Lutjet që devotshmëria e Krishtërve ia ka kushtuar njinisë të Hyjit.

[torrkerry]

I DREJTË JE, O ZOT.


I drejtë je, o Zot,
edhe gjyqet e tua janë të drejta.

Ti e ke dhënë Ligjin tënd të drejtë
dhe shumë besnik.

Zelli im po më shkrin
kur shoh se armiqtë e mi i kanë harruar fjalët e tua.

Fjalët e tua janë me zjarr të sprovuara,
prandaj shërbëtori yt i do ato.

Jam i ri edhe i përbuzur,
por nuk i kam harruar urdhërimet e tua.

Drejtësia jote, drejtësi e përhershme,
Ligji yt është i vërtetë.

Vuajta shumë dhe pata vështirësi,
urdhërimet e tua janë kënaqësia ime.

Dëshmitë e tua janë drejtësi e amshueshme,
më bëj të kuptoj e do të kem jetë.

Ps 119, 137-144.

Torrkerry

[torrkerry]

KLITHA DREJT TEJE.

Me gjithë zemër të thërras, o Zot, më dëgjo,
dhe do t’i mbaj urdhërimet e tua.

Klitha drejt teje, deh më shpëto,
që t’i ruaj dëshmitë e tua.

Para agimit zgjohem e të thërras në ndihmë,
shpresoj në fjalën tënde.

Sytë e mi zgjohen para rojës së natës
për të përsiatur fjalët e tua.

Ma dëgjo zërin sipas mëshirës sate, o Zot,
e bëj të jetoj sipas gjyqit tënd.

U afruan ata që më salvojnë dijekeqas,
janë larg nga Ligji yt.

Por ti, o Zot, je afër,
besnike janë të gjitha urdhërimet e tua.

Që moti di për urdhërimet e tua,
se i themelove për amshim.


Ps 119, 145-152.

Torrkerry

[torrkerry]

O HYJI I SHUMË I LARTË!

O Hyji i shumë i lartë,
pa krahasim është dinjiteti yt, o Zot!
Shumëfishuar janë ngjyrat e tua
dhe çdo ngjyrë e jashtëzakonshme.
Veprat e tua e mrekullueshme
nuk mund të përshkruhen.
Ti vetëm je jeta e brendshme e të ngjallurve
dhe vetëm ti e njeh gjithçka.
Gjithçka i nënshtrohet fuqisë tënde
dhe e mrekullueshme është banesa jote.
Lumturia e mbush shtëpinë tënde
dhe lavdërimet tingëllojnë në të gjithkund.
Fuqia jote, madhështia jote dhe lavdia jote
i përkasin vetëm Ty.
Ti i tejkalon të gjithë fuqitë
dhe gjithkund je i pashëm.
Nanak, i robër të robërve të tu,
Ty këtë lutje ja drejton.

NANAK, THEMELUESI I SIKHIZMIT,
NJË FE MONOTEISTE INDIANE.

Torrkerry

[torrkerry]

SHIKOJË MJERIMIN TIM...

Shikoje mjerimin tim e më liro,
se nuk e kam harruar Ligjin tënd.

Mbroje çështjen time e më shpaguaj,
për hir të Ligjit tënd më përtërit në jetë.

Larg është prej mëkatarëve shëlbimi,
sepse nuk e çajnë kokën për urdhërimet e tua.

Mëshira jote është e madhe, o Zot,
në fuqi të gjyqeve të tua më përtërit në jetë.

Shumë janë ata që më salvojnë e më poshtërojnë,
por unë nuk iu shmanga dëshmive të tua.

I pashë ata që e lanë rrugën e m’u velën,
sepse nuk i mbajnë fjalët e tua.

Shiko, o Zot, se i dua urdhërimet e tua,
më kërthndez në jetë sipas dashurisë sate.

Për parim fjalët e tua kanë të vërtetën,
të gjitha gjyqet e drejtësisë sate janë për amshim.


Ps 119, 152-160.

Torrkerry

[torrkerry]

O HYJI...

O Hyji, Ti që banon në thellësinë
e zemrës time,
bëj në mirësinë tënde,
që të bashkohem me Ty,
në thellësinë e zemrës time.

NGA TALMUD.

Torrkerry

[torrkerry]

NDIHMËN TËNDE, O ZOT, E PRES.

Të mëdhenjtë më salvojnë pa arsye,
zemra ime trembet vetëm prej fjalëve të tua.

Unë u gëzohem fjalëve të tua
porsi ai që fiton pre të madhe.

E urrej gënjeshtrën dhe më velet,
kurse Ligjin tënd e kam për zemër.

Shtatë herë në ditë ty të thur lavde
për gjyqet e drejtësisë sate.

Dashamirësit e Ligjit tënd gëzojnë paqe të madhe,
ata askurrë nuk marrin në thua.

Ndihmën tënde, o Zot, e pres
dhe i mbaj urdhërimet e tua.

Shpirti im i ruan ligjet e tua
dhe i desha ato me gjithë shpirt.

I mbaj ligjet e tua e dëshminë tënde,
sepse të gjitha udhët e mia janë para syve të tu.


Ps 119, 161-168.

Torrkerry

[torrkerry]

LUTJE E NJË SHPIRTI NË ANKTH.

O Hyji, nata është në sosur,
dhe agimi po afrohet:
e padurueshme unë jam
duke mos ditur nëse i pranove
me pëlqim lutjet e mia,
apo nëse i ke refuzuar.
Më ngushëllo, pra,
sepse Ti je që duhet të më shpëtosh
prej kësaj gjendjeje të mjerueshme.
Ti ma ke dhuruar jetën
dhe më ke mbrojtur deri tani:
Ty të përket lavdia!
Nëse ti don të më largosh prej teje,
nuk do të kem urrejtje ndaj teje,
sepse e madhe është dashuria
që e kam për Ty.

RABI’A AL-ADAWIYYA
NJË MISTIKE ISLAME QË VDIQ MË 801.

Torrkerry.

[torrkerry]

DO TË JETOJË SHPIRTI IM.

Le të arrijë tek ti, o Zot, britma ime,
ma ndriço mendjen sipas fjalës sate.

Le të dalë lutja ime para fytyrës sate,
më liro ashtu si ma ke dhënë fjalën.

Buzët e mia do ta këndojnë këngën e lavdit
sepse ti m’i mësove rregulloret e tua.

Gjuha ime le ta këndojë fjalën tënde,
sepse të gjitha urdhërimet e tua janë të drejta.

E paça në ndihmë të djathtën tënde,
sepse i zgjodha urdhërimet e tua.

E dëshiroj shumë, o Zot, shëlbimin tënd,
kënaqësia ime është Ligji yt.

Do të jetojë shpirti im dhe do të të lavdërojë,
në ndihmë do t’i kem gjyqet e tua.

U enda poshtë e lart porsi delja e humbur,
kërkoje shërbëtorin tënd
sepse urdhërimet e tua nuk i kam harruar.


Ps 119, 169vv.

Torrkerry

[torrkerry]

KËTU, O JEZUSI, TY TË GJETA!

Pse do të doja të jem i trishtuar?
Pse në mua errësirat duhet të më mbulojnë?
Pse zemra ime duhet të ndjehet në vetmi?
Pse do të doja të ndjej mall për vendim tim?
Këtu, O JezusI, Ty të gjeta,
Ty që je një mik besnik.

Syri yt vigjilon mbi trumcakun,
Dhe e di se vigjilon edhe mbi mua!
Unë këndoj sepse jam i lumtur,
Unë këndoj sepse jam i lirë!

Syri yt vigjilon mbi trumcakun,
Dhe e di se vigjilon edhe mbi mua!

SPIRITUAL, KËNGË E SHKLEVËRIT TË ZEZAKË NË AMERIKË.

Torrkerry

[torrkerry]

UNË TË DUA!

Unë të druaj, o Hyji,
Dhe Ty të jap lavdi.

Të adhuroj Ty, o krijuesi
i qiellit e të tokës,
të detit dhe të burimeve të ujërave,
krijuesi i gjithësisë!

NGA SHKRIMI I SHENJTË.

Torrkerry.

[torrkerry]

HYJI PËR AMSHIM!

Shkëlqimi yt, o Hyji,
e tejkalon bukurinë e yjeve:
drita jote rrezaton mbi retë!
Në horizont ajo lind porsi dielli
dhe arrin deri në skajet e qiellit.
Ty të adhurojmë, o Zot,
që e krijove gjithësinë,
detin dhe burimet e ujërave.
Emri yt nuk perëndon për amshim.

NGA LITURGJIA ROMAKE.

Torrkerry

[torrkerry]

NË GJITHÇKA...

Në gjithçka unë të gjej, o Hyj,
dhe në të gjitha krijesat,
motrat të mia,
që në gëzim jetojnë
të pasuruar
me jetën tënde,o Zot!
Ti vigjilon si një germe i vogël
në atë që është e vogël,
dhe ne pafundësi zgjerohesh
duke mos pasur kufi.

RAINER MARIA RILKE.

Torrkerry

[torrkerry]

O ZOT, NA MËSO TË LUTEMI!

O Zot, na mëso ta durojmë
heshtjen dhe mungesën tënde,
kur vështirësi të ndryshme
na sulmojmë ashpër
dhe forca dhe zelli na mungojnë.

O Zot, na ndihmo dhe na mëso
si do t’i kalojmë momentet e pritjes,
në mënyrë që mirë të ardhtë për ne
agimi me gjithë zemër i dëshiruar.

O Zot, ma mëso
si do të dëgjojmë Ty,
që vjen në buzët tona
kur me dashuri të lutemi.

O Zot, na mëso
si të flasim me Ty.
Zjarri le të jetë në gjuhën tonë
kur përballohemi me ftohtin e natës,
drita në zemrën tonë,
kur luftojmë me errësirën e natës.


O Zot, na mëso
që të quajmë Ty “Ati ynë”:
me atë lutje shumë të ëmbël
që shije e ka të bukës.

O Zot, na mëso një lutje
që të jetë për ne
një vend i mirë
ku t’i gjejmë strehim dhe pushim.

PIERRE EMMANUEL: Evangeliaire, Paris 118.
Torrkerry

[torrkerry]

MË FOL ME HESHTJEN TËNDE.


O Atë qiellor!
në shumë mënyra Ti u flet njerëzve:
Ti je i vetmi që ke urti dhe zgjuarsi,
e që don të jesh kuptuar nga ne.

Ti flet kur ti je në heshtje;
sepse flet edhe ai që rin në heshtje
për ta sprovuar mikun e vet.

Flet edhe ai që rin në heshtje
në pritjen e asaj ore,
në të cilën diçka kuptohet.
Të jetë sa më shumë intime
që është e mundshme kjo orë!

O Atë qiellor, a nuk është ndoshta kështu?
Me të vërtetë, kur gjithçka është në heshtje,
kur një njeri rri vetëm dhe i braktisur
dhe zërin tënde nuk e dëgjon më,
atëherë ndoshta ai njeri vuan
për një ndarje që ai mendon
se duhet të durohet për gjithmonë.
Ah! Në kohën e heshtjes,
kur një njeri vuan në shkretëtirë
dhe zërin tënde nuk e dëgjon më,
atëherë ai druan se zëri yt është
krejtësisht i zhdukur.

O Atë qiellor, me të vërtetë
ky është momenti i heshtjes,
momenti i bashkëbisedimeve intime.
Kështu bëj që të jetë e bekuar edhe kjo heshtje
si e bekuar është çdo fjalë që Ti i drejton njeriut;
bëj që të mos harrojë se ti flet
edhe kur ti je në heshtje.

Jepja atij, kur është duke pritur një fjalë prej teje,
atë ngushëllimin që gëzohet
kur kuptohet se heshtja jote
është shenjë e dashurisë që ke ndaj nesh,
si edhe fjala jote është shenjë e të njëjtës dashuri.
Kështu kur ti flet e kur je në heshtje,
Ti je gjithmonë i njëjti Atë,
që na udhëheq me zërin tënd
dhe na edukon me heshtjen tënde.

SOREN KIERKEGAARD.

[torrkerry]

NJË ZEMËR E AFTË PËR TË DËGJUAR.

E tani, o Zot Hyji im,
jepja shërbëtorit tënd
një zemër t aftë
për të dëgjuar,
një zemër të përshtatshme
për ta dëgjuar fjalën tënde.

NGA LIBRI I MBRETËRVE.

Torrkerry.

[torrkerry]

UNË TË THËRRAS NË NDIHMË!

Unë të thërras në ndihmë,
o Hyji i së vërtetës,
në të cilin, nga i cili
për të cilin gjithçka është.
Hyji i urtisë,
në të cilin, nga i cili
nëpërmjet të cilit
njohin të gjithë të dijshmit!

O Hyji, jeta e vërtetë dhe e plotë
në të cilin, nga i cili
dhe nëpërmjet të cilit
me të vërtetë jetojnë
dhe plotësisht jetojnë
të gjitha krijesat!

O Hyji, lumturi,
në të cilin, nga i cili
dhe nëpërmjet të cilit
gjejnë lumturinë
të gjithë të lumturit!

O Hyji i mirë dhe i bukur.
në të cilin, nga i cili
dhe nëpërmjet të cilit
marrin mirësi dhe bukuri
të gjithë ata që janë të mirë dhe të bukur!

Hyji, drita që ndriçon,
në të cilin, nga i cili
nëpërmjet të cilit
marrin dritë
të gjithë ata që kanë pjesë
në këtë dritë të shndritshme!

O Hyji, mbretëria e të cilit
Shtrihet mbi gjithçka
që me shqisat tona nuk shihet
dhe me mendjet tona nuk kuptohet!

Hyji, nga mbretëria e të cilit
Njerëzit i marrin edhe ligjet
për të zotëruar mbretëritë tokësore!

Hyji, largimi nga i cili është rënie dhe rrënim,
kthimi kah i cili është ringjallje,
mbështetje në të cilin është
strehim dhe banim në një vend të sigurt!

O Hyji, dalja nga i cili është vdekje,
kthimi kah i cili është gjetja e jetës
qëndrimi në të cilin është jetë!

Hyji, që askush nuk e humb
përveç atij që mashtrohet,
që askush nuk e kërkon,
përveç atij që është i thirrur,
që askush nuk e gjen
përveç atij që u pastrua!

Hyji, braktisje e të cilit është humbje,
dëshirë e të cilit është dashuri,
vëzhgim i të cilit është pasuri!

Hyji tek i cili feja na shtyn,
shpresa na lartëson,
dashuria na bashkon!

SHËN AUGUSTINI.

Torrkerry

[torrkerry]

O TRINI...

O Trini, që e tejkalon gjithçka që ekziston,
krejtësisht hyjnore, dhe krejtësisht e mirë,
mbrojtja e urtisë hyjnore të së krishterëve!

Na silli neve jo vetëm përtej çdo dritë
por edhe përtej çdo njohjeje të mundshme
e deri në lartësinë më të madhe
të Shkrimeve mistike,

atje ku misteret e thjeshtë,
të padiskutueshëm dhe përjetshëm
të teologjisë
zbulohen në errësirën që ndriçon
më shumë në heshtje.

Me të vërtetën është në heshtje
që zbulohen fshehtësitë e kësaj errësire
për të cilën shumë pak dimë.
Në fakt mund të themi vetëm
se ndriçon më shumë se një dritë shndritshme
në brendësinë e errësirës më të errët.
Kjo, duke mbetur absolutisht e paprekur dhe paparë
i mbush, me mrekullitë e veta
më të bukura se çdo bukuri,
mendjet dhe inteligjencat
e atyre që dinë t’i mbyllin sytë.
Kjo është lutja ime!

DIONIGJI AREOPAGJITË, TEOLOGJIA MISTIKE 1.1.

Torrkerry

[torrkerry]

MË NJOM, O ZOT, ME FJALËN TËNDE.

Hape për ne derën Tënde, o Zot,
dhe prej teje, si prej ditës,
do të ndriçohemi.
Në dritën Tënde
do ta këndoj lavdinë Tënde.

Në mëngjes zgjohem
për ta lavdëruar hyjninë Tënde
dhe shpejtohem
për ta përsiatur fjalën Tënde.

Gjatë ditës drita jote
i ndriçoftë mendimet tona
dhe errësirat e gabimit
le të largohen nga shpirtrat tona.

Ti që i ndriçon të gjitha krijesat,
ndriçoji edhe zemrat tona,
që të lavdërojnë Ty
për të gjitha ditët e jetës sonë.

JAKOB I SARUG.

Torrkerry

[torrkerry]

LUTJE E NJË SHËRBËTORI TË FJALËS.

O Hyji,
do të doja të jem një bir i kishës;
nuk dua të njihem si themeluesi
i një herezie të luhatshme,
por dua ta shpall emrin e Krishtit.

Dëshiroj ta shpall këtë emër
që mbetet
si një bekim mbi tokë.

Dëshiroj që shpirti im
dhe veprat e mia
të më japin të drejtë
të quhem i krishterë.

Në qoftë se unë
që në sytë e të tjerëve
jam shërbëtori yt, dora jote e djathtë;
në qoftë se unë që jam meshtar
dhe kam si mision shpalljen e Fjalës;
në qoftë se unë do të arrij të gaboj
kundër mësimit të kishës,
apo kundër Ungjillit,
që Kisha mbarë, atëherë,
me vendim unanim
le të më shkëputë prej saj
pikërisht mua, dorën e saj të djathtë,
dhe le të më gjuajë larg prej saj.

ORIGJENE.

Torrkerry

[torrkerry]

MBRETI I BOTËS.

Ti, o Zot i botës,
Ti je mret qysh prej fillimit,
përpara që të gjithë krijesat
të fillonin t’ ekzistonin.
Në momentin në të cilin
gjithçka u bë sipas vullnetit tënd,
atëherë Ti fillove të quhesh mbret.

Dhe pasi gjithçka do të mbarojë të ekzistojë,
Ti do të vazhdosh të jesh gjithmonë mbret,
vetëm Ti, i fuqishmi dhe i madhërishmi,
Ti që ishe, që je dhe do të jesh
për gjithmonë në lavdi.

Ti je i vetmi, dhe nuk ka një tjetër
që mund të bashkohet
ose të krahasohet me Ty.
Vetëm Ty, që je pa fillim dhe pa mbarim,
Ty të përkasin forca dhe fuqi.
Ti je Hyji im, shëlbuesi im i gjallë,
shkëmbi im, shpresa ime në vështirësi,
strehimi im dhe mbështetja ime,
Ti, garancia e shëlbimit tim
në të cilin ditë do të thërras në ndihmë.

Në duart e Tua e porosis shpirtin tim,
jo vetëm shpirtin, por edhe trupin tim.
Kur bëj gjumë e kur jam zgjuar,
Ti, o Zot, je me mua, dhe frikë nuk kam.

NGA LITURGJIA HEBRAIKE.

Torrkerry