Close
Faqja 41 prej 47 FillimFillim ... 313940414243 ... FunditFundit
Duke shfaqur rezultatin 801 deri 820 prej 932
  1. #801
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    O ZOTI IM, TI JE I MIRË

    Të lavdëroj, o Zoti im, sepse je i mirë, †
    është bukur t’i këndoj Ty, o Hyji im, *
    është kënaqësi të lavdëroj Ty!
    O Zot, rindërto gjithçka ne shkatërrojmë, *
    bashkoi bijtë e tu të mërguar!
    Shëroi zemrat e copëtuara, *
    lidhi plagët e tyre!
    Ti e njeh numrin e yjeve *
    dhe e thërret secilin me emër.
    I madh je, o Zoti ynë, i gjithëpushtetshëm, *
    e pakufishme është dija jote.
    Ti, o Zot, i lartëson të përvuajturit, *
    kurse përdhe i shtron keqbërësit.
    Ty ta këndojmë, o Zot, këngën e falënderjes, *
    Unë i bie harpës për të nderuar Ty, o Hyjit im!
    Ti me re e mbulon qiellin *
    dhe ia përgatit dheut shiun.
    Bën të rritet maleve bari *
    edhe bimë për të mirën e njeriut.
    Ti u jep ushqime bagëtive, *
    deri edhe zogjve të korbave kur e kërkojnë.
    S’i jep rëndësi fuqisë së kalit, *
    s’i merr parasysh kërçikët e trimit:
    Ty, o Zot, të pëlqejnë ata që te druajnë, *
    ata që shpresojnë në mirësinë tënde.

  2. #802
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Plot dhemshuri për të gjitha veprat e tua.


    Unë do të të përlëvdoj, o Perëndia im dhe Mbreti im,
    dhe do të bekoj emrin tënd përjetë.

    Do të të bekoj çdo ditë
    dhe do të lëvdoj emrin tënd përjetë

    Ti, Zoti im, je i madh dhe i denjë për lëvdimin më të lartë
    dhe madhështia jote është e panjohshme.

    Një brez do t`i shpallë lëvdimet e veprave të tua tjetrit
    dhe do t`i njoftojë mrekullitë e tua.

    Do të mendohem thellë mbi shkëlqimin e lavdishëm të madhështisë sate
    dhe mbi veprat e tua të mrekullueshme.

    Këto do të flasin për fuqinë e veprave të tua të tmerrshme,
    dhe unë do të tregoj madhështinë tënde.

    Ata do të shpallin kujtimin e mirësisë sate të madhe
    dhe do të këndojnë me gëzim drejtësinë tënde.

    Ti, o Zoti im, je i dhemshur dhe mëshirplot,
    i ngadalshëm në zemërim dhe i madh në mirësi.

    Ti je i mirë me të gjithë
    dhe plot dhemshuri për të gjitha veprat e tua.

    Tërë veprat e tua do të të kremtojnë, o Zot,
    dhe shenjtorët e tu do të të bekojnë.

    Ata do të flasin për lavdinë e mbretërisë sate
    dhe do të tregojnë për fuqinë tënde,

    për t`u bërë të njohura bijve të njerëzve mrekullitë e tua
    dhe shkëlqimin e madhërishëm të mbretërisë sate.

    Mbretëria jote është një mbretëri përjet
    dhe sundimi yt vazhdon brez pas brezi.

    O Zoti im, përkrah tërë ata që rrëzohen
    dhe ngre përsëri në këmbë tërë ata që janë rrëzuar.

    Sytë e të gjithëve shikojnë drejt teje duke pritur,
    dhe ti u jep atyre ushqimin në kohën e duhur.

    Ti e hap dorën tënde
    dhe plotëson dëshirën e çdo qënieje të gjallë.

    Ti je i drejtë në të gjitha rrugët e tua
    dhe dashamirës në të gjitha veprat e tua.

    Ti, Zoti im, je pranë gjithë atyre që te kërkojnë,
    pranë gjithë atyre që te kërkojnë në të vërtetë.

