PD pas Gerdecit..

[Duaje Siveten]

Shekulli, 08 Pri 2008

Zia e Gërdecit dhe hareja e qeverisë

Nga Arben Rrozhani

Dje ishte edhe një ditë tjetër e festimeve qesharake të qeveritarëve shqiptarë për marrjen e ftesës për anëtarësim në NATO, ndërsa pushteti ekzekutiv po e pompon qëllimisht kurorëzimin e aspiratës mbi 60-vjeçare të vendit, për të përmbysur situatën dramatike të javëve të fundit në favor të kredencialeve të rrënuara qeveritare.

Koncertet e ngjashme me ato që partia në pushtet financon për të bërë fushatë elektorale në mbështetje të kandidatëve të saj, nisën që të premten e shkuar ndërsa opozita manifestonte në shesh, në përkrahje të afrimit të vendit në Aleancën Euroatlantike, por kundër Kryeministrit të vendit. Por ndërsa artistet shalëgjata tregojnë hiret femërore mbi skenat e ndritshme hi-tech, në rrënojat e gropës qeveritare të Gërdecit, 12 kilometra larg qendrës së Tiranës, së fundmi u gjendën mbetjet njerëzore të nënës së dy fëmijëve, punëtore në pastrimin e predhave që shpërthyen më 15 mars 2008. Emrin e Shqipe Alhasës, 25-vjeçares që la dy jetimë, qeveria nuk denjoi as ta përfshinte në komunikatat ditore që shpërndan zyra e shtypit e Kryeministrit të vendit. Sepse Gërdeci është varrosur, dosja e tij u mbyll, viktimat e tij nuk përbëjnë më lajm për qeverinë dhe për të larë duart mjaftoi premtimi për lëvrimin e Fondit të Kontigjencës, shpallja e atyre pak orëve zyrtare të ditës së zisë dhe ushqimi i shpresës së të mbijetuarve se një ditë do të kompensohen për krimin qeveritar.

Në Shqipëri edhe më indiferenti nuk do të kishte imagjinuar se një krater kaq përvëlues, do të ishte varrosur kaq shpejt dhe me kaq përdhunë. Viktima më e fundit ka vetëm pak orë nën tokë, ndërsa mbi të qeveria bën diskon e afrimit me NATO-n. Mijëra kryefamiljarë duhet ta rinisin nga e para jetën e re në një tokë të helmuar, duke pritur ndihmat ushqimore të qeverisë dhe të donatorëve të huaj, duke shpresuar në bujarinë e qeverisë, qindra biznese presin ndihmën për të dalë nga falimentimi, ndërsa ministritë po shpenzojnë qindra-milionë lekë për bandat performuese, banderolat dhe pllakatet luksoze. Në Shqipëri edhe Ceni, prototipi i militantit të selisë blu, që prej tre vitesh po ia sheh hajrin punës në shtetin rrumpallë, është rikthyer po me atë fudullëkun e para 15 marsit 2008. Atij i ka ardhur sërish ngjyra e fytyrës, madje më e ndezur se e Doktorit të qeverisë.

E ka hequr maskën e meitit që i kish rënë ditën e Gërdecit. Shokët e Cenit janë pakica që vjel të mirat e abuzivizmit me pushtetin në Shqipëri, ajo pakicë që nën mbrojtjen e kryeministrit dhe të ministrave të tij, po përpiqet që sa më shpejt të mbushë thesin. Përballë saj është shumica, viktimë e kësaj klase të ringritur dhe që është edhe më harbute se ajo që la ish-qeverisja e Nanos në 2005. Për fat të keq, kjo shumicë, publikisht po e amniston kryeministrin dhe modelin e tij të drejtimit të pushtetit. Ajo, pas masakrës shtetërore të 15 marsit 2008, vijon të besojë se klasa politike në pushtet, do të ketë vënë mend për të qeverisur me këmbë në tokë, për të emëruar njerëzit e duhur në postet e duhura dhe për të rivendosur rregullin në një xhungël ku fiton më i forti, për të besuar se ekipi qeverisës do të arrijë të ketë vetëkontrollin dhe të menaxhojë përkrahjen e fuqishme perëndimore që po u jepet shqiptarëve, jo vetëm brenda kufijve administrativë. Por realiteti shqiptar është vrasës dhe nuk puqet me iluzionet naive që vijojnë të kenë shqiptarët e nënshtruar përballë qeverisë së tyre. Hareja në qendër të Tiranës ndërsa në Gërdec vijon zia, është njëri prej aspekteve se sa larg është kabineti qeveritar nga nevojat imediate që ka vendi dhe shtetasit e tij.

