Agim Çeku lavdëron punën 100 ditëshe të Qeverisë së tij

[Davius]

Çeku lavdëron punën 100 ditëshe të Qeverisë së tij, opozita kritikon ashpër

Prishtinë, 14 korrik 2006 (Kosovapress) Koha 12:40

Kryeministri i Kosovës, Agim Çeku të premten para ligjvënësve kosovar paraqiti raportin e punës për 100 ditët e qeverisë së tij, raport ky i cili sipas deputetëve të opozitës më shumë ishte përqendruar në punën që kanë bërë qeveritë paraardhëse.

[Davius]

Vlerësime kundërthënëse për 100 ditët e qeverisë Çeku

14.07.2006 12:55 ET Prishtinë (KosovaLive)

Derisa kryeministri i Kosovës, Agim Çeku dhe ligjvënësit e partive që përbëjnë koalicionin qeveritar, e vlerësuan të suksesshëm raportin 100 ditor të Qeverisë së Kosovës, deputetët e partive opozitare, në vazhdim të seancës së rregullt plenare të Kuvendit të Kosovës, thanë se raporti nuk përkon me realitetin në Kosovë

[Llapi]

Nënkryetari i Rexhepi: Raporti i qeverisë aktuale - thellësisht konfuz dhe joprofesional

Nënkryetari i Partisë Demokratikë të Kosovës z.Bajram Rexhepi, duke folur sot në seancën parlamentare, ku u diskutua raporti i punës 100 ditëshe të qeverisë aktuale, theksoi se ky raport është thellësisht konfuz dhe jo profesional.
“Raporti i Kabinetit Çeku është i stërngarkuar me përshkrime të aktiviteteve rutinore të shërbyesve civilë nëpër ministri dhe kryeministri, që më së paku varen nga kabineti qeveritar dhe nisur nga kjo, është jo serioze që këto aktivitete të zëjnë vend në një raport të tillë” theksoi ndër të tjera ish-kryeministri i Kosovës .

Në vazhdim të diskutimit të tij në Kuvendin e Kosovës, nënkryetari demokrat vuri në pah se “shumë veprimtari të realizuara nga agjensionet ndërkombëtare për zhvillim si USAID, AER, institucionet ndërkombëtare financiare si FMN, Banka Botërore ose edhe OJQ të ndryshme, qeveria ia atribuon vetes si sukses të saj”. Kjo sipas z.Rexhepi është jokorrekte dhe e paqëndrueshme.

Më tutje deputeti i Partisë Demokratike të Kosovës tha gjithashtu se “në raport ka vend edhe për mashtrim dhe mos informim të kabinetit qeveritar, ngjashëm me atë të qeverisë Kosumi, të cilët deklarojnë se për herë të parë është përpiluar Korniza afatmesme e kufijve buxhetorë 2006 – 2009”. Në këtë kuadër, Rexhepi informoi deputetët dhe opinionin se Korniza afatmesme e kufijve buxhetorë është përpiluar më 2002 për periudhën 2002 – 2005. Këtu, sipas nënkryetarit të PDK-së nuk ka vend për lavdërim, për arsye se përgatitjet e këtyre kornizave përpilohen në bashkëpunim me ekspertët e FMN-së.

Duke folur rreth pjesës së raportit ku kryeministri Çeku e konsideron sukses organizimin e Konferencës së Donatorëve, në prill të vitit 2006, Rexhepi rikujtoi parlamentarët kosovarë se organizatorë të kësaj konference janë Komisioni Evropian, me përkrahje të Bankës Botërore, USAID-it dhe donatorëve tjerë, ku realizohet premtimi prej 57 milionë eurosh për mbulim të deficitit buxhetor për Buxhetin e Konsoliduar të Kosovës për vitet 2006 – 2007.

“Qëllimi i këtij donacioni është të mundësojë funksionimin e institucioneve dhe ta shpëtojë nga bankrotimi BKK-në. Ky është një kthim prapa. Derisa buxhetet e vitit 2002 – 2005 realizoheshin kryesisht nga të hyrat vetanake gati 100 %, tani duhet të bazohemi në donacione për ta mbuluar deficitin” potencoi z.Bajram Rexhepi.

