Tre fëmijë shqiptarë humbin jetën në dy tragjedi në Itali

[RaPSouL]

Tre fëmijë shqiptarë kanë humbur jetën sot në Itali në dy tragjedi të ndryshme, njofton Balkanweb.

Ngjarja e parë e rëndë ka ndodhur në zonën e Peskaras kur nje familje shqiptare me katër persona qe udhetonte me makine në këtë zonë është përplasur me një kamion. Si pasojë kanë humbur jetën dy fëmijë, një djalë 7 vjec dhe një vajzë 4 vjecare të afërm më njëri-tjetrin. Dy prindërit e njërit prej fëmijevë kanë mbijetuar dhe janë shtruar në spital.
Babai i fëmijëve është shtruar në spitalin e Çietit dhe nëna në spitalin e Peskarës. Por mësohet se edhe gjendja e tyre shëndetësore eshte shumë e rëndë. Policia e cila mbërriti në vendngjarje bën të ditur se makina drejtohej nga babai i njërit prej fëmijevë. Nuk konfirmohen emrat e të aksidentuarve, pasi policia italiane po punon ende per identifikimin e tyre.

Ndërkohë, një tjetër fëmijë me baba shqiptar e nënë italiane ka humbur jetën në Itali mëngjesin e sotshëm. Vajza 2 vjeçare e çiftit gjysëm shqiptar humbi jetën kur një zjarr i madh shpërtheu në banesën e familjes në Ponte Latone, pikërisht në rajonin Kaserta të Italisë.

Në kohën e shpërthimit të zjarrit në banesë ishin dhe babai dhe nëna e vajzës. Por prindërit arritën të nxirrnin nga flakët dhe të shpëtonin djalin e madh 4 vjec. Ndërkohë vogëlushja 2 vjecare nuk ka mundur ti shpëtojë flakëve. Autoritetet po hetojnë shkaqet e zjarrit që i mori jetën vogëlushes 2 vjeçare.



(Balkanweb)

[Tironcja_BLN]

sa keq me vjen per te dyja familiet..aman ce do jeten kur te vdesin te dy femit o zot ishallah nuk ndollin me keto gjera!!!!!!!!Ngushellime

[jessi89]

O zot c'tragjedi ..sa keq qe me vjen per femijet e gjore qe humben jeten.Mjere edhe prinderit,qe ishalla jetojne,po zemren cop do ta kene gjithe jeten.Ngushellime.