Politike-berja e re dhe alternativat ne Shqiperi

[Duaje Siveten]

Erion Veliaj ... duhet të zgjedhë një nga dy përcaktimet për veten: Ose agjent i paguar i shërbimit sekret grek EYP, ose “G”-në përkatëse në sistemin ndërkombëtar të klasifikimit të sëmundjeve nervore.

keq nuk thua ti mo ... perse mos te kene edhe nje agjent tjater te pague nga ata greket ne Shqiperi?

ose

perkatesi ne sistemin nderkombetar te semundjeve nervore?

Ne kete situat ... (duhet mpreh ajo shpat ...), krahasimi me saliun eshte adekuat, rivalitet agjentesh, te semureve mendore, ose te te dy rasteve, marre se bashku!

[DJAL_BERATI]

eshte e habiteshme mbase dhe reale qe shqipetaret te gjykojne keshtu per nje dicka te re qe kercenon rrezikshem politiken e kalbur dhe korruptive te sistemit tone politik por ska gje une shpresoj qe asnje nga shqipetaret qe ka shkruar ne kete faqe te mos kete shkruajtur me emocione politike te kohes se "xhaxhit te ri" dhe njeheresh shpresoj qe te mos jene aq mosbesues ne faktin qe shqipetaret do ta bejne shqiperine dhe jo agjentet e ketij apo atij shtet.

[qafezezi]

Pse nuk i bashkohet ndonje force te madhe polituike kjo G 99, apo duan te behen te gjithe kryetare shqiptaret?
Po doni te beni dicka per Shqiperine bashkohuni me Berishen dhe ndihmojeni ate ne luften kunder korrupsionit, ne luften per progres.

[Duaje Siveten]

Sot, Thursday, 08 May 2008

Shqipëria - 17 vjet peng
nga gangot e korruptuar të politikës dhe të pushtetit

Nga Përparim HALILI

Që administrata dhe qeverisja shqiptare, ka ecur nëpër një linjë të plotë e të konfirmuar korrupsioni, kjo nuk ka më asnjë dyshim. Eshtë folur dhe argumentuar shpesh, jo vetëm nga mediat shqiptare, por dhe nga ato ndërkombëtare, madje edhe nga institucionet publike, ekonomike e financiare ndërkombëtare, për faktin e pamohueshëm, që politikanët dhe qeveritarët shqiptarë kanë dhënë prova të plota korrupsioni dhe bashkëpunimi me të, madje edhe në shumë trafiqe të të gjithë llojeve.

Kjo politikë dhe qeverisje korruptive e të gjithë ngjyrave të pushteteve, nuk është frenuar,përkundrazi ka patur aktivitet të plotë dhe gjithëpërfshirës, sidomos i drejtuar jo vetëm nga kokat e qeverisjeve, të pushtetit dhe të shtetit, por dhe nga klane e grupe mafioze të lidhur me to. Ky korrupsion, ka përfshirë gjithë nivelet e administratës shtetërore, të gjyqësorit, të pushtetit lokal etj.

Institucionet ndërkombëtare të specializuara në fushën anti-korrupsion dhe në vëzhgimet e testimet për këto probleme, e kanë renditur shpesh Shqipërinë në vendet “VIP” për nivelin e lartë të korrupsionit dhe organzimin e tij, në mënyrë të hapur e të lirëshme. Madje edhe të pashqetësuar nga qeverisjet, nga shteti dhe nga drejtësia. Ky tregues korrupsioni, ka nisur që në vitin 1991, kur qeveria e Fatos Nanos, u akuza për shpërdorim dhe përvehtësim të ndihmave humanitare, të ardhura nga vendet perëndimore, për të shkak të krizës social-ekonomike që shpërthyen në Shqipëri, pas ndryshimit të sistemit politiko-ekonomik. Duke regjistruar më pas, me ardhjen e pushtetit absolut të Sali Berishës, arrestimin dhe burgosjen e kreut të PS, zotit Nano.

Mirëpo “burgu” i Nanos, nuk ishte bllokazh për pushtetin dhe shtetarët e PD e të Berishës, mbasi korrupsioni gjatë këtij pushteti, u ngrit në sistem politik, shoqëror e administrativ, duke u bërë mundësi dhe ‘simbol” i qartë dhe i plotë përfitimesh financiare.

