës me një deklaratë ka demantuar të ketë ndonjë lidhje me këtë orgnazitë, "Sigurimi" ka reaguar me shpërndarjen e një deklarate për media me anë të së cilës hedh poshtë pohimet mbi mosekzistencen e saj si organizatë si dhe demanton LDK-në.
Deklarata e plotë në vijim. / ILIRIA



DEKLARATË PËR MEDIA
Nr. 001 /17/07/2004 / Prishtinë

Pas bërjes publike të komunikatës 02, të Sigurimit të Atdheut, politikanë anonimë dhe media të shumta në Kosovë kanë demantuar ekzistimin e organizatës Sigurimi i Atdheut dhe të njëjtit, në të njëjtën kohë, kanë kërkuar që pjesëtarët e kësaj organizate të sillen para drejtësisë; absurditet. Me këtë rast, politikanë anonimë, të lemerisur nga frika e fajësisë së mundshme, janë munduar ti mbyllin sytë sikur gomari përpara ujkut, dhe po luten të janë në ëndërr, ose Sigurimi... të jetë ëndërr. Ndërsa dezertorët, në shumë qytete të Kosovës nuk janë parë në vendet e më parshme publike, janë dukur me fytyra të zymta dhe disa nga viktimat e tyre si duket janë vetëdijësuar dhe u janë shmangur.

Pas deklaratës 02 të Sigurimit të Atdheut, disa nga mediat majtiste të cilat janë të instaluara kundër interesave të qytetarëve të Kosovës, kundër pavarësisë dhe kundër Presidentit Dr.Ibrahim RUGOVA, kanë luajtur një rol tejet destruktiv dhe shantazhues kundër LDK-së dhe Sigurimit...të saj. Disa nga këto media, janë munduar që këtë komunikatë ta paraqesin në aspektin negativ dhe hipokrizia e tyre ka shkuar aq largë saqë kanë deformuar edhe portretin e shenjtë të Presidentit Dr.Ibrahim RUGOVA. Shantazhi që është bërë duke shfrytëzuar deklaratën në fjalë është antiatdhetar, nuk paraqet etikë gazetare dhe aq më keq s’është as për së afërmi profesional në fushën e informimit. Në formën më profesionale, deklaratën e ka paraqitur gazeta e përditshme KOSOVA SOT, e cila pas njoftimit që letra ka shkuar përmes E-mailit, ka dhënë deklaratën e plotë ashtu siç është kërkuar.

Pas këtyre shantazheve, Sigurimi i Atdheut është i detyruar të sqarojë, duke lëshuar këtë deklaratë me sa vijon:

1. Demanti që disa gazeta kanë botuar, në emër të Kryesisë së LDK-së është i pavlefshëm, sepse është demantuar nga një organ tjetër i cili nuk është pjesë përbërëse e organit tonë të sigurimit. Sikur, me firmën tonë, me simbolin dhe emrin Sigurimi i Atdheut të kishte manipuluar dikush tjetër, vetëm ne kemi pasur të drejtën që ta demantonim atë dhe askush tjetër pa marrë parasysh vinë partiake. E vërteta është se ne qëndrojmë pas deklaratës numër 1 dhe 2, dhe do të realizojmë obligimet të cilat ia kemi vënë vetes.

2. Është absurde që për Sigurimin e Atdheut gazetarët kanë pyetur anëtarë të rëndomtë të LDK-së. Është absurde dhe joprofesionale që çdokush që ndodhet në LDK apo në kryesi të saj të ketë qasje edhe tek Sigurimi..., sepse ne jemi sekret, ndërsa LDK është publike dhe në të është i gjithë populli i Kosovës. Ne mbikëqyrim veprimtarinë e LDK-së e jo LDK-ja veprimtarinë tonë.

3. Askush nuk ka të drejtë të na e mohojë të drejtën që ne të jemi në mbrojtje të pavarësisë së Kosovës dhe rrjedhimisht edhe të Presidentit Dr.Ibrahim RUGOVA. Ne jemi në mbrojtje të vullnetit dhe të votës së lirë të qytetarëve të Kosovës. Ne kemi bekimin e Presidentit të Kosovës Dr.Ibrahim Rugova dhe jemi betuar publikisht përpara varrit të heroit të Kosovës së Pavarur, Kolonelit Tahir Zemaj, dhe kemi qenë transparent vetëm në rastin e ceremonisë së varrimit të tij, ku prezenca jonë pati jehonë të madhe dhe përkrahje nga qytetarët e Kosovës; prezencë kjo e cila pati lemerisur vrasësit majtistë. Ju rikujtojmë se që prej atëherë kur jemi paraqitur ne, në Kosovë nuk ka pasur asnjë vrasje politike.

Kolonel. R. Miftari

[Kosovelli]

Prishtinë, 2 mars 2005 Time: 09 : 59

Njëri nga punëtorët e sigurimit të kryetarit të Kosovës, Ibrahim Rugova, Mufail Hajrullahu, ka kërcënuar me revole të hënën në Prshtinë dy qytetarë, ndërsa ai është arrestuar më pas nga pjesëtarët e SHPK-së,

[Kosovelli]

Prishtinë, 12 prill 2005 – Prapë SIA . Opozita ka marrë mbështetje të fortë në akuzat e veta me kërcënimet më të reja të SIA-s, sepse pikërisht për të bëhet fjalë në “aktakuzën” e PDK-së që iu dorëzua UNMIK-ut.

Më 4 janar 2003 në Pejë ka ndodhur një vrasje e trefishtë. Viktima kanë qenë Tahir Zemaj, oficer i “FARK“-ut, djali i tij, Enisi, dhe kushëriri, Hasani. Pikërisht në atë ditë, në opinion për herë të parë është paraqitur përmes Komunikëtës Nr. 001 i ashtuquajturi “Sigurimi i Atdheut”. Veç tjerash, si simbol identifikues në këtë komunikatë ky formacion paramilitar, i “forcave profesionale ushtarake”, siç e identifikon veten, ka stemën e Presidentit Rugova. Edhe programi i tyre është “mbrojtja” e fuqisë së Rugovës, për ç’gjë nuk janë kursyer kërcënimet për shumë anëtarë të LDK-së. Me gjasë edhe shantazhet nga më të rëndat.

Deri më tani dr.Rugova nuk është distancuar nga ky përdorim i stemës së tij nga “Sigurimi i Atdheut”.

“Në bazë të rrethanave të krijuara pas luftës në Dardaninë tonë dhe pjesëve të tjera të banuara me shumicë shqiptare jemi të detyruar të veprojmë duke formuar Sigurimin e Atdheut tonë”, ky është motivimi në bazë të cilit, siç thuhet që në fillim të Komunikatës Nr. 001, është krijuar “Sigurimi…. ”.

Organet ndërkombëtare të ndjekjes kanë heshtur pas publikimit të kësaj komunikate. Apo, të paktën për opinionin nuk është e njohur që ndokush të jetë marrë në përgjegjësi.

Më 8 janar 2003 është bërë varrimi i Tahir, Enis dhe Hasan Zemajt në fshatin e lindjes, Strellc të Komunës së Deçanit. Në ceremoninë e varrimit, krerët e LDK-së janë përkujdesur edhe për skenografinë: para varreve janë paraqitur të rreshtuar edhe një numër i të uniformuarve me këmisha të kaltërta, dhe, pas komandës ushtarake “ga-ti-tu!“, të dhënë nga Shpend Shala, kanë marrë pozicionin dhe s’kanë luajtur as çerpikun e syrit. Paraqitja e këtij njësiti paramilitar, në plotëkuptimin e fjalës, dhe heshtja e plotë nga ana e ndërkombëtarëve, UNMIK-ut, policisë së UNMIK-ut dhe edhe KFOR-it, duket që kanë qenë sinjal i mjaftueshëm që ky njësit të paraqitet, poashtu i uniformuar, ditën e nesërme, 9 janar, në kryeqendrën e Kosovës, Prishtinë, në protestën me moton “Ndal dhunën politike“, të cilën e kishte organizuar Forumi i Rinisë së LDK-së në Deçan. Përveç zyrtarëve lokalë të LDK-së, pat marrë pjesë edhe Nekibe Kelmendi, deputete e Kuvendit të Kosovës dhe anëtare e Këshillit të Përgjithshëm të LDK-së. Fjalimet e zjarrta dhe akuzat publike të folësve të mëparshëm në adresë të kundërshtarëve politikë të LDK-së si dhe konstatimi plotë me emocione i zonjës Kelmendi: “Këta tre trima i vrau dora antishqiptare, tradhtare.. . “, kanë mjaftuar që ithtarët e LDK-së të përcjellin fyerje dhe etiketime nga më të ndryshmet në adresë të disa krerëve të ish-UÇK-së, zyrtarë të lartë të PDK-së dhe AAK-së. Më i atakuari ka qenë Ramush Haradinaj dhe ushtarët e tij të afërt.

Sërish, të gjitha institucionet ndërkombëtare kanë heshtur rreth paraqitjes së paramilitarëve në këtë protestë. Dhe, “Sigurimi i Atdheut” ka vazhduar veprimtarinë e vetë i papenguar. Krahas kërcënimeve në adresë të kundërshtarëve politikë të LDK-së, siç ishte rasti i Xhavit Halitit, anëtar i kryesisë së PDK-së dhe njëherit edhe Kuvendit të Kosovës, Veton Surroit, kryetar i partisë ORA, apo dhe ndonjë editori dhe gazetarëve të shtypit të lirë, sipas dosjes që PDK ka dorëzuar këto ditë tek organet e ndjekjes ndërkombëtare, ky formacion paramilitar është marrë edhe me veprime tjera konkrete kriminale, qoftë me motive politike apo dhe ekonomike. Po sipas dosjes së PDK-së, në këtë veprimtari inkriminuese dyshohen të jenë përfshirë edhe zv. kryeministri Adem Salihaj dhe ministra të caktuar të Qeverisë së Kosovës. Një nga ata konsiderohet frymëzues dhe motivues i fortë financiar, sepse mban lidhje me ta dhe raporton për vëzhgimet e kryera ndaj këshilltarëve të zyrtarëve të lartë të LDK-së, apo edhe deputetëve. Ndër ta, në shënjestër mbahet me interes edhe dr.Sabri Hamiti.

