Danel Cana

[Ali Baba Tepele]

- PËR GJUHËN E NËNËS
Arsye të madhe pati Gjergji,
që shqiptarët t'i mblidhte bashkë!
Dhimbjen e kombit ai gjeti,
përçarjet t'i hidhte jashtë!
Gjurmët e Gjergjit ndoqën të tjerë,
që vlerat kombi ti ruaj!
Mos mbetet atdheu pa vlerë,
e gjuhën ta quajn të huaj!
Toka Arbërore gjithmon ka nxjerr,
të fortë që dinë ta mbrojnë!
Gjuhën dhe kombin i shpallën fe,
me 'to armiqtë sulmojnë!
Dhe koha pruri emër të ri,
në emrin e mbretit Agron!
Që gjuhën e njohu thesar, flori,
e shpifjet e tjera thërmon!
Disa e quajtën "gjuhë e perëndis",
kur s'ka një tjetër që ta mund!
Ajo është burim i dituris,
e tjetër nuk gjendet askund!
@cana

[Ali Baba Tepele]

- SI KOMANDON RRUFET

Baba Zeusi, nuk kanë thënë kot,
po ka edhe të pa thëna!
Ta mbrosh të drejtin mbi këtë tokë,
ashtu siç të mbrojti ty nëna!

Kjo fjalë që del nga buzët e mija,
nuk di në është magjike!
Të jetë për njerzimin drejtësia,
një forcë e madhe magnetike!

Vetëm ti e di të vërtetën,
që vuajmë në këtë jetë!
Në mundesh të komandosh të drejtën,
ashtu siç komandon rrufetë!

Mbroje atdheun,shtëpinë tënde të vjetër,
nga dora e zezë e barbaris!
Edhe nëse ndërtove shtëpi tjetër,
është i bekuar pragu i shtëpis!
@cana

[Ali Baba Tepele]

- MËSO Ç’ËSHTË DASHURIA

Thëllëz me pika t'ergjënda,
rritur në malet me pyje!
Këndona siç t'a ka ënda,
udhën do ta shtroj me yje!

Thëllëz e bukur përherë,
që rri në vendet e mija!
Zbrit dhe na mëso njëherë,
ti e di ç’është dashuria!

Ti e di ç’është dashuria,
kur zgjodhe për shok Bilbilë!
Është për zemrën ngrohtësia,
njerzit e kanë humbur fillë!

Pyje dhe male të larta,
vendi im, i përmalluar!
Përqafojnë rrezet e arta,
poshtë burimet e kulluar!

Njerzit e kanë humbur fillë,
ç’është për zemrën ngrohtësia!
Zbrit, së bashku me Bilbilë,
mësoi ç’është dashuria!

Yjet të t’i shtroj në udhë,
një nga një, me dorë të tëra!
Të më ngrij puthja në buzë,
Thëllëz me pendë të ergjënda!
@cana

[Ali Baba Tepele]

- MENDJE DRU

Kjo që shihni në figurë,
s'është fantazi, as pikturë!
Është një vajzë mëndjehu,
shpall martesën me një dru!

Që t'a ndjej vehten të qetë,
i ka sjell dhe një buqetë!
Pema e shkretë nuk ka gojë,
që ta puthë dhe përqafoj!
@cana

[Ali Baba Tepele]

- QAJE PLEQËRIN TËNË

Gjith jetën po këndoj këngë,
më të mirën s'e kam thënë!
Ca pengesa nuk më lënë,
ca fjalë që godisin rëndë!

Punojmë sa për të ngrënë,
djersët i fshijmë me mëngë!
Mundin ne, të tjerët gjënë,
ta ngremë kokën s'na lënë!

Punuam në vendin tënë,
ditën dhe natën me hënë!
Punuam sa për të ngrënë,
pasuri nuk kemi vënë!

Punuam në vendin tënë,
pa pensione na kanë lënë!
Edhe fëmijët që bëmë,
tani vetëm na kanë lënë!
@cana

[Ali Baba Tepele]

- FESTË ARVANITE

Arvanitët kur kërcejnë,
ta ka ënda t'i shikosh!
Gjer në palcë muzikën ndiejnë,
të zien gjaku t'i dëgjosh!

