A do te jete LSI nje aleat apo vasal i PS se Rames?

[beni67]

Pse fitoi PD ne kashar...? Po sipas ketyre komunisteve ketu ne forum pd i ka ditet te numeruara. I ziu njeri nuk di ke te besoje.

[DYDRINAS]

Thellohet përçarja mes PS dhe LSI

Nga L.Progni

Kanë përdorur ironinë për t’iu përgjigjur kryetarit të PS, Edi Rama. Ka ndodhur kështu me zyrtarët e LSI. Sekretari i Përgjithshëm i LSI, Zoti Petrit Vasili, e ka etiketuar Ramën si personazhin e Benit te filmi “Beni ecën vetë”, i cili këndonte me zë të lartë në pyll për të larguar frikën. “Deklaratat e Edi Ramës, ashtu si te filmi “Beni ecën vetë”, që këndonte këngë partizane në pyll për t'i dalë frika. Rama pa në Amerikë si bëhet opozitë dhe jo pazar si i tiji me Berishën. Megjithatë, për Lëvizjen Socialiste për Integrim, është fare e qartë se kryetari i radhës i PS edhe pas kësaj vizite nuk ka mësuar se si bëhet opozita e vërtetë, se si trajtohet kundërshtari politik”, - tha Vasili.

Për Sekretarin e Përgjithshëm të LSI, zotin Petrit Vasili, kjo gjendje shkaktohet, ngaqë për kryetarin e PS, Edi Rama, prioritet është aleanca me Berishën dhe jo me Shqipërinë që vuan berishizmin.

Por jo pak ironik ka qenë sërish qëndrimi i Edi Ramës në lidhje me bashkëpunimin me PS. Duke folur nga Denveri, ku ndodhet për të marrë pjesë në Konventën e Demokratëve të SHBA, Rama, i pyetur nëse do takohet me Metën tha: “Unë dëshiroj të mbetem te Konventa e demokratëve, te politika e re, të mbetemi te nevoja e madhe e njerëzve për të marrë në duar fatin e tyre, që nuk mund të jetë monopol, e përsëris, i një grushti politikanësh dhe mbi të gjitha më lejoni ta mbyll duke iu referuar atij bashkëqytetari që në një qark të Shqipërisë, duke marrë fjalën në një nga qindra takimet e “Dialogut me Shqipërinë”, tha: “për sa kohë ne do të presim që problemet tona t’i zgjidhin 5 gjela në Tiranë, pulat tona nuk do të bëjnë asnjë vezë.”

Gazeta Tema


Tash do i beje vezet Edi Veliaj dhe Erion Rama!

[DYDRINAS]

Rama, si te “Filmi Beni ecën vetë”, bërtet nga Denveri për të larguar frikën

29-08-2008

LSI i është përgjigjur me shpoti sulmit të Edvinit që nga përtej Oqeanit, duke e cilësuar PS-në si një formacion politik të pashpresë, i cili s’do ta marrë me vete në udhën e humbjes, që ka përzgjedhur për sfidën elektorale të 2009-s

Partia Socialiste dhe Lëvizja Socialiste për Integrim, vijojnë avazin e vjetër të reagim kundër reagimit, me kontekste dhe qëllime të pastra politike, nën mllëfin e krizës së thellë dhe të pashmangshme prej së cilës opozita është infektuar në tërësi. Ethet e miratimit të kodit të ri elektoral, me nisjen e sesionit kuvendor, po degëdisin kryesisht dy partitë kryesore në opozitë, PS dhe LSI, duke e bërë të pamundur fshehjen e krizës dhe frikën e gjallë për humbjen e zgjedhjeve të ardhshme parlamentare, në cilën PS dhe LSI do të militojnë të pavarura, duke i bërë opozitë të fortë njëra-tjetrës. Kësisoj, vetëm një ditë pas deklaratave injoruese të Ramës nga Denveri (SHBA), në adresë të kundërshtarit të tij politik në opozitë, Ilir Meta, dje, Lëvizja Socialiste për Integrim, i ka kthyer reston, duke iu kundërpërgjigjur në të njëjtën linjë. Kësisoj, Sekretari i Përgjithshëm i LSI-së, Petrit Vasili e ka etiketuar Ramën si personazhin e Benit tek filmi “Beni ecën vetë”, i cili këndonte me zë të lartë në pyll për të larguar frikën. “Deklaratat e Edi Ramës, ashtu si tek filmi Beni ecën vetë, që këndonte këngë partizane në pyll për t’i dalë frika”, tha Vasili. Duke iu referuar intervistës dhënë nga SHBA për “Zërin e Amerikës”, sekretari i përgjithshëm i LSI deklaroi se, nga zhvillimet atje Rama “pa në Amerikë se si bëhet opozitë dhe jo pazar si i tiji me Berishën”. Megjithatë, për Lëvizjen Socialiste për Integrim, është fare e qartë se kryetari i rradhës i PS-së edhe pas kësaj vizite nuk ka mësuar se si bëhet opozita e vërtetë, se si trajtohet kundërshtari politik. Megjithëse Rama ndodhet ende në Denver të SHBA-së, dhimbjet e kokës për të nuk kanë të sosur, aq më tepër kur ai ende shpreson që Meta të ndryshojë qëndrim dhe të bëhet pjesë e politikës së tij destruktive dhe absurde. Por nga ana tjetër, Gjinushi i ka premtuar besnikëri të përjetshme politike, duke i ndërthurur idenë e koalicionit të bishtave, pavarësisht se partia që ai kryeson PSD, është pa elektorat dhe diskutohet eliminimi i mundshëm i saj, me sistemin aktual zgjedhor, zhvillim që Edvinit nuk i intereson shumë. Pra, në këtë aspekt, ajo që vihet re tek partitë e opozitës, është mungesa e fluiditetit dhe qartësisë së duhur në negociimet parazgjedhore, që siç edhe është parë vazhdimisht, një pjesë e të vegjëlve opozitarë me ndonjë përfaqësues të PS-së, kanë diskutuar në tryeza kafenesh për mbijetesën e tyre politike dhe si pasojë nuk kanë mundur të dalin në qëndrime të qarta për atë që diskutuan. Ndërkaq, nga ana tjetër, kryesocialisti Edi Rama ka folur përsëri për politikën e vjetër në të cilën gjendjet Shqipëria sot dhe qëllimi i Rama, tërësisht i impresionuar, përsëriti edhe njëherë nevojën që kanë shqiptarët dhe shqiptaret për të bërë ndarjen e politikës së re me politikën vjetër. “Vendi duhet të ndahet nga politika e keqe, nga bataku i një grupi njerëzish që na mbajnë peng prej 17 vitesh. Ne duhet ta ndryshojmë këtë proces dhe duhet të kuptojmë që nuk është politika një fushë veprimi ekskluzive e partive, për të mbrojtur ambicie krejt personale. Politika është për ta dhe duhet ti shërbejë atyre, kjo është esenca e kësaj konvente”, tha ai. Ai nuk ka lënë pa përmendur edhe qëllimet e Partisë Socialiste për të shkëputur vendin nga një politikë e vjetër të cilin ai e ka cilësuar si “të keqe”. Ndërsa është pyetur për ndonjë koalicion të mundshëm me LSI, Rama është shprehur “jemi përsëri në deklaratat e vjetra dhe unë dëshiroj të mbetem te konventa e re”. Por, deri më sot, Rama nuk e ka shpjeguar akoma mbështetësve të tij se ku konkretisht ndryshon “politika e re” nga “politika e vjetër”. Ajo që mund të kuptohet në vija të përgjithshme është se Rama, edhe pse kërkoi të bëhej kryetar i partisë më të vjetër në vend, asaj socialiste, nuk identifikohet me traditën e të bërit politike prej saj.