Aspektet e tjera janë mina të kurdisura që po të shpërthejnë, do ta hedhin në erë vendin më të varfër të Europës. Ato nuk kanë patur përmirësim, sepse qeveria jo vetëm është e paaftë, por edhe e kapur nga filozofia e shtetit piramidal të viteve '90 e nga monopolet që vdesin çdo përpjekje vendase dhe të huaj për t'u bërë promotorë të zhvillimit të vendit. Harbutëria e qeverisë do të shtohet, sepse ajo nuk ka asgjë për të humbur. Dëshpërimi në vend është më i thellë se para 12 qershorit 2006, kur vendi nënshkroi Marrëveshjen e Stabilizim-Asocciimit me BE-në, sepse qeveria nuk ka përmbushur shumë prej kushteve dhe detyrimeve që parasheh marrëveshja. Malit me reforma të pakryera do t'i shtohen kushtet e reja të artikuluara në Bukuresht, në 4 prill 2008, në mënyrë që ftesa të shndërrohet në anëtarësim të plotë në NATO.

Klasa politike në pushtet, megjithëse bën të lumturuarën që ka hedhur pas hijen e zezë të Gërdecit, ka kuptuar të vërtetën e madhe: nëse deri para 15 marsit e kishte të humbur fitoren në zgjedhjet e ardhshme parlamentare, pas krimit shtetëror të Gërdecit e ka falur atë. Duke e shoqëruar me hare të pashpirt.

[artur]

Ej... po si se tha nje fjale ky Stefani,,,,,,,,,,,Qe Edi Rama me kete Delijorgjin kishte bere maksimumin e kontratave. Qe i kishte dhene ky Edi Rama atij Delijorgjit 10-mije metra katror toke tek uzina Enver. Qe Petro Koçit fill DITEN QE PLASI GERDECI I HOQEN TE DREJTEN TE FLISTE NE PARLAMENT sepse dihej qe do thonte qe Delijorgji kishte blere si Ramen per toka e ndertime e Saliun per armatime (sejcili sipas mundesive ishte shitur, kishte shitur gjerat tona)


Sa e kercenuan Saliun sapo erdhi ne pozite ne 2005-en qe mund te bente ç'te donte, PO KRYETARIN E OPOZITES DHE AFERAT E TIJ S'DUHEJ TI DEMASKONTE.....

Ka ndonje ketu ne forum qe e hedh poshte faktin qe Delijorgji kishte blere edhe Edi Ramen.....??????

[Duaje Siveten]

Sot, 09 Prill 2008

Një bisedë e pambaruar me z.Sali Berisha
Nga Mark TOPOLLAJ

Në këto ditë vere të përgjakura shqiptare, dielli duket i mbuluar nga një hije e zezë, që e ka burimin nga delijorgjat e pushtetarëve të korruptuar.Me sy të përlotur e faqe të përgjakura, nënave e motrave shqiptare i duhet edhe njëherë të vajtojnë një tragjedi tjetër shqiptare. Skenari i tragjedisë së sotme është shkruar në kulisat e politikës, ose më mirë me thënë “Katavica Shqiptare”, që po pjell çdo ditë delikuente ose delijorgjë.

“Druri i ushqen krimbat, dhe krimbat e thajnë drurin”, ato po thajnë zemrat e lodhura të shqiptarëve për të ruajtur karrigen e pasurisë, duke mos llogaritur asnjë lloj çmimi. Ky është shembulli anti-njerëzor patologjik, i padëgjuar në historinë e popujve të botës. Në çdo organizëm shtetëror, delijorgjët sollën e do të sjellin të ftohtin e vdekjes, si ajo era që sjell borën dhe të djeg përbrenda, ose të bën të pish helmin që bashkë me shiun sjell mjegullën e të panjohurës, sjell natën e përjetshme. Kjo quhet dhimbja njerëzore në këtë demokraci të brishtë. Transformimet e mëdha historike kanë sjellë gjithmonë lot, gjak dhe dhimbje te mëdha.

Po britmat e të vdekurve e të gjallëve sot në kohë paqe, çfarë transformimesh sjellin? Padyshim këto prurje janë burim i varfërisë dhe i majmërisë së pushtetarëve. Autokracia e shtetit shqiptar z. Sali Berisha, ka punuar në mënyrë të vazhdueshme për të shkatërruar kualitetin e jetës, ka frenuar krenarinë, kurajën. E vërteta në vazhdimësinë e kësaj demokracie, që kjo mund të quhet pa frikë “demokracia e delijorgjeve”, kanë vrarë mendimin progresiv, kanë vrarë vetë jetën.

