Close
Faqja 2 prej 47 FillimFillim 123412 ... FunditFundit
Duke shfaqur rezultatin 21 deri 40 prej 932
  1. #21
    i/e regjistruar
    Anëtarësuar
    19-06-2008
    Postime
    3,176
    ZOTI I VËRTETË

    Ç’sheh, është Zot’i vërtetë,
    ç’dëgjon, është zër’ tija,
    gjithë ç’ ka e s’ ka në jetë,
    është vetë Perëndija.

    Kërkonja gjetkë ta gjeje
    Zotn’ e madh e të vërtetë,
    ajy qënkej ndaj meje,
    e paskësha unë vetë!

    N. FRASHËRI

  2. #22
    i/e regjistruar
    Anëtarësuar
    19-06-2008
    Postime
    3,176
    TI JE JETA IME

    Ti je jeta ime
    udha e gjerë
    prej qiellës.
    Te fjala jote
    u’nëng birem,
    te drita jote
    u’marr fuqi.
    Ti je lumi
    çe banë dëshiret e mi.
    Ti je deti brenda detit.
    Shpirti pa vdekur
    Mbrënda shpirtit tim.

    E. SKUTARI

  3. #23
    i/e regjistruar
    Anëtarësuar
    19-06-2008
    Postime
    3,176
    LUTJE PËR VIRGJIRESHËN E ZEMRËS SË TIJ.

    Ajo është shëmbëlltyra
    e bukurisë së engjujve
    që janë në oborrin tënd,
    pra t’ lutem, o Zot, shpëtoje!

    PASHKO VASA

  4. #24
    i/e regjistruar
    Anëtarësuar
    19-06-2008
    Postime
    3,176
    ZOTI I MADH E I VËRTETË.

    Zot i madh dhe i vërtetë!
    Që kreve ç’shohëm në jetë.
    Edhe të tjer’ që janë,
    pa funt pa krye pa anë.
    Edhe kudo je ti vetë
    syri ynë tek do shikon,
    që nga lint e gjer perëndon,
    më ç’do vënt të sheh fuqinë,
    urtësin’e madhërinë.
    Fal-na gjithë mirësitë,
    ep-na dituri e dritë,
    trego-na udhën’ e mirë,
    mos na lerë n’errësirë,
    dhuro-na ghithë të mirat,
    mërgo-na nga të pështirat.
    Zot! Falna vëllazërinë,
    dashurin’e miqësinë,
    e të mirat të punojmë,
    bëna të but’ e të qetë,
    e të urt’e të vërtetë,
    jetënë t’a trtashëgojmë.

    NAIM FRASHËRI

  5. #25
    i/e regjistruar
    Anëtarësuar
    19-06-2008
    Postime
    3,176
    P0, O MIRËSIA E PAFUNDME E ZOTIT TIM.

    Po, o mirësia e pafundme e Zotit tim, si e duroni atë person që ju lejon të jeni afër tij?. Sa mik i mirë tregoni që jeni për te, o Zot! Si ia tregoni atij preferencat tuaja dhe me sa butësi e duroni gjendjen e mjerueshme të tij, duke pritur që të arrijë gjendjen e juaj!
    Ju e përkujtoni çdo çast që ai kalon në kundrimin e juaj, duke ju adhuruar, dhe për një pendim të shpejtë, ju i harroni mëkatet që ai bëri. Këtë unë di nga eksperienca ime; e nuk kuptoj, o Krijuesi im, pse bota nuk vrapon krejt përmbi këmbët tuaja për të nisur me ju këtë miqësi të veçantë. Nëse do të afroheshin te ju, do të bëhen të mirë edhe të këqinjtë, (ata do me thënë, që me të vërtetë nuk e arrijnë gjendjen tuaj), veç se po të lejonin të rrini me ta vetëm dy orë në ditë, edhe pse shpirti i tyre gjatë kësaj kohe është i dallgëzuar nga njëmijë fantazi e mendime tokësore. Amen.

    SHENJTJA TEREZA E AVILËS

  6. #26
    i/e regjistruar
    Anëtarësuar
    19-06-2008
    Postime
    3,176
    O ZOT, TI JE MË I MADH SE GJITHCKA...

    O Zot i amshueshëm, ti jo vetëm je ç’ka nuk mund të mendohet asgjë më të madhe, por je më i madh se gjithçka që mund të mendohet…Nëse ti nuk do të ishe i tillë, do të mund të mendohej diçka më e madhe se ti, por kjo është e pamundur”.

