Qeveria e Rilindjes i merr kompetencat kushtetuese Prokurorisë, ngre "FBI" te varur nga Policia

[Albo]

Deklarata , Byroja e Hetimit, Basha: Drafti i qeverisë provokim, nuk do të votohet



Kryetari i PD-së Lulzim Basha e quan provokim dhe të papranueshëm draftin e qeverisë për ngritjen e Byrosë së Hetimit.
Sipas Bashës varianti që është publikuar nuk është varianti i dakordësuar me ndërmjetësimin e partnerëve amerikanëve dhe Komisionin e Venecias.

Lulzim Basha: “Varianti që është publikuar nuk është varianti i dakordësuar me ndërmjetësimin e partnerëve amerikanëve dhe Komisionin e Venecias. Ky është një variant tjetër, jo ai për të cilin ne kemi dhënë dakordësinë tonë. Se pse Edi Rama 5 ditë më parë nxori Arben Ahmetajn për të komunikuar se nuk do ta kalonte ligjin për Byronë e Hetimit pa ardhur edhe një herë rekomandimet e Venecias dhe katër ditë më vonë ndryshoi mendje, kjo është një pyetje që duhet t’ia bëni ju.

Unë dua të përsëris këtu se Partia Demokratike ka qenë dhe është e vendosur për Byronë Kombëtare të Hetimit sipas draftit të rakorduar me partnerët tanë amerikanë dhe në përputhje me rekomandimin nr.90 të Venecias në 23 dhjetorit apo 21 dhjetorit të vitit të kaluar. Dhe nëse mazhoranca e ka këtë vullnet ne e votojmë sot.

Sigurisht një variant unilateral, i cili nuk merr parasysh rakordimin me partnerët tanë amerikanë dhe Komisionin e Venecias nuk është gjë tjetër veçse një provokim apo një truk për t’u hedhur hi syve shqiptarëve dhe ndërkombëtarëve dhe si i tillë është i papranueshëm dhe nuk do të votohet. Nuk do të votohet sepse një draft i tillë në vend që ti hapë rrugë hetimit të korrupsionit dhe krimit, mbyll dosjet e korrupsionit dhe bëhet mburojë për krimin. Sepse një variant i tillë dorëzon hetimin penal tek qeveria, çka është e papranueshme dhe s’është në përputhje me asnjë model europian, as me Kushtetutën e Shqipërisë, as me draftin e rakorduar me partnerët amerikanë dhe as me rekomandimin e Venecias.

Por në qoftë se është i sinqertë, në qoftë se me të vërtetë dëshiron të ketë Byronë Kombëtare të Hetimit një orë e më parë realitet ligjor, ne që sot jemi gati të votojmë draftin e rakorduar me parnterët
amerikanë dhe sipas rekomandimit nr. 90 të Venecias.

Nëse jo le ta marrë vesh çdo shqiptar se kush është kampioni i hileve dhe i trukeve në Shqipëri. Por këto hile e truke nuk i ecin as me Partinë Demokratike, as me Lulzim Bashën, as me partnerët amerikanë, as me Komisionin e Venecias.

Pyetje: Çfarë ndryshon nga drafti i dakordësuar me draftin e qeverisë? Konkretisht cila është pika që ju ndan?

Basha: Pika që na ndan është dakordësimi që ky institucion duhet të jetë 100% nën autoritetin e Prokurorisë, siç e parashikon Kushtetuta, siç parashikon Komisioni i Venecias, siç kemi rakorduar me partnerët tanë amerikanë.