Në aparatin burokratik shtetëror z. Kryeministër keni mbledhur një grup njerëzish, që i trajtoni jo si rreshterët e PS-së, por si zboristët pa asnjë lloj grade. Duhet theksuar, se e gjithë Partia Demokratike është kthyer në një batalion zboristash. Brenda këtij aparati demokratik me kohë kanë hyrë Rrasputinët, që kanë ardhur nga shkolla e totalitarizmit, që predikojnë fenë e grabitjes. Aty kanë hyrë Cicikovët, Llukallokicët, Artemfilipovicët, ka hyrë vetë Klestakovi. Ata nën udhëzimin e Katovicës që s’është gjë tjetër vetëm promemoria e Cubrillovicit, që po e gërvisht ndërgjegjen e kombit.

Z. Kryeministër sa kohë do të presin shqiptarët që të largohet kjo e keqe? Dante Aligeri thotë: “Se shekulli i fatit do të vijë kur të jetë me të vërtetë shekulli i fundit i botës”. Shpresoj se shqiptarët nuk do ta përfillin këtë bujari satanike. Pse dinjiteti i personazheve që janë në politikë, kultivohen si druri i palmës që i bën me jetue mirë të gjithë hajdutët e vrasësit, apo se quhen vetëm delijorgjë.

Këto personazhe i gjen në dikasteret kryesore e kulturore, sepse aty z. Kryeministër ke vendosur komunistët që e kanë flakur të parët teserën e partisë, por kanë mësuar mjeshtërinë e përshtatjes që u jep gjithmonë përfitim. Këta quhen ministra, drejtues institucionesh kulturore e artistike, këta quhen drejtues televizionesh, quhen Beca e Gërdeca. Z. Kryeministër nuk drejtohet shoqëria me policë, por me ide progresive që i sjellin intelektualët e mirëfilltë. Pa zhvillim kulturor dhe ndërgjegjësim demokratik, shoqëria do të mbetet propaganda e portretit komunist.

Kurse të përndjekurit sot në Shqipëri, prezantojnë preludin e degradimit komunist që shihet në panoramën e eliminimit të mijërave njerëzve të thjeshtë, intelektualë dhe artistë që e kishin kurajon të shprehnin mendimin e lirë. Ndërsa qeveria juaj i sjell vërdallë, si hetuesit dhe prokurorët e dikurshëm. Ky fat para tyre interpreton mendimin tragjik të një realiteti të pashembullt. Kjo shihet dhe në institucionet artistike, që nuk duan ta trajtojnë këtë teme edhe pse Këshilli i Evropës është shprehur disa herë se nevoja për të dënuar krimet e komunizmit është e domosdoshme. Edhe parlamenti hesht me mefshtësinë e vet.

Shpesh po thuhet dhe ne të gjithë e dimë, se komunistët në Shqipëri kanë evoluar, ose transformuar për shkak të dinamikës së jashtme dhe të brendshme dhe sot mbrohen me kulturën e krimit si delijorgjët. Në art e kulturë nuk ndjehet era e demokracisë, por era e uzurpimit të institucioneve, era e mafies. Kinematografia nuk është e interesuar për çështjen kombëtare, por për dashuriçka, dhe nxjerrjen e eshtrave nga toka, të grekëve e serbëve, dhe për eshtrat e qindra e mijërave shqiptarëve që s’u dihet varri heshtin.

Me paratë e taksapaguesve shqiptarë, popullit më të varfër të Evropës, do punojnë kineastët serbë e rusë, e kineastët shqiptarë që kërkojnë të lartësohet çështja shqiptare i flakin. Në emër të demokracisë, këto grupe njerëzish janë gati të bëjnë film, edhe për Sllobodan Milloshevicin, se i shkreti është lodhur duke na vrarë. Z. Kryeministër, ju e dini më mirë se unë se idetë e komunizmit i keni prezent. Dostojevski thotë: “Se në komunizëm nuk ka vepër arti pa prezencën e djallit”. Në artin e kinematografisë shqiptare ka një diferencim dikriminues, demografik e gjeografik, por dhe ai religjioz. Kjo u pa në Festivalin e fundit në Radiotelevizion, në zgjedhjen e temave krijuese në qendrën kinematografike shqiptare. Aty janë mbledhur ca grykës misteriozë të frikshëm, të cilët mashtrimin dhe devocionin e tyre e shprehin me produktin e intrigës, duke u mbledhur rreth njëri-tjetrit dhe bëhen protagonistë të vetvetes. Askush nuk mund ta mendojë se një amerikan si Sten Dragoti, që s’ka bërë film kurrë, i jepet për një fletë të shkruar 250 milionë lekë, një kohë që Komiteti Evropian për një skenar të aprovuar nga një komision i nivelit të lartë, paguan maksimumin e mundshëm 80.000 euro.

