Kohë qirinjsh

[Agim Metbala]

Agim METBALA

DHEMBSHURI

Futem nën lëkurën e secilit irakian
Nga çdo bombë e lëshuar
Më këputet nga një krah
Në çdo vrasje fëmije
Ndiej klithjen e dhembjes
Nga çdo pikë loti të nënave
Më betonohet zemra
Alergjik jam bërë në tym e flakë...

02.04.2003

VEHTEN SHPALLI DISIDENT

Kahmot s'kam dalur qendrës së qytetit tim
Eci si ecet me ndërgjegje të ngarkuar mbi shpinë
Hedhi hapin me masën e njeriut
Ndër sjetull mbajë vrragët e kohës
E për dore mbaj kujtimet për ATA
Pa e trazuar asnjë të gjall me maje të gishtit...

Për habi
Disa më shikojnë si të marrë
Duke më krahasuar me filozofët antik
E disa me Agim Doçin, Mirko Gashin e Xhevdet Bajraj...
(sikur të kisha at fat)
Disa më shikojnë si armik të partisë së tyre
Duke më përcjellur deri në përzhdredhje qafash
Disa me përbuzje më shpallin të pa fe
Se nuk lëshoj mjekër e falem pesë vakte
Disa më akuzojnë se bojkotoj pushtetin
Ngase sajojë aforizme e bëjë karikatura...

Vargu i akuzave dhe akuzuesve pa kufi
Unë eci këmbë qendrës së qytetit tim
Me ndërgjegegje të ngarkuar mbi shpinë
Duke varur kronika në qafë si medalone
Dhe vehten shpalli disident deri në vdekje!

29.10.2005

[Agim Metbala]

Agim METBALA

PËRDITSHMËRI

Gazetat ditore në kontinuitet
Ma rrisin diptrinë maramendshëm
Dhuratë syve kataraktin kronik
Të gjitha TV-të, më servojnë
Skajshëm banalitet për darkë
Politikanët brutalisht ma iritojnë lukthin
Duke m'i nxjerrur zorrët jashtë
Të huajt me buzëqeshjen e dresuar
E të operuar nga të gjitha shqisat
Detyrimisht më dashurojnë në robot...

Vargu përcjell vargun me të ligat
Paketohen si sardinat e konservuar
Të çmendur hedhin vallen e dhembjes
E arësyeja ec me patericat...

O Zot, më ndihmo të dal faqebardhë
Maje malit më të lartë në agim
Për të pritur lindjen e diellit
E të nxehem nga ky acarr...

29.10.2005

[Agim Metbala]

Agim METBALA

JETË GAZRASH

Sot përzihen gjaqet si në epruvetë
E njeriu frikësohet se ç'do të lind
Në ecje ngatërrohen portretet
E në halucinacione shtrembërohen fytyrat
Termat ekonomik, kanë humbur kuptimet
Dhe rrugën në oborr
E nga terri i përnatshëm
Kokëdhembje pa kufi
Të gjithë të lodhur me studim kohe
Tash heshtazi jetojmë
Vetëm jetë marrje gazrash...

E gjithë kjo më tremb për vdekje
Apo kërkon një lindje të re...

06.02.2004


EMRI YNË

Guximshëm shtegëtoi nëpër mote
Mes përplasje furtunash
E uraganeve të njëtrajtshme
Imunitet të skajshëm zuri
E kalitje spikamë tërësore...

Marshoi para vdekjes së ftohtë
Frikën e largoi mes kamash e thikash
Guximin e mbanë vetullave
Syçeltësinë bashkë me frymën...

Dathur e me gjysëm opinga
Eci rrugës makadame
Dijen e zuri në rrënjë
E pantagramet i lë kohës në lëkurë...

Emri ynë është mbjedhur nëntë pashë tjellë
nuk shkulet tot nga kjo tokë...

[Agim Metbala]

Agim METBALA

I PAKAPSHËM

(Aktorit Hadi Shehu)

Tentova ta kapi buzëqeshjen tënde
Ishte tepër e zjarrtë, u dogja si letra
Tentova të mishërohem me guximin tënd
I rraskapitur të lash të më ikësh
Tentova të pajisem me durimin tënd
Përpak sa s'më pëlciti zorra qore
Tentova ta imitoj dashurinë tënde
Tek atëherë kuptova se kishe zemrën e madhe...

Tentova me vullnet të skajshëm
Të të kap në mënyrë tridimensionale
Dhe më në fund bërtita çmendurisht:
- Ti je i pakapshëm në asnjë nuancë
E për shembujt, do të më mbetesh inspirim...

11.11.2006

[Agim Metbala]

Agim METBALA

PAVARËSISË
(Akrostih)

Pikërisht më 17 shkurt 2008
Aurora shpërndau fishekzjare hareje
Varret lëvizën shtatë pashë thellë
Ankthin, ankthin e mundën për vdekje
Reinkarnimin e pritur ndër brezash
Ëndrrat shekullore realitet i vulosur
Spërkatur njomësisht me gjak
Itinerarit hyjnor liri
Amaneti hypi në fronin PAVARËSI!

13.02.2008

Të gjithë kosovarëve, të gjithë shqiptarëve të shtetit amë Shqipëri, të gjithë shqiptarëve në Maqedonim Malë të Zi, dhe të gjithë shqiptarëve që jeta shtrëngueshëm i ke hedhur kudo nëpër botë, ua urojë Pavarësinë e Kosovës!
E gëzofshim tok!

[Agim Metbala]

PAVARËSISË
(Akrostih)

Pikërisht më 17 shkurt 2008
Aurora shpërndau fishekzjare hareje
Varret lëvizën shtatë pashë thellë
Ankthin, ankthin e mundën për vdekje
Reinkarnimin e pritur ndër brezash
Ëndrrat shekullore realitet i vulosur
Spërkatur njomësisht me gjak
Itinerarit hyjnor liri
Amaneti hypi në fronin PAVARËSI!

13.02.2008

Të gjithë kosovarëve, të gjithë shqiptarvëe të shetit amë Shqipëri. të gjithë shqiptarëve në Maqedoni, Mal të Zi e të gjithë shqiptarëve që jeta shtrëngueshëm i ka hedhur kudo nëpër botë, ju uroj Ditën e Pavarësisë së Kosovës!
E gëzofshim tok!

ADASHIT
(Akrostih Agim Doçit)

Aurora ta dhuroi shndritjen
Gaca të gjalla në shpirtin tënd
Imagjinatën dhuratë e ke nga Zoti
Mëndjen t'ua tundish të fjeturve
Drejtësinë ta kurorizosh në fronin e fitores
Oportunizmi s'ka vënd në fjalorin tënd
Çorroditurit përditë i ngreh për veshi
Indiferencën duke e shkelur me thembër!

15.02.2008

[Agim Metbala]

DO TË KËRKOJ

Sa herë nata lëshon pelerinën e zezë,
Me fener maxhik, të kërkojë në errësirë;
Në çdo lis, shoh fytyrën tënde hënë -
E në çdo liqen, piktura jote në pasqyrë.

Sa herë aurora krijon panorama,
Unë vrapoj pas rrezeve të diellit;
Ti më ik e buzëqeshur prore -
Duke u fshehur pas retë të qiellit.

Në mesditë, kur dielli puth zenitin,
Të kërkoj rrugëve ndër plot kalimtarë;
Për një hap, vazhdimisht më ik -
E silueta jote më rri ballpërballë.

Do të të kërkoj në çdo meteor,
Do të të kërkoj në çdo planet;
Do të të kërkoj atje ku je e atje ku s'je -
Se ti më je inspirim për jetë...

26.02.08

VDEKJA

Vdekja përditë na troket
Në portën e ndërgjegjes
Me këmbanat e porosive
Për t'na tundur nga harresa...

Vdekja ftohtë ec mes nesh
Përdore na e merr nënën
Babin s'na e kthen kurrë
.........................................
Në udhëkryq si semafor
Përpiqet t'na dëftoj drejtimin
Në këtë kaos të shfrenuar...

Vdekja na përcjell këmba-këmbës
Pa u shkoçur mu si hija
Me sirena e alarme të zhurmshme
Tenton të na zgjojë nga ëndrrat e kqija...

Secili që i përfillë porositë e vdekjes
Jetën do ta sfidoj përjetësisht
Duke u ngjitur në maje të fronot si fitimtar...

26.02.08

[Palma]

Ne cdo poezi, gjen nje varg domethenes dhe vecanerisht te ndjere.

Suksese zoti Agim dhe krijimtari te mbare.

Pershendetje
P.alma

[Agim Metbala]

Ne cdo poezi, gjen nje varg domethenes dhe vecanerisht te ndjere.

Suksese zoti Agim dhe krijimtari te mbare.

Pershendetje
P.alma

Mbi dyzet vjet, kam "notuar" nëpër shumë fusha të artit, duke kërkuar vehten e duke kërkuar vehten, i gjenë edhe të tjerët dhe bëhesh mik i vërtetë. Kështu tani në këtë moshë që jam, kam shokë të panumërt ata më të padjallëzuar, (mendoj për fëmijët, meqenëse së pari jam shkrimtarë i tyre) më njohin thuase të gjithë ata që mirren me enigmatikë dhe adhuruesit e enigmatikës, më respektojnë ata që i dojnë aforizmat ... por të them të drejtën, poezia është krijimtaria shumë e rëndë (bile për mua), kërkon një lodhje, stërlodhje dhe vargjet që dalin nga shpirti, pa kalkulime, pa influenca të kohës, duke abstrakuar rrezikun e shumë e shumë të tjera... pa kusht se do t'u pëlqejë lexuesve apo më plotë thënur, vargjet e tia do ta mbijetojnë kohën dhe me siguri se do të futen në antologjinë shqiptare qoftë sot apo nesër...
Ndjej kënaqësi të veçant, kur vrgjet e mia u pëlqejnë të tjerëve dhe se unë në vazhdimësi do të jem në shërbim të lexuesve të poezisë.

[Agim Metbala]

HESHTJA

Të gjithë paskan ikur
Heshtjen më lanë të më shoqëroj
Unë hesht, heshtja hesht
Asgjë s'pëpëlitë rreth meje
Kam të ftohtë, të ftohtë kam
Dridhërima m'i lëvizë organet me takt
Si orkesti pas dirigjentit
Era bënë lojë
Me pjergullën afër dritares
Duke m'i shqëtësuar muzat...

Ah, sikur të vinte ajo
Së paku të ma nxej shpirtin
E ta vrasë heshtjen e kësaj nate...

2003