Olimpiada Pekin 2008.

[RaPSouL]

Mundësi shqiptar Elis Guri mbylli sot garën, duke qenë fare pranë medaljes së bronxit, në lojrat olimpike që po zhvillohen në Pekin. Guri u eliminua nga mundësi Korean Han Tye Yeong. Guri garoi në peshën 96 kg,në mundje greko-romake.

[RaPSouL]

Imazhe shokuese nga pista olimpike e peshëngritjes, një 24 vjeçar hungarez Janos Baranyai, pjesmarrës në grupin B të peshëngritjes në kategorinë e 77 kilogramëve ka pësuar një dëmtim të rëndë në krahë në momentin që tentonte të ngrinte shtangat. Në ato momente ai është rrëzuar përtokë me krahun e dëmtuar, Baranyai, ishte renditur i 33 në kategorinë e kësaj gare. Ai ka vazhduar të bërtasë nga dhimbjet e tepërta deri sa pranë i ka mbërritur ndihma e shpejtë ku e kane transportuar menjëher në urgjencë, akoma nuk ka asnjë lajm rreth gjëndjes së tij.

[RaPSouL]

Më posht do tju sjell, një statistik momentale reth medaljeve të fituara nga cdo vend, momentalisht kryesojnë nikoqirët pra Kina.

Emrat e vendeve janë në gjuhën Gjermane por besoj se do i kuptoni edhe në bazë të flamujve të cdo vendi.

[RaPSouL]

Poashtu në ditët në vijim do tju sjell edhe një përmbledhje qe do ta përkthej nga gjuha gjermane reth kësaj Olimpiade që po zhvillohet.

[KOKASHTA]

Me kan pelqyer shume gjinastet kineze si ne grup ashtu edhe ai le ne individual. megjithmend shum perfekte.

Bravo kina. Shume e vendosme per te dale fitimtare e ketyre lojrave, megjithese mendoj qe Amerika do afrohet shume ne atletike.

[RaPSouL]

Amerikani Michael Phelps siguroi sot medaljen e shtatë në Lojërat Olimpike të Pekinit duke kapur rekordin e legjendës së notit, Mark Spitz. Amerikani Spitz në olimpiadën e Mynihut në vitin 1972 morri 7 medalje të arta, duke qenë kështu rekordi më i lartë i medaljeve për një sportist në një Olimpiadë. Por ekipi serb protestoi kundër rezultatit të finales së sotme të notit për meshkuj, 100 metra në stilin flutur, ku Milorad Cavic u mund për 0,01 sekonda nga fenomeni amerikan Michael Phelps, por kjo protestë u hodh poshtë nga Federata Ndërkombëtare e Notit, FINA. Phelps arriti kohën prej 50,58 sekondash dhe mundi Cavic në pashin e fundit. Zyrtarë të ekipit olimpik serb besojnë se Cavic ka prekur i pari finishin dhe se sistemi i matjes mund të mos ketë funksionuar mirë, por gjyqtari i garës Ben Ekumbo deklaroi se rezultati ishte i vlefshëm."Unë nuk e dija që kishte protestë për një gjë të tillë. Kjo është hera e parë që dëgjoj të flitet për këtë gjë", u shpreh Phelps gjatë një konference për shtyp. "Sistemi matës e bëri të qartë gjithçka. Nuk kam dëgjuar kurrrë për ndonjë mosfunksionim të sistemit që mat kohët në finish", shtoi ai. Cavic pas disa acarimeve, u shpreh se nuk donte ta realizonte protestën. Cavic iu shmang përgjigjes së pyetjes nëse e konsideronte Phelps-in fitues të medaljes së artë. ''Nëse do të përballeshim përsëri, unë do të fitoja", tha ai.

[KOKASHTA]

Mua mu duk sikur e preku ai tjetri i pari finishin dhe jo felp, megjithate pak rendesi ka sepse ata duhet ti kene finishe elektronike. Ky Phelps eshte ufo ne not me pak fjale. Ne 7 gara ka marre 7 medalje te arta dhe ne te 7-ta garat ka thyer rekordet ( ose olimpik ose boteror)
Per tu permendur sot eshte skualifikimi i ekipit te futbollit te Italise me belgjiken dhe mbarimin e gares se 100 m per meshkuj ku Xhamajkani BOLT ishte aq i shpejte sa ne finish ndaloi vrullin disi duke pershendetur publikun dhe prap se prap theu rekordin boteror te cilin e kishte vene vete.