Pas akuzave të PDK-së, organizata paramilitare e ashtuquajtur “Sigurimi i Atdheut” nëpërmjet një komunikate që e ka shpërndarë të martën për media ka marrë në mbrojtje zv. kryeministrin e Qeverisë së Kosovës, Adem Salihajn, dhe ka kërcënuar për vdekje shefin e grupit parlamentar të Partisë Demokratike të Kosovës (PDK), Jakup Krasniqin, kryetarin e Partisë ORA, Veton Surroin, kryetarin e Partisë së Re të Kosovës (PReK), Bujar Bukoshin, si dhe kryetarin e sapozgjedhur të Ferizajt, Faik Grainca, me arsyetim se kanë shpifur kundër zv. kryeministrit Salihaj. Me një fjalë, kërcënohet për vdekje opozita dhe z.Grainca që mundi në vota grupin e Adem Salihajt në Ferizaj.

[Kosovelli]

“SIGURIMI I ATDHEUT”: KEMI PLUMBA SA PËR TA MBROJTUR ADEM SALIHAJN



Në komunikatën “Sigurimit të Atëdheut”, e cila mban firmën e kolonel R. Miftarit thuhet se pas një serie shpifjesh kundër zv. kryeministrit Adem Salihajt, nga matrapazët e politikës kosovare i tërhiqet vërejtja për reflektim të gjithë atyre që janë përfshirë në sulme kundër Adem Salihajt, Jakup Krasniqit (PDK), Veton Surroit (Lista joqeveritare- Ora), Bujar Bukoshit (Fondi UFORK), Faik Graincës (anti-LDK).

Më tej thuhet se përkundër mosdashjes ata janë të detyruar që të dalin me këtë deklaratë publike që edhe një herë të tërheqin vërejtjen “me mesazhin tonë të qartë dhe të rreptë”.

“Nëse dikush ka menduar ta degradoj Qeverinë e Pavarësisë së Kosovës, mu në vitin vendimtar; “Sigurimi i Atdheut”, është i detyruar të mendojë për fatin e jetës së atyre që po shpifin dosje të rreme kundër drejtuesve të qeverisë. Adem Salihaj është i mbrojtur nga “Sigurimi i Atdheut”; shpifarët po luajnë “Rolet me gjashtë fishekë”, “Provoni dhe dërgoni dosje në gjykatë apo kudo tjetër, atëherë do të merrni përgjigjen konkrete nga “SIA”, thuhet në këtë komunikatë.

Sipas kësaj komunikate, në Qeveri, të drejtën ligjore, morale dhe kombëtare, të kërkoj llogari apo të ndërhyj drejpërdrejt e ka vetëm idhulli i tyre, Presidenti i Pavarësisë së Kosovës, Dr. Ibrahim Rugova.

Kushdo tjetër që mësynë Salihajn, do të mbetët në tentativë. “Sigurimi i Atdheut” është në mbrojtje të pavarësisë së Kosovës dhe frymës kombëtare që mbështet atë në krye me presidentin Dr. Ibrahim Rugovën. “Sigurimi i Atdheut” në këtë komunikatë thotë se do të godas në të gjitha format, pa paralajmërim, të gjithë kundërshtarët e pavarësisë së Kosovëës dhe të Dr. Ibrahim Rugovës. Rjedhimisht, në këtë situatë me çdo kusht do të luftojë kundërshtarët e drejtuesit të lartë të qeverisë, z. Adem Salihaj. “Sigurimi i Atdheut” u bënë me dije të përfshirëve në këtë aferë, me sa vijon:

Jakup Krasniqit - i rikujtojmë se Qeveria e Kosovës nuk është “Republikë e Malishevës”, që t’i jap llogarinë atij. Kjo është qeveri legjitime e zgjedhur nga vota e lirë e qytetarëve të Kosovës dhe jo qeveri e kallashnikovëve të Poliçanit.

Gjithashtu, të njëjtit i rikujtojmë se Kosova e Pavarur, pas decentralizimit, mund të mos i njohë pasaportat e Malishevës, prandaj për të më e mirë është heshtja ose përndryshe do t’i presim një buletë njëdrejtimëshe për Holandë.

Veton Surroit - para se të botojë në gazeten e tij të CIA-s sekrete të qeverisë së Kosovës etj., është mirë t’i bëjë të njohura për lexuesin kosovar edhe sekretet e tij të cilat kanë të bëjnë me bashkëpunimin e tij me jugosllavët.

Të botojë marrëveshjet e veta të fshehta që ka me shërbimet e huaja sekrete etj. Një shoqatë joqeveritare nuk i takon të merret me punë të qeverisë. Me këtë avaz, Veton Surroit është rrezik t’i ndalet “ORA” në dorë.

Bujar Bukoshit - i rikujtojmë se nëse e gjithë bota ka të drejtë të kërkojë llogari në qeveri, ai vetë është njeriu me më së paku arsye në këtë botë për të kërkuar këtë llogari. Askush nuk i ka faj atij se është larguar nga LDK-ja pse nuk i ka fituar votat. Ai, asnjëherë nuk ka dhënë llogari për paratë e popullit, të cilat i ka vjedhur në emër të qeverisë së Kosovës. Po ky Bujar Bukoshi, në momentin kur ndodhet në krizën më të madhe me aferën “Ben-af”, jo rastësisht, për t’i ikur kësaj përgjegjësie dhe për t’u harruar nga mediat merret me shpifje kundër zëvëndëskryeministrit Adem Salihaj.

Faik Graincës - , të rebeluarit të LDK-së i rikujtojmë se enveristët e kuq marksistë-leninistë, kanë realizuar qëllimin e tyre për të krijuar thyerje të brendshme kudo në LDK, të cilin “sukses” do ta bartë mbi kurriz vetë Grainca, dhe atëherë kur enveristët nuk do t’i dalin në ndihmë, sepse do jenë shtuar. Është mëkat që një person si Grainca, të ketë ende librezen e LDK-së. Këtë mëkat do ta korrektojë shumë shpejtë “Sigurimi i Atdheut”. Kështu pra, një nga një, këta katër i kërcënon kjo farë SIA (“Sigurimi i Atdheut”) e dr.Rugovës.



ADEM SALIHAJ NUK PRANOI TË DISTANCOHEJ NGA SIA



I kontaktuar nga “Epoka e Re”, zv. kryeministri Adem Salihaj nuk ka pranuar të prononcohet në lidhje me marrjen në mbrojtje që i ka bërë “Sigurimi i Atdheut”. “Nesër flasim“, ka thënë Salihaj, i cili insistimit telefonik të gazetarit të “Epokës së re”, nëse bën qoftë vetëm një fjalë ta thoshte për atë që po thoshte SIA, i është përgjigjur me tre fjalë: “Hiq asnjë fjalë”. Edhe kjo është deklaratë! Zëvendëskryeministri i një vendi nuk don të diferencohet nga metodat e krimit dhe metodistët e terrorit që e marrin atë në mbrojtje!

Ditë më parë ai ka thënë se “ndoshta pa vetëdije” ka kontaktuar me ndonjë pjesëtar të SIA-s.

Salihaj dhe disa zyrtarë të lartë të Qeverisë Kosumi janë të akuzuar tash sa kohë për lidhje me krimin e organizuar dhe vetë “Sigurimin e Atdheut” që më sa duket ka lindur dhe po rritet në shtëpinë e presidentit të vendit. Ky episod i ri i kërcënimeve, pa dyshim, tregon për panikun që mbretëron në atë shtëpi dhe përdorimin e mjeteve të fundit për të ruajtur shëndetin e tyre në majat e pushtetit ekonomik dhe politik.

[Kosovelli]

“SIGURIMI I ATDHEUT” S`ËSHTË ASGJË TJETËR PËRVEÇSE MBETURINË E UDB-SË

Opinioni nuk është i pa njohuri, me emra dhe mbiemra, që njihen si anëtarë të organizatës së ashtuquajtur “Sigurimi i Atdheut”, që për mua nuk është asgjë tjetër veçse mbeturinë e UDB-së, e cila ka krijuar formacione kriminale që rrezikojnë sigurinë e qytetarëve të Kosovës, dhe që në fakt me veprimet e tyre, me implikimet e tyre dhe me futjet e tyre në institucione, si në institucionin e policisë, të hetuesisë, të prokurorisë dhe të gjyqësisë, unë jam i bindur se këta pengojnë zbardhjen e krimeve që janë bërë në pesë-gjashtë vitet e fundit në Kosovë. Kjo ka qenë ajo që unë e kam thënë dhe mendoj se kjo çështje është mjaft.

[Kosovelli]

ME PARAQITJEN PUBLIKE TË ORGANIZATËS „SIGURIMI I ATDHEUT“

PO I VIE FUNDI KRIMIT POLITIK DHE
KORRUPSIONIT NË KOSOVË?!

A ka detyrë më të shenjtë se sa të dalësh në mbrojtje të vullnetit të lirë të popullit të tënd të shumëvuajtur; të dalësh në mbrojtje të inteligjencës së përjashtuar nga rrjedhat normale të jetës; të mbrosh interesat e rinisë dhe të studentëve tanë; të luftosh kundër krimit poolitik, korrupsionit, prostitucionit si dhe kundër të gjitha dukurive tjera negative që nuk po e lënë Kosovën të shohë dritën e bardhë?! Këto janë arsyet më të mëdha për të formuar ndonjë organizatë kombëtare me njerëz të përgaditur profesionalisht (qoftë ajo edhe ilegale), dhe jo të dalim me emra bombastik të organizatave që shtrojnë kërkesa politike jashtë konteksteve kohore dhe që janë totalisht në kundërshtim me vullnetin e lirë të popullit shqiptar të Kosovës.

