Njoftim per Administratoret

[Fiori]

Te vetmet mesazhe ne mase qe dergon stafi i forumit jane mesazhet per urime gjate festave kombetare ose fetare. Asnjehere nuk kemi derguar reklama. Madje nq se keto 'reklama' do te ishin te lejuara nga forumi atehere ju do i shikonit dhe ketu neper faqet e forumit, nuk do ju vinin vetem me e-mail.

Problemi qe keni nxjerre ju nuk eshte gje tjeter vecse 'spam'. Pra nje lloj dergimi ne mase pa leje qe behet per arsye reklamimi nga kompani/individe te vecante qe s'kane lidhje me forumin.


Faleminderit per lajmerimin dhe nq se shikoni te tilla e-mail apo mesazhe qe vijne pa lejen tuaj atehere do ju lutesha te shkruanit nje mp njerit nga admin apo smod ose te dergonit nje e-mail tek webmaster@forumishqiptar.com qe ne ti bllokojme keto adresa.



Pershendetje,
Fiori

[Darius]

Po nese te gjitheve na vijne emaili te njejta atehere duhe te shofim cfare kemi te perbashket apo jo Darius? Besoj se e ke kapacitetin e duhur per te kuptuar aq gje apo jo, sepse edhe per ironi duhet te kesh pak tru.

Ore mos lini kokrren e namit. Forumi Shqiptar nuk eshte 5 anetare qe po sjellin nje shqetesim ketu. Jane 36 mije nga te cilet mbi 14 mije jane aktive rregullisht. Po te ishte nje problem i te gjitheve atehere do e shikoje kete teme me 20 faqe brenda ores. Une nuk marr asnje e-mail te tille. Dhe nuk kam degjuar asnjerin nder vite qe te kete nje problem te njejte.

[Albo]

Forumi Shqiptar e merr shumë seriozisht informacionin personal të anëtarëve të vetë dhe në këto gati 10 vjet që kemi qënë në linjë asnjë adresë email i anëtarëve nuk është ekspozuar nga stafi në Internet. Bile edhe në ato raste kur anëtarë e vizitorë të ndryshëm na kanë kontaktuar ne si staf pasi duan të mësojnë adresën e email të një anëtari të caktuar, ne nuk ua kemi treguar email tuaj por mesazhin e tyre ua kemi dërguar ju, dhe e kemi lënë në dorën tuaj nëse dëshironi të kontaktoni me atë person apo jo. Pra nuk keni asgjë për tu shqetësuar në këtë drejtim pasi gjithcka në llogarinë tuaj në forum që nuk është informacion për sytë e publikut do të ngelet gjithmonë privat.

Volumi i email që ne si staf i nisim anëtarëve të forumit është minimal. Gjatë një viti nuk nisim më shumë se 10 email një anëtari, ku këtu përfshihen urimet për ditëlindje, urime për festa të caktuara, lajmërime me një interes të gjerë kombëtar, apo njoftime me email atyre anëtarëve që kanë një kohë të gjatë që nuk kanë marrë pjesë në forum. Këto janë mesazhet që dërgohen në masë nga stafi i forumit në adresë të anëtarëve të vetë.

Ka edhe mesazhe të automatizuara që dërgon forumi dhe që ju i kontrolloni nga Paneli i Anëtarit. Si për shembull, ju keni të drejtën e abonimit në një temë dhe sa herë që dikush shkruan në ate temë një mesazh, jo merrni një njoftim me email. Ka edhe abonime ditore, javore, mujore për të rejat e forumit të cilat po ju vetë i kontrolloni nga llogaria juaj e email. Të gjitha këto email kanë lidhje me një temë dhe një postim në forum, dhe nëse këto mesazhe bëhen të mërzitshme, ju keni mundësinë po nga llogaria juaj të mbyllni abonimin në ato tema apo forume.

Përse më vijnë email me adresa të forumit?