[Ribery]

Ky Phelps eshte gjeni i vertete.Do te mbetet idhull pergjithmone, dhe definitivisht ky eshte mbreti i kesaj Olimpiade.
Shpresoj qe edhe neser te triumfoj SHBA ne 4 X 200m , dhe Phelps ta realizoj endrren e tij, duke fituar tete medale olympike

[RaPSouL]

Xhamajkani Usain Bolt është njeriu më i shpejtë në botë. Në "garën e shekullit" siç u quajt ajo në 100m, ai mori fitoren duke kaluar këtë distancë për 9.69 sekonda, që është koha më e shpejtë në historinë e këtij sporti. Në vend të dytë u radhit atleti nga Trinidadi dhe Tobago, Riçard Thomson, ndërsa i treti ishte amerikani Walter Diks.

[RaPSouL]

Notuesja nga Britania e Madhe Rebeka Adlington, mori medaljen e artë dhe they rekordin më të vjetër botëror në garën e 800 metrave not i lirë.Ajo këtë garë e përfundoi me kohë prej 8 minuta, 14 sekonda dhe 10 të qindtat, që ishte për 2 sekonda më shpejtë se sa rekordi i mëparshëm i vënë nga amerikanja Xhanet Evans në vitin 1989.

[RaPSouL]

Kristi Koventri nga Zimbabve mori medaljen e artë në disiplinën 200 metra not në shpinë, duke vënë rekord të ri botëror me kohë prej 2 minutave, 5 sekondave dhe 24 të qindtave, duke lënë pas saj amerikanen Margaret Hoelcer.

Në garën më të shkurt, 50m not të lirë, braziliani Cesar Kielo Filho me kohë prej 21 sekonda dhe 30 të qindtat mori medaljen e artë duke vënë rekord të ri olimpik. Pas tij u renditën notuesit nga Franca, Amari Levo dhe Alen Bernar.

[RaPSouL]

Askush në botë, nuk ka marrë 8 medalje ari në një edicion të lojrave Olimpike. Që nga dita e sotme historia e medaljeve të arit në not, fshin emrin e Mark Spiltz dhe shkruan Majkëll Felps. Notari amerikan, vetëm 23 vjec, arrin të thyejë rekordin e 7 medaljeve të Mark Spiltz dhe të vendosë rekordin e tij të ri, i cili nuk dihet se kur mund të mundet. Felps fitoi sot medaljen e 8- të të artë në not në garën 4 herë 100 stil i përzier. Skuadra amerikane ((Aaron Peirsol, Brendan Hansen, Majkëll Felps dhe Xheson Lezak) fituan garën në kohën 3’29’’34, rekord i ri botëror duke thyer rekordin e arritur në Athinë me kohën 2’ 30’’ 68’’.

[KOKASHTA]

Hallall buka qe ha.
Eshte nje notar i madh. Duhet permendur qe pervec 8 medaljeve ne cdo gare ka thyer ose rekodin boteror ose rekordin olimpik. Duket qe eshte shume i pregatitur dhe i uritur per fitore dhe thyerje rekordesh. Me pak fjale eshte nje talent!

[RaPSouL]

Po të analizosh mirë deklaratat e fundit të presidentit të Komitetit Olimpik Ndërkombëtar, pas shumë rasteve të dopingut që u zbuluan pak kohë më parë, kuptohet qartë se kjo është një strategji e menduar mirë: të pastrosh sportin në të gjithë nivelet dhe disiplinat e tij.

Të martën më 17 qershor, skuadra greke e peshëngritjes u përgjysmua, Njëmbëdhjetë atletë u skualifikuan për dy vjet, sipas disa kontrolleve të befasishme nga ana e Federatës Ndërkombëtare. Të premten, më 27 qershor, Ouyang Kunpeng, pjestar i ekipit kinez të notit, u skualifikua për jetë nga federata e tij. Po atë ditë, Bullgaria tërheq nga lojrat olimpike të gjithë skuadrën e saj të peshëngritjes, pasi njëmbëdhjetë atletë rezultuan pozitiv ndaj testit të dopingut. Të mërkurën më datë 2 korrik, Kina skualifikon përjetë sportistin Luo Meng, pasi edhe ai rezulton pozitiv.

