Fushata zgjedhore 2009

[Brari]

marangoz mo u bej demagoz..

njerzit e enver hoxhes ndac te ri ndac te vjeter nuk sjellin demokraci.. por varferi poshtersi krime e gulage..

pra sala nuk eshte ne ate liste o shoku kozi .. sepse sala eshte ai.. demokraci sjellesi i guximshem qe beri ate qe nuk e bem dot ne tjeret..


ajo zonja qe thot rrumpalle.. nuk ben asnje paudhesi or goz ..
vetem se etiketon pallavrat e edvinit me shpikjen e edvinit sic eshte termi rrumpalle qe u fut ne fjalorin e pasur anti berish te ps-se pikerisht nga ki edvinua yt..
pra mo e nga kot ate zonjen..
dhe ne fund.. shqiperia nuk eshte mjere se ne krye te qeverris ka nje puntor te madh.. ka sjellsin e demokracise.. ka ate qe e meriton te jet aty..
apo doni altin arapin ju e luiz caushe vampiren..

votoni e vereni po doni dhe orikun shyto zabit te na qeverrise..

[MICHI]

Brari mos amon mos qit shkrime tilla per ramen se do rrebelohen ca pas ardhes te klikes ktu ne forum.

[Antimafia]

Armiqësia e mikut të Ramës, Arthur J. Finkelstein, me çiftin Klinton rresikon mbështetjen amerikane për socialistët.

Homoseksuali drejtues i fushatës së socialistëve, dy libra kundër çiftit Klinton

Edi Rama prej disa ditësh është duke u ndjerë në vështirësi përpara situatës së re të krijuar në politikën ndërkombëtare me ndryshimin e raporteve pas ardhjes në pushtet të demokratëve. Me ardhjen në pushtet të Obamës, socialistët menduan se tashmë do të kenë përkrahjen maksimale nga SHBA, për arsye se një nga sponsorët më të rëndësishëm të presidentit amerikan është George Soros i cili sponsorizon edhe karrierën politike të Edi Ramës. Në fakt, gjatë gjithë periudhës kur Obama kurorëzoi fitoren e tij deri në kurorëzimin e fronit para tre ditësh, socialistët me Edi Ramën në krye patën një ngritje adrenaline të cilën e mediatizuan në përmjet mediave të tyre, të cilat nuk lanë rast pa nxjerrë Edi Ramën si produkt të politikës demokrate me erën Obama. Edi Rama arriti deri në atë pikë sa deklaroi se amerikanët u ndanë nga politika e vjetër duke përbuzur paraardhësin e Obamës, George W. Bush.

