Një risi e mrekullueshme nga studuesi Robert Elsie. Në faqen e tij ka publikuar regjistrime nga 137 dialektet e gjuhës shqipe. Në hartat përkatëse të secilit rajon (në faqen e R. Elsie't) duhet të klikoni në pikat e kuqe për të dëgjuar të folurën e asaj zone nga një njeri i zakonshëm (2~4 minuta kohë).
Faqja: www.AlbanianLanguage.net
-----------------------------------------------------------------------------------------------------
Publikohen incizime zanore të varianteve dialektore të shqipes
Albanologu Robert Elsie bën një tjetër shërbim ndaj kulturës shqiptare. Këtë herë në fushën e gjuhës. Së fundmi ai bën me dije se në sitin e tij zyrtar, në faqen www.AlbanianLanguage.net mund të dëgjohen incizime zanore të 137 varianteve dialektore të shqipes nga dhjetë shtete ku ajo flitet si gjuhë vendase. Një hartë e detajuar e hapësirave ku janë realizuar këto incizime të mundëson të dëgjosh se si flitet shqipja jo vetëm brenda territorit shqiptar, por edhe në të gjitha vendet ku ka shqipfolës. Sipas Elsie, mes individëve të incizuar ka nga ata që janë folës të mirë të dialektit, ndërsa disa të tjerë do t‘i ndihmojnë të interesuarit të kuptojnë se si flitet sot shqipja në kohët moderne në vende të ndryshme. Incizimet janë bërë në Shqipëri, Kosovë, Maqedoni, Mal të Zi, arbëreshët e Italisë, në ngulimet e vjetra të dialektit çam në Epir (Pargë dhe Gumenicë), në Kroaci dhe Bullgari ku ka ngulime të hershme të shqiptarëve. Kjo faqe, e cila mund t‘u vijë në ndihmë kureshtarëve, por edhe studiuesve të gjuhës shqipe, është e pasuruar edhe me një informacion historik për sa i përket prejardhjes dhe zhvillimit të gjuhës shqipe, shtrirjes së saj, përshkrimi i shqipes së sotme, dialekteve të saj dhe karakteristikave të kësaj gjuhe.
(c) Shqip
Përgjigju Duke Cituar
Postuar më parë nga Jack Watson
Krijoni Kontakt