Të premten më datë 11 korrik, edhe sportisti grek, Dimitrios Regas, skualifikohet për të njëjtat arsye. Të enjten më 17 korrik skualifikohet edhe çiklisti italian Ricardo Riko në Turin e Francës. Të enjten e 24 korrikut, një tjetër viktimë e dopingut, notaria e talentuar amerikane Xhesika Hardi.

Të hënën më 28 korrik, çiklistia Marta Bastianeli. Të martën e 29 korrikut skualifikohet nga Olimpiadat edhe Xhulien Danklei, vrapues xhamaikan. Të enjten më datë 31 korrik, shtatë atlete ruse, ndër të cilat Elena Soboleva, e favorizuar në 800 dhe 1500 metra, skualifikohen për përdorim të substancave të ndaluara. Po atë ditë, Komiteti Olimpik rumun përjashton dy kampione nga skuadra e atletikës. Të premten më datë 1 gusht, skualifikohet edhe italiani Andrea Baldini. Të martën më datë 5 gusht, notari italian Federiko Turini rezulton pozitiv dhe përjashtohet për dy vjet. Po atë të martë të pesë gushtit, tre vrapues rusë, ndër të cilët edhe Vladimir Kanaykin, i favorizuar për 50 kilometrat e Pekinit, skualifikohen për abuzim me substanca të ndaluara.

Plot pesëdhjet ditë, të cilat duken si një fushatë luftarake kundra dopingut. Dhe me këtë fitore të madhe, numri një i Komitetit Olimpik Ndërkombëtar shkoi në Kinë, duke deklaruar se lufta kishte përfunduar. Gjatë lojrave do të bëhen në total 4500 teste antidoping (katër vjet më parë në Sidnei u bënë vetëm 3700), 200 kontrolle në ditë, të cilat do të bëhen nga 41 skuadrat e specialistëve, ku secila prej tyre do të ketë në dispozicion dy laboratorë të gatshëm për të dhënë rezultatet negative në 24 orë dhe ato pozitive në 48 orë. Janë plot 40 sportistët që rezultuan pozitivë ndaj testeve antidopng përpara olimpiadave.

Një numër i konsiderueshëm. Për t‘i bërë të kuptonte se si do të ishte në Pekin, inspektorët e "Wada", agjencia botërore antidoping, trokitën edhe në dyert e kampionit të freskët të Turit të Francës, Karlos Sastre. Pra me pak fjalë, hileqarët në këto Olimpiada e kanë pasur disi të vështirë të bëjnë përpara. Drejtori i ekipit të mjekëve, Patrik Skamask, duket optimist për zhvillimin e mbarë të lojrave, pasi shumica e atyre që përdornin substancat e ndaluara tashmë janë zbuluar. Dhe shprehet se në lojën me macen dhe miun, për herë të parë macja po ndodhet në nivel të barabartë me atë të miut. Një nga "macet" më të mira në qarkullim është padyshim Françesko Botre, 43 vjeç, kimikant dhe farmaceutist, shefi i "Waads", struktura që drejton laboratorët e "Wada-s". Botre ka thënë se sektori i tyre ka bërë përparime këtë vitin e fundit në luftën ndaj përdorimit të substancave të ndaluara nga ana e sportistëve anembanë botës. Por gjithsesi, pranon se jo gjithçka është e lehtë pasi ata e dinë se çfarë bëjnë këto agjenci dhe agjencitë nuk dinë gjithçka se çfarë bëjnë sportistët. Sepse nëse ata gjejnë një substancë të re të ndaluar, nuk është se e publikojnë atë në një revistë shkencore ose dërgojnë informacionin në kongres dhe më pas të bëhet publik. Por gjithsesi doping në një sport është si një rekord, herët a vonë do të thyhet. Tashmë shkencëtarët dhe mjekët po përmirësojnë efikasitetin e analizave, duke bërë të dukshme substanca që më parë nuk mund t‘i gjenin.

Nuk ekzistojnë substanca të cilat nuk mund të zbulohen kurrë. Të paktën sot, 95 përqind e kontrolleve janë efikasë, ndërsa atletët fitimtarë natyrisht që mbesin në këtë 5 përqindësh, por gjithsesi shkencëtarët nuk qëndrojnë duarkryq. Dhe historia i jep të drejtë. Që nga kohërat e Dorando Petrit dhe deri te Rikardo riko, progresi i shkencëtarëve ka qenë i konsiderueshëm. Ka ndodhur që në vitin 1908, kur Petri mori pjesë në maratonën e paharrueshme të Londrës dhe më pas rezulton pozitiv ndaj një substance të quajtur strikninë, e cila pihet me një pije alkolike. Ndodhi edhe me anfetaminat e Edi Merks në garën e Italisë në vitin 1969, steroidet e Ben Xhonson në 100 metrat e Seulit në vitin 1988, efedrina e Diego Armando Maradonës në SHBA në vitin 1994 dhe të tjerë me radhë. Të gjitha barriera të reja të destinuara që të nesërmen të vjetërsohen. Do të mjaftonte Turi i Francës së kësaj vere ku rezultuan pozitivë italianët Rikardo Riko dhe Emanuele Sela, që të flitet për një lloj misterioz pilule nga SHBA ose për dopingun gjenetik.

