Si e komentoni presionet VMRO-PDSH ndaj fjalës së lirë shqipe në Maqedoni?

[Manci]

Eshte trend qe qe qeveria VMRO-DPMNE dhe PDSH-NARODNA, te pedhunojne fjalen e lire shqipe. Sot kemi 3 gazeta shqiptare, nje televizion publik shqiptar edhe ate te gjithe jane te kercenuar nga qeveria.

FAKTI, eshte ne lufte me pushtetit, pse nuk servil gatojcat e tyre antishqitpare.
LAJM, po ashtu eshte ne lufte, per te njejtat arsye.
TV ALSAT, eshte kercenuar publikisht ka ish numeri 2 i policise se Maqedonise, Refet Elmazovski, per ate se keto kane raportuar qe njesite e tyre kane bere masaker be ngjarjene Brodecit.
GAZETA KOHA: Ka qene organ partiak i PDSH NARODNES, por keto jave eshte be prone e biznismenit Velija Ramkovski, pronar i TV A1.

Faqja studentore STUDENTET.INFO, e cila eshte faqe me e vizituar ne Maqedoni, kercenohet me kallashnikov nga raketashet e kesaj partie, qe ka zyren vetem disa metra larg selise se kesaj partie te ashtequajtur shqiptare. Keshtu pra shteti e pushteti sillet me mediumet shqiptare ne Maqedoni?

[Cimo]

Eshte trend qe qe qeveria VMRO-DPMNE dhe PDSH-NARODNA, te pedhunojne fjalen e lire shqipe. Sot kemi 3 gazeta shqiptare, nje televizion publik shqiptar edhe ate te gjithe jane te kercenuar nga qeveria.

FAKTI, eshte ne lufte me pushtetit, pse nuk servil gatojcat e tyre antishqitpare.
LAJM, po ashtu eshte ne lufte, per te njejtat arsye.
TV ALSAT, eshte kercenuar publikisht ka ish numeri 2 i policise se Maqedonise, Refet Elmazovski, per ate se keto kane raportuar qe njesite e tyre kane bere masaker be ngjarjene Brodecit.
GAZETA KOHA: Ka qene organ partiak i PDSH NARODNES, por keto jave eshte be prone e biznismenit Velija Ramkovski, pronar i TV A1.

Faqja studentore STUDENTET.INFO, e cila eshte faqe me e vizituar ne Maqedoni, kercenohet me kallashnikov nga raketashet e kesaj partie, qe ka zyren vetem disa metra larg selise se kesaj partie te ashtequajtur shqiptare. Keshtu pra shteti e pushteti sillet me mediumet shqiptare ne Maqedoni?

Ja do te tregoj une dicka ty Manci-Xhaferovski ( Musa)...

Une cdo dite jam lexues i rregullt i KOHA dhe LAJM (plus gazetat maqedonase ). Sa per ilustrim pronar i KOHA nuk eshte Velija Ramkovski po ai eshte nje lloj financuesi i gazetes..per cka eshte fjala ? Ramkovski si pronar i A1 dhe marketeve HEDIS ne te gjithe Maqedonine eshte poashtu pronar i te perditshmes ne gj.maqedone SHPIC qe ka nje burim financimi nga organizata joqeveritare hollandeze ( qe te njejten sigurisht e ka fituar edhe KOHA ). Si funksionon tani KOHA ? Reklamat e A1 dhe produkteve te HEDIS ne gazete do te reklamohen pa pa pagese kurse ne kembim te kesaj Ramkovski shperndan falas gazeten nepermjet rrjetit te distrubimint te SHPIC-it dmth marketeve HEDIS. Dmth terhjek edhe konsumues shqiptar ne supermarkete. Kapito ?

Sa i perket gazetave LAJM dhe FAKTI te tregoj nje shembull te thjeshte une qe te kuptosh me lehte ate qe dua te them. Mos i hidhero prinderit se te ndalin financat ..eshte keshtu apo jo ? Si tha Menduhi ne TOP CHANNEL ..te te jap buk une ty e ti te me vrasish mua qe te kam dhene buke ( pak e ndryshuar nga une ). Ska pse te pllase dhe pelacase LAJMi ku cdo artikull i shkruar permban vrere per PDSH-ne ? Ska pse te ndihmoet ALSATi ku cdo lajm fillon me propagande anti-PDSH..le te kerkojne financa prej Branko Crvenkovskit dhe Musa XHaferovskit se atyre u ben sherbim e jo shqiptareve. Edhe plus asaj nje gazete kur del ne treg nuk duhet te pres prej qeverise ti ndihmoje po ajo duhet nepermjet cmimit dhe sherbimit qe te vlersohet dhe paguhet. Kur lexohet nje gazete ka edhe reklama qe eshte nje tjeter burim financimi..po c'te bejsh ju kujtoni se e gjithe e keqja vjen prej PDSH-se..Jo jo vella leri keto naze se dikush i pengon apo nuk i financon..benu i zoti puno dhe gjindu vet ne kete jete...

Sa i perket faqjes studentet.info...c'te them...plot dezinformata plot genjshtra dhe ne sherbim te opozites....fshihet postimi ku perkahet PDSH apo lavderohet ...nuk fshihet postimi ku shahet dhe ofendohet e njejta...

