Kuriozitete mjekësore!

[DI_ANA]

SIGUROHUNI QË MERRNI
ME ANË TË USHQIMIT
MAGNESIUM NË MËNYRË TË
MJAFTUESHME


Magneziumi është karburanti kryesor i trurit dhe i Sistemit Nervor Qëndror. Kur në jemi te stresuar, konsumojmë sasi shumë të medha të tij. Kur nuk e marrim me ushqim në sasi të mjaftueshme, ne bëhemi të irritueshëm lehtë dhe nervoze. Sigurohuni që dieta juaj të përmbajë sasi të mjaftueshme magneziumi. Më pak ankth, më shumë
gjumë. Magneziumi është një nga mineralet më esenciale. Trupi ynë ka nevojë për të për të përmbushur me sukses shumë detyra: për të konvertuar yndyrnat dhe karbohidratet në energji, për të prodhuar antitrupa që na mbrojnë nga sëmundjet, për të rregulluar temperaturën trupore dhe mbi të gjitha, për t’i rezistuar stresit! Ne kemi një nevojë vitale për magnesium, për të trasmetuar impulse nervore përgjatë nervave dhe palces kurrizore, po ashtu edhe trurit. Pa magnesium të mjaftueshëm ne axhitohemi, irritohemi dhe nervozohemi. Ne nuk flemë mirë.Ne nuk mund të tolerojmë gjatë edhe një mërzitje të lehtë. Ai vepron si një lloj qetësuesi natyral, duke kontrolluar ankthin dhe duke na ndihmuar të flemë. Magnezium me shumicë në bukë, cokollatë të zezë dhe në ujin mineral. Doza ditore e marrjes së magneziumit për një të rritur është 300- 400 mg. Megjithatë shumë faktorë mund ta rrisin këtë sasi: emocione të forta, shpërqëndrimi, frika, disa barna si p.sh. antibiotikët dhe moti i ftohtë. Burime të pasura me magnesium janë buka, drithërat, cokollata e zezë, frutat e thata (arrat) dhe bishtajorët (fasulet, bizelet, thjerrëzat). Është gjetur edhe në ujin mineral. Nëse po kaloni një periudhë të stresuar, shtojani këto ushqime dietës suaj. Megjithëse ato kanë shumë kalori, nëse i merrni në sasi të moderuara, ata nuk do t’ju shëndoshin.

Dr Albana Aleksi

[DI_ANA]

A E DINI SE?


*Kalciumi punon dorë me dorë me magneziumin. Ai nuk është vetëm një mineral i gjetur me shumicë në kockë, por ai vepron edhe si një rregullator i Sistemit Nervor Qëndror.
*Kërkesat ditore të magneziumit janë 300-400 mg.

Dr Albana Aleksi

[DI_ANA]

PËR T’U MBAJTUR MEND:


• Magneziumi është vital për transmetimin në kohë të impulsive nervore.

• Ai gjendet me shumicë në arra, bishtaja, buke dhe cokollatë të zezë.
• Mos harroni se disa ujra minerale janë shumë të pasura me magnesium.

Dr Albana Aleksi