Së bashku me kamikazin e tij të bindur dhe të përulur Edi Rama nuk la moment pa i bërë reklamë vetes nën emrin e Obamës. Por, ditën e kurorëzimit të fronit euforia Rama u shua dhe bashkë me euforinë Rama u shua dhe euforia Veliaj i cili trumbetoi para mediave se do i dhuronte presidentit Obama librin e përkthyer në shqip me financimin e ambasadës amerikane. Gjithë demagogjia mediatike e ngritur me aq mund u shemb brenda natës së hipjes në fronin e presidentit të Obamës. Edi Rama nuk ishte në gjendje të shkonte në Capitol, Erion Veliaj pati fatin e keq të mos dhuronte librin dhe për më shumë ishte në një pozicion për të ardhur keq midis 2.5 milionë amerikanëve. Deficenca e lejfenit Veliaj prodhoi zhgënjimin Rama. Shqiptarët panë me sytë e tyre se fushata mediatike Rama për miqësi me Obamën, ishte një fiasko dhe kryesocialisti i shqiptarëve ngeli lakuriq si mbreti me rrobaqepësit. Kulmi i dëshpërimit Rama u pasqyrua me karshillëkun që ky i fundit i bëri inaugurimit të presidentit Obama duke dalë në emisionin “Pesë pyetje nga Babaramo” për të sqaruar strategjitë e tij politike tashmë të dështuara. Atë ditë as ai dhe as formacioni politik PS nuk e përshëndetën Obamën, për tu kujtuar një ditë më pas kur gazeta SOT e bëri evident këtë fakt para lexuesve të saj. Të nesërmen, nëpërmjet një konference për shtyp në mënyrë të sforcuar Edi Rama nuk la fjalë lavdëruese në drejtim të presidentit të SHBA, duke treguar veten se është një politikan i dështuar dhe pa horizont. Pakënaqësia e Ramës ndaj Obamës në fakt nuk ka të bëjë me Obamën. Pozicionimi i Ramës varet nga pozicionimi i Soros me stafin e ri në presidencën e re. Pavarësisht faktit që Soros ka financuar për fushatën Obama, nga të gjithë shikohet qartë se Obama nuk është i vetëm në këtë presidencë. Nuk është më Obama lojtari i kësaj loje. Tashmë një pjesë e dirigjencës së shtetit amerikan është në duart e çiftit Klinton, i cili ka në duart e tij thuajse gjithë stafin që ka zënë vendet në qeverisjen e re. Tashmë të gjithë e dinë se kush është ekipi që ka bërë fushatën e Edi Ramës në zgjedhjet e viti 2007. Arthur J. Finkelstein drejtuesi hebreo-amerikan i fushatës elektorale të Ramës është armiku i deklaruar i familjes Klinton. Arthur J. Finkelstein ka shkruar dy libra kundër familjes Klinton duke shfaqur hapur armiqësinë e tij ndaj çiftit më të suksesshëm të botës. Armiqësia e tyre u shfaq dukshëm edhe në ceremoninë e inaugurimit të presidencës Obama, ku çifti Klinton refuzoi në mënyrë të prerë të komunikonte me Arthur J. Finkelstein, duke treguar se midis tyre nuk ka ura komunikimi.
Edi Rama duke ditur se pozicionimi i miqve të tij homoseksualë, nuk është ai i duhuri, gjendet në vështirësi në aspektin e përkrahjes amerikane, përkrahje që politikanët shqiptarë e konsiderojnë si përkrahjen e Jezu Krishtit. Barometri politik i mbështetjes amerikane tashmë është në pikat më të ulëta për kryesocialistin Rama. Fitorja e Obamës duket se nuk ishte ajo që priste Edi Rama me grupimin e tij të lejfenistëve. Sulmet e djeshme të Sokol Ballës dhe Erion Velisë për shpenzimet e çiftit Klinton në emisioni Top Story, treguan qartë se dëshpërimi në kampin Rama është tejet i madh. Ndërkohë që nëse vëmë re me kujdes në emision e VOA, të nesërmen kurorëzimit të Obamës mungonin intervista e njerëzve të Ramës, kryetares së grupit Parlamentar Socialist Valentina Leskaj dhe Erion Veliaj. Rama dhe Veliaj nuk munguan të dalin në ditët e konventës së demokratëve, por që munguan ditën e kurorëzimit të Obamës në fronin e presidentit. Qeveria e re amerikane shumë shpejt ka për të përcaktuar prioritetet e saj në Shqipëri. Kjo gjë do të vihet re në momentin kur ambasada amerikane do të ketë në krye të saj një ambasador të ri, i cili do të përcaktojë rregullat e reja të lojës. Ambasadori Uidhers e përcaktoi qartë qëndrimin e tij pro Ramës, duke u kthyer shpeshherë në zëdhënës të tij. Duke qenë personazh i diskretituar edhe në rastin e trafikut të Gërdecit, ky ambasador tregoi se ka qenë një nga ambasadorët më të dështuar në historinë e diplomatëve amerikanë në Shqipëri.