Qellimi i ketije shkrimi tim ( pasi nuk shkruaj kaq gjate shpesh ) eshte jo per te te arsyetuar apo te bindi ne ndryshimin e perkatise partiake po te njohish realitetin sadopak pasi ate realitet qe te pasqyron BDI-ja nuk eshte realitet objektiv.

Gjithe te mirat

[bili99]

Cimo,
Dhe realiteti na qenka sic thua ti?..?. kuvendimi yt eshte aq me ngjyrim partiak sa po te isha ti do rrija skuqur gjithe diten.Po bile e citon Vojvoden- thua si ka thene Menduhi- kjo i thote te gjitha se kush eshte neutral dhe per cfar realiteti objektiv ti na flitke.Tipik komunist sic tha druzhe Tito. Per Xhaferroski , ta thote ty nenshkrimi sllav dhe mos te ka qelluar ta mesosh kete mbiemer nga ish lideri i PDSHse?....ke mall (t'ga)per sllavet e jugut ti aty i ke , dhe me kete mendje edhe perjetesisht bile... bile per nje kohe edhe qirilice e mbaje me ndere..ti thuash vehtes shqiptare sillu si i tille: fol, merr fryme dhe jeto , vepro dhe shkruaj shqip, ti thuash vetes intelektual dhe neutral sillu si i tille ....

[Renea]

Diktatur Demokratike

[Cimo]

Cimo,
Dhe realiteti na qenka sic thua ti?..?. kuvendimi yt eshte aq me ngjyrim partiak sa po te isha ti do rrija skuqur gjithe diten.Po bile e citon Vojvoden- thua si ka thene Menduhi- kjo i thote te gjitha se kush eshte neutral dhe per cfar realiteti objektiv ti na flitke.Tipik komunist sic tha druzhe Tito. Per Xhaferroski , ta thote ty nenshkrimi sllav dhe mos te ka qelluar ta mesosh kete mbiemer nga ish lideri i PDSHse?....ke mall (t'ga)per sllavet e jugut ti aty i ke , dhe me kete mendje edhe perjetesisht bile... bile per nje kohe edhe qirilice e mbaje me ndere..ti thuash vehtes shqiptare sillu si i tille: fol, merr fryme dhe jeto , vepro dhe shkruaj shqip, ti thuash vetes intelektual dhe neutral sillu si i tille ....

Po te kishe dicka rreth temes urdhero me korigjo jo te flasesh per tiparet e mija , ku vetem mungon nje vjershe te ma thurish.
p.s
Xhaferovski eshte prapashese e shqiptareve te Kiceves qe sot e ksaj dite nuk e nederojne por e ruajne me kenaqsi , kurse sa per T'ga za Jug ajo eshte kenaqesi qe disa prej ketu forumi e shijojme po e gjete se cka eshte ta thuri une nje vjershe..

Zombi, Alienated mos tregoni per T'ga za Jug te shofim a do ja qelloje

[bili99]

Po te kishe dicka rreth temes urdhero me korigjo jo te flasesh per tiparet e mija , ku vetem mungon nje vjershe te ma thurish.
p.s
Xhaferovski eshte prapashese e shqiptareve te Kiceves qe sot e ksaj dite nuk e nederojne por e ruajne me kenaqsi , kurse sa per T'ga za Jug ajo eshte kenaqesi qe disa prej ketu forumi e shijojme po e gjete se cka eshte ta thuri une nje vjershe..

Zombi, Alienated mos tregoni per T'ga za Jug te shofim a do ja qelloje

Cimo,
Per temen vertete s'paskam thene gje..
Per mbiemrat, eshte per keqardhje por kjo ka qene ne te kaluaren ne te gjitha trevat ne ish Jugosllavi dhe jo vetem ne Kercove( dhe une nuk e kam pasur asnjehere ,as Baba, as Gjyshi....)
Per T'ga, une s'mund ta qelloj, me mire mos provoj, ta le tjeter here qellimin(tash qe me ke treguar se mund te kete edhe kallauz)
Per vjershen me gjithe qef, dhe s'do te thote se ne nuk mendojme njesoj dhe disahere edhe kur nuk rreshtohemi njesoj, por edhe kur fare jemi jasht rrjeshtit (ketu e kam per partizmin une jam jasht se nuk jetoj atje, as jam antare as simpatizant partie) kjo s;do te thote se ne urrehemi(une keshtu mendoj)..edhe kur nuk pelqejme tiparet dhe qendrimet bile edhe personalitetin komplet po te bije rasti qe te njihemi mire,edhe athere ska perse te urrehemi eshte e shkurter jeta per urrejtje.

me nderime,
bili99

[Cimo]