Më thoni, a nuk është e gjithë kjo një korrupsion i gjallë, që e ka burimin nga totalitarizmi shtetëror? Kurse për revoltën e Spaçit, ju heshtni! Nuk është kurrë vonë që për ata që kanë mbetur gjallë dhe për fëmijët e tyre t’u dhurojmë së paku një kompensim moral?! Ky është paradoksi i fundit shqiptar e po i përdhos përsëri ata që kanë bërë burg më shumë se mosha e tyre kur i dënuan.

Z. Kryeministër edhe në qoftë se nuk më përgjigjesh, do ta vazhdojmë bisedën, se është e pambaruar.

[Duaje Siveten]

Sot, 12 Prill 2008

PD ndihet e rrezikuar nga Berisha
Ka braktisur vlerat e idealizmit politik e nacional

Demokracia shqiptare po përjeton krizën absurde dhe kjo ndodh, për shkak të atyre që kanë bërë dhe po bëjnë politikat e këtij procesi të rëndësishëm për fatet e këtij vendi, zhvillimi social, ekonomik e politik i të cilit, ka qënë peng i izolimit, ndërsa tani i shkatërrimit. Në këtë proces, konstatohen probleme dhe të gjitha këto, na i sjell në vëmendje, zoti Marjan Gryka, President i Shoqatës Mbarëkombëtare Nacionaliste Demokratike “Azem Hajdari”:

Ju drejtoni një shoqatë nacionaliste e politike që ka emrin e heroit të Demokracisë Azem Hajdari. Cili është kontributi i saj?

Kjo shoqatë, u krijua si domosdoshmëri për të përjetësuar dhe vazhduar idealet kombëtare e demokratike të Azem Hajdarit. Akti demokratik i Azem Hajdarit, për instalimin e pluralizmit politik nëpërmjet protestave studentore e më pas si politikan, janë vlera që meritojnë vëmëndje edhe sot, jo thjeshtë si kontribute. Ne i jemi përmbajtur këtij synimi dhe këtyre vlerave, duke mos lejuar askënd, kushdo qoftë në PD dhe jashtë saj, që të cënojë personalitetin e këtij formacioni të madh e të fuqishëm, të krijuar si pjesë integrale e PD, por që tashmë ka “pushtetin” dhe veprimtarin e vet.

Si duhet kuptuar deklarata, që shoqata që drejtoni ju, “ka pushtetin e vet”?

Edhe po të mos e deklaroj ynë këtë fakt, mesazhin e asaj që thashë më lartë e kanë kuptuar prej kohësh gjithë demokratët e ndershëm, gjithë nacionalistët, të gjithë ata që themeluan PD, ata që mbështetën Azem Hajdarin në lëvizjen e tij studentore dhe në veprimtarinë demokratike e nacionaliste, të gjithë ata që i besuan lidershipit të PD, i cili duhet thënë, se nuk e ka përligjur këtë ideal të madh të kësaj figure të madhe. Ne u futëm në “vijën” e demokracisë, me bindjen se do të kishim një shoqëri ndryshe, por në fakt nuk ndodhi kështu. Unë e kam ndjekur për 17 vjet politikën e këtij vendi, kam qënë dhe vazhdoj të jem pjesë aktive e saj, tashmë prej 9 vjetësh, në drejtimin e veprimtarisë së shoqatës “Azem Hajdari”. Jo vetëm unë, por të gjithë ata që kanë orientim idealin e Azemit, ndihen të motivuar për të mos u bërë pjesë e të keqes që ka pllakosur drejtimin politik të PD dhe praktikën qeverisëse të pushtetit të saj. Misioni ynë si drejtues dhe anëtarë të kësaj shoqate, ka pikë takimi vetëm me progresin dhe me idealin e pastër demokratik, duke shpërfillur pa asnjë ndrojtje, ata që e kanë harruar dhe që e kanë braktisur idealin e Azem Hajdarit e që fatkeqësisht ndodhen edhe në kupolën e PD.

A mund të shpjegoni motivimet tuaja, në këtë deklaratë?