    Ti e kënaq dëshirën e atyre që kanë frikë prej teje,
    dhe e dëgjon britmën e tyre dhe i shpëton.

    Ti, Zoti im, i mbron të gjithë ata që te duan
    dhe do të shkatërron të gjithë të peabesët.

    Goja ime do të tregojë lëvdimin tend,
    dhe çdo qënie do të bekojë emrin tend të shenjtë përjetë.

  3. #803
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Dhe prapë do të vijë për të gjykuar

    të gjallët dhe të vdekurit
    .

    Të lavdëroj, o Zot, me gjithë zemrën time, *
    i shpall të gjitha mrekullitë e tua.
    Gëzohem dhe galdoj në ty, *
    i këndoj Emrit tënd, o i Larti Zot!

    Armiqtë e mi u kthyen prapazi, *
    ranë përdhe e sharruan ndër sytë e tu, –
    sepse ti u kujdesove për të drejtën e çështjen time, *
    ti ndenje mbi fron, Gjykatës i drejtë!

    Ti i qortove paganët, e shove të pabesin, *
    emrin e tyre e zhduke për jetë të jetës!
    Armiqtë sharruan - rrënojë e përhershme, *
    gërmadha ua bëre qytetet, mbaroi kujtimi i tyre me ta.

    Ti, o Zot, sundon në jetë të jetës, *
    Ti e vendos fronin tënd të gjykojë;
    Ti vetë, o Zot, me drejtësi gjykon mbarë botën, *
    ua jep popujve dënimin e drejtë.

    Ti, o Zot, je strehimi i të salvuarit, *
    vend i sigurt për ditë të vështira.
    Le të shpresojnë në ty ata që e njohin Emrin tënd, *
    sepse ti s’i lëshon dore ata që të kërkojnë ty, o Zot.

    Ne ty të këndojmë. o Zot i gjithësisë, *
    Kumtojmë ndër popuj mrekullitë e tua!
    Sepse si ndëshkues gjakësorësh, në mend i bie për ta, *
    e britmën e skamnorit nuk e qet në harresë.

    Ki mëshirë për mua, o Zot, †
    shihe mjerimin tim ku më hodhën armiqtë e mi, *
    më shpëto prej derës së vdekjes
    për t’i shpallur të gjitha lavditë e tua †

    gjithkund ndodhem *
    i gëzuar për shëlbimin tënd.
    Ti, o Zot, e dëfton veten, e çon në vend të drejtën, *
    mëkatari u ngatërrua në veprat e duarve të veta!

    Le të kenë mëkatarët shpërblimin e vet, *
    Si të gjithë vrastarët që i shkelin miqtë e tua!
    Sepse skamnori nuk do të harrohet për amshim, *
    shpresa e varfanjakut nuk do të mbarojë askurrë.

    Zgjohu, o Zot, të mos mbizotërojë njeriu, *
    para teje le të gjykohen keqëbërësit!
    Mbushi me frikë e tmerr, o Zot, *
    le ta dinë edhe ata se janë vetëm njerëz.

  4. #804
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    JENI SHFAJESUAR PREJ BESIMIT.


    O Zot, dëgjoje lutjen time, †
    vëri vesh sipas besnikërisë sate lutjes sime, *
    më dëgjo në saje të drejtësisë sate.

    Mos hyr në gjyq me shërbëtorin tënd, *
    se asnjë i gjallë nuk mund të dalë i drejtë përpara teje.
    Armiku e salvon shpirtin tim, *
    përdhe e shtroi jetën time,

    më ka lidhur në errësirë *
    porsi të vdekurit e kahershëm,
    shpirti im po rënkon në mua, *
    të mpitë e kam zemrën në kraharor.

    Më kujtohen ditët e shkuara, †
    i kujtoj të gjitha veprat e tua, *
    i peshoj veprat që ti i kreve.

