O Zot, ndriçimi i qiellit
O Zot, ndriçimi i qiellit
dhe autori i dritës, ti që rruzullin
me krah atëror të mbajtur
e sjell me dorë shkëlqyese,
tashmë Agimi i mbulon yjet
vorbull të kuqe duke ngritur,
e duke njomur tokën
me vesë të ritë e avuj.
Tash hija e natës daret,
e braktis mjegulla rruzullin,
figura e Krishtit ndriçimplote
ngjall dritën e përgjumur.
Ti, o Zot, je dita e ditëve,
ndriçimi i dritës ti vetë je,
Një me pushtet për të gjitha,
në Një me pushtet Trinia.
NA MBRO!
Na mbro, krijuesi i sendeve,
lavdi e dritës s’Atit,
pa hirin e të cilit
dridhen krahrorët tanë.
Dhe me Shpirt tënd të mbushur,
tue mbartë Zotin me vete,
asgjë e grabitësit të pabesë t’mos duket
me mashtrime shkatrruese.
Që ndër punët e shekullit,
si e lyp nevoja e jetës,
çveshur nga çdo lloj krimi
të rrojmë me ligjet tua.
Për tjerët koha e dita
Për tjerët koha e dita
e tetë shkëlqen më e shenjtë
në ty që e shenjtron, o Zot,
i pari i të ringjallurve.
Me ty ti shpirtrat tanë
tani sa më parë bashkë ngjalli;
për ty të ngjallën trupat
të lirë n’vdekjen e dytë.
Dhe Ty ndër re së shpejti
o Zot, të dalim para
me ty n’vazhdim fitues:
ti jeta dhe ringjallja.
Duke parë fytyrën tënde,
të shëmbëllejmë lavdinë,
të njohim ty siç je:
drita e vërtetë, kënaqësia.
Mbretërinë me shtatë mirosje
të mbushur plot me Atin,
në ty ti gazmon ne,
Hyji i fuqishëm do t’i kryejë. Amen.
Ndryshuar për herë të fundit nga ribaldi : 15-11-2015 më 03:24
Hyjni, drita e amshueshme
Hyjni, drita e amshueshme,
Hyji i amshueshëm,
Ty rrëfejmë ne të dobëtit,
Ty nxehtësisht të lutemi.
Besojmë Prindin e epërm,
dhe burim të çdo shenjtërie,
dhe Shpirtin që i bashkon
lidhje e dashurisë.
O dashni, o e vërteta,
o qëllim dhe mirësia,
bëj të shpresojmë, t’besojmë,
na bëj të duam t’arrijmë.
Ti je mbarimi e nisja,
burimi i gjitha sendeve,
ti vetëm je ngushëllimi,
shpresa e sigurt e besimtarëve.
Vetëm ti i bën të tëra,
veç ti u mjafton të gjithëve,
për t’gjithë je drita e vetme
dhe çmimi i shpresëtarëve.
O HYJI, FUQIA IME!
Të dua, o Zot, fuqia ime! *
† Ti, o Zot, je Qeta ime, Kështjella ime,
Streha ime, Shpëtimtari im!
Hyji im, Ndihmëtari im, në Të shpresoj! *
Ai është Mbrojtësi im, fuqia e shpëtimit tim, ndorja ime!
Natë, errësirë dhe re,
Natë, errësirë dhe re,
me pështjellim turbull të botës,
hyn drita, e shkëlqen rruzulli:
Vjen Krishti; ndaj largohuni.
Tokës i çahet mjegulla
rrahur nga shgjeta e diellit,
tani ngjyra u kthehet sendeve
nga faqja e yllit shkëlqimplotë.
Fill kështu errësira jonë,
e zemra e vetëdijshme e gënjeshtrës,
mbuluar nga re të çara,
zbehet nga Hyu sundues.
Vetëm ty, o Zot, ne njohëm,
me mendje t’thjeshtë e t’pastër,
ty lusim të gjunjëzuar
mësojmë me lot e këngë.
Merru me shqisat tona,
dhe na shiko tërë jetën:
shumë gjëra janë t’përlyera
për t’u pastruar me dritën tënde.
Lind dielli i zjarrtë.
