Lutjet që devotshmëria e Krishtërve ia ka kushtuar njinisë të Hyjit.

[ninoenina]

LUTJA E ETTY HILLESUM NË NJË KAMP PËRQENDRIMI E RIPËRSËRITUR NGA NJË VAJZË UKRAINE.


O Zoti im,

të premtoj një gjë, vetëm një gjë shumë të vogël:

do të përpiqem të mos të ngarkoj sot

me peshën e shqetësimeve të mia për nesër:

por edhe kjo kërkon një përvojë të caktuar.

Do të përpiqem të të ndihmoj

që edhe ti të mos shkatërrohesh brenda meje,

por apriori nuk mund të të premtoj asgjë.

Një gjë, megjithatë, më bëhet gjithnjë e më e dukshme

dhe ajo është se ti nuk mund të na ndihmosh,

por që ne duhet të të ndihmojmë,

duke ditur se në këtë mënyrë ndihmojmë veten tonë.

E vetmja gjë që mund të shpëtojmë në këtë kohë,

dhe gjithashtu e vetmja gjë

që ka vërtet rëndësi,

është një pjesë e vogël nga ti në veten tonë, o Zoti im.

[ninoenina]

ZEMRA E NJERIUT.


O Zot, ti ke folur për zemrën e njeriut që të dimë se:

"prej brendisë ‑ prej zemrës së njeriut rrjedhin:

mendimet e këqija, llojet e ndryshme të fëlligështisë,

vjedhjet, vrasjet, kurorë‑ thyerjet,

dëshira e tepruar e pasurisë,

mashtrimet, shfrenia, smira,

blasfemitë, krenaria, marrëzia.

E që të gjitha këto të këqija

dalin nga brenda

dhe e bëjnë njeriun të papastër”.

Më ndihmo, o Zot të kuptoj

se edhe në zemrën time janë

rrënjët e këtyre gjërave.

Nëse vërtetë dua të njoh kush jam unë,

duhet të kuptoj madhështinë dhe forcën e thirrjes sime

dhe së bashku me të, atë pus errësire dhe brishtësie

që është brenda meje.

Derisa nuk e njoh,

nuk kam një personalitet me të vërtetë të lirë.

Genjej vetëm dhe nuk fitoj seriozitetin

dhe të vërtetën në të vepruarin

e atij që e njeh veten të dobët

dhe të drejtohet vazhdimisht ty si Shpëtimtar.

Carlo Maria Martini.

[ninoenina]

O ZOT, TI NA KE DREJTUAR...



O Zot, ti na ke drejtuar deri në këtë moment.

Ne tani kemi nevojë të njohim kush jemi ne dhe kush je Ti.

Dhe, më përpara akoma,

kemi nevojë ta dimë çfarë presim, çfarë dëshirojmë.

Largo prej nesh të gjitha fjalët e kota

dhe bëj që të arrijmë tek thelbësorja e gjërave.

Ti shikon thellësinë e dëshirave tona.

gatishmërinë tonë për të pranuar fjalën tënde.

Ti i njeh dëshirat tona:

na dhuro kthjelltësinë e vetës sonë

dhe na u shfaq neve forcën e Ungjillit tënd.

Kardinali Karlo Maria Martini.

[ninoenina]

TË LAVDËROJ DHE TË FALËNDEROJ, HYJI IM!

Të lavdëroj dhe të falënderoj, Hyji im,

të dua sepse je forca ime,

sepse më ke dhënë një zemër të drejtë.

Unë nuk kam përfituar kurrë nga forca ime

kundër armiqve dhe kundër atyre që më tradhtonin:

unë ua kam kursyer jetën gjithmonë njerëzve.

O Zot, ti ke bërë me mua një burrë të mirë

dhe më ke dhuruar një shpirt të madh lutjeje.

Për mijëra vite të gjithë popujt

do të luten me lutjet që Ti,

o Zot, ke vendosur në buzët e mia.

[ninoenina]

HYJI IM JE TI!


O Hyj, Hyji im je ti, që në agim të kërkoj.

Ka etje për ty shpirti im,

ty të dëshiron trupi im,

si toka e shkretë, e thatë, e paujë,

kështu erdha në Shenjtëroren tënde

për ta parë fuqinë tënde e lavdinë tënde.

Sepse më e mirë është dashuria jote se jeta:

buzët e mia do të të lavdërojnë.

Kështu do të të bekoj në jetën time

e në Emrin tënd do t’i lartësoj duart e mia,

do të ngihem si në gosti të shkëlqyeshme,

me buzë të hareshme do të të lavdërojë goja ime.

Ty do të të kujtoj edhe në shtratin tim,

në përgim natën do të mendoj për ty,

sepse ti je bërë ndihma ime,

prandaj do të brohoris nën hijen e krahëve të tu!

