Perfaqesia Shqiptare

[alumni]

http://www.shekulli.com.al/letra/5maj2002.shtml#5
"Rrugaçë të veshur me pushtet diplomatik"

Është bërë e njohur protesta e emigrantëve shqiptarë përpara ambasadës së tyre në Athinë me kërkesa "Për uljen e tarifave marramendëse konsullore, dhe për disa veprime abuzive të personelit të saj". Madje këto protesta janë vlerësuar të drejta dhe është vetë qeveria shqiptare, që i ka dhënë përgjigje shpreshëdhënëse organizuesve të tyre. Nga ana tjetër këto demonstrime kanë prekur mesa duket, interesat e punonjësve të ambasadës dhe të bashkëpunëtorëve të tyre, fakte të cilat detyruan kryeministrin shqiptar, Pandeli Majko të shprehet që "emigrantët të mos konsiderohen barrë për ambasadat". Ndërsa kërkesat e emigrantëve po shkojnë drejt zgjidhjeve, mllefet përkundrejt organizuesve të protestave po ngrihen. Këtë e tregoi hapur harbutëria e pa fre e personelit të shërbimeve konsullore ndaj meje, Lefter Marta. Kjo ndodhi në 2 maj të vitit 2002 përpara ambasadës së shtetit tim, në Greqi. Shkova në ambasadë për të kërkuar me shumë hollësira për disa ndryshime të kohëve të fundit, që kanë ndodhur në ligjin e emigracionit. Teksa kërkova takim me ambasadorin ose në pamundësi me të tij me konsullin z.Gaqo Simaku, si personat më të mirëinformuar për këto ndryshime, u gjenda pranë fyerjeve, sharjeve dhe kërcënimeve nga ana e nëpunësit të rojes, Leonard Mancinko. Mesa kuptova unë, dhe masa e emigrantëve që ishin në radhën e gjatë në pritje të shërbimeve konsullore, arsyet ishin të qarta dhe kishin lidhje me organizimin e protestave të mësipërme. Fjalori i tij ishte shumë vulgar duke përdorur shprehje si: "Ik ti qelbësirë" si dhe duke i kërkuar ndihmë policisë greke që "të arrestonin" këto "alvanos (shqiptar) të fëlliqur". Në ndihmë të tij vijnë edhe 2 persona "menaxherë" të cilët e kanë kthyer ambasadën në vend pune për përfitime personale, dhe për bashkëpunëtorët e tyre në sektorin konsullor të ambasadës. Ishin këta persona që nuk kursyen as kërcënimet "do të të vrasim, do të të therim".

Këto momente nuk mund të kalonin pa indinjuar masën e madhe të emigrantëve që gjendeshin aty, të cilët në kor filluan të bërtisnin "hajdutët e ambasadës, ai mbron të drejtat tona" gjë që i detyroi zotërinjtë "menaxherë" të largohen pa realizuar qëllimet e tyre. Në këto momente u mundova të lidhem me ambasadorin për t'i treguar se çfarë po ndodh ndaj meje, nga ana e personelit të shërbimit roje të ambasadës. Nuk u pa ndonjë reagim konkret nga ana e tij, duke më krijuar idenë se edhe nëse nuk ishte ai organizatori i këtyre skenave, këto veprime ishin të mirëpritura nga ai, mbasi më vonë nuk iu përgjigj asnjë kërkese për ndihmë, që iu kërkua nga unë, duke mbyllur telefonin. Fatmirësisht në ndihmën time erdhi punonjësja e sektorit të shtypit dhe propagandës Elvira Isufi, e cila njoftoi ambasadorin. Kjo punonjëse zbret poshtë dhe njofton rojen e ambasadës, që të lejohesha unë të hyja në ambasadë, "sepse e pret zoti Kastriot Robo në takim". Zoti Mancinko, me të njëjtën gjuhë harbutësh kërkoi që "të vijë vetë ambasadori ta fusë brenda mbasi unë nuk i hap rrugë këtij personi", duke më përzënë me shkelma përjashta në prezencë të zonjës Elvira dhe të Kosta Kazelit, ish -këshilltar i ambasadës, dhe tani punonjës në sektorin juridik të Kryeministrisë.

Nga ana e zotit ambasador nuk u bë ndonjë përpjekje tjetër për të m'u lejuar të takohesha me të, duke krijuar imazhin se ambasadën shqiptare në Athinë e drejtojnë rojet dhe menaxherët, dhe jo titullarët që ka vendosur shteti. I indinjuar u largova nga amabasada duke marrë nga mbrapa sharjet e punonjësit të shtetit tim, por nga ana tjetër edhe mbështetjen e masës së madhe të emigrantëve. Kam informuar për këtë ngjarje, edhe sekretaren e Ministrisë së Jashtme, zonjën Silvana Prifti, e cila më njoftoi që u njoftua edhe zonja Dade për këtë ngjarje.

Nëpërmjet këtyre rreshtave dua t'iu drejtohem të gjithë organeve shtetërore përgjegjëse, mediave të shtypit dhe televizive për kërcënimin e jetës sime nga punonjës të administratës shtetërore, vetëm për faktin se kam qenë organizator dhe drejtues i protestave paqësore, të bëra nga emigrantët shqiptarë përpara ambasadës së tyre në Athinë, në kërkim të të drejtave të tyre.

Lefter Marta
Përfaqësues i Konferderatës Sindikale Shqiptare në Athinë

[Brari]

Lefter !

solidarizohem me juve.

Ne fakt Ambasadat Shqiptare kane qene dhe jane zyra spiunesh e gangsteresh. Ne asnji rast ato nuk kane mbrojtur shtetasit shqipetare.
Personeli Ambasadave tona kane qene gjithmone oficere zbulimi ose farefis bllokmenesh.

Vetem ne Kohen e Ahmet Zogut , ambasadat tona megjithse te sapo krijuara kane kryer me fisnikeri e zotesi detyrat ne sherbim te shtetasit shqiptar jashte shtetit.

Cdo te mire.