Lutjet që devotshmëria e Krishtërve ia ka kushtuar njinisë të Hyjit.

[torrkerry]

MË PËRPIN ZELLI PËR SHTËPINË TËNDE, O ZOT.

Më shpëto, o Hyj,
Sepse ujët më arriti derti në fyt!

Jam ngulur thellë në baltë,
S’kam ku ta vë këmbën time të fortë:
kam rënë në pellgun e ujërave
E valët po më mbulojnë...

O Hyj, ti e njeh marrësinë time,
fajet e mia nuk janë të fshehura para teje.

Mos lejo të skuqen në mua
ata që shpresojnë në ty, o Zot, Zoti i ushtrive,
mos lejo të turpërohen në mua
ata që të kërkojnë ty, o Hyji i Izraelit!

Sepse për shkak tëndin e mbarta poshtërimin,
marrja ma mbuloi fytyrën,
u bëra i huaj për vëllezërit e mi,
i panjohur për bijtë e nënës sime.

Pse shkrihen në zell për Shtëpinë tënde, o Hyj,
përbuzjet e atyre që ty të përqeshin ranë mbi mua...

NGA PSALMI 69.

Torrkerry

[torrkerry]

KOTËSIA E NJERËZVE

Por çfarë ka këtu të çuditshme,
Nëse unë e lija veten
të tëriqesha në këtë mënyrë mes kotësive
dhe largohesha gjithmonë
e më shumë nga ti, Zoti im,
ndërsa paraqiteshin si modele njerëz
të cilët, në qoftë se i qortoje
për përdorimin e ndonjë barbarizme
apo të ndonjë gabimi tjetër gjuhësor,
kur tregonin ndonjë veprim të tyre aspak të padenjë,
ngeleshin të hutuar,
por krenoheshin shumë
për përgëzimet që merrnin,
nëse arrinin të flisnin
për tregimet e tyre të pasakta n
ë një gjuhë puristesh,
duke i ndërtuar shkëlqueshëm fjalitë
“me shkathtësi dhe bukuri”.
Ti i shikon të gjithë këtë, Perëndi,
dhe je zemërgjerë,
shumë i mëshirshëm
e i vërtetë,
dhe hesht.
Por, a do të heshtësh përgjithmonë?
Ndërkohë që tani shkul
nga kjo thellësi marramendëse
shpirtin që të kërkon
dhe ka etje për kënaqësitë e tua,
zemra të thotë: “Kam kërkuar fytrën tënde;
fytyra jote më mungon,, o Zot”,
sepse larg nga fytyra jote
jam në errësirën e ndjenjave.
Nga ti po largohemi,
dhe te ti po kthehemi,
pa i lëvizur këmbët,
pa përshkuar mes për mes hapësirën e pafund...
Që të mos më mjaftojë mua
të jetoj mes shthurjes së pasionit,
sepse kjo është me të vërtetë
një jetë mes errësirës,
si ajo që jetova
kur isha larg fytyrës tënde.

SHËN AUGUSTINI
(me disa ndryshime)

Torrkerry

[torrkerry]

URATA PËR ÇIFTIN E RI MARTESOR.

Hyi im,
ndihmojë këtë çiftë martesor
që të jenë një zemër e vetme
plot dashuri.
Jepju atyre një jetë
në të cilën
do të mund të jenë një zemër e vetme,
në gëzime dhe në pikëllime,
në shëndet dhe në sëmundje.
Jepju atyre dashurinë
për fëmijë që do t’i kenë
dhe bëj që shtëpia e tyre
ta ketë derën e hapur për të varfër.

O Hyj, mësoji
të luten së bashku
për të jetuar gjithnjë në bashkim.
Amen.

NËNA TEREZE
Torrkerry

[torrkerry]

HIRI YT, O ZOT!

Na priftë, o Zot,
dhe na përcjelltë
përherë
hiri yt
dhe vazhdimisht
na beftë të kujdesshëm
të kyejmë vepra të mira.

NRA MESHARI ROMAK

Torrkerry

[torrkerry]

PREMTIMI PËR MBAJTJEN E LIGJIT TË ZOTIT.

Më gjithë zemër të thërras, o Zot, më dëgjo,
dhe do t’i mbaj urdhërimet e tua.
Klitha drejt teje, më shpëto,
që t’i ruaj dëshmitë e tua.

Para agimit zgjohem e të thërras në ndihmë,
shpresoj në fjalën tënde.
Sytë e mi zgjohen para rojës së natës
për të përsiatur fjalët e tua.

Ma dëgjo zërin sipas mëshirës sate, o Zot,
e bëj të jetoj sipas gjyqit tënd.
U afruan ata që më salvojnë dijekeqas,
janë larg nga Ligji yt.