Shpirti im u mbështet në ty,

e djathta jote më merr për dore.

[ninoenina]

O ZOT, UNË BESOJ FORT NË TY.



Zot, unë besoj fort në ty.

Besoj se ti je prezent këtu,

pranë meje, në momentin

kur unë jam në praninë tënde.

Unë shpresoj tek ti.

Unë shpresoj për jetën tënde të përjetshme.

Unë besoj se ti do të më drejtosh sot

në këtë jetë të përjetshme.

O Zot, të dua. Mbi të gjitha gjërat.

Më shumë se unë.

Por rrite tek unë këtë dashuri.

Më jep të dua vetëm ty

dhe të dua krijesat e tua

sepse ti i do ato.

[ninoenina]

PLANI I HYJIT PËR NE...



O Zot, Ati ynë, gjallëro dhe zhvillo brenda nesh

vetëdijen për misionin që na ke besuar

nëpërmjet Kishës dhe Shoqërisë sonë.

Na ndihmo të na njohin,

të na kuptojnë, të na ndihmojnë.

Na bëj të lumtur që kemi

kaq shumë vëllezër pranë nesh.

Na jep që të jemi solidarë në vendimet tona,

që të mësojmë të punojmë së bashku,

duke dëshiruar të promovojmë

një familje të vërtetë,

sepse vetëm kështu mund të realizojmë

planin tënd të dashurisë.

[ninoenina]

ZOTI IM I ËMBËL...


Zoti im i ëmbël,

ktheji bujarisht sytë e tu të mëshirshëm

drejt këtij populli tënd;

sepse lavdia jote

do të jetë shumë më e madhe

nëse ke mëshirë

për morinë e pamasë

të krijesave të tua.

(Shën Katerina e Sienës).

[ninoenina]

NJË LUTJE E DAVIDIT,


“I bekuar je, o Zot, Hyji i Izraelit, atit tonë,

prej amshimit e në amshim!

Ty, o Zot, të përket madhëria e pushtetit,

lavdia, shkëlqimi dhe lartëmadhëria!

Sepse gjithçka në qiell e në tokë, janë të tuat!

Ty, o Zot, të përket mbretëria,

ti lartësohesh si kokën përmbi çdo gjë!

Prej teje vjen pasuria dhe lavdia,

ti zotëron me gjithçka!

Në dorën tënde fuqia dhe pushteti.

Ti mund të bësh gjithçka të madhërishme e të qëndrueshme!

Prandaj, o Hyji ynë, po të madhërojmë

e po e lavdërojmë Emrin tënd të madhërishëm!

Sepse madhështia dhe lavdia,

fitorja dhe madhështia janë tuajat,

dhe të gjitha gjërat në qiell dhe në tokë.

E jotja është mbretëria

dhe ti je Zoti i të gjitha qenieve të gjalla

në të gjitha epokat"


(1 Chr 29,10-13).

[ninoenina]

THIRRJA DHE SHUGURIMI.


O Atë, që duke thirrur secilin prej nesh në besim,

shfaq dashurinë tënde për ne,

për të gjithë besimtarët e kishës tënde

dhe për mbarë njerëzimin,

duke dashur që të gjithë të jenë të lumtur

gjatë gjithë ditëve të jetës së tyre,

na jep, të ljutemi si dhuratë

të gjithë ata që ti i ke shuguruar me hirin tënd,

për të qenë një shenjë të pranisë sate mes nesh.

Gjithashtu të kërkojmë të shumëfishosh në të gjithë ne

mirënjohjen për thirrjen dhe dhuratat e tua

dhe t'u përgjigjemi bujarisht për të qenë si Jezusi

dëshmitarë të vërtetë të dashurisë satej. Amen

[ninoenina]

ME TY MUND TË BËJMË GJITHÇKA.


Zot, Atë i Shenjtë, bëji të frytshme

të gjitha veprimtaritë tona

me dhuratën e një bashkimi të gjallë

e të vazhdueshëm me ty,

sepse duke u bërë soditës në veprim

gjejmë në përjetimin e intimitetit

të dy zemrave tona,

forcën për të bërë gjithçka

për dashurinë tënde.

dhe për të ngulmuar deri në vdekje

në dhuratën totale të vetes

për mbretërinë tënde.

[ninoenina]

LUTJE PËR NJË BASHKËSISË TË KRISHTERE.


O Zot, në mëshirën tënde ndaj të gjithëve,

na ke dashur, thirrur dhe shenjtëruar me dhuratën e hirit tënd,

për të formuar një komunitet të përkushtuar për të shpallur Ungjillin.