55

[Brari]

lsi e ps jane grupe cakejsh qe provizorisht po i hungerijne njeri jatrit.. per tu bere me te eger e me te bashkuar me tufat e tyre qe te gllaberojne e coptojne demokracine e endrrat e ketij populli te vuajtur..

ne zgedhjet e ardhshme kanibalet e ndare ne dy ceta.. ne ps dhe lsi do bashkohen.. e bashke me vampiret ne gjinush parti e neritan kompani.. e ne milo djallezi.. do marrin pushtetin qendror e do vendosin diktaturen e tyre teper te gjate.. e teper te sofistikuar polpotisto enveriste me kostum armani..

3 korrikasit.. vazhdojn gjumin e ariut..

[BaBa]

Pse fitoi PD ne kashar...? Po sipas ketyre komunisteve ketu ne forum pd i ka ditet te numeruara. I ziu njeri nuk di ke te besoje.

o beni, pune partish lale sdin ca xhepi me fut doren keto jan trrash shum.

[titi-a]

Mendoj se LSI+PS=PD!

[DYDRINAS]

Rama trash gjuhën - akuzon LSI-në se s’është parti e Ilir Metën se është politikan i vjetër


30-08-2008


Pasi është kthyer nga Denveri, nga ku vërshoi një lumë akuzash në drejtim të kundërshtarit të tij politik në opozitë, kreut të LSI-së, Ilir Meta, kryesocialisti Edi Rama, është munduar të flasë dje me disa ndërthurje të politikës së tij të re me konventën e demokratëve të zhvilluar gjatë 4 ditëve me radhë në SHBA. Kthimi nga SHBA-të, duket se Edvinit i ka venitur tërësisht shpresat për formimin e një koalicioni zgjedhor para kuvendoreve të 2009-s dhe më keq akoma, krijimi i fraksioneve opozitare është në prag, në kuadër të përpjekjeve për mbijetesë në politikë. Kësisoj, lidhur me çështjen nëse PS është e gatshme të shkojë në zgjedhje me një të majtë progresiste dhe të bashkuar, Rama ka deklaruar se në opozitë janë përhapur grupe të vetëquajtura parti, që synojnë vetëm interesat personale dhe kanë rënë pre e stereotipeve të vjetra, skemave të vjetra dhe që bazohen vetëm te një arithmetikë dhe te llogjika e pazarit paraprak. “Partia Socialiste është në proçesin e një transformimi rrënjësor të brendshëm dhe njëkohësisht në proçesin e një transformimi rrënjësor të vet politikës shqiptare. Në këtë sens doja t’i linim pas stereotipet që e shikojnë bashkimin apo ndarjen si llogari mes disa grupesh, që janë grupe të vetquajtura parti, apo që mbrojnë interesa krejt personale dhe t’i japim jetë një bashkimi me qytetarët, përtej kufinjve të partive dhe mbi të cilat duhet t’i japim mundësi qytetarëve ta përdorin PSSH si instrument për të ndryshuar shoqërinë, vendin dhe jetën”, tha kreu i PS-së, duke iu referuar kryesisht qëndrimeve të shfaqura nga LSI duke kundërshtuar politikën e koalicionit të bishtave, të propozuar nga Rama dhe Gjinushi. Pavarësisht krizës së thellë dhe mungesës së vizionit për të ardhmen politike para dhe pas zgjedhjeve të 2009-ës, kryesocialisti ka mohuar përçarjen e thellë që ekziston në opozitën e majtë. “Në këtë sens, do të përsëris, se nuk ka një të majtë të ndarë, por ka një fuqi të madhe dhe një vullnet të madh për ndryshim nga ana e PSSH në funksion të një proçesi të ri politik në Shqipëri dhe nga ana tjetër llogaritë e vjetra, sterotipet e vjetra, skemat e vjetra dhe që bazohen vetëm te një arithmetikë dhe te llogjika e pazarit paraprak, që për mua nuk na duhet dhe që për shqiptarët është e pavlefshme në këtë stad të vendit dhe botës, ku Shqipëria duhet të marrrë në duar fatin e saj përmes një politike të re, ku ne duhet të kuptojmë se nuk janë zgjedhje mes PD dhe PSSH, të majtës e të djathtës, por mes të tashmes dhe së shkuarës”, shtoi në vijim ai. Lidhur me mundësinë e një takimi ndërmjet Ramës dhe Metës, kryesocialisti la të kuptohej se nuk mund të ulet në tryezën e bisedimeve me individë të politikës që synojnë ta kthejnë politikën në monopol. “Unë dëshiroj të mbetem te konventa e demokratëve, te politika e re, të mbetemi te nevoja e madhe e njerëzve për të marrë në duar fatin e tyre, që nuk mund të jetë monopol, e përsëris, i një grushti politikanësh”, u shpreh më tej Rama. Por përpos këtij qëndrimi, Rama nuk mund të fshehë frikën e ethshme për humbjen e zgjedhjeve, duke u shprehur i pashqetësuar, pasi përveç katandisjes së tij, ai do të marrë me vete drejt ngrehinës së humbjes së zgjedhjeve edhe LSI-në e Metës.