Ne jemi një shoqatë që mban emrin e Azem Hajdarit. Krijimi i saj ishte vepër e demokratëve të vërtetë, që kishin besim tek ai, edhe pse u vra Azemi, por nuk u “vra” figura, kontributi dhe idealet e tij, të cilat vetë Azemi, nuk i shkeli asnjëhërë edhe pse u përballë shumë herë, me atë kontingjent ish-komunistësh fanatikë, të cilët edhe pse ishin (dhe janë pjesë e drejtimit të PD), nuk kishin asnjë ideal demokratik e nacionalist, përkundrazi kishin depërtuar brenda saj, si “desantë” të PPSH, për ta shkatërruar demokracinë dhe idealin e Azemit e të të gjithë studentëve dhe shqiptarëve, që përmbysën diktaturën komuniste. Sa për ilustrim, po përmend një merak të përhershëm që kishte Azem Hajdari, pranë të cilit kam qëndruar në çdo sekondë: Lufta për demokracinë dhe nacionalizmin është më e vështirë me këta që na pengojnë nga brenda, sepse kundërshtarët politikë, i njohim dhe dimë të pozicionohemi!

A është aktual ky merak i Azem Hajdarit edhe sot në PD, pra brenda linjës politike?

PO! Ato që ka deklaruar Azem Hajdari në lidhje me pseudodemokracinë dhe pjesën jo demokratike, prokomuniste dhe antishqiptare brenda PD, janë një realitet brenda këtij formacioni politik. Shoqata jonë, ashtu si Azemi është atakuar me këtë “skalion” që ekziston dhe madje drejton në PD. Me këtë shpjegohet edhe fakti, që shoqata që ne krijuam, nuk u prit mirë prej tyre, madje duhet thënë, se u tentua të shkatërrohej, të përbaltej, të mos ekzistonte. Dhe kur mbahet ky qëndrim ndaj një shoqate, që ka emrin e simbolit dhe krenarisë së demokracisë kombëtare, kuptohet që PD dhe lidershipi i saj, nuk e kanë patur “problemin” me emblemën dhe drejtuesit e saj, por me forcën e personalitetit që ka Azem Hajdari edhe pse e ndëshkuan me plumba disa herë, deri sa e vranë.

Konfirmoj faktin, që disa herë kemi kërkuar mbështetjen e kreut të PD, zotit Sali Berisha, njeriut që çdo 12 shtator dhe 5 maj, çon lule dhe derdh lotë tek memoriali i Heroit Azem Hajdari. Por çuditërisht, nuk e kemi patur këtë mbështetje. Kjo ka krijuar rezerva, për të cilat edhe pse i është kërkuar shpjegim, ai nuk është shpjeguar asnjëherë. Dhe kjo mendoj, se nuk ka qënë dhe nuk është normale. Ne kur krijuam shoqatën e konceptuam dhe e deklaruam hapur, madje e kemi edhe në statut e në program, se nuk jemi parti paralele me PD, por pjesë integrale, forcë aktive e PD, mbështetës të Berishës, duke mbajtur si orientim idealin e Azemit. Ne e vazhduam dhe po e avzhdojmë këtë rrugë. PD, me sa kuptuam atëherë dhe me sa shohim tani, ka nisur tjetër rrugë dhe kjo është shmangie nga ajo që nisi në dhjetor 1990.

Cili është vlerësimi juaj për Sali berishën e sotëm?

Ne që krijuam PD si idealistë dhe që përmbysëm komunizmin si shqiptarë, që synuam një tjetër jetë me liri të plotë dhe me progres, pranuam që ta kemi Sali Berishën në krye të PD, duke menduar se kemi në krye një intelektual modern e jo një zyrtar politik, i cili në mënyrë graduale, dëshmoi dhe po dëshmon, se nuk po përmbush idealet e asaj lëvizjeje demokratike. Karriera e tij 17 vjeçare në krye të demokratëve, ka shumë “pika” që duhen pastruar. Ne këtë, nuk e arritëm dot në asnjë moment edhe pse kemi bërë presion të hapur e dashamirës për të ndërtuar një PD moderne, të hapur si mendim dhe veprim e jo si “stallë”, për t’u futur e për të përfituar karrieristët, sharlatanët.