Kjo ka lidhje me me atë që njihet si "spam", dërgimi i mesazheve në masë të paautorizuara nga marrësi. Dhe kur ju i merrni, vrisni mendjen se kush është ai që ua dërgon, përse ua dërgoi dhe ku e gjeti adresën tuaj të email. Adresën tuaj të email këta persona e sigurojnë në shumë forma: nga profili juaj në forum apo në një faqe interneti nëse adresa juaj e email është bërë publike, nga kompjuteri i infektuar i një mikut tuaj me të cilin ju mund të keni komunikuar me email, nga komunikimi direkt që ju mund të keni patur me atë personin që po dërgon ato mesazhe spam. Nuk është e lehtë të zbulosh personin që i dërgon ato mesazhe, por është e lehtë të zbulosh gjurmët elektronike nga është dërguar ai mesazh.

Ka shumë forma të sofistifikuara që ata që bëjnë spam ndjekin, dhe një prej tyre është edhe maskimi dhe manipulimi i informacionit të dërguesit. Këtë rrugë e ndjekin ata persona që janë shqiptarë dhe duan të reklamojnë faqet e tyre. Dhe cfarë bëjnë? Mbledhin një listë me email ku të mundin nëpër faqet e forumit shqiptar. Dhe dërgojnë një email reklamues të gjithë listës, duke manipuluar emrin e dërguesit nga Filan Fistëku në Forumin Shqiptar, gjoja sikur këtë email e dërgon Forumi Shqiptar. Kjo është shumë e lehtë për tu bërë dhe kushdo mund ta bëjë një gjë të tillë, mjafton të ndryshojë emrin e llogarisë së email nga nisen mesazhet.

Mënyra për të parë që këto mesazhe nuk dërgohen nga forumi është sa e thjeshtë dhe e komplikuar. E thjeshtë për ata anëtarë të forumit që kanë një njohje teknike të gjërave dhe një eksperiencë disa vjecare në Internet. E vështirë për një anëtar të forumit që nuk kupton shumë nga ana teknike. Cdo mesazh email është si puna e një zarfi, ka dërguesin e marrësin. Dhe cdo mesazh ka gjurmet elektronike të serverit nga është nisur ai mesazh. Ky është një numër me 4 ndarje që nihet si IP. Cdo kompjuter i lidhur në Internet ka një IP. Dhe në "source" të email do të shihni adresën e IP të sërvërit që e ka dërguar dhe adresën e IP të personit që u lidh me sërvërin për ta dërguar. Këto dy të dhëna përdoren për të zbuluar se kush është ai që abuzon me email në këtë mënyrë.

Edhe pse do të na pëlqente që të ishim në gjendje ta ndalnim një abuzim të tillë, nuk kemi shumë në dorë për ta ndalur. Ajo që ne bëjmë është bllokimi i çdo lloj komunikimit të atyre IP me gjithcka që ne servirim në këtë komunitet. Që do të thotë që nga ato adresa ata nuk do të mund të futen as në faqet e forumit, nuk mund ti dërgojnë dot as email stafit të forumit, asgjë. Gjëja tjetër që bëjmë është kontaktimi i kompanive që u kanë ofruar shërbimin e atyre sërvërave për tu bërë të qartë abuzimin në fjalë me spam. Ka kompani që ndërhyjnë menjëherë duke ua pezulluar fare llogaritë këtyre personave, ka edhe kompani që nuk vënë shumë ujë në zjarr për ankesa të tilla.

E rëndësishme është që ju të keni të qartë që forumi shqiptar nuk dërgon mesazhe të tilla reklamuese. Dhe e dyta, të jeni të kujdesshëm me adresën tuaj të email, të mos e publikoni në faqet e forumit apo në faqet e tjera të internetit pasi kaq mjafton që ajo adresë të bier në duart e atyre që e kanë kthyer spam në një biznes fitimprurës. Pra tregohuni të kujdesshëm.

Albo