Legjendarët Deep Purple

[Pedro]

Koncerti i Deep Purple ne Tirane ishte eveniment historik. Megjithese ata jane te vjeter dhe i perkasin brezit te baballareve tane, perseri eshte grupi i pare i vertete, qe ka zbritur ne Tirane, megjithese jane dinosaur, jane nje nga grupet qe jane bere legjende, dhe kur arrin ti shohesh live, thua me goje plot dhe krenari: "edhe une isha aty".

Tani me evenimente te tjera ne Tirane. Do Zoti me Iron Maiden, Metallica dhe te tjere.

[Alienated]

*****thua me goje plot dhe krenari: "edhe une isha aty".

Tani me evenimente te tjera ne Tirane. Do Zoti me Iron Maiden, Metallica dhe te tjere.

Ate them dhe une Pedro... aty isha... aty para, shih fotot, sa afer

Sa per evenimente tjera, le te presim ne do e sjellin Whitesnake kete vere ne Tirane, por ja po sjell ca informata tjera per te interesuarit e koncerteve te muzikes Rock:

Do mbahet Gods of Metal ne MILANO te Italise, nje nga evenimentet me te rendesishme te muzikes metal, ku mes tjeresh kane konfirmuar pjesemarrjen e tyre edhe Megadeth, Dream Theater, KORN, Ozzy Osbourne, Scorpions, Blind Guardian, Heaven and Hell, etj.,dhe ka mundesi poashtu qe ne diten e pare te jene dhe IRON MAIDEN dhe Linkin Park.
Gods of Metal do mbahet ne tre data te ndryshme, edhe ate me 2 Qershor, 3 Qershor dhe 30 Qershor.

Ndersa nga data 14 deri ne 17 qershor ne Heineken Venezia do jene Iron Maiden, Pearl Jam, Aerosmith dhe Slayer.

Nga data 1 deri me 3 korrik, ne Athine mbahet Rockwave Festival ku mes tjerash do performojne edhe Heaven and Hell, Dream Theter, METALLICA, etj.

Nderkohe akoma s'dihet data kur mund te jene METALLICA ne Shkup edhe pse Avalon Productions nga Shkupi premtoi nje surprize te kendshme dhe nje spektakel te madh per te gjithe metalaret ne stadiumin e kryeqytetit.


Vere e nxehte do jete! Beni gati valixhet dhe merrni pushime te gjata kete vere se do tundim koken

[MaDaBeR]

Ve bast qe mosha mesatare e pjesmarresve ne koncertin e Deep Purple do jete 30 e siper

Dhe shumica do jene durrsake se dihen boterisht sa te fiksuar kane qene mbas Purple dhe Whitesnake. Gjithmone e kam patur enderr qe te shikoja grupe metali dhe hard rock ne Shqiperi po asnjehere nuk mu realizua. Skam lene grup metali pa pare neper bote po do me shijonte shume me teper nese do i kisha pare me shoqerine time ne Tirane

Darius, kam qene ne koncertin e tyre qe u zhvillua vitin e kaluar. Ashtu si dhe tek koncerti i EUROPE, ata qe ndezen atmosferen dhe shoqeruan grupin ne çdo kenge qe kendonin, ishin mosha 30-40 vjeç. Ndersa ata me te rinjte, tek Deep Purple kane shoqeruar vetem "Soldier of fortune", "Smoke on the Water", "Child in time" e deri diku "Born". Ndersa te rinjte qe ishin te pranishem ne koncertin e EUROPE dinin vetem "Final Cound Down", asnje tjeter

[MaDaBeR]

Biografia e Grupit

"Deep Purple" është një grup anglez hard rock, i krijuar në Londër në vitin 1968. Së bashku me Led Zeppelin dhe Black Sabbath, janë konsideruar si pionierët e heavy metal dhe hard rock. Grupi ka kaluar plot ndryshime gjatë karrierës së tij, mes të tjerash dhe ndarja e grupit për 8 vjet dhe dy ribashkime. Pas kryesimit të toplistave të hitparadave botërore, në vitin 1976 vjen ndarja, për tu bashkuar sërish pas 8 vjetësh në vitin 1984. Emra këngëtarësh kanë hyrë e kanë dalë nga grupi, por momentalisht banda përbëhet nga Ian Gillan, vokalist, Ritchie Blackmore në kitarë, Jon Lord në tastierë, Roger Glover në kitarë bass dhe Ian Paice në bateri. Disa nga albumet e tyre janë "Machine head", "Deepest purple", "Burn", "Fireball", "Perfect strangers", etj.

Ian Gillan ka lindur në Londër në vitin 1945. përveçse i njohur si vokalisti i "Deep Purple", ai njihet edhe përmes grupit "Black Sabath". Gjithashtu ka interpretuar rolin e Jezu Krishtit në rrok-operën e kompozitorit Andreë Lloyd Webber "Jesus Christ Superstar". Edhe pse me një vokal të jashtëzakonshëm operistik u bë i njohur kur nisi të këndojë rrok.