Kopeja e “profetëve” mashtrues

Lirim DULLOVI
Po ta kishim ditur më herët se shpërndarja falas e gazetës Koha do t'ua hapte sytë kolegëve tanë dhe shoqatave të ndryshme botuese, organizatave qytetare-antiqeveritare, për t'i parë më mirë të gjitha "padrejtësitë shekullore" që i bëhen popullit shqiptar në Maqedoni, ndoshta këtë projekt do ta kishim filluar edhe më herët. Falë nesh, tani për herë të parë, disa po vërejnë diskriminimin e gazetave të pavarura nga Qeveria e Maqedonisë dhe për këtë si tufa qensh endacakë lehin mëhallë më mëhallë. Nuk është çudi që një ditë të organizohen edhe protesta kundër partnerit tonë në këtë projekt afarist, z.Velija Ramkovski. Edhe ai, sipas tyre, është duke diskriminuar gazetat tjera shqipe, me përzgjedhjen që të jetë pjesë e projektit tonë "Koha falas". Të pakënaqurit do të shkojnë edhe më tej dhe do të shtrojnë pyetjen pse Ramkovski i ndan shqiptarët e Maqedonisë me ata të Kosovës dhe Shqipërisë, pse të mos e bëjë edhe një gazetë falas për shqiptarët e atjeshëm. Dhe kësaj PSE-je do t'i përgjigjen vetë ata, duke u bazuar në imagjinatën e teorive konspirative. Ky njeri duhet të ketë ndonjë sherr. Jo rastësisht bën gazetë falas për shqiptarët. Jo rastësisht lejon për çdo natë në lajmet qendrore të televizionit më të madh në vend të dëgjohet shqipja. Pa luftë, pa marrëveshje të Ohrit, pa Badenter, gazeta Koha dhe Velija Ramkovski zyrtarizoi shqipen në televizionin A1. A thua pse? Këto janë vetëm disa nga dilemat që i hapin dhe do t'i hapin të pakënaqurit e përjetshëm. Në vend se të mësojnë prej nesh, ata na akuzojnë për dështimet e tyre. A mund ta paramendoni, një projekt si ky i yni, të mos hasë në përkrahje, së paku sa për sy të bukur para opinionit, nga asnjë prej këtyre individëve dhe shoqatave që për herë të parë tani e panë diskriminimin e qeverisë ndaj mediave shqipe. Thua se kjo është qeveria e parë që ka ky shtet prej se në këto hapësira kanë filluar të dalin gazetat shqipe. Për të gjithë veç e veç do të mundohem t'iu bëj refresh kujtesën për një të kaluar të afërt, sepse si duket, ose s'mbajnë mend ose ua ka ëndja ashtu të paraqiten para opinionit.

* * *
Nëse shqiptarët e Shkupit nuk kanë asnjë Universitet në gjuhën e tyre, ata së paku mund të krenohen me shtëpitë botuese. Këtu nuk kanë konkurrencë. Dhe të gjitha thuajse merren me botimin e literaturës fetare nga dijetarë të ndryshëm të vendeve arabe. Dhe meqenëse këtë e bëjnë në emër të përkushtimit të madh ndaj rrugës së Zotit, në një takim me ata para 7-8 viteve, inicova një ide për grumbullimin e përbashkët të mjeteve për të botuar një gazetë të përditshme informative. Gjithnjë i bindur se me informim të drejtë dhe me kohë, do të jenë në shërbim të njerëzimit, e me këtë edhe të fesë. Të gjithë u pajtuan me këtë argumentim timin dhe organizuam një takim për të rënë dakord me idenë për gazetë. Mirëpo që në fillim hetova josinqeritetin e thuajse të gjithë të pranishmëve, të cilët si të ishin koordinuar, caktonin kritere nga më të ndryshmet për të më zmbrapsur nga ideja. Pranova lojën e tyre dhe i sfidova, duke ua miratuar të gjitha kërkesat. U pajtova të mos i botojmë reklamat HotLine, të mos botojmë foto-nudo, madje rashë dakord në gazetë të mos ketë kurrfarë foto, sepse sipas tyre, kjo qenka e ndaluar me mësimet më të reja fetare. Dhe kur i shpenzuan të gjitha adutet, në fund u detyruan të më refuzojnë pa ndonjë shpjegim. Së paku nuk ma thanë, edhe pse qëllimi ishte i tejdukshëm. Ishin të papjekur t'i hyjnë një projekti të tillë. Doli se lakmia ndaj parasë ishte më e madhe se dashuria e tyre për të punuar në rrugën e Zotit. Më vonë disa prej tyre, dashurinë ndaj perëndisë e gjetën duke u ulur në prehrin e herë njërit, e herë tjetrit lider politik shqiptar. Disa shkuan edhe më larg. Filluan të bashkëpunojnë haptazi me disa media të afërta me Cërvenkovskin. Si duket në atë fazë, në politikën e tij gjendej rruga e Zotit. Sot këta njerëz në Kohën falas shohin armiqtë e shqiptarizmës dhe islamit, dhe për këtë arsye rreshtohen në një çetë të përbashkët, që të luftojnë gazetën tonë. Meqë kanë mungesë argumentesh, atë betejë e bëjnë në emër të gjoja mbrojtjes së të drejtave legjitime të gazetave tjera në gjuhën shqipe, të cilat të gjithë së bashku, janë dhjetë herë më pak të lexuara se gazeta Koha.

