Malajzia qendër muslimane e modës
Sipas njoftimeve të mediave, me moton "t'i islamizojmë veshjet tona" Malajzia po përpiqet të bëhet një qendër islame e modës për vendet muslimane dhe mbarë botën.
Sipas agjensisë kuvaitiane të lajmeve Kuna, Rosma Mansor, gruaja e kryeministrit Naxhib Tun Razak pohoi për shtypin se planifikon ta bëjë Malajzinë qendër muslimane të modës duke mirëpritur sfilatat e modës në të cilat paraqiten kostume të ndryshme të frymëzuara nga vlerat dhe arti islam.
Zonja Mansor tërhoqi vërejtjen se sfilata islame e modës që u mbajt në Malajzi shfaqi kostume stilistësh të njohur nga bota muslimane dhe institucionet e shteteve perëndimore të cilat organizojnë të tilla sfilata me shpresën që t'i japë shtysë veshjes islame, e njohur për thjeshtësinë e saj.
Ajo tha se veshjet e shfaqura janë të përshtatshme si për muslimanet ashtu edhe për jomuslimanet.
"Shumica e veshjeve janë frymëzuar nga arti islam i kombinuar me atë të Malajzisë.
Malajzia është ndër ato shtete muslimane të cilat janë të dhëna pas ruajtjes së artit dhe trashëgimisë së tyre" - shtoi ajo.
Ajo tha gjithashtu se shpreson t'i ndryshojë klishetë e mënyrës së veshjes së grave muslimane dhe shpreson të dëshmojë se gruaja mund të jetë e hijshme dhe e thjeshtë në të njëjtën kohë.
"Islami i përfshin të gjitha sferat e jetës pa ekstremizëm apo ashpërsi. Është një fe që vlen në çdo kohë dhe në çdo vend" - u shpreh ajo.
Ministria e Turizmit bëri organizimin e kësaj sfilate islame të modës në kuadër të 10 vjetorit të Karnavalit të Madh të Shitjeve në Malajzi. Në këtë sfilatë u shfaqën kostume të shumëllojshme islame me stile turke, arabe, e malaje.
Sfilata e modës përfshiu gjithashtu veshje meshkujsh të stilit arab dhe të Lindjes së Mesme të frymëzuara nga arti, zbukurimet dhe qeramika islame.
Kjo sfilatë duket se do të bëhet një sektor i rëndësishëm në industrinë e modës duke përfshirë stilist nga Parisi e deri te Dubai dhe duke krijuar gjithçka nga mantelet e deri tek mbulesat islame të modës së fundit. /alarabiya/
Krijoni Kontakt