Nënkryetari i partisë më të madhe opozitare në vend, në diskutimin e tij u ndal edhe në parametrat ekonomikë, të cilët shënojnë rënie progresive. “GDP, rënia e zhvillimit ekonomik nga ai i projektuar 4 % dhe i korrigjuar në 2.5 në vlera reale, që nuk kalojnë 1 %. Deflacioni vazhdon edhe këtë vit, si pasojë e rënies së fuqisë blerëse, pra thellimit të varfërisë dhe papunësisë” argumentoi Rexhepi.

Ish-kryeministri kosovar foli edhe për shpenzimet buxhetore, që janë edhe më tutje joracionale, ku mbi 34 % e Buxhetit të Konsoliduar të Kosovës harxhohet për shërbyesit civilë dhe administratën publike.
“Në këtë drejtim, ka tendencë të rritjes, pasi qeveria duke themeluar agjensione dhe këshilla, edhe aty ku realisht nuk ka nevojë ngarkon buxhetin e Kosovës. Pra, në vend se të inkurajohet biznesi privat për krijim të vendeve të punës, qeveria shërben si byro për punësim dhe stërngarkim të buxhetit” theksoi deputeti Bajram Rexhepi.
Ai rikujtoi se kjo kategori shpenzuese është më e larta në regjion, duke përmendur faktin se në Maqedoni kjo kategori mbërrin rreth 16 % të buxhetit, ndërsa në vendet e BE-së është nën 10 %.

[Llapi]

Raporti i punës së qeverisë nuk ngjason me një raport 100 ditor, nuk është i detajizuar dhe nuk është konkret

Duke folur rreth raportit të punës 100 ditëshe të kabinetit Çeku, shefi i Grupit Parlamentar të PDK-së në Kuvendin e Kosovës z.Jakup Krasniqi theksoi se “kryeministri nuk ka treguar se cilat kanë qenë detyrat që iu ka dhënë ministrave të kabinetit të tij, për të cilat është bërë shumë zhurmë në fillim të mandatit të tij dhe si pasojë nuk tregon se çka është realizuar nga ato detyra të dhëna, nëse vërtetë ka pasur detyra. Ky do të ishte raporti 100 ditor i kabinetit Çeku”.

Me tej Krasniqi në seancën e sotme të Kuvendit të Kosovës, ndër të tjera theksoi: “Raporti i punës 100 ditëshe të Kabinetit Çeku po të lexohet me kujdes ngërthen në vete gjithë punën që është bërë gjatë këtyre 7 viteve të administrimit të pas luftës në Kosovë. Raporti po ashtu nuk është në koordinim as me programin e qeverisë, për të cilën punuan tre kryeministra”.

Në vazhdim të fjalës së tij para deputetëve, shefi i GP të PDK-së, radhiti argumentet në vazhdimësi: “Në raport nuk thuhet as një fjalë për politikën ekonomike të kryeministrit të ri, çfarë ka bërë gjatë kësaj kohe për të stimuluar prodhuesit vendorë, a ka politika lehtësuese fiskale për të stimuluar prodhuesit vendorë, a mund të mendohet zhvillimi ekonomik pa stabilizimin e energjisë elektrike, cilat janë rezultatet e marrëveshjes për tregti të lirë, çka ka bërë për të zbutur papunësinë, për të ndërprerë diferencimet në shërbimin civil, për ta depolitizuar dhe reformuar arsimin, sa ka ndryshuar puna e Këshillit për Emërime të Larta Publike, sa ka ndihmuar Këshillin e Pavarur Mbikqyrës të bëhet vërtetë i pavarur dhe në mbrojtje të të larguarve padrejtë nga puna”.

Duke u përqendruar në politikën diferencuese që është zbatuar veçanërisht në Ministrinë e Shërbimeve Publike nga qeveria aktuale, Krasniqi i përkujtoi kryeministrit se “në raportin e sektorit për siguri të brendshme, që besoj që e ka kryeministri, për Këshillin e Lartë për Emërime thuhet: nga 11 sekretarët e përhershëm të emëruar nga KELP-i gjatë vitit 2003 vetëm 2 vazhdojnë të jenë në vendet e punës, të tjerët ose nuk i është vazhduar kontrata ose janë shkarkuar. Vetëm 2 vjet pas krijimit të KELP-it de fakto u transformua nga një institucion i emërimeve dhe garantues i stabilitetit, në një miratues të shkarkimeve, duke i kontribuar kështu jo stabilitetit në shërbimin civil”.