55

[DYDRINAS]

Reforma zgjedhore, Gjinushi e Milo mbështesin Ramën

Hidhen bazat e koalicionit të ardhshëm, me të cilin e majta do të konkurrojë në zgjedhjet parlamentare të vitit 2009. Pas një periudhe të gjatë marrëdhëniesh pothuajse inekzistente, opozita, megjithëse jo e plotë, ka lënë pas të shkuarën konfliktuale dhe ka nisur punën për ringritjen e koalicionit elektoral.

Fejzi Braushi

Marte, 02 Shtator 2008 09:16:00

Në takim u diskutua mundësia e daljes së forcave të majta në zgjedhjet e 2009-ës me qëllim fitoren e zgjedhjeve

TIRANË- Hidhen bazat e koalicionit të ardhshëm, me të cilin e majta do të konkurrojë në zgjedhjet parlamentare të vitit 2009. Pas një periudhe të gjatë marrëdhëniesh pothuajse inekzistente, opozita, megjithëse jo e plotë, ka lënë pas të shkuarën konfliktuale dhe ka nisur punën për ringritjen e koalicionit elektoral. Me iniciativën e kryetarit të Partisë Socialiste, është zhvilluar dje takimi i parë informal në rang kryetar partish, në qendër të të cilit ka qenë pikërisht gjetja e rrugëve të cilat do të bënin të mundur sheshimin e mosmarrëveshjeve mes të majtëve dhe maksimizimin e rezultatit në zgjedhjet e qershorit.

Takimi

Në takimin, ku përveç Ramës merrnin pjesë edhe kryetari i Partisë Socialdemokrate, Skënder Gjinushi dhe ai i Demokracisë Sociale, Paskal Milo dhe ku mungonte kreu i LSI-së, Ilir Meta, është diskutuar gjerësisht për reformën zgjedhore dhe hapësirat që lejon sistemi i ri zgjedhor, i sanksionuar tashmë në Kushtetutë, për aplikimin e atyre formulave të bashkëpunimit, që do të bënin të mundur arritjen e një rezultati sa më pozitiv për gjithë spektrin e majtë.

Burime pranë këtij takimi kanë konfirmuar për “Shekullin” se gjatë takimit, kreu i socialistëve, Edi Rama ka informuar aleatët e vet lidhur me ecurinë e deritanishme të Reformës Zgjedhore dhe mënyrën se si PS e percepton kompletimin e saj edhe sa i përket çështjeve të rëndësishme siç është ajo e koalicioneve parazgjedhore apo dhe administrimi i procesit përgjatë dhe paszgjedhor.

Përsa i përket çështjes së koalicioneve, kryesocialisti ka sqaruar Gjinushin dhe Milon se si parashikohet dhe çfarë mundësish bashkëpunimi ofron koalicioni i përbërë, të cilin e kundërshton me shumë forcë Lëvizja Socialiste për Integrim. Për këtë pikë, duket se edhe dy aleatët, Milo dhe Gjinushi, janë bindur për efektet pozitive që realizon koalicioni i përbërë sidomos në aspektin garës mes dy blloqeve politike, të majtës dhe të djathtës.

Gjithashtu, nga të njëjtat burime mësohet se gjatë bisedës Rama është treguar i prerë, për të mos toleruar në drejtim të kërkesës së LSI-së për të bërë dhe një korrektim kombëtar të votave të partive politike. Ndërkohë sa i përket qëndrimit të LSI-së, të tre krerët janë shprehur jo vetëm gjatë takimit por edhe pas tij, të hapur për të vazhduar përpjekjet për ta shkëputur atë nga misioni minues i fitores së të majtës dhe për ta bindur atë që të bashkëpunojë me të majtën.

Deklaratat

Kreu socialist Edi Rama megjithëse e ka cilësuar kryetarin e LSI-së, Ilir Meta, si mik të tijin, nuk ka ngurruar të shprehet se ky i fundit po i shërben qëllimit të Berishës për ta mbajtur të majtën të përçarë. “E kam thënë dhe e përsëris, Ilir Meta është miku im, dhe jam i keqardhur teksa e shoh përditë e më të mllefosur ndaj Partisë Socialiste, përditë e më thellë në batakun e politikës së vjetër, duke bërë kësisoj një punë jo të mirë për ata njerëz që e ndjekin pas dhe duke bërë që tek ai, Sali Berisha të shohë shpresën e tij të fundit.

Por sidoqoftë ne do të fitojmë zgjedhjet e 2009”,- tha Rama pas takimit duke i bërë njëkohësisht thirrje atij, që të heqë dorë nga interesat e ngushta personale. Rama theksoi gjithashtu se zgjedhjet do t’i fitojnë qytetarët dhe jo kryetarët. Ndërkohë kreu i PDS-së, Paskal Milo ka siguruar për mediat se pavarësisht largësive të tanishme në qëndrime me LSI-në, do të vazhdojë përpjekjet për të bindur edhe këtë forcë që të bëhet pjesë e koalicionit të ardhshëm opozitar.


--------
Rama:

“E kam thënë dhe e përsëris, Ilir Meta është miku im, dhe jam i keqardhur teksa e shoh përditë e më të mllefosur ndaj Partisë Socialiste, përditë e më thellë në batakun e politikës së vjetër, duke bërë kësisoj një punë jo të mirë për ata njerëz që e ndjekin pas dhe duke bërë që tek ai, Sali Berisha të shohë shpresën e tij të fundit. Por sidoqoftë ne do të fitojmë zgjedhjet e 2009”.

Milo:

“Kemi pasur një takim miqësor ku kemi shkëmbyer mendime rreth formulës së koalicionit të përbërë dhe rreth bashkëpunimit të mëtejshëm me PS për Kodin Zgjedhor dhe më gjerë, prandaj sot ne si PDS, shprehim edhe një herë vullnetin për ta vazhduar këtë frymë bashkëpunimi pa përjashtuar as edhe partnerët e tjerë të së majtës me të cilët, ashtu siç kemi vazhduar takimet deri më sot, do të vazhdojnë edhe në të ardhmen, sepse rrugët për t’u marrë vesh ende nuk janë mbyllur”.

Gjinushi:

“Është për t’u përshëndetur fakti që sistemi i ri zgjedhor nuk i pengon koalicionet, pra duhet kuptuar se kjo është " reja" pra nuk është se janë shpikur koalicionet, por çdo sistem demokratik e lejon bashkëpunimin e sinqertë dhe të ndershëm dhe të jesh kundër koalicioneve që japin një hapësirë për bashkëpunim është nonsens politik, sepse çdo hapësirë që rrit bashkëpunimin që mundëson është demokratike dhe pozitive”.

