100 dollare nji pasaporte

[erzeni]

Gazeta shqiptare njofton:


Në konsullatat shqiptare të Barit dhe Selanikut mbërrijnë formularët

Një pasaportë 100 dollarë
Caktohet tarifa për rastin e emigrantëve


--------------------------------------------------------------

al.kre

TIRANE

Një pasaportë për emigrantët do të kushtojë 100 dollarë. Kaq është çmimi i vendosur për këto doumente që do të shpërndahen në saje të një bashkëpunimi mes Ministrisë së Rendit dhe Ministrinë e Jashtme. Dje në kosullatën e Barit dhe atë të Selanikut ka mbërritur dje një sasi shumë e madhe formularësh që do të plotësohen nga emigrantët shqiptarë atje, për t'u pajisur me pasaporta.

Ministria e Jashtme njofton se sot formularët do të shkojnë edhe në ambasadën e Romës dhe të Athinës, si dhe në konsullatën e Milanos. Ka nisur kështu një operacion që pritet t'i sjellë buxhetit të shtetit një shumë prej 50 milionë dollarësh. Pas një takimi mes zëvendëskryeministrit Meta dhe ministrit të Rendit, Luan Rama, u ra dakord që në përfaqësitë diplomatike shqiptare në Itali dhe Greqi të bëhej e mundur edhe pajisja e emigrantëve shqiptarë me pasaporta. Janë gjitësej 5 përfaqësi, 2 ambasada dhe 3 konsullata, të cilët kanë shtuar personelin edhe me oficerë policie që dje nisën procedurat e pajisjes së shtetasve me këtë dokument. Formularët e parë kanë mbërritur në Selanik dhe Bari dhe sot do të jenë edhe në ambasadat në Itali dhe Greqi si dhe në konsullatën e Barit. Ky operacion pritet të jetë i shpejtë për të ndihmuar edhe emigrantët shqiptarë në këto vende, të cilët kanë pasur probleme me legalizimin e tyre. Një emigrant shqiptar, për të marrë pasaportën e re, duhej që të vinte në Shqipëri, të qëndronte me orë të tëra në radhë në komisariatet e policisë dhe më pas të priste në muaj për të marrë pasaportën. Procedurat kërkonin që ata të ishin të pranishëm, por kjo gjë i dëmtonte, sepse u duhej që të largoheshin për një kohë të gjatë nga puna që kishin gjetur jashtë vendit. Për ta zgjidhur këtë problem, Ministria e Punëve të Jashtme pranoi që të nisë pajisja me pasaporta të reja në përfaqësitë diplomatike. Në fillim kjo gjë do të bëhet në Greqi dhe në Itali, ku janë pjesa dërmuese e shqiptarëve emigrantë. Në këto dy shtete brenda një periudhe jo të gjatë do të shpërndahen 500 mijë pasaporta të reja. Për ta ndihmuar këtë operacion, Ministria e Rendit Publik do ta shtyjë edhe me një vit përdorimin e pasaportave të vjetra. Shtyrja pritet që të bëhet në përfaqësitë tona diplomatike në këto shtete. Për t'u dhënë mundësi emigrantëve që janë në vende të tjera, Ministria e Rendit do të nisë që të pranojë tërheqjen e pasaportave pranë saj, edhe nga të afërmit e emigrantëve. Kjo procedurë do të lejohet vetëm pasi ata të kenë një prokurë për të tërhequr pasaportatët pranë drejtorive të policive në rrethe. Kriza e pasaportave një vit më parë i vuri në vështirësi serioze emigrantët shqiptarë jashtë vendit. Për ta zgjidhur këtë problem, Ministria e Rendit rifuti edhe një herë lejet e kalimit për fëmijët, si dhe propozoi shtyrjen me një vit të përdorimit të pasaportave të vjetra. Paralelisht u zhvillua edhe tenderi për prodhimin e pasaportave të reja. Pas tenderit nisi një krizë e dytë, këtë herë më e lehtë, sepse firma gjermane nisi të sjellë pasaportat e reja, të cilët vazhdojnë që të shpërndahen në të gjithë vendin. Vetëm ditët e fundit erdhën disa qindra-mijë pasaporta dhe tashmë një pjesë e madhe do të shkojnë në Greqi dhe Itali, gjithsej 500 mijë.


---------------

Ju lutem sa kushton nji pasaporte ne vendet ku juve jetoni?

A eshte lire apo shtrenjte 100 Dollar.

Mua me duket se kjo eshte nji supervjedhje tjeter e Qeveritareve Socialiste..megjithse hallexhinjte tane neper bote do zgjidhin besoj nji big prabllem me kte rast.

Dhendri poet Agollit i rruajti popullit dhe shtetit gati 1milion dollare me pasaportat.
Tani dhe nji 50 milionsh tjeter me dollare shkon ne xhepat Roze..

Urime Pasoshin ju qe nuk e keni..

Nxitoni e kerkoni kte dokument qe ky qerrata shtet mezi ju a jep.

[Albo]

Me sa duket, socialistet duan tua faturojne shqiptareve vjedhjet dhe shperdorimet e skandalit te pashaportave.

$100 eshte rroga mujore per buxhetoret ne Shqiperi.

[ganoid]

Albo eshte pak e hidhur,por per mendimin tim ja vlen.Normalisht ketu ku jam une,per nje perkethim te nje certifikate duan 30 dollare .Ne shqiperi pasaporta kushton 50 000 leke te vjetra . Per mua cmimi qe i eshte vene pasaportave jashte shtetit eshte nje cmim i arsyeshem lidhur me pagat Greke e Italiane. Te pakten ata e kane mundesine ta marrin,e kjo eshte me mire se ketu ku jam une qe duhet te shkoj vete se ska asnje mundesi tjeter.

[Shaboni]

Nga operazioni i shperndarjes se pasaportave ne Itail dhe Greqi,
pritet qe jo vetem ministrite respektive te realizojne nje operacion te sukseshem financiar,
por edhe zyrtaret e thjeshte , punonjes te ambasadave dhe konsullatave si firmaxhinj dhe vulaxhinj, te perkedhelurit e sistemit, kane varur shume shpresa, jeta e tyre me te vertete mund te ndyshoje.
Nga buron shpresa ?
Per te perkthyer nje certifikate ne konsullate duhen 30 $
(Ops detaj i vogel qe ne Europe nuk perdoren $), keshtu nja 2 dit me perpara isha ne konsullaten e Milanos dhe me moren 35 Euro dhe me dhane nje fature 30$.
Tariffa ishte aq standarte dhe klientet aq te zellshem (sa ndonje ofrohej te jepte edhe 5 euro te tjera rryshfet) sa nuk linte hapesire per pyetje ose sqarime.

Keshtu per pasaportat 100 $ ne perpjestim do te kthehen nga firmaxhinjte ne 120 Euro dhe "vogelsirat" si gjithmone do te shkojne ne sherbim te kauzes.
Nuk do te cuditesha ne qeveria do te vendoste per te shperndare pasaportat edhe ne USA dhe cmimin tja vendoste 100 Euro.

Pershendetje.