Ari

[RaPSouL]

Asnjë substancë ose send nuk ka patur sukses kaq të madh sa Ari në histori. Ai është gjendur në varret e mbretërve të parë, në stolitë e ndryshme dhe sot në kohët moderne gjendet në qarqet elektrikë.

Ari është gjithashtu në qendër të investimeve. Në muajin mars arriti vlerën e 1000 dollarëve për një onc nga 680 që ishte një vit më parë dhe 350 $ pesë vjet më parë.

Në fakt, ari nuk ka qenë gjithmonë një investim i mirë afatgjatë, pasi çmimi e tij ka lëvizur shumë shpejt brenda një kohe të shkurtër duke bërë që disa investitorë të pësojnë humbje të medha.

“Ari është një investim shumë i rrezikshëm, çmimi mund të rritet por edhe të bjerë shumë shpejt”- tha Franklin Allen, profesor finance.

Përveç stolive në ar, për amerikanët ka qenë e ndalur mbajtja e arit nga viti 1933 në 1975. Kur u hoq kjo barrierë, qeveria vendosi një çmim fillestar 35$ për onc. Për shumë vite pas 1975-ës ishte shumë e vështirë për investitorët e thjeshtë të tregtonin ar.

Në ditën e sotme, investimi në ar është shumë i thjeshtë. Mjafton të blesh aksione të kompanive që merren me tregtimin e tij.

Disa kompani si Perth Mint nga Australia, shesin ar te investitorët e vegjël në formën e certifikatave, nëpërmjet brokerave që gjenden lehtësisht online.

Investitorët mund të futen në tregun e arit edhe duke blerë aksione të minierave të arit nëpërmjet internetit.

Për shumë njerëz, çmimet e larta të arit janë një shtysë për të shitur stolitë e vjetra të dala nga moda. Interneti është një mundësi e mirë për të gjetur një blerës.

Kompani të tilla si Lippincott, LLC bëjnë reklamë të madhe në televizion dhe internet për blerjen e stolive të vjetra në ar. Në programin e saj GoldKit, Lippincoot pranon të marrë me postë një objekt në Ar. Ata e vlerësojnë objektin dhe i dërgojnë shitësit një çek. Lippincott paguan për transportin dhe sigurimin e postës, dhe për shtiesin e objektit në ar çdo gjë është pa pagesë. Ata shitës që nuk kënaqen me çmimin që ofron Lippincott mund të kërkojnë kthimin mbrapsht të objektit dhe përsëri e gjitha kjo, si transporti dhe sigurimi i objektit bëhet nga vetë kompania.

Një luftë e madhe po bëhet në internet edhe për blerjen e domaineve me fjalën Ar (Gold). Por sipas specialistëve të suksesshmit do të jenë ata që blejnë domaine për objekte ari.

Megjithëse në bursa ari kategorizohet si mall, ai nuk ka të njëjtën sjellje si mallrat e tjera, nafta apo gruri.

Më shumë se 70% e arit që del nga minierat shkon për stoli, të cilat kanë rënie të theksuar të shitjeve nëse shtrëngohen paratë ose ka krizë financiare. Pjesa tjetër prej 30% përdoret në qarqet elektrikë ose për qëllime të tjera industriale.



Burimi