Në Shqipëri: Humanizmi tashmë kërkohet me rregullore.

[ClaY_MorE]

Nuk kanë të sosur çudirat në Shqipëri. Më e reja është se QSUT ka nxjerrë rregullore për sjelljen e mjekëve në Spitalin Ushtarak.




Mjekët dhe infermierët, tani me kod të ri etike

QSUT publikon rregulloren e mënyrave të sjelljes së bluzave të bardha me pacientët


Arsimimi dhe formimi në shkollë duket se nuk ka mjaftuar për të zbutur tonet dhe komunikimin mes pacientëve dhe një pjese të mjekëve të punësuar te "Nënë Tereza". Duke u nisur nga ankesat dhe nga debatet e herëpashershme mes mjekëve dhe pacientëve, Drejtoria e QSUT-së ka rinovuar pjesën e "edukatës dhe sjelljes në punë" për të gjithë punonjësit e QSUT-së, në mënyrë të veçantë për mjekët e urgjencës, të cilët kanë edhe kontaktin e parë me pacientët. "Janë hartuar rregullore të reja për përmirësimin e etikës mjekësore, duke filluar që në Shërbimin e Urgjencës, aty ku është kontakti i parë i pacientit me personelin mjekësor", sqaron zyrtarisht qendra universitare. Sipas këtyre rregullave dhe të drejtave të pacientit, mjeku është i detyruar të kontrollojë tonin e zërit kur komunikon me pacientët. Ai duhet të respektojë kodin e etikës, në raste debatesh apo diskutimesh, si dhe duhet të jetë i sjellshëm si me pacientët, ashtu edhe me kolegët, vartësit apo eprorët. Një pjesë e mirë e pacientëve shpesh herë frikësohen dhe i shmangen ankimit apo denoncimit të rasteve, kur paguajnë para për të marrë shërbimin shëndetësor. Këto akte, në mënyrë të veçantë janë specifikuar se bien ndesh dhe janë në kundërshtim të plotë me rregulloren e etikës. Por, një pjesë tjetër bëhen agresivë, madje edhe të dhunshëm kundrejt personelit shëndetësor.

Për këtë, kodi i etikës "thërret" në ndihmë forcat e policisë, apo lajmërimin e punonjësve të sigurisë së spitalit.

Rregulloret e etikës duhet të zbatohen me rigorozitet dhe të mos neglizhohen nga personeli mjekësor. Sipas QSUT-së, në rast kontraktimi të shkeljeve do të ketë masa administrative për punonjësit, por nga ana tjetër në mbledhje me kolektivin do të tërhiqet edhe vëmendja për ata që nuk e kanë respektuar këtë kod.

Humanizmi dhe dashamirësia kundrejt pacientit nuk mund të kërkohen me rregullore, dhe as me kode të etikës. Ato mësohen kur mjekët mësojnë edhe profesionin. Por sjellja e mirë dhe komunikimi normal janë rregulla të cilat tashmë nuk i imponon vetëm edukata, por edhe rregulloret e etikës në punë.


© Gazeta Shqip

[xfiles]

me duket mjaft e drejte, menyra se si te drejtohen mjeket ne shqiperi eshte shkandaloze, se mos vetem ne mjekesi, por edhe ne administraten publike. Duhet imponuar nje gjuhe formale per te komunikuar me qytetarin e thjesht. Kur te flasin sikur po te bejne ndonje nder te madh qe po te vizitojne, sikur nuk po marrin rryshfete sa te mund.

[ida1]

me duket mjaft e drejte, menyra se si te drejtohen mjeket ne shqiperi eshte shkandaloze, se mos vetem ne mjekesi, por edhe ne administraten publike. Duhet imponuar nje gjuhe formale per te komunikuar me qytetarin e thjesht. Kur te flasin sikur po te bejne ndonje nder te madh qe po te vizitojne, sikur nuk po marrin rryshfete sa te mund.

Ryshfete thua , ato te marin shpirtin ( sidomos kur nuk ju jep ryshfete )