Dyqind orgazma në ditë, të shkaktuara nga çfarëdolloj vibrimi i perceptuar: nga kalimi i një treni, nga një tharëse flokësh madje edhe nga zhurma monotone e një makine fotokopjuese. Ky është fati i Sarah Carmen, një 24 vjeçare londineze e sëmurë me "Permanent Sexual Arousal Syndrome" (PSAS) - sëmundje e cila bën shtimin e fluksit të gjakut në organet seksuale. Vajza ka vendosur të dëshmojë historinë e saj në News of the World. "Nganjëherë bëj aq shumë seks sa mërzitem - ka treguar vajza në një intervistë 40 minutëshe, gjatë së cilës ka pasur 5 orgazma - por do të thosha që meshkujt me të cilët shkoj nuk duhet të mundohen shumë me mua, sepse arrij kënaqësinë shumë lehtë".
Sarah ka filluar të vuaje nga kjo sindromë në moshën 19 vjeçare, pasi ka ndjekur një kurë ku ka përdorur disa antidepresive dhe është e bindur se kanë qenë këto ilaçe që në një mënyrë apo në një tjetër i kanë shkaktuar këtë problem. "Vetëm disa javë pasi i kisha marrë ilaçet, fillova të ndjehesha gjithmonë e më shumë e eksituar dhe të kisha orgazma pa fund. Më kujtohet kur isha në shtrat me të dashurin, ishim duke kryer marrëdhënie prej disa orësh dhe ai u habit kur u kujtua se sa herë kisha arritur në orgazëm. Por pastaj, ndodhi edhe pas seksit. Po mendoja për atë që kishim bërë në shtrat dhe fillova të ndjehesha gjithmonë e më e eksituar, deri kur arrita kulmin. Për 6 muaj me radhë kam patur 150 orgazma në ditë dhe tani kam të paktën 200". Sarah Carmen punon si estetiste në një sallon bukurie ku vibrimet e tharëses së flokëve dhe të pajisjeve të tjera të ngjashme shtojnë simptomat e saj.
"Çdo gjë mund të më shkaktojë vibrime të pakontrolluara, duke parë pajisjet që perdor në aktivitetin tim. Disa prej klienteve të mija të zakonshme janë në dijeni të problemit tim, por t'ua shpjegosh klientëve të reja nuk është aspak e lehtë. Ka raste kur jam në mes të punës dhe më vjen një orgazmë dhe, më besoni, është me të vërtetë e sikletshme. Më kujtohet një herë kur nuk mund ta lija dot punën përgjysëm, dhe bëra gjoja sikur më kapi ngërçi në këmbë për të mbytur psherëtimat, deri kur orgazma kaloi. Tashmë koleget e mia e dinë: në qoftë se kollitem dhe vrapoj për në banjë, i sjellin klientes një revistë dhe një filxhan çaj…". Për shoqet e saj, Sarah është shumë me fat, sepse mendojnë se është gjë e mirë pasi ajo ka më shumë orgazma në një ditë sesa ato në një vit, por me familjen e saj vajza nuk ka patur guximin ta diskutojë këtë çështje. "Mamaja dhe babai mendojnë se disa nga sjelljet e mia janë paksa të çuditshme, por besojnë se unë jam hiperaktive". Historia me djalin me të cilin ishte e lidhur, kur zbuloi këtë sëmundje mbaroi pas disa muajsh, por partnerët e saj të ardhshëm e kanë pasur shumë të vështirë të plotësonin dëshirat e saj seksuale.
"Do të doja të kisha një jetë normale, si të gjithë. Gjëja më e sikletshme që më ka ndodhur ka qenë kur pata një orgazmë ndërsa po i përgjigjesha një kërkimi mbi marketingun: m'u desh të ngrihesha dhe t'ia mbathja". Një herë vajza ka marrë pjesë edhe në një mbledhje të "Sex Addicts' Anonymous", e bindur se ishte bërë dipendente ndaj seksit. "Por pasi hyra në atë dhomë, pashë ata njerëz dhe dëgjova historitë e tyre, kuptova që në të vërtetë ato nuk përputheshin me rastin tim. Tani kam arritur në përfundimin se mund të bashkëjetohet me këtë sindromë dhe jam me fat, sepse të gjithë njerëzit janë shumë të sjellshëm me mua dhe e kuptojnë problemin tim".
Postuar më parë nga elsaa
Krijoni Kontakt