Ne kërkuam të ndërtonim një PD të demokratëve e jo të komunistëve. Ne kërkuam të kishim një PD pa klane, pa bërryla, pa përjashtime vlerash, pa mendësi komuniste në drejtim, duke iu përmbajtur idealit të Azem Hajdarit dhe të gjithë atyre që u ngritën sinqerisht dhe me sakrifica në dhjetor 1990. Por nuk mundëm dhe tashmë kemi një PD “larmane”, të kthyer në një ekip të ngushtë, që ka cënuar rëndë, madje që ka zhdukur nga përmbajtja e saj idealizmin e dhjetorit 1990, që ka nxjerr jashtë “shtëpie”, ata intelektualë dhe idealistë, që mbartnin dhe përcillnin vlera të shëndosha morale e politike.

A mendoni se duhet rihapur dosja “Hajdari” dhe ku duhet të nis kjo hapje?

Dosja e vrasjes së liderit të demkracisë shqiptare, simbolit të shoqatës tonë, mendoj dhe kam kërkuar në vazhdimësi që të hapet e të hetohet e plotë. Kjo duhet bërë sepse ajo dosje nuk i ka “fletët” e hetimit të bardha. Dhe kjo hapje, mendoj se duhet të nis nga dëshmia e kreut të PD, zotit Sali Berisha, i cili ka deklaruar se do të hap këtë dosje dhe se kur të vinte PD në pushtet, do të dëshmonte deklarimin e vrasësve të vërtetë të tij. tani është koha për këtë.

Cili është komenti juaj për zhvillimet e fundit politike?

Ne dëshirojmë të ketë paqe publike dhe mesa kemi konstatuar dhe provuar në këto 18 vjet demokraci ende në tranzicion, kjo përcaktohet nga politika. Situata aktuale politike në Shqipëri vazhdon të përjetoj një “duel” politik mes palëve, sikur të jenë dy grupe private. Kjo frymë konfliktuale, që herë zbutet dhe herë ashpërsohet, tregon se brenda politikës ka interesa që nuk përputhen plotësisht me interesat kombëtare. Kur flitet për zgjidhje politike, ka debat deri armiqësor mes palëve, ndërsa kur flitet psh, për strehimin, apo minimumin jetik, për pagat dhe pensionet, nuk ndihet askush. Opozita flet disi për të tilla probleme, ndërsa pozita, pra qeveria, vepron me veto.

Cili do të jetë në vazhdim, qëndrimi i shoqatës tuaj në raport me PD dhe me politikën në përgjithësi?

Ne e kemi të përcaktuar qëndrimin tonë si shoqatë. Përballë PD kemi këtë mesazh: të vlerësoj dhe të vazhdojë idealin e Azem Hajdarit. Përballë politikës në përgjithësi, kemi këtë pozicion: Opozitë me të gjithë ata që shkelin këto ideale.

[BlueBaron]

Zari me nofken "Duaje Siveten"

Sales i vijn onash t'gjith ato legenat e kauçukut qe ke per zemer ti. Asnji nga ato plehrat e PPSH, qe akoma mbajn teseren e PPSH se rinominuar PSSH. T'pakten Sala e ka gris ate teser, e ka peshty, ndersa ato legenat akoma e mbajne, e shikojne dhe e perkedhelin para se te flejn gjume. Sado lufte fraksioniste te kete PD, ajo kurre nuk ka per te qene e bazuar mbi vrasjet e ofendimiet e ndyra ku bazohet PPSH-PSSH. Sala mund te jete nje ish, por kurre nuk eshte nje Fatos, nej Sabit, nje Skender, nje Gramoz ...

Skuthi_Vogel, dora vete ...

[Duaje Siveten]

Zari me nofken "Duaje Siveten"

Sales i vijn onash t'gjith ato legenat e kauçukut qe ke per zemer ti. Asnji nga ato plehrat e PPSH, qe akoma mbajn teseren e PPSH se rinominuar PSSH. T'pakten Sala e ka gris ate teser, e ka peshty, ndersa ato legenat akoma e mbajne, e shikojne dhe e perkedhelin para se te flejn gjume. Sado lufte fraksioniste te kete PD, ajo kurre nuk ka per te qene e bazuar mbi vrasjet e ofendimiet e ndyra ku bazohet PPSH-PSSH. Sala mund te jete nje ish, por kurre nuk eshte nje Fatos, nej Sabit, nje Skender, nje Gramoz ...

Skuthi_Vogel, dora vete ...

Ç'eshte ki shperthim "emocional" ere skuth, je edhe i vogel ... bohu i modh i her ...

po at doktorin qe bonte analizat e urines, ate doren e ngrohte te partise te hysniut ... çere ka bo sala me ato, mre skuth ?

dakord, salija nuk asht ni fatos, ni sabit, ni skender, ni gramoz ... por asht shok armesh me ta ... ia ka dhane shoki ramiz ... amanet prej enver-mehmet-hysniut ...