ORA NEWS

[Albo]

Ekskluzive në Ora News , Byroja e hetimit, Xhafaj zbardh fatin e pr/ligjit të qeverisë në Kuvend



Kryetari i Komisionit të Posaçëm për Reformën në drejtësi Fatmir Xhafaj tregon në një intervistë ekskluzive për Ora News fatin e draftit të Byrosë Kombëtare të Hetimit që ndodhet në kuvend për shqyrtim dhe miratim në një kohë kur priten në fundjavë të mbërrinjnë rekomandimet e Komisionit të Venecias për krejt paketën e reformës në drejtësi.
Xhafaj thotë se fillimish do të vendoset se ku do të shqyrtohet drafti i qeverisë për Byronë në komisionin e posacëm të reformës apo do të ndjekë rrugën e zakonshme të projekligjeve të tjera në Komisionin e Ligjeve.
Gjithsesi shumica qartëson vendimin e saj se rekomandimet e Venecias mund ta ndryshojne pasi ajo do të diskutohet nën optiken e ndryshimeve penale të paketës së reformës.

Fatmir Xhafaj: “Është Konferenca e Kryetarëve që do të vendosë që ky pr/ligj do të jetë pjesë e punës së komisionit të ligjeve apo komisionit të posacëm parlamentar për reformën në drejtësi.

Pyetje: Pse u zgjodh që Byroja e hetimit të ishte në varësi të policisë, çfarë pengonte qeverinë që Byroja të ishte nën prokurori siç kërkon PD.

Fatmir Xhafaj: Ligjet që miratojmë nga parlamenti nuk kanë parasysh dëshirat e partive politike por I nënshtrohen Kushtetutës dhe përputhshmërisë me legjislacionin. Çështja nuk është si e do PD, maxhoranca apo opozita por si bëhet mirë hetimi penal dhe në tërësi qëllimeve për të cilat është ideuar kjo strukturë. Në këtë kontekst është me rëndësi të shohim përputhshmërinë e saj me kuadrin aktual të kushtetutues dhe me ndryshimet e reja të Kushtetutës dhe në mënyrë të veçantë zgjidhjeve të reja që do afrojë Kushtetuta me hetimin penal në tërësi dhe në mënyrë të veçantë me një strukturë të posaçme të hetimit penal siç është struktura e luftës kundër krimit të organizuar dhe korrupsionit në sistemine ndjekjes penale.
Byroja e Hetimit nuk është një projekt i ekspertëve ndërkombëtarë. Duhet të jemi të qartë. Nga pikëpamja e autorisë së idesë ka qenë e qeverisë. Ministria e Brendshme bëri reflektimet e duhura rreth projektit të mëparshëm duke e përputhur me detyrat që la Gjykata Kushtetuese.
Mbetet detyrë e komisionit të posaçëm për ta përputhur këtë projekt të ekspertëev të këtij komisioni me zgjidhjet e reja kushtetuese.
Më duhet të them se ekspertët e ministrisë së Brendshme kanë bërë një punë shumë të mire. Ata janë autorë të këtij drafti por të asistuar nga ekspertët e OPDAT që kanë qenë pjesë aktive e këtij procesi, duke dhënë dhe dakordësinë.
Duhet mbajtur në konsideratë që është shumë e rëndësishme që kjo strukturë të përputhet me Kodin e Procedurës Penale, I cili është duke u hartuar nga Ministria e Drejtësisë me ekspertët ndërkombëtarë. Do të duhej të kishte ardhur shpresoj të vijë shumë shpejt e të bëhet pjesë e këtij procesi që ka të bëjë me reformimin e procedurës penale.

Pyetje: Kryeministri Rama vuri afat marsin për reformën në drejtësi….

Fatmir Xhafaj: Kryeministri nuk cakton afate, nuk vë datë por shprehu vullnetin për miratimin e reformës brenda muajit mars do të mbetet të shikohet në praktikë.