Ritchie Blackmore ka lindur në vitin 1945. është kitarist i njohur, një ndër themeluesit e "Deep Purple". Përpara se të bëhej pjesë e grupit ka performuar me artistë të njohur dhe të tjera bandamuzikore. Është një nga krijuesit kryesorë të këngëve të grupit, sidomos gjatë periudhave 1968-1975 dhe 1984-1993.

Jon Douglas Lord ka lindur në vitin 1941. është kompozitor dhe pianist. Ka qenë anëtar i shumë grupevemuzikore, që nga "Deep Purple", "Whitesnake", "Paice", "Ashton & Lord", "The Artwoods" dhe "Flower Pot Men". Është i njohur për mënyrën e veçantë të të kompozuarit dhe tingujt e veçantë blues-rock. Në vitin 968 krijon grupin "Deep purple". Është larguar dhe kthyer sërish në grup.

Roger Glover ka lindur në vitin 1945 pranë Brecon në Uells Wales dhe në moshën 10-vjeçare vendoset në Londër me familjen. Që herët fillon të shfaqë interes për muzikën rrok dhe në moshën 13- vjeçare nisi të mësonte kitarën. Është krijues i disa grupeve si "Madisons", "Episode six".

Ian Anderson Paice ka lindur në vitin 1948 në Nottingham në Angli dhe u bë i njohur si baterist i grupit "Deep Purple". Së bashku me Jon Lord, ai është i vetmi anëtari bandës që vazhdon të performojë me bandën. Muzika e tij është e ndikuarnga ritmet swing dhe jazz. Karakteristikë e tij është të luajturit me dorën e majtë.

Historiku i Grupit

Identiteti unik Plot 30 vjet që nga krijimi, Deep Purple mbeten një ndër grupet më të rëndësishëm të muzikës hard rok jo vetëm të viteve ’70, por edhe të gjithë historisë. Ata janë të parët që sollën në publik ritmet rok, me anë të një virtuoziteti dhe kapaciteti të pastër teknik, duke u kthyer në grupi që bëri revolucion në epokën e atëhershme. Në fillimet e tyre, secili nga pjesëtarët e grupit ishte një nga ato banda që nisi të lëvronte dukshëm muzikën Blues dhe Rock and Roll, që më pas u fokusua, aty ku të gjithë dëshironin. Në maj të vitit 1965, një bandë me emrin Episode Six tërhoqi vëmendjen e publikut në skenën e rokut anglez. Formacioni përbëhej nga Ian Gillan si vokalist, Graham Dimmock e Tony Lander në kitarë, Roger Glover në bas, Sheila Dimmock në tastierë dhe Harvey Shields në bateri. Vetëm dy vjet më pas lindi banda The Flowerpot Men dhe Garden. Më vonë teksa djemtë e grupeve të tjera po ndaheshin nga grupet e origjinës, më në fund ata vendosën të bashkohen në një bandë tjetër, që do të mbante emrin “Deep Purple”. Kështu u quajt edhe kënga e tyre prezantuese. Në tetor të vitit 1968 pati një sukses të madh në Shtetet e Bashkuara të Amerikës me singëllin “Hush”, që u bë më pas pjesë a albumit “Shades of Deep Purple”. Vitin pasardhës ata patën sërish dy albume të tjera, madje suksesi i volumit erdhi në sajë të një bashkëpunimi që patën me një orkestër simfonike. Pas kësaj epoke grupi do të fokusohej drejt një muzikë më kreative, një rok i fortë, që nuk ishte gjë tjetër veçse një shtysë për të shkuar tek Heavy Metal, aty ku u bazuan grupe të njohura si Black Sabbath. Në këtë kohë nisën edhe ndryshimet, konkurrenca u bë më e fortë teksa në treg hyn formacioni britanik Led Zeppelin. Duket se prania e Ritchie Blackmore në bandë do të shënonte një arritje që do të vlerësohej, sidomos gjatë periudhës së bashkëpunimit me Jon Lord. Ai eksperiemtoi me organon e famshme Hammond në amplifikator dhe kitarën elektrike Marshall, tinguj që u konsideruan si skaji i botës. Por, me ikjen e Blackmore, që u quajt edhe fytyra e grupit, djemtë u ndien më të plogësht dhe banda pothuajse nuk kishte prodhimet e mëparshme muzikore. Pas një pauze të gjatë grupi rimori veten në vitin 1984, ku gjatë transmetimit radiofonik The Friday Rock Show në BBC, konfirmuan bashkimin. Pas këtij momenti triumfet e njëpasnjëshme nisën me turne që thyen rekorde shitjet, ku më kulmuesi ishte “Slaves & Masters”. Edhe pse pas këtyre viteve grupi pati një rënie të dukshme në tregun muzikor, qoftë edhe përfaqësimi me single, bëri të mundur që “Deep Purple” të mos shuhej. Ky rikthim ishte më triumfues se kurrë në vitin 2005 kur në koncertin “Live 8” të organizuar nga G8, ata treguan se poshtë lëkurës së plakur, fshinin zërin dhe energjinë e 30 viteve më parë.