Por Ti, o Zot, je afër,
besnike janë të gjitha urdhërimet e tua.
Që moti di për urdhërimet e tua
se i themelove për amshim.

NGA PSALMI 119

Torrkerry

[torrkerry]

TI JE STREHIMI IM.

Të thërras Ty në ndihmë, o Zot:
Ti je strehimi im.
Ti je e mira ime
në tokën e të gjallëve.
Ti je besnik ndaj meje
dhe besnikëria jote, o Zot,
qëndron për amshim.

NGA LITURGJIA

Torrkerry

[torrkerry]

DËSHIRË PAFAJËSIE DHE PAQEJE.

Kush do të më zgjidhë prej mëkateve të mia?
Janë e keqja më e madhe:
nuk dua më ta mendoj,
nuk dua më ta shikoj!
Të dua ty,
pafajësi dhe drejtësi,
të bukur e të çmuar,
me drita të zgjedhura,
me ngopje të pangopshme.
Nga ti ka qetësi të madhe
dhe jetë që nuk njeh asnjë tronditje.
Kush hyn te ti,
hyn në gëzimin e Hyjit të tij;
nuk do të ketë më frikë
dhe do të gjendet mirë,
si mbret në të mirën mbretërore.
Si uji jam përhapur,
duke rrjedhur nga ti,
dhe jam endur
nëpër të gjithë adoleshencën time, Zoti im,
shumë larg nga palëvizshmëria jote.
Nga unë vetë u bë një vend mjerimi.

SHWN AUGUSTINI

Torrkerry

[torrkerry]

TI, O ZOT, GJITHMONË

“Shuajma dritën e syve, dhe unë ende të shoh,
më bëj të shurdhër dhe dëgjoj zërin tënd;
m’i pre këmbët, dhe unë vrapoj në rrugën tënde,
pa gojë, për ty do të thurja lutje.

M’i këput krahët, dhe unë të shtrëngoj
me zemrën time, të bërë papritur, dorë;
po ta ndalosh zemrën, rreh mendja ime;
digje dhe këtë, atëherë, gjaku im
do të të presë, o Zot, në çdo pikë të tij”.

R.M. RILKE

Torrkerry

[torrkerry]

URATA PËR PUNËN E PËRDITSHME

O Hyj, në duart tua është shëndeti ynë,
unë gjunjëzohem para teje
sepse çdo dhunti e mirë dhe e përsosur
vjen prej teje.
Të lutem:
aftësoi duart e mia.
ndriçoje mendjen time,
fisnikërojë zemrën time.
Më jep qëllime të çiltërta
dhe fuqi që së paku pjesërisht
t’i barti barrët e atyre që vuajnë.
Më jep hir për të zbatuar
detyrat që mi ke besuar.
Largo prej zemrës sime
çdo mëkat dhe ngatërresë,
kështu që, me fe fëmijërore,
të mund të besoj në ty.
Amen.

NËNA TEREZA

Torrkerry

[torrkerry]

NJË LUTJE PËR TË SËMURË.
Të lutemi, o Mësues dhe Zot !
Ti i ke formuar trupat tanë,
ti e ke krijuar shpirtin tonë,
ti ke bërë që të ekzistojë natyra jonë njerëzore.
Ti udhëheq me provaninë tënde,
ti ke kujdesin për të gjithë,
ti e shpëton njerëzimin mbarë.
Ti i pajton dhe ti ia jep paqen njerëzve,
sepse ti na don të gjithë, pa dallim.
Tregohu gjithmonë dashamirë ndaj nesh, o Zot!
Ndihmoji dhe shëroji të sëmurët.
Largoji sëmundjet,
Jepja përsëri të trishtuarve
shpresën dhe fuqinë.

Jepi lavdi emrit tënd të shenjtë
nëpër Birin tënd të shenjtë Jezu Krishtit,
nga i cili ti i merr
lavdine e fuqinë
në Shpirtin shenjtë,
Sot dhe për të gjithë shekuj të shekujve.
Amen.

SERAPIONI NGA THMUISI

Torrkerry

[torrkerry]

LUTJA E NJË MISIONARI QË VDIQ MARTIR.
Hyji im dhe shpëtimtari im Jezus,
çfarë mund të të jap
nga të gjitha të mirat
të cilat m’i ke dhënë?
Do të marrë nga dora jote kelkun e vuajtjes
dhe do të thërras emrin tënd!
Në praninë e Atit tënd të amshuar,
dhe të Shpirtit Shenjtë,
në praninë e nënës tënde tejet të shejntë
dhe të bashkëshortit e saj krejtësisht të pastër,
para engjëjve, apostujve dhe martirëve,
para etërve të mi të nderuar shën Injacit dhe shën Françesk Ksaverit,
po e bëj kushtin, o Shpëtimtari im Jezus,
po e bëj kushtin se, aq sa varet nga unë,
nuk do të tërhiqem kurrë nga hiri i martirizimit,
nëse në saje të mëshirës sate të pafund,
do të ma paraqesësh mua, shërbëtorit tënd të padenjë.
Deri në atë pikë marr për detyrim
që, gjatë jetës sime që më pret,
të dëshiroj të mos më jepet
dhe të mos më lejohet të më ikin rastet
për të vdekur dhe për të derdhur gjakun tim për ty,
vetëm nëse ti do e gjykosh si gjë më të mirë për lavdinë tënde
që unë të sillem ndryshe.
Dhe kur të marr goditjen vdekjeprurëse,
detyrohem që ta pranoj nga dora jote
me gjithë dëshirën dhe gëzimin e zemrës time.
Për këtë arsye, o Jezus fort i dashur,
që nga ky moment
me ndjenjat e gëzimit që kam,
të dhuroj gjakun tim, trupin tim dhe jetën time,
që unë të mos vdes veçse për ty,
nëse ti ma dhuron këtë hir,
sepse ti u denjove të vdesësh për mua.
Bëj që unë të jetoj në atë mënyrë
që ti të më bësh këtë nder
të vdes kaq lumturisht.
Kështu, o Hyji im dhe shpëtimtari im,
do marr nga dora jote
kelkun e vuajtjeve tua
dhe do thërras emrin tënd:
Jezus, Jezus, Jezus.
O Hyji im,
sa më dhemb fakti
se ti nuk je i njohur
dhe se pranë këtyre popujve barbar,
ata që e kanë përqafuar fenë tënde
janë një numër kaq të vogël!
Mekati akoma nuk është zhdukur
dhe ti nuk je i dashur!
Po, Hyji im,
nëse do të binin në mua të gjitha vuajtjet
që të burgosurit mund të durojnë në këto toka,
bashkë me mizorinë e vuajtjeve,
me gjithë zemër jam i gatshëm
t’i bart dhe t’i vuaj të gjitha edhe unë vetëm.

SHËN GJONI BREBEUF.
Torrkerry.

[torrkerry]

GJITHMONË DO TË JEM ME TY!

Kur shpirtin e kisha të trazuar,
mundohesha në brendinë e zemrës sime,
isha i marrë e nuk kuptoja,
isha bërë si bagëti para teje.

Por unë qysh tash do të jem me ty, Hyji im,
sepse më more për dorën time të djathtë.
Ti do të më prish me këshillën tënde,
për të më marrë pastaj me lumturi.

Kë tjetër pos teje kam unë në qiell?
Edhe në tokë s’dua tjetërkënd veç teje!

Ligështuar më janë trupi dhe zemra:
ti je Hyji i zemrës sime, pjesa ime, Hyji i amshueshëm.

Po se do të sharrojnë të gjithë ata që largohen prej teje,
ti zhbin të gjithë ata që të tradhtojnë.

Kënaqësia ime është të qëndroj në praninë tënde, o Hyji im,
ta vë shpresën në Ty, Hyjin tim,
që t’i shpall të gjitha veprat e tua
në dyert e Qytetit Sion.

NGA PSALMI 73, 21-28

Torrkerry.

[torrkerry]

ZGJIM ME TË VËRTETË I LUMË
Zgjim me të vërtetë i lumë
ai në të cilin të pres Ty,
o Hyji im, krijuesi i gjithësisë,
që gjithçka mbush
dhe gjithçka tejkalon!
O Hyji im,
denjohu të më zgjohësh
edhe mua, shërbëtorin tënd të pavlerë,
nga gjumi i mediokritetit tim
dhe të më ndezësh aq shumë
më dashurinë tënde hyjnore
sa të flakërohem
me dashurinë tënde
deri përmbi yje,
kështu që të digjem
nga dëshira për të dashur Ty
gjithmonë e më shumë
dhe mos u fiktë
kurrë më në mua ky zjarr!
Bëj, o Hyji im,
që meritat e mia
të jenë kaq të mëdha,
që pishtari im
të shndrisë vazhdimisht
gjatë natës
në Tempullin tënd
për të ndriçuar kështu
të gjithë ata
që hynë në Tempullin e Zotit tim.
O Hyji im,
më jep atë dashuri
që nuk ligështohet kurrë,
që të rrijë gjithmonë i ndezur pishtari im,
që të mos shuhet kurrë,
të digjet për mua,
të shndrisë për të gjithë.

SHËN KOLOMBANI
(me ndryshime)

Torrkerry

[torrkerry]

TI JE DRITA IME!

Ti, o diell, nuk do të jesh më drita ime e ditës
dhe për mua nuk do të shndrisë më drita jote, o hënë.
Ti, o Zot, do të jesh për mua dritë e amshuar,
Ti, o Hyj im, do të jesh shkëlqimi im.
Dielli im, Krishti, nuk do të perëndojë më,
dhe edhe hëna, drita jote, o Hyji im,
që më ndriçon, nuk do të errësohet më.