Sinjalin e parë të vazhdimit të korrupsionit e dha dekreti i Berishës president, për verfikimin e pasurive të ish-koopertivave bujqësore, verifikim që jo vetëm nuk u bë asnjeherë, por ata që komandonin pasuritë kolektive të këtij sektori me 65% përfshirje të ekonomisë, u bënë pjesë aktive dhe drejtuese e politikës. Dhe pikërisht nga këto pasuri, ata nisën rrugën e pasurimit të tyre të paligjshëm. Në vitet 1992-1997, kur vendin e drejtoi “Sulltan Berisha i Parë”, korrupsioni u bë pjesë domuninuese e administratës. Ministra të qeverisjes u përfshinë në akte të dukëshme e të rënda korruptimi, deri në krime. Madje, sipas parimit të Berishës, fytyra e zezë e këtij korrupsioni, u motivua, u parfumos dhe u maskua pas parullës së bandës së hajdutëve në pushtet; “Me ne fitojnë të gjithë”. Nën këtë parullë, u ngritën piramidat, të cilat ishin një gropë e zezë, që fundosi jo vetëm sistemin bankar shqiptar, por edhe shqiptarët, duke i zhytur në një lojë mashtruese, që u shkatërroi jetën dhe ekonominë private, të sapo nisur.

Ne kujtojmë aferën e eksportit të drurit të arës, të Genc Rulit. Kujtojmë firmën “Shqiponja” të karburanteve që ngriti PD dhe Berisha, nëpërmjet të cilës zhvillonte kontrabandën e hapur të grupit të tij në këtë parti, duke shkelur edhe embargon e vendosur nga SHBA ndaj Serbisë, duke e furnizuar makinën ushtarake anti-shqiptare, me hidrokarbure. Kujtojmë, skandalin “Arsidi”, ndaj të cilit Berisha president, akordoi edhe dekoratë “nderi”.

Normalisht, ai pushtet, pati një kalendar dhe ditar të ngarkuar me data, me episode dhe akte korruptimi, ku ndër më tronditësit dhe shkatërruesit jo për fondet publike, por për shqiptarët, mbetet skandali i grabitjes së tokave dhe trojeve, prej kastës së politikanëve të të gjithë krahëve dhe veçanërisht, prej klikës në pushtet.

Pushteti i kohës së piramidave, dëshmoi me fakte se kishte si qëllim dhe bazament, vetëm korrupsionin, vetëm përfitimin e atyre që drejtuan ministri, drejtori, institucione, shërbime publike, pushtetin lokal, shtetin drejtësinë. Këtë natyrë, këtë pamje pati dhe pushteti i ndotur deri në fyt i PS, në 8 vitet e tij, bërë ky korrupsion prej shtetarëve, prej të cilëve u zhvatën miliona dollarë, u zhvatën mijëra hektarë troje e prona publike, duke u tjetërsuar në pasuri për njerëzit e pushtetit dhe të politikës.

Kujtojmë skandalin e vjedhjes së thesarit të shtetit, që ka ndodhur vetëm në Shqipëri. Kujtojmë skandalin e fondeve publike me tenderin 800 milion dollarë në Telecom, tenderin e pasaportave, tenderin e ushqimeve dhe veshjeve në ushtri, tenderin e automjeteve në kuvendin e Shqipërisë, tenderin e riparimit të automjeteve të policisë së shtetit. Kurdoherë në 8 vitet e qeverisës së PS, janë regjistruar e janë publikuar skandale të rënda ekonomiko-financaire. Për të gjitha këto, nuk ka patur asnjë ndëshkim qeveritari, politikani, apo zyrtari VIP, por vetëm largime nga puna, të disa zyrtarëve “guralecë” nëpër komuna e bashki, apo në ministrira, ndaj të cilëve pati vetëm bujë dhe asnjë qëndrim e asnjë veprim ligjor.

Ndërsa “peshqit” e mëdhenj vazhduan dhe vazhdojnë të “notojnë” në pellgun e korrupsionit edhe kur ishin në pozitë edhe kur ishin në pozitë, duke bashkëvepruar dhe luajtur përpara shqiptarëve një “ballo” me maska në “luftën kundër korrupsionit” dhe në gjoja zbatim të ligjit. Të gjithë kemi ndjekur këto 17 vjet, “përleshjet anti-korrupsion” mes palëve majtas e djathtas. Por asnjë nuk ka dalë në pranga prej parlamentit, asnjë nuk ka dalë në pranga prej zyrës së ministrit, të kreut të gjykatës, të kreut të shtetit e të pushtetit.

