Tirana, kopshti i mbeturinave

[Antimafia]

Mafia e tenderave.

Përfaqësuesi i njërës prej firmave që pastron prej 6 vjetësh kryeqytetin, Faik Bruçi, shprehet se Bashkia e Tiranës i paguan asaj vetëm 25% të volumit të punës që kryen.

Tironaaaaaaa ne zemrat tonaaa...

Faiku (që tani po bie nga fiku) paska 6 vjet, nga dita kur ja mori me dallavere tenderin firmes austriake, që beka 25% pune dhe u paguaka100%.
Tani që Edi dashka tja jap tenderin nje firme tjeter, e cila do te bej vetem 2,5% pune dhe te paguhet 100%, bertet Faik Plehraxhiu.

Fajin nuk e ka as Edi dhe as Faiku.

Fajin e kane ato shoqatat jo qeveritare, qe nuk jane kapur nga EDI.

Po te isha une drejtues i tyre me kohe do te kisha bere kete:

- do paguaja 1 kamion dhe nje "Fadrom"
- do beja gati parate e gjobes per kundravajtjen, qe kam ndermend te bej
- do te lajmeronja te gjitha televizionet, per ate qe kam ndermend te bej
- do ju kerkoja falje milionereve qe jetojne tek blloku dhe te dashurave te tyre, qe do ju heq shansin te krekosen si "Kaposhi në majë te plehut"
-do i mblidhja te gjitha plehrat e bllokut (supozoj qe deputeti i zones Musa Lavatriçja te mos me pengoj) dhe do ja shkarkoja "Thonjpaprerit" nje meter para deres se bashkise (nje meter vend ju duhet per te hyre dhe per te dale. Me pak jo, pasi mund ti takoj Shalsit hunda te muri dhe te me denancoj per plagosje me dashje)

Kete gje do perserisja deri sa o Edi, o plehrat te largohen perfundimisht nga Tirana.

[offspring]

Bashke me te thatin digjet dhe i njomi . Nuk e di nese ne kete rast duhet fajesuar Saliu apo Edi.

ne kete rast duhet fajesuar populli sepseu mungon kultura ti hedhin plerat neper kazanet qe ka vendosur bashkia,u mungon kultura qe te mos i hedhin bishtat e cigareve ven e pa ven dhe letrat te mos i hedhin kuturu.

[DYDRINAS]

Rama: Fajin për plehrat e ka qeveria

• “Plehrat do të mblidhen vetëm në fund të janarit”!


Kryetari i Bashkisë së Tiranës, Edi Rama, në një letër drejtuar qytetarëve të pjesës perëndimore të Tiranës, i shpjegon përpjekjet që institucioni që ai drejton po bën për të mbledhur plehrat që kanë pushtuar qytetin deri në fund të këtij muaji. Ndërkohë që i gjithë kryeqyteti ka ditë që bashkëjeton me plehrat në të gjitha pikat e hedhjes së tyre, kryetari i Bashkisë në daljen e tij pas shumë ditësh dhe vetëm pasi ky problem është bërë temë e parë e mediave, i ngushëllon kryeqytetasit se ky është një problem i pjesshëm, që ka prekur vetëm disa rrugë drejt perëndimit të qytetit.
Me një frymë shfajësuese, duke marrë pak ose aspak përgjegjësi për situatën që mbizotëron në qytetin ku “Gjykoi punën e tij të suksesshme”, vetëm disa javë më parë, Rama nuk u kërkon falje qytetarëve, të cilëve nuk arriti t’i plotësojë premtimin fillestar të tij për një Tiranë të pastër, nis një seri justifikimesh për përgjegjësi të të tretëve ndaj kësaj gjendje.