    I ngre drejt teje duart e mia, *
    shpirti im si toka pa ujë ka etje për ty.

    Mu përgjigj pa vonesë, o Zot, *
    se mbeta pa frymë,
    mos e fsheh fytyrën tënde prej meje *
    të mos bëhem si ata që zbresin në varr.

    Bëj ta dëgjoj mëshirën tënde në mëngjes, *
    sepse shpresën e kam vënë në ty.
    Ma mëso udhën së cilës duhet të eci, *
    sepse tek ti e kam lartësuar shpirtin.

    Më shpëto prej armiqve të mi, *
    o Zot, jam ndore tënde!
    Më mëso ta kryej vullnetin tënd, †
    sepse ti je Hyji im. *

    Shpirti yt i mirë le të më prijë në vend të drejtë,
    më përtërij në jetë, o Zot, pashë Emrin tënd. *
    Pashë drejtësinë tënde nxirre shpirtin tim nga shtrëngimi

  5. #805
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Më shpëto, o Zot, prej njeriut të keq.


    Më shpëto, o Zot, prej njeriut të keq,
    më mbro prej njeriut mujshar.
    Prej atyre që mendojnë të këqija në zemër,
    që gjithë ditën sendërgjojnë luftëra.

    Porsi gjarpri e mprehin gjuhën e vet:
    nën buzë e kanë vrerin e shlligës.
    Më ruaj, o Zot, prej kthetrave të mëkatarit,
    më mbro prej njeriut të derhuzdtë.

    Kështu, o Zoti im, lutem:" Ti je Hyji im,
    dëgjoje, o Zot, britmën e lutjes sime.
    O Zot, o Zot, fuqia e shëlbimit tim,
    ma mbro kryet ditën e përleshjes".

    Mos lejo të shkojnë në vend dëshirat e bakeqit,
    mos i përkrah synimet e tija.
    E di se ti, Zoti im, e mbron çështjen e të mjerit
    dhe ia jep të drejtën të vobektit.

    Po të drejtët do të lavdërojnë Emrin tënd,
    shenjtërit do të jetojnë në praninë tënde.

  6. #806
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Kremtohen lavdet për mrekullitë e të Njëlindurit.


    Është punë e mirë ta lavdërojmë ty, o Zot, *
    ti këndohet Emrit tënd, o Zot i tejetlartë.
    Të shpallim dashurinë në mëngjes *
    e gjatë natës besnikërinë tënde,
    me harpë dhjetëkordash e me lirë, *
    me këngë përcjellë me cetër.

    Se ti, o Zot, më gëzove me veprat e tua, *
    kënaqem për veprat e duarve të tua.
    Sa të madhërishme janë veprat e tua, o Zot, *
    sa të thella mendimet e tua!

    Njeriu i pamend nuk i di, *
    dhe i marri nuk do t’i kuptojë.

    Po edhe në mbifshin mëkatarët porsi bari, *
    e në lulëzofshin ata që bëjnë keq,
    janë të caktuar për bjerrje të pasosur, *
    vetëm ti je i Tejetlartë për amshim, o Zot!

    Sepse qe, o Zot, armiqtë e tu, †
    sepse qe, o Zot, armiqtë e tu do të birren, *
    do të shpërndahen të gjithë keqbërësit.

    Ti ma rrite fuqinë porsi të buallit, *
    më shugurove me më të pastrin vaj.
    Prej së larti i shikon syri im ata që më urrejnë, *
    veshët e mi pa tronditje i dëgjojnë kundërshtarët e mi.

    I drejti lulëzon si palma, *
    rritet porsi cedri i Libanit.
    Duke jetuar në Shtëpinë tënde, o Zot, *
    Dhe duke jetuar në shenjtëri, në ty,

    Japim fruta edhe në pleqëri, *
    jemi të kërthndeztë e plot shëndet,
    për të shpallur se ti, o Zot, je i drejtë: *
    Qeta ime, në të cilin nuk ka të meta!

