Shqiperia 1 Euro (Sa pak vlejme)

[MaDaBeR]

Kryeministri yne ka nje vite e me shume qe perkrah motos "Shqiperia ne moshen e internetit" ka dale dhe propagandon dhe moton tjeter te tij, "Shqiperia 1 Euro". Jam dakort me kete qe thote ai, vetem se duhet te kishte gjetur nje emer tjeter me te pershtatshem per moton e tij, pasi keshtu tingellon shume keq. Kam lexuar artikuj te ndryshem si nga shtypi vendes ashtu dhe nga ai i huaj rreth kesaj teme. Dhe, me ka rene ne sy nder te tjera, nje sarkazem e shtypit te huaj ndaj motos se kryeministrit tone. Neper gazeta te ndryshme thuhej, Shqiperia, sa pak qe vlen, te shkojme e ta pushtojme Shqiperine me 1 Euro, etj etj, Pra, jemi bere edhe objekt humori per te huajt.

Nje tjeter gje qe me shqeteson mua eshte se Kryeministri yne, i cili ka bertitur me te madhe per kete nisme te tijen, nuk e ka zbatuar fare ose e ka zbatuar vetem aty ku i ka interesuar. Siç po shohim, pavaresisht kesaj nisme, nuk kemi investime te reja ne vend dhe nuk kemi investitore te fuqishem qe interesohen per te hapur biznese te tyret ne vendin tone. Kjo do te thote se kjo moto e trumpetuar aq fuqishem nga Kryeministri yne ka vdekur akoma pa lindur.

Po perse deshtoi kjo nisme do pyesni juve? Deshtoi sepse qeveria nuk ka krijuar nje ambjent te pershtatshem per biznesin. Kur parlamenti dhe qeveria ndermarrin nisma ligjore per biznesin, biznesmenet nuk pyeten fare dhe nuk meret fare mendimi i tyre. E keshtu, qeveria harton ligje qe jane vetem ne interes te saj e jo ne interes te biznesmeneve. Gjithashtu, sistemi yne gjyqesor eshte kembe e koke i korruptuar, gje te cilen e vertetoi vete Ministri i Drejtesise duke thene: "Do te behesh milioner? Mbaro shkollen per drejtesi." Duke pare kete fakt, investitoret e huaj i tremben shume klimes ketu dhe nuk mund ti sjellin investmet e tyre ne nje vend ku nuk e gjen dot te drejten. Keto arsye qe permenda me lart, e percaktojne Shqiperine si nje vend me risk te larte per investitoret e huaj dhe keta te fundit menjanohen nga ne. Nje tjeter fakt qe ka çuar pothuajse ne deshtimin e kesaj nisme eshte dhe infrastuktura teper e dobet e vendit tone. Perveçse ne rrugen Durres-Kukes ku po punohet me rendiment per tu admiruar, ne rruget e tjera te vendin nga nje guralec ne dite hidhet. Mjafton te permendim ketu rrugen Levan-Vlore, e cila ka 3 vjet qe ka nisur punimet dhe eshte nje rruge relativisht e shkurter, dhe akoma nuk eshte bere asgje ne te.

Po edhe sa kohe ne Shqiptaret do vazhdojme te genjejme veten se emi te afte te thithim investitoret e huaj se jemi vend me resurse te mira natyrore dhe nga kjo do vijne investime ne vendin tone? Ne po shikojme se disa investitore po shpenzojne shume me shume se sa shpenzonin ne Shqiperi dhe investojne ne vende te tjera te rajonit vetem per shkak te sigurise me te madhe e infrastuktures rrugore e ligjore me te mire qe u ofrojne keto vende. Valle ne a nuk dime te hartojme ligje te mira e te ndertojme rruge te mira? A nuk dine qeveritaret Shqiptare se si behet politike e si mund te çohet vendi perpara? Dhe sa kohe ne do vazhdojme ne kete rruge, duke kerkuar lemoshe gjithmone e duke mos u munduar te bejme asgje te mire per veten tone....

MaDaBeR

[Duaje Siveten]

Lexoni se si e zhvereson hyrjen ne NATO ky njeri i pa-pergjegjshem ...

shfrytezon nje koncert publik, del si fanti spathi, si i droguar, flet partalla, si ato te çekut te bardhe, eksport energjie, nje euro, mashtrime te paskrupullta, e maskaralleqe te tjera ...

i ka me helm, ta zhvleresoje ne maksimum ate akt historik, me qellim qe njerezia te zhgenjehen sa me shpejt, kesaj radhe edhe me futjen ne NATO ...

edhe fishekzjaret kane "koinciduar" me zgjirjen e nje kryeministri komunist, anadollak, te pabese, puthador i athin-belgradit, sharlatan pa kufi ...

lexoni ...