Pra nuk duhet shumë për të kuptuar se doping është i destinuar të thyhet një ditë. Por ka edhe nga ata që janë skeptik për të ashtuquajturën strategji antidoping. Pasi mendojnë se edhe rastet e evidentuara tashmë kanë qenë për shkak të testeve të befasishme përpara garave.

Në këtë rast nuk mund të quhet strategji e luftës antidoping, por një gabim i atletit i cili mendonte se do të ishte pastruar në një datë të caktuar. Pra ndoshta është rastësi.

Ndoshta do të ishte mirë që metoda antidoping e zbatuar në rastin e Turit të Francës të zbatohet edhe gjatë stërvitjes së atletëve, pra jo vetëm përpara garave. Nuk mund të hidhet poshtë edhe teoria e korrupsionit nga ana e mjekëve. Të paktën për këtë askush nuk mund të jetë plotësisht i sigurt.

[RaPSouL]

Poashtu Nadal, fiton medaljen e artë në tennis, në këtë olimpiadë që po zhvillohet. Ai fitoi ndeshjen finale kundër Fernando Gonzalez me rezultat të përgjithshëm në sete 3-0.

Ishte një ndeshje plotësisht e dominuar nga Nadal, dhe pa asnjë dyshim ky i fundit e meritoi këtë medalje, në një ndeshje fantastike që shikuam.



Rapsoul

[KOKASHTA]

Me behet qejfi per kete.
Eshte megjithmend nje talent ky.

[BlooD_VenoM]

Bravo Phelps....

[KOKASHTA]

Merdhi keq per ate BOLT ne garen e 200 m sepse u demtua ne cerekfinale.
Garen e pare prap doli i pari dhe e mbylli garen duke dhuruar spektakel dhe duke pershendetur tifozet.

[besa.a.best]

Shume e vertet Rapsoul.

Rafael Nadal ka fituar medaljen e arit ne tenis per meshkuj ne Pekin 2008, duke i dhene fund ne te njejten kohe mbreterimit me shume se kater vjecar te Roxher Federer ne krye te renditjes boterore. Spanjolli, i cili gjate vitit kishte fituar turnete e rendesishem Roland Garros dhe Wimbledon mundi ne finale ne tre sete 6-3 7-6 6-3 tenistin nga Kili, Fernando Gonzalez, duke u bere spanjolli i pare qe fiton medaljen e arte ne tenis ne historine e Lojrave Olimpike.

Nadal ka dominuar thuajse gjithe takimin dhe ka hasur veshtiresi vetem ne setin e dyte, kur Gonzales kaloi ne avantazh 5-2 me gejme. Megjithate, 22-vjecari spanjoll arriti te rekuperonte dhe te fitonte perseri 6-3 setin e trete. Kjo eshte medalja e pare e arte per Nadal, nderkohe qe medalja e argjendit u fitua nga kundershtari i tij ne finale Gonzales. Medalja e bronzit ne tenis per meshkuj u fitua nga serbi Novak Djokovic qe mundi amerikanin James Blake .

[RaPSouL]

25 vjeçari Irving Saladin mori medalje të artë me kërcimin 8,34 metra në finalen e Lojërave Olimpike. Kampioni botëror në këtë disiplinë vërtetoi epitetin e favoritit dhe vendit të tij i solli gëzim të pritur gjatë kohë.

"Mezi pres të mësoj se çfarë atmosfere është krijuar në Panama. Të jesh kampion bote, nuk mund të krahasohet me suksesin në Olimpiadë, e cila është ëndërr e çdo sportisti", ka deklaruar Saladin, rezultati i të cilit në Pekin, megjithatë është më i dobët se ato të cilët jemi mësuar t'i shohim në kompeticione të mëdha.

Bëhet fjalë për atletin që e shihni më posht në foto.