Lajme Nga Bota Islame !

[Archicad]

Partia e Drejtësisë “falënderon” Erdoganin




Posterat falënderues ishin vendosur nga Vizioni Rinor i Partisë së Drejtësisë, Dega në Prizren.



Qytetarët e Prizrenit në mëngjezin e kësaj fundjave gjetën rrugët e qytetit të tyre të stolisura me fotografitë e Kryeministrit Turk, Tajjib Erdogan. "Faleminderit Erdogan" dhe "Prizreni të falënderon" ishin dy slogane të vendosura mbi foton e Erdoganit nga Konferenca e Davosit, në të cilën ai denoncoi krimet e Izraelit mbi popullin Palestinez dhe nga e cila u largua në shenjë proteste për shkak të padrejtësisë në dhënien e fjalës nga ana e moderatorit. Posterat falënderues ishin vendosur nga Vizioni Rinor i Partisë së Drejtësisë, Dega në Prizren.

Kryetari i Vizionit Rinor të PD-ës në Prizren, deklaroi për portalin mesazhi.com se Partia e Drejtësisë përkrahë dhe mbështet çdo iniciativë që synon vendosjen e paqes dhe stabilitetit në botë. "Dega e Vizionit Rinor të PD-ës në Prizren falënderon kryeministrin turk për qëndrimin e tij në mbrojtjen e të drejtave dhe të lirive të njeriut dhe në veçanti të mbrojtjes së viktimave të pafajshëm të vrarë dhe të masakruar në ofensivën e fundit në Gaza. Partia e Drejtësisë është kundër dhunës, terrorit dhe gjenocidit kudo në botë si dhe është kundër heshtjes dhe mos-denoncimit të këtyre veprimeve", deklaroi Kizolli.

Vendosja e posterave në rrugët e qytetit të Prizrenit nga ana e aktivistëve të rinj të Partisë së Drejtësisë u mirëprit nga qytetarët e Prizrenit.

Aksionet në përkrahje të veprimeve të Erdoganit në Konferencën e Davosit kanë vazhduar edhe sot nëpër shumë vende të botës, e në veçanti në vendet arabe. Nuk kanë munguar as përkrahjet institucionale nga liderë të ndryshëm botëror.

[fisniku-student]

Ish-këshilltari i Frenk Riberisë ka komentuar jetën që bën francezi dhe se si ndikon ajo në formën e tij në fushën e lojës.



"Kur e takova për herë të parë, e kuptova menjëherë që ai kishte diçka shumë ndryshe nga futbollistët e tjerë. Të paktën nuk dukej nga ata lojtarë që shfrytëzojnë famën e tyre dhe shijojnë lukset që të dhuron ajo", rrëfen 40-vjeçari Bruno Heidersheid, i cili ka bashkëpunuar me Frenkun për një periudhë kohe dyvjeçare, nga viti 2005 deri më 2007.

"Riberi është ai lojtar që nxjerr duart dhe lutet në fillim të takimit. Ai merr një ndjesi ndryshe dhe fokusohet plotësisht në fushën e blertë. Riberi e dashuron futbollin dhe e konsideron atë dhuratë nga Zoti.

Ndërkohë që besimi është gjëja më kryesore jo vetëm në jetën e tij, por edhe në familje. Arsyeja e përkushtimit total në fenë myslimane për të është pikërisht bashkëshortja, Uahiba, me të cilën është njohur që në shkollë", - thotë ai. Emri - Frenk ka një emër pagëzimi e të ndërruar pikërisht për shkak të besimit të tij, duke u kthyer kështu në fenë myslimane.

"Frenk e ka ndryshuar emrin dhe tashmë quhet Bilal. Ndonëse në dokumente, ai vazhdon të quhet Frenk. Riberi është tejet i përkushtuar pas fesë dhe kur e thërrasin me emrin Bilal ndihet me të vërtetë mirë", shprehet Bruno Heidersheid.

Edhe emrat e fëmijëve të tij janë emra myslimanë. Fëmija i tij i madh, që është tre vjeç, quhet Hizija, ndërsa fëmija tjetër quhet Shahinez dhe është vetëm një vjeç.

Jeta e natës - "Frenk nuk e frekuenton aspak jetën e natës. Ai dhe bashkëshortja e tij pëlqejnë të qëndrojnë në shtëpi e të mos shkojnë në vende që preferohen nga pjesa tjetër e ekipit të Bajernit.

Megjithëse ftesat nuk u mungojnë, ata nuk e preferojnë një mënyrë të tillë jetese. Për më tepër, kjo e favorizon Frenkun që të jetë në sikron me ditën që duhet të ndjekë, pasi e lejon atë që të ruajë një formë të mirë fizike. Me këtë nuk dua të them se është e domosdoshme të jetë një besimtar aq i përkushtuar, por jeta që bën Riberi është me të vërtetë për t'u admiruar, të paktën për një futbollist.

Ai është i përpiktë me dietën që i lejohet, është i lumtur në familje dhe i përkushtuar në stërvitje. Riberi bën një jetë sipas rregullave të fesë, por që i dhurojnë shumë gjëra pozitive", - ka thënë ish-këshilltari i lojtarit, Hedersheid.



breziiri.com

[Drini_i_Zi]

Mbulesa për policet Norvegjeze


Disa vende Evropiane, ndër to Suedia dhe Britania, veçse kanë lejuar policet për të veshur mbulesën me uniformën e tyre.