  7. #807
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Lutja në rrezik


    O Zot, klitha drejt teje, eja më të shpejt tek unë!
    Dëgjoje zërin tim kur thërras drejt teje!
    U ngrittë lutja ime si tymi i kemit në praninë tënde,
    lartësimi i duarve të mia porsi flia e mbrëmjes.

    Vërja rojën, o Zot, gojës sime,
    edhe rojtarët në derë të buzëve të mia.
    Mos lejo të priret zemra ime në punë të këqija
    për të sendërtuar punë të liga me njerëz të paudhë
    që të mos i shijoj kënaqësitë e tyre.

    Le të më rrahë i drejti: kjo është mëshirë,
    le të më qortojë,
    por vaji i mëkatarit mos e leftë kokën time,
    por paça uratën përballë mbrapshtisë së tyre!

    Te ti, o Zot, Hyji im, janë sytë e mi,
    ty të rashë ndore, mos lejo të birret shpirti im.
    Më ruaj prej grackës që ma kanë ngrehur,
    prej pengesave të atyre që bëjnë të keqen.

  8. #808
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    E kërkoj mëshirën tënde, o Hyji im!.

    O Zot, mos më qorto në zemërimin tënd
    as mos më ndëshko në hidhërimin tënd!
    Ki mëshirë për mua, o Zot, se më shkatërroi sëmundja,
    më shëro, o Zot, se u thërmuan eshtrat e mi.

    Shpirti im është tejet i shqetësuar,
    e ti, o Zot - e deri kur...?
    Kthehu, o Zot, më shëro,
    më shpëto në saje të mirësisë sate!

    Plasa duke gjëmuar, †
    natë për natë e laj shtratin tim,
    me lotët e mi e laj shtrojën time.
    Sytë e mi po shqimen nga vajtimi,
    u plaka midis armiqve të mi.

    Largoji,O Hyji,prej meje të gjithë që bëjnë keq,
    sepse ti, o Zot, e dëgjon zërin e dënesës sime!
    Ti, o Zot, e dëgjon lutjen time,
    dhe e pranon uratën time!

  9. #809
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    SHPRESOJ NË ZOTIN,

    NUK MBETEM I TURPËRUAR.


    Unë të jap lavdi ty, o Zoti im,
    Dhe e lartësoj Emrin tënd.

    Të kërkova, o Zoti im e ti më dëgjove
    edhe më çlirove nga çdo frikë që pata.

    Të shikoj ty e ti do të më ndriçosh,
    fytyra ime nuk do të turpërohet.

    Ja, ky skamnor të thirri në ndihmë, o Zot,
    ti e dëgjove dhe e shpëtove nga të gjitha vuajtjet e tija.

    Sytë e tu, o Zot, shohin të drejtët,
    veshët e tua ua dëgjojnë ofshamat.

    Fytyra jote, o Zot, është kundër keqbërësve
    për ta zhdukur prej dheut kujtimin e tyre.

    Klithin të drejtët, e ti, o Zot, i dëgjon,
    i liron prej të gjitha vështirësive të tyre.

    Ti, o Zot, je afër atyre që pendohen me zëmër,
    Ti i shpëton shpirtpërgrirët.

  10. #810
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Ne, të shëlbuarit,

    e këndojmë këngën e fitores.




    Toka mbarë të lavdëron Ty, o Zoti im,
    Ty të shërbejmë, o Zot, me hare,
    Dalim para teje me brohoritje!

    E dimë mirë se vetëm ti, Zoti ynë, je Hyj:
    ti na krijove dhe ty të përkasim:
    jemi populli yt dhe delet e kullotës tënde.

    Hymë nëpër dyert e tua duke të dhënë lavd,
    hymë në treme të tua duke kënduar himne,
    duke e lavdëruar dhe e madhëruar Emrin e tënd!

    Sepse i mirë ti je, Zoti ynë,
    e amshuar është dashuria jote,
    nga breznia në brezni besnikëria jote.