======== ========

www.balkanweb.com 07/04/2008 - 20:05

Koncerti, Berisha: Shqiperia vendi i investimeve


TIRANE-Kryeministri i Shqiperise Sali Berisha pasi ka hipur ne skenen e koncertit “Shqiperia ne NATO” ka uruar te gjithe shqiptaret per ftesen e marre ne Samitin e Bukureshtit. Pasi eshte shkeputur nga vendi i spektatorit, kryeministri Berisha eshte pozicionuar para mikrofonit te koncertit dhe ka deklaruar para te gjithe shqiptareve qe Shqiperia do te jete vendi i investimeve te medha. “3 Prilli shenon fillimin e ores se NATO-s per shqiptaret, sigurine dhe mundesite e tyre per te ndertuar te ardhmen si qytetare te lire te ketij kontinenti. Kjo date shikon prosperitetin e larte te shqitareve dhe sot Shqiperia do te behet nje shtet me i sigurte se ne te gjithe historine se saj. Shqiperia do te kthehet ne vendin e investimeve dhe projekteve te medha per sigurimin e nje te ardhmeje te sigurte”, ka deklaruar konkretisht Berisha. Pas përfundimit te deklarates se kryeministrit te Shqiperise shume fishekzjarre jane shpërthyer ne qiellin e sheshit Skenderbej

[oliver55]

Po mire ore edhe 00000 nga mbrapa don ti vere BERISHA. Ai e ka lene ne dore te investuesit qe te shtoje 0000.

[[Perla]]

Shqiperia 1 Euro (Sa pak vlejme)

Kaq eshte shume ore , te shofesh kur te kalojme ne cent do shohim kur te na sulen investitoret

Jemi qe jemi ua falim Shqiperine pa kokerr leku

[juanito02]

Pune pallash e idjotesh aman cna e kujtove.

[Ujku'80]

Investitoret duan ne radhe te pare siguri, dhe pa kete as 1 euro nuk do te hedh kush kot.

[[Perla]]

Investitoret duan ne radhe te pare siguri, dhe pa kete as 1 euro nuk do te hedh kush kot.

Dhe e kane kete siguri valle ? Une them se JO !

[Gjin Marku]

"Jo Shqiperia nje Euro, por ç'do meter e saj nje bilion" do sillte vemendjen e ndokujt.
Ju pershendes te gjitheve. Kjo eshte tema me interesante e forumit dhe flet shume per strategjine e keqe te klases sone politike.

Meqenese hyra ne kete moment desha te sqaroj diçka lidhur me sa lexova per temen e tragjedise se Gerdecit me titull: Tragjedia e Gerdecit te trajtohet si krim kunder njerezimit

Titulli ishte vene gabim dhe nuk perkonte me permbajtjen, prandaj dhe pati reagime fyese ne pergjigjet e disa anetareve te forumit. Ai material ka ndikuar per te nxitur pozitivisht reagimet institucionale. Komiteti i Pajtimit Mbarekombetar do jete gjithnje ne forum pavaresiht nga koha e kufizuar qe kemi. Une si Kryetar i ketij Komiteti i lexoj me shume vemendje debatet dhe pergjigjet ne kete forum, jane interesante. Ndonjeri qe e tepron me fyerje duhet te mendoje se fyerja nuk ben dem tek ai qe i adresohet por tregon nivel jo te mire per ate qe e perdor fyerjen.
Juaj sinqersiht Gjin Marku.

Per te treguar edhe nje here se materiali yne per Gerdecin paraqet edhe keto shqetesime qe shprehni ju sot, po ua dergoj me poshte:


KOMITETI I PAJTIMIT MBARKOMBËTAR
Adresa: Rr. "M. Muça" Pall. 46 Ap. 23 Tiranë- Shqipëri , Fax 00355 4 2 263 126. / 2 238 033
Tel 00355 4 2 259 124 Mobil: 00 355 68 27 37 989
E-mail: gjin_marku@yahoo.com
Web: ww.pajtimi.com
Nr 3/4 prot
Tiranë më 30 prill 2008

K Ë R K E S Ë
Mbi hetimin e krimeve ndaj popullsisë nëpërmjet krijimit të terreneve për vrasje masive dhe projekteve të rrezikshme për jetën dhe mjedisin si dhe ndalimin e lidhjeve të mafies ndërkombëtare me lidershipin politik dhe përfaqësues të trupit
diplomatik në Shqipëri


Drejtuar: Kuvendit të Shqipërisë
- Presidentit të Republikës së Shqipërisë dhe Këshillit të Sigurisë Kombëtare.
- Prokurorit të Përgjithshem të Republikës së Shqipërisë.
- Gjykatës Kushtetuese të Republikës së Shqipërisë.
- Komisionit Europian.
- Përfaqësuesve të trupit dipllomatik dhe organizatave ndërkombëtare.

Për dosjen me nr. ref: OTP-CR-134/07 –në Gjykatën
Ndërkombëtare të Krimeve – Zyra e Prokurorit HAGË.


I nderuar z. President i Republikës dhe Kryetar i Këshillit të Sigurisë Kombëtare.

E nderuar zonja Prokurore e Përgjithshme e Republikës së Shqipërisë.

Të nderuar anëtarë të Gjykatës Kushtetuese.

Te nderuar Znj. Z. Deputete

Shkëlqesia Juaj.

Në një kohë kur Komuniteti Ndërkombëtar është i interesuar për të përshpejtuar anëtarsimin e Shqipërisë në Aleancën e Atlantikut Verior e Bashkimin Europian, operatorë të mafies ndërkombëtare e kanë kthyer territorin e këtij vendi në terrene private të veprimtarisë së errët e kriminale, jashtëzakonisht të rrezikshme për popullsinë shqiptare. Ngjarja e dt.15 mars 2008 në afërsi të kryeqytetit shqiptar, ku mbetën të vrarë 26 vetë (mes të cilëve gra e fëmijë), mbi 300 të plagosur dhe mijëra shtëpi të rrënuara nga shpërthimi i municioneve të grumbulluara për tregëti të fshehtë, përbën vetëm njërin prej rasteve tragjike të veprimtarisë së kësaj mafie dhe të rreziqeve që i kanosen jetës së shqiptarëve.