    Shën Anselmi

    Torrkerry

  7. #27
    i/e regjistruar
    Anëtarësuar
    19-06-2008
    Postime
    3,176
    O ZOT I AMSHUESHËM...

    Dielli lind e perwndon!
    Cfarw do t'ju ndodhw perwndimeve?
    Cfarw do t'ju ndodhw agimeve?
    Gjithçka wshtw kot
    nw kwtw botw
    pwrveç teje, o Zot.

    ANTONIO FOGAZZARO

    Torrkerry

  8. #28
    i/e regjistruar
    Anëtarësuar
    19-06-2008
    Postime
    3,176
    MJERIMI NJERËZOR DHE MËSHIRA HYJNORE.

    Sa e bukur është, o Zoti im,
    të shikoj një shpirt, të rënë në mëkatë
    pas eksperinencës të hirit tënd,
    është përsëri i ngritur nga mëshira jote e madhe.
    Si e njeh mirë atëherë, morinë e vyrtyteve
    dhe të veprave të mëshirshme të tua,
    së bashku me rëndësinë e mjerimit të tij.
    Gjithë kjo e rrëmben.
    Për më tëpër, kush nuk do të jetë i rrëmbyer,
    o Zot i Shpirtit tim, nga dashuria jote,
    duke pasur parasysh që një tradhti e tij aq e madhe
    dhe aq e urryer dhe e neveritshme,
    është shpërblyer me një mëshirë të madhe
    dhe me hire të pa imagjinueshme.

    SHENJTJA TEREZA E AVILËS.

    Torrkerry

  9. #29
    i/e regjistruar
    Anëtarësuar
    19-06-2008
    Postime
    3,176
    TË SHOH, O ZOT I VËRTETË.

    Nga do krthenj sytë në jetë,
    Të shoh, o Zot’ i vërtetë!
    Ke fletore gjithësinë,
    E këndojn’ ata që dinë,
    Yjtë shkronjat’ e sa janë
    Në hapësirët pa anë.
    Për të dalë në shesht vetë,
    Zot’ i madh e i vërtetë!
    Bëre në jetë njerinë,
    si ç’e din’ ata që dinë.
    Dhe n’erë të trëndafilit,
    edhe në zët të bilbilit
    e shohëmë Perëndinë,
    që ka ngrehur gjthësinë,
    pa gjithësia është vetë
    Zot’i madh e i vërtetë,
    ajy, që ka urtësinë,
    ka me vehte Perëndinë.


    NAIM FRASHËRI


    Torrkerry

  10. #30
    i/e regjistruar
    Anëtarësuar
    19-06-2008
    Postime
    3,176
    NDIKOJE NË ZEMRAT TONA DASHURINË TËNDE.

    O Hyj, ti që u ke përgatitur
    të mira të panumërta atyre që të duan,
    ndikoje në zemrat tona dashurinë tënde,
    që, duke të dashur ty në gjithçka
    e mbi gjithçka,
    të fitojmë prej teje trashëgimin e premtuar
    që tejkalon çdo dëshirë
    e të marrim ty në zemrat tona.

    NGA MESHARI ROMAK.

    Torrkerry

  11. #31
    i/e regjistruar
    Anëtarësuar
    19-06-2008
    Postime
    3,176
    LUTJA ABSORBEAT.

    E rrëmbeftë, të lutem, o Zot,
    forca e embël dhe e zjarrtë e dashurisë tënde
    mendjen time nga të gjitha gjërat që janë nën qiell,
    që unë të vdes për hir të dashurisë tënde,
    ashtu si ti je denjuar të vdesësh
    për hir të dashurisë sime

    SHËN FRANCESKU NGA ASIZI

    Torrkerry

  12. #32
    i/e regjistruar
    Anëtarësuar
    19-06-2008
    Postime
    3,176
    LUTJA PARA TË KRYQËZUARIT

    I tejetlarti, i lavdishmi Hyj,
    ndriçoi errësirat e zemrës sime.
    E me jep fe të drejtë,
    shpresë të sigurtë,
    dhe dashuri të përsosur,
    mençuri e njohje,
    o Zot,
    që të kryej urdhrimin tënd
    të vërtetë e të shenjtë. Amen.

    SHËN FRANCESKU NGA ASIZI.