[Brari]

Kush mund te drejtonte me aftesi PD-ne tash ne epoken post-gerdeciane?

Dini figura nga brenda PD-se apo do duhen importuar nga jashte partise?

[Duaje Siveten]

... apo do duhen importuar nga jashte partise?

nuk ka me te importuar nga parti e punes te partia demokratike se sa sali berisha, ore miq ...

hiqni dore nga import-eksporti i pllanifikuar punist ramizist ...

[Duaje Siveten]

Sot, 18 Prill 2008

PD drejtohet nga “Saliu i djathtë”, që punon me “dorën e majtë”

Të gjithë ata që i besuan “përbetimit” antikomunist të Sali Berishës për PD dhe të djathtën shqiptare, tani pas 17 vjetësh që prej asaj dite “tersi”, që atë e vendosën në krye të PD dhe që demokratët e nacionalistët e ndershëm pranuan ta kenë në krye të anti-komunizimit, po shohin tani, madje që në fillim të pushtetit të tij të dytë në 2005, se ky lider politik e qeverisës, nuk paska qenë dhe nuk është “i tyre”, por vazhdues i denjë dhe besnik i ish-klasës së lartë të ish-pushtetit komunist.

Tashmë kemi përballë një “Sali të djathtë”, që ka punuar në këto 17 vjet me “dorën e majtë”, duke mbrojtur interesat politike dhe ekonomike të njerëzve të ish-pushtetit dhe të bllokmenëve e byroistëve. Në vitin 1990, ai pranoi të kishte në krahë Skënder Gjinushin, ish-ministrin dhe sekretarin e Parë të Rinisë, njeriun e “atashuar” në lëvizjen studentore nga Ramiz Alia dhe Byroja Politike. Më pas e bëri edhe pjesë kryesore të qeverisjes. Po kështu gjithë “debatikasit” e KQ të Rinisë, të cilët sot janë po pas ose përballë tij gjoja si opozitarë.

Sali Berisha e nisi numrin e parë të gazetës RD, me ish-gazetarë të “ZP” dhe me ish-instruktorë të KQ të PPSH.

Sali Berisha e vazhdoi pushtetin e tij, me njerëz të penalizuar dhe të inkriminuar.

Sali Berisha përfshiu me qëllim shqiptarët, në “rrymën politike të mitingjeve”, duke lejuar që pushtetin ekonomik ta merrnin dhe kontrollonin njerëz të ish-pushtetit komunist.

Sali Berisha, nuk u ktheu asnjë copë tokë pronarëve të ligjshëm, duke zbatuar dhe mos abroguar ligjin 7501, të sekuestrimit përfundimtar të pronave, sipas udhëzimit të “Katovicës”.

Sali Berisha nuk po u jep asnjë qindarkë dëmshpërblim të përndjekurve politikë, madje nuk ka pranuar të dënojë me rezolutë ligjore e ndërkombëtare krimet e komunizmit.

Sali Berisha, po qeveris me bijtë e bllokut, me shefat e hetuesive, me gjyqtarë e hetues, që gjatë komunizmit kanë dhënë dënime të të rënda, të qëllimshme politike.

Sali Berisha është përfshirë me veprime dhe mosveprime, në rrjetën e korrupsionit, duke lejuar dhe mbështetur edhe me ligje mundësitë për korrupsion dhe zhvatje të ekonomisë kombëtare.

Pyetjet:

A ju ka dërguar një letër gazetari i ‘Koha Jonë” Zamir Dule nga Korça, i masakruar dhe i paralizuar nga dhuna e SHIK, në datën 3 mars 1997 dhe cila është përgjigja juaj?

Sa ish-oficerë dhe policë të SHIK, të viteve 1992-1997 janë punësuar në administratën e lartë shtetërore dhe çfarë misionesh kryejnë?

A keni marrë një protestë nga familjet e Lek Qokut, Besnik Hidrit dhe Gjergj Mehmetit, për emërimin e Arben Imamit, “gjeneralit të zi grek”, si Drejtor Kabineti?

Përse heshti Jozefina Topalli, pas protestës që bëri në Shkodër, në lidhje me këtë emërim?

Cili ka negociuar mes jush dhe Fatos Nanos, për të vendosur paqen dhe ku e keni bërë takimin negociues, përpara se të dilnit në ekranet e TV?