Vrasjet e njëpasnjëshme politike në Kosovë nga strukturat e organizuara kriminale antishqiptare e sidomos vrasja e kolonel Tahir Zemës në Pejë dhe rreziku i mëtejmë për vrasjet tjera politike me qëllime të errëta ndaj statusit të ardhshëm të Kosovës, siç po shihet nuk i ka lënë indiferente disa forca profesionale ushtarake me orientim të drejtë kombëtar, që të organizohen në mbrojtje të vlerave të Lirisë dhe në veprim konkret kundër krimit politik dhe korrupsionit ekonomik, të cilat përkundër prezencës së UNMIK-ut dhe KFOR-it në Kosovë, kanë marrë hov të madh. Në Komunikatën Nr.001 të organizatës „Sigurimi i Atdheut“ dërguar njërit nga televizionet e Kosovës (RTV21), janë shprehur hapur qëllimet e formimit të kësaj organizate, e që konsistojnë plotësisht me situatën e krijuar në periudhën e pasluftës në Kosovë nga strukturat e organizuara politiko-ushtarake, gjë që nënkupton se kjo organizatë paraqitet mu në momentin kur organet e sigurisë ndërkombëtare dhe të vendit e kanë humbur luftën kundër krimit politik dhe korrupsionit në Kosovë. Se vërtetë e kanë humbur luftën kundër krimit në Kosovë flasin shumë fakte, e ndër to flet edhe moszbulimi i asnjë vrasjeje politike të pasluftës nga organet policore ndërkombëtare dhe ato të vendit.
Një formë e tillë e organizimit sikurse që është „Sigurimi i Atdheut“ do të ishte vërtetë i tepërt poqëse organet policoro-ushtarako-gjyqësore në Kosovë do të funksiononin efektivisht dhe në bazë të rregullativave të parapara me norma përkatëse ligjore, e që nënkupton njëkohësisht edhe veprimin nën moton e njohur „Zero tolerancë krimit“. Mirëpo, shoqëria e Kosovës së lirë, inteligjenca demokratike e Kosovës, personalitetet politike si dhe e gjithë ajo pjesë e shoqërisë që ndjehet e përafërt me Lidhjen Demokratike të Kosovës dhe me subjektet tjera politike aleate të LDK-së janë lënë nën mëshirën e krimit politik dhe korrupsionit të ashpër, janë lënë pa ndonjë përkrahje (as morale), e të gjitha këto që vijnë drejtpërdrejtë si pasojë e luftës së grupeve kriminale për pushtet të dhunshëm politiko-ekonomik në Kosovë.
Prandaj, a ka detyrë më të shenjtë se sa të dalësh në mbrojtje të vullnetit të lirë të popullit të tënd të shumëvuajtur; të dalësh në mbrojtje të inteligjencës së përjashtuar nga rrjedhat normale të jetës; të mbrosh interesat e rinisë dhe të studentëve tanë; të luftosh kundër krimit poolitik, korrupsionit, prostitucionit si dhe kundër të gjitha dukurive tjera negative që nuk po e lënë Kosovën të shohë dritën e bardhë?! Këto janë arsyet më të mëdha për të formuar ndonjë organizatë kombëtare me njerëz të përgaditur profesionalisht (qoftë ajo edhe ilegale), dhe jo të dalim me emra bombastik të organizatave që shtrojnë kërkesa politike jashtë konteksteve kohore dhe që janë totalisht në kundërshtim me vullnetin e lirë të popullit shqiptar të Kosovës. Për këtë arsye, organizata e oficerëve shqiptarë„Sigurimi i Atdheut“ duhet të jetë plotësisht e vetëdijshme për barrën e madhe që po e merr mbi vete, si dhe për përgjegjësinë që po ia ngarkon vetes, në mënyrë që edhe veprimet e saj të jenë në përputhje me interesat e popullit shqiptar të Kosovës. Bazuar në Komunikatën Nr.001 të „Sigurimi i Atdheut“, synimet janë shumë të drejta, kombëtare, të qëlluara dhe konstruktive dhe janë të papërballueshme për strukturat e organizuara kriminale në Kosovë. Pakënaqësia, pasiguria dhe mospajtimi i shoqërisë së Kosovës me vrasjet politike dhe korrupsionin kanë arritur kulminacionin e vet, e sidomos frika për të lëvizur i lirë edhe në orët e mbrëmjes në kohën kur Kosova quhet e lirë është një ndjenjë e papranueshme për qytetarët e lirë, sikurse që janë bërë të papranueshme moszbulimi dhe mosdënimi i vrasësve të personaliteteve të çmuara politike e ushtarake të Kosovës. Me formimin e organizatës „Sigurimi i Atdheut“ në Kosovë shpresohet të arrihen kthesa të mëdha dhe pozitive në sferën e sigurisë së intelektualëve, politikanëve, bartësve të pushtetit politik dhe të popullit të Kosovës në përgjithësi, si dhe në vazhdimësinë e proceseve të nisura të shtetëzimit dhe pavarësimit të Kosovës, padyshim duke llogaritur gjithnjë në mbështetjen morale e juridike të SHBA-së, si aleate dhe mike e përhershme e shqiptarëve.

[Kosovelli]

Me krijimin e një shteti automatikisht formohen edhe mekanizmat e mbrojtjes për t’u mos lënë hapësirë forcave kërcënuese të shteteve fqinje të cilat kanë pretendime territoriale dhe ekonomike ndaj shtetit të posakrijuar apo edhe ekzistues. Duke marrë parasysh pozitën gjeografike dhe aneksimin e tokave shqiptare nga të gjitha shtetet fqinje nuk ka asnjë dyshim se ato edhe janë të interesuara që Kosovës t’ia pengojnë rrugën e saj drejt pavarësisë. Shtetet që kufizohen me territorin e Kosovës, tek ne kanë instaluar mekanizmin e spiunazhit dhe kundërspiunazhit. Poqë se i referohemi një dokumenti të NATO-s, na del se dhjetëra-mijëra kosovarë punojnë për Shërbimin Sekret të Serbisë! Sipas të njëjtit burim këta agjentë të Beogradit janë të infiltruar në Parti politike, në mesin e gazetarëve dhe shkrimtarëve, në institucione kyçe të Qeverisë së Kosovës dhe në shumë shtresa tjera influencuese.
Çdo shqiptar e di se Millosheviqi nuk ishte i vetmi serb antishqiptar por në aksionet e tij kriminale iu bashkëngjitën pjesa më e madhe e popullsisë serbe dhe natyrisht veglat e tyre kosovare ia lehtësonin operacionet në Kosovë. Me largimin e forcave serbe, në Kosovë mbetën disa mbeturina dhe besnikë të Shërbimit Sekret Shtetëror të Serbisë që padroni i tyre do t’i aktivizojë në moment dhe kohë të duhur. Asnjë vrasje dhe tentim-vrasje në Kosovë nuk është e rastësishme. Çdo vrasje ka prapavijën ose politike ose qërim hesapesh në mes grupeve mafioze. Vrasjet dhe tentim-vrasjet politike kryesisht kryhen në momentin kur personalitete të larta vizitojnë Kosovën. Këto vrasje siç ishte rasti i fëmijëve shqiptarë në Çabër, rasti i fëmijëve serbë në fshatin Gorazhdec e shumë raste tjera, Serbia i bën me qëllim që opinionit botëror t’u thotë se shqiptarët nuk e meritojnë lirinë.
Pikërisht në këtë tollovi ngjarjesh në skenën publike na paraqitet “Sigurimi i Atdheut”. Dalja publike e “Sigurimit të Atdheut” dhe kërcënimet e tyre kundër personaliteteve tona legjitimon çdo akt terrorist që ndodh në Kosovë. Paraqitja publike e “Sigurimit të Atdheut”, para opinionit botëror zyrtarisht dokumenton tezën e Beogradit se Kosova nuk e meriton pavarësinë ngase shqiptarët nuk i nënshtrohen sistemit ligjor por traditave primitive. Madje shtrohet pyetja: kënd e mbron sigurimi i atdheut? Flitet se anëtarët e këtij sigurimi janë oficerë të lartë të shkolluar në ish-Jugosllavi. Nëse ishin aq të shkolluar, pse aso kohe këta nuk i zbrazën plumbat e tyre kundër armiqve serbë?! Koha më ideale për të siguruar Atdheun e për t’i zbrazur plumbat, ishte pikërisht koha e luftës ku forcat serbe bënin gjenocid mbi popullsinë e pafajshme shqiptare. Cili është Atdheu që grupi i ashtuquajturi Sigurim i Atdheut pretendon se po e mbron?! Nëse dikush mendon se duke mbrojtur vetëm vilën e zotit Rugova dhe Adem Salihajt mbrojnë tërësinë territoriale të Kosovës, e kanë gabim. Nëse dikush mendon se vila në Velani është Atdheu ynë, të tillët jo vetëm që e kanë gabim, por janë edhe kundër Atdheut, kundër demokracisë dhe ardhmërisë së Kosovës. Si mendon dikush që të sigurojë Atdheun e në anën tjetër të lejojnë që ndonjë ministër i partisë se tyre të zhvillojë aktivitete kriminale politike dhe ekonomike.
Bazuar ne deklaratat e këtij sigurimi, haptazi del se këtyre nuk u intereson aspak atdheu, por këta janë mercenarë në shërbim të interesave të padronit të tyre qoftë ai Kryetar i Shtetit apo ministër e zv/ministër. Nëse dikush pretendon ta mbrojë atdheun atëherë duhet që të kujdesën kundër çdo lloji krimi të organizuar politik e ekonomik. Duhet që për dyshimet që krijohen për personalitetet politike t’u krijohen kushte organeve gjyqësore të merren më këto raste. Nuk mund të sigurohet atdheu kur dikush pengon procesin hetimor të organeve kompetente kundër ndonjë ministri vetëm pse ai i takon atij sigurimi. Të tillët dëshirojnë që Kosova të shndërrohet në sistem totalitar të kontrolluar nga një grup individësh. E Kosova nuk i përket vetëm një grupi të caktuar apo një kaste politike, por është e tërë popullit.
Shefi i këtij grupi individësh harron se në Kosovë nuk mund të përdoret asnjë telefonatë e asnjë rrejt interneti pa e kontrolluar forcat ndërkombëtare që janë të pajisura me mjete më të sofistikuara. Harrojnë ata se çdo komunikatë që lëshohet nga cilido kompjuter në botë dhe që shkon në ndonjë redaksi dihet nga cili vend dhe cili kompjuter është lëshuar. Andaj, sigurimi i atdheut nuk mund të jetë grup sekret por aktualisht ka përkrahjen e institucioneve më të larta kosovare, e që në fakt pasi nuk rrezikon forcat paqeruajtëse ndërkombëtare të instaluara në Kosovë munden ende të argëtohen me komunikatat e tyre kërcënuese. Në momentin kur ky grup të jetë i rrezikshëm për forcat paqeruajtëse, këta individë asgjësohen për pak kohë. Poqë se Kosova do të ketë Ministrinë përkatëse, individë të tillë nuk mund të argëtohen me shantazhe dhe kërcënime të tilla. Kjo gjendje përveç Serbisë edhe disave në UNMIK po u shkon për shtati dhe kjo është arsyeja që ata nuk marrin masa adekuate për asgjësimin e grupeve të tilla.
Asnjë personalitet e asnjë qytetar nuk mund të jetë mbi ligjin. Çdo tentim që drejtësia të ndahet me forcë dhe me tradita primitive është kundër pavarësisë së Kosovës.