Shekulli

[DYDRINAS]

Meta: Interesi ynë i vetëm, fuqizimi dhe përfaqësimi i së majtës së vërtetë në Shqipëri

Intervistoi: Armand Mero, Tiranë
Zëri i Amerikës
04-09-2008


Zëri i Amerikës: Zoti Meta, u bë një kohë e gjatë që e majta po përjeton një moment të vështirë. Ka një përplasje të fortë mes jush dhe PS. Ju disa herë i keni bërëtë ditura shkaqet e kësaj situate. Duket sikur kjo marrëdhënie ka arritur në një pikë të pakthyeshme apo ka ende hapësira?

Ilir Meta: Mendoj se zgjedhja që ka bërë lidershipi i PS për të shkelur marrëveshjen e 5 partive opozitare që në thelb kishte bashkëpunimin për reformën zgjedhore dhe akoma më keq, vajta tej çdo parashikimi i lidershipit të PS tek objektivi i Sali Berishës për ta kthyer kushtetutën aty ku ai e aspironte që në 1994, pra te përqëndrimi i gjithë pushteteve në një dorë të vetme, pra sot te dora e kryeministrit- kryetar partie, akoma më saktë Sali Berisha, padyshim që ka krijuar një hendek shumë të thellë e parimor mes LSI e PS dhe mes gjithë të majtëve dhe socialistëve me lidershipin e kësaj partie. Shumë bashkëpunime të tjera jo parimore mes kryeministrit dhe kryetarit të PS, më shumë edhe për shkak të pozitës si kryebashkiak i Tiranës, jo vetëm që kanë sjellë muajt e fundit një opozitarizëm fals të kësaj partie, por natyrisht që kanë sjellë edhe debate sepse LSI duke goditur përpjekjet e Berishës për të uzurpuar institucionet, për të kufizuar kompetencat e presidentit, nuk mund të mos atakonin edhe bashkëpunëtorët e Berishës, që në mënyrë flagrante kanë qenë përfaqësuesit e PS.

Zëri i Amerikës: Ka një ofertë të socialistëve për një koalicion të përbërë. E keni refuzuar, duke thënë se është një koalicion bishtash. A mund të na shpjegoni konkretisht pse jeni kundër. Një koalicion i tillë ruan identitetin e partive, tregon peshën reale dhe nuk lejon të shkojnë dëm disa pjesëza votash...

Ilir Meta: Ju vetë në pyetjen tuaj evidentuat mos shkuarjen dëm të pjesëzave të votave. Nëse ky është prekupimi i lidershipit të PS nuk kishte pse të bëhej ajo inciatorja e modelit spanjoll që është një model absurd.për kushtet e Shqipërisë. Dhe së dyti nëse ende e kanë këtë shqetësim duhet të aplikojnë korrektimin nacional të votës proporcionale në mënyrë që asnjë votë opozitare të mos shkoj dëm. Pse ne e konsiderojmë këtë si një koalicion bishtash? Sepse prioriteti në diskutimin e këtij lloj koalicioni është ai i marrjes apo këmbimit të presjeve dhjetore, më shqip do të konsideroheshin si bishta. Natyrisht që koalicionet nuk ndërtohen mbi raportet e presjeve dhjetore, por ndërtohen mbi programe, objektiva dhe platforma të përbashkëta. Si mund të quhet koalicion një vendosje e tillë e partive ku secila ka programin e vet, edhe pse në shumë gjëra esenciale mund të ketë dallime thelbësore, siç është rasti i Kushtetutës, një problem shumë madhor dhe si mundet të flasim për një koalicion të vertetë e real. Është një gjetje e stisur, është shprehje e krizës ku është futur sistemi zgjedhor, për shkak të vijes së gabuar, marrjes së një modeli që s’ka lidhje fare me Shqipërinë. Nuk dua të hyjë në veçantitë e Spanjës që funskionon si një konfederatë, që ka territore jashtë vendit apo probleme të tjera. Dhe kjo është mungesë e vullnetit të lidershipit të PD dhe PS për për një reformë zgjedhore sipas standarteve apo parametrave evropianë.

Një ndarje e tillë në dy koalicione të përbëra, gjoja nuk është gjë tjetër, veçse një përpjekje për ta ndarë politikën shqiptare në pozitat e saj të vjetra, të dominuar artificialisht nga dy parti dhe të tjer në raporte vasaliteti, apo inferioriteti me to. Pra, është një lojë për të kufizuar demokracinë dhe ky është projekti i përbashkët i Berishës dhe Ramës, dhe për t'i zhveshur qëllimisht partitë e tjera nga identiteti, nga veçantitë e tyre dhe në këtë mënyrë t’u mohojnë zgjedhësve, që të bëjnë një zgjedhje të pavarur nga PD e PS. Ne kur jemi në koalicion, jemi në koalicion. Ne këtë e treguam në mënyrë shumë të qartë në zgjedhjet e 2007, ku pjesmarrja dhe kontributi tepër luajal i LSI ishte faktor kryesor për fitoren, të paktën në qytetet kryesore të kandidatëve të përbashkët të opozitës. Kur nuk jemi, nuk jemi dhe nuk mund të bëhemi pjesë e këtij bastardimi të reformës zgjedhore.

Reforma ka qenë e mbetet një obligim i jashtëzakonshëm i LSI. Ne nuk u bëmë pjesë e Dushkut në 2005 dhe nuk mund të bëhemi tani pjesë e makinacioneve. Ne I paralajëmruan që në fillim. Nëse kanë shqetësimin që të mos humbasë qoftë edhe një vote e vetme duhet të insistojnë për korrektimin nacional të votës. Eshtë e domosdoshme përsa kohë sisistemi është proporcional.

Zëri i Amerikës: Por janë të shumtë ata qoftë edhe juristë, që deklarojnë se korrektimi nacional do të humbte sensin e sistemit proporcional rajonal….