* * *
Asnjëherë nuk kam qenë ithtar i serialeve të shkrimeve polemizuese, por ja që më duhet t'i përgjigjem provokimeve të kolegut më të vjetër Daut Dauti, i cili në shkrimin e fundit në gazetën Lajm, vërtetoi dyshimet për jorastësinë e tendencave të tij ndaj kolegëve që themeluan dhe po udhëheqin gazetën Koha. Edhe pse më herët ia përkujtuam, atij megjithatë nuk i paska lënë përshtypje vërejtja jonë se analizat e tij për trajtimin e pabarabartë të mediave shqipe nga Qeveria, janë të njëanshme. Ai edhe në vazhdimin e fundit nuk përmendi me asnjë fjalë shpalljet dhe ndihmën financiare që gazetës ku shkruan i japin kryetarët e komunave që udhëhiqen nga partia e Ahmetit, shkollat që janë nën kompetenca të këtyre komunave, si dhe Agjencia për Nëpunës Shtetëror, ku zëvendësdrejtor është "demokrati i popullit" që mbush kutitë e votimit në fshatin Orizare. I dashur Daut, si një njeri që je paguar nga Sorosi për vëzhgimin e mediave shqipe, nuk besoj të kenë shpëtuar pa i parë këto shpallje që janë botuar më se një vit e gjysmë vetëm në një gazetë shqipe. Dhe ne shtrojmë pyetjen se kë je duke kursyer me heshtjen e kësaj të vërtete?

* * *
Më vjen mirë që në shkrimin tënd të fundit vërehej se kishe kapur provokimin e bërë kur t'i rikujtova ditët e arta të Flakës. Do të thuash përsëri jam ironik. Po e vërtetë është. Nuk mund të jem serioz me vlerësimet t'ua joserioze për pavarësinë e kësaj gazete në kohën kur t'i paske qenë kryeredaktor. Ta bëjmë krahasimin më gazetën Koha, të cilën t'i pa dyshim e cilëson si gazetë të PDSH-së apo të afërt me të, me Flakën e vitit 2004, që sipas teje, paska qenë politikisht e pavarur. Nuk bën të turpërohesh o Daut. Thuaje se edhe ashtu të gjithë e dinë se pronar i gazetës Flaka ishte funksionar i lartë i BDI-së, i cili në një periudhë nga partia ishte emëruar drejtor i Agjencisë së Informatave. Thuaje edhe atë se për redaktorë kishe gjithashtu edhe funksionarë tjerë të BDI-së, të punësuar në poste udhëheqëse në Ministrinë e Arsimit dhe në Këshillin për Radiodifuzion. Thuaje edhe tjetrën se në gazetën Koha nuk kemi asnjë aktivist partie, e lëre më ndonjë funksionar të lartë të PDSH-së. Dhe pas gjithë këtyre fakteve, unë e ti, së bashku me lexuesin duhet të besojmë se Flaka paska qenë politikisht e pavarur, ndërsa Koha jo. Të lutem… Ke përmendur një rast kur një shpallje e qeverisë i paska ikur Flakës, dhe me këtë qenka pamundësuar dalja e mëtutjeshme e kësaj gazete. A të kujtohet se në atë kohë kur t'i drejtoje Flakën, unë me kolegët Arben Ratkoceri dhe Nebi Mërseli, botonim edicionin për Maqedoni të gazetës Koha Ditore. Madje edhe kjo gazetë, e cila nuk pa me sy asnjë shpallje qeveritare, pati jetë më të gjatë se "Flaka e pavarur" që kishte të drejtën ekskluzive të të gjitha shpalljeve shtetërore. Dhe paramendo, me ne atëherë nuk ishin as komunat, as bashkësitë lokale, e as ndonjë demokrat që mbush kutitë e votimit për të mos e lodhur popullin të dalë në zgjedhje. Por ne heshtëm dhe nuk bëmë zhurmë. Gazeta u mbyll për t'u rihapur përsëri në vitin 2005. Dhe pas një presioni të BDI-së, konkretisht të kryetarit të kësaj partie, Ali Ahmeti, gazeta Koha Ditore u shua. Krejt kjo për shkak të një artikulli që ishte botuar gabimisht në një rubrikë jopërkatëse. Atëherë i dashur Daut heshtën edhe kolegët tanë, edhe sektori civil, edhe shoqatat e botuesve shqiptarë. Askush nuk u mërzit që një parti e ndaloi botimin e Kohës Ditore, që do të pajtohesh, akoma është gazeta më serioze dhe më profesionale në gjitha trojet shqiptare. Në një rast tjetër, do të tregoj edhe për përvojën time në gazetën Lajm, dhe dorën e BDI-së për largimin tim nga kjo redaksi ku punova vetëm disa muaj, prej nga për t'i ikur ndikimit "të pavarur" politik të kësaj partie, vendosa të punësohem në televizionin A1. Por edhe këtu nuk u ndalën presionet e funksionarëve të kësaj partie që kanë qejf të shtirren se janë demokratë. Edhe për këtë kapitull, do të flasim një herë tjetër.