ORA NEWS

[Vinjol]

Opinioni përfundimtar i Komisionit të Venecias, sipas Ministrit të Drejtësisë Ylli Manjani e vendos diskutimin për reformën në drejtësinë standarte profesionale dhe europiane.
Duke folur në emisionin “Tonight Ilva Tare”, ai tha se nëse të gjitha palët e gjejnë veten të lumtur me përfundimet, është koha ta reflektojnë me vepra këtë lumturi.
I pyetur lidhur me Byronë e Hetimit, Manjani tha se nuk di nëse do të ngrihet apo jo.
Ai vuri theksin në domosdoshmërinë e krijimit të Strukturës së Posaçme Antikorrupsion dhe Kundër Krimit të Organizuar, SPAKU, sipas modelit kroat.
Për këtë njësi, ai tha se duhet ndjekur e njëjta rrugë si me prokurorinë dhe gjykatën e krimeve të rënda dhe jo të ndërhyet në Kushtetutë.
Pjesë nga intervista
Kujt i dha të drejtë Venecia?
Manjani:Që të mos e bëjmë këtë si ai diskutimi i vajtocave që rrinë dhe qajnë të vdekurin aty, ku secila qan hallin e vet, në fakt asnjëra nuk qan të vdekurin, raporti i Venecias është një raport profesional, gjykimi mbi standarte dhe jo mbi drafte. Drafte mund të shkojnë shumë por standarti është një.Komisioni i Venecias në dyja rastet, që besojmë se ky do jetë edhe qëndrimi përfundimtar që do miratohet në seancën plenare të këtij Komisioni, e vendos praktikisht diskutimin në reformën për drejtësi në Shqipëri në standarte profesionale dhe europiane. Kjo është ajo që kemi kërkuar dhe besoj se është një raport i shumëpritur, nuk ka lidhje fare me diskutimin që kemi qejf të bëjmë ne këtu nën Shqipëri.
Një ekspert më tha sot se ka për të gjithë.
Manjani: Mirë është dhe kjo, është një qasje interesante. Nëse të gjithë ndohen të lumtur më këtë gjë, është momenti të fillojnë ta shprehin këtë lumturi.
Cilat janë pikat kryesore që i ndan ky draft midis mazhorancës dhe opozitës duke filluar me 3/5, 2/3 e kështu me radhë?
Manjani: Ajo që na bashkon më shumë të gjithë është shumë më shumë se ajo që na ndan, jam i bindur për këtë. Kemi rënë të gjithë dakort veç e veç, ndoshta edhe të gjithë bashkë, që proçesi i Vetingut duhet bërë. Kemi rënë të gjithë dakort që një reformë antikorporatizëm në vendimarrjen e KLD dhe më vonë Këshillit të Lartë të Prokurorisë duhet bërë. Besoj që ne kemi rënë të gjithë dakort se ka nevojë për disa ndërhyrje që e bëjnë më funksionalë dhe përcaktues rolin e Gjykatës së Lartë, nuk kemi dasi në këtë pjesë. Kemi rënë të gjithë dakort veç e veç që ne duhet të ndërtojmë një strukturë permanente antikorrupsion në këtë vend me qëllim që të merret njëherë e mirë dhe në mënyrë serioze kjo temë. Ndasitë janë minore në raport me këtë dakortësi të madhe.Por ajo që po e shtyn në kohë dhe këto minoret i bën maxhore është ndoshta fakti që ne ende nuk kemi gjetur një sinergji apo atë sintoninë e nevojshme që të ulemi në një tryezë të përbashkët dhe të shprehim pozicionet dhe të marrim përsipër në mënyrë të përgjegjshme që mbi bazën e këtyre pozicioneve në mënyrën sesi i lexojmë të gjithë sëbashku ato qëndrimet e Venecias, ne mund të ndërtojmë një proçes jashtëzakonisht model. Edhe ato gjëra që na ndajnë besoj që në dialog e sipër jam i bindur se mund ti zgjidhim.
Kush të hyjë në bisedime dhe për çfarë tryezash flasim?