“Ministria e Shërbimeve Publike ka përjetuar lëkundjet më radikale me përjashtimin e mbi 95 për qind të shërbyesve civilë në pozitat e nivelit të lartë, përfshirë edhe sekretarët e përhershëm. Ndërsa, kryeministri thotë se nuk ka ankesa. Natyrisht, që njerëzit nuk kanë besim në këtë qeveri dhe për ata as që bëjnë ankesa’ argumentoi sekretari i përgjithshëm i PDK-së, z.Jakup Krasniqi.

[Llapi]

Kosova s’ka kryeministër-Çeku është shndërruar në zëdhënës, thotë opozita

Prishtinë, 14 korrik 2006 (Kosovapress) Koha 15:21

Kryeministri i Kosovës, Agim Çeku, ka vlerësuar të premten të suksesshme punën 100 ditëshe të qeverisë që ai drejton. Puna e Qeverisë Çeku është përkrahur dhe mbështetur nga deputetët e koalicionit qeverisës LDK-AAK, ndërkaq opozita kritikoi ashpër punën e Qeverisë duke thënë se raporti nuk përkon me realitetin dhe se Kosova nuk ka kryeministër, ngase Çeku është shndërruar në zëdhënës të ministrave sepse i ka duart dhe këmbët e lidhura nga partnerët e koalicionit

[Brari]

komunikat beresi dhe menaxheri i killerave e pojataxhiu i mirnjohur.. kup jakupi po na diskuton punet e qeverise.
shko kup e merru me punen tande..mbulimin e vrasjeve qe jan bere me urdher tendin..

[Brari]

komunikat beresi dhe menaxheri i killerave e pojataxhiu i mirnjohur.. kup jakupi po na diskuton punet e qeverise.
shko kup e merru me punen tande.. mbulimin e vrasjeve .. qe jan bere me urdher tendin..

[laguna blu]

komunikat beresi dhe menaxheri i killerave e pojataxhiu i mirnjohur.. kup jakupi po na diskuton punet e qeverise.
shko kup e merru me punen tande.. mbulimin e vrasjeve .. qe jan bere me urdher tendin..

Ka mundur Brar ai të flasi edhe për passaportat e "Republikës së Malishevës", për ankesat që kanë mbërrijtur rreth gabimeve e rreth lekëve të marruna nga ai me të birin po nuk ka dashur... Ka qenë vetëm zëdhënës i thjeshtë i UCK-së dhe ministër i po atij resori ku ka futur në punë të gjithë akraballëkun e tij...

Si si vjen turp të ngritet burri i botës të kritikojë njerëzit që punojnë pak ma ndershmërisht nga ay...!?

[Llapi]

gabim doli dy here

[Llapi]

Hajredin Kuçi, nënkryetar dhe lider i Kabinetit për Qeverisje të Mirë

Qeveria aktuale – qeveri e rutinës dhe e protokollit, assesi e sukseseve, - thekson lideri i KQM-së

Qeveria aktuale nuk ka pasur guximin edhe politik, edhe intelektual, të pranojë dështimet e veta. Nëse e lexoni me vëmendje raportin e punës së kësaj qeverie, ua merr mendja që jeni duke e lexuar raportin e një qeverie të një shteti shumë stabil në perëndim, si Zvicra apo Suedia, e jo një raport të një qeverie ku kemi problem me shëndetësinë, me pagat, me çështjet sociale, ekonominë dhe kështu me radhë.
- theksoi pas mbledhjes së radhës të Kabinetit për Qeverisje të Mirë, lideri i saj z.Hajredin Kuçi.



Në vazhdim po e prezantojmë në tërësi fjalën e z.Kuçi në konferencën e sotme për shtyp, që ka në spikamë analizën e raportit të punës së qeverisë aktuale të Kosovës në 100 ditëshin e fundit.


Kabineti për Qeverisje të Mirë ka shqyrtuar disa herë punën e qeverisë në 100 ditëshin e fundit. Kësaj radhe kemi pasur fazën e tretë të shqyrtimit. Në fazën e parë kemi bërë analizën e punës në tërësi të qeverisë së Kosovës, në fazën e dytë kemi bërë analizën e prioriteteve të parapara nga qeveria e Kosovës, dhe së fundmi kemi bërë analizën e raportit të shkruar nga qeveria e Kosovës për punën e tyre 100 ditëshe.

Kabineti për Qeverisje të Mirë nuk pajtohet që të ketë diskutim në formë të interpelancës në Kuvendin e Kosovës. KQM do të kërkojë nga Grupi Parlamentar i Partisë Demokratike të Kosovës që kjo çështje të vihet në debat në kuvend, të shqyrtohet si pikë e veçantë e rendit të ditës dhe të hapet debat.

Sa herë që kemi kërkuar që të hapen debate të tilla për punën e qeverisë, kemi qenë gjithmonë në funksion të dy qëllimeve kryesore të demokracisë, që nënkupton transparencën dhe tolerancën. Transparenca nënkuptohet përballë qytetarëve, përballë opozitës në rastin konkret dhe tolerance në funksion të dëgjimit të mendimit të kundërt, që mund të vije nga Kabineti për Qeverisje të Mirë, i cili gjithherë e ka parasysh ofrimin e alternativave të veta për punën e qeverisë në të mirë të qytetarëve.

Raportin e punës së qeverisë e kemi shqyrtuar me shumë kujdes, e kemi analizuar secili prej nesh në mënyrë të veçantë për secilin departament dhe duke u bazuar në këtë mund të themi se raporti i qeverisë është një punim i punuar nga shërbyesit civilë me porosi politike, që puna e qeverisë të paraqitet si e suksesshme. Një e veçantë e këtij raporti konsiderohet fokusimi i raportit rreth statusit dhe standardeve. Sipas raportit del se në 100 ditët e kaluara qeveria e Kosovës ka qenë ajo që ka vënë bazat e statusit të Kosovës dhe të standardeve dhe në 100 ditëshin që pritet të vie duket që do të përfundojë puna e statusit.

Ne konsiderojmë që çështja e statusit është çështje që i takon qytetarëve të Kosovës. Konsiderojmë që bazat janë vënë shumë më herët, ndoshta në veçanti në qershor të vitit 1999 dhe standardet janë diçka që kanë filluar më herët dhe do të vazhdojnë më herët dhe do të vazhdojnë më tutje.

Është vënë një ngatërresë në këtë raport: duket sikur Ekipi Negociator dhe Grupi Politik Strategjik janë funksion të qeverisë për çështjen e negocimit e jo e kundërta. Të gjithë jemi dëshmitarë të asaj që qeveria ka qenë në funksion ndihmës të Ekipit Negociator dhe Grupit Politik dhe jo e kundërta. Mbi të gjitha, mund të themi që qeveria nuk ka mundur ta kryejë as këtë punë.

Në këtë raport mund të vërehet që punët rutinore, siç janë vizitat, çështjet protokollare paraqiten si sukses. Nëse këtij raporti 84 faqesh të qeverisë së Kosovës do t’ia bëja një analizë apo një shqyrtim profesional, do ta tkurrja në 7-8 faqe.

Kjo qeveri nuk ka pasur guximin edhe politik, edhe intelektual, të pranojë dështimet e veta. Në këtë raport, nëse e lexoni me vëmendje, ua merr mendja që jeni duke e lexuar raportin e një qeverie të një shteti shumë stabil në perëndim, si Zvicra apo Suedia, e jo një raport të një qeverie ku kemi problem me shëndetësinë, me pagat, me çështjet sociale, ekonominë dhe kështu me radhë.

Mendoj që qeveria e Kosovës është dashur të paraqet mungesën e objektivave dhe realizimit të tyre, pa marrë parasysh rrethanat objektive apo subjektive. Çdo qytetar i Kosovës mund ta vërejë që për 100 ditë mund të ketë realizim objektivash, por edhe dështime të qeverisë. Në rastin konkret raporti duket të jetë perfekt, ndërsa unë e them me përgjegjësi qytetare se nuk është vërejtur ndonjë ndryshim në cilësinë e jetës gjatë këtyre ditëve.

Kjo qeveri ka qenë emetim i punës së qeverive paraprake, edhe raporti nëse e analizoni është një emetim i thjeshtë i raportit të punës 100 ditëshe të qeverisë së z.Kosumi dhe duket që tani është më një përmirësim në kuptimin e kualitetit të përkthimit gjuhësor.

Nëse sot do të përfundonte mandati i qeverisë Çeku, nëse sot ai për arsye të ndryshme do ta përfundonte mandatin, ju pyes juve, qytetarëve të Kosovës: për çka do ta mbajmë në mend qeverinë Çeku për 100 ditë. Unë jam i bindur që nuk mund ta mbajmë në mend për ndonjë sukses apo për ndonjë aktivitet, por vetëm për rutinë, për fotografi të ndryshme, të cilat i kemi parë edhe në qeveritë paraprake.