Danel Cana

[Ali Baba Tepele]

- SKLLAV I DASHURIS
(këngë)
- Jepi fund beqaris,
djalë o more djalë,
Nuk e sheh se bukuritë,
po të vijnë vërdall!

Hidhe dorën edhe zgjidh,
një mollë të artë!
Koha ta sjell dashurinë,
për jetën dhuratë!

- S’kam besim tek dashuria,
vajzë lule vajzë!
- Do të bindin syt e mija,
djalë o more djalë!

- Dashuria do të thotë,
vajzë lule vajzë!
- Të bën skllav në këtë botë,
djalë more djalë!

Kur bëhen ndjenjat ujem,
djalë more djalë!
- Skllav i saj dua të jem,
vajzë o moj vajzë!
@cana

[Ali Baba Tepele]

- PSE KA DHIMBJE DASHURIA

Kur të thash se unë të dua,
nuk e thash të provokoj!
Se do kurrë kjo zemra ime,
zemrën tënde t’a mashtroj!

Dashuria lind pa pritur,
askush nuk e di se kur!
Por në shpirtin e drobitur,
ajo mbetet e sëmurë!

Pse të vuaj dashuria,
në një shpirt që lulëzon!
A, pa dashur njerëzia,
bën se s’di, e s’e kupton!

Tek njeriu që ke pranë,
shpesh, si duhet nuk e çmon!
Ngrohtësin e saj, me fjalë,
as nuk munden që t’a thonë!

Atëherë kur unë të pyeta,
merr mundimin e më thuaj!
Kur dashuria është jeta,
ajo pse duhet të vuaj!

@cana

[Ali Baba Tepele]

- ME DETIN KËNDOJ

Do të marrë një këngë labe,
iso shokë më mbani!
Do ja hedh deti me valë,
si palë e fustanit!

Treqind palë të fustanellës,
kostumi që dua!
Këngën mbani, bashkë me detin,
këndoni me mua!

Do t’ja themi këngës labe,
iso shokë më mbani!
Kur bashkohen zërat tanë,
frymë merr vatani!

Në kohë të vështira shumë,
labçe është kënduar!
Gjakun kemi derdhur lumë,
por kemi qëndruar!

Brezin kuq e zi e lidhim,
përmbi fustanellë!
Me të shpatën dhe dyfekun,
i kemi mbështjellë!


Edhe valët iso mbajnë,
me detin këndoj!
Kënga labe na mban gjallë,
gjithmon do gjëmoj!
@cana

[Ali Baba Tepele]

- TË KËNDOJ APO TË QAJ

Më mungojnë syt e tua,
shpirtin ma ke bër të vuaj!
Dashuria më tret mua,
të këndoj apo të qaj!

I piva dy a tre gota,
edhe shishen pran e mbaj!
Fare bosh më duket bota,
zëri s’del, lotin s’e mbaj!

Si era më vijnë fjalët,
gjete tjetër më kollaj!
Nga gjoksi do t’më dalë zemra,
kurrë me ndjenjat s’di të luaj!

Meraku më ha për brenda,
buzëqesh e të mos vuaj!
Fjalët e botës të rënda,
si mulliri do ti bluaj!

Rakinë me fund e piva,
edhe shishen pranë e mbaj!
Nuk braktiset dashuria,
ndaj të këndoj, edhe qaj!
@cana