E enjte, 05 Shkurt 2009 22:36
Qeveria Norvegjeze është pajtuar ta ndryshon ligjin për uniformën e policisë që të përshtatët për mbulesën Islame, një vendim qe është përshëndetur nga komuniteti musliman në Skandinavi.

"Ky është një gjest i mirë për Arabët dhe komunitetin musliman në Norvegji," thotë Brahim Belkilani, kryetar i Ligës Islame të Norvegjisë.

Qeveria shpalli dje se policet mund ta veshin mbulesën në qoftë se donin.

Keltum Hasnou, një 23 vjeçare nga Norvegjia, me prejardhje Algjeriane, ka nënshkruar peticionin e saj drejtuar Ministrisë se Drejtësisë për të drejtën e saj që ta mbaj mbulesën me uniformën policore.

"Pas një këshille nga Drejtorati i Policisë, është vendosur se rregullat për uniformën policore duhej te rregulloheshin për te lejuar veshjen e mbulesës fetare se bashku me uniformen," thonë nga Ministria në një lajmërim.

Ky vendim erdhi si pjesë e mundit tonë që të rekrutojmë më shumë pjesëtarë nga komuniteti musliman, thotë Ingjelin Kilengrin nga Drejtoria e Bordit Policor Kombëtar.

"Ne mendojmë se është e nevojshme të rekrutojmë me gjerë dhe të zhvillojmë një forcë qe reflekton të gjitha klasat në shoqëri, pavarësisht nga besimet dhe kombësia, qe është më e rëndësishme se të kërkohet uniformë neutrale," shkroi ajo.

Islami e sheh mbulesën si veshje e obliguar, e jo simbol fetar që tregon anëtarësinë e një personi.

Disa vende Evropiane, ndër to Suedia dhe Britania, veçse kanë lejuar policet për të veshur mbulesën me uniformën e tyre.

timeturk/mesazhi.com

[Drini_i_Zi]

Në Rusi do të hapen shkolla islame të reja

Në çdo provincë të federatës do të hapen shkolla islame për përgatitjen e udhëheqësve fetarë (imamëve) .

E enjte, 26 Shkurt 2009 13:17

Kryetari i Administratës Qendrore Fetare të Muslimanëve në Rusi, Shejh Talat Taxhudin, në një mbledhje të përgjithshme të personaliteteve fetare islame në Yekaterinburg deklaroi se në çdo provincë të federatës do të hapen shkolla islame për përgatitjen e udhëheqësve fetarë (imamëve) .

Sipas agjencisë së lajmeve Islame, të gjitha këto institucione edukative do të jenë si degë të Universitetit Ruso-Islamik "Fahruddin".

Shkollat e para do të hapen në provincat e Chelyabinskit dhe Kurganit dhe në disa provinca në Urale dhe lindje të tij. Këto qendra do të pajisen me gjërat e nevojshme në llogari të Administratës Qendrore Fetare të muslimanëve. /al-wasat.com/

[Archicad]

Fushata per mosfyerje te gazetave

[Archicad]

Vatikani preferon sistemin financiar islam








Vatikani ka ofruar sistemin financiar islam për bankat perëndimore, si alternativë për të tejkaluar krizën ekonomike botërore. Gazeta e përditshme e Vatikanit "L'osservatore Romano" raporton se ky sistem mund të ndihmojë për kalimin e krizës financiare. "Parimet etike islame, mbi të cilat janë të vendosura financat, mund t'i ofrojnë bankat më afër klientëve dhe frymës së vërtetë që duhet të ketë çdo shërbim financiar", thuhet në këtë gazetë.

Claudia Segre, stratege e planifikimit të të hyrave, citohet të ketë thënë në këtë artikull se bankat perëndimore duhet të përdorin mjetet si letrat me vlerë islame të njohura si "sukuk". Sipas saj, "sukuk" do të mund të përdorej për të financuar industrinë e veturave apo lojërat e ardhshme olimpike në Londër.

Vatikani e ka përcjellë situatën financiare globale, duke e kritikuar tregun e lirë për rritjen e tepërt në mënyrë jo të duhur gjatë dy dekadave të kaluara.

Papa Benedikti XVI gjatë një fjalimi vitin e kaluar në lidhje me përplasjet e tregjeve financiare ka thënë se "paratë humbin, nuk është asgjë" dhe përfundoi se "realiteti i vetëm i qëndrueshëm është fjala e Zotit".

[La_Lune]

Alexander Valterovich Litvinenko ish agjenti i KGB-se vdiq si pasoje e nje helmimi qe ju be nga nje tjeter agjent.

[Bani gjk]

Sixhadja e Muhamedit shitet per 5,5 milione dollare 20/03/2009 10:00

Nje sixhade qe ishte porositur 150 vjet me pare ne Indi per te dekoruar varrin e profetit Muhamed ne Medine, u shit per rreth 5,5 milione dollare ne nje ankand ne Doha.
Identiteti i bleresit nuk eshte zbuluar, pasi ai kerkoi te mbetej anonim, njoftoi shtepia e ankandeve, Sotheby’s. Sixhadja ishte punuar me 2 milione perla dhe ishte dekoruar me gure te cmuar si diamante, zafir, apo smerald.

Sipas parashikimit fillestar, sixhadja duhej te shitej per 5 milione dollare. Sixhadja ishte pjese e pasurise se Muharazhait te Barodas, si nje dhurate per varrin e Muhamedit, por qe me vdekjen e tij nuk u dergua kurre ne Medine.

http://www.top-channel.tv/new/artikull.php?id=146319