Ne kujtojmë “luftën e paepur e pa kompromis”, por fiktive, që ka bërë kundër korrupsionit, njeriu i “fjalës së nderit”, ish-presidenti i Republikës Sali Berisha, ish-kreu i opozitës Sali Berisha dhe tashmë, kreu i qeverisë shqiptare “i duarve të pastra” po Sali Berisha. Me letra në dorë, me faqe gazetash të tijat, me mitingje dhe protesta, me postera kartoni sa një faqe muri, me karrikatura e citate të “egra”, Sali Berisha ulëriu për 8 vjet, duke akuzuar me fakte socialistët për akte korruptive, për krime njerëzore, për lidhje të forta me mafien, për drejtim grupesh mafioze, për trafik femrash e droge, për vjedhje tenderash, për vjedhje taksash, për udhëtime milionëshe në botë për qejfe e pazare, për shkollim të fëmijëve në univesristet e botës me çmime tepër të larta e me jetë luksoze.

Ndërsa pas ardhjes në pushtet “armiku i korrupsionit” zoti Berisha, megjithëse ka në dorë “pushkën” e kreut të qeverisë, jo vetëm që nuk po lufton këto raste, jo vetëm që nuk po i çon përpara drejtësisë, por as nuk i zë më në gojë, madje ka lidhur duart fortë, me klanet e “Zemunit”, me “mumuthët” e korrupsionit, me hajdutët e liçensave dhe lejeve të ndërtimit. Politika dhe qeverisjet shqiptare të këtyre 17 vjetëve, janë shoqëruar nga skandale të rënda ligjore, ekonomike, financiare, sociale, politike etj. Këto skandale kanë “dalë” nga skutat e zyrave dhe qëndrimeve të njerëzve me pushtet të lartë, të mesëm e deri të ulët. Janë bërë edhe publike në media e në parlament, por nuk janë ndëshkuar prej ligjit, nuk janë dërguar për zbardhje dhe gjykim.

Në “epokën” e qeverisjes së PS dhe koalicionit të saj të majtë, u regjistruan afro 300 skandale, 120 prej të cilëve janë regjistruar si skandale të rënda, që “gëlltitën” miliona dollarë dhe euro nga fondet publike, nga taksat e shqiptarëve dhe nga financimet ndërkombëtare, akorduar për projekte të ndryshem në rrugë, arsim, shëndetësi, ushtri, kulturë, transport, sistem banker, telekom etj. Edhe pse këto skandale, janë në dosjet e administratës dhe qeverisë shqiptare, edhe pse janë në sirtarët e shtetit, të pushtetit dhe drejtësisë, nuk u bënë dhe nuk po bëhen objekt zbardhjeje dhe gjykimi prej drejtësisë, mbasi kjo drejtësi, siç dihet ka qënë dhe vazhdon të jetë “peng”, vazhdon të jetë skllave e politikës dhe e pushtetit.

Klanet, grupet dhe individët e korrupsionit, vazhdojnë të jenë së bashku në parlament, në opozitë dhe në qeveri, në shtet dhe në pushtet, në afera dhe përfitime, natyrisht edhe bëjnë “luftën” nga transhe të ndryshme kundër korrupsionit, duke sulmuar njeri-tjetrin me fjalime dhe copëra letrash, të cilat tunden në parlmanet, por çohen dhe nuk ekzekutohen me ndëshkim sipas ligjit.

Dhe kështu, gangot që komandojnë pushtetin dhe politikën, vazhdojnë të shijojnë të qetë jetën e tyre luksoze, llogaritë bankare, makinat, vilat, plazhet dhe gjithçka të cilën e kanë siguruar nga përfitimet korruptive, prej shfrytëzimit të posteve. Dhe të gjithë bërtasin e ngjiren: Ka korrupsion, do ta luftojmë. Po kush e bënë korrupsionin? Mos vallë, ata që jetojnë me asistencë, mos vallë ata që kërkojnë punë rrugëve, apo ata që shesin fara në troturare?!