NGA LITURGJIA.

Torrkerry

[torrkerry]

ZOT KRIJUES I GJITHÇKAJE.

Zot krijues i gjithçkaje,
mbajtës i yjeve,
me dritë mbush dritën,
natën e mërgon:
ëmbëlsia e prehjes
ku tretet trupi,
mendja lehtësohet,
zija në shpirt fashitet.


AMBROXHO NGA MILANO

Torrkerry

[torrkerry]

O ZOT I MIRË

O Zoti i mirë, e i mëshirshëm,
i ngadalshëm në zemërim,
më kishin mbushur mendjen
me paragjykime tokësore
ndaj sakramentit tënd dashurie.
I rënë poshtë nën peshën
e mëkatit tim,
i turpëruar nga ndjenja fajësie
dhe padenjësisë time,
e kërkova një rrugëdalje,
u gjunjëzova para teje i kryqëzuar,
një prifti edhe atij mëkatar,
dhe për këtë të aftë të kuptojë edhe mjerimin tim.
U rrefeva mëkatin tim
dhe në fund dëgjova:
“Unë të zgjdh prej të gjitha mëkateve të tua
në emër të Atit, e të Birit, dhe të Shpirtit Shenjtë!
Një “Amen” më doli nga zemra,
me një psherëtimë të thellë
fillim të një lirie të re.
E pas kësaj dëgjova edhe:
“Tani, shko në paqe. Krishti është paqia jote”.
Këto fjalë, o Zot i dashur, i ke thënë për mua, për mua!
Fjalë aq të bukura
të drjetuara kah unë!

ANONIM

Torrkerry

[torrkerry]

FALËNDERIM ZOTIT SHPËTIMTAR.

Zoti im,
unë jam shërbëtori yt,
shërbëtori yt dhe biri i shërbëtores tënde.
Ti i këpute zinxhirët e mi:
për ty unë do të bëj një flijim me lavde.
Do të kërkoj lavdive të tua me shpirt dhe me fjalë,
dhe me të gjitha gjymtyrët e mia
do të thonë: Kush është si ti, o Zot?
Ashtu do të flasin,
dhe ti më përgjigjeh
duke i thënë këtij shpirti:
shpëtimi yt jam unë.

SHËN AUGUSTINI

Torrkerry

[torrkerry]

MË LIRO, O KRISHT.

Më liro, o krisht,
nga dëshira që më të duan,
nga dëshira që të më latësojnë,
nga dëshira që të më nderojnë,
nga dëshira që të më lavdërojnë,
nga dëshira që të më përparësojnë,
nga dëshira që të më pyesin për këshilla,
nga dëshira që të më miratojnë,
nga dëshira që të jem i njohur
nga frika se jam i përbuzur,
nga frika se jam i nënçmuar,
nga frika se do të më qortojnë,
nga frika se do të më shpifin,
nga frika se do të më harrojnë,
nga frika se s’do të përballoj të padrejtat,
nga frika se do të më përqeshin,
nga frika se do të jem e dyshimtë.
Amen.

NËNA TEREZE

Torrkerry

[torrkerry]

NGA LITURGJA E SHËN INJACIT NGA ANTIOKIA.
Për mua, o Krisht,
asgjë nuk është e fshehur,
sepse me ty, o Krisht,
e kam në plotësi
fenë dhe dashurinë;
feja është fillimi,
dashuria plotësimi.
Duke e marrë Ungjillin
me përvujtëri dhe zemërbutësi,
rilinda në fenë,
që është mishi yt, o Zot,
dhe në dashuri
që është gjaku yt, o Krisht.
Ti, o Krisht, i vdekur për mua,
Ti, o Krisht, i ringjallur për mua,
je ai që unë kërkoj dhe dëshiroj.
Ti, o Krisht,
mishi i Birit të Davidit,
je buka e Hyjit për mua;
Ti, o Krisht,
Biri i Atit,
dashuria e pafund,
gjakun tënd e derdhe për mua,
këtë pije e shpëtimit.

Torrkerry

[torrkerry]

URATA PËR ATA QË S’DINË TË LUTEN.

O Zot, ndihmoju meshkujve dhe femrave
që do të dëshironin të luten,
por s’dinë.

Prano dëshirën e tyre për uratë
si uratë zemre.
Dëgjo heshtjen e tyre
dhe takohu me ta në brendinë e tyre.

Ti qysh moti e ke udhëhequr popullin
prej robërisë së shkretisë
dhe iu ke treguar tokën e premtuar.
Ti, o Zoteruesi i mbretërve.
Amen.

NËNA TEREZE

Torrkerry