Pagjumësia

[DI_ANA]

12 këshilla për të evituar pagjumësinë

Shkruar nga Elberta Spaho


A duhet të flemë njësoj gjatë gjithë jetës sonë? Ne shpenzojmë një kohë të madhe të jetës duke fjetur. Foshnjat flenë praktikisht 24 orë në ditë. Fëmijët e vegjël bëjnë dremitje të vogla. Të rinjtë dhe adoleshentët flenë nga 8-9 orë në natë, ndërsa të rriturit flenë 7-8 orë ose edhe më pak. Shumë persona më të moshuar kanë nevojë për më pak orë, ndoshta 5 ose 6 dhe gjithashtu kanë tendencën për ta pasur gjumin shumë të lehtë.
Pse të moshuarit flenë më pak?
Personat në moshë të thyer, ndoshta nuk kanë nevojë të flenë shumë ose janë të aftë të flenë po aq sa edhe të rinjtë. Kjo mund t’i dedikohet stilit të jetesës sepse ata flenë më shumë gjatë ditës, për shkak të kohës së lirë. Gjumi i ditës i bën ata të mos flenë natën.
Çfarë është pagjumësia?
Termi pagjumësi i referohet paaftësisë për të fjetur ose për të qëndruar në gjumë për një kohë të gjatë. Kjo mund të shkaktojë lodhje të vazhdueshme dhe ndikon shumë negativisht në jetën tuaj të përditshme. Studimet e fundit kanë treguar se nuk është i pakët numri i personave që vuajnë nga pagjumësia, ata përbëjnë 39% të popullsisë. Stresi, depresioni dhe shqetësimet janë shkaqet kryesore që çojnë në pagjumësi. Sëmundjet e ndryshme janë një tjetër shkak i mundshëm dhe veçanërisht nëse ka dhimbje apo siklet.
Çfarë masash duhet të merrni kur përdorni pilulat?
Ka shumë lloje pilulash që përdoren për të fjetur gjumë. Megjithatë është e rëndësishme që të mos përdoren pilulat për të fjetur. Kjo mund të ndodhë sepse trupi juaj fillon të varet nga mjekimet dhe me kalimin e kohës ju do ta keni të vështirë për të ndaluar së marri tabletat që ju sjellin gjumin. Ndoshta do t’u duhet të merrni shumë dhe gjithmonë edhe më shumë për të arritur efektin e dëshiruar sepse trupi juaj bëhet shumë tolerant. Ato mund t’i lënë ndjenjat tuaja të përgjumura dhe letargjikë në mëngjes.

Këshilla për personat që vuajnë nga pagjumësia:

1. Ushtrimet ju ndihmojnë që të flini, por evitoni ushtrimet e shkurta para se të shkoni në shtrat.
2. Shkruajini shqetësimet tuaja në vend që të filloni t’i risillni ato në mend ndërsa përpiqeni që të flini gjumë.
3. Një dush i ngrohtë para se të shkoni në shtrat do t’u vinte shumë në ndihmë.
4. Konsumimi i alkoolit mund të shqetësojë gjumin tuaj të natës, kështu që një çaj i ngrohtë me kamomil do të ishte një zgjidhje shumë e mirë për të rënë në gjumë.
5. Evitoni konsumimin e pijeve që përmbajnë kafeinë (kafe, kakao dhe koka kola), sidomos natën vonë.
6. Sigurohuni që të jeni shumë rehat në shtrat. Shtrati vetë duhet të jetë i ajrosur dhe i ngrohtë.
7. Në dhomën tuaj krijoni një mjedis të qetë dhe të ngrohtë.
8. Mos shkoni në shtrat derisa të ndiheni të lodhur.
9. Seksi para se të jetë koha për gjumë mund të jetë një mënyrë për të përafruar gjumin tuaj. Meshkujt mund të flenë pas seksit, ndërkohë që femrat mund të mbeten shumë energjike.
10. Lexoni një libër derisa të ndiheni të përgjumur. Nëse nuk jeni në gjendje të flini, çohuni përsëri. Uluni dëgjoni pak muzikë ose vazhdoni të lexoni derisa të kalojë gjysmë ore. Atëherë gjumi me siguri që nuk do “t’u bëjë naze”.
11. Zgjohuni në mëngjes në të njëjtën orë çdo ditë. Vini orën në zile dhe çohuni menjëherë nga shtrati, edhe nëse natën e shkuar keni qëndruar zgjuar deri vonë. Në këtë mënyrë, në fund të ditës ju do të ndiheni më të lodhur dhe do të flini në kohën e duhur. Nëse e bëni këtë gjë për disa ditë të mjaftueshme, do të sistemoni me sukses kohën për gjumë.
12. Për udhëtime të gjata me avion apo ose autobus, do të ishte mirë që të merrni një pilulë për gjumin nëse keni probleme me gjumin. Kjo duhet të jetë një pilulë shumë shpejt e efektshme me një efekt të limituar nga 5-6 orë. Duhet të konsultoheni me mjekun tuaj personal para se të merri medikamentin.
Shumë njerëz kanë gjetur si zgjidhje mjekime barishtore për të fjetur, në vend që të përdorin ilaçe. Ata përdorin agnushe, sanës ose vajra aromatikë, si një mënyrë për t’u qetësuar para se të shkojnë në shtrat. Këto janë më të vështira për t’u provuar nga studimet shkencore, por shihen si një eksperiment personal. Njerëzit mund të gjejnë zgjidhjen e pagjumësisë së tyre duke përdorur mjekimet e lartpërmendura, por duhet të konsultohen me mjekun për shkak të ndonjë efekti anësor.

Sëmundja e narkolepsisë
Një formë e hipersomnisë, narkolepsia është një çrregullim i gjumit i karakterizuar nga goditje pa vend të gjumit gjatë ditës. Personin e zë gjumi në mënyrë te paparashikuar gjatë ditës. Përgjithësisht është një gjendje që prek të moshuarit ose të rriturit mbi moshën 45-vjeçare. Personi i prekur nga ky çrregullim bie drejtpërdrejt në gjumin LSHS dhe përderisa kjo etapë lidhet me paralizimin muskulor, përbën një rrezik për individin. Shkaktohet nga një goditje e fortë si emocion i fortë, të qeshurit, befasimi, ndezja seksuale. Një simptomë e narkolepsisë janë dhe haluçinacionet hipnagogjike.

Pagjumësia dhe truri
Pagjumësia mund të shkaktojë ndalimin e qelizave të reja në tru, sipas sugjerimit të një studimi. Një grup studiuesish zbuloi se pagjumësia ndikon në atë që në gjuhën mjekësore quhet Hipocampus dhe shpjegohet të jetë rajon i trurit që ka të bëjë me krijimin e memories. Studimet e kryera rreth formimit të trurit tregojnë se ato që sjellin efekte në tru janë pikërisht hormonet e stresit. Studimet janë kryer te kafshët duke marrë disa prej tyre dhe duke i lënë 72 orë pa gjumë. Pastaj, janë krahasuar kafshët e lodhura prej gjumit me ato që kanë kryer procesin normal të fjetjes dhe kanë zbuluar se ato që nuk kishin fjetur, kishin një nivel me të rritur të hormoneve të stresit, që quhet ndryshe corticosterone, shoqëruar kjo edhe me rënien e ritmit të prodhimit të qelizave të reja në tru dhe pikërisht në zonën e quajtur hipocampus.

Çrregullimet e gjumit
Çrregullimet e gjumit përfshijnë disomnitë dhe parasomnitë. Në disomnitë, siç janë insomnia (pagjumësia) dhe hipersomnia, simptoma kryesore është çrregullimi i sasisë dhe cilësisë së gjumit të bërë. Në këto kushte trupi juaj do të jetë gjithmonë i lodhur po ashtu edhe sistemi nervor. Në parasomnitë, siç janë tmerrimi në gjumë, urinimi në shtrat dhe të ecurit në gjumë, simptoma kryesore është një ngjarje e pazakonte që çrregullon gjumin. Ky është një çrregullim që në pjesën më të madhe të rasteve prekin fëmijët e vegjël, gjendje e cila mund të zgjasë deri në moshën 15-vjeçare.

Çfarë është insomnia
Kërkesa e madhe për ilaçe gjumi është një simptomë e përhapjes së insomnisë (pamundësisë për të të zënë gjumi). Një vëzhgim tregonte se 6% e burrave dhe 14% e grave raportonin se vuanin nga ky lloj çrregullimi të gjumit. Ka shumë shkaqe dhe lloje të insomnisë. Disa insomniakë i zë gjumi lehtë, por shohin ëndrra sikur janë zgjuar. Si rrjedhojë kur zgjohen, ata ndjehen sikur po përpiqeshin ende që të flinin. Të tjerë e kanë të vështirë që t’i zërë gjumi për shkak të ankthit, frikës, stresit, depresionit ose problemeve të tjera. Drogat gjithashtu çrregullojnë ciklin normal të gjumit. Disa insomniakë vuajnë nga një gjendje e njohur si Apnea e gjumit. Ata i zë gjumi lehtë, por çohen pasi u ndalet frymëmarrja dhe zgjohen duke gulçuar për ajër.

[DI_ANA]

Pagjumesi...Qetesi ne sistemin nervor

Dhimbjet e stomakut, të kokës, pagjumësia janë disa probleme, që kurohen me ndihmën e medikamenteve, por edhe mjekimi në sajë të çajrave me bimë mjekësore ka dhënë rezultate shumë të mira.

Terapia me bimën e valerianës ka dhënë një ndihmesë të madhe në qetësimin e sistemit nervor, lehtësimin e dhimbjeve të kokës e stomakut, duke qetësuar të sëmurin.

Bima e valerianës, e njohur për aromën e saj karakteristike jo fort të këndshme, ka edhe efekte shumë të mira në qetësimin e sistemit nervor dhe rezultatin e shpejtë, që jep për të luftuar pagjumësinë. Rrënjët, të cilat ndihmojnë në lehtësimin e sëmundjeve, janë të pasura me esencë, kamfen, pinen, alkaloide, si dhe shumë acide, si ai valerianik, alkoole e ketone. Janë pikërisht këto përbërës, që i japin bimës aftësinë e qetësuesit.

Efektet

Nëse ndiheni nervoz dhe keni stres këshillohet të pini çajin e valerianës dhe rezultatet do të jenë të menjëhershme, por çaji mund të pihet edhe në të gjitha format e shfaqjes së nervozizmit. Në dhimbjet e kokës dhe në veçanti ato të migrenës është e këshillueshme të pini çajin e përftuar nga rrënjët e valerianës. &Ccedilaji të pihet 3 herë në ditë deri në 1 muaj.

Sëmundjet nervore shpesh shkaktojnë edhe sëmundje të zemrës, siç janë rrahjet e shpeshta të saj dhe të rritjes së presionit të gjakut. Megjithatë, hipertensioni mund të shfaqet edhe nga shkaktarë të tjerë, siç janë sëmundjet e veshkave, por e rëndësishme është mënyra e kurimit të tyre.

Hipertensioni nganjëherë mund të shoqërohet me ngushtimin e enëve të gjakut dhe të shkaktojë dhimbje në zonën e zemrës dhe vështirësi në frymëmarrje. Për qetësimin e dhimbjeve duhet pirë menjëherë çaji i bimës, i ëmbëlsuar me mjaltë. Këshillohet të pihet 3 herë në ditë nga një gotë.

Për të ndalur dhimbjet e stomakut, që mund të shfaqen nga ngacmues të ndryshëm, mjekët popullorë rekomandojnë çajin e valerianës si qetësuesin më të efektshëm. Edhe në këto raste këshillohet të pihet çaji i sapopërgatitur, pasi është më i pasur me veti kuruese.
Kujdes
Edhe në këtë rast çaji të pihet 3 deri në 4 javë, pasi nëse pihet për një kohë më të gjatë mund të shkaktojë dhimbje të kokës dhe mund të nxisë shtimin e rrahjeve të shpeshta të zemrës.

Në rastet e pagjumësisë, të shkaktuara nga lodhja dhe sforcimet që ju kanë munduar gjatë ditës, ky çaj do të japë rezultate shumë të mira. Këshillohet që çaji të pihet 15 minuta më përpara. Për përgatitjen e çajit përdoren rrënjët e grimcuara, që hidhen në një gotë me ujë të nxehtë dhe lihen për 15 minuta në qetësi dhe më pas kullohet e ëmbëlsohet me mjaltë.

Por me mjaft sukses çaji i valerianës mund të përdoret në të gjitha format e shfaqjes së nervozitetit. Duke pirë çajin mund të largohet stresi dhe lodhja. Lëngu i kësaj bime largon stresin dhe lodhjen dhe sjell një gjumë të rehatshëm.

Lëngu i valerianës nuk duhet të merret më tepër se 1 muaj, pasi mund të shkaktojë dhimbje të kokës dhe rrahje të zemrës.

Që kura me çajin e rrënjëve të valerianës të ketë efekt të menjëhershëm, këshillohet që ato të jenë të freskëta dhe të mblidhen pas lulëzimit të bimës, në shtator. Vetëm në këtë rast mund të gjenden me shumicë elementët kuruese të saj; acidi valerianik liron erën specifike të bimës. Bima ka veti qetësuese. Kundër pagjumësisë mund të përdoret edhe përzierja e rrënjëve të valerianës me gjethet e barbletës. Të dyja këto bimë hidhen në një gotë me ujë të ftohtë dhe lihen për 12 orë. Më pas kullohet dhe pihet 15 minuta përpara se të shkoni për të fjetur, duke e ëmbëlsuar me mjaltë. Duhet të ruhet nga drita dhe lagështia. Rrënjët mund të përdoren edhe të përziera me lëngje të tjera ose në formë tinkure, kur përzihen me alkool.

[DI_ANA]

Një mëngjes në të cilin edhe mund të mos ishte zgjuar. Një mëngjes në të cilin nuk u zgjove, sepse të gjeti syhapur. Pagjumësia është fenomen i përhapur i civilizimit perëndimor, lexove diku, dikur. Dhe të vjen automatike pyetja: "A jeton në civilizimin perëndimor?" Se që vuan nga një pagjumësi fenomenale, këtë e ke të qartë. Jashtë është diell. Po ti do të preferoje shi. Sepse shiu shkon më mirë me ditët kur ndjen mizerrabilitetin të të shohë në sy. Litost, thoshte Kundera. Nuk përkthehet, thoshte. Përkthehet, përkthehet! Në mos me fjalë, përkthehet me fytyrën tënde në orën 9.20, pas 26 orësh pa gjumë. Litost. Ndihesh i harruar. Sikur koha lëviz diku larg vendit ku ndodhesh. Kupton që orët kanë kaluar ndërsa po kërkoje ca faqe të humbura në një libër që nuk e mbarove kurrë. E do atë librin që t'i vërtetosh dikujt, me të cilin u hëngre me fjalë në lidhje me një argument idiot, nuk e mban mend mirë kur, se Battisti a një këngëtar tjetër italian ka vdekur çprej 20 vitesh. Por librin nuk e gjen, dhe bashkë me peshën që ndjen në kokë nga pagjumësia, të rëndon akoma më tej ajo gjendja e mosrealizimit të asgjëje, e një ndjenje të pakohë, që duket se ka zënë rrënjë diku thellë në ndërgjegjen tënde. Mundohesh të bësh me mend një listë të punëve që ke rreth 3-4 muaj që i shtyn. Lista të del e gjatë dhe shqetësimi të rritet. Kupton që disa nga këto punë nuk do t'i kryesh kurrë, tashmë. Të duhet të dalësh të blesh bukë dhe qumësht. Do të preferoje të shkulje një dhëmballë më mirë se të dilje me atë fytyrë me të cilën gjendesh momentalisht, por nuk ke ç'i bën. Oreksi është më i fortë sesa bezdia dhe turpi. Merr syzet e errëta të diellit dhe del. Sa hap derën për pak sa s'përplasesh me komshiun B. Do të kishe këputur edhe një dhëmballë tjetër që ai të mos të të shihte në atë gjendje surreale, por tani është tepër vonë. E përshëndet me zë të kafshuar, ai të kthen përshëndetjen. Në tonin e tij dallon një shpoti të pafshehur. Ai e ndjen haptazi sikletin tënd dhe ta bën të ditur nëpërmjet zërit dhe një buzëqeshjeje me trajta djallëzore, sikur të ka zënë duke veshur brekët a duke kërruar kundën. Ndihesh në atë moment si buburrec kur ndizet drita e dhomës. Do të doje të futeshe poshtë ndonjë qilimi a mbrapa mobiljeve, por aty për aty stomaku të jep një tjetër sinjal domethënës. Mu sa del në rrugë sheh diellin për një moment. Të verbon. Ul sytë në trotuar dhe e kupton që po ecën pa drejtim. Ndalon. Mbyll sytë sa të kalojë efekti verbues i diellit. Hap sytë. Është migrenë. Edhe kjo të duhej tani. E kupton që 5-6 orët e ardhshme do t'i kalosh në agoni të plotë. Mundohesh të shpejtosh hapin drejt dyqanit ku je nisur. Arrin. Qepeni është i mbyllur. Vetëm tani e kupton që sot është e diel. Ndjenja e panikut që deri në atë moment po të shtypte gurmazin, tani duket se të ka shpërthyer nga të gjitha të çarat e fytyrës. Kthehesh duke ecur anës mureve në shtëpi. Tashmë shikimin e ke thuajse të mbuluar nga ai ylberi karakteristik i migrenës. Je i vetëdijshëm që shpejt do të të zerë një dhimbje koke shumë e fortë. Veshi i djathtë të pipëtin për rreth 10 sekonda dhe pastaj të duket sikur mbi të ka një tapë dylli. Shtrihesh.
Kur zgjohesh ka errur. Je përpëlitur në krevat për 7 orë. Nga këto ke fjetur s'ke fjetur një orë. Litost. Uria po të përpin. I drejtohesh si ari letargjik frigoriferit. Ka vetëm një copë djathë krejtësisht të tharë. E merr dhe e fut në gojë pa ndërdyshje. Litost. Nuk arrin ta shquash saktë se që kur ndodhesh në këtë gjendje. Ndoshta një javë, ndoshta një muaj, ndashta edhe dy. Ndez televizorin dhe në moment pendohesh. Sherre në radhët në Hipotekë, çmimi i energjisë është rritur, po ashtu edhe çmimi i bukës dhe i naftës. Njerëzit përleshen jo vetëm verbalisht dhe me zhurmë të madhe. Ajo turbullirë babilonike njerëzish dhe zërash që sheh të përziera si çorbë ta amplifiokon gjendjen. E fik televizorin. Kupton që je mëkëmbur pa e patur mendjen. Nisesh përsëri për të kërkuar atë librin që nuk po e gjeje. Pas 20 minutash kërkim, diku në një cep mbrapa raftit gjigand të librave e gjen atë që po kërkoje. E hap në faqet që po kërkoje. E kishe gabim. Battisti dhe De Andre kanë vdekur të dy në 1999, në distancë thuajse një mujore nga njëri-tjetri. Fakti që teza jote tani u thërrmua në dritën e këtyre faqeve të rëndon edhe më tej. Tani të duket sikur ke një peshë të rëndë të varur në qafë dhe po i drejtohesh ndonjë ure të lartë. Në një fraksion sekonde të vjen dyshimi se mund të jesh në ëndërr. Sa mirë do të qe. Por jo, je krejt i zgjuar. Del në ballkon. Jashtë bën ftohtë. Nuk je i sigurt a është akoma Janar apo ndërkaq ka hyrë Shkurti. Kthehesh brënda. E gjen veten duke u përgatitur prapë për një ditënatë të gjatë. Stomaku të gërryen. Ulesh në divan dhe hap sërish televizorin. Të duket si një emision që e ke parë. Dhe ke të drejtë, është ritransmetim. Në atë moment fjala "ritransmetim" të kumbon në kokë si një piskamë e mbytur. E gjithë jeta jote e mbetur të duket ritransmetim. Ritransmetim. Litost. Ritransmetim. Litost. Me këtë dyshim pret agimin e ri. Një tjetër mëngjes në të cilin do të preferoje të mos zgjoheshe dhe që do ta gjesh i zgjuar. Pagjumësia qenka fenomen i përhapur në civilizimin perëndimor dhe më gjerë, thonë.

Marre nga "Njeriu i çuditshem"

[DI_ANA]

Ç’ndodh kur koka juaj mbështetet në jastëk?


Sigurisht që gjumi përmbush nevojat e organizmit për relaks dhe rifurnizim me energji, duke mbajtur shëndetin tuaj dhe mendor në gjendjen e duhur. Por e gjitha kjo ndodh pasi drita fiket dhe sytë tuaj mbyllen. Gjumi ndikon në memorien, zemrën, si dhe në shëndetin e dhëmbëve tuaj. Shkencëtarët kanë zbuluar disa fakte të çuditshme rreth gjumit.
Memoria bëhet e ndryshueshme
Pas një pushimi të caktuar truri relaksohet. Memoria afatgjatë formohet kryesisht gjatë gjumit kur truri rindërton disa eksperienca të jetuara. Por si arrijmë ne ti kujtojmë këto eksperienca? Nga një studim i realizuar nga University of Lubeck në Gjermani u tregua se gjumi jo vetëm që forcon dhe rrit kapacitetin e memories, por regjistron edhe eksperiencat e jetuara nga individi. Në qoftë se dy nxënës do të mësonin një listë me fjalë dhe njëri prej tyre do lihej të flinte kurse tjetri jo, kur ata t’i pyesnim për listën do të vëreheshin ndryshimet. Nxënësi që nuk kishte fjetur gjumë nuk do të ishte i aftë të riprodhonte listën në memorien e tij. Ndërsa studenti që kishte fjetur do të bënte një renditje të saj.
Gjumi përmirëson rrahjet e zemrës
Një natë e mirë do të thotë gjumë i qetë. Dhe dihet se gjumi është thelbësor për një zemër të shëndetshme. Mungesa e gjumit mund të shfaqë probleme serioze për shëndetin duke ndikuar në shfaqjen e hipertensionit dhe rritjen e presionit të gjakut. Sigurisht që bashkë me to shtohet edhe rreziku për të shkaktuar atak kardiak. Vetëm gjumi i rregullt mund të përmirësojë ndjeshëm funksionin e këtyre organeve dhe shmangien e sëmundjeve.
Dremisni dhe buzëqeshni
Kur ju lëkundeni gjatë gjumit apo ktheheni nga njëri krah në tjetrin buzëqeshni. Në Journal of Periodontology studimet kanë treguar së gjumi sjell efekte të dobishme për dhëmbët tuaja. Kështu një gjumë i shëndetshëm gjatë natës ju fal një buzëqeshje rrezatuese gjatë ditës. Por këtu theksohet efekti negativ i shkaktuar nga pirja e duhanit. Kërkimet kanë treguar se sasia e pakët e gjumit dobëson sistemin imunitar dhe këto ndikojnë keq edhe në shëndetin e dhëmbëve tuaj.
Gjumi ndikon në ritmin e jetës suaj
Nëse ju e gjeni vetën tuaj zgjuar dhe energjik në orë të vona të natës, dhe vuani nga pagjumësia do të thotë se keni një mutacion gjenetik. Kombinimet gjenetike mund të shpjegojnë pse disa njerëz preferojnë jetën e natës. Kështu në varësi të orarit tuaj të gjumit ju përcaktoni edhe ritmin e ditës në vazhdim. Nëse çoheni rreth orës gjashtë ose shtatë të mëngjesit do të jeni më optimistë dhe aspak të përgjumur.
T’ia dalësh edhe me pak orë gjumë
Disa njerëz mund të kalojnë një ditë normale edhe me pak orë gjumë. Por për disa të tjerë ky mund të jetë një problem i vërtetë ku nevojat për energji dhe çlodhje do të jenë të pamposhtura. Nëse ju jeni akoma të përgjumur edhe shumë kohë pasi jeni çuar nga gjumi kjo ka të bëjë me përbërjen tuaj gjenetike e cila i ka të caktuara orët e nevojshme të gjumit. Jo të gjithë mund të kënaqemi dhe relaksohemi me të njëjtat orë gjumë. Dozat e gjumit janë të ndryshme për persona të ndryshëm.

Disa këshilla për të pasur një gjumë të qetë:

- Është mirë që të mos flini gjatë ditës
- Kufizoni kafeinën dhe alkoolin
- Mos pini duhan, nikotina vështirësojë rënien në gjumë
- Ekspozoni veten ndaj dritës së diellit
- Bëni ushtrime fizike herët në mëngjes
- Kontrolloni nivelet e hekurit në gjak
- Relaksohuni para se të shkoni për të fjetur
- Mos bëni asgjë stimuluese
- Mbani dhomën e gjumit të qetë, dhe të rehatshme

Nevojat për një orar të rregullt gjumi
Të gjithë e dimë që regjimi stabilizon organizmin tonë. Të abuzosh me gjumin do të thotë të plakesh para kohe. Pagjumësia e vetëstimuluar është problematike, sepse fytyra e shfaq stresin dhe lodhjen më shumë se çdo gjë tjetër. Kur vendos të bësh një investim për veten, duhet të zbatosh këshillat me rigorozitet, sepse në të kundërt shpenzon para dhe kohë kot. Eficenca e trajtimit nuk është në nivelin e dëshiruar. Pagjumësia dhe mungesa e regjimit ç’akordojnë organizmin. Stimulojnë rrudhat, rrathët e zinj poshtë syve, si dhe borsat e syve. Të vendosësh rregull është domosdoshmëri. Nëse je mësuar të qëndrosh pa gjumë, mësohesh shumë kollaj të flesh, duke shkuar në shtrat gjysmë ore më shpejt derisa të vendosësh një orar të rregullt.

Relaksohuni para se të shkoni për të fjetur
Sigurohuni se shtrati juaj është i madh mjaftueshëm dhe i rehatshëm. Provoni lloje të ndryshme krevatësh. Përdorni mbulesa pambuku. Është e gabuar ideja që dhomën e gjumit mund ta shfrytëzojmë edhe për punë. Bindeni veten dhe trupin tuaj se ai ambient është për të fjetur dhe duhet të jetë i qetë dhe i rehatshëm. Formoni rituale të shëndetshme në kohën para gjumit. Mundohuni të shkoni në gjumë në të njëjtën kohë, mundësisht edhe gjatë fundjavës. Relaksohuni para se të shkoni për të fjetur. Kjo mund të përfshijë meditimin, ushtrime për frymëmarrjen, një banjë e ngrohtë apo të dëgjoni muzikë relaksuese. Në darkë i duhet kushtuar veçanërisht kujdes ushqimit. Para se të bini për të fjetur duhet të hani pak, ngrënia e sasive të shumta të ushqimeve interferon me ciklet e gjumit.

Qumështi, stimulues natyral i gjumit
Një gotë qumësht iu ndihmon para gjumit, sepse përmban triptofan, një stimulues natyral i gjumit. Përdorni imagjinatën tuaj që të ndihmoni veten për të fjetur. Nëse s‘flini dot, çohuni nga krevati, bëni një aktivitet relaksues, derisa të ndiheni përgjumësh. Të dëgjoni lajme apo çështje që iu shqetësojnë mund t’iu sjellë probleme me gjumin. Edhe nëse keni probleme me gjumin çohuni dhe hani diçka që përmban triptofani cili bllokon serotoninën që është një neurotransmetuese. Serotonina është përgjegjëse për pagjumësinë. Ushqimet të cilat përmbajnë triptofan janë qumështi, akullorja, kosi, djathi etj. Këto ushqime janë të këshillueshme të konsumohen para gjumit për të bërë një gjumë të rehatshëm dhe pa ndërprerje. Në këtë mënyrë do të shmangën shumë probleme shëndetësore që vijnë nga pagjumësia.

Të moshuarit vuajnë më tepër nga pagjumësia
Personat në moshë të thyer, ndoshta nuk kanë nevojë të flenë shumë ose janë të aftë të flenë po aq sa edhe të rinjtë. Kjo mund t’i dedikohet stilit të jetesës sepse ata flenë më shumë gjatë ditës, për shkak të kohës së lirë. Gjumi i ditës i bën ata të mos flenë natën. Termi pagjumësi i referohet paaftësisë për të fjetur ose për të qëndruar në gjumë për një kohë të gjatë. Kjo mund të shkaktojë lodhje të vazhdueshme dhe ndikon shumë negativisht në jetën tuaj të përditshme. Studimet e fundit kanë treguar se nuk është i pakët numri i personave që vuajnë nga pagjumësia, ata përbëjnë 39% të popullsisë. Stresi, depresioni dhe shqetësimet janë shkaqet kryesore që çojnë në pagjumësi. Sëmundjet e ndryshme janë një tjetër shkak i mundshëm dhe veçanërisht nëse ka dhimbje apo siklet.


"Observer"

[DI_ANA]

Sereno dhe Valerina, dy ilaçet bimor që luftojnë pagjumësinë


Të shtrihesh dhe të kesh një “gjumë të ëmbël” siç është edhe urimi përkatës, për miliona vetë në botë, është një sfidë më vete. Për disa, nocioni i gjumit është shndërruar në imazhin e një beteje të përnatshme me nënkresën, me çarçafët, me ëndrrat e zhgjëndrrat dhe gjithçka që të pengon, ose ti mendon se të pengon të bësh një gjumë të qetë. Sipas statistikave të fundit evropiane, në kontinentin tonë një në katër persona vuan nga pagjumësia kronike. Shkencëtarët kanë përcaktuar 75 forma të ndryshme pagjumësie duke filluar që me problemet e gërhitjes, te dhimbja e këmbëve, ngërçet e spazmat e shumta e në pjesë të ndryshme të trupit, të folurit në gjumë, somnambulizmi, i cili ndonjëherë kthehet edhe në rrezik shumë të madh për personin që e ka, e deri tek aritmitë dhe çrregullimet e zemrës. Rreth 31 për qind e njerëzve, përfshi fëmijët dhe adoleshentët mund të kenë më shumë se një çrregullim të tillë në të njëjtën kohë dhe për më tepër mund ta kenë edhe për shumë net rresht, pra në formë kronike.
Veprimtaria ditore
Sipas një specialisti të gjumit, një gjumë i parehatshëm e me shumë probleme ndikon edhe në veprimtarinë ditore të personave, të cilët mund të kenë rënie të efektshmërisë në punë, por edhe probleme ndërpersonale. Pjesa më e madhe e atyre që nuk kanë gjumë të mirë nuk e dinë se gjithsesi, mund të ketë ndonjë mjekim për problemin që kanë dhe si pasojë nuk kërkojnë ndihmë. “Është shumë e rëndësishme që të kuptohet se bëhet fjalë për një patologji të mirëfilltë dhe se si çdo patologji edhe ajo ka nevojë për identifikim dhe kurat e përshtatshme”,- thotë një mjek. Të paktën në perëndim, por edhe në vende të tjera ka medikamente që mund të lehtësojnë shumë një situatë shqetësuese e me pasoja në jetën e përditshme. Në fakt, në disa raste, bëhet fjalë për mjekime të mirëfillta, ndërsa në raste të tjera për ndryshimin e disa zakoneve apo mënyrave të jetesës, të cilat do të sillnin ndryshime të habitshme.
Dietat
Gjumi ndikohet nga sinjalet kimike në tru. Kjo do të thotë që ushqime të caktuara mund të ndikojnë pozitivisht, ose negativisht në gjumin tonë. Pijet që përmbajnë kafeinë, të tilla si kafja dhe ilaçet që e kanë si element, mund të ndikojnë në frenimin e gjumit. Për ta shmangur një gjë të tillë kafeina dhe alkooli duhen shmangur absolutisht. Ndikim të keq kanë edhe disa ushqime që përmbajnë tryptophan. Ushqimi i duhur për t‘i paraprirë një gjumi të mirë përmban një balancë mes karbohidrateve dhe proteinave. Pra, një darkë e tillë do të ishte për shembull drithërat me qumësht. Sipas një kërkimi të fundit, ushqimet e pasura me karbohidrate dhe me mungesë proteinash dhe yndyrash mund të shtojnë prodhimin e serotodinës dhe melatoninës, kimikate të trurit, të cilat kanë lidhje me gjumin. Një darkë me karbohidrate dhe qumësht, para gjumit ndihmon në fjetjen e shëndetshme.
Alkooli dhe duhani
Personat që kanë çrregullime frymëmarrjeje, ndërsa flenë dhe gërhasin në mënyrë të ekzagjeruar duhet të shmangin alkoolin, duhanin dhe tabletat e gjumit. Në këtë rast do të ishte me vlerë përdorimi i shtesave në hekur që do të rriste lëvizshmërinë e gjymtyrëve. Një nga gjërat kryesore që duhet pasur parasysh, është shmangia e duhanit. Duhanpirësit e mëdhenj, zakonisht kanë një gumë shumë të lehtë dhe kanë tendencë që të çohen vetëm pas disa orësh gjumë, për ta vazhduar atë pas një pauze relativisht të gjatë, e cila zakonisht nis në një orë të caktuar të natës. Gjatë këtij zgjimi zakonisht pinë sërish duhan dhe vetëm atëherë mund të gjejnë paqen e duhur për të çuar natën deri në fund.
Banja e nxehtë
Një “zhytje” në ujin e nxehtë të dushit në darkë, mund të jetë një ndihmë e mirë për çrregullimet e gjumi, pasi ka efekt qetësues. Sipas specialistëve, ajo mund ta reduktojë pagjumësinë në nivelin 20 për qind.
Terapia e dritës së shndritshme
Përdoret për trajtimin e çrregullimeve kardiake, të cilat zakonisht vihen re të rënda gjatë orëve të gjumit. Sipas kësaj terapie, ekspozimi në dritë të shndritshme para gjumit ndihmon në stimulimin e zemrës dhe rivendosjen e ritmit të saj në normalitet. Për këtë duhet një ekspozim në një dritë shumë të fortë dhe për një kohë që mund të shkojë në një ose dy orë. Kjo ndodh edhe kur ndodhemi në plazh nën diellin e fortë të verës. Në këto kohë pushimesh kemi zakonisht gjumë më të mirë dhe një nga shkaqet është pikërisht ekspozimi në një dritë të fortë.
Ilaçet
Dy ilaçe bimor tepër të efektshëm kundër pagjumësisë janë ai i quajtur Sereno me lulen e Magnolias dhe Valerina. Këto ilaçe gjenden në formë kapsulash ose çaji dhe janë të pasur me lëndë të tjera ushqyese për të cilat truri ka nevojë për të pasur një gjumë të qetë. Megjithëse ka një erë jo të këndshme çaji i përgatitur me pluhurin e valerianës ka dhënë efekte mjaft pozitive për të luftuar pagjumësinë. Falë përbërjes së tyre këta dy ilaçe bimor sjellin qetësi dhe sigurojnë një gjumë natyral. Ilaçet kundër parkinsonit dhe antikonvulsantët të çlodhin këmbët. Disa mjekime të tilla përdoren edhe për të ndihmuar fjetjen, sepse janë relaksuese dhe qetësuese, edhe pse kanë një efekt dytësor si dhimbja e kokës.
Ushtrimet fizike
Ushtrimet e përditshme mund të ndihmojnë gjithashtu në mbarëvajtjen e gjumit, por nuk këshillohen sforcimet e jashtëzakonshme në periudhën tre orë para fjetjes. Ato duhen bërë të paktën pesë orë para gjumit. Zakonisht rekomandohen shëtitjet, vrapimet e alternuara në natyrë, ushtrimet aerobike, të cilat lodhin trupin në masë të tillë që ai të dojë një prehje në orët e natës.
Përgatiti: Jonida Tashi

Të rejat nga shkenca. Fjetja në punë përmirëson kujtesën

Fjetja në vendin e punës vetëm për disa minuta mund të përmirësojë aftësitë e kujtesës dhe ato mentale, kanë publikuar shkencëtarët gjermanë. Doktori Olaf Lahl nga universiteti në Duisburg ka dëshmuar se gjumi afatshkurtër bën punë shumë më shumë sesa çlodhja e gjatë e trurit. Për më shumë, gjumi prej vetëm gjashtë minutash mund të ketë të njëjtin efekt në kujtesë sikur gjumi gjatë tërë natës. Ekipi i doktorit Lahl u ka dhënë detyrë studentëve të mbajnë mend listën prej 30 fjalësh dhe ka testuar kujtesën e tyre pas një orë lojë në solitare (loje kompjuterike me letra). Shkencëtarët kanë përcaktuar se ata, të cilët kanë fjetur disa minuta, më mirë e kanë kryer detyrën sesa ata që kanë qëndruar të zgjuar.


Gazeta Albania

[AnGeL_DeViL]

Une fle shum pak ne darke(3-7:30)Edhe prap se parp e kam oren e pare te mesimit

[DI_ANA]

Gratë që flenë pak, më shumë probleme sesa burrat

• Problemet me gjumin janë më të dëmshme për gratë sesa për burrat.

Sipas një studimi, gratë që flenë keq bëhen më nervoze, lodhen më shpejt dhe janë më të ekspozuara ndaj atakeve në zemër, depresionit dhe diabetit, më tepër sesa burrat.
Të paktën kështu pretendon një ekip shkencëtarësh amerikanë të “Duke University di Durham” në Karolinën e Veriut, studimi i të cilëve është publikuar në shtypin britanik dhe në faqen online të revistës shkencore “Brain, Behaviour and Immunity”.
Shkencëtarët kanë analizuar rastet e 210 burrave dhe grave që shfaqnin çrregullime të gjumit. Studiuesit kanë kryer analiza gjaku për secilin prej vullnetarëve dhe kanë matur nivelin e depresionit, zemërimit dhe mërisë ndaj të tjerëve. Rreth 40% e personave është klasifikuar si persona që flenë pak. Veçse, mes këtyre, gratë kanë shfaqur më shumë probleme me shëndetin, me një prani më të lartë të nivelit të fibrinogjenit, një substancë kjo që është përgjegjëse për shfaqjen e iktusit dhe simptomave të ndryshme që lidhen me inflamacionin e arterieve. Përveç këtyre, te gratë problemet psikologjike që lidhen me lodhjen si: depresioni dhe irritimi, ishin më të theksuara sesa te burrat.

"Panorama"

[DI_ANA]

12 këshillat e mjekëve për ata që vuajnë nga pagjumësia

A duhet të flemë njësoj gjatë gjithë jetës sonë?Ne shpenzojmë një kohë të madhe të jetës duke fjetur. Foshnjat flenë praktikisht 24 orë në ditë. Fëmijët e vegjël bëjnë dremitje të vogla. Të rinjtë dhe adoleshentët flenë nga 8-9 orë në natë, ndërsa të rriturit flenë 7-8 orë ose edhe më pak.

Shumë persona më të moshuar kanë nevojë për më pak orë, ndoshta 5 ose 6 dhe gjithashtu kanë tendencën për ta pasur gjumin shumë të lehtë.
Pse të moshuarit flenë më pak?
Personat në moshë të thyer, ndoshta nuk kanë nevojë të flenë shumë ose janë të aftë të flenë po aq sa edhe të rinjtë. Kjo mund t’i dedikohet stilit të jetesës sepse ata flenë më shumë gjatë ditës, për shkak të kohës së lirë. Gjumi i ditës i bën ata të mos flenë natën.

Çfarë është pagjumësia?

Termi pagjumësi i referohet paaftësisë për të fjetur ose për të qëndruar në gjumë për një kohë të gjatë. Kjo mund të shkaktojë lodhje të vazhdueshme dhe ndikon shumë negativisht në jetën tuaj të përditshme. Studimet e fundit kanë treguar se nuk është i pakët numri i personave që vuajnë nga pagjumësia, ata përbëjnë 39% të popullsisë. Stresi, depresioni dhe shqetësimet janë shkaqet kryesore që çojnë në pagjumësi. Sëmundjet e ndryshme janë një tjetër shkak i mundshëm dhe veçanërisht nëse ka dhimbje apo siklet.

Çfarë masash duhet të merrni kur përdorni pilulat?

Ka shumë lloje pilulash që përdoren për të fjetur gjumë. Megjithatë është e rëndësishme që të mos përdoren pilulat për të fjetur. Kjo mund të ndodhë sepse trupi juaj fillon të varet nga mjekimet dhe me kalimin e kohës ju do ta keni të vështirë për të ndaluar së marri tabletat që ju sjellin gjumin. Ndoshta do t’u duhet të merrni shumë dhe gjithmonë edhe më shumë për të arritur efektin e dëshiruar sepse trupi juaj bëhet shumë tolerant. Ato mund t’i lënë ndjenjat tuaja të përgjumura dhe letargjikë në mëngjes.

Këshilla për personat që vuajnë nga pagjumësia:

1. Ushtrimet ju ndihmojnë që të flini, por evitoni ushtrimet e shkurta para se të shkoni në shtrat.

2. Shkruajini shqetësimet tuaja në vend që të filloni t’i risillni ato në mend ndërsa përpiqeni që të flini gjumë.

3. Një dush i ngrohtë para se të shkoni në shtrat do t’u vinte shumë në ndihmë.

4. Konsumimi i alkoolit mund të shqetësojë gjumin tuaj të natës, kështu që një çaj i ngrohtë me kamomil do të ishte një zgjidhje shumë e mirë për të rënë në gjumë.

5. Evitoni konsumimin e pijeve që përmbajnë kafeinë (kafe, kakao dhe koka kola), sidomos natën vonë.

6. Sigurohuni që të jeni shumë rehat në shtrat. Shtrati vetë duhet të jetë i ajrosur dhe i ngrohtë.

7. Në dhomën tuaj krijoni një mjedis të qetë dhe të ngrohtë.

8. Mos shkoni në shtrat derisa të ndiheni të lodhur.

9. Seksi para se të jetë koha për gjumë mund të jetë një mënyrë për të përafruar gjumin tuaj. Meshkujt mund të flenë pas seksit, ndërkohë që femrat mund të mbeten shumë energjike.

10. Lexoni një libër derisa të ndiheni të përgjumur. Nëse nuk jeni në gjendje të flini, çohuni përsëri. Uluni dëgjoni pak muzikë ose vazhdoni të lexoni derisa të kalojë gjysmë ore. Atëherë gjumi me siguri që nuk do “t’u bëjë naze”.

11. Zgjohuni në mëngjes në të njëjtën orë çdo ditë. Vini orën në zile dhe çohuni menjëherë nga shtrati, edhe nëse natën e shkuar keni qëndruar zgjuar deri vonë. Në këtë mënyrë, në fund të ditës ju do të ndiheni më të lodhur dhe do të flini në kohën e duhur. Nëse e bëni këtë gjë për disa ditë të mjaftueshme, do të sistemoni me sukses kohën për gjumë.

12. Për udhëtime të gjata me avion apo ose autobus, do të ishte mirë që të merrni një pilulë për gjumin nëse keni probleme me gjumin. Kjo duhet të jetë një pilulë shumë shpejt e efektshme me një efekt të limituar nga 5-6 orë. Duhet të konsultoheni me mjekun tuaj personal para se të merri medikamentin.

Shumë njerëz kanë gjetur si zgjidhje mjekime barishtore për të fjetur, në vend që të përdorin ilaçe. Ata përdorin agnushe, sanës ose vajra aromatikë, si një mënyrë për t’u qetësuar para se të shkojnë në shtrat. Këto janë më të vështira për t’u provuar nga studimet shkencore, por shihen si një eksperiment personal. Njerëzit mund të gjejnë zgjidhjen e pagjumësisë së tyre duke përdorur mjekimet e lartpërmendura, por duhet të konsultohen me mjekun për shkak të ndonjë efekti anësor.

Cilët jane çrregullimet e gjumit?

Çrregullimet e gjumit përfshijnë disomnitë dhe parasomnitë. Në disomnitë, siç janë insomnia (pagjumësia) dhe hipersomnia, simptoma kryesore është çrregullimi i sasisë dhe cilësisë së gjumit të bërë. Në këto kushte trupi juaj do të jetë gjithmonë i lodhur po ashtu edhe sistemi nervor. Në parasomnitë, siç janë tmerrimi në gjumë, urinimi në shtrat dhe të ecurit në gjumë, simptoma kryesore është një ngjarje e pazakonte që çrregullon gjumin. Ky është një çrregullim që në pjesën më të madhe të rasteve prekin fëmijët e vegjël, gjendje e cila mund të zgjasë deri në moshën 15-vjeçare.

Çfare eshte dhe kur shfaqet INSOMNIA?

Kërkesa e madhe për ilaçe gjumi është një simptomë e përhapjes së insomnisë (pamundësisë për të të zënë gjumi). Një vëzhgim tregonte se 6% e burrave dhe 14% e grave raportonin se vuanin nga ky lloj çrregullimi të gjumit. Ka shumë shkaqe dhe lloje të insomnisë. Disa insomniakë i zë gjumi lehtë, por shohin ëndrra sikur janë zgjuar. Si rrjedhojë kur zgjohen, ata ndjehen sikur po përpiqeshin ende që të flinin. Të tjerë e kanë të vështirë që t’i zërë gjumi për shkak të ankthit, frikës, stresit, depresionit ose problemeve të tjera. Drogat gjithashtu çrregullojnë ciklin normal të gjumit. Disa insomniakë vuajnë nga një gjendje e njohur si Apnea e gjumit. Ata i zë gjumi lehtë, por çohen pasi u ndalet frymëmarrja dhe zgjohen duke gulçuar për ajër.

NARKOLEPSIA, gjumi i paparashikuar?

Një formë e hipersomnisë, narkolepsia është një çrregullim i gjumit i karakterizuar nga goditje pa vend të gjumit gjatë ditës. Personin e zë gjumi në mënyrë te paparashikuar gjatë ditës. Përgjithësisht është një gjendje që prek të moshuarit ose të rriturit mbi moshën 45-vjeçare. Personi i prekur nga ky çrregullim bie drejtpërdrejt në gjumin LSHS dhe përderisa kjo etapë lidhet me paralizimin muskulor, përbën një rrezik për individin. Shkaktohet nga një goditje e fortë si emocion i fortë, të qeshurit, befasimi, ndezja seksuale.