Na bëj dëgjues të pasionuar të fjalës sate

dhe mbi të gjitha të vëmendshëm për të dëshmuar

se ne duhet t'i duam të tjerët ashtu siç i don ti,

në radhë të parë në bashkësinë tonë vëllazërore,

por vëçanërisht edhe në rrugët e në vendet ku na dërgon.

Gjallëro te ne gjithashtu vetëdijen për lidhjen tonë me ty

dhe na ndihmo që duke ditur se dëshiron të jesh

hir dhe shpëtim për të gjithë njerëzit,

TË jetojmë në çdo moment të frymëzuar nga fjala jote:

Zot, më jep shpirtra dhe merre gjithka tjetër.

[ninoenina]

O HYJI, TI PUSHTON GJITHÇKA.


Ti, Njëni e Trinisë,
që me pushtet sundon gjithë botën,
mbaj vesh këngët e lavdeve
që këndojmë në përgjime.

Pse ne nga shtrati ngrihemi
në kohë të qetë të natës,
nga ti me ngulm të lypim
shërimin e të gjitha plagëve.

Ku gjithçka që gabuam
ndër net nga gënjeshtra e djajve,
atë e shleftë nga qielli
pushteti i lavdisë sate.

Me besë të shpirtit të lusim,
na mbush me dritën tënde,
për çka në rrjedhë të ditëve
të mos ngelim pa asnjë vepër.

[ninoenina]

O ZOT ATI YNË I MËSHIRSHËM

Me fytyrë përdhe të lutemi,
të gjithë ne sot të thërrasim,
të qajmë para Gjykatësit,
të ulim flakën hakmarrëse.

Me të zezat tona, o Zot
shpirtmirësinë tënde fyejmë;
nga lart na jep mëshirën
ti që fajet tona shlyen.

Mendo: bijtë e tu ne jemi,
ndonëse nga balta e mraztë,
lutemi mos t’i japësh tjetrit
nderin e emrit tënd.

Pakëso të keqen që bëmë,
shto të mirën që të lypim,
me çka mund të pëlqejmë ty
qysh tash e përgjithnjë.

[ninoenina]

TË ADHUROJ.


Të adhuroj, o Zoti im, dhe të dua me gjithë shpirt.

Të falënderoj pse më ke krijuar,

më ke bërë të krishterë

dhe më ke ruajtur në këtë ditë.


Ma fal të keqen që sot kam kryer,

dhe, nëse e kam bërë ndonjë të mirë,

pranojë.


Ma ruaj gjatë gjumit dhe më mbro prej rreziqeve.


Hiri yt qoftë përherë me mua

dhe me të gjithë të dshurit e zemrës sime.

Amen

[ninoenina]

LUTJA E GMS 2023.


O Atë, krijuesi i gjithçkaje që ekziston,

Ne të falënderojmë që pasqyrove lavdinë tënde në krijim

dhe që na besove përgjegjësinë për të qenë kujdestarë të botës sonë.

Na mbush me zjarrin e shpirtit tënd të shenjtë

që të ndihemi thellësisht të lidhur me të gjitha krijesat

e të dimë të respektojmë dhe të kemi kujdesin për krijimin,

e veçanërisht për më të dobëtit dhe më të rrezikuarit.

Na frymëzo, si kujdestarë besnikë

si të riparojmë në mënyrë aktive dëmin që kemi bërë,

dhe si të ftojmë të gjithë popujt në punën e përbashkët

dhe në misionin e madh të shpëtimit të shtëpisë të përbashkët.

[ninoenina]

O ZOT, ATI IM.


O Zot, Ati im,

dashuri e pafundme, burim i pashtershëm hiri dhe jete,

Unë dua t'ju shuguroj personin tim:

e tashmja ime, e shkuara dhe e ardhmja ime,

dëshirat e mia, zgjedhjet e mia, vendimet e mia,

mendimet dhe ndjenjat e mia,

gjithçka që jam dhe gjithçka që më përket mua

gjithçka është e jotja dhe e kushtuar ty.

Bekojii të gjithë ata që takoj,

gjithçka bëj, me fuqinë e dritës sate dhe të nxehtësisë sate,

me hirin dhe paqen tënde,

Ti që je Zoti i jetës dhe i lumturisë.

[ninoenina]

NDALO LUFTËRAT.


O Zot, Hyji ynë,

strehimi ynë, Hyji i çdo njeriu që vjen në botë!

Me të vërtetë veprat e tua janë të mrekullueshme

– mrekullitë që i bëre ti përmbi dhe!

Por sot, o Atë, pikërisht njerëzit, kreatyrat

të cilave ua ke dhënë në dorë çdo pushtet

për të kujdesur me dashuri mbi githçka ke krijuar,

ne veçanti ata që ke zgjedhur për të qeverisur Kombet,

thuhet se çdo autoritet vjen prej Hyjit,

nuk sillen në një mënyrë të ndershme,

shfrytëzojnë, shkatërojnë, vrasin,

bëjnë padrejtësi dhe vrasje edhe duke pretenduar

që në këtë mënyre zbatojnë urdhërat e tua.