A e ka pseudonimin “Masoviku”, “Tigri”, “Çorapja”, apo “Korani i Myzeqesë”?

Cilat janë udhëzimet që ju jep shefi juaj, ish-presidenti Ramiz Alia, për të bllokuar procesin e kthimit të pronave dhe mos dhënien e dmëshpërblimit për të përndjekurit politikë?

Cila ishte prapaskena e vërtetë e futjes së ish-ministrit të pushtetit të PS, Lufter Xhuvelit, në kabinetin qeveritar të PD dhe kush ua diktoi këtë?

Në cilin shtet, jeni takuar me Ramiz Alinë dhe djemtë e Enver Hoxhës pas daljes nga burgu. A ju keni kërkuar ndjesë dhe përse keni rënë dakort?

A keni bërë marrëveshje me qarqet zyrtare e private greke, për të futur në qeveri PBDNJ dhe cilat janë pikat e paktit mes palëve?

Cili ishte motivi i vërtetë i dorëheqjes së ministrit të Jashtëm Besnik Mustafaj dhe a ka lidhje kjo, me ndonjë skemë që lidhet me emërimin e Lulëzim Bashës në këtë post?

Përse gazeta “RD”, nuk pranon asnjë shkrim për klanin Kapo, për Ramiz Alinë dhe familjen Hoxha?

A e keni materialin që ju ka dorëzuar privatisht, ish-kreu i verifikimit të figurave të spiunëve Nafiz Bezhani dhe cilët njerëz me pseudonime, keni në kabinetin qeveritar? Po në Kuvend? Po në Kryesinë e PD? Po në Këshillin Kombëtar?

Cilat janë firmat private, të cilat janë udhëzuar prej jush, që të financojnë gazetën “55” dhe “Tema”?

Në sa borde të ndërmarrjeve Sh.a, apo fondacione, marrin paga të dyta e të treta ministrant, deputetët dhe këshilltarët tuaj dhe me cilin ligj?

A keni “dorë” në prishjen e takimit të ish-presidentit Alfred Moisiu me presidentin Grek, planifikuar në Sarandë?

Cila është marrëveshja e fshehtë, bërë privatisht mes jush dhe kreut të PS, Edvin Rama dhe a përfshihet në këtë marrëveshje, heshtja për korrupsionin e tij?

Po afron 10 vjetori i vrasjes së ish-bashkëpunëtorit tuaj më të afërt Azem Hajdari dhe ju ende, nuk po denonconi emrat e vrasësve të vërtetë, ashtu siç keni deklaruar. Kur do ta veproni?

A është akoma në fuqi, një kontratë me shtetin Grek, për eksport energjie, lidhur që në vitin 1985, në vend të lekëve të të cilës dërgohen mastic dhe pajisje të ndryshme? Përse nuk prishet kjo kontratë dhe sa do të zgjasë?

A ka qënë Anastas Janullatos në Greqi, gjatë vizitës tuaj atje dhe a keni bërë ndonjë takim të veçantë me të?

Përse gazeta “RD” nuk e trajton diversionin grek anti-shqiptar në Himarë dhe përse qeveria, nuk pronocohet kundër këtij diversioni?

Keni deklaruar, se do të hapni dosjet e ish-spiunëve të sigurimit të shtetit, qofshin këta edhe brenda në qeverinë tuaj? Përse nuk po e bëni?
Cfarë keni biseduar në zyrën tuaj në PD, me lobistin grek anti-shqiptar Nikolas Geixh dhe kush e organizoi atë takim? Po në Greqi jeni takuar me të? Po në SHBA, apo në ndonjë vend tjetër?

A i keni çuar në prokurori dosjet e korrupsionit të ish-pushtetarëve të majtë dhe cila është përgjigja zyrtare, për hapjen e tyre?

Me cilët keni biseduar në rezidencën qeveritare në Durrës, për caktimin e blerësve të kompanisë Alb-Petrol?

A ka lidhje me interesim dhe këmbëngulje të qarqeve jashtë Shqipërisë, rikthimi në PD i Genc Rulit dhe emërimi i tij, në postin e minisitrit të Ekonomisë dhe Energjisë?

A do të largohen nga Shqipëria, depozitat greke të naftës në Portin e Durrësit dhe përse nuk hyn në fuqi, vendimi i qeverisë për këtë largim?

[Dragut]

or ti Duj si Veten pse bo gam gam kot, ti dukesh që je dora Metës. Ktu nuk ka ven për të tret. Pse nuk shkon e bo zhurmë me nai ven tjetër?!