  11. #811
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    DIELLI I DREJTËSISË


    Tashmë, o Zot, diell drejtësie,
    t’çahen errësira e mendjes,
    të kthejë drita e virtytshme,
    kur mbi tokë përtërin ditën.

    Duke dhënë kohë të volitshme,
    jepi edhe pendim zemrës,
    pasi mirësia jote
    mëshirë t’ madhe tani ia dhuron.

    Një farë pendese jepna,
    të durojmë për zbutje fajesh,
    sado që janë të mëdhaja,
    më e madhe është mëshira jote.

    Po afrohet dita jote,
    me anë t’cilës ndrit çdo gjë,
    nga hiri yt hyjnor ne
    t’ përtërirë të gëzohemi.

  12. #812
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Lutja në ditë vështirësie

    Në ty, o Zot, shpresoj:
    mos lejo të turpërohem për amshim,
    më liro me drejtësinë tënde.
    Prire drejt meje veshin tënd,
    nxito të më shpëtosh!

    Ji për mua qetë shpëtimi,
    kështjellë mbrojtjeje!
    Sepse forca ime e strehimi im ti je:
    pashë Emrin tënd më pri e më sundo.

    Më nxirr nga rrjeta që fshehtazi ma vunë,
    sepse ti je fuqia ime.

    Në duar të tua po e porosis shpirtin tim,
    më shpërble, o Zot, Hyji besnik.
    Ti i urren shërbëtorët e idhujve të rrejshëm,
    ndërsa unë shpresën e kam në Zotin.

    Me gëzim do t’i brohoras mirësisë sate
    se ti këqyre me dhimbje mbi mjerimin tim,
    ti i ndihmove shpirtit tim në ditë të ngushtë;
    nuk më dorëzove në thonj të armiqve të mi,
    hapave të mi u prive rrugës së shpëtimit.

    Ki mëshirë për mua, o Zot,
    se ndodhem në ngushtim të madh!
    Vuajtjet m’i ligështuan sytë e mi,
    shpirtin edhe trupin.

    Jeta më sharroi në dhembje
    e vjetët më kaluan në dënesë,
    fuqia më mbaroi nga mundi
    e eshtrat m’u thanë.

    Në sy të armiqve të mi u bëra tallje,
    për fqinjë i mërzitshëm e për të njohur tmerr
    Ata që më shohin përjashta, ikin prej meje.
    Më harruan njerëzit porsi të kisha vdekur,
    u bëra porsi enë e thyer.

    Dëgjo pëshpëritjet e të shumëve: tmerr në çdo anë:
    bëjnë mbledhje kunder meje,
    pleqërojnë si të ma marrin jetën.
    E pra, o Zot, unë në ty jam i sigurt,
    unë them: »Ti je Hyji im,
    në duart e tua fati im!«

    Më shpëto prej duarve të armiqve të mi
    dhe prej atyre që më salvojnë.
    Kthjelle fytyrën tënde ndaj shërbëtorit tënd:
    më shpëto me mëshirën tënde.

    Oh, sa e madhe është mirësia jote, o Zot,
    të cilën e ruan për ata që të druajnë,
    e ke përgatitur për ata që shpresojnë në ty
    në sy të bijve të Adamit.

    Ti i fsheh në strehën e fytyrës sate
    larg nga ngatërresat e njerëzve,
    i strehon në Tendën tënde
    larg nga gjuhët ngatërrestare.

    Qofsh i bekuar, Zoti im, që më ke pajisur
    me mirësi të mrekullueshme në qytet të fortë!

    Ndërsa në vështirësinë time mendoja:
    »I përjashtuar jam prej syve të tu!«,
    por ti e dëgjove zërin e lutjes sime
    kur drejt teje lëshova kushtrimin.

    Le të të duan ty, o Zot, të gjithë shenjtërit e tu:
    Ti i ruan besimtarët e tu, –
    por edhe atë që vepron me madhështi
    Ti, Zoti im, e shpaguan sipas meritave.
    Marrin zemër e kanë guxim të gjithë ata
    që shpresojnë në ty, o Zot.