Ilir Meta: Absolutisht jo. Sepse nëse sensi ka qenë deformimi i votës, atëherë kemi të bëjmë me një model, që synon të devijojë nga principi proporcional. Së dyti, ne e dimë, që përgjithësisht kudo, sisitemi proporcional rajonal ose është ndërtuar mbi ndarjen e vendit në rajone të barabarta elektorale, pra numër votuesish siç kemi rastin e Maqedonisë, në 6 rajone nga 20 deputete, ose në rastin kur bazohet në një ndarje administrative të deformuar, si në rastin e Shqipërisë, për arsye gjeografike apo demografike, atëhere, padyshim, korrektimi është kërkesë e padiskutueshme, për të respektuar principin, që është proporcionali

Zëri i Amerikës: Duket se është krijuar një hendek i madh…

Ilir Meta: Hendekun nuk e kemi krijuar ne. Ne kemi qenë të hapur për çdo lloj sisitemi, mjaft që të ishte i ndershëm. Zvarritjet nuk i kemi bërë ne. Ne kemi kërkuar që në fillim, që komisioni për reformën zgjedhore, i bashkëdrejtuar nga Rusmajli dhe Islami, të funksiononte në kohë e përpara samitit të Bukureshtit të dilnim me një reformë të përfunduar. Kanë qenë këto dy forca politike që kanë bllokuar qëllimisht gjithshka, pasi vuajnë në mënyrë të pashërueshme nga sindroma e prishjes së zgjedhjeve në Shqipëri për interesa të vogla. Ne kemi qenë të hapur për çdo lloj sistemi. Ne kemi qenë të hapur edhe për mazhoritarin e pastër, pasi votuesit e marrin vetë përgjegjësinë për zgjedhjen që bëjnë. Por, jemi kundër lojrave e makinacioneve.

Zëri i Amerikës: Ju, pas acarimit të marrëdhënieve me socialistët tentuat krijimin e një koalicioni jashtë PS, me zotin Milo dhe Ceka. Por tani kemi zotin Milo të rikthyer te PS?

Ilir Meta: Mendoj se ka disa keqkuptime. Së pari, nuk kemi patur asnjë marrëveshje me asnjë forcë politike për këtë koalicion të ri. Ashtu siç është e vërtetë, se ne kemi ideuar kur lidershipi i PS shkeli marrëveshjen me opozitën dhe me LSI për reformën zgjedhore, paralajmëruam krijimin e një koalicioni të ri "E Majta për integrim". Dhe në këtë kuadër, disa forca dhe aktorë të ndryshëm, shprehën përkrahjen, apo simpatitë e tyre. Ne nuk kemi nënshkruar asnjë marrëveshje me askënd. Pra, nuk mund të themi se dikush është larguar. Edhe rikthimi i zotit Milo ne PS apo PSD, është një e drejtë e tij, të cilën e respektojmë, sepse secili është sovran për vendimet e tij, sikundër na vjen keq që argumenti i tij për të na ftuar edhe ne që të bashkohemi, është se edhe pse PS gaboi rëndë me kushtetutën dhe nuk i pyeti aleatët, edhe pse gaboi rëndë me reformën zgjedhore dhe sot kemi reformë, e cila nuk është e standarteve demokratike apo evropiane, pavarësisht të gjitha këtyre, të bashkohemi, pasi sipas zotit Milo, jemi të vegjël dhe nuk kemi rrugë për të mbijetuar. Ne kemi një filozofi tjetër, atë të ndërtimit të koalicioneve dhe qëndrimit në politikë, bazuar në disa principe shumë të rëndësishme, nga të cilat nuk mund të devijojmë dot. Nëse zoti Milo u bë pjesë e Dushkut në 2005, ne nuk u bëmë me ndërgjegje të plotë. Ne shpresuam se filozofia e tij ishte e përbashkët me atë të LSI. Por në politikë, secili bën zgjedhjen e vet dhe merr përgjegjësinë e vet dhe ne i urojmë suksese aty ku ka shkuar!

Zëri i Amerikës: A i druheni faktit se në rast të një humbjeje në zgjedhjet e 2009, ju do të vuani pasojat, apo do të shiheni si shkak i kësaj humbjeje?

Ilir Meta: Në rast se lidershipit të PS dhe zotit Rama i intereson thjesht një alibi, që në rast të një humbjeje të përdorë argumentin, se ishte qëndrimi i LSI ai që solli këtë rezultat të dështuar për PS, atëherë ne nuk mund të mbajmë përgjegjësi për këtë qëllim, që i ka vënë vetes zoti Rama. Ky është një problem për PS, nëse asaj i mjafton, apo e kënaq një justifikim i tillë. Ne kemi për qëllim fitoren e forcave progresiste në zgjedhjet e vitit 2009. Dhe jemi të bindur, se koalicioni ynë do t’i shërbejë përfaqësimit të të gjithë atyre, që ndihen të tradhëtuar nga veprimet e lidershipit të PS, nga bashkëpunimi tepër i dëmshëm dhe i errët me Sali Berishën, që nga dhunimi i Kushtetutës, por edhe më tej, në gjithë dëmtimin e funksionimit demokratik të institucioneve. Dhe në këtë drejtim jemi të bindur, se rritja dhe fuqizimi i LSI dhe koalicionit "E Majta për Integrim" ndihmon në fuqizimin e dimensionit opozitar në vend dhe maksimizimin e përfaqësimit të të gjithë socialistëve dhe progresistëve në Shqipëri..

Zëri i Amerikës: Kush do të përfaqësohet në këtë koalicion?

Ilir Meta: Unë besoj se është ende herët. Besoj se dje u dha një sinjal me aderimin e deputetit të njohur socialist Petro Koçi dhe jam i sigurt, se do ketë shumë subjekte të tjera, por edhe aktorë të njohur të shoqërisë civile. Pra, do të jetë një koalicion shumë i gjerë, një koalicion shumë përfaqësues. Dhe koha është përpara, për të zbardhur edhe evidentuar këtë koalicion, që do të jetë një koalicion fitues

Zëri i Amerikës: Zoti Meta, qarkullon edhe një ide, se ju do të ishit të “interesuar” në thojza për një humbje të zgjedhjeve, pra do të pranonit edhe 4 vite të tjera në opozitë, për të patur një PS të dobët ose pa Edi Ramën, që do të mundësonte ndoshta një rritje të peshës suaj brenda së majtës...

