Kohë qirinjsh

[Syku]

EMIGRANTI

Diku veç në tavolinën
Me mbulesë të bardhë shtruar,
Birrë të huaj ke përpara
Dhe një pamje të menduar.


Diku veç në tavolinën
Në një qoshe të lokalit,
Shokun tënd se ke përballë,
Pi vetmuar ti prej hallit.


Diku veç në tavolinën
Në një lagje të panjohur,
Gjithçka është akull e ftohtë,
Vetëm birra është e ngrohur.


Diku veç në tavolinën,
Që të bën ty shoqëri
Gotën s´di ku t´a trokasësh,
Tavolina s´është njeri.

Alma Papamihali

Shtator 2007

Pasqyrim i bukur nga ana juaj ndaj (emigranteve) neve. prekje e bukur artistike. Te pergezoj per kete e te tjera poezi qe tani nuk po citoj.
Urime.

Me respekt Pellumb Syku

[Agim Metbala]

SHEKUJT DO TË TË MBAJNË NË GJI
(Akrostik Ramush Haradinajt)

Riporositën gjykimin jashtëtokësorët
Amputuan një krah Kosovës
Mashtrimin e patën nën këmbë dërrasë të kalbur
Udha jote e Lirisë, sfidoi Tribunalin
Shekujt do të të mbajnë në gji
Hartën e re e vizatove me sakrificë
Ardhmërisë i hape shtigjet e reja
Rimishërove amanetin në portën e oltarit
Ata që Kosovës ia falën jetën, gjymtyrët...
Dëshmove stoikisht pastërtinë e UÇK-së
Improvizimet i lakuriqove sheshit të turpit
Nderin e gjeneralit e lartësove në majen e fronit
Atdhedashuria jote mposhti peripecitë
Ja, fundi i të gjitha golgotave të përjetuar...

03.04.2008

[Agim Metbala]

YLBERI PUTH BLERIMIN

Sot guximin e ka kapur paraliza
Dhe aty-këtu ecën me paterica
Që i jep pamje tragjikomike...

Sot urtësia është varur në majë të lisit
Atë e kapi era me krahë të vet
Duke e hedhur në qiell të imagjinuar
Budallenjt organizojnë vallet e natës...

Sot në çdo rrugë dhe udhëkryq
Janë rreshtuar pikëpyetjet
Dhe karavanët e pyetjeve pa përgjigje...

Nesër do të lindë Ditë e re
Me kuptim, presje, pikëpresje
Duke përfunduar me një pikëçuditëse
Do të rreshtohen guximi, dija, urtësia
Shesheve do të mbijnë aguliçet
Ylberi do ta puthë blerimin në ballë...

28.02.2003

KRIMBAT PRESIN...

Edhe faraonët kishin tonelata ar
Dhe bjeshkën me ar e mbushën
Por vdiqën siç vdes secili njeri
Mbetën vetëm eshtrat
Kjo është formulë...

Qytetërimi aq shumë ka ecur
Por vdekjen s’e ndali kush
Ilaçi për të nuk u gjet
E Homeri recitohet edhe sot
“Mahabharata” ka hyrë në internet
E krimbat presin me padurim
Të vdesin më të majmët...

13.12.2003.

[Agim Metbala]

METAFORË E PËRJETSHME
Nexhmije Pagarushës


Ece shtigjeve me plot të panjohura
Kur të tjerët s’patën guxim
Notat i këndove shqip
Kur në portë përgjonte veshi
Kur në çdo dritare syri ndeshte syrin...

Donin të të frikësonin në çdo hap
Ti çdo herë edhe më e fuqishme
Nga thellësi e shpirtit lindnin epopetë
Dëshmi të dhembjeve tona...

Për ne që u rritëm me këngën tënde
Që qamë e qeshëm bashkë
Je metaforë e përjetshme
Simfonia jonë e pavdekshme...

17.08.2003

[DI_ANA]

Te mrekullueshme i nderuar poet,shkrimtar,artist i vertete!
Ke sjell penen tende dhe eshte nje nga me te bukurat perkrah poeteve te vertete ne kete Forum!

Me shume respekte

Diana

[DI_ANA]

EMIGRANTI

Diku veç në tavolinën
Me mbulesë të bardhë shtruar,
Birrë të huaj ke përpara
Dhe një pamje të menduar.


Diku veç në tavolinën
Në një qoshe të lokalit,
Shokun tënd se ke përballë,
Pi vetmuar ti prej hallit.


Diku veç në tavolinën
Në një lagje të panjohur,
Gjithçka është akull e ftohtë,
Vetëm birra është e ngrohur.


Diku veç në tavolinën,
Që të bën ty shoqëri
Gotën s´di ku t´a trokasësh,
Tavolina s´është njeri.

Alma Papamihali

Shtator 2007

E cte te them e dashur ....je nje mrekulli!
Ti e di mendimin tim per ty...Po pres librin tend Alma!
Do ishte nje nder per mua,mikja ime.Ti je poete e lindur dhe te pergezoj!

me shume respekte

Diana

[DI_ANA]

Kurbeti.....

U endem mes rrugeve,pa ditur drejtimin,
na trembi Atdheu,na humbi durimin,
tutje na largoj vete kjo toka nene,
jetim neper bote dhe veshtrojme ket' hene...

E njejte ketu te une,e njejta atje te ti,
emigrante na thirren,pa patur lakmi,
tek dheu i huaj,kurbeti na treti,
por te toka nene zemra jone mbeti....

Rruget nuk me ngrohin,malli me pushton,
malli per nje vend,qe jeten na e shton,
malli per atdheun,per token krenare,
malli per burimet,per nenat bujare!

E çfare eshte pasuria,kur "Nenen" se ke prane,
e ku eshte lumturia,kur lotet sna u ndane,
si zogj qe krahe skemi,keshtu sot kemi mbetur,
e jona Shqiperi,te ty do jem e tretur..

Diana

[Agim Metbala]

Kurbeti.....

U endem mes rrugeve,pa ditur drejtimin,
na trembi Atdheu,na humbi durimin,
tutje na largoj vete kjo toka nene,
jetim neper bote dhe veshtrojme ket' hene...

E njejte ketu te une,e njejta atje te ti,
emigrante na thirren,pa patur lakmi,
tek dheu i huaj,kurbeti na treti,
por te toka nene zemra jone mbeti....

Rruget nuk me ngrohin,malli me pushton,
malli per nje vend,qe jeten na e shton,
malli per atdheun,per token krenare,
malli per burimet,per nenat bujare!

E çfare eshte pasuria,kur "Nenen" se ke prane,
e ku eshte lumturia,kur lotet sna u ndane,
si zogj qe krahe skemi,keshtu sot kemi mbetur,
e jona Shqiperi,te ty do jem e tretur..

Diana

Diana e respektuar, për mërgimin dhe mërgimtarët - kurbeti, kurbetçarët - emigrantët, në Forum, kam hapur faqe të veçant, duke ftuar poetëtë tjerë, t'i postojnë poezitë në këtë temë, dhe me siguri se do të kishte dalë një libër i bukur panoramik. Mirëpo, Administratori ka menduar ndryeshe dhe dy tre shkrimet e para, i ka bashkangjitur "Kohë qirinsh". Por, edhe kështu si është - si ka menduar administratori, nuk prish punë, ngase poetë dhe lexuesit e Forumit, i përcjellin poezitë, i vlerësojnë e njëherit edhe kënaqin shpirtin e vet.

Të falenderoj për vlerësim, (nuk i meritoj të gjitha ato komplimente),të falenderoj për poezinë e bukur "Kurbeti", e edhe njëherë të përgëzoj për palodhshmërinë tënde të skajshme.

Me respekt!

Agim METBALA

[Agim Metbala]

NJË POROSI E VOGËL - E MADHE PËR POETËT E FORUMIT SHQIPTAR

Para plotë tridhjetë e tri vitesh, poeti dhe redaktori i atëhershëm i Revistës letrare për fëmijë "GËZIMI", Fejzi Bojku ( e cila atëbotë botohej në Shkup), në rubrukën "Posta e "Gëzimit", do të mundohem ta parafrazoj, më pat shkruar kështu: ..." Agim Metbalën e shohim në dy dimensione - në dimensionin e parë, kur ai e kap frymëzimin e duhur, atëherë vjershat, tregimet... e tij, vërtetë janë të bukura dhe në nivel artistik, dhe në dimensionin e dytë - kur Agimi i jep detyrë vetes të shkruaj vjersha, tregime... atëherë më nuk është Agimi i dimensionit të parë"...

Duke ndjekur poezitë e poetëve të forumit, sigurisht që shumica e poezive dhe poetëve janë në nivel të kërkuar në çdo aspekt, shumicës edhe i kam shkruar nga disa fjalë miradie e përgëzime, por në anën tjetër, kam vërejt se një pjesë e poezive dhe poetëve ( duke u nisur nga vetja) aty këtu shkruajnë "poezi të porositur" apo i japin vetes detyrë të shkruajnë poezi, atëherë vërtetë dalin në dimensionin e dytë të Agim Metbalës, nga sintagma e F. Bojkut.

"Poezi të porositur" apo t'i japin vetes detyrë të shkruajnë poezi, mund të bëjnë vetëm poetët e mëdhenj, që në këtë rast nuk e shoh të arsyeshme as t'i përmendi, ngase ata i njohim të gjithë ne.

Prandaj, edhe një herë po [B]nënvizoj[/B] - se poetët vazhdimisht duhet kërkuar, kërkuar e kërkuar frymëzimin me durim të skajshëm, derisa ta kapin, atëherë nuk ka mëdyshje do të dalë poezia e bukur në të gjitha elementet e kërkuar.

Të gjithë poetët e forumit, që do ta përqafojnë këtë porosinë time të vogël - të madhe, (fatbardhësisht që shumica nga ju jeni të moshës së re), pa kusht se një ditë (pas shumë vitesh), do t'më përkujtoni e përmendni në shkrimet e juaja, mu sikurse unë që e përkujtova poetin, mikun tim të respektuar F. Bojkun, pas plot tridhjetë e tri vitesh e unë atëherë i kisha vetëm njëzet e dy vjet.

Besoj se do të më mirëkuptoni.

Ju dua të gjithëve dhe ju përshëndes sinqerisht.

Agim METBALA

[DI_ANA]

Keshilla shume te vlefshme i nderuar poet!

Te falenderoj shume dhe do mundohem ti ve ne praktike,ndonese nuk jam poete e vertete!Por me pelqen vargu dhe poezia..

Me shume respekte

Diana