  13. #813
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    O HYJI, FORCA IME!

    Të dua, o Zot, fuqia ime!
    Ti, o Zot, je Qeta ime, Kështjella ime,
    Streha ime, Shpëtimtari im!
    Hyji im, Ndihmëtari im, në Të shpresoj!

    Ti je mbrojtësi im, fuqia e shpëtimit tim, ndorja ime!
    Në ndihmë do të thërras ty,Zoti im, tejet i lavdishëm,
    dhe do të shpëtoj nga armiqtë e mi.

    Më rrethuan valët e vdekjes,
    po më shtrëngonin prangat e vdekjes:
    atëherë në ngushtimin tim, drejt teje, o Zot,
    i lartësova duart e mia:

    nga Tempulli yt ti e dëgjove zërin tim,
    britma ime të mbërriti përpara në veshët e tua!

    Toka u trand edhe u tund,
    u lëkundën themelet e maleve,
    vendit u shkundën, sepse ti, o Zot, u zemërove!

    Si me vel me errësirë u mbështolle,
    ujëra të errëta dhe re të dendura të mbulonin,
    para fytyrës tënde zhdukeshin retë
    me breshër e prush të gjallë!
    sepse ti, o Zot, nga qielli fole:
    ti, i Tejetlarti, bëre t’i dëgjohej zëri yt:

    Ti i shtrive dorën prej majës e më more,
    më nxore nga ujërat e shumta,
    më shpëtove nga armiku i fortë,
    prej atyre që më urrenin,
    që ishin më të fortë se unë.

    Më sulmuan në ditën më të keqen,
    por ty, o Zot, të pata krah,
    Ti më qite në vend të shpëtimit,
    më shpëtove sepse më kishe për zemër.

    Ti, o Zoti im, më shpagove sipas drejtësisë sime,
    më shpërbleve sipas pastrisë së duarve të mia,
    sepse unë i mbajta udhët e tua,
    nuk u largova prej teje, Hyji im.

    Të gjitha gjyqet e tua i kam para sysh,
    dhe urdhërimet e tua nuk i largova prej meje.
    Jam i pastër para syve të tua,
    sepse ruhem vazhdimisht prej mëkatit.

    Ti, Zoti im, më shpërbleve sipas drejtësisë sime,
    sepse e njeh pastrinë e duarve të mia.
    Ti je i mirë me njeriun e mirë,
    me të pafajshmin je i pafajshëm,
    me të mbrapshtin, ti je i squet.

    Ti e shpëton popullin e përvuajtur,
    e krenarët i bën t’i ulin sytë.
    O Zot, ti e ndez dritëzën time, *
    ti, o Hyj, e ndriçon terrin tim.

    Me ty do t’i sulmoj turmat e armiqve, *
    me ndihmën tënde, o Hyji im,
    do t’i kapërcej muret.

  14. #814
    i/e regjistruar Maska e Vinjol
    Anëtarësuar
    28-04-2002
    Vendndodhja
    Fier
    Postime
    1,540

    Për: Lutjet që devotshmëria e Krishtërve ia ka kushtuar njinisë të Hyjit.

    Ribaldi Zoti ti pranofte Lutjet miku im
    por 1 pyetje kam ??
    Kush eshte Zoti yt ???
    te pakten ti besoj edhe une !!! ka fytyre??



    Te lutem mos e mer si provokim kte gje te thashe
    Mos u mundo te behesh njeri i suksesshem por me mire te behesh i vlefshem..

  15. #815
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Citim Postuar më parë nga Vinjol Lexo Postimin
    Ribaldi Zoti ti pranofte Lutjet miku im
    por 1 pyetje kam ??
    Kush eshte Zoti yt ???
    te pakten ti besoj edhe une !!! ka fytyre??