[Kosovelli]

“SIGURIMI I ATDHEUT”: NEXHAT DACI ISHTE DHUNUES I STUDENTEVE DHE PËRDORUES DROGE
Prishtinë, 5 maj 2005- Organizata paramilitare “Sigurimi i Atdheut”, e “bekuar” nga kryetari i Kosovës, Ibrahim Rugova, përveç kundërshtarëve politikë (PDK, AAK), ka vëzhguar edhe personalitete të larta të LDK-së, siç është rasti me kryetarin e Kuvendit të Kosovës, Nexhat Daci, Ramush Tahirin dhe Ahmet Aliashanin. Kështu dëshmohet në dokumentin rreth 500 faqesh të hartuar nga “SIA”, i cili dokument nga PDK i është dorëzuar zyrës së shefit të UNMIK-ut, Soren Jessen Petersen.

burimi ka arritur ta sigurojë një kopje të dokumentit të “Sigurimit...”, nga zyra e njërit nga këshilltarët e Dacit, dhe në këtë numër sjell në origjinale dosjen e Dacit, Tahirit dhe Aliashanit, përveç emrave të disa personave, të cilët paraqiten me nistore, për të mos i dëmtuar qoftë ata si qytetarë të Kosovës, qoftë procesin hetimor.

[Kosovelli]

Të dhënat operative mbi aktivitetin antikombëtar dhe imoral të Nexhat Dacit dhe këshilltarit të tij Ramush Tahiri



Pas disa interesimeve rreth figurës së Nexhat Dacit, përmes lidhjeve tona të fshehta operativa në Tërnovc, Bujanovc, e Prishtinë, vijmë deri tek disa të dhëna interesante për personalitetin N. D dhe R.T.

N.D është i lindur në fshatin Tërnovc, K. e Bujanovcit. Biografia e tij familjare është e dyshimtë, ka të dhëna se vëllai i N. D., R. D. ka qenë i zgjedhur në organet vetëqeverisëse serbe dhe se ka qenë gjithnjë në kontakt me sigurimin shtetëror.

Po ashtu për N. D. ka pasur sinjale të tilla si i ri gjatë shkollimit në Beograd. Nga burimi operativ S. E. që ka njohuri familjare për të, thotë se N. D. në rini ka përdorë drogën. Duke qenë në shkollim në Beograd ka të dhëna se atje në një rast është zënë me drogë. E ka arrestuar Njësia e Sigurimit Publik të Beogradit, duke e liruar shumë shpejt dhe sipas të gjitha të dhënave Sigurimi Shtetëror i Beogradit e ka marrë në bashkëpunimin.

Nexhat Daci, si mësimdhënës i UP-së, dy herë ka qenë i lajmëruar për dhunime nga studentet e veta. Njëra prej tyre ka qenë D. N. (emri i njohur për redaksinë), nga Gjakova, studente e Kimisë dhe tjetra një studente N. N nga Kqiqi i madh i Komunës së Vushtrrisë (Vuqiterrnës). Por lidhjet e tij me Sigurimin Shtetëror Serb e kanë shpëtuar.



Mendohet se Daci ka dhunuar shumë studente...



Këto kanë qenë rastet e vetme të lajmëruara nga studentet, por mendohet se ka dhunuar edhe shumë studente tjera. Njëra prej tyre, 1983 S. T. nga Gjilani ka bërë vetëvrasje për shkak të dhunimit që iu ka bërë nga N. D, por burimi operativ që e di këtë rast, mendon se familja e vajzës reagon shumë keq dhe duhet pasur kujdes me dal kjo si e vërtetë. Gjatë një kohe të gjatë tani pothuajse në mënyre të hapur ka bashkëjetuar me A. N., të cilës edhe ia jep titullin doktoreshë e shkencës. Nga Sigurimi Shtetëror Krahinor, njeriu që e ka ditur këtë problematikë më së miri ka qenë operativisti B. K, i cili aktualisht kemi njohuri se gjendet në Turqi. Shefi mund të gjendet përmes S. (emri i njohur për redaksinë), ta kontaktojë dhe ai mund të përdoret për opinion, të vërtetojë të lartpërmendurat. B. K në bazë të një burimi operativ që gjatë ka punuar me të, ka ikë në Turqi i frikësuar nga kriminelët e krahut të luftës të AAK-së dhe të PDK-së, edhe pse është treguar gjithherë patriot i vërtetë.



Veprimtaria e Tahirit gjatë Qeverisë së Bukoshit ka qenë e dyshimtë, është implikuar në shumë ngjarje në Kroaci



Ramush Tahiri ka prejardhje nga Ferizaj, është dhëndër i A. A., e ky i fundit ka qenë dhe është bashkëpunëtor i Shërbimit Serb, aktualisht i Shërbimit Maqedon, i cili ka qenë dëshmitar kyç në vitin 1956 kundër Adem Demaçit dhe Zekeria Canës. Është mirë të pyetet për këtë profesor Cana.

Veprimtaria e R. T. gjatë Qeverisë së Bukoshit ka qenë e dyshimtë, është implikuar në shumë ngjarje në Kroaci, dihet rasti i Gospiqit. Në Tiranë ka të dhëna nga burimet tona operative se së bashku me Xhavit Halitin dhe Hashim Thaçin, kanë përgatitur eliminimin e gazetarit kombëtar Ali Ukaj.

Ka të dhëna se kohëve të fundit R.T. mban lidhje edhe me njerëz të kriminalizuar të ashtuquajtur krahu i luftës. Burimi ynë operativ A.T me shumë se një herë e ka parë së bashku nëpër vendet e fshehta me disa nga udhëheqësit e SHIK-ut. Mendojmë se ky njeri është shumë i rrezikshëm dhe mund t’i shkaktojë dëme të rënda LDK-së. Mirë është të veprohet kundër tij.



17.04.2002- B-130/ 25-1704002/



Aliashani duhet të japë sqarime për vrasjen e Ahmet Krasniqit



Ahmet Aliashani i lindur në fshatin Tërrnovc, komuna e Bujanovcit, i moshës diku 50 vjeçare, i martuar, tani me vendbanim në Prishtinë.

Ahmet Aliashani, shkollën e mesme e ka kryer në Bujanovc, ku më pas regjistron Akademinë Ushtarake në Ish-APJ, Drejtimi i Këmbësorisë.

Pas kryerjes së Akademisë Ushtarake të ish APJ-së, promovohet në Gardën e oficerit toger ku edhe caktohet të shërbejë në Armatën e V (e pestë), në republikën e Bosnjës dhe Hercegovinës, në Garnizonin e Trebinjes, ku në këtë garnizon ka shërbyer Njësiti i Shëndetësisë (sanitetit).

A. A ka punuar në Trebinje (ku janë paraqitur për herë të parë elementet çetnike në Trebinje të udhëhequra nga kryetari i Kuvendit të Trebinjes, çetniku Bozhidar Vuçureviq, ku promovimin e ushtarëve e bën me Kokardë Çetnike, mu në kazermën ku ka shërbyer dhe ku ka qenë prezent z. Ahmet Aliashani.

Pas shpërthimit të luftës në Slloveni në vitin 1991, më pas në Kroaci, edhe njësiti ku ka shërbyer z. Ahmet Aliashani, kur mbi 99 për qind të eprorëve jo serbë në veçanti shqiptarë braktisin ish- APJ, z. Ahmet Aliashani nuk e braktisë APJ-në dhe iu bashkëngjitet UJ, ku dhe merr pjesë aktive në luftë në anën e UJ (Serbisë). Entiteti serb në Bosnje nën komandën e gjeneralit Ratko Mladiqit dhe kryetarit Radovan Karaxhiqit, ku Ahmet Aliashani ka marrë pjesë aktive në luftë kundër Armatës Kroate dhe popullatës kroate në rajonin e Hercegovinës, Mostarë, Caplinë dhe në rajonin e gjerë të Dubrovnikut, ku Ahmet Aliashani nxihet rob nga Armata Kroate në rajonin e Hercegovinës, dhe dërgohet në Burgun Ushtarak të Armatës Kroate, ku në atë kohë ka komanduar me njësitet kroate gjenerali Janko Bobetko, veteran i luftës.