Ilir Meta: Ky nuk është aspak interesi ynë. Dhe është një arsyetim i gabuar, nëse do të ishim të interesuar për shkatërrimin e PS, apo eleminimin politik të zotit Rama. Ne këtë mundësi e kishim në vitin 2007. Zoti Berisha na është lutur, jo vetëm ai por edhe ambasadorë të huaj, që të bënimin kodin pa certifikatat e garancisë që kërkonte zoti Rama e të gjithë ne. Dhe ne këtë mund ta bënim. E padyshim që sot, Zoti Rama mund të ishte sërish në Paris e jo në krye të Bashkisë, as në krye të PS dhe jo në krye të aferave të përbashkëta me zotin Berisha; besoj të gjithë e kanë të qartë situatën e zgjedhjeve 2007. Por ne këtë nuk e bëmë, se kishim nënshkruar një marrëveshje, ku interesi ynë i përbashkët ishte fitorja e opozitës përballë Sali Berishës. Kështu që nuk ekziston asnjë mundësi për të mbështetur skenare të tilla. Interesi ynë i vetëm është fuqizimi dhe përfaqësimi i së majtës së vërtetë në Shqipëri, e cila ka marrë një goditje të rëndë nga një politikë klienteliste dhe aventuroze nga lidershipi i saj. Ndoshta gjërat mund të jenë ndryshe. Kryetarit të PS mund të mos i bëjnë përshtypje humbja në vitin 2009, pasi ka mandatin e Kryetarit të Bashkisë deri në vitin 2011 dhe koncesionet që ka marrë nga kryeministri Berisha pas zgjedhjeve të 2007, i mjaftojnë për të kënaqur ambiciet personale dhe të onturazhit të tij. Por, jam i bindur, se kjo nuk i intereson shumë socialistëve të thjeshtë që janë në opozitë, sikundër jemi të gjithë.

[SKRAPARI]

PS - LSI Duket se nje lufte bandash

[Begby]

•
Edmond Arizaj

Nuk është shumë e vështirë të vendosësh shenjën e ndryshimit mes liderit të LSI-së dhe atij të PS-së. Hipokrizia është mosngjashmëria e parë mes të dy drejtuesve të së majtës. Mos të shkojmë më tutje, por veç tek deklaratat e të dyve në adresë të njëri-tjetrit. Rama nuk e heq nga goja shprehjen “miku im”, ndonjëherë dhe “miku im i dashur”. Jo më larg se para disa ditësh, sërish Rama, me shprehjen e përndritur “miku im i dashur Meta”, çuditej pse kryetari i LSI-së nuk pranonte koalicionin e përbërë Në një kohë kur vetë Rama, është i vendosur që “mikut të dashur” të përpiqet t’i presë krahët dhe këmbët, së fundmi duke bërë ndryshimet në kodin elektoral pa korrektim kombëtar. Natën dhe në tryeza të ngushta të Ramës, Meta është armik, ndërsa ditën është “miku i mirë”. Jo shumë e panjohur kjo sjellje e Ramës.
Ndryshimi i dytë mes të dyve është vizioni për shtetin. Duke lënë mënjanë rininë anarkiste të Ramës, mjafton të kujtosh lehtësinë me të cilën ai ndryshoi Kushtetutën në bashkëpunim me Berishën, i cili nga ana e tij është i larë në këtë mes, pasi ende nuk është shprehur qartas se e njeh këtë Kushtetutë të votuar në kohën e socialistëve. Kushtetuta është puna më kryesore e qeverisjes së Partisë Socialiste, baza e ndërtimit të shtetit, që sot po e gëzon Rama dhe Berisha, megjithatë kryesocialisti nuk e pati aspak problem ta ndryshonte pa marrë asgjë parasysh dhe pa pyetur askënd. Në një farë mënyre, një shtet i rrëmujshëm, duket se i përshtatet më së miri jo vetëm Berishës, por edhe Ramës. Në ndryshim, Meta ka dalë me forcë në mbrojtje të Kushtetutës, duke mbrojtur në këtë mënyrë edhe të gjithë socialistët që e votuan dhe shqiptarët që e mirëpritën këtë dokument. Shteti ligjor, ku ligjet zbatohen edhe për Berishën, (Meta e ka treguar këtë) është vizioni i kreut të LSI-së, diametralisht i kundërt nga ai i Ramës.
Politika nuk ka besë, mund të thotë ndokush, por gjithsesi ka fjalë të mbajtur, ndryshe shumë prej politikanëve do të katandiseshin si Xhuveli qëmoti, apo Milo së afërmi. Mbajtja e fjalës, apo e marrëveshjeve në gjuhën politike, i rindan sërish Metën dhe Ramën. Nuk është e largët koha e zgjedhjeve lokale, kur Rama përgjërohej për bashkëpunimin, teksa Berisha lëshonte rrufe pas rrufesh në adresë të tij. Një bashkëpunim me Metën i dha Ramës dhe së majtës një fitore tronditëse përballë Berishës në pushtet dhe një çlirim të të gjithë të majtëve, se paskëtaj nuk do të kishte më avaze për të majtën. Një zhgënjim total, teksa pasi riveshi shiritin e kryebashkiakut, Rama mallkoi Metën dhe dashuroi Berishën, duke rikthyer tek të majtët ngërçin e ardhjes në pushtet. Zakonisht pabesia paguhet, dhe jo për mirë.
Rama ka një problem të madh si kryetar i një partie opozitare, sepse ai kurrë s’ka qenë në opozitë, por vetëm në pushtet. Dhe si kryebashkiak i Tiranës, ka ditur të ëmbëlsohet me të gjithë kryeministrat socialistë, por gabimisht po e bën një gjë të tillë edhe me kryeministrin e radhës, që për fat të keq të tij nuk është socialist, ndërsa Rama përveç kryebashkiak është edhe kryetar i PS-së. Ndoshta Rama nuk e ka fort të qartë se si i duhet bërë opozitë Berishës, dhe gati e fal atë, edhe pse ka hedhur në erë një fshat të tërë me dhjetëra të vdekur e qindra të plagosur. Nuk është e njëjta gjë me Metën, që me mijëra socialistë të tjerë kujton opozitën e ’92-’97 përballë Berishës. Një opozitë tmerrësisht e vështirë, përballë një njeriu që nuk e kapërdinte dot termin opozitë apo kundërshtim. Sot është i njëjti njeri në pushtet, por më i çlirët, sepse përballë ka një
tjetër kryetar të PS-së, që i çliron rrugën nga ferrat që i sjellin nëpër këmbë qeveritarët apo vendimet e tij. Të ndryshme janë edhe përqasjet e të dyve karshi Partisë Socialiste; Meta u afrua te kjo parti në atë kohë kur edhe vetë Rama e godiste me gurë dhe nuk linte fjalë pa lëshuar në adresë të saj, ndërsa Rama u afrua me të vetëm kur i dhanë Ministrinë e Kulturës, dhe u bë socialist me teserë kur i duhej për kandidim. Meta duke marrë përsipër të gjitha mallkimet e 2005-ës, pavarësisht se u mënjanua pandershmërisht nga strukturat e PS-së, zgjodhi rrugën e konkurrimit dhe ballafaqimit me Nanon (jo pak sot thonë se nëse Meta do ta kishte duruar poshtërimin, tanimë do të ishte kreu i PS-së), ndërsa Rama punoi tinëzisht kundër PS-së në 2005-ën; le të mos harrojmë rastin e Rrogozhinës. Teksa Meta për partinë e tij ka një platformë të qartë mbi baza socialiste, Rama ende nuk ka shpjeguar idenë e tij për politikën e re, përsa i përket drejtimit të PS-së dhe gjenerimin e politikave. Ndoshta frika e Ramës qëndron në kohën kur u zgjodh kryetar, vetëm një ditë pasi iu rrëzua platforma politike, një situatë ende e pashpjeguar edhe sot. Një ndryshim tjetër thelbësor mes Ramës dhe Metës është drejtimi i partisë nga qendra në bazë. Teksa Meta brenda një kohe të shkurtër organizoi një parti me struktura të plota në të gjithë Shqipërinë, Rama po brenda kësaj kohe dyzoi strukturat që i gjeti të gatshme. Me anë të filozofive të tij, që ishin veç të tij dhe me panjohjen e partisë, solli pështjellim në bazë dhe ngriti një pikëpyetje të madhe, mbi vetë synimet e tij në drejtim të kësaj partie. Kërkon të sjellë të majtën në pushtet, apo kërkon të mbajë veten e tij me pushtet të pakontrolluar? Kjo është pyetja që gjëmon në elektoratin e majtë të PS-së. E çuditshme është se, ndërsa Meta shprehet përherë se ai është socialist, jo i PS-së, por socialist, Rama e ka shumë të vështirë ta artikulojë këtë përkatësi, ndoshta për hir të kohëve të vjetra. “Dialogu me Shqipërinë” solli në dritë edhe një tjetër antikap të Ramës. Nuk di të sillet me bazën. Pavarësisht se slogani ishte “Dialog…”, shumica e takimeve u kthye në monolog, ku Rama fliste nga tribuna dhe dëgjuesit duhet të duartrokisnin nga poshtë. Largimet e tij demonstrative në shumë takime, pasi i drejtoheshin pyetje të ndryshme, qoftë edhe provokative (nëse kjo përdoret si arsyetim nga Rama), tregon moszhdërvjelltësinë e tij politike, jo vetëm me të tijtë, por edhe me kundërshtarët. Jo pak herë politika kërkon improvizim, të cilin Rama nuk e ka, në ndryshim nga Meta.
Meta është një lider i fortë, kjo është e pranueshme. Pra, LSI është e ndërtuar mbi bazën e një personaliteti me shumë karakteristika shqiptare, dhe jo një parti bunker siç cilësohet ndonjëherë. Sepse prej sa kohësh LSI është krijuar, pavarësisht se vetëm në opozitë, askush nuk është përjashtuar prej saj. Ndërsa Rama bëri “çudinë” me PS-në. Përjashtoi apo detyroi të ikin jo pak nga ish-figurat e kësaj partie në sajë të politikës së tij autoritariste. “Çudi” që ishte parë vetëm tek PD-ja e Berishës. Rama i mban ende njerëzit rreth tij, vetëm me biskotën e përfitimit nga pushteti, ndërsa Meta ka vite që nuk e ka këtë mundësi, por mbahet vetëm me idealizmin e socialistëve të dikurshëm, pavarësisht se në ditë të sotme kjo “s’të jep bukë”.
Bashkëpunimi për reformat po kthehet në telenovelë (ato që s’ka qejf Rama), ndërsa bashkëpunimet e tjera mes Ramës dhe Berishës tashmë kanë nisur të bëhen publike dhe fitimet që nxjerrin mediat nga këto bashkëpunime janë marramendëse, ndoshta edhe më shumë se rruga Durrës-Kukës, që akuzon herë pas here PS-ja. Në sajë të këtyre bashkëpunimeve, “shpresohet” që Tirana të kthehet në një masë të madhe betoni. Këtu qëndron edhe një tjetër ndryshim mes Metës dhe Ramës, që u intereson shumë kryeqytetasve, por edhe më gjerë.
Janë këto ndryshime që i japin Metës petkun e një politikani, teksa i heqin Ramës kostumin e zorshëm të një socialisti. Ndryshime këto që mund t’i kushtojnë shumë Ramës në zgjedhjet e 2009-ës, duke i lënë të majtët edhe katër vjet nën diktatin e Berishës. Natyrshëm që ka edhe ndryshime të tjera, por ato do të ishin të vlefshme për mediat në Shtetet e Bashkuara të Amerikës, sepse në Shqipëri është pak e zorshme të përmenden, për hir të një marrëveshjeje të pashkruar të gazetarëve me politikanët.