    Te lutem mos e mer si provokim kte gje te thashe


    «BESOJ NË HYJIN, ATIN E GJITHPUSHTETSHËM,

    KRIJUESIN E QIELLIT E TË TOKËS».

    Për të folur për Hyjin, ëshgtë qartë, që ne perdorim fjalët "njërzore"
    që nuk thonë në një mënyrë të përsdosur realitetin hyjnor.
    Unë mund të them vetëm se Zoti është shumë i rendësishëm për mua
    e që është më mirë për mua që ta dua atë me gjithë zemër, më gjithë shpirt
    dhe me gjitha forcat e mia.
    Lutu për mua, që të mund të jem sa më shumë besnik ndaj Zotit tim

  16. #816
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    Lutja e mëngjesit në vuajtje


    Ki mëshirë për mua, o Hyj, ki mëshirë për mua,
    sepse shpirti im mbështetet në Ty,
    po strehohem nën hijen e krahëve të tu
    derisa të më kalojë rreziku i pritës.

    Do të thërras në ndihmë ty, Hyji i Tejetlartë,
    o Hyji im që më bën mirë.
    Do të ma dërgosh ndihmën prej qiellit e do të më shpëtosh,
    do t’i turpërosëh ata që më shtypin,
    Ti, o Hyji im, do të ma dërgosh mëshirën e të vërtetën tënde.

    Shpirti im banon midis luanëve
    që i përpijnë bijtë e njerëzve.
    Dhëmbët e tyre heshta e shigjeta,
    gjuha e tyre shpatë e mprehtë.

    Lartësohu, o Hyj, përmbi qiell,
    përmbi mbarë tokën lavdia jote!

    Këmbëve të mia u vunë leqe,
    e ngushtuan shpirtin tim,
    para meje e hapën gropën:
    ata vetë ranë brenda!

    Zemra ime është gati, o Hyj,
    gati është zemra ime për ty:
    do ti këndoj lavdet e tua!

    Zgjohu, lavdia ime,
    Zgjohu, o harpë e cetër,
    dua ta zgjoj agimin!

    Do të të lavdëroj ndër popuj, o Zot,
    ty do të të këndoj ndër kombe.
    Sepse u madhërua deri në qiell dashuria jote,
    e deri në re e vërteta jote!

    Lartësohu, o Hyj, përmbi qiell,
    përmbi mbarë tokën lavdia jote!

  17. #817
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    O Zoti im, të falënderoj që më ke ruajtur sonte

    O Zoti im, të falënderoj që më ke ruajtur sonte
    Po të premtoj se sot, me ndihmën tënde,
    nuk do të të fyej me asnjë mëkat.

    O Zoti im, gjithçka që do të bëj
    e gjithçka që do të vuaj në këtë ditë,
    dua ta bëj dhe ta vuaj për dashurinë tënde
    e si është dëshira e Zemrës së Jezu Krishtit,
    që bëhet fli për ne në Meshën e shenjtë.

    O Zot i gjithëpushtetshëm,
    që na e dhe fatin ta presim edhe këtë ditë,
    na ruaj me pushtetin tënd,
    që sot të mos biem në asnjë mëkat,
    por të rrjedhin fjalët
    e të drejtohen mendimet
    dhe veprat tona
    për të kryer gjithmonë drejtësinë tënde.
    Amen

  18. #818
    i/e regjistruar
    Anëtarësuar
    19-08-2013
    Postime
    559

    Për: Lutjet që devotshmëria e Krishtërve ia ka kushtuar njinisë të Hyjit.

    O Princi i paqes.

    O Princi i paqes, Hyji gjithmonë i gjallë,
    shikoje me mirësi njerëzimin mbarë.
    Vetëm prej teje ai pret ndihmë dhe shpëtim.

    O Hyji, nga lajmi i mirë të marrë prej teje
    E dimë që ti preferon gjithmonë të vegjël,
    Të përvuajturit, dhe ata që vuajnë.