Po në atë kohë Jugosllavia (Serbia), arreston dy persona kroatë në Aeroportin e Batajnicës (këta dy persona kroatë kanë qenë të rëndësishëm për Qeverinë dhe kryetarin e Kroacisë, Franjo Tugjmanin dhe njerëzit e tij).

Ahmet Aliashani në Burgun Ushtarak në Kroaci, ka qenë nën numrin rendorë 3. Në atë kohë janë vënë kontaktet e fshehta në mes të kryetarit të Kroacisë, Franjo Tuxhaminit, nëpërmjet gjeneralit Imre Agotiq, Shërbimi i fshehtë i Armatës Kroate dhe në anën jugosllave (serbe), Sllobodan Millosheviqi, ia liron Franjo Tuxhmanit dy kroatët e arrestuar në Aeroportin e Beogradit (Batajnicë), për ta liruar pala kroate Ahmet Aliashanin, ku dhe është liruar Ahmeti, dhe një kohë të gjatë ka qëndruar në Beograd.

Gjithashtu duhet cekur se Ahmet Aliashani, nën komandën e Mile Mërkëshiqit dhe Veselin Shlivcanit (oficerë të lartë) të Brigadës Elite të gardës në Beograd, kanë marrë pjesë në luftën e Vukovarit, ku dhe në Vukovar është bërë një masakër e paparë ndaj popullsisë civile, në veçanti të të sëmurëve dhe personelit të spitalit të Vukovarit. Në këtë luftë ka marrë pjesë Ahmet Aliashani si komandant i njësitit të këmbësorisë, i cili ka hy në Vukovar. Personalisht këtë operacion luftarak e kanë udhëhequr atëherë Armata e Parë e Beogradit, komandantët gjeneral kolonel Aleksandar Spirkovski (maqedon), zëdhënës i shefit të Shtabit gjeneral-kolonel Dushan Siliq (kroatë), kryeshefi i KOS-it, gjeneral nënkolonel Mile Babiq . Operacionin e ka udhëhequr kryeshefi i KOS-it, Aleksandar Vasileviq, zëdhënësi i tij Mile Babiq, gjeneral koloneli atëherë i KOG-ut, Bane Millovanoviq, kolonel Mile Mërkëshiq dhe Vesilin Shlivcani.

Operacioni i Vukovarit ka qenë i mbuluar me eprorë të të gjitha kombeve (maqedonë, malazezë, kroatë, shqiptarë, muslimanë dhe romë, A.N nga Mitrovica e Kosovës, ku ka shërbyer në Brigadën Elite të Tankistave 252, Brigada e Mekanizuar dhe e Blinduar, ku fuqia e zjarrit ka qenë 25 tonë çelik, me djegië për një minutë. Pra ka qenë një nga njësitet me të forta të blinduara në Evropë dhe e pajisar me teknikën më moderne Tanke T-84).

Një prej komandantëve ka qenë edhe Ahmet Aliashani, i cili ka marrë pjesë në operacionin e Vukovarit, në cilësi të komandantit të një njësiti të APJ-së (e kamulfuar në UJ-gjegjësisht serbe).

Në operacion e Vukovarit, kanë marrë pjesë njësitet e Armatës së parë dhe të plotësuar nga rezervat, rreth 70 mijë pjesëtarë të ish- APJ-së.

Pas rënies së Vukovarit, të gjithë komandantët serbë që kanë marrë pjesë në operacionin e Vukovarit, një numër shkarkohen nga postet, ndërsa shumica e tyre arrestohen dhe dërgohen në Burgun Ushtarak Qendror në Beograd. Në këtë rast janë arrestuar edhe gjeneralët nënkolonelët Dushan Siliq (kroat), Nexhip Ademi (rom), nën njësitit 252 Brigada e Blinduar në Kralevë. Ndërsa Ahmet Aliashani mirret dhe qëndron një kohë të gjatë dikund afër një viti në Beograd, ku drejtpërsëdrejti ka qenë në kontakt me gjeneralët më të lartë të KOS-it dhe KOG-ut, siç janë gjeneralkolonel Aleksandër Vasileviq (i njohur për rastin e Martin Shpegelit në Kroaci, afera e armëve nga Hungaria për në Kroaci).



Ahmet Aliashani paraqitet në opinion se tani është njeriu i parë te Rugova



Gjeneralnënkoloneli Aleksandër Demitrieviq, gjeneralnënkolonel Mile Babiq, gjeneralnënkolonel Bane Millovanoviq (KOG), dhe shumë të tjerë nga Beogradi dërgohen për në Shqipëri, çka bie ndesh me të gjitha veprimet e të gjithë eprorëve të Shqipërisë, të cilët në atë kohë vetëm sa e kishin braktisur APJ-në mbi 99 për qind kishin kaluar në perëndim (Gjermani, Zvicër, Angli dhe vende të tjera të Evropës dhe kuptohet një numër i është bashkangjitur Armatës Kroate dhe Boshnjake në luftë kundër APJ-së, dhe një numër shumë i vogël, simbolik ishte në Kosovë dhe asnjë oficer shqiptarë që kishte braktisur APJ-në nuk ka kaluar në Shqipëri për të kërkuar vendstrehim, përveç Ahmet Aliashanit.

Mund të ndodhë që ndonjë oficer ka kaluar nëpër Shqipëri për në Itali apo vende tjera të perëndimit, ku më pas në Shqipëri ndodhin shumë gjëra të rëndësishme (në dëm të popullit shqiptar të Shqipërisë, siç janë demonstratat e dhunshme të vitit ’97, ku edhe hartohet një plan nga ish-gjenerali i Armatës Shqiptare, Kiqo Nestaf, me prejardhje greke, i cili ka qëndruar në Greqi dhe ka qenë në kontakt të rregullt me Shërbimin Informativ Grek dhe Jugosllav, ku plani është bërë për ndarjen e Shqipërisë në mes të Greqisë dhe të Serbisë. Vija e ndarjes ka qenë lumi Shkumbin. Çka Ahmet Aliashani duhet të jap sqarime rreth këtij plani).

Vrasja e Ministrit të Mbrojtjes së Kosovës, z. Ahmet Krasniqit, ku gjithashtu Ahmet Aliashani duhet të japë sqarime, ku ka qenë në kontakte dhe lidhjet e tij. Ahmet Aliashani në Qeverinë e Bujar Bukoshit ka qenë i ranguar në postin e lartë, njëherit ushtrues i detyrës të zëdhënësministrit të Mbrojtjes, por asnjëherë nuk ka hyrë në Kosovë gjersa kanë hyrë trupat e NATO-s.

Ahmet Aliashani në Shqipëri është lidhur me Rr. I. nga fshati Tërrnovc, Komuna e Bujanovcit, person i cili i takon grupeve mafioze që janë të organizuar në Itali, Shqipëri dhe Serbi, është person i kyçur në trafikun e organizuar të drogës dhe të prostitucionit si dhe njeri i cili kërcënon me likuidime.

Gjithashtu është i lidhur me personat e rrjetit të organizuar të trafikut të drogës dhe të femrave nga Ukraina, Rusia, Bullgaria dhe Shqipëria për në Kosovë. Në rajonin e Gjilanit dhe të Kamenicës ka një rrjet të kriminelëve, të cilëve u ka paguar rrogë për t’i shërbyer Ahmet Aliashanit dhe Rr.I. si truprojë. Rrogat ua kanë dhënë në vlerë prej 400 marka gjermane.

Gjithashtu në bashkëveprim me një person nga Kamenica, e ka dhunuar një femër. Rr. I. e ka detyruar atë femër t’iu bëjë femra grupit të tyre, ku gjendet edhe Ahmet Aliashani. Këta persona janë: Z. Rr. nga Kamenica, i lindur 1961 apo 62, i afërm me Shërbimin Serb.

Sh. M., A. M. dhe Xh. K. të afërm me Shërbimin Serb. Këtyre personave Rr. u ka paguar rrogë 400 marka gjermane, si truprojë për veti dhe të Ahmetit.

Rr. I. e ka keqpërdorë vajzën N. K. (emri i njohur për redaksinë), dhe tani kjo vajzë ka devijuar psikikisht, pikërisht nga Rr.I. Gjithashtu janë të lidhur me këtë rrjet të organizuar të trafikut të drogës dhe të femrave: S. K nga fshati Dajkovcë, komuna e Kamenicës dhe tani jeton në Ferizaj, F. R nga Kamenica, djali i axhës së S., M. K. ka punuar deri më 12 qershor të ’99, në sigurimin Shtetëror Serb dhe ende punon, tani gjendet në Vranjë dhe kohë pas kohe kalon në Leskovc. S. dajë e ka F. D. punëtor i Sigurimit Shtetëror Serb në Gjilan dhe Kamenicë, ku gjithashtu ka punuar gjer më 12 qershor të ’99, kur edhe janë tërhequr forcat jugosllave nga Kosova. Tani Rr. është i lidhur me këta persona si dhe Ahmet Aliashani. Gjithashtu Ahmeti paraqitet në opinion se tani është njeriu i parë te Rugova dhe urdhëron njerëzit se kush duhet të punësohet në komunën e Kamenicës. Në tërësi kryetari i Kuvendit Komunal të Kamenicës, z. Sh. S., ka rënë nën ndikimin e Ahmet Aliashanit, ku Ahmeti dhe Rr. pa ndërprerë bëjnë presion te strukturat komunale, pikërisht që personat e rrjeti të tyre të punësohen.