Manjani: Fokusi i reformës në drejtësi është lënë që të jetë në parlament dhe arsyeja pse ka qenë kristal e qartë, se meqenëse në parlament vepron opozita dhe aty opozita ka vendin e vet, është në shtëpinë e saj që të jetë pjesë kontribuese substanciale e këtij procesi. Jam i bindur se opozita shqiptare ka luajtur një rol shumë të mirë. Mund të kishte qenë dhe më i mirë, edhe më i shpejtë në kohë, më proaktiv në fazat e hershme sepse ndoshta në ato fazat fillestare mund të kishte marrë edhe drejtim tjetër procesi në kuptimin e shkurtimit të kohës. Por sidoqoftë opozita me kontributin dhe materialet që ka prodhuar, me ekspertët që ka dërguar në proces ka dhënë absolutisht kontribut të jashtëzakonshëm falë edhe gjetjes që kjo reformë u vendos që të bëhej në parlament, në shtëpinë e politikës. Nuk kemi përse kërkojmë instrumenta të tjerë jashtë parlamentarë për ta bërë të mundur një reformë që do duhet të miratohet në parlament.Ajo që kërkohet sot dhe që na e kërkon dhe gjithë hapësira ndërkombëtare, partnerët tanë. Unë vij nga një vizitë në Gjermani dhe fjala konsensus mu transmetua në çdo takim. Sigurisht konsensus pozitiv, vullnetmirë, konsensus që ndihmon Shqipërinë.
Ajo çfarë druan njëra nga palët, PS, është që me konsensus të mos kuptojmë kushtëzim të mosbërjes së reformës.
Manjani: Të gjitha këto janë shqetësime reale sepse ne vimë nga një përvojë relativisht e vështirë kur u bë reforma territoriale-administrative ku ishte vështirësisht e gjetshme gjuha e konsensusit me gjithë përpjekjet që u bënë. Ka dhe arsye për të qenë disi skeptik, por këtë radhë është ndryshe, është një reformë shumë më e thellë, reformë që ka të bëjë me shtetin dhe jo thjesht partinë politike të radhës që është në pozitë apo opozitë. Mendoj që partitë politike duhet të luajnë rolin që u takon të luajnë dhe nëse një opozitë nuk luan rolin që duhet të luajë në reformën e shtetit sigurisht që kjo reformë do të jetë difektoze. Dhe pavarësisht numrave në parlament, se nuk është vetëm çështje numrash, por besimi që ne ta mbyllim njëherë e mirë kapitullin e mosbesueshmërisë.Kjo alibi duhet të përfundojë.Shtëpia ku duhet të ndërtohet një axhendë publike dhe politike, vendimarrëse për këtë reformë, ku më së pari janë ndryshimet kushtetuese.Duhet bërë dhe brenda shkurtit po të kishim mundësi. Pas kësaj janë 40 ligje jo të thjeshta për tu ndërtuar dhe më shumë probleme për tu diskutuar e që do kërkojnë kohën e tyre dhe që do marrin shumë energji për tu miratuar.
Ndjesë për insistimin, flasim për një tryezë politike Meta-Basha-Rama?
Manjani: T’ua them troç nuk e di sesi do jetë. Më së pari shoh një rol shumë më aktiv sesa deri më sot të Komisionit Parlamentar që është caktuar për këtë punë, që ka për detyrë. Aty ka deputetë, njerëz politik, kanë edhe ekspertë në rast nevoje që të bëjnë dhe formulimet e nevojshme seppse përsëri drafti ka nevojë për formulime dhe Venecia këtë thotë, por nuk përjashtohet as tryeza politike e kryetarëve të partive.Çdo gjë që i ndihmon dhe jep shpresë dialogut politik dhe që bën të mundshme miratimin e reformës në drejtësi sa më shpejt të jetë e mundur nuk ka pse të përjashtohet.
Është i mundur konsensusi për të përfunduar reformën?
Manjani: Jam shumë shpresëplotë se është i mundur konsensusi. Nuk besoj se sot ne mund të degdisemi e duam apo se duam reformën në drejtësi, të gjithë e duam, tani është momenti për ta treguar se realisht e duam.
Zgjedhja e kandidatëve, punonjësve të drejtësisë, Xhafaj thotë se emërimi duhet të jetë larg të përzgjedhurve politike.