Nisur nga këto shqetësime, një vit më parë, më dt. 14 prill 2007, Komiteti i Pajtimit Mbarkombëtar iu drejtua Gjykatës Europiane për të Drejtat e Njeriut dhe Gjykatës Ndërkombëtare të Krimeve në Hagë. Në këtë dokument theksonim se operatorët e kësaj mafie të lidhur me lobet antishqiptare vazhdojnë të kryejnë veprimtari të dukshme kriminale kundër popullsisë e integritetit kombëtar të këtij vendi siç inskenuan edhe trazirat e vitit 1997 për rrëmbimin e parave të popullit e nxitjen e qytetarëve në luftë civile ku mbetën të vrarë rreth 1500 vetë: shih - “Memo, Nr.001/4 prot; - Tiranë më 14 prill 2007: - Mbi shkeljet flagrante të të drejtave të njeriut dhe veprimet kundër integritetit kombëtar të shqiptarëve, nevojën e gjykimit të krimeve ndaj popullsisë në ngjarjet e vitit 1997 e domosdoshmërinë e masave për parandalimin e krimit të vrasjeve. –Ref: OTP-CR-134/07 –International Criminal Court –The office of the Presecutor – HAGUE. Ky dokument, i mbështetur në Deklaratën e Përgjithshme të OKB-së për të Drejtat e Njeriut, Konventën Europiane për Mbrojtjen e të Drejtave dhe Lirive Elementare si dhe Paktin Ndërkombëtar për të Drejtat Civile dhe Politike, iu bë prezent të gjitha organizmave ndërkombëtare, përfaqësuesve të trupit dipllomatik në Tiranë, parlamentit dhe institucioneve kryesore të shtetit shqiptar të cilat, fatkeqësisht, nuk reaguan. Ndërsa Gjykata Europiane po u jep të drejtë të gjithë qytetarëve shqiptarë në lidhje me çështjet që kemi trajtuar dhe Prokuroria e Hagës i është përgjigjur kërkesës sonë, institucionet e shtetit Shqiptar dhe lidershipi i partive politike e kanë thelluar bashkëpunimin me operatorët e kësaj mafie çnjerëzore, jo vetëm të tregëtisë së fshehtë të armëve, por edhe bizneseve të tjera të rrezikshme për jetën e mjedisin. Pasojë e këtij mosreagimi dhe bashkëpunimi me mafien është edhe ngjarja tragjike e datës 15 Mars.

Për mënyrën se si po trajtohet ky krim nga qeveria dhe udhëheqësit kryesor të politkës, duke u përpjekur për ta minimizuar atë dhe ushtruar presion mbi organin e akuzës, e shohim të domosdoshme t’ju drejtohemi përsëri për të dënuar këto krime, për të parandaluar vrasje të tjera masive në terrenet e përgatitura përgjatë këtyre viteve dhe frenuar rrënimin e mëtejshëm të jetës së shqiptarëve. Qeveria shqiptare në këtë rast është përfshirë direkt në një aferë të fshehtë armësh me pasojë vrasjen masive dhe, si në shume raste të tjera, ka bashkrenduar veprimtarinë e saj me mafien ndërkombëtare në afera biznesesh që kanë shkaktuar e do shkaktojnë krime shumë të rënda kundër jetës së popullit e mjedisit. Dëshmitë tregojnë se prej vitesh vendime të Këshillit të Ministrave si dhe ligje e amendime ligjesh të kaluara me urgjencë me votat e shumicës në parlament kanë favorizuar aktivitetet dhe strategjinë kriminale të kësaj mafie.

Edhe pas ngjarjes qeveria nuk u deklarua mbi rrezikun që i kanoset popullsisë mbas këtij shpërthimi. Instituti i Shëndetit Publik ka paralajmëruar se zona do jetë e infektuar për 20 vitet e ardhëshme e përbën rrezik për jetën e qytetarëve. Vite më parë, mediat kanë paralajmëruar se porti i Durrësit, pranë të cilit ishin grumbulluar këto municione, është pikë kalimi e lëndëve radioaktive për tegun ndërkombëtar. Shërbimet informative janë sinjalizuar prej kohësh se në hapësirën shqiptare të detit Adriatik qëndrojnë anije të dyshimta që merren me tregëti armësh dhe shkarkojnë në det mbeturina lëndësh me rrezikshmëri të lartë radioaktiviteti. Po kështu, në brigjet shqiptare të detit Adriatik e Jon gjenden mina nënujore ose predha të kalibreve të ndryshme që shpesh herë nxirren nga polumbarët në sipërfaqe, një pjesë e të cilave dëshmohet se janë hedhur mbas ngjarjeve të vitit 1997.

Meqenëse vendet e Bashkimit Europian kanë kërkuar ndalimin e bizneseve që kanë rrezikshmëri të lartë për jetën e mjedisin, kjo mafie ka ndërmjetësuar që ato të transferohen në territorin shqiptar dhe të vendosen kryesisht në bregdet për lehtësi e përfitime. Qeveria shqiptare në marrëveshje dhe me opozitën po inicojnë ligje e vendime qeverie që i mbështesin këto biznese çnjerëzore. Ndërsa qeveria ushtron dhunë dhe burgos operatorët e shoqërisë civile që shprehen kundër, opozita hesht dhe i bojkoton protestat. Edhe pse prej vitesh në zonat e ndotjes së lartë është shfaqur fenomeni i lindjes së kafshëve dhe fëmijëve të deformuar biologjikisht, qeveria shqiptare dhe organizatat ndërkombëtare në Tiranë kanë heshtur. I vetmi organizëm që ka ngritur shqetësimin mbi përhapjen masive të sëmundjeve kanceroze tek shqiptarët është OKB-ja.