* * *
Tani më duhet të pranoj se po skuqem nga ajo që patjetër duhet të ta them haptazi. Të lutem mos gënje! Nuk është korrekte të dezinformosh lexuesin se shkrimi yt i fundit i botuar në gazetën Lajm, është dërguar së pari në redaksinë e gazetës Koha, e cila edhe pas një jave nuk ta ka botuar. Unë u tmerrova nga mundësia që kjo të jetë e vërtetë, edhe atë si pasojë e ndonjë lëshimi, e jo e politikës sonë redaktuese për të mos botuar mendimet ndryshe. Për çdo rast kontrolluam e-mailin e redaksisë dhe nuk gjetëm asnjë letër prej teje. Duke qenë në nivel të përgjegjësisë, pas alarmit tënd, kolegët e Kohës të morën në telefon dhe kërkuan sqarime plotësuese për ditën dhe adresën e dërguar. U kishe thënë se reagimin e kishe dërguar në adresën time private. Kontrolluam, nuk ishte as aty. Dhe për të qenë deri në fund korrekt, të propozuam që së bashku ta hapim e-mailin tënd, për t'u vërtetuar nëse me të vërtetë ndonjëherë e ke nisur artikullin në adresën tonë. Pritëm disa ditë, por t'i nuk tregove interesim për ta zbardhur të vërtetën. Fundja, për shkak se njihemi kohë të gjatë, për t'i ikur gjithë kësaj tollovie të panevojshme, ke mundur të bësh së paku një telefonatë, për t'u vërtetuar nëse teksti i nisur ka arritur deri te ne. Ti as këtë se bëre. T'u duk e vështirë, ndërsa nga ana tjetër me një lehtësi të çuditshme, na paraqite frikacak të fjalës së lirë. Nuk jemi të tillë o Daut. Kemi dhënë prova për këtë me politikën tonë redaktuese. Pa dashur t'i emëroj, ti e din mirë se në të kaluarën ne kishim tre kolumnistë që paguheshin për opinionet e tyre kritike ndaj politikës së PDSH-së. Asnjërit si kemi hequr asnjë presje deri tani, pikërisht për shkak të përcaktimit tonë për të kultivuar mendimin e lirë dhe debatin, i cili për fat të keq ende mungon te shqiptarët e Maqedonisë. Mendoj se është e udhës që të kërkosh ndjesë ndaj kolegëve të gazetës sonë, të cilët ndihen të ofenduar nga kjo shpifje jote. Kuptohet, vetëm në rast se të ka ngacmuar ndërgjegjen argumentimi ynë i sinqertë dhe parasegjithash njerëzor.

* * *
E kemi pasur të qartë se projekti "Koha falas" do të zgjerojë gamën e armiqve tanë. Megjithatë jemi befasuar me faktin se në këtë grup, përveç konkurrentëve tanë të dikurshëm, janë futur edhe disa individë dhe shoqata, të cilët realisht nuk humbin asgjë nga ky projekt. Të gjithë kanë një emërues të përbashkët. Këta gazetarë, intelektualë, historianë, shoqata joqeveritare, shoqata botuesish dhe organizata mjekrash, gravitojnë rreth BDI-së. Motivet e tyre për t'iu vërsulur Kohës janë parasegjithash politike. Për këtë arsye edhe gabojnë, ngase në fillim, gazetën Koha e cilësonin si të afërt me PDSH-në, ndërsa pas projektit për shpërndarjen falas të gazetës, filluan të na etiketojnë si njerëz të shitur te një "torbesh", i cili për arsye ende të panjohura, i ka hyrë këtij projekti. Ne i sigurojmë armiqtë tanë se Koha nuk është themeluar për të qenë kundër ndonjë individi, apo ndonjë partie të caktuar politike. Koha me tirazhin prej 22 mijë copë, nuk ka për qëllim t'ia shpërlajë trurin lexuesit, sepse mendojmë se deri tani atë e kanë shpërla mjaft të tjerët. Ne dëshirojmë ta bëjmë të kundërtën. Temat politike synojmë t'i zhvendosim në plan të dytë, duke ju dhënë prioritet temave që kanë të bëjnë me përditshmërinë e lexuesve tanë. E kjo sipas nesh nuk është politika, sepse shqiptarët në Maqedoni, më së paku kanë përfituar nga ajo, edhe pse investimi në politikanët tanë ka qenë maksimal. Ne dëshirojmë ta kthejmë politikën kah nevojat e lexuesit tanë, e jo të kundërtën siç po bëjnë me vite shumë media tjera. Për këtë e dimë se do të kemi goditje nga më të ndryshmet nga partitë dhe satelitët e tyre, mirëpo ne jemi të vendosur që t'i mbesim besnik deri në fund kontratës që kemi lidhur me lexuesin tonë. Armiqve tanë të organizuar në “kope” të profetëve mashtrues ju garantojmë se janë të humbur përgjithmonë.

lirim@koha.com.mk

[Manci]

Polemikë me qëndrimet e shpifura!

(Shkas: "Kopeja e 'profetëve' mashtrues" nga Lirim Dullovi, "Koha", 7 shkurt, fq.9)

Daut DAUTI

E lexova me vëmendje tekstin tënd, koleg i dashur Lirim, dhe mbeta ngapak i habitur nga shumë çështje që i kishte përmendur. A thua është e mundur?! A thua është e mundur që themeluesi i një gazete të jetë aq "i thellë" dhe të nxjerrë nga shkrimet e mia gjera të cilat nuk i kam thënë. Sikur të kisha shkruar poezi me metafora hermetike. Unë nuk i kam thënë, por ti polemizon! Hallall të qoftë! Prandaj, po e shfrytëzoj rastin në pika të shkurtra për t'i sqaruar gjerat para një auditori të gjerë të më shumë se 22.000 lexuesve (katërfish duke pasur parasysh se një gazetë e lexojnë më shumë anëtarë të një familjeje).

1. PËR "KOHËN"
PA KURRËFARË ZILIE!
I habitur jam nga pohimet e tua, nga konteksti, nënteksti e ku të di unë çfarë jo, se paskam ndonjëfarë zilie për "Kohën". Assesi! Edhe në shkrimin tim që kurrë nuk arriti në redaksinë "Koha"(pse nuk "arriti" drejtohuni te "YAHOO", jo te unë) e kam shumë të qartë pozicionin tim. Nuk mund të jem assesi ziliqar për suksesin e redaksisë, ngase, tash më duhet ta përsëris, kur më patën ofruar që të bëj një ekip për gazetë shqipe që sipas shembullit të Shpicit do të shpërndahej gratis, unë partnerit të tashëm afarist të "Kohës", Velija Ramkovskit (nëpërmjet kryeredaktorit të "Shpicit", ia kisha propozuar pikërisht emrat e themeluesve të gazetës "Koha" dhe disa të tjerë). Prandaj, nuk ka logjikë të kem zili ndaj atyre që ua kam hapur rrugën në mënyrë indirekte. Dhe flejë rehat, se nuk kam kurrfarë tendencash(siç thua ti) ndaj kolegëve të "Kohës", pasi me te gjithë kam pasur relacione korrekte dhe ato nuk do të prishen as pas kësaj polemike të pakuptimtë nga ana jote. S'e di përse më ngre për fjale, por pikërisht se nuk kam zili, unë njërin nga vazhdimet e "analizave në vazhdime" në "Lajm" ia kushtova të drejtës së kujtdoqoftë, pra dhe të Velija Ramkovskit, që të bëjë gazetë shqipe. Në këtë qesh inspiruar nga një shkrim i një kolegu "edhe më të vjetër" i cili daljen e këtillë të "Kohës" e quajti poshtërim të shqiptarëve. Çka është kjo, nëse nuk është përkrahje!?. Mund të gjesh numrin e "Lajmit" dhe do të shohësh. Madje, ai tekst mund të konsiderohet një lloj diversioni ndaj "Lajmit" kur në atë gazetë botoj tekst që e marr në mbrojtje "Kohën" si gazetë konkurrente!

2. PABARAZIA E MEDIAVE
Në tekstet e mia mundohem të flas për parime. Në këtë drejtim, nuk mund të mos përkrahet beteja e një gazete(në rastin konkret e "Lajmit") e cila kërkon barazi në ndarjen e mjeteve të popullit. Kjo gazetë hasë në probleme serioze për shkak të huqeve të pushtetit, prandaj duhej t'i përkrahje kolegët e tu. Nuk është kurrfarë logjike që të mbrosh qëndrimin se juve ju ndahen paratë e popullit që i distribuon Qeveria, ndërkaq gazetës konkurrente, paratë e popullit që ndajnë komunat. Për mendimin tim, do të ishte mirë që edhe Qeveria të drejtonte mjetet te gazetat konkurrente të "Kohës", por dhe komunat t'i drejtonin mjetet nga "Koha". Askush nuk ka të drejtë ekskluzive që me paratë e popullit të favorizojë mediat që i pëlqejnë ose nuk i pëlqejnë ndonjë ministri a kryetari të komunës. Të gjithë e dimë ç'domethënie kanë këto mjete kur dihet se tirazhet nuk sigurojnë ekzistencë të gazetave. Përkrahja morale sot, është kapital për nesër, sepse kur të ndërrohen rolet e subjekteve politike, nuk dihet cila gazetë e përkëdhelura e kujt do të jetë, përsëri me paratë e të gjithë qytetarëve. Idealizëm, por, kjo do të ishte e drejta... Për të mos pasur pabarazi, do të ishte mirë që kjo çështje të ishte zgjidhur në mënyrë fatlume me ndonjë ligj, ose të paktën të shiheshin përvojat e vendeve me traditë më të gjatë demokratike dhe mediale. Kjo do të ishte më mirë, që të mos zhvillohej një konkurrencë jolojale midis mediave se cila do të marrë pjesën më të madhe të kulaçit nga arka e shtetit, të cilën e mbushin të gjithë qytetarët, pa dallim cilën gazetë e lexojnë.