Ja po lind dielli i zjarrtë:
ka zor, ka turp, pendohet,
askush n’dëshmi të dritës
s’mund të mëkatojë paprerë.
Verbësia qet kokëqarje,
pse ne kokëposhtë rrëzuar
nga hapa ogurzezë
na hedh n’greminë t’gabimeve.
Kjo dritë na sjelltë kohë t’mirë,
na bëftë për vete t’pastër,
mos t’themi asgjë gënjeshtare
në errësirë mos u kthefshim.
Kështu kaloftë tërë dita,
as gjuha e rreme, as dora
ja sytë e shpejtë mëkat mos bëfshin,
as faji trupin mos na njolloftë.
Vëzhguesi qëndron sipër,
që çdo ditë prej së largu
kundron ne e veprat tona
nga agu i dritës gjer në t’errun
MËSHIRA JOTE, O ZOT!
Oh, sa e madhe është mirësia jote, o Zot,
të cilën e ruan për ata që të druajnë,
e ke përgatitur për ata që shpresojnë në ty.
21 Ti i fsheh në strehën e fytyrës sate
larg nga ngatërresat e njerëzve,
i strehon në Tendën tënde
larg nga gjuhët ngatërrestare.
22 Qoftë bekuar Zoti që më pajisi
me mirësi të mrekullueshme në qytet të fortë!
23 Ndërsa në vështirësinë time mendoja:
“I përjashtuar jam prej syve të tu!”,
por ti e dëgjove zërin e lutjes sime
kur drejt teje lëshova kushtrimin.
24 Duani Zotin, të gjithë shenjtërit e tij:
ai i ruan besimtarët e vet,
por edhe atë që vepron me madhështi
Zoti e shpaguan sipas meritave.
25 Merrni zemër e kini guxim të gjithë ju
që shpresoni në Zotin.
PSALMI 31
ZOTI ËSHTË SHPËTIMI IM!
Më shpëto, o Hyj, pashë Emrin tënd,
me fuqinë tënde mbroje të drejtën time.
O Hyj, vështroje lutjen time,
vështroji fjalët e gojës sime!
Sepse krenarët u çuan kundër meje,
mizorët kërkojnë të ma marrin shpirtin:
për Hyjin ata s’kanë kujdes
Por, ja, TI, o Hyji po më vjen në ndihmë,
shpirtin tim ai po e merr ndore.
Rëntë e keqja mbi armiqtë e mi:
shfarosi, o Zot, pashë të vërtetën tënde.
E unë me ëndje do të të kushtoj fli,
do ta lavdëroj Emrin tënd, o Zot, sepse është i mirë,
sepse ti më shpëtove nga çdo vështirësi.
Hyji i fort, që e urren luftën.
Hyji i fort, që e urren luftën,
Hyji i drejtë që e zbulon çdo gënjeshtër,
Luftoji së bashku me ne dhe në ne
Fuqitë krenare të së keqes
Që shkaktojnë tmerr dhe vuajtje.
Hape zemrën tonë që ta dëgjojë Fjalën tënde
Dhe ta kryejë veprën e Shpirtit shenjtë.
Na jep paqen dhe besimin për të cilin kemi nevojë.
Maria, nëna e Jezusit, nëna plot me dashuri,
Zemra e të cilës ha qenë e plagosur
Kur Biri i saj vdiste në kryq,
Dhe kur e përqafoi nën kryqin,
Të na shoqërojë në këto ditë të tmerrshme,
Në të cilët shumë njërës përqafojnë
Të dashurit e vet të dënuar me vdekje
Edhe pse të pafajshëm.[/SIZE]
O PRINCI I PAQES
O Princi i paqes, Hyji gjithmonë i gjallë,
shikoje me mirësi njerëzimin mbarë.
Vetëm prej teje ai pret ndihmë dhe shpëtim.
O Hyji, nga lajmi i mirë të marrë prej teje
E dimë që ti preferon gjithmonë të vegjël,
Të përvuajturit, dhe ata që vuajnë.
E dimë që Ti i kërkon me preferencë mëkatarët.
Bëj, po të lutemi, që të gjithë ne ti gjejmë,
dhe ti kemi në ty rrugën, të vërtetën dhe jetën.