Manjani: E saktë është. Nuk kam dëgjuar as PD ta mohojë këtë dhe ata janë dakort. Kanë patur disa qëndrime lidhur me zinxhirin e emërimeve në drejtësinë e re që kanë të bëjnë me parimin e karrierës, mundësinë, mbylljen e shtegut njëherë e mirë që në sistemin e drejtësisë të mos hyjnë njerëz nga jashtë sistemit. Të jenë vetëm ata që studiojnë në shkollën e Magjistraturës, një reformë shumë e madhe që duhet ta bëjmë.Dhe disa elementë të tjerë që kanë të bëjnë me nxitjen e profesionistëve në sistemin e drejtësisë. Kjo do garancitë e nevojshme. Edhe opozita jam i bindur se e ka kuptuar nuk është 2/3 apo 3/5 garancia e nevojshme, por sigursht një opozitë duhet të ketë gjithmonë garancitë e nevojshme në sistem që të jetë pjesmarrëse. Po kërkohet sesi të ndërtohet një formulë që partitë politike, palët parlamentare të pranojnë produktin, jo ta mbështesin.
Mund të jetë marsi kur bëhet miratimi i paketës kushtetuese?
Manjani: Nëse vullneti është i mirë jam i bindur që po dhe marsi mund të jetë. Po edhe në prill po shkoi… nuk është kjo tema.Me rëndësi të kemi një produkt cilësor, të mos nxitohemi. Ka disa defekte teknike të ligjit të dekriminalizimit që janë të llahtarshme.Sot vetëdeklarimet e policisë së shtetit duhet ti kontrollojë Ministri i Mbrojtjes sipas ligjit, është lapsus ligjor.Ça të them? Kështu është kur bëhet fët e fët. Nuk na duhet reformë për duartrokitje, por diçka që të funksionojë.
Do merrni ju si LSI, apo ju si Ministër i Drejtësisë iniciativa për tryeza politike për të cilat folëm?
Manjani: Jo nuk është detyra ime kjo.Jam kontribues në proces, as lider dhe as palë.
Venecia sërish ka kërkuar reduktimin e rolit të Ministrit të Drejtësisë.
Manjani: Venecia ka ripozicionuar rolin e Ministrit të Drejtësisë në ato terma që dhe unë vetë kam qenë shumë përkrahës.Ministri është përfaqësues i një pushteti përballë një pushteti tjetër që ka për detyrë të flasë në emër të qytetarëve të këtij vendi që ankohen.
Ka përplasje kompetencash apo dublim me inspektorin e lartë të drejtësisë?
Manjani: Nuk besoj nëse zgjidhen në mënyrë të harmonizuara, ka dy formula klasike që nuk kemi pse tti anashkalojmë, ose inpektori bëhet pjesë e Ministrit të Drejtësisë ose Inpektori rri ashti siç e kanë parashikuar, por gjithmonë Ministri ka rolin e tij për të luajtur.
Ka të drejtë Inspektori të hapë dhe mbyllë hetime?
Manjani: Sipas projektit jo, procedimet disiplinore. Në kushtet normale duhet të ishte detyrë e Ministrit. Por meqenëse këtu fillojnë e diskutojnë jo Ministëri është i një mazhorance, përmbysja që i është bërë është kjo. Ministri i Drejtësisë nuk është më anëtar i KLD, nuk merr vendime për emërimet dhe shkarkimet e gjyqtarëve por kjo nuk do të thotë që Ministri nuk çon para trupës vendimarrëse gjyqtarin që ka shkelur ligjin.
Formula e zgjedhjes së Prokurorit të Përgjithshëm me 2/3?
Manjani: Nuk e besoj se është taksative, kemi harxhuar shumë kohë me këtë.Futja e Këshillit të Prokurorisë si institucion i ri brenda Prokurorisë në thelb e zbut disi pushtetin e autoritar të Prokurorit të Përgjithshëm. Personalisht nuk jam i bindur se kjo është zgjidhja e duhur.Megjithatë ka insistime dhe hajde ta bëjmë. Prokuroria është një organ në kushtet e Shqipërisë absolutisht i centralizuar dhe debati për prokuroinë duhet të ishte i fokusuar në një drejtim tjetër.Problemi i Prokurorisë është çfarë përgjegjësie do ti japim. Kemi modelin anglosankson që përgjithësisht prokurorët janë pjesë e qeverisë dhe hetimin e bën gjithashtu qeveria.Ose sistemi tjetër është që prokurori del nga ekzekutivi por dhe hetimi shkon jashtë tij. Ne kemi një variant hibrid, një këmbë e kemi nga qeveria, një këmbë nga prokuroria.Deh asnjërën këmbë tek hetimi, kjo e ka marrë në qafë ndjekjen penale prej vitesh. Kjo ka çuar diskutimin se kush e ka fajin polici, prokurori, polici gjyqësor.Gjithë diskutimi në fund shkarkohet tek gjykata.Dy zgjidhje janë: O prokurori që ngre akuzën hyn në ekzekutiv dhe ekzekutivi bën dhe hetimin dhe qeveria është përgjegjëse. Ose Prokurori del jashtë ekzekutivit dhe ne duhet ti japim dhe hetimin.E dini kush e bën hetimin?