Në valle ngrihen të gjithë,
klarineta fort gjëmon!
Me gjemane e violinë,
kënga, vallet, po ushtojnë!

Dorë për dore njeri-tjetrin,
kapur fort, e s’e lëshojnë!
Herë e mbyllin perimetrin,
herë, pa pritur e zgjerojnë!

Në një ritëm, gjithë kërcejnë,
populloret shumë të bukura!
Djemtë, djersitur, nuk e ndiejnë,
edhe vajzat bel-këputura!

Arvanitët bëjnë festë,
nuk kanë të krahasuar!
Atmosferën flak e ndes,
e gdhijnë duke kënduar!
@cana

[Ali Baba Tepele]

- KU ËSHTË BURRËRIA

Ku shkuan burrat e rëndë,
qylaf bardhë e brez ergjëndë!
Ku shkuan burrat levendë,
në dasma dolli të ngrenë!

Ku shkuan burrat e parë,
fustanell e qylaf bardhë!
Për besën të çanin ballë,
nderin e mbronin me pallë!

Ku shkuan, më grryen marazi,
burra, me kokërr gurmazi!
Burra që vendi i donte,
jepte besën, të nderonte!

Sot erdhën kohë të tjera,
burrat, si lepuj në ferra!
Më keq se femrat, të lyera,
brek dhe poturre të çjerra!
@cana

[Ali Baba Tepele]

- MIKEN E ZURI SEVDAJA

Miken e zuri sevdaja...
Çfarë të bëj t'i dalë sevdaja!
Do t'i puth buzët e saja,
t’i gjerb se s'bënet hataja!

Një si mollë, e një si ftua,
gjoksi jashtë binte lëshuar!
Më shtohej meraku mua,
mos më ftohesh pa mbuluar!

Aman për trupin e bukur,
si sorkadhe jeshe shtrirë!
Buzën përgjysëm të ndukur,
një buzëqeshje të ngrirë!

T’i gjerb se s’bënet hataja,
gjoksi jashtë binte lëshuar!
Si sorkadhe jeshe shtrirë,
mos më ftohesh pa mbuluar!
@cana

[Ali Baba Tepele]

- TESPIET E ARTA

Moj Vasiliqi, moj e bukur femër,
ç'të premtoj Pashai, që ta bindi zemrën?

Ç'të premtoj Pashai, që t'u duk i ri,
të mbuloj me ar, veshur me stoli?

Ç’farë premtimi bëri, që ti nuk e dije!
Tridhet e tre kokrra, shkuar në tespije!

Ç’do kokërr tespije, me ar e peshoje,
për jetën e mbetur, si zonjë të rroje!

Tridhjet e tre arka, vulosur me dyllë,
i pa vetëm nata, mbrojtur nga një yll!

Shtatzania jote Pashain e bindi,
të mbuloj shpenzimet, për vajzën që lindi!

Thesarin e madh, s’e dinin të tërë,
ndaj kokën pashait ja shkuan në satër!

Në satër e shkuan mjekërbardhën kokë,
po thesar e çmuar nuk e gjetën dotë!

Shumë e kërkuan por dot nuk e gjetën,
vetëm kokë e prerë dinte të vërtetën!

Veç koka e prerë, që e mbuloj balta,
as një zë nuk nxjerrin, tespiet e arta!
@cana

[Ali Baba Tepele]

- BILBILI DHE TRËNDAFILJA

Një mëngjes pashë një Bilbil,
lozte me një trëndafil!

Me sqepin e bukur çukit,
e i shprehte dashurinë!

I këndonte këngë plot,
Trëndafilja sikur s’do!

Dridhte e përdridhte fletët,
sytë i kishte tek një tjetër!

Bilbilit këngët i ngrinë,
lodhej kot për dashurinë!

Trëndafile sapo çelur,
më trego se kë ke zgjedhur!

I thoshte Bilbili plotë,
trëndafilja derdhte lotë!

Këngët kurrë s’ju mbaruan,
më në fund u përqafuan!
@cana