[Jack Watson]

Mendoj se gjërsi dhe gjatsi.

[kleos]

Ilir koklopa eshte nje nga njerezit me te pasur ne Shqiperi , pasi cdo dite qe ai qe kryeminister punoi per veten e tij dhe ata qe e rrethonin , do e kete marre malli per ato dite dhe me cdo kusht tani e kerkon ate karrige dhe faji eshte vetem i tij e askujt tjeter nese sot eshte Berisha ne pushtet .

[marolsi]

Per Edi Ramen sduhet me fol njeri , sepse ai ka folur me veprat e tij , ai beri tiranen qe se merrte nejri persiper ti kthente gjelberimt dhe frymemarrjen, nuk kemi cthemi eshte me i miri politikan mendoj se ne nje te ardhme nese do te behet kryeminister do te shikojme gjera shume me te mira ketu ne tirane dhe ne gjithe shqiperine.

Ai punon.

Ju pershendes.

[Brari]

hajdutet jan te bindur se perbejn shumicen e shqiptareve.. dhe se duke e ndare kte shumice ilir meta me dysh.. u be e mundur te fitoj PD..

ndoshta eshte kjo por ne disa votime speciale ne zona te ndara.. PD i ka mundur dhe te dy falangat hajdute te bashkuara..si psh ne poradec e gjetke..

pra un besoj se.. ps dhe lsi bashk mund te perbejne super shumicen persa i perket miljonereve e miljardereve.. por jo te popullit..

ne 3 korrik saliu fitoj aq bindshem sa as nje lloj marifeti celobashiano e certifikateringu.. nuk mundi te luaj rol ne epersine e berishes ndaj hajduto krimineleve me nicka PS PSD e SPd e LSI e Neritano ceko -i..
shpresoj qe dhe me 2009 te vazhdoj kreshendo fitorja e Pd_se ndaj inkuizicionisteve stalinisteve enveristave e mafioistave caushisto arapo istave.. vampire ..

