boset miljardare debatojne..

[Brari]

zhapiket miljardere me nicka te majtesh.. te mballosur me armani te kenaqin me hipokrizine e tyre..

ja cthote Tema:

--


Balla: S’mund ta lëmë Berishën në pushtet, se Meta do të bëhet kryeministër

Nga L. Progni

Socialistët i bëjnë presion Ilir Metës që të kthehet në koalicion me PS, pasi, përndryshe, Berisha do të vazhdojë të mbetet në pushtet dhe kjo, sipas logjikës socialiste, mund të ndodhë vetëm për tekat e Ilir Metës për t’u bërë kryeministër. Ky është edhe thelbi i deklaratës së djeshme të PS, e lexuar para mediave nga deputeti i kësaj partie, Taulant Balla. “Nuk mund ta lemë Shqipërinë peng të Sali Berishës, vetëm për një karrige kryeministrore”, - tha dje në përfundim të deklaratës, Taulant Balla, pasi i bëri dje thirrje LSI dhe kryetarit të saj, Ilir Meta, që të ndalojnë luftën politike me PS dhe të kthehen në koalicionin opozitar të drejtuar nga PS. Balla u shpreh dje, se PS e vlerëson Metën si një aleat të vjetër dhe mik të saj dhe se PS shpreh keqardhjen që Meta po kërkon, sipas Ballës, të mbetet në batakun e politikës së vjetër, duke refuzuar politikën e re që po promovohet nga PS. Deklarata e djeshme e Ballës vjen pas një sërë qëndrimesh të së njëjtës natyrë, të shprehura në media nga deputetë dhe zyrtarë të niveleve të ndryshme në PS, që në nisje të debatit që ka përfshirë dy partitë. Beteja politike ndërmjet PS dhe LSI ka nisur prej më shumë se dy javësh dhe për këtë çështje, Koçi shprehet se është zhvillim pozitiv, pasi ka shanse që të rithemelohet e majta dhe në krye të saj të vijnë të majtët e vërtetë dhe jo të djathtët, të cilët, sipas Koçit, po drejtojnë aktualisht PS.




Deklarata

“Ne po punojmë për një politikë të re të bashkimit të të gjithë shqiptarëve përtej kufijve tradicionalë të Partisë Socialiste, përtej kufijve të opozitës së sotme, duke qenë të bindur se përtej interesave partiake, përtej të majtës dhe të djathtës, është Shqipëria e halleve dhe problemeve. Është Shqipëria e njerëzve të thjeshtë me shumë nevoja e mungesa, por dhe me shumë dëshira dhe ëndërra. Është Shqipëria e njerëzve të thjeshtë, të lodhur, të rraskapitur dhe sigurisht të zhgënjyer nga politika e vjetër e kioskave partiake. Duke e parë Ilir Metën si një mik dhe një aleat të vjetër, ne e shohim me shumë keqardhje rikthimin në batakun e vjetër të politikës së zhgënjimit dhe dëshirojmë me gjithë zemër që Meta dhe LSI të rikthehen në shtëpinë e përbashkët, të cilën e kemi hapur për çdo shqiptar që do të shkruajë me ne historinë e re të këtij vendi. Nuk mund ta lemë Shqipërinë peng të Sali Berishës, vetëm për një karrige kryeministrore”, - tha Balla. Lidhur me qëndrimin e LSI për reformën zgjedhore, kryetarja e grupit parlamentar socialist, Valentina Leskaj, u shpreh dje, se PS është e interesuar dhe e vendosur për një reformë zgjedhore që garanton zgjedhje të lira dhe të ndershme. Ajo u shpreh, se qëndrimi i disa partive, ku vendimtar është qëndrimi i LSI për reformën zgjedhore, po dëmton procesin e kryerjes së një reforme të mirëfilltë zgjedhore që garanton zgjedhje të lira dhe të ndershme. “Ne mendojmë se reforma zgjedhore duhet të garantojë zgjedhje të lira e të ndershme, duhet të garantojë forcimin e shtetit ligjor. Duke shprehur angazhimin tonë serioz në procesin e reformës zgjedhore, ne njëherësh shprehim keqardhjen që disa parti të vogla nuk konsiderojnë interesin e madh të vendit për t’u ndarë nga një sistem i kalbur politik, duke adoptuar sistem zgjedhor, që i jep fund partitokracisë dhe krijon një sistem me frymëmarrje të re e sa më përfaqësues”, - tha Leskaj.




Reagimi

Deputeti socialist, Petro Koçi, tha dje se është momenti që e majta të rithemelohet, pasi aktualisht e majta shqiptare po drejtohet nga e djathta dhe se anëtari i thjeshtë i PS nuk ka kurrfarë pushteti në këtë parti. Koçi u shpreh se debatet ndërmjet PS dhe LSI nuk duhen parë si përçarje e së majtës, por si një përpjekje reale e LSI për t’i kthyer së majtës vlerat e humbura, për shkak të drejtimit të saj nga një oligarki e përbërë nga të djathtët. “Tani që PSSH është mbërthyer nga autoritarizmi provincial dhe lidershipin e saj e përcakton jo më socialisti i thjeshtë, por oligarkia, ka ardhur momenti që e majta shqiptare të ribëhet, të rithemelohet. E majta kërkon drejtues mirëfilli të majtë. Të djathtët në drejtimin e së majtës përbëjnë problemin themelor politik dhe organizativ te spektri aktual i opozitës.

Orientimi kundër autoritarizmit dhe përvijimi i një politike në favor të shtresave të gjera përbëjnë drejtime kryesore të ribërjes të së majtës në Shqipëri.

Në SHBA, senatorja Klinton nuk e kishte të vështirë të deklaronte në Ohajo se “Amerikën e kanë bërë amerikanët e thjeshtë”. Zhvillimet e fundit në raportet PS-LSI nuk duhen parë më shumë si “përçarje dhe humbje uniteti”, por si shanse që e majta të gjejë vetveten”, - tha dje Koçi.







LSI: Rama vazhdon t’i shërbejë Berishës për të rrënuar të majtën




Kryetari i Komitetit Drejtues Kombëtar në LSI, Edmond Haxhinasto, ka reaguar dje pas deklaratave të drejtuesve socialistë, se LSI po e çon të majtën drejt humbjes. “I bëjmë thirrje z. Rama të nxjerrë në tavolinë marrëveshjen PS - PD, që të gjithë shqiptarët të kuptojnë njëherë e mirë, se për të, aleanca e fshehtë me PD, është shumë më e rëndësishme se fitorja e së majtës dhe integrimi në NATO. Sigurisht që NATO njeh dhe negocion me shtetin ligjor, që respekton institucionet dhe votën e lirë të popullit dhe jo politikën okulte dhe komplotiste të tipit PS - PD jashtë institucioneve. Duke sjellë në skenën politike retorikën e tij të tipit “as i majtë- as i djathtë”, z. Rama vazhdon t'i shërbejë Berishës, duke rrënuar identitetin e së majtës në Shqipëri. Artikulimet politike intrigante e irracionale të disa liderëve të PS nuk përbëjnë asnjë shqetësim për një alternativë të shëndetshme si LSI dhe “E majta per integrim”, që me identitetin e tyre të spikatur të majtë vënë në krizë z. Edi Rama. Ndërkohë, censura bashkiake, e aplikuar ndaj LSI kohët e fundit në media, tregon se z. Rama dhe politika e tij është një remineshencë e modelit të censurës mediatike berishiane ‘92-‘97”, - tha Haxhinasto.

tema..

---



ki kanibali balla.. mendon shume per popullin e raskapitur..
vetem sahatet e unazat e florinjta me diamante e kollaret qe i ndrron cdo 1 ore.. i kushtojne sa te haje buke 1 vit rresht tere cermenika me berzesht e librazhd e qykso.. prenjas.. bashke..

kulmi..

[Duaje Siveten]

Ja edhe te majtet e tjere kanibale, sherbetore nomenklaturiste, komuniste te pandreqshem, vijues te vepres barbare te enver-mehmet-hysniut e politbyroistet e tjere, kulmet mashtruese salamandriste:
Gazeta Sot, Tuesday, 11 March 2008

Pronat e shqiptarëve, në defterë-bakallët e “jeniçerëve” të Berishës

Gazeta “SOT”, ka ndjekur në vazhdimësi zhvillimet për problemin e madh të kthimit dhe kompensimit të pronave në Shqipëri. Edhe pse kanë kaluar 16 vjet, që ka “premtimi i parë”, që dëgjuan (ish)pronarët legjitimë nga pushteti i Berishës, këto prona nuk janë kthyer, ose më saktë, dokumentet e tyre ligjore janë kthyer përmbys po prej tij, duke kaluar në favor të tij, të sejmenëve të tij, të ish-shefave të tij dhe të atyre që nuk kanë pasur në pronësi asnjë milimetër tokë në pronësi. Ky është realitet që pronarët po e përballojnë me protesta dhe me mashtrime prej qeverisë.

Qeveria e Berishës, ashtu si gjatë viteve 1992-1997, po vazhdon lojën e moskthimit të pronave. Këto ditë, në vazhdim të interesimit tonë si gazetë, ne kemi kërkuar informacion zyrtar në lidhje me kthimin dhe kompensimin e pronave, por nuk po na jepet. Provën e parë të bunkerizimit të informacionit në lidhje me këtë problem, na e dha Drejtori i Komisionit të (mos)kthimit dhe (mos)kompensimit të pronave të Shqipërisë, “besniku” i Berishës, shoku Besnik Ma(h)o (Ce Duni), i përzgjedhur në këtë detyrë, po nga Sali Ram(iz) Berisha, natyrisht për të bërë ato që do shefi dhe jo ato që do ligji. Kërkesës tonë të një jave më parë, për takim në lidhje me këtë problem, drejtori Ma(h)o, iu përgjigj negativisht, madje me një prepotencë të tipit të pushtetit “Berisha 1992-1997”.

Ne nuk e njohim as si kallëp e as si fytyrë këtë njeri anonim, jo për faktin që nuk është person publik, apo që vjen nga mitingjet e tre turneve, as sepse është një emër që ekziston vetëm në gjendjen civile të një fshati edhe pa furrë buke në periferi të Korçës, por sepse nuk na shfaqet. Aktualisht, ne njohim vetëm qëndrimin e tij ndaj shtypit që nuk është i PD dhe i shefit të tij. Por kjo nuk rëndësi. Shqetësim ka fakti, që shqiptarëve nuk po u kthehen pronat. Në këtë drejtim po bëhet demagogji e plotë nga pushteti, pikërisht nga pushteti, që 16 vjet më parë u mbajti fjalime patetike pronarëve, se do t’u kthente pronat, por që na fakt i mashtroi dhe po e vazhdon këtë proces mashtrimi me sukses të plotë. Këtu nuk është fjala se pronat nuk i kthen “Besniku i PD” që pushteti ka vënë në krye të karriges të cilës ai i merr vetëm pagën e majme, por këto prona nuk i ka kthyer dhe nuk po i kthen pushteti i Berishës. Besniku i tij është vetëm një jeniçer, ashtu si 12 jeniçerët e tij të (mos)kthimit të pronave në prefektura, të cilët marrin pagën pikërisht për të mos kthyer e për të mos kompensuar pronat.

Kjo historia e pronave, duket sikur është trashur ca dhe tashmë i ka dalë edhe boja. Nuk beson askush se këto prona do të kthehen. Jo se tani e tutje nuk do pushteti e politika, jo se nuk do parlamenti dhe besniku i mjerë i komisionit hije e kukull të (mos)kthimit të pronave, por sepse nuk kanë mbetur me prona, nuk kanë mbetur më para nga fondi për kompensimin financiar të tyre. Ndaj bëhet kjo lojë. Ndaj dhe besnik Ma(h)o i PD, nuk di se çfarë të thotë, ndaj dhe i përgjigjet kërkesës së gazetës, se është tepër i zënë. Ne nuk e dimë se me çfarë është i zënë ky njeri, kur prej zyrës së tij të kthimit të pronave nuk është kthyer prej tre vjetësh asnjë centimetër pronë! Por dimë faktin, që ky shtetas, njihet nga pronarët legjitimë, si personi “model-Berisha”, që i sjell rrotull ata, me lloj letrash fiktive dhe tallëse.

Kjo demagogji tejzgjatur nuk mund të vazhdoj më jo si një, por 1001 besnikë të vendosen e të ndërrohen në krye të komisionit të kthimit të pronave. Sepse shqiptarët pronarë, të cilët nuk kanë marrë asgjë nga pronat që u takojnë e kanë kuptuar përfundimisht që me vazhduesin e ligjit 7501, që me “shefin” e mos dëmshpërblimit të përndjekurve politikë, që me shefin e një PD të mbushur kokë e këmbë me ish-komunistë, me ish-prokurorë, me ish-gjykatës, me ish-anëtarë të KQ, nuk ka kthim prone, por vetëm mohim dhe grabitej të saj, siç ka ndodhur realisht. Ndërsa parlamenti shqiptar ka vendosur që procesi i kthim kompensimit të pronave të përfundoj në muajin gusht 2008, qeveria deklaron se ky proces do të përfundoj në vitin 2014. Nuk po kuptojmë se kush vendos në këtë vend: Kryeministri, apo parlamenti?!

Deklaroi dje, Zv/Drejtori i Kthimit të Pronave, Genc Çelo:

Nuk e di të kenë dalë procedura. Për to. çdo vit del vendimi i Këshillit të Ministrave dhe fondi i kompensimit për vitin përkatës.
Unë nuk e di, të ketë dosje, të kompensimit financiar të pronarëve.
Afati maksimal i kthim kompensimit të pronave është viti 2014.
Ndërtimet e paligjshme janë pronë të atyre që i kanë zënë. me pronarët e këtyre zonave, kemi punë pasi të bëhet legalizimi
Nuk kemi bashkëpunim Ministrinë e Mjedisit dhe Ministrinë e Bujqësisë, në lidhje me dhënien me koncesion të ullishteve, pyjeve, kullotave

(Mos)kthimi i pronave

Parlamenti cakton datën 23.08.2006, Berisha cakton vitin 2014
Agjencia e Kthimit dhe Kompensimit të Pronave është themeluar në zbatim të ligjit nr. 9235, datë 29.07.2004, “Për kthimin dhe kompensimin e pronave”, të ndryshuar me ligjin Nr. 9583, datë 17.07.2006 dhe vendimit të Këshillit të Ministrave nr. 566, datë 23.08.2006, “Për organizimin dhe funksionimin e Agjencisë së Kthimit dhe Kompensimit të Pronave”. AKKP-ja është krijuar për të zgjidhur njëherë e përgjithmonë, problemin aq të madh të Njohjes, Kthimit dhe Kompensimit të Pronave të Paluajtshme në Shqipëri. Krijimi i Agjencisë, në varësi të Ekzekutivit, i jep përparësi përfundimit të Kthimit dhe Kompensimit të Pronave, duke rritur angazhimin e institucioneve në mbylljen e këtij procesi brenda afatit të përcaktuar në ligj, që është data 30.06.2008. AKKP-ja ka zyrën qendrore në Tiranë dhe 12 zyra rajonale në qarqe. Kjo agjenci, gjatë ushtrimit të veprimtarisë, është e hapur për publikun dhe në shërbim të subjekteve të shpronësuara a të trashëgimtarëve të tyre.

Kompensim, 1 rast demaogjik

Kompensimi i parë është bërë në dhjetor të vitit 2005, si kompensim financiar i subjekteve me fondin 200.000.000 lekë vetëm për qytetin e Tiranës. Kompensimi ishte i pjesshëm, deri në 200 m2. Përzgjedhja e subjekteve përfitues u bë me short, megjithatë, përpara këtij shorti, disa subjekte kanë përfituar në raste të veçanta kompensim fizik.