Wikipedia

[Anaisa]

“ArtKontakt” sjell Ian Paice në Tiranë; bateristi legjendar i Deep Purple do të japë një koncert special, por edhe ‘këshilla’ për ata që e dinë se çfarë është rock-u i vërtetë

“ArtKontakt” dhe “Charl’s Entertainment” janë arkitektët e një nate shumë speciale rock-u në Tiranë, me Ian Paice- bateristin themeluesin e grupit Deep Purple dhe Matt Filippini Band nga Italia. Natën e dymbëdhjetë të prillit, Ian Paice, bashkë me grupin italian të rock-ut do të luajnë muzikën e Deep Purple për rreth dy orë, nën dritat e amfiteatrit Calvin. Por Ian nuk vjen në Tiranë vetëm për koncertin, atij i intereson të takojë muzikantë rock-u shqiptarë, për të krijuar një kontakt për bashkë-prodhime ose thjesht për të folur mbi muzikën që shoqëroi revolucionit e shoqërisë moderne. Ai do të flasë me publikun në një auditor titulluar “Drumm Clinic” në Akademinë e Arteve mbi profesionin e bateristit rock dhe energjinë e ritmit që mban gjallë për dekada një grup rock-u. “Ky takim ka si finalizim të tij koncertin natën e 12 prillit, por Ian Paice është i interesuar të flasë me muzikantë të rinj lidhur me eksperiencën e të qenit gjithë jetën i përfshirë me rock-un. Ai do t’u japi një ‘shkundje’ në emër të rock-ut”, thotë Andi Tepelena, drejtori ekzekutiv i ArtKontakt.

Rock-in Tirana

“Problemi i rock-ut në Shqipëri është se ai nuk e kryen misionin e vet”, thotë Andi Tepelena. Sipas tij, një lloj apatie dhe mungese hapësirash e kanë bërë këtë zhanër të muzikës periferike në Tiranë, ndërkohë që rock-u është muzika më me traditë në Shqipëri. “Rock-u ka shoqëruar ndryshimet më të mëdha në Shqipërinë demokratike, po të kthehemi pak mbrapa në kohë, do të kujtohemi se Tirana ishte plot me muzikantë të rinj dhe energjik që adhuronin këtë muzikë”, tregon Tepelena. E vërteta është se metropolit i mungon një skenë alternative ku të shfaqen tendencat e ndryshme muzikore, si rock-u. Të vetmet skena të tij janë lokalet dhe baret fundjavave. Organizimet e koncerteve rock bëhen vetëm me mbështetjen e ndonjë “OJF-je” ose në kuadrin e një reklame të firmave të mëdha si ato celulare. Herët e vetme që këngëtarët e rinj rock ftohen nëpër koncerte është kur ato kanë një target adoleshentësh. Duke biseduar me muzikantë të rinj në Tiranë, vështirësia për të gjetur një mundësi për të çarë është aq e madhe sa edhe ëndrra e tyre. “Momentet e veta kur aktivizohemi realisht janë angazhimet nëpër festivale si “Top Fest”, por edhe aty varemi krejtësisht nga hapësira që na lënë ata për regjistrim”, shprehet Geni Huba i grupit “Kody”. Të njëjtin fat kanë edhe shumë grupe të reja të rock-ut në Shqipëri. Rastet më fatlume janë ato kur një natë në një lokal arrin të mbledhë një grusht njerëzish.

Ndërkohë, sondazhet radiofonike në Tiranë, si ajo i “Top Gold” tregojnë se shqiptarët ‘mbarojnë’ pas rock-ut, sidomos atij ‘heavy’. Përfaqësuesit më të denjë të kësaj rryme janë grupet me histori të hershme, si Metalica, Led Zebelin, Deep Purple etj. Është pikërisht ky lloj rock-u që ka një vlerë të pashlyeshme në Shqipëri, pavarësisht evoluimit të kësaj muzike.

Zhbllokim damarësh

Ideja e “ArtKontakt” dhe Andi Tepelenës, është pikërisht zhbllokimi i këtij ngërçi. “Ideja që bluaj prej dy vitesh është të sjell në Shqipëri një sërë muzikantësh, historinë e të cilëve e njeh gjithë bota. Ata janë njerëz shumë të hapur dhe e njohin mënyrën sesi një muzikë e tillë merr hapësirat që i takon. Por më kryesorja ata frymëzojnë”, thotë Tepelena. Fryma e takimit të Ian Paice me muzikantët dhe adhuruesit e rock-ut do të përplaset pikërisht në këto sfonde, në përgatitjen e terrenit për ta bërë Tiranën një metropol të vizituar nga muzikantët e njohur.