Projektet e transferimit të dhjetra mijë ton plehrave në ditë nga Italia për në Shqipëri, apo të ngritjes së TEC-eve të të gjitha llojeve të ndotjes në brigjet e Vlorës e zona të tjera bregdetare, janë akte flagrante të lidhjeve të kësaj mafie me lidershipin e të dy krahëve të politikës shqiptare. Edhe projekti AMBO (i cili trumbetohet si projekt i interesave amerikane) është përgatitur për të shkarkuar 40 milion ton naftë në vit në gjirin e Vlorës me një investim rreth 1 miliard dollarë, në një kohë kur, vetëm për mbrojtjen e sistemit ekologjik, përfituesit duhet të paguajnë jo më pak se 20 miliard dollarë, shumë të cilën ata e fitojnë brenda 3-4 vitesh nga ky aktivitet. Po kështu, marrëveshjet për ngritjen e gjigandëve të prodhimit të çimentos në territoret shqiptare si në Elbasan, Fushë Krujë, Balldre etj, përbëjnë një rrezik tjetër shumë të madh për jetën e qytetarëve dhe mjedisin. Qeveria i propagandon si sukses këto investime të huaja duke marrë pjesë në inagurimin e tyre vetë kryeministri. Ndikimi i ndotjes mbi mjedisin do jetë katastrofik nga Balldreni deri në kodrat e Durrësit, ndërsa si investim llogaritet vetëm kostoja e fabrikave.

Kompromisi midis dy partive kryesore po shkon edhe drejt ngritjes së termocentraleve bërthamore të ndaluara në vendet e tjera. Propozimet nga vendet mike mbi përdorimin e burimeve ujore dhe erës për prodhimin e energjisë elektrike vazhdojnë të shmangen pikërisht nga influenca e operatorëve të kësaj mafie mbi politikën. Gjatë gjithë këtyre viteve kjo mafie ka kërkuar shmangien e rehabilitimit të hidrocentraleve e mosplanifikimin e veprave të reja hidroenergjitike që do ishin një investim shumë i madh edhe për turizmin e ekologjinë. Digat e amortizuara të hidrocentraleve të Komanit e Vaut të Dejës në çdo periudhë reshjesh të mëdha rrezikojnë shpërthimin dhe zhdukjen e rreth 200 mijë qytetarëve të zonës së nën-Shkodrës, Zadrimës e qytetit të Lezhës.

Përveç rreziqeve të mësipërme ka shumë terrene të tjera që rrezikojnë në çdo çast vrasjen masive të qytetarëve. Për lehtësi veprimi e përfitimi maksimal, janë vendosur në qytetet bregdetare depozita mijra tonëshe me naftë e lëndë të tjera të rrezikshme për popullsinë, pa asnjë masë mbrojtëse për jetën e qytetarëve. Po kështu qindra pika furnizimi me karburante gjenden rrëzë pallateve të banimit në shumë qytete të vendit. 70 000 familje në qytete rrezikohen nga prekja e themeleve dhe prishja e strukturës bazë të pallateve për hapje dyqanesh. Në hapësirat informale vihet në rrezik jeta e shumicës së familjeve për shkak të pamundësisë së ndërhyrjes së zjarrfikseve. Edhe pallatet e ndërtuara me miratimin e bashkive nuk kanë të projektuar asnjë element sigurie për daljen e qytetarëve në raste zjarri.

Përfshirja e politikanëve të partive kryesore në veprimtarinë e kësaj mafie ndërkombëtare ka planifikuar vazhdimisht zgjatjen e krizës e moslejimin e zhvillimit të ekonomisë vendase me qëllim që operatorët e kësaj mafie të marrin sa më lirë tokën dhe burimet e pasurive. Burimet nëntokësore shqiptare, që përbëjnë një pasuri të jashtzakonshme mineralesh, u janë dorëzuar thuajse falas kompanive të huaja anonime. Mania e tyre për përfitime maksimale po shfrytëzon në mënyrë ç’njerëzore punëtorët e galerive pa asnjë masë sigurie për jetën. Edhe pse qeveria është përballur çdo vit me tragjeditë në miniera, nuk ka marrë asnjë masë për ndalimin e vrasjeve të punëtorëve të nëntokës, apo rehabilitimin e familjeve të viktimave.

Nën interesin e lobeve antishqiptare e operatorëve të kësaj mafie për të zhvilluar kaosin është penguar për gjatë 20 vjetëve miratimi i planimetrisë urbane. Po kështu po veprohet me ligjin për legalizimin e ndërtimeve pa leje që pengon jo vetëm të ardhmen e zhvillimit urban por edhe jetën normale të qytetarëve e i mashtron si pronarët edhe pëfituesit për interesa elektorale. Me qëllim moskthimin e pronave e uzurpimin e tyre u krijua që në fillim të pluralizmit, me konsensusin e dy partive të mëdha, ligji 7501 mbi tokën që ka sjellë aq shumë hasmëri e vrasje dhe ka lënë djerr gjithë Shqipërinë. Fatkeqësisht, deputetët nuk e kuptojnë se shumica e vendimeve të qeverive dhe ligjeve të parlamentit shqiptar, që ata i kanë votuar me duart e tyre, janë mbështetja kryesore e strategjisë së kësaj mafie që kërkon ta tjetërsojë territorin shqiptar sipas interesave të saj afatgjata.