3. SHPIFJA RRETH PAVARËSISË SË "FLAKËS"
Përmendja e "Flakës" nga ditët "e arta"(viti 2004, kur në pushtet erdhi BDI-ja dhe brendin e morën njerëz të afërt me të), që e kishe përmendur ti në kontekst ironik, më nxiti për të përshkruar një histori të rënies së saj përfundimtare. Por, në tekstin tënd ka një shpifje tepër të madhe, që të shërben pastaj të elaborosh gjerë e gjatë vlerësimet. Ti e shpif pohimin dhe pastaj i përgjigjesh! Bravo! Është në stilin e "pluralizmit". Vërtet, ku e gjete se unë kam thënë se "Flaka" ka qenë e pavarur në kohën kur kam qenë kryeredaktor?! Unë them atë që thua ti dhe që e dëshmon dhe gazeta "Koha" për këtë më tepër se një vit. Pra, askund, po them askund, nuk e kam përmendur që ka "Flaka" ka qenë e pavarur. Ja ç'kam shkruar dhe le të gjykojnë lexuesit kush e thotë të vërtetën: "Sigurisht nuk isha idealist naiv që betohet në pavarësinë absolute e të mos e kuptoj që edhe pronari është faktor në kreimin e politikës redaktuese, por kuptohet, as i shitshëm që të mund të vihem në pozitë për të devalvuar veten me gjera me të cilat nuk do të pajtohesha. Nuk mund të ketë politikë redaktuese ideale, por besoj se me rëndësi të madhe është se si do të merren vesh pronarët dhe stafi profesional dhe ne ishim marrë vesh për një politikë redaktuese të balancuar...". Në shkrimin për "Flakën", Lirim, flas për fajësinë që u mbyll një gazetë që nuk duhej të mbyllet. Flas për periudhën kur partitë kërkonin shumë prej "Flakës", ndërkaq asaj nuk i dhanë mbështetje që të mbijetojë. Ka pasur në "Flakë" ithtarë të (P)PDSH-së dhe kur erdhi kjo parti në pushtet, erdhën edhe ata për ta udhëhequr. Nuk është faji i lexuesve që besimi i tyre në atë kohë ra përtokë. Por, as për këtë nuk i akuzoj: i akuzoj që nuk ia bënë qaren gazetës, nuk e zgjidhën statusin e saj para se të shpërbëhej NGB "Nova Makedonija". Ky është mëkati i partisë dhe eksponentëve të saj në redaksinë e Flakës". Partia tjetër bëri atë që pas shpërbërjes së NGB-së ishte e logjikshme: njerëz të saj e blenë brendin, por me shpresë se vetvetiu paratë do të pikin nga qielli. I futën njerëzit e tyre në zjarr dhe nuk u dhanë përkrahje, siç ta zëmë e gëzon pa rezervë "Koha". "Periudha e artë" e "Flakës" nuk ka lidhje me pavarësinë, dhe këtë unë asnjëherë nuk e kam thënë, por është e vërtetë se me politikën redaktuese gazeta rimori veten me tirazhe të respektueshme. Fundja, formalisht gazeta ka qenë e një firme nga Struga, dhe me përfaqësuesit e saj që në fillim u morëm vesh dhe pastaj nuk ka pasur ndërhyrje. Por, të të them atë që e bën edhe një shpifje rreth të punësuarve: në stafin redaktorial nuk ka qenë asnjë BDI-st! Kishte ndër ta që kishin simpati ndaj BDI-së, kishte të tillë që shquheshin me përkrahje të politikës së PDSH-së ose të PPD-së, kishte dhe apartiakë. Stafi udhëheqës dhe i gazetarëve, praktikisht u mor nga të punësuarit e mëparshëm, me ndonjë gazetar të ri pa përvojë, ndërkaq në pjesën e marketingut, e cila nuk kishte ndikim në politikën redaktuese, asnjëherë nuk më ka interesuar se nga erdhën.

4. GËNJESHTRA RREH "GËNJESHTRËS" SIME! OSE: LIRIM, DREJTOHU TE "YAHOO"-ja
E, tash, në fund, të sqarojmë a e kam dërguar ose jo tekstin tim te "Koha". Ditën kur shkrimi im për "Flakën" pa dritën në "Lajm", ishte një javë pasi e kisha dërguar në "Koha"! Atë ditë kur Vedat Memedaliu më mori në telefon për t'më sqaruar se në redaksi nuk kishte mbërritur ndonjë shkrim imi, u gjeta vërtetë i befasuar. Për një moment më breu ndërgjegjja dhe këtë ia thashë Vedatit, se ndoshta mos e kam dërguar tekstin pa "atachment", që do të thotë, pa tekstin e reagimit, që ishte një mundësi reale të kishte ndodhur. Dhe, në atë moment isha gati të kërkoj falje nga redaksia nëse gabimi është imi. Kisha një punë tjetër dhe e lashë përgjysmë dhe u ktheva në shtëpi dhe kërkova në internet dërgesat e mia nëpërmjet e-mailit dhe iu lajmërova përsëri Vedatit. Ia tregova datën kur tekstin tim e kisha dërguar në dy adresa: të Lirim Dullovit dhe të redaksisë "Koha". Nuk i thashë Vedatit se mosbotimi i atij reagimi ka ndonjë prapavijë, por thjeshtë pranova mundësinë që teksti të ketë humbur në ndonjë derdhje të madhe tekstesh që vijnë për çdo ditë në redaksi. Por, në Yahoo shumë qartë shkruan data dhe ora e saktë e të dy dërgesave me atachment dhe për këtë menjëherë e informova Vedatin. Kush punon në internet e din fare mirë që nëse nuk dërgohet një mesazh, Yahoo-ja të informon menjëherë. Në rastin e reagimit tim kjo nuk ka ndodhur dhe sot e kësaj dite i kam në rubrikën "Sent"(të dërguara), me datën 24 janar. Kjo, për të dëshmuar se nuk gënjej. Tash është çështje tjetër nëse Koha ose ti Lirim ke problem me Yahoo-në. Drejtohuni atje, paditni dhe mund të fitoni ndonjë zhdëmtim për këtë!
Kjo është e vërteta e jo gënjeshtra nga ana ime, siç thua. Se a gënjej unë apo gënjen ti, rreth kësaj, mund të formojmë një "komision të pavarur" që do ta hapnin e-mailin tim dhe ta konstatonin të vërtetën, dhe nëse gënjej unë, ta nxjerrni si dëshmi turpi në ballinë të gazetës. Populli thotë: "Nëse kemi ngrënë petën, tepsia është këtu". Dhe, ne, fare lehtë mund ta vërtetojmë përmes "tepsisë". Meqë është një shpifje publike që mund të jetë edhe për ndonjë gjyq nderi të forumeve gazetareske, ja, unë të propozoj ndonjërën nga shoqatat ta verifikojë në e-mailin tim e kam a e kam dërguar ose jo reagimin në "Koha". Unë publikisht të ofroj bast: nëse vërtetohet se unë e kam dërguar, do të kërkosh falje publike për këtë shpifje tejet të poshtër, nëse jo, unë do të jem ai që do të të kërkoj falje ty dhe gazetës "Koha"! Ndërkaq unë, sa për korrektesë, një javë prita të shoh reagimin në "Koha" dhe tek pastaj ia dhashë "Lajmit". Është e vërtetë që thua ti se nuk jam lajmëruar në redaksi për ta verifikuar a ka mbërritur teksti. Këtë nuk e kam bërë për dy arsye: deri tash nuk më ka ndodhur që ndonjë tekst të mos mbërrijë atje ku e kam dërguar me e-mail dhe e dyta, nuk e kam zakon që redaksive t'u lutem për t'i botuar tekstet e mia.