    Torrkerry

  13. #33
    i/e regjistruar
    Anëtarësuar
    28-10-2006
    Postime
    163
    O HYJ, ti I bashkon zemrat e besimtarëve
    që një gjë e vetme të duan
    dhe atë ta dëshirojnë,
    bëj që populli yt të duajë çka ti dëshiron
    e të dëshirojë çka ti premton:
    kështu që në të mira
    e në të vështira të jetës tokësore,
    zemrat tona të jenë ngultas të drejtuara atje,
    ku gjenden gëzimet e vërteta. Amen.

    NGA MESHARI ROMAK

    crici_01
    Ndryshuar për herë të fundit nga crici_01 : 24-08-2008 më 10:19

  14. #34
    i/e regjistruar
    Anëtarësuar
    19-06-2008
    Postime
    3,176
    LUTJA E NJË ATEISTI!?

    O Zot, nëse ti ekziston,
    ma zbulo vetveten.

    ALESSANDRO MANZONI

    Torrkerry.

  15. #35
    i/e regjistruar
    Anëtarësuar
    19-06-2008
    Postime
    3,176
    O E VËRTETA E AMSHUAR…

    O e vërteta e amshuar, dhe dashuria e vërtetë dhe amshimi i dashur!
    I nxitur të tërhiqesha në veten time, nën udhëheqjen tënde, hyra në intimitetin e zemrës sime, dhe këtë gjë arrita ta bëj sepse ti u bërë ndihma ime.
    Hyra dhe pashë me sytë e shpirtit tim, cilado që mund të ishte, në dritë të pandryshueshme mbi vetë shikimin tim të brendshëm dhe mbi inteligjencën time.
    Nuk ishte një dritë tokësore dhe e pashme që ndriçon para shikimit të çdo njeriu.
    Do të thosha me pak siguri nëse do të thosha se ishte vetëm një dritë më e fortë se ajo e zakonshmja, apo edhe nëse do të thosha se ishte aq e dendur saqë përshkonte çdo gjë. Ishte një dritë tjetër, shumë e ndryshme nga të gjitha dritat e botës së krijiuar. Nuk qëndronte mbi inteligjencën time pothuajse një vaj që endet mbi ujëra, as porsi qielli që përhapet përmbi tokë, por një dritë më e lartë. Ishte drita që me ka krijiuar. Dhe nëse gjendesha nën të, ishte sepse unë u krijiova nga ajo. Ai që e njeh të vërtetën e njeh këtë dritë.
    O e vërteta e amshuar dhe dashuria e vërtetë dhe amshimi i dashur!
    Ti je Hyji im, drejt teje ofshaj ditë e natë. Sapo të njoha, më ngrite lart që të mund të njihja atë që mund të shihet dhe atë që unë vetëm nuk do të isha kurrë i aftë ta shihja.
    Ia more sytë dobësisë së shikimit tim, duke ndriçuar fuqishëm brenda meje.
    U drodha nga dashuria e nga tmerri. E gjeta veten time larg porsi në një tokë të huaj, ku më dukej se po dëgjoja zërin tënd nga lart që thoshte: “Unë jam ushqimi i të fortëve, rritu dhe do të më kesh.
    Ti nuk do të më shndërrosh mua në ty, porsi ushqimi i trupit, por do të jesh ti që do të shndërrohesh në mua”.
    Kërkoja mënyrën si të merrja forcën e nevojshme për të të shijuar, dhe nuk e gjeja, derisa nuk e përqafova “Nhërmjetësin mes Hyjit dhe njerëzve, njeriun Krishtin Jesus”,
    i cili është mbi çdo gjë, Hyji i bekuar në shekuj”.
    Ai më thirri dhe tha: “Unë jam udha, e vërteta dhe jeta” dhe e bashkoi me qenien time atë ushqim të cilin unë nuk isha i aftë ta merrja, sepse “Fjala u bë njeri”.
    Kështu Urtia jote, nëpërmjet të cilës ti krijiove çdo gjë, u bë ushqim i mendjes sonë fëmijërorë.
    Vonë të dashurova, bukuri aq e lashtë dhe aq e re, vonë të dashurova. Dhe ja se ti ishe brenda meje, ndërsa unë jashtë dhe atje të kërkoja. Kurse unë, i shëmtuar, vërvitesha mbi gjërat e bukura që ti i ke krijiuar.
    Ti ishe me mua, kurse unë nuk isha me ty.
    Më mbanin larg teje ato krijiesa, të cilat, po mos të ishin në ty, as që do të ekzistonin. Më thirre, bërtite, e theve shurdhësinë time. Mi more sytë, më vetëtime, dhe më në fund e shërove verbësinë time. E hukate mbi mua aromën tënde dhe unë e thitha atë, ndërsa tani unë prirem drejt teje. Të shijova dhe tani kam uri dhe etje për ty.
    Më preke dhe tani digjem nga dëshira për të fituar paqen tënde.