Partitë kryesore vazhdojnë ta manipulojnë opinionin publik dhe mbulojnë gjendjen katastrofike të vendit me demagogji, duke e mbajtur popullin të varfër e të lidhur me propagandën mediatike për të marrë sipas radhës qeverisjen e vendit. Rreth 60 % e popullit shqiptar nuk merr pjesë në votime sepse ka humbur besimin tek shteti dhe nuk e mbështet lojen e dy partive kryesore politike, te cilat konfrontohen dhe bashkohen në konsensuse jo për interesat e popullit e të demokracisë por për zotërimin e fushës së lojës. Pjesa e popullsisë qe voton është e lidhur me administratën dhe kjo u intereson dy partive të mëdha. Në këto kushte, popullit shqiptar do i shërbente një ligj për pjesmarrjen e të gjithë qytetarëve në votime si në shumë vende të demokracisë perëndimore, Nëse do kishim një ligj të tillë zgjedhor atëher do kishim edhe faktorë të tjerë politikë. Ky manipulim vazhdon të bëhet edhe me suksesin e marrëveshjeve me NATO-n e BE-në, në një kohë kur populli shqiptar është më i varfëri dhe më i rrezikuari në Europë. Shqiptarët nuk mund të jenë kurrë të fituar në NATO e as në BE nëse territori i tyre i lakmuar mesdhetar dhe pasuritë natyrore nuk do zhvillohen në dobi të ekonomisë e jetës së tyre. Lidershipi i dy partive kryesore mund të kontribojë realisht për pranimin në NATO e BE, nëse do shkëpusë çdo lidhje me mafien dhe do ndryshojë kahun e politikës në dobi të qytetarëve shqiptarë, nëse do ndërmarrë hapat e nevojshme me reformat e ligjet dhe jo sipas veprimeve që po bën gjatë këtyre ditëve me kushtetutën. Nëse ka nevojë për ndryshime në kushtetutë ato duhet të jenë me të vërtetë demokratike, progresive e të dobishme dhe të insistojnë në: 1-garantimin e barazisë për të gjithë para ligjit dhe heqjen e imunitetit për politikanët e përfaqësuesit e shtetit; 2-garantimin e votës së lirë; 3-garantimin e drejtësisë dhe të pavarsisë së pushtetit gjyqësor, 4-krijimin e institucionit të pavarur të akuzës; 5-garantimin e lirisë dhe të pavarësisë së mediave; 6-forcimin e institucioneve të sigurisë në vend dhe krijimin e kompetencave të Këshillit të Sigurisë Kombëtare; 7-vendosjen si parim kushtetues të barazisë gjinore etj.

Prekja në mënyrë të përshpejtuar e kushtetutës për interes të udhëheqësve të partive kryesore dhe ngushtimi i debatit parlamentar vetëm me dy parti nuk është vlerë e demokracisë as e traditës parlamentare perëndimore. Në kushtet aktuale, vendimi i fundit i parlamentit është një atentat ndaj demokracisë, shtetit të së drejtës dhe interesave të qytetarëve. Fatkeqsisht, në aferat e qeverisë shqiptare me mafien janë përfshirë edhe diplomatë e përfaqësues të organizmave ndërkombëtare, disa prej të cilëve po i drejtojnë këto biznese të rrezikshme. Rreth 1,5 miliard dollarë të taksapaguesve perëndimore që janë lëvruar në këto 17 vjet i kanë shërbyer më shumë korrupsionit se sa grupeve në nevojë. Akoma më e papranueshme bëhet sjellja e këtyre diplomatëve kur mbështesin akte të tilla si ai i dt 21 prill për ndryshimin e kushtetutës. Kushtetuta dhe ndryshimet e saj janë e drejtë e qytetarëve dhe diplomacia perëndimore duhet ta mbrojë këtë të drejtë të mohuar nga lidershipi i partive kryesore. Qytetarët i janë drejtuar vetgjyqësisë sepse çdo ditë e më tepër po perceptojnë se ligji është pronë e mafies në politikë. Nga vetgjyqësia kanë humbur deri më sot jetën mbi 5000 qytetarë dhe janë privuar nga liria me mijra familje të cilat nuk kanë gjetur shpëtim në asnjë vend tjetër përveçse tek tradita zakonore e pajtimit dhe emigrimi. Lidershipit politik shqiptar, si të mazhorancës dhe të opozitës, nuk i bën përshtypje tragjedia e dt.15 mars, as vrasjet e qytetarëve të pafajshëm, as gjendja e mjeruar në të cilën është katandisur popullsia shqiptare, as varfëria ekstreme e shfrytëzimi barbar i fëmijëve, as ngujimi e gjakmarrja, as vetvrasjet e pashembullta e emigrimi i pafund sepse janë të përfshirë në interesat ekonomike e financiare të mafies së pamëshirshme globale.

Për sa më sipër Komiteti i Pajtimit Mbarëkombëtar:

I drejtohet Kuvendit të Shqipërisë dhe kërkon

Të marrë në konsideratë çështjet e parashtruara në këtë dokument duke vënë mbi gjithçka interesat e popullit shqiptar.