[juanito02]

Une mendoj se po fitoi prape pd vetem permes manipulimit do e mare sic ka bere perhere.
Une mendoj se Berisha ska me autoritet e moral te fitoje prape se ka ne kurriz gjithe malin e gerdeceve e skandaleve te tjera me shkalle me te vogel.
sa per Ilir Meten gjynah qe eshte i ri se ka qene me lokalist se Saliu vete, kur qe kryeminister e mbushi shtetin me skraparlinj dhe per korrusion ka qene peshkaqen i madh dhe nuk ka asnje shenje qe do te punoje per te miren e ketij kombi. Shkurt mendimi im Meta eshte karte e djegur.
Edi Rama eshte karte e padjegur akoma por shume e dyshimte.
Qe do behet kryeminister i ardhshem do behet po cfare do te beje akoma se dime sepse megjithse flet per politike te re se ka kush te qarte se ceshte ajo politika e re pervec se ai.

[Duaje Siveten]

hajdutet jan te bindur se perbejn shumicen e shqiptareve.. dhe se duke e ndare kte shumice ilir meta me dysh.. u be e mundur te fitoj PD..

ndoshta eshte kjo por ne disa votime speciale ne zona te ndara.. PD i ka mundur dhe te dy falangat hajdute te bashkuara..si psh ne poradec e gjetke..

pra un besoj se.. ps dhe lsi bashk mund te perbejne super shumicen persa i perket miljonereve e miljardereve.. por jo te popullit..

ne 3 korrik saliu fitoj aq bindshem sa as nje lloj marifeti celobashiano e certifikateringu.. nuk mundi te luaj rol ne epersine e berishes ndaj hajduto krimineleve me nicka PS PSD e SPd e LSI e Neritano ceko -i..
shpresoj qe dhe me 2009 te vazhdoj kreshendo fitorja e Pd_se ndaj inkuizicionisteve stalinisteve enveristave e mafioistave caushisto arapo istave.. vampire ..

ja pra si ia fusin saliut k*qet ne bige keta militantat ...

dhe i vene kot epitete saliut te shkrete ... nuk ka faj ... eshte viktime ... si ne '96 ... por kesaj radhe po miliardohen femijet e tij, krahas lukunise qe e rrethon ...

ka mbetur te krijohet shoqata jo-gjeveritare "MAKUTERI PA KUFI" ... le te shkoje sala e tia prese shiritin edhe asaj shoqate ... le te ngazellehen militanto-sigurims-punistat ... paskan nxjerre mesime te vyera nen enverin ... perse mos te fitojne edhe me figurantin sali ... hyxhym !

[Brari]

per te marre vesh te rene e edvin brace braho arapeve.. shkoni tek lulishtja ku luajn domino.. ish xhelatet e enverit.. qe nipombesat i kan miljardere..

pyetini vec e vec e ne tufe..
per ke do votoc xhaxha..

per edvin mo per ke tjeter.. do thone te gjithe..

pyeteni tere xhalatet e enverit nga saranda ne koplik..
a do votoni per saliun.. ?
do te te marrin me gure e me kobure bile..

kjo eshte prova..

[Flora82]

Tê dy te njete jane as njeri as tjetri nuk vyn asgjê .

[Antimafia]

Njeriu duhet te ket njohuri te pakta, per njerezit dhe per politiken, qe te mos dalloj ndryshimet ndermjet Edi Rames dhe Ilir Metes.

Une personalisht i kam njohur te dy, nga larg, qe prej dy dekadash.


Ilir Meta

eshte perfaqesuesi tipik i atyre provincialeve te kohes se diktatures, te cilet po farketoheshin nga PPSH per te zevendesuar Pali Misken, Lenka Cukon & Co.

Ilir Meta dhe te gjithe si ai, jane rritur dhe kultivuar pa u influencuar nga kultura "dekadente e borgjezise perendimore" ( muzika, filmi, letersia, etc.), por me kenget polifonike skraparlie, me filmat dhe letersine e realizmit socialist.

Ilir Meta dhe te gjithe si ai, nuk kishin nje mendim personal dhe te pavarur, por ate mendim qe lejonte propoganda komuniste pas lavazhit te trurit.

Ilir Meta dhe te gjithe si ai, nuk dinin te luftonin per te qene Nr. 1 (pasi kjo mund te kerkonte edhe kosto), por udhehiqeshin nga parimi: " Qingji urte pi dy nëna, kurse ai zevzek nuk pi as nje"

Ilir Meta pati fatin, qe te jete ne vendin e çudirave (Arnautistan), ne kohen e duhur.
Si rrjedhim u emrua Kryeminister, pa pas punuar as edhe nje dite ne administrate apo ne sektorin privat.

Ilir Meta dhe LSI do jene te lumtur dhe te kenaqur, po futen ne 2009 tre apo kater deputet ne parlament.

---------------------------

Edi Rama

Komplet e kunderta e Ilir Metes dhe e qinra-mijra Ilir Metave shqiptar.
Rrebel, i kulturuar, luftetar, punëtor.

Lufton te jete Nr. 1 dhe nuk i trembet asnje sakrifice per kete.

Edi Rama do te njihet ne histori, si njeriu qe ktheu realisht Partine e Punes ne nje Parti te vertete Socialiste (pothuajse Europiane). Si njeriu qe zevendesoi injorantet, trutharet, kriminelet e PP-s me njerez te kulturuar, kreativ dhe te pa njollosur si Erion Velia & Co.

Sali Berisha dhe Edi Rama me ndryshimin e Kushtetutes, i bene sherbimin me te madh demokracise (foshnje) ne Shqiperi.

Ata zevendesuan nje sistem te deshtuar dhe amoral zgjedhjesh, me sistemin me te mire te mundshem, qe ofrojne demokracite Europiane.

-----------------------------------------------------------------------------------------------
-----------------------------------------------------------------------------------------------



Personalisht shpresoj dhe uroj qe ne 2009 zgjedhjet ti fitoj Sali Berisha, Lul Basha, Sokol Olldashi, Jozefina Topalli, Majlinda Bregu & Co. (arsyet nuk po i shtjelloi ne kete teme).

Por

edhe ne qofte se PD nuk fiton ne 2009, do jem i kenaqur qe tek e fundit kryeminister i Shqiperise, nuk do jete nje fitue llotoje (Nano, Majko, Meta), por nje njeri qe ka dy dekada qe lufton per kete, Edi Rama.





--------------------------------------------------------------------------------------------------------
KUSH NUK E NJEH, VLERESON, RESPEKTON KUNDERSHTARIN,
AI E KA TE HUMBUR BETEJEN.
--------------------------------------------------------------------------------------------------------