Mancini mendohet: Do të qëndroj
Pas një bisede të gjatë me presidentin Massimo Moratti,
trajneri i Interit, Roberto Mancini, e ka bërë zyrtare deklaratën e tij në
të cilën ai e tërheq atë çfarë ka thënë mbrëmë dhe ka theksuar se dëshiron
ta udhëheqë ekipin edhe në sezonin e ardhshëm.
“Askush më shumë se presidenti Moratti, të gjithë adhuruesit e Interit
dhe e gjithë skuadra jonë nuk e din si është të ndjehesh kur humb një objektiv
të cilin aq shumë e dëshironim. Shpresoj që njerëzit e kyçur në futboll ta kuptojnë
zemërimin dhe inatin e këtyre momenteve delikate”, ka thënë Mancini në
deklaratën e fundit pas takimit me presidentin e klubit.
“E falënderoj presidentin Massimo Moratti që më dha forcë të kuptoj
momentin dhe që më kuptoi mua. Ndjej keqardhje për ndonjë keqkuptim”.
“Ekipi tashmë e din këtë: ne jemi të gatshëm të luftojmë deri në minutën e fundit,
me një intensitet të madh për të fituar edhe skudeton tonë të tretë radhazi
dhe të përpiqemi të fitojmë Ligën e Kampionëve sezonin e ardhshëm”, ka shtuar Mancini.
_______________
FORCA INTER
_______________
Telegrafi Sport
_______________
Krijoni Kontakt