O Atë, që të jesh i besueshëm,

për të merituar besim, ndalo luftërat deri në skajet e tokës,

bëj që do t’i thyen armet, kalashnikovët, tankët,

avionët ushtarakë, dronët dhe raketët.

Copëtojë çdo pushtet që e ka shpresë e tij në armët.,

Nëse kjo do të ndodhë, ndoshta do të kuptojmë se Ti je Hyji,

i madhërueshëm mbi popuj, i madhërueshëm mbi tokë!

E çdo shpresë do ta vëmë në Ty, Hjin e mirë, e mëshirshëm,

plot dashuri për të gjithë, pa dallim!

Bëj që të mos zhgënjehet shpresa e vënë në Ti.

Mos na mashtro: ke shpallur vetën si Hyjin e plotëfuqishëm.
.

[ninoenina]

LUTJA E SHËN bAZILIT.


Zot i Plotfuqishëm, Perëndi i fuqive dhe i çdo mishi,

që banon në lartësi dhe shikon të përvuajturit,

që heton zemrat dhe zorrët dhe i njeh qartë sekretet e njerëzve,

dritë pa fillim dhe të përjetshme,

në të cilët nuk ka asnjë ndryshim as hije ndryshim:

Ti vetë, Mbret i Pavdekshëm, mirëpriti lutjet që në këtë orë,

duke besuar në morinë e bujarive të tua,

me buzët tona të papastra të bëjmë ndaj teje;

na fal mëkatet tona të bëra me vepër, fjalë,

mendim, me vetëdije ose pa dije.

Na pastro nga çdo papastërti e mishit dhe e shpirtit.

Na jep të kalojmë gjithë natën e kësaj jete

me një zemër vigjilente dhe mendim të matur,

duke pritur ardhjen e ditës së dukshme dhe të ndritshme

të Birit tënd të vetëmlindur, Zotit tonë,

Perëndinë dhe Shpëtimtarit Jezu Krisht,

në të cilin Ai do të vijë në lavdi si gjykatësi i të gjithëve,

për t'i dhënë secilit sipas veprave të tij.

Që të mos gjendemi të përulur e dembelë,

por vigjilentë dhe në këmbë, punëtorë dhe gati,

le të hyj së bashku me të në gëzimin e shtratit hyjnor të lavdisë së tij,

ku është zëri i pandërprerë dhe ëmbëlsia e pashprehur

e atyre që soditin. bukurinë e pashprehur e fytyrës suaj.

Në të vërtetë, ti je drita e vërtetë që ndriçon dhe shenjtëron universin

dhe i gjithë krijimi të lavdëron përgjithmonë e përgjithmonë. Amen.

[ninoenina]

PËR TË MARRË DHURATËN E LUTJES.


Të lutem ty, o Zot i çdo ngushëllimi, që nuk sheh asgjë tek ne përveç dhuratave të tua,

që të denjosh të më dhurosh, pas përfundimit të kësaj jete,

njohjen e së vërtetës së parë dhe gëzimin e madhështisë hyjnore. .

Jepi gjithashtu trupit tim, o shpërblyesi më bujar, bukurinë e shkëlqimit,

shpejtësinë e shkathtësisë, forcën depërtuese të hollësisë, kështjellën e paaftësisë.


Shtoji këtyre dhuratave mbibollëkun e pasurive, përroin e kënaqësive,

bollëkun e të mirave që të shijoj lart ngushëllimin që vjen nga ti,

poshtë, bukurinë e vendit, në zemrën time lavdërimin e trupit dhe i shpirtit,

rreth meje shoqëri e lezetshme të engjëjve dhe njerëzve.


Me ty, Atë i mëshirshëm, shpirti im fitoftë shkëlqimin e urtësisë,

ndjeshmëria ime arritjen e gjithçkaje që është e dëshirueshme,

lufta ime lavdinë e triumfit: me ty është çlirimi nga rreziqet,

shumëllojshmëria e vendbanimeve, harmonia e vullneteve;

me ty është bukuria e pranverës, shkëlqimi i verës,

frytshmëria e vjeshtës dhe pjesa tjetër e dimrit.

Më dhuro, Zot, jetën pa vdekje,

gëzimin pa dhimbje ku mbretëron siguria falas,

qetësi e sigurt, lumturi e gëzuar, përjetësi e lumtur,

lumturi e përjetshme, vizion dhe lavdërim i së vërtetës, o Zot! Amen.

Shën Thoma Akuini