Policia gjyqësore.
Manjani: Policia gjyqësore e dini ku është?
Në Ministri të Brendshme.
Manjani: Ku është Prokurori këtu? Ky është ping-pongu.Duhet të mbyllet kjo histori.
Struktura e Posaçme Antikorrupsion dhe Kundër Krimit të Organizuar, SPAKU. Duhet të vendoset në Kushtetutë apo rregullohet me ligj?
Manjani: Për mua jo. Nuk ka vend në Kushtetutë ajo.Është e ngjashme me Prokurorinë e Krimeve të Rënda.Kur bëmë Prokurorinë dhe Gjykatën e Krimeve të Rënda nuk ndryshuam Kushtetutën, e bëmë pa ndryshime kushtetuese. E njëjta gjë mund të bëhet edhe më këtë formulë.Por me rëndësi është kush do merret me hetimin në këtë vend, nëse zgjidhim këtë SPAKU është gjëja më e thjeshtë. Nuk kemi nevojë të shpikim, ashtu si e kanë bërë kroatët ta bëjmë dhe ne. Me strukturë të posacme brenda Prokurorisë.Autonome nga Prokuroria. Drejtorin e propozon Ministri i Drejtësisë dhe e zgjedh prokurori i përgjithshëm.
Byroja Kombëtare e Hetimit u miratua në qeveria pak ditë para ardhjes së John Kerryt në Tiranë, duhet të jetë në Kuvend diku.
Manjani: Byroja Kombëtare e Hetimit nuk është miratuar në qeveri, nuk miraton ligje qeveria, propozon.Qeveria i ka propozuar parlamentit një draft për Byronë e Hetimit.I takon parlamentit ta shohë edhe në kuadër të Venecias edhe reformës për drejtësi.
Drafti që ka ardhur nga Venecia nuk përmend Byro Kombëtare të Hetimit.
Manjani: Si t’ia bëjmë tani? Nuk e di çfarë ndodhi por SPAKU që është struktura antikorrupsion e këtij shteti duhet bërë.Do bëhet me çdo kusht brenda kuadrit kushtetues, ligjor sipas modelit të gjykatës dhe prokurorisë së krimeve të rënda duke përdorur po të doni ju edhe modelin kroat që për mua dhe sipas analistëve ka qenë më i suksesshmi.Modele të tjera na kanë çuar në gjueti shtrigash dhe nuk kemi ndërmend të bëjmë reformë për gjueti shtrigash, por reformë për të luftuar korrupsionin.SPAKU do duhet të futet edhe në hullinë që ka thënë Venecia.
Byroja Kombëtare e Hetimit nuk do të ngrihet?
Manjani: Nuk e di. Gjithë SPAKU në vetevete është një strukturë hetimore.Quhet SPAK, apo Byro kjo është çështje emri.
Brenda SPAK-ut mund të ketë Byro?
Manjani: Po mund të jetë Byroja pjesë e SPAK-ut, e cila duhet të jetë pjesë e prokurorisë me sa duket.
Jo e Ministrisë së Brendshme?
Manjani: Patjetër që jo, kështu i bie teorikisht.Praktikisht mund të jetë dhe në Ministri të Brendshme, nuk e di.Por po të lexohen me vëmendje ato që ka thënë Venecia del i qartë konkluzioni.
Pse ka një hezitim për të mos pranuar modelin amerikan dhe anglosankson. Që Ministrri i Drejtësisë të jetë edhe Prokurori i Përgjithshëm?
Manjani: Nuk ka problem, unë e pranoj dhe atë. Kjo ka të bëjë me traditën jo fort të mirë në ndjekjet penale, komunizimni është ende i freskët në mendjet tona ku hetuesi dhe prokurori të bënin gjëmën dhe nëse hetuesi dhe prokurori motivohen politikisht atëherë sisgurisht që e kompromenton të tërën, ndjesinë e të dhënit drejtësi.