    E dimë që Ti i kërkon me preferencë mëkatarët.
    Bëj, po të lutemi, që të gjithë ne ti gjejmë,
    dhe ti kemi në ty rrugën, të vërtetën dhe jetën.

    Na jep atë paqe që e ka burim në Ty,
    Që na ke dërguar si shembull Jezusin,
    Qengjin e flijuar për shëlbimin tonë:
    Që të liruar prej mëkatit, të fitojmë
    Paqen si një dhuratë që vjen prej teje.

    Largo, o Hyji i paqes, nga zemrat e njerëzve
    Gjithçka mund ta vërë në rrezik paqen mes tyre.

    Përforcoje në mes tyre të vërtetën,
    Drejtësinë dhe dashurinë vëllazërore.


    Jepua dritën tënde qeveritarëve
    Që përpjekjet e tyre për mirëqenien e popujve,
    Të kenë si qellim një paqe e përbashkët dhe të vazhdueshme.


    Ndize vullnetin e të gjithëve për ti rrëzuar
    Pengesat që na ndajnë
    Dhe për të përforcuar dashurinë reciproke.



    Ndize vullnetin e të gjithëve
    Që të gjithë njerëzit të mund të kuptojnë të tjerët,
    Të kenë mëshirë ndaj të tjerët, dhe ti falin të tjerët
    Që të gjithë të jenë një, të bashkuar në emrin tënd.
    Bëj që të fitojë në zemrat e të gjithëve
    Në familjet tanë, në gjithë botën
    Paqja, paqja jote.

  19. #819
    i/e regjistruar
    Anëtarësuar
    19-06-2020
    Postime
    1,406
    Postimet në Bllog
    2

    Për: Lutjet që devotshmëria e Krishtërve ia ka kushtuar njinisë të Hyjit.

    UNË TË ADHUROJ.

    Unë të adhuroj ty, Zoti im, dhe të dua me gjithë zemrën time.

    Të falendëroj se më ke krijuar, më ke bërë të krishterë

    dhe më ke ruajtur këtë natë.

    Unë të ofroj veprimet e ditës:

    bëj të jenë të gjitha sipas vullnetit tënd të shenjtë

    e për lavdinë tënde më e madhe.

    Më ruaj nga mëkati dhe nga çdo e keqe.

    Hiri yt le të jetë gjithmonë me mua dhe me të gjithë të dashurit e mi.

    Amen.
    Ndryshuar për herë të fundit nga ninoenina : 20-01-2021 më 12:49

  20. #820
    i/e regjistruar
    Anëtarësuar
    19-06-2020
    Postime
    1,406
    Postimet në Bllog
    2

    Për: Lutjet që devotshmëria e Krishtërve ia ka kushtuar njinisë të Hyjit.

    UNË TË BEKOJ, O ATË.

    Unë të bekoj, o Atë, në fillim të kësaj dite të re.
    Pranoji lavdërimet dhe falënderimet e mia për dhuratën e jetës dhe besimit.
    Me fuqinë e Shpirtit tënd drejtoji projektet dhe veprimet e mia:
    bëjini ato sipas vullnetit tënd.
    Më çliro nga dekurajimi përballë vështirësive dhe nga çdo e keqe.
    Më bëj të vëmendshëm ndaj nevojave të të tjerëve.
    MbrojI familjen time DHE KISHËN me dashurinë tënde. Amen.

Faqja 41 prej 47 FillimFillim ... 313940414243 ... FunditFundit

Tema të Ngjashme

  1. Përgjigje: 1
    Postimi i Fundit: 26-05-2009, 05:44
  2. Viti kushtuar Darvinit
    Nga toni77_toni në forumin Komuniteti katolik
    Përgjigje: 0
    Postimi i Fundit: 09-02-2009, 17:02
  3. Përgjigje: 1
    Postimi i Fundit: 25-04-2006, 08:08
  4. Lutja kushtuar Zotit
    Nga altin55 në forumin Komuniteti musliman
    Përgjigje: 18
    Postimi i Fundit: 20-06-2004, 15:27

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •