Koka e Ali Pasha Tepelenës do të vijë në Shqipëri

[brooklyn2007]

• Koka e prerë nuk falet, thotë një fjalë shqiptare. Por një shoqatë patriotike po përpiqet të provojë të kundërtën. Një grup intelektualësh me origjinë nga Tepelena kanë filluar përpjekjet, prej katër muajsh, për të sjellë në Shqipëri kokën e Ali Pashait.

Intelektualë, të inkuadruar në Shoqatën “Ali Pashë Tepelena”, janë në fund të përpjekjeve të tyre për të nisur zyrtarisht kërkesën drejt autoriteteve shqiptare, për të negociuar me homologët turq. Vetë ata kanë vendosur dhe kontakte private në Turqi për realizimin e qëllimit. Në momentin më të afërt të përfundimit të të gjithë përpjekjeve, Shoqata “Ali Pasha”, do të bëjë të njohur detajet. Në grupin përbërës të shoqatës ka historianë, artistë dhe intelektualë nga fusha të ndryshme.

Për Ali Pashën

Deri më tani nga Ali Pasha dihet ekzistenca vetëm e një taçi, që është në Muzeun Kombëtar i paekspozuar, që ruhet në Fondin Special- dhe që mban numrin e matrikulimit 339 dhe një kallamar i shkruesit të tij. Në Beçisht, një fshat i vogël përballë Tepelenës, kujtesa popullore ka vendosur të parët e tij. Por sarajet e Aliut, që janë në dy vende në fshat, janë të nëpërkëmbura dhe për më tepër askurrë monument kulture. Aq më tepër janë aq të prishura sa është shumë e pamundur të vendoset koka e tij, nëse realizohet marrja. Në Beçisht kanë mbetur tashmë gurët e tyre dhe kujtesa e lbyrur e pak fshatarëve të vjetër për jetën e familjes së Ali Pashait. Si për ironi të kohës dhe kujtimit të tij të mëvonshëm, Pashai në të gjallë, u ngriti një urë që është edhe sot e kësaj dite funksionale dhe që i lidh ata me qytetin e Tepelenës. Vetë Kalaja e Ali Pashës në Tepelenë nuk mundi kurë të ngjitet në një objekt të vlerësuar sepse është zënë nga banorë. Një fjalim i Enver Hoxhës e ktheu kujdesin për Kalanë, por nuk mjaftoi. Pas vdekjes së Enverit gjërat shkuan në vend dhe kalaja u dëmtua përherë e më shumë. Interesi i shoqatës është i madh edhe për faktin se në Shqipëri ka pak njerëz që dinë origjinën dhe të dhënat e vërteta të Ali Pashë Tepelenës. Shumë syresh mjaftohen me pak pika: Romani i Sabri Godos me të njëjtin emër; kujtimet e Bajronit dhe Hobhauz dhe udhëtarëve të tjerë; dhe masakra e tij në Kardhiq.

Përpjekja

Deri më tash, burime të kësaj shoqate, shprehen se kanë biseduar fillimisht për përkrahjen e kësaj nisme. Ata kanë kërkuar një mbështetje dhe nga biznesmenë të ndryshëm të qytetit dhe jashtë tij, për të realizuar sjelljen e kokës së Ali Pashës në Shqipëri. Një nga planet e afërta është që t’i kërkohet negociimi Ministrisë së Turizmit Kulturës Rinisë dhe Sporteve. Po ashtu, është duke u parë dhe procedura sesi është vepruar me ardhjen e eshtrave të figurave të tjera kombëtare nga Turqia. I fundit prej tyre ka qenë ideologu i Rilindjes Kombëtare, Abdyl Frashëri. Ardhja e tij është mundësuar me rastin e 100- vjetorit të Lidhjes shqiptare të Prizrenit më 1978. Në kohën e Mbretërisë, më 1937, kanë ardhur edhe eshtrat e Naim Frashërit. Shoqata është duke punuar dhe me intelektualë turq, për të parë një mundësi më shumë.

Ku ndodhet trupi i tij

Ali Pashë Tepelena, një nga figurat më të mëdha të historisë së Shqipërisë së shekullit të XIX, ka referenca si pakkush figurë tjetër kombëtare. Më shkurt të vitit 1822, koka e tij u ekspozua në Stamboll, pasi u ekzekutua në Janinë. Gjithë jetën e ndoqën dy gjëra: mundësia për të qenë dikush dhe pamundësia për t’u bërë ai që do të donte. I dyzuar mes fuqive të mëdha. I dyzuar në luftën e tij. Dyzuar shkoi deri në fund, kur llogaria që bëri i doli gabim. Sërish u nda në dy pjesë. Më 5 shkurt 1822, Ali pashë Tepelena u vra me armë në dorë në manastirin e Shën Pandelemonit, në ishullin e liqenit të Janinës. Më 23 shkurt 1822 koka e tij u çua në Stamboll ku u ekspozua publikisht përpara publikut. Ditë më vonë u varros nga një dervish shqiptar, i cili vuri mbi kokën e varrit këtë mbishkrim: “Këtu është varrosur koka e të famshmit Ali Pashë Tepelenës, ish- qeveritar i Janinës, i cili më tepër se 30 vjet, qeverisi i pavarur në Shqipëri.” Kjo referencë merret nga Historia e Shqipërisë, Tiranë 1959, Vëllimi I, faqe 477-478. Koka e tij dhe varret e të bijve Veliut dhe Myftarit sot gjenden në Ejub të Stambollit. Kurse varri i trupit të Ali Pashait është në Janinë. Ka mbi vete një zgarë hekuri , e cila në Luftën e Dytë Botërore është hajnuar nga gjermanët, por autoritetet vendase e kanë rivendosur sërish pas luftës.

Momentet e fundit të Aliut

Më 23 janar 1822 trupat osmane e pushtuan kështjellën e Janinës me përjashtim të një pjese të brendshme të saj, ku mbeti i rrethuar Ali Pasha me rreth 50 veta besnikë dhe me gruan e tij, Vasiliqinë. Në këto kushte Ali Pasha nuk mundi të qëndronte gjatë. I mashtruar edhe nga njerëzit e vet, që ishin vënë në shërbim të Hurshid Pashës dhe që i premtuan se do të falej, Aliu ra në kurthin e kryekomandantit osman. Ky e siguroi se sulltani kishte nxjerrë fermanin e faljes, i cili nuk mund të zbatohej para se ai të tërhiqej në ishullin e liqenit dhe të dorëzonte fortesën e fundit, ku po vazhdonte qëndresën i vetmuar. Ali Pasha e priti me plumb të ngarkuarin e Hurshid Pashës, i cili, në vend të fjalës së premtuar, lexoi dënimin me vdekje, -shkruhet në Historinë e Shqipërisë.

Retrospektivë

Veziri ishte një burrë i shkurtër dhe mjaft i trashë. Kishte një fytyrë shume të kendshme me cipë të bardhë dhe trajtë të rrumbullakët. Sytë i kishte të kaltër me lëvizje të shpejta që të bënin me kuptuar menjëherë se nuk gjendesh përpara një Pashai oriental. Mjekrën e kishte të bardhë dhe të gjatë sa i binte përmbi gjoksin... Na priti me nji kortezi të jashtëzakonshme dhe na mori aq me të mirë sa me na quajtur djem te tij. Ishte fare në qejf për një njeri në atë pozitë. Në sa vise të Turqisë që vizituam nuk pashë një pasha tjetër të qeshte në atë mënyrë. Nuk kishte ndonjë roje të posaçme, por vetëm katër a pesë djem të veshur me petkun e bukur shqiptar dhe me flokët e gjatë që u binin mbi supe. Ky përshkrim i Lordit Hobhauzi, shoqëruesit të Lord Bajronit, është dhe më i afërti për të. Në atë kohë kishte një kokë të bukur. Pas kësaj, u kthye në mit. Trupin në Janinë dhe kokën në Stamboll. Një kujtim, që për shqiptarët ia vlen t’i rikthehen krenarisë së tyre, nëse turqit do të na rikthejnë me xhentilesë kokën që na e kanë këputur.
Shkruan : Ben Andoni

http://www.ina-online.net/index.php?id=5026


P.S. Ne hapje te artikullit pretendohet si shprehje shqiptare "Koka e prere nuk falet" . Me duket se shprehja shqiptare e sakte eshte "Koka e falur nuk prehet". Ja paska futur kot gazetari me duket.

[ThE_DaRk_NiGhT]

Po trupi akoma ne janine eshte apo dhe ate do e sjellin,se mos merzitet koka pa trupin

[Kreksi]

Une mendoj se Koka duhet ti vehet trupit te tije te varrosur ne ishullin e liqenit te Janines, ne vendin e vrasjes se tij.
Perse te dergohet ne Shqiperi koka e tij ?
Si shifet nga logjika i bie qe koka dhe trupi te pushojne ne Janine sepse tere bota e njehe se Ali Pasha ishte i lidhur ngushte me janinen keshtjellen e tij e jo me Tepelenen...
Te gjergj Kastrioti kemi simboliken ne Kruje se aty lindi por ne kete rast per Aliun me se miri do ishte ti ndertohej nje monument ne Janine nga banoret shqiptar te asaj ane bashke me banoret e tepelenes;

[Vdekja]

Momentet e fundit të Aliut

Më 23 janar 1822 trupat osmane e pushtuan kështjellën e Janinës me përjashtim të një pjese të brendshme të saj, ku mbeti i rrethuar Ali Pasha me rreth 50 veta besnikë dhe me gruan e tij, Vasiliqinë. Në këto kushte Ali Pasha nuk mundi të qëndronte gjatë. I mashtruar edhe nga njerëzit e vet, që ishin vënë në shërbim të Hurshid Pashës dhe që i premtuan se do të falej, Aliu ra në kurthin e kryekomandantit osman. Ky e siguroi se sulltani kishte nxjerrë fermanin e faljes, i cili nuk mund të zbatohej para se ai të tërhiqej në ishullin e liqenit dhe të dorëzonte fortesën e fundit, ku po vazhdonte qëndresën i vetmuar. Ali Pasha e priti me plumb të ngarkuarin e Hurshid Pashës, i cili, në vend të fjalës së premtuar, lexoi dënimin me vdekje, -shkruhet në Historinë e Shqipërisë.

Nese ka ndonje dokument rreth ksaj qe po thuhet,qe qenka vrare tradhtisht ,a ka ndonje ligj (ekziston)qe mundemi me i ngrit padi rreth kesaj tradhtie ??Nese jo ,pse nuk propozojm diqka te tille dmth ,edhe pse ka qene "kohe lufte "duhet lufta me i pas disa rregulla¨....

PS: ndoshta ja futa kot ,qka po thuani ??!!

[Kreksi]

Per mendimin tim kurrrfare kuptimi nuke do te kete nese koka e Aliut gjvendoset nga vaarri perkujtimor i Stambollit aty ku turiste nga e mbar bota mund te lexojne se koka e ketije kryengritsi shqiptar eshte ketu e trupi ne Janine, do kete me shume vlere ti behej ndonje pllake perkujtimore ne gjuhen angleze dhe shqipe e te mbetet aty ku eshte se sa te bartet koka e tij ne Tepelen ku prap se prap do jet koka e ndare nga trupi qe per mua s'ka kurrfare rendesie kjo iniciative...me qka ndoshta vete turqeve iu pengon ky lloje publiciteti qe tregon se sa gjakatar ishin te paret e tyre ndaj popujve tjere ne kete menyre kjo shoqate i bene nderin turqeve qe ua hjeke nje barre te rende konsiances turke.
Kjo i bie kthe ujin andej kah mullliri i huaj...

[SNIPER 79]

aliu meriton respekt se ja vuri kufirin te thana turkut

[JARANI]

mendoj se bashke me koken duhet te vije te varroset dhe trupi ne tepelene sepse keshtu do te merrte nje kuptim me fisnik kjo pune e nisur

[Bizantin]

Aliu u vra pabesisht, por pabesisht moren edhe Kalane ne Janine (Ic-Kale). Kur u takua me Hurshit Pashen kishte lene ne kala nje nga truprojat e tij me besnike, te temershmin Selim Camin, me porosi qe te hedhi ne ere fucite e barutit dhe bashke me to kalane nqs vritej Aliu. Selimi mbante gjysmen e taspies se Aliut, dhe do braktiste postin vetem po ti tregonin gjysmen tjeter qe e mbante Aliu. Kur ia treguan turqit atehere e la postin e tij por nuk e dinte se Aliu kishte vdekur. Keshtu u vra edhe Selim Cami.

[Kreksi]

mendoj se bashke me koken duhet te vije te varroset dhe trupi ne tepelene sepse keshtu do te merrte nje kuptim me fisnik kjo pune e nisur

Cili turiste i huaj do shkoje ne Tepelene per te pare koken e Aliut ?
Se paku ne Stamboll ka shanca qe te dihet se paku se kush ishte ky trim po atje ne Tepelene kush do te shkoje ?

Eh, do vorroset aty dhe mbaroi puna, keshtu edhe varroset pergjithmon edhe fama e tij.

[Stendhal]

Pershendetje,

Sinqerisht nuk e kuptoje shqetesimin e juaj Kreksi. Cfare te keqe ka qe te kthehet koka dhe trupi ne vendlindje ? Mire do ishte qe Aliu te qendronte ne Janine, por Janina nuk i perket me Shqiperise fatkeqsisht por Greqise dhe kete e them sepse shqiptaret nuk do kene mundesine qe ta vizitojne varrin e tij ndersa Grekeve do i hapet rruga drejt manipulimeve te metejshme. Jam dakort qe te ngrihet nje monument ne Janine nese nuk ka por trupi duhet te kthehet ne vendlindje tek banoret e Tepelenes. Se kush vjen dhe e viziton Tepelenen ajo varet se sa e afte do jete qeveria shqiptare qe te krijoj nje infrastukture te hajrit sepse Tepelena eshte nje vend i mrekullueshem per tu vizituar. Ka nje natyre dhe ambient qe do i mahniste te gjithe. Vetem te behet infrastruktura sepse Tepelenasit e bejne vete Tepelenen ashtu sic cdo banor i cdo krahine duhet te punoj per vendin e tij. Qeveria te krijoj infrastrukturen sepse cdo gje me vone do jete me e thjeshte per te gjithe.

[dp17ego]

Nuk e kuptoj pse e ngrini kaq shume nje figure te cilen nuk do ta kishte zili as nje popull. Pa mendoni nje moment se si Aliu bashkepunoi me perandorine aq fort dhe ngushte sa per sherbime te larta e bene pasha.

Po sikur sot ne Kosove te dale nje musliman shqiptar dhe duke i sherbyer serbit te kthehet ne i krishtere (ortodoks) dhe te zere me thike e zjarr te gjithe vellezerit e tij myslimane dhe t'ju thote : Ose beni dhe ju si une ose ju thera dhe ju dogja. Aliu nuk beri asgje me shume se ky supozim qe po bej une. Jam kurjoz te di se si do ta shihni kete parashikim pak sci fi qe po bej une.


Por c'ndodh...me kalimin e kohes katilit i hiqen thika dhe pishtari nga dora dhe sipas inrteresit i vihen lulet apo pambuku.
Krimineli dhe tradhetari mbeten te tille gjer ne fund dhe Aliu ishte i tille, bashke me Qyprillinjte apo cdo pasha tjeter qe i sherbeu Portes.

DP

[Jack Watson]

Po këngën si do e këndojmë pastaj?

Trupi ne Janinë, koka në Tepelenë, të vranë pasha të vranë...

[pirro10]

Nuk është për tu habitur aspak kur sheh që lumi i servilëve dhe militantëve miratojnë marrëzitë e politikanëve. Më e keqja në këtë shtet është se edhe historianët e miratojnë në heshtje. Kjo është e keqja e shtetit tonë anarkik, ku në mënyrë periodike gjatë periudhave kohore, të ndryshme të gjithë fusin hundët në punët e të gjithëve, është vëndi ku gjella që gatuajnë poltikanët duhet ta hanë me detyrim jo vetëm populli por duhet ta hanë dhe ta pranojnë si shumë të mirë gjellën e tyre edhe profesionistët dhe teknokratët- ndryshe ngelin pa punë.
Kemi për fat të keq 100 vjet marrëzi politikanësh, dhe marrëzia e fundit ishte dëshira për të sjellë kokën e Ali Pashait në Shqipëri?
Me sa duket po vërtetohet historia e fshatit të pasur që pinte ujë nga burimi i ujit që të bënte të cmëndur. Cdo njeri që vinte të punonte dhe të banonte në atë fshat, duhej ta mendonte se, donte s`donte do të cmëndej dhe budallallepsej si fshatarët e fshatit.
Kjo është Shqipëria.
Prandaj është e pamundur që Shqipëria të hyjë në Europë, sepse në momentin që bëhemi gati për tu integruar, politikanëve u vjen në mënd gjithmonë një ide idiote e cila e prish të gjithë punën. Kështu ka ndodhur këto 100 vjet pavarësi, kështu ka ndodhur edhe gjatë luftrave për pavarësi pas vdekjes se Gjergj Kastriotit. Gjithmonë në krye të `trimave shqiptarë` - ishte nga një trim i marrë të cilët si i thonë fjalës nuk kanë frena. Dhe puna prishej nga mungesa e të urtëve dhe të mëncurve. Megjithatë, rasti më i mirë i erdhi Shqipërisë në 1912 kur u mblodhën më tepër të urtë -se `trima të cartun`, dhe u formua ajo copë Shqipëri që kemi sot: e cunguar dhe e vogël, pikërisht prej këtyre pashallarëve të cmëndur njërit nga të cilëve duan sot ti kthejnë kokën, në vendin që quhet Shqipëri, në një kohë që ai quhej pashai i Janinës. Pra, edhe një tjetër butafori politikanësh si ato të mëparshmet.
Ali Pashë Tepelena mbetet një figurë historike por aspak e nderuar.
Nga origjina sipas Robert Elsie ai ishte lindur ne Becisht nga një familje turke me titull `bej` prej Anadollit dhe i jati u martua me një shqiptare në Becisht..
Vetë Lordi Byron kujtonte në memuarët e tij: `Madhëria e tij ishte një tiran i paparë, fajtor për gjithë ato mizori të tmerrshme, shumë trim, aq sa quhej dhe Bonaparti Muhamedan, po ishte aq barbar sa që i piqte ne hell rebelët...`.
Nëse ndonjë shkrimtar apo politikan që thotë se Ali Tepelena ishte patriot që paska luftuar për Shqipërinë, kjo është me të vërtetë jo për tu shqyer gazit por për të shkulur flokët. Me sa duket kanë ardhur me të vërtetë kohërat e të paudhit. Kohërat e anarkisë kur i ligu nderohet si burrë i mirë, kur burracaku nderohet si trim, kur injoranti nderohet si i mëncur, dhe kur ciraku bëhet usta, dhe tr4adhëtari nderohet si hero. Kjo është koha e butaforisë politike.
Historia e Ali Pashë Tepelenës është e mbushur me krime makabre ndaj shqiptarëve dhe grekëve. Një nga të vërtetat më të pamohueshme është se Ali Pashë Tepelenës nuk i ka vajtur mëndja në asnjë rast dhe në asnjë vend që të bënte një Shqipëri të pavarur nga Perandoria osmane. Ai ka kërkuar të bënte një pashallëk utopik larg Perandorisë Osmane. Historia e tij është historia e këtij hajduti nga Tepelena (Becishti) i cili masakroi fshatra të tërë të krishterë i cili zbrazi Toskërinë dhe Epirin nga shqiptarët, mori nizam dhe pengje plot njerëz të thjeshtë myslimanë, thjesht për të fituar gradat nga Sulltani, është historia e një beu i cili mashtronte fshatra dhe njerëz të tjerë duke u vjedhur dhe rrëmbyer pasurinë e pastaj i vriste për hobby, është historia e një Pashai i cili dërgonte ushtarë shqiptare për tu vrarë për Perandorinë Osmane në Jemen dhe Siri, është historia e një Pashai i cili me mizoritë e tij shkretoi Jugun e Shqipërisë, duke rrafshuar fshatara të tërë në Himarë, Toskëri, Epir, dhe në Sul, është historia e më të degjeneruarit nga Pashallarët e Perandorisë Osmane i cili kishte dy Hareme njëri me vajza e gra robinja, dhe tjetri me dylberë e djem të rrëmbyer.
Historia e tij si një pseudo-trim ishte historia e një banditi që u bë Pasha duke i shërbyer Sulltanit nëpërmjet vrasjeve dhe përdhunimeve, nëpërmjet fshirjes nga faqja e dheut e fshatrave të tëra shqiptare, aq sa shkaku që jugu i Shqipërisë nuk quhet sot as Toskëri dhe as Epir është sepse ai cfarosi popullatën e shqiptare të jugut sidomos të krishterët, por edhe popullata myslimane e varfër u shkatërrua sepse atyre u mori bijte dhe i vrau nëpër luftra të kota shqiptarë kundër shqiptarëve, ose i dërgoi nizam (ushtar) për hesap të Sulltanit. Ishte Ali Pashë Tepelena i cili detyroi të vinin emisarë ortodoksë në Shqipëri sepse ky përbindësh farosi popullatën shqiptare ortodokse por dhe myslimane; një nga shembujt më të tmerrshme është libri i Papa Kristo Negovanit: `Prishja e Hormovës`. Lexojeni të nderuar dhe do të shihni realitetin makabër të asaj epoke.
Bëmat e tmerrshme të tij në Shqipërinë e Jugut mund të lexohen lehtësisht nga të dhënat që jep Pukëvili, por dhe të tjerë. Haremet e tij me nam në Janinë shtuan kuriozitetin e `LGBT`-ve të Europës Perëndimore të atëhershme, njëri nga të cilët Byron-i, erdhi për ta parë dhe për të u kënaqur vetë. Edhe ai ka shkruar për Ali Pashanë për namin e tij me të keq, si më i degjeneruari i Perandorisë osmane, pasuria e të cilit e mbledhur nga rrëmbimet e cila arrinte në 400 ton ar(nuk dihet dhe sot e kësaj dite ku janë fshehur), masakrat dhe vrasjet e tmerrshme të popullatës shqiptare dhe greke të Sanxhakut të Janinës, por nuk ka shkruar asnjë rresht që të dëshmonte se Ali Pasha Tepelena të ishte ndonjë patriot i ndonjë kombi dhe aq më pak i shqiptarëve. Ai tallte lebërit, poshtëronte suliotët, vriste toskët, shante beratasit që nuk i pushtoi dot, digjte fshatrat e krishtera për qejf, luftonte kundër Pashait të Shkodrës dhe të Beratit, për të vrarë, për nam, tu rrëmbyer pasurinë dhe gratë, e jo për pavarësi sic na thonë politikanët e verbër të sotëm. Edhe Fermani i Sulltan Mahmuti-t II, flet për denimin e tij me prerje të kokës jo vetëm se kundërshtoi urdhrat e Portës së lartë por sepse ka turpëruar perandorinë osmanë me degjenerimin e tij?!
Atëhere del pyetja e thjeshtë: përse duhet që një pasha i tillë i degjeneruar dhe mizor t`i vishet nga ana e politikës shqiptare rroba e patriotit? Sepse ishte shqiptar? Po c`na duhen shqiptarë të tillë vrasës dhe përdhunues, shqiptarët asnjëherë nuk i kanë patur traditë këto makabritete pushtuesish.
Është një rast i rrallë që një pasha të ketë dy varre dhe sigurisht pashallarë të tillë kanë qënë kryesisht me origjinë shqiptare- shembull i degjenerimit dhe i ekstremizmit të kësaj klase të pasurish me origjinë shqiptare të cilët i shërbyen me devocion pushtuesit duke u shkaktuar shumë vuajtje jo vetëm shqiparëve të varfër myslimanë dhe të krishterë, por kanë qënë shkaku kryesor i urrejtjes së padrejtë fqinjëve ndaj shqiptarëve në përgjithësi sepse këta pashallarë në krye të sanxhaqeve ushtruan dhunë edhe ndaj popullatave sllave , rumune dhe greke.
Idiotllëku i disa shkrimtarucëve që kanë shkruar për Ali Pashain ka qënë më tepër kurioziteti për perversitetet e tij, por politikat e diktaturës komuniste bëri që shkrimtarë të ndryshëm për tu bërë të dëgjuar, shkruan për indivdë të tillë perversë duke u veshur atyre rolin imagjinar të patriotit apo të të ashtuquajturit në mënyrë absurde `plak i urtë`që mendonte për Shqipërinë, në një kohë kur atëhere askush nuk i quante tokat ku mbretëronte Pashai i Janinës me emrin Shqipëri, por Epir dhe Toskëri. Kështu lindi mit-i i rremë i `patriotit` Ali Pashë Tepelena. Ky është fakti i hidhur që në Shqipëri gjithmonë klasat drejtuese të cilat kanë pirë nga burimi me ujë i të marrëve – në momentet më decisive marrin gjithmonë, vendime të gabuara për të ardhmen; mesa duket faji është i shejtanit, i cili ka shkundur brekët këtu në Shqipëri...
Sot kur historia e Ballkanit po sqarohet dhe shumë historianë po shohin gabimet e Europës së atëhershme ndaj shtetit të cunguar shqiptar, gjithashtu po del në dritë se klasa e pasur shqiptare e lidhur kokë e këmbë me Perandorinë osmane, është fajtore si për cungimin dhe urrejtjen ndaj shqiptarëve dhe Shqipërisë. E parë në këtë prizëm nuk ishte e rastit që rilindasit shqiptarë, ortodoksë, myslimanë, dhe katolikë, këta intelektualë të përgjegjëshëm shqiptarë krijuan dhe përherë të parë arritën të formalizonin shtetin shqiptar. Në ditët e sotme kur integrimi është në plan të parë, sepse nëpërmjet tij shqiptarët do të bashkohen dhe integrohen pa qënë nevoja e e bërjes së një shteti etnik shqiptar por në rradhë të parë do të lëvizin lirisht dhe do të kenë për herë të parë liri dhe të drejtat njeriut të zbatuara si kurrë ndonjëherë.
Atëhere po bëj edhe njëherë pyetjen: a është e nevojshme të sjellim kokën e Ali pashait këtu, dhe më saktë, a do të vazhdojë që uji i burimit të fshatit që përmënda më sipër(nga i cili kanë pirë klasat e pasura shqiptare), të bëjë efektet e tij negative tek politikanët tanë?
Pirro Prifti
priftipirro@hotmail.com

Koka e Ali Pashë Tepelenës përpara Sulltan Mahmutit II

[Ziti]

Sipas konsullit francez ne janine francoi pokeville ali pashe tepelena ishte shqiptar nga tepelena. familja e tij ishte e pa fe, si shumica e shqiptareve. ai i ka mbrojtur shume ortodoksit e asaj zone.
pas aleances me perendimin ai u vra nga myslimanet shqiptare qe punonin per turqine. ishte i pari shqiptar qe kerkoi te formulonte kushtetuten per shqiperine e madhe, perfshi edhe janinen.

[Gon!]

Patriot - Ali Pashë Tepelena? –Një Butafori Politike

Kendveshtrim orthodhoks dhe asgje me teper ky...

[ionian]

Ali Pash Tepelena nuk kishte as ndergjegje kombetare , as ndergjegje fetare dhe as dashuri per asnje vec pushtetit te tij mbi kedo. Sala perpiqet ketu qe te fitoje pike politike mgjths une besoj se ai e di shume mire se cfare perfaqeson figura e pashpirt e Aliut.

[Albo]

Pirro, ti ngaterron respektin ndaj historise dhe figurave qe e bene kete histori, dhe gjykimin e secilit prej nesh per keto figura. Dhe nuk eshte faji yt, eshte faji i epokes komuniste ne te cilen ti je rritur, qe e manifeston here pas here me shkrimet e tua ndaj figurave si Zogu, Ali Pasha Tepelena, e te tjere. Ne kohen e Enver Hoxhes historia gjykohej bardhe e zi: limin ne harrese totale te tille ato personazhe e ngjarje qe nuk i vinin per mbare propagandes se rregjimit te kohes, dhe lartesonim e shperfytyronim personazhet e tjera qe i perdornim per te avancuar propaganden komuniste.

Historia e cdo populli nuk eshte bardhe e zi, drite e hije. Ajo eshte shumengjyreshe. Dhe eshte e rendesishme per nje popull qe perpara se te dali me "gjykime personale" mbi historine e personazhet historike, qe te njohi historine e vertete te tij, ashtu sic ka ndodhur, pa zbukurime apo revizionime. Problemi me shqiptaret eshte se shumica e shqiptareve nuk e njohin historine e tyre te vertete sic ka ndodhur. Per 50 vjet historia e Shqiperise u revizionua e shkrua nga dora e nje diktatori ne Veprat e tij famoze. Ajo ishte "Bibla" e "Kurani" i shqiptareve ku shqiptaret ishin te detyruar me hir apo pa hir qe te besonin si te verteta gjithcka qe diktatori shkruante ne ato libra, dhe gjithe te tjeret ishin ose te parendesishme ose manipulime te historise. E nese guxonte dikush te fliste apo mendonte ndryshe mbi historine, ai etiketoj "Armik i Popullit", tradhetar, i shitur, etj.

A e ka fshire nga historia e saj Franca Napolon Bonapartin? Po Gjermania a e ka fshire nga historia e saj Adolf Hitlerin? Po Italia Musolinin? Jo nuk i kane fshire por gjithe gjerat e jetes se tyre si materiale si doreshkrime ruhen neper muzeume e jane dokumentuar ne libra historie. Edhe detaji me i vogel.

Askush nuk po rehabiliton Ali Pashe Tepelenen ne histori. Une jam nje nder ata qe besoj se ai ka qene njeri gjakatar e i pameshirshem, me aq sa kam lexuar per te ne histori. Por kjo nuk duhet kuptuar qe Ali Pashe Tepelena nuk eshte pjese e historise sone si popull dhe per te nuk duhet te mesojne femijet ne bankat e shkolles. Duhet te mesojne gjithcka qe ai ka bere, qe nga mizorite e deri tek aspektet pozitive te sundimit te tij. Kthimi i kokes se tij ne Shqiperi nuk eshte gje tjeter vecse nje riatdhesim i nje objekti historik qe i perket historise shqiptare. As me pak e as me shume.