I drejtohet Presidentit të Republikës së Shqipërisë dhe kërkon:

1 – Të ushtrojë autoritetin institucional për të marrë në shqyrtim problemet e mësipërme dhe të gjitha çështjet e trajtuara në Memon e dt 14 prill 2007 (drejtuar këtij institucioni) e t’i trajtojë ato në Këshillin e Sigurisë Kombëtare në respekt të ligjit dhe Kushtetutës së Republikës së Shqipërisë
2 – Të ushtrojë autoritetin e Presidentit për të marrë informacion zyrtar e ndërprerë lidhjet e operatorëve të mafies me qeveritarët dhe lidershipin e Partive Politike Parlamentare.
3 - Të ushtrojë autoritetin e Presidentit për krijimin e një tryeze të përhershme bashkbisedimi midis partive politike mbi reformën, ligjet dhe strategjitë e zhvillimit në dobi të përparimit të vendit dhe mirëqenies së qytetarëve.

I drejtohet Prokurorit të Përgjithshëm të Republikës dhe kërkon:

1 - Të shqyrtojë denoncimet e ngritura në këtë dokument dhe në Memon e dt 14 prill 2007 dhe të marrë në procedim penal të gjithë ministrat e kryeministrat që me veprimet e mosveprimete e tyre i kane sjellë në vite pasojat e përshkruara në këto dokumente:
2 – Të hetojë mbi pasuritë e fshehta të anëtarëve të kabineteve qeveritare, të lidershipit të partive politike, të kryeministrave, të perfaqësuesve të parlamentit dhe mbi burimet e financimit të Partive politike parlamentare e mbi lidhjet e tyre me mafien.
3 – Të hetojë të gjitha vendimet e qeverive, ligjet dhe vendimet e parlamentit shqiptar që janë miratuar në kundërshtim me interesat e popullit shqiptar dhe i kanë sjellë pasoja të rënda jetës së qytetarëve dhe mjedisit, që kanë favorizuar, krimin, korrupsionin, monopolet dhe interesat e mafies. Të marrë në procedim penal inicuesit e këtyre ligjeve dhe vendimeve qeveritare dhe të kthejë besimin e shqiptarëve tek shteti dhe drejtësia.

I drejtohet Gjykatës Kushtetuese të Republikës së Shqipërisë dhe kërkon:

1- Të marrë në shqyrtim çështjet e parashtruara në këtë kërkesë dhe në Memon e dt 14 prill 2007 për të bërë shfuqizimin e të gjitha vendimeve të Këshillit të Ministrave dhe të ligjeve që bien në kundërshtim me interesat e shoqërisë shqiptare, me Kushtetutën e Shqipërisë, me kartat ndërkombëtare për të drejtat e njeriut dhe kanë sjellë pasojat e përshkruara në këto dokumente.
2 - Të marrë në shqyrtim dhe të shfuqizojë vendimin e Parlamentit të dt 21 prill 2008 mbi disa ndryshime në Kushtetutën e Republikës së Shqipërisë.

I drejtohet Gjykatës Ndërkombëtare të Krimeve në Hagë dhe kërkon:

1 - Të asistojë në Republikën e Shqipërisë sipas kompetencave dhe statusit të saj për hetimin e krimeve ndaj popullsisë shqiptare të parashtruara në këtë dokument dhe të koordinojë punën me institucionet kombëtare në gjykimin e drejtë të këtyre çështjeve sipas ligjit, kushtetutës së Shqipërisë dhe akteve ndërkombëtare të nënshkruara.

Për Komiteti i Pajtimit Mbarëkombëtar

Gjin Marku
Kryetar

[Duaje Siveten]

Tema, E enjte, 10 korrik 2008

Ky model qeverisjeje vret vlerën

Nga Prof. Dr. Besnik Gjongecaj

Është një fakt i njohur në Shqipëri që zgjedhjet e 2005 prodhuan një qeveri, në të cilën marrin pjesë parti pothuajse nga i gjithë spektri politik i vendit. Si e tillë, kjo qeveri nuk ka dhe nuk mund të ketë një profil të vetëm. Si në një trup të komplikuar gjeometrik, ajo ka shumë mundësi “prerjesh tërthore”, pra mund të shihet nga shumë pikëpamje, duke qenë i sigurt që secila prej tyre prodhon një profil të ndryshëm nga i mëparshmi. Dhe, në çdo profil gjen elementë, të cilët kurrë nuk i kishe përfytyruar që mund të qëndronin madje fizikisht pranë njëri-tjetrit dhe jo më të ngjizeshin në një program të vetëm dhe koherent qeverisjeje.

Profili më interesant i qeverisë krijohet nga “prerja” politike, pra, kur qeverinë e sheh nga pikëpamja e kompozimit politik. Pa përmendur pasojat politike të disa anëtarëve të qeverisë që nuk e kanë pasur për gjë të punojnë më parë për parti dhe programe të ndryshme politike, ajo që të bie më shumë në sy është se, së bashku me demokratët, të cilët në kujtesën kolektive të shqiptarëve janë ata që i sollën vdekjen diktaturës, në të njëjtën qeveri qeveris edhe ministri i Mjedisit, i cili brenda së njëjtës kujtesë konfigurohet në të kundërtën, si një faktor që ka mbajtur gjallë diktaturën. Këtë profil e bëjnë akoma edhe më të paimagjinueshëm lidhjet e tij të shumëfishta me familjet më të mëdha komuniste të diktaturës, në kontrast me supozimin që qeveritarët demokratë në mos direkt, të paktën indirekt janë edhe të persekutuarit e tyre.

Në pikëpamjen programore, arsimi, shëndetësia, punësimi dhe ambienti janë zhytur në një kaos, saqë është pothuajse fare e pamundur të dallosh hijen e ndonjë programi apo strategjie qeveritare dhe jo më pastaj të pretendosh që ai ka elementë të një profilizimi të djathtë. Boshllëku i krijuar nga mungesa e programit është mbushur me përpjekjet e kryetarëve të partive respektive që mbajnë post ministri për të forcuar pacipërisht pozitat e tyre dhe të “gjoja” partive që zotërojnë. Është vetëm një zë, ai i “Mjedisit”, i cili, meqë ndjen se sa larg është politikisht, mezi pret të gjejë pak hapësirë për të thënë që arsyeja pse jam në këtë qeveri është programi i njëjtë me të djathtët në çështjet e mjedisit. Për ata që kuptojnë diferencat e mëdha programore midis të djathtëve dhe të majtëve në fushën e mjedisit, kjo është një “pështymë” tjetër në fytyrë të demokratëve.

Kur “prerja tërthore” bëhet në pikëvështrimin e performancës, atëherë shfaqet një profil alarmant i qeverisë dhe qeverisjes. Në këtë profil dallohet qartë që ekzistenca e një ministri apo e vetë qeverisë vetëm shpallet e varur nga performanca apo rezultati, por në realitet aplikohen varësi apo funksione fare të tjera. Veçanërisht ekzistenca e aleatëve në qeveri nuk është funksion i performancës së sistemit apo fushës ku ata qeverisin, pra nuk është rezultat i reformave që ata ndërmarrin, përkundrazi, varet vetëm nga numri i votave që ata sigurojnë në parlament apo nga ndonjë raport tjetër të palidhur me detyrimin e qeverisjes. Dhe kjo gjë thuhet hapur, pa “u skuqur”, megjithëse jo rrallë herë pranohet zhytja e plotë e këtyre fushave jetike për shqiptarët në një prapambetje dhe korrupsion të thellë.

Tashmë ka shumë fakte që dëshmojnë se qeveria nuk ka qëllim reformimin e thellë të arsimit, shëndetësisë, përkundrazi, një ruajtje të sforcuar të ekzistencës apo pushtetit të saj nëpërmjet ruajtjes së numrit të votave në parlament. Këtë, përveç të tjerave, e dëshmon edhe fokusimi, ardhja vërdallë apo shpenzimi i aq shumë energjive për të ashtuquajturën reformë zgjedhore, që në thelb është thjesht një përkujdesje për gjetjen e asaj forme favorizuese në zgjedhjet e ardhshme që mund të sjellë ruajtjen e pushtetit. Qeverisja në këtë mënyrë bëhet një qëllim në vetvete dhe që këtu ajo humbet vlerën e saj, duke dalë nga fokusi i interesit të shqiptarëve dhe duke u zhytur në asgjë.

Masa e përputhshmërisë së personalitetit dhe eksperiencës relevante të njeriut në detyrën e ministrit me fushën që ai drejton, krijon një profil tjetër rrëqethës të qeverisjes. Pa përmendur çështje të mungesës së personalitetit apo pranisë së një integriteti të dyshimtë, fusha e arsimit dhe shkencës merret përsipër nga njeriu, të cilit kurrë nuk i ka thënë askush punë e mbarë as në arsim dhe as si kërkues shkencor. Akoma më flagrant është rasti i drejtimit të shëndetësisë nga një njeri që vetëm po t’i veshësh bluzën e bardhë, pa pretenduar ta vësh në krye të sistemit të shëndetësisë, të ngjan me një UFO që s’ka bir k... t’i përcaktojë planetin nga vjen. Ai që e justifikon ekzistencën e këtij profili tragjikomik të qeverisjes me argumentin se drejtuesi i një sektori të caktuar është politikan dhe s’ka pse të jetë edhe i zanatit d.m.th., profesionist i fushës, tregon që akoma nuk kupton se niveli në të cilin është Shqipëria, nuk e pranon këtë luks, se Shqipëria ka nevojë për të ndërtuar në themel politikat arsimore apo ato të shëndetësisë, gjë që pa përfshirjen e profesionistëve në të gjitha nivelet e drejtimit politik është thjesht e pamundur.

Rreziku i rënies së nivelit politik të qeverisjes, pra rreziku i shkarjes në teknicizëm, mund të evidencohet, nëse qeverisja shikohet në një pikëvështrim tjetër, në një profil ku përcaktohet distanca që e tashmja ka krijuar ndaj të shkuarës. Kjo të lejon të njohësh se në ç’masë trashëgohen vlerat e qeverisjes së mëparshme të PD, se sa i pranishëm është shpirti i demokratëve që ndryshoi Shqipërinë e viteve ‘90 te ministrat e qeverisë dhe vetë qeveria e sotme. Me pak përjashtime, kjo qeveri qeveris me një kujtesë të fshirë dhe shpirtërisht e palidhur me frymëzimin e viteve të ndryshimit të sistemeve politike në Shqipëri. Prandaj ka mbetur edhe e pamotivuar politikisht, sepse përpara saj ka një kundërshtar, të cilit nuk ia njeh ose në disa raste bën sikur nuk ia njeh të shkuarën, aq sa shpesh e pranon edhe në gjirin e saj si një gjë fare të zakonshme, gati-gati si një rutinë. Ja pse në debate nuk ka argumente, nuk ka parime që shpallen, metoda që ndiqen, forma të sendërtimit të demokracisë në kushtet shqiptare, ristrukturime, nuk ka fakte historike dhe, prandaj, paralele që krijojnë argument. Ka vetëm shifra parash të dhëna nga buxheti apo të huajt, përqindje doganash dhe tatimesh, shprehje të ngrira diplomatike, gjatësi rrugësh, çati shkollash, magazina që presin të bëhen universitete, kilovatorë energji. Kjo gjë i siguron një komfort të shkëlqyer opozitës. Opozita e sotme bën të njëjtën gjë, d.m.th., jep shifra të kundërta, pa mbarim, më shumë se qeveria dhe debati automatikisht bie në një nivel teknicienësh. Qeveria e të djathtëve (PD) humb epërsinë e saj politike, e çon dëm atë kapital politik që shqiptarët i dhanë që në fillim të viteve ‘90, të cilin s’ka reshtur së keqpërdoruri sot e asaj dite. Mungesa e motivimit politik krijon pastaj boshllëkun që me shpejtësi mbushet me babëzinë e mbajtjes së pushtetit, por pa prodhuar qeverisje.

...

Zëvendësimi i objektivit të qeverisjes me anë të reformave që kanë kosto në mbajtjen e pushtetit, me objektivin e mbajtjes së pushtetit pa realizuar reforma, me qëllimin e ruajtjes së një stabiliteti fiktiv dhe absurd, ka çuar në konfigurimin e një qeverie që nuk prodhon qeverisje, por vetëm bashkon njerëz, metoda, pikëpamje, praktika që shpesh përjashtojnë njëra-tjetrën. Modeli që nuk prodhon qeverisje, është ekzaktësisht edhe modeli që nuk prodhon vlera, përkundrazi, i vret ato. Kjo është vetëm një pjesë e vogël e së keqes. E keqja më e madhe është shndërrimi i kësaj gjendjeje në standard dhe më pas në mesazh, që udhëton drejt shqiptarëve, apo drejt të qeverisurve. Një mesazh me përmbajtjen se jo kontributi, jo krijimi i vlerës, por kapja e një posti dhe më pas shpenzimi i të gjitha energjive për ta mbajtur dhe përfituar prej tij nëpërmjet konformizmit, pa rrezikuar, përkundrazi, duke u bërë mik edhe me djallin, ja për çfarë ia vlen të luftosh dhe gjithçka përtej kësaj shpallet pa asnjë vlerë. Një mesazh që si asnjë tjetër bën shpalljen e një antivlere si vlerë në shoqërinë shqiptare.

Shembulli më i trishtueshëm ishin zgjedhjet në universitete, por raste të panumërta gjen edhe në administratën shtetërore, ku konformizmi dhe servilizmi për të ruajtur karrigen dhe përfitimet e paligjshme që vijnë prej saj kanë arritur përmasa nga më tragjiket. Për herë të parë në jetën time pashë se si për të zgjedhur autoritetet universitare u formuan grupe, ku bashkoheshin ata që ishin jashtë çdo imagjinate të bashkueshëm. Një demokrat bashkohej me një ish-vullnetar të Enverit në mbështetje të dikujt që njihesh si socialist, por që iu kishte premtuar shkuarjen jashtë shtetit, nëse ai do të zgjidhej; një profesor bashkohej me një organizues tenderësh, në mbështetje të dikujt që i kishte premtuar punësimin e njerëzve të familjes; asistentë të pranuar në universitet në mënyrë të paligjshme krijonin aleancë në mbështetje të atij që i kishte pranuar në universitet dhe i kundërviheshin pa edukatë profesorëve që iu kishin dhënë mësim dhe që ua dinin nivelin, njerëz të bërë me gradën Master shpejt e shpejt, krijonin aleanca për të shpërblyer favorin. Të gjitha këto e bënin të vështirë vënien re të grupit të universitarëve që dëgjonin me vëmendje programin dhe idetë e atij që konkurronte.

Por akoma më interesante ishte edhe mënyra se si disa autoritete konkurruese komunikonin me zgjedhësit. Sot, është rektor i një universiteti dikush që premtonte se, meqë kishte njohje me ministrin e Financave, do ta bënte universitetin e pasur, se, meqë janë në pushtet demokratët dhe ai është anëtar i kësaj partie, do të mbështetej prej saj dhe prandaj duhet të zgjidhej ai, që universiteti të merrej me sy të mirë nga qeveria, dhe e kundërta, pra një socialist duhet të zgjidhet, kur pushtetin ta kenë socialistët etj. Shumë pak konkurrues u paraqitën me programe të qarta zhvillimi për universitetet dhe pak nga ata që i qëndruan strikt fushatës me paraqitjen e programeve dhe ideve të tyre arritën të zgjidheshin. Modeli kishte funksionuar. Jo pak universitarë ishin bashkuar për çdo qëllim, përveç atij të zhvillimit të universitetit, përveç qëllimit të zgjedhjes së njerëzve që do ta realizonin këtë zhvillim si një vlerë për të gjithë.

Procesi e kishte ruajtur “integritetin”, por duke vrarë vlerën.