Kush është Arthur J. Finkelstein

Në 8 prill 2005 gazeta “Neë York Times”, botoi lajmin sensacional se drejtuesi hebreo-amerikan i fushatës së tashme elektorale të Edi Ramës, Arthur J. Finkelstein, i cili ka krijuar dhe drejton një kompani publiciteti me emrin “Arthur J. Finkelstein and Associates” para katër muajsh, pra në dhjetor 2004, ishte martuar në mënyrë sekrete me mashkullin me të cilin bashkëjetonte, gjë të cilën Finkelstein e pranoi publikisht. Dhe rasti i z. Finkelstein është shembull edhe se në Perëndim këto gjëra tolerohen vetëm kur njeriu nuk është i lidhur me çështjet publike, posaçërisht politikën, pasi me të pranuar këtë gjë, z. Finkelstein, i cili deri atëherë pati drejtuar fushatat elektorale të shumë politikanëve të njohur në SHBA-të dhe në Izrael, u bë një person i padëshiruar për politikanët e shquar.


http://www.sot.com.al/index.php?option=com_content&view=article&id=3553:armiqesia-e-arthur-j-finkelstein-mikut-te-rames-me-ciftin-klinton-rrezikon-mbeshtetjen-amerikane-per-socialistet&catid=34olitike&Itemid=60

[ai_shoku]

Bo bo eshte kthyer FSH si gazeta RD!!!!

[[Perla]]

Nga ARTAN GRABOCKA

KORÇË- Pas publikimit në media të lajmit se të vdekurit rezultojnë të gjallë në listat zgjedhore ka nisur verifikimi në qytetin e Korçës. Gjatë kontrollit të listave të zgjedhësve rezultoi se 400 persona të lindur dy shekuj më parë figurojnë të gjallë e të regjistruar në listat paraprake të zgjedhësve. Lajmi bëhet i ditur nga drejtori i Formimit Qytetar pranë Bashkisë së Korçës, Mikel Llogori.


Sipas tij, pasi kanë mbërritur listat e reja te votuesve nga Ministria e Brendshme ka filluar puna për verifikimin në regjistër të të gjithë personave që kanë mbushur moshën 18 vjeç. "Por për çudi po gjejmë persona që kanë ndërruar jetë që në dekadën e dytë të shek. XIX, që do të thotë se, nëse ata do të ishin gjallë do të ishin rreth 200 vjeç", sqaroi Llogori. I pyetur se si do të zgjidhet një problem kaq madhor, ai shton "ne presim udhëzime të mëtejshme nga dikasteri përkatës për të bërë çregjistrimin e këtyre personave të vdekur, pasi hasim në pengesa ligjore".


Por ky nuk është i vetmi problem që konstatohet në Korçë, qindra qytetarë të tjerë nuk gjejnë emrin në listat e votuesve edhe pse kanë moshën për të shkuar në kutitë e votimit. "Rreth 8000 zgjedhës në qytet nuk figurojnë në asnjë qendër votimi", tha Llogori.


Listat e zgjedhësve kanë qenë historikisht me gabime në vendin tonë. Por këtë vit u trumbetua me forcë se gjithçka është rregulluar pas futjes së Regjistrit elektronik të Gjendjes Civile. Madje, ministri i Brendshëm, Bujar Nishani raportoi të hënën në Kuvend se "ka përfunduar hartimi i listave zgjedhore, janë pastruar dublikimet dhe emrat e personave të vdekur nga listat zgjedhore". Ndërkohë që Partia Socialiste ka lajmëruar disa herë për problemet me listat emërore të zgjedhësve dhe i ka bërë thirrje qeverisë të zbardhë emrat e saktë të votuesve për zgjedhjet parlamentare 2009.


Duke iu referuar deklaratës së fundit të drejtorit të Gjendjes Civile, Armand Teliti që është në varësi të Ministrisë së Brendshme citojmë se "ka përfunduar hartimi i Regjistrit Kombëtar të Gjendjes Civile i cili u pastrua nga dublikimit dhe pasaktësitë e tjera.
Sipas tij vendi ynë ka në total 3 133 248 zgjedhës, ndersa u pastruan nga listat 5800 te dubluar. Shtetas keta qe e kishin emrin ne dy gjendje civile njekohesisht.