Gjeja tjeter qe ti pirro ngaterron eshte se duke qene se qeveria e ka marre kete nisme, dhe kryeministri i vendit e ka bere publik kete lajm, kjo eshte detyrimisht nje "nisme politike". Ne fakt, kjo nuk eshte nje nisme politike, eshte nje nisme historike. Kryeministri i vendit po merr kete nisme qe nuk e kane marre historianet e akademiket e Shqiperise. Turpi qe nuk e kane bere kete gje nuk i ngelet kryeministrit qe nuk eshte historian, u ngelet akademikeve te Shqiperise. Keta jane disa prej te njejteve njerez qe shkruajten e revizionuan historine e Shqiperise ne ato Veprat e shokut Enver. Keta jane ata qe fshine emrin e Dom Nikolle Kacorrit dhe Lef Nosit nga dokumenti origjinal i shpalljes se pavaresise se Shqiperise. Keta jane ata qe deshen qe shqiptaret te harronin vepren e jashtezakonshem te Mbretit Zog ne hedhjen e themelit te shtetit modern shqiptar e demokracise parlamentare shqiptare. Keta jane ata qe lane ne erresire historike jeten e babait te pavaresise, Ismail Bej Vlores, qe edhe emrin ia shtremberuan nga Ismail Bej Vlora ne Ismail Qemali, per te fshehur faktin se ai vinte nga familja me e madhe e bejlereve te Vlores.

Shqiptaret kane nevoje te shkundin mentalitetin e trasheguar komunist e mbi te gjitha te njihen me tablone historike te plote e te qarte me te gjithe ngjyrat e saj reale.

Albo

[Leonide]

Ali Pashë Tepelena, Ka qen nje Daespot anti-Shqiptare qe nuk u ndale se preri koka Shqiptare sidomos Ortodokse ne ate zone ku sundoje si servile i Sulltanit, Ashtu si beri Zogu, Karagjorgjevicet,Zerva, dhe te gjithe tradhtaret Shqiptare te cilet ne periudha te ndryshme u ben me anti-Shqiptare se vet armiqte e kombit Shqiptare,

[Illyri]

Ali Pashë Tepelena, Ka qen nje Daespot anti-Shqiptare qe nuk u ndale se preri koka Shqiptare sidomos Ortodokse ne ate zone ku sundoje si servile i Sulltanit, Ashtu si beri Zogu, Karagjorgjevicet,Zerva, dhe te gjithe tradhtaret Shqiptare te cilet ne periudha te ndryshme u ben me anti-Shqiptare se vet armiqte e kombit Shqiptare,

Po de po! jo skenderbeu ka pre shqiptar musliman, jo ali pasha ka pre shqiptar ortodokse! FAKTE se a kane qene apo jo shqiptare ato kokat e hequra?! edhe nese kane qene shqiptare, cilin komb perfaqesonin?! me FAKTE jo me trillime Turko-Greke!

[maratonomak]

cdo mbret , vasal , despot , princ akoma edhe kryeministra dhe presidenta kane vrare e do vrasin kundershtaret e tyre qofte fizikisht qofte politikisht , per te siguruar pushtetin e tyre ;

Skenderbeu ka vrare shqiptare qe nuk miratonin pushtetin e tij , po ashtu edhe Ali pasha , mbreti Zog , enver hoxha e deri te Nano dhe Berisha , pushteti kerkon ruatjen e ligjit dhe rendit dhe cdo kush qe nuk e respekton ligjin denohet ;

eshte tjeter gje nese ne shqiperi ka pas ligj e maliq dhe pushteti konsiuderohet si trofe i me te fortit dhe jo si trofe i me te mirit .


Ali pasha ka qene thjesht nje diktator i cili nuk kish ndergjegje kombetare dhe per te ruajtur pushtetin e tij sundoi tamam si nje diktator , gje shume zakonshme per ate kohe;

me denimin dhe vdekjen e Ali pashes filloi revolucioni grek dhe fillimi i fundit te perandorise otomane dhe denimi i tij i sherbeu me teper ceshtjes greke sesa asaj arberore .

Aliu eshte thjesht nje tjeter enver hoxha apo nje tjeter mbret Zog , akoma edhe nje tjeter berishe , pra thjesht nje figure historike pa vlera kombetare por thjesht vlera historike ,