Taktika më e re e spamerëve tash është – dërgimi i skedarëve audio,
Për t’i anashkaluar filtrat për spam, spamerët kanë provuar që të gjitha: së pari i kanë ndryshuar fjalët kyçe, duke zëvendësuar shkronjat e caktuara me numra, pastaj kanë kaluar në fotografi, të cilat sot i gjejmë në e-mailat e padëshirueshëm. Taktika më e re e spamerëve tani është – dërgimi i skedarëve audio.
Parimi është shumë i thjeshtë: pranuesi merr një e-mail i cili në bashkëngjitje ka skedar në format MP3, zakonisht të emërtuar me ndonjë emër tërheqës që të nxis shfrytëzuesit ta hap. Emrat e shpeshtë të cilët përdoren janë: oursong.MP3, weddingsong.MP3; santana MP3, sayyousayme.MP3, smashingpumpkins MP3, bbrown.MP3, bspears.MP3, beatles.MP3, answeringmachine.MP3, coolringtone.MP3 si dhe listentothis.MP3.
Duke ditur që skedarët MP3 nuk paraqesin rrezik nga virusi, shumë shfrytëzues do të hapin skedarin, e cila në vend të muzikës ka porosi, të cilat më së shpeshti ju bëjnë thirrje të investoni para në ndonjë aksion të pavlerë. Spameri, i cili posedon mijëra aksione të tilla, pret që ndonjëres prej tyre t’i rritet çmimi dhe atëherë e shet më shpejt dhe më mirë për para të majme.
Që vet e-maili të mos jetë tepër i madh, spamerët përdorin nivel të madh të kompresionit të skedarit, ashtu që të mos ngarkojë inboxin tuaj; mirëpo sigurisht do të ju ngrit nervat kur të filloni të pranoni mijëra porosi të tilla. Sipas disa të dhënave, ky lloj i spam-it veçse përbën 10 përqind të trafikut të përgjithshëm të spam-it, e mund të pritet që kjo shifër të rritet dukshëm në të ardhmen.
Përgjigju Duke Cituar
Krijoni Kontakt