“Vetëvendosja’ së shpejti në MaqedoniTë premten u mbajtën protesta para zyrës së Bashkimit Evropian në Shkup, nga organizata joqeveritare "Iliricum Libertas". Valon Kurtishi, kryetar i kësaj organizate lexoi memorandumin e dorëzuar në zyrat e BE-së dhe pastaj i njëjti u nënshkrua nga Iliricum Libertas, Shoqata e ish të burgosurve dhe të dëmtuarve politik në ish Maqedoni, Lwvizja qytetare "EC", Shoqata "Kongresi i Manastirit -Manastir", Organizata e Veteranëve të Luftës së ish UÇK, Unioni i 12 Shoqatave "Qëndresa"–Kërçovë, "Ballistët" e të tjerë. "Ne e informojmë BE-në se shkelen të drejtat dhe liritë e njeriut, veçanërisht të shqiptarëve në IRJM, vepron shovinizmi etno-ekonomik, kurse nga ana tjetër degradimi i faktorit politik shqiptar na detyron si forcë që të organizohemi dhe të veprojmë nga rruga", tha Valon Kurtishi, kryetar i OJQ "Iliricum Libertas". Kurtishi paralajmëroi se forcat e shëndosha shqiptare do ta organizojnë vetveten dhe do të veprojnë në kuadër jashtë institucional, që do të quhet Lëvizja për vetëvendosje, baza e së cilës do të koordinohet fillimisht nga Këshilli i organizatave shqiptare, i cili përbëhet nga rreth 40 organizata joqeveritare."
Krijoni Kontakt