[SERAFIM DILO]

Fatkeqsisht komisioni i venecias eshte vetem nje. Po nuk u krijuan edhe tre-kater komisione te tjera venecjanesh nuk do zgjidhet dot ky problem.

Po nuk u be reforma per komisionet e venecies,me miratimin e 3/5 nga nderkombetaret,me 2/3 e modelit kroat, pa ndryshimin kushtetues te draftit si projekt ligj i presidences,keq e kemi punen.

Dhe flitej vetem per hetim.

[mesuesi_1]

kur une e hapa kete teme (gati 7 vjet me pare) nuk e kisha cuar nder mend qe punet kishin qene shume me ndryshe nga sa mendoja. dhe situata e krijuar e konfirmon kete gje.

ambasadoret qe bejne te gjitha presionet per te ngritur kete Byro Hetimi i kane hequr gjithe lezetin dhe interesin per ngritjen e nje strukture te tille qe per shqiptaret do ishte pozitive per aresyet qe dihet por fakti qe Avizu-ja dhe tani Lu-ja insistojne pa pushim per ngritjen e ketij organi bejne qe te mendohesh sadopak. se kur levizin keta nuk e bejne keshtu kot per te kaluar kohen por sepse ka dicka te rendesishme qe duan te vene nen kontroll. dhe kjo gje nuk eshte e mire se sovraniteti i Shqiperise se brishte behet akoma dhe me i brishte .....



.

[benseven11]

Nuk thuhet perse duhet te ngrihet
Byroja e Hetimeve?
Ku eshte qellimi,cfare duan te arrijne te bejne me kete byro?
Me cfare do merret kjo byro,cila eshte sfera e aktivitetit dhe kompetencat e byrose?
Shume deklarata intervista boshe
nga politikane me koka me 6
qoshe.
Aktualisht policia eshte ne numer
dhe pajisje te mjaftushme per
te kontrolluar dhe pergjigjur ne
kohe cdo situate
Ministria e Brendshme ka personelin e vet dhe rjetin e vet
te operativeve
Ushtroa ka rrjetin e vet te onteligjences
Territorri urban eshte tejngopur
nga rrjeti i policeve dhe agjenteve
qe pinojne per polici prokurori
ministri e brendshme inteligjemca
ushtarale dhe sherbimi sekret
Krijimi i nje byroje hetimore eshte
komplet dicka e tepert qe nuk duhet,plus kesaj vjen me shpenzime shume te medha.

[Ciarli]

demokracine e mori lumi
e cnderoi e i vu brire
'shkodren' tone na e zu gjumi
Drin i ngrire(marre nga lumi i progresit apo i rrembyer).