15 prill, 2002 Prishtinë, me respekt B- 25 / 130 “Plaku”

[Kosovelli]

Njësiti special i SHPK-së merr kontrollin mbi sigurimin e Presidencës së Kosovës

“Orë policore”

Prishtinë- Shërbimi Policor i Kosovës praktikisht që nga e mërkura rreth mesnatës ka marrë kontrollin mbi sigurimin e jashtëm të Presidencës së Kosovës. Rreth Presiencës së Kosovës janë parë pjesëtarët e Njëisë për Mbrojtje të Afërt të SHPK-së (CPU) të cilët gjatë një operacioni spektakular kanë çarmatosur rojet e sigurimit të jashtëm të Presidencës. Më pas ata janë urdhëruar të largohen menjëherë nga territori presidencial. Ndërkohë që, në Presidencë kanë mbetur vetëm rojet e sigurisë së brendshme.
Ekziston mundësia që aksioni për largimin e sigurimit të deritashëm të Rugovës në këtë mënyrë është bërë pas paralajmërimeve të fundit për inkriminimin e mundshëm të një këshilltari për siguri të presidentit (mediat në Prishtinë zënë në gojë Ramë Marajn) në aktivitete të paligjshme si dhe kërcënimeve që janë bërë nga organizata ilegale “Sigurimi i Atdheut”. Arsye tjetër mund të ketë qenë edhe vendosja e mjeteve përgjuese-zbuluese brenda Presidencës nga shërbime zbulimi, gjithnjë pa dijeninë e presidentit Rugova.
Burimi i gazetës thotë se presidenti ka kërkuar masa shtesë të sigurisë, të cilat janë aprovuar edhe nga PSSP-ja, pasi që edhe vetë Rugova ndihej i kërcënuar.
Pas hedhjes së bombës ndaj Presidencës vitin e kaluar, sipas burimit të gazetës Ramë Maraj kishte bërë ristrukturimin e sigurimit të presidentit duke punësuar vetëm njerëzit që i njihte në mënyrë që gradualisht ta merrte kontrollin mbi Presidencën për të krijuar rrjetin e vet të komunikimit. “Dhe kjo mund të ketë shkaktuar frikë të presidenti për marrje të kontrollit nga Maraj. Ndoshta vetë presidenti ka kërkuar sigurimin nga SHPK”, tha ky burim.
Të enjten derisa presidenti ende nuk ishte rehatuar me sigurimin e ri, Maraj gjithnjë sipas burimit të “Lajmit”, me njerëzit e tij mbante mbledhje në “Grand”.
Mundësinë e vendosjes së mjeteve përgjuese në Presidencë kishin filluar ta vëzhgonin edhe hetuesit ndërkombëtarë. Afera pëlciti kur një firmë kontraktuese akuzoi Presidencën se nuk i kishte paguar paratë për aparaturën e porositur të zbulimit. Një hetues ndërkombëtar që nuk don të identifikohet thotë se këto aparate përgjimi mund të jenë të porositura nga ndonjë shërbim i huaj i fshehtë, dhe kjo sipas tij është një delikt zyrtar që mund t’i shkaktojë pasoja të mëdha politike Presidencës. “Për këtë është paraparë që Presidencës t’i kontrollohet imuniteti”, tha ai.
Ndoshta aksioni i SHPK-së mund të lidhet edhe me intervistimin e Bujar Bukoshit të martën nga hetues policorë për shkak të kërcënimeve nga “Sigurimi i Atdheut”. Bujar Bukoshi, ndërkaq nuk e konfirmoi intervistimin nga hetuesia. “Nuk kam lidhje me këtë punë. Në Presidencë ka ndodh dhe mund të ndodh gjithçka dhe mua aspak nuk me habit”, tha Bukoshi për “Lajm”.
Sipas burimit akti policor tregon mosbesimin brenda sigurimit të Presidencës dhe në njëfarë mënyre është bërë një sterilizim i objektit nga mjetet përgjuese që ishin instaluar në Presidencë pa njohurinë e presidentit.
20 minuta para se të ndodhte aksioni, Maraj kishte dalë nga Presidenca dhe faktikisht atij i janë këputur të gjitha lidhjet me Presidencën.
Zëdhënësi i UNMIK-ut, Remi Dourlof tha se policia ka vendosur që të jetë më vigjilente pas kërcënimeve dhe paralajmërimeve të fundit të disa liderëve politik. “SHPK ka nevojë të jetë më vigjilente dhe kemi vendosur që të shtojmë masat e sigurisë te Presidenca për të qenë më vigjilentë se çfarë po ndodh atje”, tha Dourlof.
Sipas shefit të Departamentit të Rendit Publik, Sheremet Ahmeti nëse SHPK ka marrë kontrollin mbi Presidencë duhet pyetur burimet që “Lajm” i paska brenda Presidencës. “Unë nuk jam në dijeni për këtë.Shko veti burimet tua në Presidencë”, th kolonel Ahmeti duke mbyllur receptorin e telefonit.
Të njëjtën e tha edhe kolonel Rrahman Sylejmani, shef i Departamentit të Policisë Kriminale në SHPK. “Nuk e di nëse SHPK ka marrë kontrollin për sigurimin e Presidencës . Nuk e di nëse ky aksion ëshët pasojë e hetimeve që po i bën policia e UNMIK-ut në lidhje me shkrimet e fundit në gazeta. Këto janë masa të sigurisë, asgjë më tepër nuk mund të them për këtë”, tha Sylejmani.
Ndërkohëzëdhënësi i Presidencës, Muhamet Hamiti tha se UNMIK-u dhe SHPK-ja kanë vlerësuar se Presidenca ka nevojë për masa shtesë të sigurisë dhe këto masa sipas tij kanë filluar të praktikohen që natën e së mërkurës. “Pjesëtarët e Shërbimit Policor të Kosovës që nga mbrëmë janë vendosur në Presidencë pasi që UNMIK-u dhe SHPK kanë vlerësuar se duhet të vendosen masa shtesë të sigurisë në Presidencë”, tha Hamiti.

[Kosovelli]

JA KUSH ËSHTË VRASËSI I INTELEKTUALIT XHEMAJL MUSTAFA



Sipas dosjes së “Sigurimit të Atdheut”




Personi vrasës që e jep “Sigurimi i Atdheut” D. Zh., thuhet se ka lidhje shumë miqësore me këshilltarin për siguri të Ibrahim Rugovës, të dyshuarin me bazë të fortë për organizimin e shumë vrasjeve politike të pasluftës, Ramë Marajn. Opinionit i është i njohur fakti se Maraj u bë këshilltar për siguri në kabinetin e Ibrahim Rugovës vetëm pas vrasjes së ish-shefit të FARK-ut, Tahir Zemaj

Dosja e “Sigurimit të Atdheut” e dorëzuar ditë më parë në UNMIK, e titulluar si Dosja 2005/02/SIA, përveç që paraqet të dhëna shumë interesante dhe shqetësuese për opinionin publik dhe vendin, në njërin nga raportet e spiunimit nga ana e punëtoreve operativë të “Sigurimit të Atdheut”, flet gati në detaje edhe për zbulimin e vrasësve të intelektualit dhe bashkëpunëtorit të Ibrahim Rugovës, Xhemajl Mustafës.

Raporti që flet për vrasjen dhe vrasësit e Xhemajl Mustafës mban datën 18 tetor 2002. Raporti fillimisht përshkruan gjendjen e përgjithshme në Kosovë dhe mundësinë e rebelimit gjithëqytetar, të përgatitura nga grupe të ndryshme anekënd Kosovës. Pastaj, nga të dhënat e raportit të datës 18 tetor 2002 jepet edhe emri i një personi nga qyteti i Podujevës, për të cilin thuhet se ka organizuar dhe vrarë Xhemajl Mustafën në hyrje të banesës së tij në qendër të Prishtinës.

Personi D. Zh. Nga Podujeva është person i cili merret me akte kriminale (likuidime të njerëzve në Prishtinë dhe më gjerë). D. Zh. ka lidhje të ngushta me oficerët A. SH. dhe D. G. nga Shqipëria, njëri prej të cilëve konsiderohet si shumë i rrezikshëm dhe tashmë i është ndaluar hyrja në Shqipëri. Në raport konkretisht thuhet se personi D. ZH. ka dorë në vrasjen e Xhemajl Mustafës dhe ekipin e ka në Shqipëri, për ku edhe udhëton shpesh.

Personi vrasës që e jep “Sigurimi i Atdheut”, D. Zh. thuhet se ka lidhje shumë miqësore me këshilltarin për siguri të Ibrahim Rugovës, të dyshuarin me bazë të fortë për organizimin e shumë vrasjeve politike të pasluftës, Ramë Marajn. Opinionit i është i njohur fakti se Maraj u bë këshilltar për siguri në kabinetin e Ibrahim Rugovës vetëm pas vrasjes së ish-shefit të FARK-ut, Tahir Zemaj.

Për Ramë Marajn, ky këshilltar i Ibrahim Rugovës, tashmë ka të dhëna se qëndron pas rrëmbimit dhe pastaj karbonizimit të patriotit Shaban Manaj, hedhjen e bombës në oborrin e shtëpisë, krimit dhe haremit të Ibrahim Rugovës. Sipas burimeve nga Klina, Ramë Maraj qëndron edhe pas vrasjes së kryetarit të Kuvendit Komunal të Klinës, njeriut të urtë, Ismet Rraci.

Maraj gjithashtu tanimë dihet nga të gjithë vendorët e ndërkombëtarët se ka organizuar edhe shpërthimin me bombë teledirigjuese ndaj eskortës së Ibrahim Rugovës më datë 15 mars të këtij viti, në qendër të Prishtinës.

Ndërsa KFOR-i, UNMIK-u dhe SHPK-ja, duke pasur të dhëna të sigurta se në shtëpinë e Rugovës në Velani po përgatitej diçka e keqe për Kosovën, reaguan. Një burim ndërkombëtar thekson se i inkriminuari Ramë Maraj “na ka shpëtuar për 20 minuta”.

Rama kishte ikur, por kishin mbetur armët ilegale, bombat teledirigjuese, para nga punët e pista, rreth një milion euro, në shtëpinë e pistë të Ibrahim Rugovës.

A thua e ka kuptuar dhe ndien Ibrahim Rugova se themelet e perandorisë së tij të vogël të krimit kanë nisur fuqishëm të dridhen.

KFOR-i, policia e UNMIK-ut dhe SHPK-ja, këtë strehë tashmë jo të sigurt për kriminelët shumëngjyrësh, duhet ta pastrojnë deri në themel.

epoka e re

[Kosovelli]

JA DISA AKTIVITETE KRIMINALE TE SALIHAJT
Prishtinë, 6 maj 2005 - Ka shumë të dhëna se njeriu i parë i “Sigurimit të Atdheut” në regjionin e Ferizajt konsiderohet Adem Salihaj. Ai strukturën e kësaj organizate e ka pasur të shtrirë në shumë segmente si në politikë, në organet e sigurisë dhe në ekonomi etj. Bazë ekzekutive e kësaj strukture ka qenë dhe ende është grupi i truprojave të tij, në krye të te cilëve është N. Sh., si dhe lidhjet e tij familjare, B. S. Në këtë kontekst do të dëshironim të ishim me tepër të sqaruar mbi disa implikime të tij në aktivitetet konfliktuoze dhe të jashtëligjshme. Kështu thuhet në fillim të dokumentit të parë prej 30 faqesh që Partia Demokratike e Kosovës (PDK), ia ka dorëzuar para disa ditëve UNMIK-ut për hetim, të cilin dokument gazeta ia ka dalë ta sigurojë nga një burim ndërkombëtar, por për të mos i dëmtuar procesin hetimor, i cili besohet se ka filluar ndaj zv/kryeministrit Adem Salihaj dhe disa ministrave në Qeverinë Kosumi, në këtë numër do ta botojmë vetëm një pjesë të këtij dokumenti.

Shumë nga aktet e dyshimeve për veprime jashtëligjore të Adem Salihajt, edhe në “Epokë...” i ka bërë publike për opinion edhe kryetari i PReK-ut, Bujar Bukoshi, si dhe kryetari i KK të Ferizajt, z. Faik Grainca.

Megjithatë, PDK-ja në këtë dokument ngrit edhe disa shqetësime mbi probabilitetin e implikimit të z. Salihajt edhe në strukturat paraushtarake në rajonin e Ferizajt, Kaçanikut, por edhe më gjerë në vend.



Atentatet apo vetatentatet mbi Adem Salihajn



Në dokumentin e hartuar nga PDK thuhet se më 12.06.2000, duke shkuar në shtëpi, pas manifestimit të ditës së hyrjes së forcave të NATO-s dhe të UÇK-së, Adem Salihaj raporton një tentim atentati ndaj tij në rrugën “Astrit Bytyqi”, në Ferizaj.

Sipas një burimi (emri i njohur për redaksinë), në këtë rast Adem Salihaj ka gjuajtur me revole në drejtim të atentatorit.

“Revolen që e mbante Adem Salihaj, e kishte pa leje. Shumë gjëra kanë mbetur të pasqaruara deri më sot, ka ekzistuar vërtet diçka reale apo ishte diçka e trilluar nga z. Salihaj në këtë histori? Motivet se pse ishte ai i armatosur, ka pasur kërcënime më herët, paralajmërime apo është përgatitur enkas për atë ditë? Aq më tepër kur kemi të dhëna se po atë ditë, Adem Salihaj nuk kishte pranuar të ishte pjesëmarrës i përbashkët në manifestimin qendror për të festuar ditën e çlirimit të vendit, por në mënyrë provokuese kishte organizuar në baza partiake LDK paralelisht manifestim, duke shëtitur nëpër rrugët e qytetit, duke bërë provokim të hapur dhe duke tentuar të fusë konfrontim mes qytetarëve. Në manifestimin qendror merrnin pjesë mijëra veta, kurse në manifestimin e Adem Salihajt merrnin pjesë afër 100 veta”, thuhet në dokumentin e PDK-së, ku dhe kërkohet nga organet e hetuesisë sqarime pse ndodhën të gjitha këto ngjarje në të njëjtën ditë.



Vetëplagosja e Adem Salihajt?!



Në një pjesë të dokumentit të PDK-së thuhet se në janar të vitit 2001, Adem Salihaj nga pakujdesia e vet, me revole vetëplagoset në shtëpinë e tij, me ç’rast lëndon këmbën e tij.

“Kishte spekulime edhe rreth këtij rasti, që as kurrë nuk e bënë të qartë për opinionin publik”.



Tentim-vrasja e Adem Salihajt?!



“Në maj të 2003, Adem Salihaj mori pjesë në një konflikt të armatosur në fabrikën e tij të stiroporit të ashtuquajtur “Styrofer” në Ferizaj, fabrikë të cilën asnjëherë nuk e ka deklaruar si pjesë të tij pronësore dhe të dy ortakëve të tjerë. Deri te ky konflikt erdhi për shkak të mosmarrëveshjeve në ndarjen e interesit, me ç’rast Adem Salihaj tenton disa herë ta godasë S. B. me revole dhe se konflikti është evituar vetëm pas intervenimit të SHPK-së, e cila ishte lajmëruar nga punëtorët e fabrikës. Pas intervenimit policia e ka shoqëruar deri në stacionin e policisë me tre ortakët e përfshirë në konflikt Adem Salihajn, G. M. dhe S. B. Policia e SHPK-së e ka mbyllur këtë rast dhe nuk e ka bërë publike dhe se eprori i cili e ka mbyllur rastin është XH. XH.”, thuhet në dokumentin e PDK-së.

Sipas këtij dokumenti, pas kësaj Xh. Xh. është shpërblyer nga Adem Salihaj që në atë kohë ka qenë kryetar i KK në Ferizaj, duke ia punësuar gruan në KK të Ferizajt dhe duke ia ndarë një parcelë për ndërtim në hyrjen e qytetit dhe atë me dokumente të falsifikuara.

Më vonë, thuhet në dokument, gjatë tentimit të Xh. Xh. për të investuar në parcelën e ndarë nga KK, erdhi deri të konflikti në mes të familjes L. e cila ishte pronare e vërtetë e parcelës dhe kryeshefit komunal S. K., i cili tenton me çdo kusht që të realizohej premtimi i bërë Xh. Xh.

“Në mes familjes L. dhe S. K. erdhi edhe një konflikt fizik në lokalet e KK të Ferizajt. Mirëpo, pas insistimit të vendosur të familjes L. kjo nuk u realizua dhe për faktin se një anëtar i kësaj familjeje punonte si përkthyes në policinë e UNMIK-ut, dhe se për këtë i kishte njoftuar edhe shefat e tij, kështu që Xh. Xh. nuk e kishte ndjekur më gjerë këtë çështje. Kjo ngjarje solli në pah edhe falsifikimin e dokumentit në Drejtorinë për Kadastër, Pronësi dhe Gjeodezi në KK të Ferizajt. A është në dijeni UNMIK-u për veprimet e tilla të z. Salihajt, dhe a mund të jetë i tillë zv/kryeministër vendi?” pyet PDK, nëpërmjet dokumentit.



Bartja e armatimit nga “Sigurimi i Atdheut”



Sipas dokumentit që PDK i ka dorëzuar UNMIK-ut, ka të dhëna se më datën 10.07.2003, një njësit i “ Sigurimit të Atdheut” nga shtëpia e Sh. Sh. në rrugën 28 Nëntori në Ferizaj, ka organizuar bartjen e një sasie armatimi, armatim eksploziv, mjete për aktivizim me teledirigjim, armë Kallashnikovë dhe municion për të.

Në dokument thuhet se në këtë aksion kanë marrë pjesë N. Sh., Sh. Sh., G. N. (truproje të zv/kryeministrit), H. M. dhe një person i Prishtinës N.N.

“Bartja e armatimit është organizuar me dy vetura. Në njërën veturë ka qenë armatimi i vendosur, kurse vetura tjetër ka ecur para tij për të vëzhguar rrugën mos ka pika kontrolli apo polici. Aksioni ka përfunduar me sukses dhe kjo sasi e armatimit ka përfunduar në fshatin Mramurë të Komunës së Prishtinës, në shtëpinë e M. G. Pas lënies së armatimit grupi është kthyer në shtëpinë e Adem Salihajt (tani zv/kryeministër dhe i ka raportuar për rrjedhën e aksionit)”, thuhet në dokumentin e PDK-së.

Po ashtu, në këtë dokument thuhet se më datën 9.12. 2003, pjesëtarët e “Sigurimit të Atdheut” me një veturë kombi të bardhë dhe me një mbishkrim të një firme (e njohur për redaksinë), kanë bërë bartjen e një sasie të armatimit nga lokalet e firmës “F...” në rrugën e “Reçakut”, në drejtim të Pejës.

“Kjo sasi e armatimit është dërguar në Pejë, vetura është ndalur në oborrin e KK të Pejës. Aty veturën e ka pritur U. R. dhe M. G. Nuk dihet se çfarë është bërë me tej. Të gjitha këto veprime të z. Adem Salihaj, a janë pjesë e ndonjë përgjegjësie të deklaruar para UNMIK-ut, apo ndonjë autoriteti vendor, institucional, që arsyetojnë veprimet e tyre me karakter të dyshimtë qëllimi dhe implikimi?”, thuhet në vazhdim të dokumentit.