Qeveria na bllokoi

Në krye të arsyeve që kryetari i Bashkisë së Tiranës sjell për gjendjen e krijuar me plehrat në këtë bashki është qeveria aktuale, me agjencinë e saj të prokurimeve. Sipas tij, ajo i ka bllokuar dy tenderë që do të kualifikonin firmën fituese të pastrimit. “Kompania e pastrimit që mbulon zonën perëndimore ka mbaruar kontratën e saj të rregullt me Bashkinë e Tiranës dhe ndërkohë Agjencia e Prokurimit Publik pranë Këshillit të Ministrave ka anuluar padrejtësisht dy tenderat e kryer për të zgjedhur kontraktorët e rinj për këtë zonë, e cila, në bazë të strategjisë sonë të re për pastrimin, do të ndahet në dy pjesë. Me APP-në do ballafaqohemi në gjyq për vendimin tërësisht arbitrar dhe me pasoja për mbarëvajtjen e punëve të qytetit e për cilësinë e jetës së komunitetit, por kjo ka pak rëndësi në rrugën e zgjidhjes së problemit, pasi gjyqi do të marrë vite, ndërkohë që problemi rëndohet përditë”, shprehet Rama në letrën e tij drejtuar banorëve të Tiranës. Përsëri Tirana vazhdon të jetë e pistë!

Në fund të janarit do t’i mbledhim

Edhe pse Tirana është bërë që prej disa javësh qyteti më i ndotur i republikës, me gjithë vonesën e reagimit nga ana e bashkisë, kryetari Rama shprehet në letrën e tij se emergjenca që bashkia po bëhet gati të ndërhyjë mund të japë rezultat vetëm në fund të muajit janar. Deri atëherë kryetari i bashkisë kërkon që qytetarët të bëjnë durim, sepse vetëm bashkia nuk ka faj në këtë mes. “Kompania në fjalë, pra ajo që operon aktualisht në zonën perëndimore prej pesë vjetësh, me gjithë një shtyrje disamujore të kontratës, nuk arrin apo nuk bën më asnjë përpjekje serioze për të arritur t’i përgjigjet nevojave për të cilat është kontraktuar. Vetëm shtyn ditët dhe merr çdo natë gjoba për mosrespektim të kontratës. Pavarësisht këtyre gjobave, kompania nuk reagon pozitivisht. Në bazë të ligjit e në funksion të një ndërhyrjeje sa më të shpejtë, Bashkia e Tiranës ka hapur një procedurë emergjence. Nëse gjithçka shkon sipas parashikimit, katër kompani “shpëtimi” do të kontraktohen në fund të janarit për një periudhë disamujore ndërhyrjeje stabilizuese në zonën perëndimore. Kjo periudhë do të zgjasë derisa të përfundojnë procedurat normale për të lidhur kontratat përfundimtare me kompanitë që do të fitojnë garat e reja. Jo vetëm për zonën perëndimore, por për të gjithë Tiranën”, shprehet Rama në letrën e tij.

“Ankohen ata që s’paguajnë”

Si projektues i “Politikës së re”, i një politike që duket nuk pranon asnjë gabim apo përgjegjësi, kryetari i bashkisë, njëkohësisht dhe kryetar i PS-së, ankohet në letrën e tij se ata që ankohen se Tirana po mbytet nga plehrat, janë ata që s’paguajnë tarifën e pastrimit. Në shkëmbim të detyrimit për të pastruar qytetin, Rama u kujton qytetarëve se tarifa që paguhet nuk e justifikon shërbimin që po bëjnë firmat e pastrimit, pasi kostoja e saj është rritur për shkak të rritjes së çmimit të naftës. Në këtë mënyrë, Rama justifikon dhe ligjëron gjendjen në të cilën kryeqyteti shqiptar po i ngjan çdo ditë e më shumë qytetit të Napolit. “Ka plot ndër ne që nuk e paguajnë fare, edhe pse është një tarifë që tanimë mund të quhet me plot gojën qesharake, 2100 lekë në vit për familje, më e ulët edhe se në disa qytete të vogla të Shqipërisë, ndërkohë që pa asnjë dyshim këta qytetarë janë ata që bërtasin më shumë se të tjerët për plehrat e papastruara... Por çuditërisht këto lloj qytetarësh nuk duan ta mësojnë ende se shërbëtori shtet, Bashkia në këtë rast, i paguan kompanitë për shërbimin e pastrimit të qytetit me ato lekë që mbledh nga qytetarët në formën e tarifës së pastrimit dhe nuk ka ndonjë shpellë thesari, nga ku mund të tërheqë ar për të kompensuar detyrimet e papaguara të qytetarëve të saj”, thotë Rama në letrën e tij.

“Do rrisim tarifën e pastrimit”

Në vend të faljes për gjendjen e krijuar me plehrat në çdo cep të Tiranës, kryetari i bashkisë së saj premton rritje të tarifës së pastrimit për qytetarët nëse duan që qytetin e tyre të mos e shohin më në këtë gjendje. Vetëm se në premtimin e tij elektoral në kërkim të votës në vitin 2000, por dhe në vitin 2007, Rama u premtoi banorëve të kryeqytetit “kampionin e pastërtisë”, pa u shpjeguar atyre se kjo do të ketë një kosto ekstra që do paguhej prej tyre. “Nëse duam një Tiranë të pastër, duhet të përballojmë koston që ka ky shërbim në vitin 2008 dhe për këtë duhet jo vetëm ta paguajmë që të gjithë pa përjashtim tarifën e pastrimit, por edhe ta rrisim shkallë-shkallë, duke synuar që brenda vitit 2011 të përballohet plotësisht prej nesh kostoja e standardit që synojmë. E kjo është plotësisht e mundur”, e mbyll letrën e tij sensibilizuese kryetari i Bashkisë së Tiranës në përpjekje për të mbuluar plehrat e hedhura në të gjithë qytetin.


“Tirana, kampione e pastërtisë në 2011”!


Ky ishte një premtim që Edi Rama u dha qytetarëve të Tiranës që në marrjen e mandatit të parë të tij, në vitin 2000, kur u premtoi pastrim të Tiranës nga plehrat. I njëjti premtim u përsërit edhe më 18 shkurt 2007, në mandatin e tretë të tij, duke u thënë kryeqytetasve se Tirana do jetë qyteti më i pastër i Shqipërisë vetëm në vitin 2011.


Gazeta Panorama

[brooklyn2007]

ne kete rast duhet fajesuar populli sepseu mungon kultura ti hedhin plerat neper kazanet qe ka vendosur bashkia,u mungon kultura qe te mos i hedhin bishtat e cigareve ven e pa ven dhe letrat te mos i hedhin kuturu.

Ne cilat kazane ti hedhin mbeturinat njerezit e shkrete?!!! Ato kane vajtur sa nje mal me plera. Vetem tek lagjia ime ne Tirane po arrijne ne kat te dyte

[DYDRINAS]

Edi Rama u shkruan kryeqytetasve për plehra

"Unë do ta mbaj premtimin për një Tiranë të pastër"

Të dashur bashkëqytetarë e bashkëqytetare!

Po ju drejtohem publikisht lidhur me shqetësimin e krijuar në zonën perëndimore të kryeqytetit ose, më saktë, në zonën nga bulevardi "Dëshmorët e Kombit" deri në daljen e Tiranës drejt Durrësit apo Shkodrës, për shkak të mosmbledhjes
së rregullt të mbeturinave e të grumbullimit të masave të mëdha
të tyre rreth kazanëve përgjithësisht të dëmtuar rëndë. Jam po aq i shqetësuar sa edhe të gjithë ju dhe, njësoj si ju, e konsideroj gjendjen e krijuar skandaloze. Mirëpo, duke qenë se në pozicionin ku ndodhem, unë jam jo thjesht për t‘i konstatuar po, në radhë të parë, për t‘i zgjidhur problemet, shumëkush ndër ju mund të thotë, "Ç‘i do llafet zoti Kryetar, na pastro plehrat!". Padyshim që s‘mund të mos i jap të drejtë kujtdo që e thotë këtë, por, më anë tjetër, është po ashtu detyra ime t‘ju shpjegoj sesi qëndrojnë gjërat, sidomos në një rast si ky, në mënyrë që secili prej jush të ketë një pamje të qartë të arsyeve të kësaj gjendjeje dhe të rrugës që duhet të ndjekim për të dalë prej saj. E cila, e përsëris, është e patolerueshme. Unë e kam marrë votën tuaj më 18 shkurt të vitit të shkuar edhe sepse premtova që në vitin 2011 Tirana do të jetë qyteti më i pastër i Shqipërisë. Dhe do ta mbaj këtë premtim. Por, ndërkohë, në pjesën perëndimore të Tiranës duket sikur fi lmi po kthehet mbrapsht, në të shkuarën e viteve ‘90 kur plehrat
bëheshin kapicë e nuk mblidheshin me ditë e, largqoftë, me javë të tëra. Ç‘ka ndodhur? Kompania e pastrimit që mbulon zonën perëndimore ka mbaruar kontratën e saj të rregullt me Bashkinë e Tiranës dhe në ndërkohë Agjencia e Prokurimit Publik pranë Këshillit të Ministrave ka anuluar padrejtësisht dy tenderat
e kryer për të zgjedhur kontraktorët e rinj për këtë zonë, e cila, në bazë të strategjisë sonë të re për pastrimin, do të ndahet në dy pjesë. Me APP-në do ballafaqohemi në gjyq për vendimin tërësisht arbitrar dhe me pasoja për mbarëvajtjen e punëve të qytetit e për cilësinë e jetës së komunitetit, por kjo ka pak rëndësi në rrugën e zgjidhjes së problemit, pasi gjyqi do të marrë vite ndërkohë që problemi rëndohet përditë. Kompania në fjalë, pra ajo që operon aktualisht në zonën perëndimore prej pesë vjetësh, me gjithë një shtyrje disamujore të kontratës, nuk arrin apo nuk bën më asnjë përpjekje serioze për të arritur t‘u përgjigjet nevojave për të cilat është kontraktuar. Vetëm shtyn ditët dhe merr çdo natë gjoba për mosrespektim të kontratës. Pavarësisht këtyre gjobave, kompania nuk reagon pozitivisht. Në bazë të ligjit e në funksion të një ndërhyrjeje sa më të shpejtë, Bashkia e Tiranës ka hapur një procedurë emergjence. Nëse gjithçka shkon sipas parashikimit, katër kompani "shpëtimi" do të kontraktohen në fund të janarit për një periudhë disamujore ndërhyrjeje stabilizuese në zonën perëndimore. Kjo periudhë do të zgjasë derisa të përfundojnë procedurat
normale për të lidhur kontratat përfundimtare me kompanitë që do të fi tojnë garat e reja. Jo vetëm për zonën perëndimore, po për të gjithë Tiranën. Jam shpresëplotë se, në rast se qeveria nuk fut hundët si dikur në puplat e Zogut të Zi për të nxjerrë përfi time politike nga kazanët e plehrave, brenda një muaji gjendja në zonën perëndimore do të stabilizohet dhe në pranverë do të fi llojë në të gjithë Tiranën rruga drejt realizimit të objektivit për ta bërë qytetin tonë më të pastrin e Shqipërisë.
Ky është një objektiv plotësisht i arritshëm, por që kërkon një standard të ri jo vetëm në shërbimin e bashkisë përmes kompanive të pastrimit, po edhe në sjelljen e qytetarëve në raport me mjedisin e me detyrimin për të kontribuar, jo thjesht duke mos ndotur po edhe duke paguar rregullisht tarifën
e pastrimit. Të cilën ka plot ndër ne që nuk e paguajnë fare edhe pse është një tarifë që tanimë mund të quhet me plot gojën qesharake, 2100 lekë në vit për familje, më e ulët edhe se në disa qytete të vogla të Shqipërisë, ndërkohë që pa asnjë dyshim këta qytetarë janë ata që bërtasin më shumë se të
tjerët për plehrat e papastruara. Kjo është njësoj si të mos e paguash dritën e të duash drita, të mos e paguash ujin e të duash ujë, të mos e paguash autobusin e të duash autobus e me radhë. Ose, me fjalë të tjera, të mos e paguash shërbëtorin e të bërtasësh pse nuk ke shërbëtor! Por çuditërisht,
këta lloj qytetarësh nuk duan ta mësojnë ende se shërbëtori shtet, bashkia në këtë rast, i paguan kompanitë për shërbimin e pastrimit të qytetit me ato lekë që mbledh nga qytetarët në formën e tarifës së pastrimit dhe nuk ka ndonjë shpellë thesari, nga ku mund të tërheqë ar për të kompensuar detyrimet e
papaguara të qytetarëve të saj. Standardi i ri e i domosdoshëm në shërbimin e pastrimit kërkon që padyshim kompanitë të paguhen më mirë, sepse një nga arsyet e problemit që vetëm sa na është shfaqur sot, por që mund të kishte marrë me kohë përmasa të padëshirueshme, është fakti se rritja e kostos së shërbimit nuk është shoqëruar me rritje të pagesës për kompanitë. Këtu mjafton si shembull e vërteta se ndërkohë që çmimi i naftës është rritur thuajse dyfi sh nga koha e lidhjes së kontratave, kompania aktualisht paguhet për po atë çmim që nafta
kishte në atë kohë, këtu e pesë vjet më parë! Mirëpo, kjo s‘mund të vazhdojë më tutje. Nëse duam një Tiranë të pastër duhet të përballojmë koston që ka ky shërbim në vitin 2008 dhe për këtë duhet jo vetëm ta paguajmë që të gjithë pa
përjashtim tarifën e pastrimit, por edhe ta rrisim shkallë-shkallë, duke synuar që brenda vitit 2011 të përballohet plotësisht prej nesh kostoja e standardit mqë synojmë. E kjo është plotësisht e mundur. Falë vetëdijes së lavdërueshme në opinionit kryeqytetas, siç rezulton nga anketime të ndryshme dhe nga të
gjitha dëgjesat publike që ne kemi organizuar e ku kam marrë pjesë vetë, ka një gatishmëri thuajse unanime të qytetarëve për të paguar më shumë me qëllim marrjen e një shërbimi më të mirë pastrimi. Bashkia e Tiranës ka një strategji të qartë për ta përballuar me sukses sfidën e uljes së ndotjes së qytetit tonë. Për fat të keq, qeveria e sotme e Shqipërisë nuk ka asnjë vizion dhe asnjë program konkret kundër ndotjes së qyteteve tona, gjë që e bën një pjesë të konsiderueshme të strategjisë sonë vendore ende të papërdorshme për shkak se, në kuadrin ligjor ekzistues të Republikës së Shqipërisë, çështjet e mjedisit janë përgjithësisht të lidhura me politikat kombëtare e me qeverisjen kombëtare. E cila do të duhej të harmonizohej me qeverisjen vendore për t‘u dhënë drejtim problemeve të ajrit të ndotur, të ujërave të ndotur, të tokës e të rrugëve të ndotura. Bashkisë në këto kushte i mbetet si përgjegjësi e kompetencë ekskluzive shërbimi i pastrimit të qytetit nga mbeturinat. Kriza aktuale në zonën perëndimore është një krizë e padëshiruar, por, si çdo krizë, është edhe një shans! Një shans për të kuptuar të gjithë më mirë sesa delikate është çështja e pastrimit të Tiranës, sesa e nevojshme është përfshirja e të gjithëve në këtë proces jetik për bashkëjetesën qytetare dhe, në fund të fundit, sesa e mundur është të
realizojmë së bashku atë që sot duket gabimisht e pamundur: Tiranën kampione të pastërtisë në vitin 2011.

Gazeta Shqip


Skandaloze!

Nga cila pozite flet? Si kryetar bashkie apo si kryetar PS?

Po per Planin Rregullues kush e pengon bashkine dhe kryetarin e saj?

[Lioness]

Skandaloze!

Nga cila pozite flet? Si kryetar bashkie apo si kryetar PS?

Po per Planin Rregullues kush e pengon bashkine dhe kryetarin e saj?

Sa do ta sillja kete artikull ketu, por e ke sjelle para meje.
Te njejtin mendim pata dhe une kur e lexova. Tallet per Zotin, tallen me popullin, se s'kane faj. I leme te tallen me ne. Se eshte shume e komplikuar kjo ceshtje e plehrave. Eshte dashur shkencetare nobeliste per ta zgjidhur. Kampione pastertie ne 2011 .... pffff!

[offspring]

Ne cilat kazane ti hedhin mbeturinat njerezit e shkrete?!!! Ato kane vajtur sa nje mal me plera. Vetem tek lagjia ime ne Tirane po arrijne ne kat te dyte

e zem se ska kazane.(ne lagjen time qe esht periferi LAPRAK ka kazane ne cdo bllok pallatesh)vecc 1 pyetje:a ekziston edukata qytetare per mos hedhjen e plerave vend e pa vend?

[Edvin83]

Po nese nuk egziston edukata atehere "edukatori" qe eshte bashkia e ka per detyre te edukoje njerezit. Njerezit duhet ta fusin ne koke qe bashkia eshte organi qe qeveris shumicen e aspekteve te tyre sic jane menaxhimi i pastertise, arsimit fillor, edukimit mjedisor, ujit, rrugeve, trafikut, ndotjes, etj etj.
Deri ne 2011 kur ky na premton papsterti, do te kene vdekur kush e di sa njerez nga pislleku.

[offspring]

Po nese nuk egziston edukata atehere "edukatori" qe eshte bashkia e ka per detyre te edukoje njerezit. Njerezit duhet ta fusin ne koke qe bashkia eshte organi qe qeveris shumicen e aspekteve te tyre sic jane menaxhimi i pastertise, arsimit fillor, edukimit mjedisor, ujit, rrugeve, trafikut, ndotjes, etj etj.
Deri ne 2011 kur ky na premton papsterti, do te kene vdekur kush e di sa njerez nga pislleku.

me ka ber vaki kur jetoja ne gjermani qe hodha kutin e cigareve ne tok dhe mas 50 metrash erdhi nje person dhe ma futi ne xhep duke me treguar edhe koshin e mbeturinave me gisht.kjo lloj edukate nuk ekziston te ne .mos vall esht faji i bashkis?per sa koh nuk ka bashkpunim nga ana e qytetareve (ku qytetari te ruaj ambientin ku jeton)me bashkin pislliku do ekzistoj.nuk esht bashkia edukatori por familja dhe nese femija sheh prindin duke hedhur plerat nga ballkoni ateher dhe ai do sillet si prindi.bashkia ka fajin e saj ashtu sic ne qytetaret kemi fajin ton.faji esht i perbashket dhe se lun as topi

[brooklyn2007]

e zem se ska kazane.(ne lagjen time qe esht periferi LAPRAK ka kazane ne cdo bllok pallatesh)vecc 1 pyetje:a ekziston edukata qytetare per mos hedhjen e plerave vend e pa vend?

Patjeter qe egziston edukata qytetare tek nje pjese. Para viteve 90 ku i hidhnin plerat qytetaret e Tiranes?! Ah jo, me vjen keq. U hapen portat e dynden te gjithe ne Tirane pas 90-tes kot me kot dhe tani kerkohet rregull urbanistik.