    SHËN AUGUSTINI

    Torrkerri

  16. #36
    i/e regjistruar
    Anëtarësuar
    19-06-2008
    Postime
    3,176
    O ZOT , PAFUNDËSIA E GJITHËSISË.

    O Zot, pafundësia e gjithësisë,
    me të vërtetë,
    në eksperiencën e një dashurie të madhe,
    gjithçka ndodh
    rreth dhe brenda meje
    është një aveniment,
    që e shkakton
    mrekullin e ndryshimit tim.

    ROMANO GUARDINI (me ndryshime)

    Torrkerry

  17. #37
    i/e regjistruar
    Anëtarësuar
    19-06-2008
    Postime
    3,176
    I MADHI ZOT QOFSH LËVDUOM

    Laudabo nomen Dei cum cantico
    Et magnificabo eum in laude.

    I madhi Zot qofsh lëvduom
    për gjithë kaqë të mirë,
    qi s’e kam u merituom
    me ndonjë shërbëtyrë.

    Qi më dhe kaqë hir
    këtë kafshë me mbaruom
    si e paçe zanë fill
    gjithë herë tue shkruom.

    Posi mendja më përcill
    nd’Arbënë me ua dërguom,
    për kishë e për muneshtir
    pak ndë mend me i trazuom.

    Ata merre mbë dëshir
    mkati me u penduom,
    posi pemëtë ndë prill
    ndë shpirt me lulëzuom.

    E si zogzitë ndë pyllt,
    Zoti im me të lëvduom
    ndjerë vetë nata mbyllt
    me një za t’ambëltuom.

    Për gjith jetë të jetësë.

    PJETËR BUDI

    Torrkerry

  18. #38
    i/e regjistruar
    Anëtarësuar
    19-06-2008
    Postime
    3,176
    FLAKË E GJALLË E SHPIRTIT SHENJT.

    Eja, Shyrt e Perëndi,
    përvëlomë ti ktë gji;
    u t’përes me dishirim;
    shëjtëromë shpyrtin tim.
    Eja, o Shpyrt Shëjt i jim,
    eja e ndrite shyrtin tim.
    Flakë e gjallë e Shpyrtit Shëjt,
    dhizëm zëmbrën me të shpejt.
    Eja, o Frymë e Parakletë,
    ngushëllomë me t’vërtetë.
    O Parrais i shpyrtit t’im,
    mblomë zëmbrën me gëzim.
    Dritën t’ënde, o Shpyrt, dhurona;
    dhis me zjarrin zëmbrat t’ona.

    NIKOLË BRANKATI

    Torrkerry

  19. #39
    i/e regjistruar
    Anëtarësuar
    19-06-2008
    Postime
    3,176
    LUTJE MENGJESORE

    Të falënderoj, o Zot,
    Për pushimin që më dhe
    E për dritën aq m’ofron.
    Kudo vete dhe çdo bëj
    Eja hje me mua.
    Ndihmë nga vështirësitë.
    Ruamë nga keqësitë.
    Ndezmë një buzqeshje
    Të përpjek me mall
    Njerzët si unë.
    Në ëndrat e orat e jetës
    Mos më lë vet.

    ZEF KAKOCA

    Torrkerry

  20. #40
    i/e regjistruar
    Anëtarësuar
    19-06-2008
    Postime
    3,176
    O Hyji i gjithëpushtetshë, prej teje vjen çdo e mirë, ndiko në zemrat tona dashurinë ndaj teje që të zhvillohet në ne çka është e mirë dhe, nën ndikimin tënd , t'ia arrijmë përsosmërië.

    NGA MËSHARI ROMAK.

    tORRKERRY

Faqja 2 prej 47 FillimFillim 123412 ... FunditFundit

Tema të Ngjashme

  1. Përgjigje: 1
    Postimi i Fundit: 26-05-2009, 05:44
  2. Viti kushtuar Darvinit
    Nga toni77_toni në forumin Komuniteti katolik
    Përgjigje: 0
    Postimi i Fundit: 09-02-2009, 17:02
  3. Përgjigje: 1
    Postimi i Fundit: 25-04-2006, 08:08
  4. Lutja kushtuar Zotit
    Nga altin55 në forumin Komuniteti musliman
    Përgjigje: 18
    Postimi i Fundit: 20-06-2004, 15:27

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •