Koncerti i tre tenoreve

[Dita]

Kontrollova ne forum, se mos ish hapur kjo teme me pare dhe gjeta vetem nje lajmerim te para disa viteve per zhvillimin e nje koncerti te tre tenoreve ne Itali. Edhe kjo teme per koncertin e tre tenoreve do te jete, ama per ate qe zhvillohet prej disa vitesh ne fundvit ne Tirane.
Kete vit tre tenoret qene: Adrian Xhema, Kastriot Tusha, Armaldo Kllogjri. Mori pjese dhe nje i katert, i ftuar nga Hollanda, tenori Harrie Van Der Plas. Te ftuar speciale qene sopranoja Ramona Tullumani dhe pianisti Genc Tukici. Dirigjoi orkestren filarmonike te Akademise se Arteve dirigjenti italian Orazio Baronelli. Drejtor artistik: Ibrahim Madhi. Producent: Edmond Tullumani. Ne program udhehoqi Elvira Diamanti.

Nuk di se si jane zhvilluar koncertet e meparshme, por pati disa supriza te kendshme ne kete koncert.
Tenori Adrian Xhema ftoi nga salla nje tenor te ri nga Kosova qe studionte ne Akademine e Arteve ne Tirane. Rame Lahaj quhet me duket. Te me korrigjoje kush e njeh sakte emrin e tij. Duket se Kosova se shpejti do te kete nje tenor te madh. Te dy bashke, ata kenduan nje pjese nga Rigoletto dhe i riu nga Kosova qe thjesht i mrekullueshem. Duhet shtuar ketu se eshte dhe djalosh vertet simpatik. Pra do te kete vend dhe per sy drejt skenes. Pritja qe i beri publiku qe madheshtore per nje te ri qe del per here te pare ne nje skene te tille.
Genc Tukici luajti ne piano nje simfoni per Kosoven te kompozuar nga vellai i tij, kompozitori David Tukici. Dhe ajo ish mrekulli me vete. E ndieje historine te zhvillohej ne tinguj. Qe nje pasurim i vertete per koncertin. Nuk di nese qarkullojne video neper internet nga ky koncert (duke qene se u dha dhe ne TVSH), por nese qarkullojne e pikerisht nga kjo pjese, lutem per lidhjen perkatese te internetit, ku te mund te ndiqet interpretimi.
Tenori hollandez kendoi me pasion njesoj si ose gati-gati dhe me shume se te tenoret shqiptare kolazhin e kengeve shqiptare qe ishin sjelle ne ate forme se bashku nga kompozitori Edmond Zhulali. Nje kolazh i mrekullueshem nen nje interpretim te mrekullueshem.

Nje koncert ku padyshim ia vlen te jesh i pranishem direkt ne salle.


A dini gje, ka DVD ne qarkullim (ne shitje) nga koncertet e kaluara?

[shigjeta]

Po, Dita ishte vertet nje koncert i bukur, qe pata rastin ta shoh. Me sa mora vesh kane dhene koncerte jo vetem ne Shqiperi, por edhe ne vendet fqinje. Duket sikur kane krijuar nje tradite dhe ky ishte viti i gjashte qe organizohej. Pashe qe koncerti kishte fituar nje publik te gjere, pasi salla ishte plot. Secili nga tenoret percillte emocione te vecanta me interpretimet dhe pjeset qe kishin zgjedhur, por une do vecoja Adrian Xhemen. Tenori nga Kosova, ashtu sic e ke pershkruar ti, pati nje sukses te plote.

Me vjen mire kur mendoj, qe mgjth kemi akoma shume probleme, duke filluar nga uji e drita, arrijme te organizojme koncerte te tilla me nivel. Do ia sugjeroja koncertin te gjithe atyre qe kane mundesi ta gjejne/shikojne e sidomos kujt i pelqen muzika operistike

[sirena_adria]

"Tre Tenoret" festoi 10-vjetorin

https://www.forumishqiptar.com/threa...oi-10-vjetorin

[sirena_adria]

Koncerti "Tre Tenorët dhe Ramona Tullumani" - Një sukses i vërtetë !

Rudina - Tetor 2018


https://www.youtube.com/watch?v=G8TIonUwRpM

[sirena_adria]

"Tre Tenorët" - 20 VJET

Koncerti historik “Tre Tenorët” në bashkëpunim me Agjencinë e Parqeve dhe Rekreacionit rivjen për publikun shqiptar në Amfiteatrin e Tiranës me pjesët më të bukura e perlat e krijimtarisë botërore e shqiptare.

Me pjesëmarjen e tre tenorëve të njohur, Armaldo Kllogjeri, Ignacio Encinas e Fabio Andreoti dhe përshëndetjen e jashtëzakonshme për 20-vjetorin e koncertit nga Soprano Botërore Inva Mula, Simona Pavaroti, mbesa e legjendës së Tenorit Pavaroti dhe Soprano Ramona Tullumani.

Në piano Genc Tukiçi - pianist dhe në dirigjim Leonardo Quadrini Official

Surpriza e veçantë nga “Tre Musketierët” : Redon Makashi, Aleksandër Gjoka, Elton Deda.

Producent: Edmond Tullumani

Organizatorët e Këtij Eventi prestigjioz i mirëpritën artdashësit në 24 Shtator, 2021 - ora 19:00, te Amfiteatri i Tiranës.

https://aprtirana.al/event/tre-tenoret/



BRAVO për organizimin ndër vite & emocionet e jashtëzakonshme të dhuruara për të gjithë muzikëdashësit & artdashësit !