Policia austriake ka liruar gruan nga babai për të cilin dyshohet se 24 vjet e ka mbajtur rob në bodrum të shtëpisë së tyre dhe si rrjedhojë është bërë baba i shtatë fëmijëve të saj, transmetojnë mediat austriake.
Siç njofton “Sky News”, gruaja e zënë rob - Elisabeth F, e cila është konsideruar si e zhdukur që prej vitit 1984, tani ka 42 vjet. Policia pohon se ky rast është zbuluar kur fëmija më i moshuar nga shtatë fëmijët, vajza 19-vjeçare, është gjetur e vetme në shtëpinë e të dyshuarit. Vajza tani gjendet në spitalin e qytetit Amstetten në jug të Austrisë dhe, siç pohojnë zyrtarët e policisë, është në gjendje kritike.
Policia gjithashtu i ka rënë në gjurmë nënës dhe fëmijëve tjerë të cilët tani gjenden në duart e policisë lokale për hulumtime të mëtutjeshme.
Besohet se mashkulli i dyshuar për këtë krim të tmerrshëm është një 73 vjeçar. ( telegrafi)
Krijoni Kontakt