Na jep atë paqe që e ka burim në Ty,
Që na ke dërguar si shembull Jezusin,
Qengjin e flijuar për shëlbimin tonë:
Që të liruar prej mëkatit, të fitojmë
Paqen si një dhuratë që vjen prej teje.
Largo, o Hyji i paqes, nga zemrat e njerëzve
Gjithçka mund ta vërë në rrezik paqen mes tyre.
Përforcoje në mes tyre të vërtetën,
Drejtësinë dhe dashurinë vëllazërore.
Jepua dritën tënde qeveritarëve
Që përpjekjet e tyre për mirëqenien e popujve,
Të kenë si qellim një paqe të përbashkët dhe të vazhdueshme.
Ndize vullnetin e të gjithëve për ti rrëzuar
Pengesat që na ndajnë
Dhe për të përforcuar dashurinë reciproke.
Ndize vullnetin e të gjithëve
Që të gjithë njerëzit të mund të kuptojnë të tjerët,
Të kenë mëshirë ndaj të tjerët, dhe ti falin të tjerët
Që të gjithë të jenë një, të bashkuar në emrin tënd.
Bëj që të fitojë në zemrat e të gjithëve
Në familjet tanë, në gjithë botën
Paqja, paqja jote.
NJË LUTJE PËR DITËT E DHUNËS.
O Hyji, dhurata jote më e madhe është dashuria.
Hyji i gjithëpushtetshëm, drejt Teje, te Ti i lartësojmë zemrat tona
duke kërkuar mëshirë dhe falje.
Ne kthehemi drejtë teje në këtë kohë të dhembshme
dhe të neveritshme që ngjall shqetësim,
duke kërkuar ndihmë për vëllezërit tanë dhe motrat tona,
të sulmuar nga një dhunë çnjerzore në çdo mënyrë.
Ne ndihemi të pafuqishëm ti ndihmojmë ata
në situatën e tmerrshme në të cilën vuajnë.
O Zot, ki mëshirë për ne!
Dëgjoje zërin tonë që është zëri i viktimave
të të gjithë luftërave dhe të çdo dhune.
Ta duam dhe ta kërkojmë paqen
është më shumë se të duam një person.
Është të duam Ty, o Zot, që je paqja jonë.
O Zot, na përkujto gjithmonë se dhurata jote më e madhe është dashuria.
O Zot, me dritën tënde ndriçoji zemrat tona.
Ajo të na ndihmojë ta gjejmë rrënjat e vërteta e asaj paqeje
që hyn në zemrën e njeriut të pajtuar me Ty.
Pa marrë parasysh humbjet dhe vështirësitë e kësaj kohe,
na jep forcën për të falur,
sepse e dimë që vetëm falja mund t’ua japë përsëri jetën
qyteteve tona, vendit tonë, dhe botës mbarë.
Një paqe e tillë mund të vijë vetëm prej teje.
Është një paqe që bota nuk mund të na japë.
O Hyji, princi i paqes,
na mëso që ta vëmë në veprim një paqe
që është fryt i të vërtetës dhe i drejtësisë.
Vij e bano tek ne, o Zot,
dhe pajtoji zemrat e të gjithë njerëzve
dhe e të gjithë popujve.
TË DUAM!
Para fundit të dritës,
ty duam, krijuesi i sendeve,
me mirësinë e zakontë,
të na kryesosh në roje.
Ty ëndrofshin zemrat tona,
në gjumë të rëndë Ty ndjefshin,
dhe gjithmonë lavdinë tënde
këndofshin në ag të dritës.
Na jep jetë të shëndetshme,
ngrohtësinë tonë përtërije,
mjegullën e zezë të natës
ta sqarojë drita jote.
Unë të këllthas ty, o Zot
Nga vënde të thella unë të këllthas ty, o Zot.
O Zot, dëgjo klithmën time; veshët e tu dëgjofshin me vëmendje zërin e lutjeve të mia.
Në rast se ti do të merrje parasysh fajet, o Zot, kush mund të rezistonte, o Zot?
Por te ti ka falje, me qëllim që të kenë frikë prej teje.
Unë të pres ty, Zoti im, shpirti im të pret; unë kam shpresë në ty.
Shpirti im tëpret ty, o Zot, më tepër se rojet mëngjesin; po, më tepër se rojet mëngjesin.