(PËR FUND)
Lirim, vetëm përpara. Shpërndarja gratis e gazetës kërkon shumë mund e sakrifica, e di që nuk e keni lehtë. Por, të kisha lutur, mos u shit lexuesve dushk për gogla me rrahagjoks. Tirazhi gratis i gazetës tënde është rezultat i parave të biznesmenit, Velija Ramkovski. Prandaj, mos i krahaso ato 22.000 kopjet gratis me tirazhet normale(të shitura) të gazetave nëpër periudha të të ndryshme, në disa prej të cilave ke marrë pjesë edhe ti, se edhe unë vetë e di, siç e di fare mirë edhe ti, çka do të thotë lufta për çdo lexues, për çdo reklamë, për çdo sponsor. Gazetën gratis nuk e shpike ti, por Velija Ramkovski, më shumë se një vit para. Hap i mirë redaksisë është që "u gjetët" me këtë biznesmen i cili është nga pak edhe "hazarder" kur lëshohet në një aventurë afariste, si më parë me "Shpicin", kur si në çdo biznes nuk dihet në do të realizohen objektivat afariste. Ju si redaksi s'keni çka të humbni këtu: Velija ju siguron rrogat, marketingu i Velisë ju siguron reklamat, Velija siguron shtypin, juve ju mbetet të merreni me përmbajtjen e gazetës. Ku ka më mirë. Dhe, një gjë, këshillë kolegjiale. Si thotë popullit, mos fluturo shumë për havaje. Lipset pak modesti. Nga shkrimet tua del sikur gazetaria e vërtetë e shqiptarëve fillon me ty dhe me "Kohën". Gazetari këtu ka pasur para meje dhe teje dhe do të ketë edhe pas. Ndërkaq publiku është ai që vlerëson çfarë i kemi ofruar. Pokështu, të këshilloj, në vend se të shkruash gjerë e gjatë kundër qëndrimeve që gjoja i kam thënë unë, të shkruash pak më shumë për temat aktuale politike, siç janë ndërtimi i kishave ku s'e kanë vendin, përgatitjet intensive të kësaj qeverie për të rrënuar themelet e demokracisë konsenzuale (përmes atij Kodi zgjedhor djallëzor), si të zgjidhet përdorimi i gjuhës shqipe etj. A nuk po e shef djallëzinë që duke hapur gjithnjë tema të tjera, kjo qeveri po e defokuson vëmendjen nga ato çështje për të cilat shqiptarët presin zgjidhjen e tyre. Kjo do të jetë një përkrahje edhe për PDSH-në, e cila duket ashiqare që e ka vështirë me kokëfortësinë e Gruevskit, i cili bën çmos vetëm çështjet e hapura të shqiptarëve të mos i zgjidhë. Pra, kemi tema për të cilat ja tash ja kurrë duhet ta themi me ngulm qëndrimin tonë si intelektualë. Këtu qëndron përgjegjësia jonë, e jo të merresh me shpifje të tilla si për mosdërgimin e reagimit tim në "Koha", të cilën gjë fare lehtë mund ta konstatojmë, ose dhe më keq, të polemizosh me qëndrime që s'i kam thënë, siç është gjoja pavarësia e "Flakës"(Në do raste të caktuara, para studentëve, e kam pasur vështirë t'ua thej iluzionet gazetarëve të ardhshëm se pavarësia më tepër është ideal se sa realitet, prandaj nuk jam unë aq idealist naiv të propagoj diçka utopike).