Shekulli online

Redaktoi: Riviera Dedaj

[RaPSouL]

Zgjedhjet, nderkombetaret takim me Berishen

Perfaqesuesit e larte te qeverise shqiptare zhvilluan nje takim pasditen e djeshme me diplomatet kryesore ne vend, per te diskutuar ne lidhje me ecurine e pergatitjeve per zgjedhjet e ardhshme parlamentare. Pala shqiptare ishte e perfaqesuar nga ana e kryeministrit Sali Berisha, zevendeskryeministrit Genc Pollo, ministrit te Jashtem, Lulezim Basha, ministrit te Brendshem, Bujar Nishani si edhe perfaqesuesit te Partise Demokratike ne negociatat e bera per ndryshimin e Kodit Zgjedhor. Diplomatet e huaj e akredituar ne Tirane qe merrnin pjese ne kete tryeze, ishin ambasadori amerikan, Xhon Uidhers, ambasadori i Komisionit Evropian, Helmut Lohan, ambasadori i OSBE-se, Robert Borsh si edhe ambasadorja e Cekise, vendi i cili mban edhe presidencen e rradhes te Bashkimit Evropian, Fialkova. Burimet prane kryeministrise bejne te ditur se pala shqiptare i paraqiti diplomateve te huaj hapat qe kane ndermarre, ne lidhje me procesin zgjedhor, duke u fokusuar edhe te procesi i shperndarjes se kartave te identitetit, te cilat jane dokumentet kryesore, me te cilat qytetaret shqiptare do te shkojne te votojne. Po keshtu ne takim u diskutuan edhe masat per sigurine e zgjedhjeve si dhe situaten politike ne vend..

Premtimi

Kryeministri Berisha ka theksuar se qeveria e drejtuar prej tij do te kryente zgjedhjet me te lira dhe me te ndershme se kurre me pare ne Shqiperi. Sipas Berishes, tashme qe Shqiperia ishte nje vend anetare i NATO-s ajo kishte me shume pergjegjesi ne lidhje me kete proces.


K.J

[RaPSouL]

Topalli-grave: Votoni PD

Kryetarja e Kuvendit, Jozefina Topalli, u kerkoi dje voten dhe mbeshtetjen grave dhe vajzave ne Kruje, duke premtuar se ajo do te jete avokate e tyre. "Dua te jem pas cdonjeres prej jush, dua te jem mbrojtesja juaj. Dua te jem avokatja juaj. Une sot ftoj grate e Krujes, ftoj te gjitha grate, bashkohuni me ne, ejani me ne. Njeriu nuk mund te ece perpara, duke qendruar anash, duke u qare e duke u ankuar, sic ben ndonje burre. Njeriu mund te ece perpara, vetem duke guxuar", u shpreh Topalli. Sipas saj, te gjitha se bashku, duhet te kontribuojne qe te vazhdoje projekti i Shqiperise qe ndryshon.



Kodheli: Kryeparlamentarja mbylli shkollat

"Topalli po perdor femijet"

Partia Socialiste ka akuzuar kryetaren e Kuvendit, Topallin se ne mitingjet e saj elektorale po shfrytezon nxenesit e shkollave. "Sot Jozefina, ka mbyllur shkollat e Krujes per t'i marre nxenesit ne mitingun e saj. Ky abuzim i perditshem me nxenesit e me shkollat ne te gjithe Shqiperine, tregon se sa pak drite ka ne vizionin e qeveritareve te sotem dhe se sa shume nevoje ka Shqiperia, per nje politike te re ndryshimi", theksoi Kodheli. "Kthimi i nxenesve me pahir ne mitingashe dhe i shkolles ne nje repart mitingashesh per fushaten e PD, tregon se sa shume na duhet ndarja me te shkuaren", tha Kodheli.

K.J

[RaPSouL]

Kom.hetimor, Rama: Sulm i ulët në prag zgjedhjesh

“Ngritja e komisionit hetimor në prag të zgjedhjeve, është i paligjshëm” kështu u shpreh kreu i Bashkisë së Tiranës, pas miratimit vetëm me votat e maxhorancës, të projektvendimit për ngritjen e komisionit për hetimin e dhënies së lejeve të ndërtimit. Përmes një konference për mediat, kreu i Bashkisë theksoi se këto janë sulme të ulëta të kryeministrit në prag të zgjedhjeve. Rama foli edhe për licensën e celularit të 4-t, duke e cilësuar jonormale atë që ndodhi me procedurat e tenderit.

TIRANE- Pas miratimit vetëm me votat e maxhorancës, të projektvendimit për ngritjen e një komisioni hetimor për kreun e Bashkisë, Rama ka deklaruar se “Ngritja e komisionit hetimor në prag të zgjedhjeve, është i paligjshëm”.
Përmes një konference për media, Rama theksoi se këto janë sulme të ulëta të kryeministrit Berisha në prag të zgjedhjeve, madje nënvizoi se të tilla sulme janë të përsëritura.

“Ky komision është i jashtëligjshëm, ligji ndalon krijimin e një komisioni 4 muaj para zgjedhjeve. Ky nuk është një komision hetimor, ky është një sulm polikit i ulët dhe i organizuar për të kompensuar sipas organizatorëve të tij atë boshllëk mes tyre dhe zgjedhësve dhe për të shmangur atë që ata nuk e shmangin dot, humbjen e sigurtë të Berishës” u shpreh kreu i bashkisë përpara gazetarëve.

Kuvendi miratoi sot paradite, me votat e maxhorancës projektvendimin "Për ngritjen e komisionit hetimor parlamentar për hetimin e praktikave dhe procedurave të dhënies së lejeve të ndërtimit në Bashkinë e Tiranës". Në seancën e sotme parlamentare e cila u bojkotua nga deputetët socialistë ngritja e komisionit hetimor u miratua me 68 vota pro.

I pyetur për skandalin e dhënies së licënsës për operatorin e katërt celular pa procedurë tenderimi, Rama theksoi se ky është një vendim anormal në prag të fushtës zgjedhore.
Por sipas tij Partia Socialiste në pushtet, do të rishohë me kujdes të gjitha vendimet e ndërmarra nga qeveria Berisha.
“Sapo të vimë në qeveri, do të rishohim një sërë vendimesh të kontestuara të kësaj qeverie dhe ta bëjmë me një ekspertizë të lartë profesionale, dhe jo me ceshtje hakmarrje politike” deklaroi Rama.
Rama komentoi shumë shkurt takimin e sotëm me ambasadorët, si një takim miqësor për cështje me interesa të përbashkëta.

(e.n/BalkanWeb)

[Duaje Siveten]

Gazeta Shqip

Ngjela: Berisha do të humbasë thellë

Erjon Ajazi

Kreu i partisë "Ligj e Drejtësi" flet për zgjedhjet, "divorcin" e Meksit dhe situatën në selinë blu: Kjo qeveri i ka humbur të gjitha kreditet

Kabineti "Berisha" i ka humbur të gjitha kreditet përpara shqiptarëve. Ky është konstatimi që vjen nga kreu i Partisë Ligj dhe Drejtësi, Spartak Ngjela. Sipas tij, fajin për krizën në të cilën ndodhet Partia Demokratike e ka kreu i saj, Sali Berisha. Në një intervistë për "Shqip", Ngjela thotë se kjo forcë ka nevojë për një reformë të thellë dhe në zgjedhjet e ardhshme do ketë një humbje të thellë. Ngjela shfaqet mosbesues ndaj zërave kritikë brenda PD-së, teksa i referohet deputetëve Besnik Mustafaj dhe Aleksandër Biberaj. Duke iu referuar grupimit "Poli i Lirisë" Ngjela thotë se "nuk mund të bëj më aleanca politike pa kushte, në një kohë kur vijimisht më kanë shkelur kontratat politike të aleancave. Prandaj tani kam vendosur që të kem forcën time politike". Ai paralajmëron se PD dhe PS duan të manipulojnë zgjedhjet teksa e lidh ngushtë këtë paralajmërim me faktin se Shqipëria nuk ka ende një regjistër kombëtar zgjedhësish dhe nuk ka një regjistrim të popullsisë. Ngjela ironizon edhe mënyrën sesi po menaxhohet Partia Demokratike, duke shtuar se "Partia e Punës ka vdekur, por fryma e saj është gjallë".

Zoti Ngjela, më pak se dy muaj na ndajnë nga zgjedhjet e ardhshme parlamentare të 28 qershorit. Si e shikoni klimën politike?

Nuk mendoj se klima politike është në nivelin e qetësisë që në fakt i duhet çdo shoqërie demokratike përpara procesit zgjedhor. Nga të gjitha këndet e vështrimit, po ta shohësh, konstaton se të gjitha palët janë të frikësuara nga njëra-tjetra dhe, po kështu, shumë mosbesuese kundrejt njëra-tjetrës. Mosbesimi politik, si rregull, vjen gjithmonë nga një e kaluar e keqe në marrëdhëniet shoqërore. Dhe kjo ka ndodhur në Shqipëri dhe ne e dimë shumë mirë këtë, sepse të gjitha partitë që kanë qeverisur në këta tetëmbëdhjetë vjetët e fundit kanë manipuluar zgjedhjet. Shiheni me vëmendje: a e dini pse jemi në këtë gjendje, pa regjistër kombëtar zgjedhësish; pa zyra moderne të gjendjes civile, pa një ligj modern të gjendjes civile, pa asnjë lloj regjistrimi të popullsisë? Sepse Partia Demokratike dhe Partia Socialiste kanë dashur të manipulojnë zgjedhjet. Dhe gjithmonë kanë qenë viktima të njëra-tjetrës. Sepse sapo njëra ka ardhur aksidentalisht në pushtet, menjëherë ka shfrytëzuar strukturën abuzive për manipulimin e zgjedhjeve që ka pasur në përdorim partia që është rrëzuar. Të gjitha qeveritë shqiptare kanë manipuluar zgjedhjet, dhe kjo e bën situatën të rëndë. Edhe kjo qeveri, këtë po përpiqet të bëjë; dhe prandaj dhe situata është e tensionuar, ndonëse një sy i pastërvitur nuk është në gjendje që ta konstatojë.

Partia juaj, zoti Ngjela, është regjistruar në Komisionin Qendror të Zgjedhjeve. Do dilni më vete në fushatë apo përkrah një koalicioni?

Jo, partia "Ligj dhe Drejtësi" që drejtoj, do të hyjë e vetme në zgjedhje.

Pse nuk ju përgjigjët pozitivisht ftesës publike të grupimit "Poli i Lirisë" dhe si e gjykoni afrimin e fundit të ish-kryeministrit Aleksandër Meksi me këtë koalicion?

Nuk mund të hysh në një aleancë, nëse më parë nuk ke përcaktuar vendin tënd. Unë nuk mund të bëj më aleanca politike pa kushte, në një kohë kur vijimisht më kanë shkelur kontratat politike të aleancave. Prandaj tani kam vendosur që të kem forcën time politike, që do ta drejtoj vetë dhe do të kem sukses. Kjo është e gjitha. Nuk ka aleancë për aleancë; ka aleancë për të fituar dhe për të hyrë në një luftë politike. Për figurat e këtij Poli, nuk di ç‘të them; zgjedhjet do ta tregojnë.

Sakaq, Partia Demokratike ka firmosur aleanca me disa parti të së djathtës. Sa shanse ka që ky koalicion të rezultojë fitues në zgjedhjet e 28 qershorit?

Nuk besoj. Qeveria "Berisha" është një qeveri që i ka humbur të gjitha aksionet përpara shqiptarëve. Në këtë gjendje që është mazhoranca, mendoj një humbje shumë të thellë për Partinë Demokratike. Gjendja ekonomike është shumë e rëndë; shqiptarët po varfërohen dita-ditës; dhe e kanë humbur perspektivën. Duhet një lloj tjetër menaxhimi politik dhe në të njëjtën kohë duhet një ndjenjë përgjegjësie kundrejt shqiptarëve. Nuk mund të luash më kundër interesave të popullit tënd e të mos të të hyjë një gjemb në këmbë. Kohët kanë ndryshuar dhe Shqipëria ka hyrë në hapësirat e aleancave të mëdha, të cilat janë krejt e krejt në favor të shqiptarëve. Në këtë zonë që quhet Ballkan, shqiptarët tani janë më të favorizuarit; prandaj, do të vijë koha patjetër që qeveritë të luajnë në favor të shqiptarëve dhe jo kundër tyre, sikundër kanë luajtur deri më tani. Unë jam optimist dhe kërkoj që kjo të jetë optika e të gjithë spektrit të djathtë shqiptar, i cili duhet të sjellë patjetër në skenën politike zërin shqiptar, interesin kombëtar dhe një skemë perfekte dhe të besueshme të zhvillimit tonë. A mund ta bëjë Partia Demokratike këtë? Kështu si ndodhet, e ka krejt të pamundur.

Pas largimit tuaj nga PD u duk se zërat kritikë nuk kishin më terren ku të "lundronin" në këtë parti që qeveris vendin. Kam parasysh se shumica e deputetëve për të mos thënë të gjithë nuk preferonin të komentonin "ngrirjen" e famshme që ju bëri kreu i PD-së. Kohët e fundit kemi parë në publik zotin Mustafaj apo zotin Biberaj që shprehin kontestime serioze. A keni një vlerësim për këtë situatë?

A e kuptoni tani se me kë keni të bëni? Një lidership që ende nuk e di se çfarë do të thotë menaxhim politik demokratik; që nuk njeh asgjë dhe nuk e do sistemin. E si mund të punohet në një frymë ku personaliteti i njeriut nuk njeh asnjë konsideracion? Dhe ju flisni për një zë ndryshe(!). Kurrë mos prisni të keni zëra të ndryshëm nga njerëz që nuk kanë aksione në tregun e politikës. Ky është rregulli. Mos mendoni se është ndonjë lloj trimërie ajo që më ka përplasur me Sali Berishën, jo, ka qenë fondi im publik, domethënë aksionet e mia jo të vogla në shoqërinë time ajo që më ka dhënë shtysën e ruajtjes së personalitetit. Por Saliu e harroi këtë fakt; për një çast, sigurisht, por ai çast nuk mund të kapërcehet më. Prandaj, as mos prisni të shihni ndryshime në koncept tek ajo Parti, për aq kohë sa nuk do të krijohet fryma moderne e komunikimit dhe menaxhimit politik; dhe të nisë mendimi që demokraci do të thotë përgjegjësi në qeverisje dhe moralitet i kulluar në opozitë.

Duke qenë se i njihni mirë pothuajse të gjithë personalitetet kryesorë të PD-së, si e shikoni debatin e hapur për pasuesin e Sali Berishës në drejtim në rast se kjo forcë humbet zgjedhjet? Janë artikuluar emrat e Jozefina Topallit dhe Lulzim Bashës...

Nuk di çfarë të them. Nuk mund të mendoj dot në një mënyrë iracionale. Pa fakte nuk mund të konkludohet. Unë jua thashë edhe më lart: Partia Demokratike ka nevojë për një reformë të thellë. Ajo ka krizë në menaxhimet; dhe kjo i vjen nga Saliu dhe tarafi i tij i përzgjedhur që të mos ketë personalitet. Pa personalitet nuk mund të ketë modernitet në politikë; dhe pa këtë modernitet, as mos e mendoni se mund të sjellë më dot gjë Partia Demokratike në këtë vend. Partia e Punës ka vdekur, por fryma e saj është gjallë. Ajo frymë ka intoksikuar sistemin dhe ne prandaj nuk ndihemi mirë. Duhet të riformojmë sistemin: demokracinë; konstitucionalizmin dhe tregun e lirë. Ja kjo është esenca e gjërave; dhe kjo duhet bërë me votë. Por a do ta kemi kuptuar ne shqiptarët në këtë qershor këtë gjë? Le të presim për ta parë.