Unë e mbaj shpresën tek ti, Zoti im, sepse pranë teje ka dhemshuri dhe shpëtim të plotë.
Ti do të më çlirosh nga të gjitha paudhësitë e mia.
O Perëndia im dhe Mbreti im>
Unë do të të përlëvdoj, o Perëndia im dhe Mbreti im, dhe do të bekoj emrin tënd përjetë.
Do të të bekoj çdo ditë dhe do të lëvdoj emrin tënd përjetë.
Ti, o Zot, je i madh dhe i denjë për lëvdimin më të lartë dhe madhështia jote është e panjohshme.
Një brez do t`i shpallë lëvdimet e veprave të tua tjetrit dhe do t`i njoftojë mrekullitë e tua.
Do të mendohem thellë mbi shkëlqimin e lavdishëm të madhështisë sate dhe mbi veprat e tua të mrekullueshme.
Këto do të flasin për fuqinë e veprave të tua të tmerrshme, dhe unë do të tregoj madhështinë tënde
Ata do të shpallin kujtimin e mirësisë sate të madhe dhe do të këndojnë me gëzim drejtësinë tënde.
Ti. o Zot, je i dhemshur dhe mëshirplot, i ngadalshëm në zemërim dhe i madh në mirësi.
Ti, o Zot, je i mirë me të gjithë dhe plot dhemshuri për të gjitha veprat e tua.
Tërë veprat e tua do të të kremtojnë, o Zot, dhe shenjtorët e tu do të të bekojnë.
Ata do të flasin për lavdinë e mbretërisë sate dhe do të tregojnë për fuqinë tënde,
për t`u bërë të njohura bijve të njerëzve mrekullitë e tua dhe shkëlqimin e madhërishëm të mbretërisë sate.
Mbretëria jote është një mbretëri përjetshme dhe sundimi yt vazhdon brez pas brezi.
Ti, o Zot, përkrah tërë ata që rrëzohen dhe ngre përsëri në këmbë tërë ata që janë rrëzuar.
Sytë e të gjithëve shikojnë drejt teje duke pritur, dhe ti u jep atyre ushqimin në kohën e duhur.
Ti e hap dorën tënde dhe plotëson dëshirën e çdo qenieje të gjallë.
Ti, o Zot, je i drejtë në të gjitha rrugët e tua dhe dashamirës në të gjitha veprat e tua.
Ti, o Zot, je pranë gjithë atyre që të kërkojnë, pranë gjithë atyre që të kërkojnë në të vërtetë.
Ti kënaq dëshirën e atyre që kanë frikë prej teje, dëgjon britmën dhe i shpëton.
Ti, o Zot, i mbron të gjithë ata që të duan ty dhe do të shkatërrosh të gjithë të pabesët.
Goja ime do të tregojë lëvdimin tënd, dhe çdo qenie do të bekojë emrin e tënd të shenjtë përjetë.
KIJ MËSHIRË PËR NE.
O Hyji, ki mëshirë për ne e na beko, *
bëj të ndriçojë fytyra jote mbi ne,
që në tokë të njihet udha jote, *
në të gjitha kombet shpëtimi yt.
Të dhënçin lavdi mbarë popujt, o Hyj, *
mbarë popujt e botës ty të lavdërofshin!
Le të galdojnë e le brohorasin popujt, †
sepse popujt i gjykon me drejtësi, *
sepse kombet mbi tokë ti i sundon.
Të lavdërofshin mbarë popujt, o Hyj, *
mbarë popujt e botës ty të lavdërofshin!
Toka e dha frytin e vet: *
na beko, Hyji ynë!
Na beko, o Hyji! *
Frikë e paçin mbarë skajet e botës!
I dëshpëruar, por kam besim në ty, o Zot.
Vëri veshin, o Zot, dhe përgjigjmu, sepse jam i dëshpëruar dhe nevojtar.
Ruaje jetën time sepse jam i shenjtë; ti je Perëndia im; shpëtoje shërbëtorin tënd që ka besim te ti.
Ki mëshirë për mua, o Zot, sepse të këlthas ty tërë ditën.
Gëzoje shërbëtorin tënd, sepse te ti, o Zot e lartoj shpirtin tim.
Sepse ti, o Zot, je i mirë dhe i gatshëm të falësh, dhe tregon mirësi të madhe ndaj gjithë atyre që të kërkojnë.
Vëri veshin, o Zot, lutjes time, dhe trego kujdes për britmën e përgjërimeve të mia.
Unë të kërkoj në ditën e fatkeqësisë sime, sepse ti do të më përgjigjesh.
Nuk ka asnjë të barabartë me ty midis perëndive, o Zot, as ka vepra të njëllojta me të tuat.
Tërë kombet që ti ke krijuar do të vinë të bien përmbys para teje, o Zot, dhe do të përlëvdojnë emrin tënd.
Sepse ti je i madh dhe kryen mrekulli; vetëm ti je Perëndia.
Mësomë rrugën tënde, o Zot, dhe unë do të ec në të vërtetën tënde; bashkoje zemrën time me frikën e emrit tënd.
Unë do të të lëvdoj, o Zot, Perëndia im, me gjithë zemër, dhe do ta përlëvdoj emrin tënd përjetë.
Sepse e madhe është mirësia jote ndaj meje; ti ke shpëtuar shpirtin tim nga Sheoli.
O Perëndi, njerëz kryelartë kanë dalë kundër meje dhe një turmë njerëzish të dhunës kërkojnë jetën time dhe nuk të vë ty para syve të tyre.
Por ti, o Zot, je një Perëndi i mëshirshëm dhe i dhembshur që zemërohet ngadalë dhe që ka shumë mirësi dhe të vërtetë.
Kthehu nga unë dhe ki mëshirë për mua; jepi forcën tënde shërbëtorit tënd dhe shpëto birin e shërbëtores sate.
Tregomë një shenjë të dashamirësisë sate, me qëllim që ata që më urrejnë ta shohin dhe të mbeten të shushatur, duke parë që ti, o Zot, më ke ndihmuar dhe më ke ngushëlluar.
SHPIRTIN E KAM TË TRONDITUR...
O Zoti im i dashur, shpirtin tani e kam të tronditur...
Vuaj shumë në brendësinë time
për gjithçka ndodh në këtë botë.
O Atë, më liro nga çdo shqetësim dhe vuajtje.
Sepse Ti, o Atë je i mëshirshëm
dhe strehimi i të varfërit në ditët e ngushticës së tij.
O Zot, më jep urtinë
O Hyj i etërve të mi dhe Zoti i mëshirës, *
ti që me anë të fjalës sate krijove rruzullin,
që njeriun e krijove me anë të urtisë sate *
për të sunduar krijesat që ti i përftove,
për ta drejtuar botën me shenjtëri e drejtësi *
dhe për të gjykuar gjyqin me shpirt të drejtë:
ma jep urtinë që rri në fron pranë teje *
dhe mos më përjashto nga numri i fëmijëve të tu,
sepse jam shërbëtori yt, biri i skllaves sate, †
njeri i vogël e jetëshkurtër, *
i paaftë për të kuptuar gjyq e ligj.
Sepse, edhe po t'u gjente ndër bijtë e njerëzve
ndokush i përsosur, †
por, në qoftë se i mungon urtia jote, *
do të vlerësohej për asgjë.
Me ty është urtia që i njeh veprat e tua, *
që ishte pranë edhe atëherë kur e krijove rruzullin,
dhe e dinte çfarë është e pëlqyeshme në sytë e tu *
dhe çfarë është e drejtë në urdhërimet e tua.
Dërgoje prej qiejve të tu të shenjtë, *
çoje prej selisë së madhërisë sate, –
që të jetë me mua e të mundohet
krah për krah me mua, *
që të di çka është e pëlqyeshme para teje.
Sepse ajo di dhe gjithçka kupton, †
të më përcjellë me maturi në veprat e mia *
e të më mbrojë me lavdinë e vet.
Vetëm Ty të lavdërojmë, o Zot.
Vetëm Ty të lavdërojnë, o Zot, kombet të gjitha.
Vetëm Ty të madhërojnë së bashku popujt të gjithë!
Sepse e madhe është dashuria jote ndaj nesh,
besnikëria jote qëndron për amshim!
Regullat e Postimit
Përgjigju Duke Cituar
Krijoni Kontakt