Kongresisti Vito Fosella u takua me Komunitetin Shqiptar

[brooklyn2007]

Marr nga gazeta "Illyria"

Nga Këze (Kozeta) Zylo

Në Institutin “Gjergj Kastriot Skanderbeg” në Staten Island te New Yorkut keto dite ishte per nje vizite kongresisti amerikan Vito Fosella.
Ardhja e tij në orën 12 00 u prit thjesht dhe pa pompozitet.
Në hyrje të godinës ai u prit nga i zoti i shtëpisë z.Rrape Ruci dhe miqtë e ftuar nga Komuniteti shqiptar në Staten Island .
Zv/Presidenti Myslym Ruci pasi i uron mirëseardhjen kongresistit amerikan, e prezantoi me të gjitha mjediset e Institutit “Gjergj Kastriot Skanderbeg” te cilat shkëlqejnë nga pastërtia dhe rregulli. Sa hyn përpara del dhoma me oxhak të vjetër antik, ndërtuar dhe me gur të latuar, nga mjeshtrit Dibranë, ustallarë, që e kanë në gjak ndërtimin dhe bukurinë e portave dibrane në çdo shtëpi.
Them për Dibranët në këtë rast, pasi vetë presidenti i kësaj godine është me origjinë nga Dibra e Madhe dhe kanë bërë një punë të jashtezakonshme për këto rregullime si familje së bashku me inxhinierin z.Musa Pacuku.
Kongresisti Vito Fosella pasi u përshëndetet me të pranishmit vizitoi me radhë dhomat e punës në këtë Institut.
Në dhomën e mbledhjeve të punës, ku valëviten flamujt shqiptarë dhe amerikanë, janë dhe dy buste: I Gjergj Kastriot Skanderbeut dhe busti i Lek Dukagjinit, të dhuruar enkas për këtë Institut, nga Z.Ylber Pilku.
Z.Myslym Ruci edhe pse lindur dhe rritur në Amerike, flet një shqipe të pastër, prandaj e ka ëndërr që bashkatdhetarë t e tij të flasin shqip krahas Anglishtes dhe mos ta harrojnë atë.
Kongresisti Vito Fosella nga Partia Republikane, perfaqesues ne Kongres nga zona e Staten Island e disa zona perreth eshte zgjedhur anetari I Kongresit qe nga viti 1997.
Vito Fosella ka mbaruar për Drejtësi në Fordham University.
Pasi iu prezantuan të gjitha mjediset e punës brenda Institutit zotit Vito Fosella i cili shoqërohej nga veprimtarë të njohur të Komunitetit shqiptar në Staten Island, u informua nga mikpritesit per problemin e shkolles shqipe ne Staten Island midis komuniteteve te tjera.
Musa Pacuku kryetari i Bordit të Institutit, pasi e falënderoi pë këtë takim i kërkoi për një mbështetje konkrete për shkollën shqipe.
Ne jemi një popull vital, popull i ndershëm, që e duam me gjithë zemër Amerikën.
Ne erdhëm nga një shtet tjetër, por këtu gjetëm një atdhe të dytë, që nuk e njeh urrejtjen e religjiioneve, racave, pra nje vend ku nuk ka diskriminimin. Sic e shikoni e kemi ndërtuar dhe rregulluar me duart tona këtë ndërtesë, ku eshte I vendosur Instituti dhe duam qe ketu te kemi shkollen shqipe, por kjo do të bëhet nëse do të kemi mbështetje nga ju si Kogresist I Staten Island-it i tha kongresistit z.Pacuku.
Ibrahim Kolari, kryetar i shoqatës atdhetare “Dibra” ngriti problemin e emigracionit, ku e theksoi disa herë se ka mjaft shqiptarë që po marrin largimin përgjithmonë nga Amerika, per mungese dokumentash, edhe pse ne Amerike kane jetuar nje kohe te gjate dhe jane stabilizuar me pune dhe biznese.
Z.Sali Bollati, kryetar i shoqatës “Camëria” në NY e falënderon Amerikën për cfarë ka berë për Shqipërinë dhe Kosovën. Ne fund, ai i dorezoi nje leter konsgresistit Fosella, ku flitej per problemin cam dhe genocidin grek te ushtruar ndaj cameve.
Edhe Nora Abdullahu mësuese dhe aktiviste, presidente e organizates se gruas “Zeri Yne” ngriti problemin e shkollës shqipe, pasi sic tha ajo ne kemi punuar para 15 vitesh me fëmijët e Komunitetit shqiptar, për t’u mesuar atyre gjuhën shqipe, por vetem 3 vjet e mbajtëm pasi nuk ishim në gjendje të paguanim qiranë e ndërtesës.
Ne kërkojmë nga ju z.Fosella të kemi mbështetjen dhe ndihmën tuaj, pasi nuk duam që fëmijët e lindur dhe rritur ketu, të harrojnë gjuhën e mëmës së tyre, gjuhën shqipe, i tha kongresistit amerikan zonja Abdullai.
“Jam plotësisht dakord pohoi Kongresmeni Fosella, por vetëm që duhet të punojmë së bashku dhe ta shikojmë më konkretisht këtë çështje shumë të rëndësishme për Komunitetin shqiptar në Staten Island .
Autorja e ketij shkrimi, pasi e falënderoi Kongresistin Fosella, që ndodhej midis Komunitetit shqiptar në Staten Island, e pyeti se cili ishte mendimi i tij për Pavarësinë e Kosovës.
Siç e dini, marrëdheniet midis Amerikes dhe Shqiperise janë të shkëlqyera. Ato u kurorëzuan me viziten e Presidentit Bush në Shqipëri si dhe Pavarësine e Kosovës. Shtëpia e Bardhë ndihmon vendet që vuajnë nga diktaturat dhe genocidet dhe jep ndihmesën e duhur për t’u cliruar njëherë e përgjithmonë nga diktatura dhe genocidi, tha kongresisti amerikan.
“Ndihma e shtetit amerikan ka qënë shumë e madhe për të çliruar popujt nga komunizmi, genocidi dhe ekstremistët e të gjitha ngjyrave. Shteti amerikan do të vazhdojë të punojë me mjaft kujdes për të ruajtur Pavarësinë e Kosovës dhe njëkohësisht për të ndërtuar një shtet mbi bazën e Principeve Demokratike”, theksoi kongresisti Fossella..
Biseda u mbyll me një foto te perbashket me Kongresistin Fossella, me shpresën se problemet e ndryshme që u ngritën në këtë takim do të gjejnë zgjidhjen e duhur.

Staten Island, NY Mars 2008

[Kryeplaku]

Po ket Fosellen nuk po e gjimojne gjykatesit, se i jepte makines tap?

kush na i dashka shqiptaret