Trajnimi diversiv i pjesëtarëve të “Sigurimit....”, pse dhe kundër kujt?



Në një pjesë të dokumentit të PDK-së, thuhet se më datën 23 .10. 2003, në orën 10.00, në lagjen Velania, në shtëpinë në të cilën tani ndodhet dyqani “G-G”, në katin e dytë është mbajtur një trajnim në të cilin kanë marrë pjesë rreth 20 persona nga pjesë të ndryshme të Kosovës.

“Në mesin e tyre kanë qenë edhe disa njerëz të afërt të z. Adem Salihaj. Qëllimi i këtij trajnimi ka qenë përgatitja e këtyre personave që të përdorin mjete eksplozive mekanike dhe me teledirigjim. Ligjëruesit kanë qenë nga Shqipëria. Gjatë mbajtjes së takimit masat e sigurisë kanë qenë jashtëzakonisht të mëdha. A është bërë kjo me dijeninë e Presidencës, KFOR-it, UNMIK-ut, apo ndonjë institucioni legjitim dhe legal kosovar apo ndërkombëtar? Çfarë fshihet prapa këtyre qëllimesh dhe trajnimesh?”, thuhet ndër të tjera në dokumentin e PDK-së, që tashmë gjendet në UNMIK dhe besohet se organet e hetuesisë në heshtje janë duke hetuar një nga një të gjitha rastet e lartpërmendura.

[Kosovelli]

POLICIA BASTIS EDHE ZYRET E “SIGURIMIT TË ATDHEUT”



Pas shfletimit të dosjes prej rreth 500 faqesh të hartuar nga “Sigurimi i Atdheut”, e të dorëzuar në UNMIK nga PDK-ja, bëhet lëvizja e parë serioze e policisë në procesin e hetimeve.





Më përpara, si pasojë e dokumentit origjinal të PDK-së ishte bastisur selia e Presidentit të Kosovës, ku u gjetën materiale të dyshimta, përfshirë kartmonedha në katër valuta, në vlerë rreth 1 milion Euro



Shkruan : Burim Etemaj



Prishtinë, 10 maj 2005 - Njësitë speciale të karabinierëve italianë dhe policë hetues të UNMIK-ut, të martën në lagjen “Bregu i Diellit” kanë bastisur zyret e Institutit për Hulumtime Politike Strategjike dhe të Opinioneve (IHPSO), i cili udhëhiqet nga Ramë Maraj, ndërsa cilësohet nga opozita si bastion, përkatësisht kokë e organizatës kriminale “Sigurimi i Atdheut” dhe shtab i dhunës e vrasjeve politike.

Ky i ashtuquajtur Institut, i udhëhequr nga Ramë Maraj, është regjistruar në UNMIK si Organizatë Joqeveritare (OJQ), në bazë të rregullores 1999/ 22 më 4 shkurt të vitit 2000 dhe mban numrin e regjistrimit 5200018-1(shih faksimilin). Në pikëpamje ligjore, instituti ka të drejtë të ushtrojë veprimtarinë, por në kuadër të ligjit.

Ka kohë që janë hedhur akuza këmbëngulëse se këto zyre në fakt kanë shërbyer si çerdhe të organizatës paramilitare “Sigurimi i Atdheut”, e cila kishte bekimin e kryetarit të Kosovës, Ibrahim Rugova. Vetë Maraj, i cili sipas dosjes që e inkriminon atë konsiderohet si bosi i krimit politik dhe ekonomik pas luftës në Kosovë, është i emëruar nga Rugova këshilltar i sigurisë, i ka shërbyer deri dje dr.Rugovës, deklarohet që nga vrasja e Zemajt se është këshilltar i Rugovës për siguri (atë post e mbante Zemaj një kohë të gjatë dhe pritej që të formalizohej si zyrtar).

Burime të besueshme të policisë së UNMIK-ut kanë bërë të ditur për “Epokën e re” se gjatë bastisjes së zyrave të “Sigurimi të Atdheut”, veç tjerash, janë konfiskuar kompjuterë dhe materiale të shumta. Policia po heton gjurmë që do të përputheshin me të dhënat në dosjen e SIA-s prej 500 faqeve, e cila, kryesisht përmban ‘spiunime’ kundër disa figurave të LDK-së (“LDK kundër LDK-së”!), përfshirë spiunime e akuza tepër të rënda kundër Nexhat Dacit (deri në dhunime e drogë) dhe të gjithë këshilltarëve dhe familjarëve të rëndësishëm të tij (Ahmet Alushani, Ramush Tahiri...)

Të njëjtat burime policore theksojnë se operacioni i policisë ka qenë shumë i fshehtë, madje, sipas tyre, shumë pak njerëz edhe brenda administratës së UNMIK-ut kanë qenë në dijeni për këtë.

Përndryshe kjo është ndërhyrja e dytë me radhë e policisë kundër krimit të organizuar në Kosovë.

Paraprakisht, dhjetëra pjesëtarë të Shërbimit Policor të Kosovës (SHPK), ditën e mërkurë, 21 prill, rreth orës 23.00 kanë “thyer” dyert e hekurta të lagjes Velania në Prishtinë, me ç’rast kanë marrë nën kontroll “mbretërinë” e kryetarit të Kosovës, Ibrahim Rugova, duke larguar një pjesë të personelit që është përkujdesur deri atë ditë për sigurinë e tij. Me këtë rast, përpos arsenalit të tërë të armatimit ilegal, nga shtëpia e Rugovës policia kishte marrë ne vete edhe afro 1 milionë euro, prejardhja e të cilave nuk është sqaruar deri më tani për opinionin, sikurse që nuk është sqaruar shumë çka tjetër.



SHPK-JA: NE NUK DIMË ASGJË...!



Zëdhënësi i Shërbimit Policor të Kosovës (SHPK), Shaban Tasholli, i ka thënë “Epokës se re” se nuk është në dijeni nëse nga policia është bastisur IHPSO-ja apo strofulla e “Sigurimit të Atdheut”. “Asgjë nuk kemi zyrtare... besoj se nesër në konferencën e rregullt të UNMIK-ut do të keni ndonjë informacion”, ka thënë Tasholli.

Vetë zyrtarët e IHPSO-s nuk kanë lëshuar asgjë për opinion. Vetë Ramë Maraj, ndërkaq, ka nënçmuar me fjalë fyese një koleg gazetar.

Disa figura të LDK-së nuk e kanë fshehur gjithaq kënaqësinë që po goditet njeriu që i ka përgjuar dhe u ka bërë presion nëpërmjet njerëzve të tij. “Ligji duhet të funksionojë kundër kriminelëve të të gjitha ngjyrave“, i tha gazetës një viktimë e përgjimeve të IHPSO-s, nga radhët e LDK-së. Por, IHPSO është rritur nën hijen e administratës ndërkombëtare dhe është iluzore të pritet diçka spektakulare në këtë drejtim. IHPSO i ka shërbyer dr.Rugovës dhe ka bashkëpunuar me shumë shërbime sekrete në Kosovë, përfshirë shërbimin sekret serb në Serbi e në Kosovë, për çfarë, dihet botërisht, ka angazhuar kanal të posaçëm komunikimi nëpërmjet një ish polici shqiptar, me gjasë që i përket inicialeve, sipas policisë, F.K.

Një zyrtar i lartë ndërkombëtar në polici haptas ka folur për lidhjet e IHPSO-s me shërbimin sekret serb. Askush nuk i ka mohuar informatat e fuqishme të policit ndërkombëtar.

Ibrahim Rugova ka dhënë formalisht dorëheqjen nga kryesimi i LDK-së, për shkak të shtrëngimeve kushtetuese. Afër vetes i kanë ngelur këshilltarët e dikurshëm (pos ndonjërit) dhe vetëm një nga kryerojet që ka zënë vendin e Adnan Merovcit. Ky ka pas kryer edhe detyrën e shefit të protokolit deri në çlirimin e vendit. “Mos Allah, ai (Rugova) nuk din t’i thotë kujt faleminderit“, ka thënë Merovci pas shërbimeve afro dhjetëvjetëshe të ofruara për zyrën e Rugovës.

Në radhët e pjesëtarëve të dëbuar apo të përndjekur rishtas të “njerëzve të Rugovës” mbretëron frustrim i madh. Ata ndjehen të shfrytëzuar, të tradhtuar dhe të lënë në baltë nga bossi i tyre, Ibrahim Rugova, i cili ata i ndërroi me uniformat që dikur i kishte refuzuar me nënçmim: ato të Shërbimit Policor. Njëri nga ata, vetëm pasi i ngjau kjo që i ngjau, i ka dhënë të drejtë Merovcit, të cilin dikur nuk e kishte arsyetuar.

Ramë Maraj ka të drejtë në avokat, tha një burim policor. Kjo le të kuptohet se Maraj do të trajtohet nga intervistuesit ndërkombëtarë. Me këtë polici ndërkombëtare e me këtë UNMIK, populli, me gjasë, do të mbetet sërish nën mëshirën e gazetave, sa iu përket informacioneve. Si në rastin e bastisjes së Ibrahim Rugovës. Mediat kanë funksionuar mirë, sepse asnjë informatë mediale nuk është mohuar, qoftë nga zëdhënësit e Rugovës apo partisë së tij pa kryetar, qoftë nga policia që premtoi por nuk i dha detajet e zgjeruara të bastisjes në “kupolën e krimit dhe vrasjeve politike”.

Televizioni publik i Kosovës, si në rastin e bastisjes së dr.Rugovës, si në këtë rast të bazave të IHPSO, as edhe një fjalë nuk e ka raportuar! Por, sado që ka fshehur bastisjet në oborret e Rugovës, është marrë në njëfarë mënyre me çështjen e dosjeve, vetëm pasi mediat e shtypura bënë temë të ditës çështjen e dosjeve problematike.