Sa ndikon pagjumësia në tru?

Pagjumësia mund të shkaktojë ndalimin e qelizave të reja në tru, sipas sugjerimit të një studimi. Një grup studiuesish zbuloi se pagjumësia ndikon në atë që në gjuhën mjekësore quhet Hipocampus dhe shpjegohet të jetë rajon i trurit që ka të bëjë me krijimin e memories. Studimet e kryera rreth formimit të trurit tregojnë se ato që sjellin efekte në tru janë pikërisht hormonet e stresit. Studimet janë kryer te kafshët duke marrë disa prej tyre dhe duke i lënë 72 orë pa gjumë. Pastaj, janë krahasuar kafshët e lodhura prej gjumit me ato që kanë kryer procesin normal të fjetjes dhe kanë zbuluar se ato që nuk kishin fjetur, kishin një nivel me të rritur të hormoneve të stresit, që quhet ndryshe corticosterone, shoqëruar kjo edhe me rënien e ritmit të prodhimit të qelizave të reja në tru dhe pikërisht në zonën e quajtur hipocampus.


"Spekter"

[DI_ANA]

Çaji i gjelbër përmirëson apnenë e gjumit

Një gotë çaji të gjelbër mund të jetë krejt çka mund të ordinojë mjeku nëse keni probleme me mësim dhe kujtesë, të cilat janë pasojë e apnesë obstruktive të gjumit, forma më e shpeshtë e çrregullimit të frymëmarrjes që është në lidhshmëri me çrregullimet e gjumit.

Apnea obstruktive e gjumit e lë organizmit pa oksigjen gjatë fjetjes. Personat me këtë gjendje, përjetojnë pushime të frymëmarrjes gjatë fjetjes, duke pasur rënie të nivelit të oksigjenit, i cili mund t’i dëmtojë organet.

Apnea obstruktive e gjumit rrit rrezikun për shfaqjen e shtypjes së rritur të gjaku, infarktit të zemrës, goditjeve në tru, dhe dëmton funksionet njohëse të vetëdijes, siç është mësimi dhe kujtesa.

Sipas një artikulli të botuar në revistën, American Journal of Respiratory and Critical Care Medicine, antioksidantët e fuqishëm të pranishëm në çajin e gjelbër mund të ndihmojnë në përmirësimin e këtyre problemeve njohëse.

Çaji i gjelbër përmban polifenole, të cilat në bazë të rezultateve nga studimet në kafshët eksperimentale, mund të mbrojnë ndryshimet neurodegjenrative të cilat janë në lidhshmëri me sëmundjen Parkinson dhe Alzheimer.


"Spekter"

[DI_ANA]

Gjumi i pamjaftueshëm

Gjumi i pamjaftueshëm: Cilat janë shkaqet dhe pasojat?

Këtu në Shtetet e Bashkuara, një studim i ri i Fondacionit Kombëtar të Gjumit tregon se gjysma e amerikanëve nuk flenë mirë, të paktën disa netë në javë. Dy të tretat e amerikanëve thonë se kanë patur raste kur kanë ngarë makinën ndëkohë që kanë qënë përgjumshëm. Vetëm një e katërta e njerëzve flenë tetë orë në natë siç rekomandohet. Por problement e gjumit vihen re kryesisht tek adoleshentët.

Studiuesit thonë se adoleshentët kanë nevojë për së paku 9 orë gjumë. Por shumica e adoleshentëve amerikanë flenë vetëm shtatë orë gjatë ditëve të shkollës. "Adoleshentët janë njerëzit që flenë më pak në Amerikë," thotë Mary Carskadon, e cila merret me studimet për gjumin në universitetin Brown të shtetit Rhode Island. Ajo thotë se gjatë ndryshimeve biologjike që pësojnë adoleshentët gjatë pjekurisë ndikojnë tek sistemi i gjumit.

Trupi i adoleshentëve prodhon hormonin melatonin që ndihmon në shtyrjen e orarit të gjumit për më vonë se sa kur ata ishin fëmijë. Si rezultat, shumica e adoleshentëve nuk flenë para orës 11 të natës. Por ata duhet të shkojnë në shkollë në ora 7:30 e mëngjesit ose më herët, kur u fillon mësimi. Studiuesja tha se natë pas nate adoleshentët po shtojnë deficitin e pagjumësisë që ul Aftësitë e tyre. Mungesa e gjumit gjithashtu ndikon tek gjendja shpirtërore e adoleshentëve. "Shumë adoleshentë që janë të mërzitur dhe të lodhur, tani marrin ilaçe për depresion. Por kjo mund të mos jetë depresion. Thjesht mund të jetë pagjumësi,” thotë studiuesja.

Disa shkolla e kanë shtyrë orarin e fillimit të mësimit për t’u dhënë mundësi nxënësve të flenë më shumë. Shkollat e mesme në Minneapolis e shtynë fillimin e mësimit nga 7:15 në 8:30. Duke fjetur më shumë, thonë studiuesit, nxënësit shfaqën shenja më të pakta Depresioni dhe patën përmirësime në shkollë. Kyla Wahlstrom është eksperte në Universitetin e Minnesotës në Minneapolis.

"Ndikimi ka qënë i dukshëm dhe prindërit kanë thënë se fëmijët reagojnë më pozitivisht në shtëpi, kurse mësuesit thonë se nxënësit janë më të gatshëm për të mësuar," thotë Wahlstrom. Ekspertët thonë se nuk janë vetëm adoleshentët që kanë më shumë nevojë për gjumë...shumë të rritur kanë gjithashtu mangësi gjumi. Helene Emsellem drejton qendrën për çrregullimet e gjumit në Chevy Chase të shtetit Maryland. "Një nga gjërat më të rëndësishme është përballimi i shumë detyrave që kemi...që nga vajtja në shtëpi, përgatitja e darkës, kujdesja për fëmijët dhe pastaj gjetja e kohës që vet prindërit të pushojnë pak për vete," thotë zonja Emsellem.

Studiuesit thonë se me shtimin e njerëzve që vujanë nga pagjumësia, ata duhe t’i diskutojnë këto probleme më shumë me mjekun.



"Zeri I Amerikes"

[sirena_adria]

Si të Kuptoni që Vuani Nga Pagjumësia – Disa Metoda si ta Trajtoni në Shtëpi

Pagjumësia ka të bëjë me vështirësinë në të fjetur. Ajo mund të bëhet kronike nëse njeriu nuk bën dot një sy gjumë për të paktën 3 netë rresht për 3 muaj me radhë.

Pagjumësia shkaktohet si pasojë e problemeve psikiatrike, mjekësore, përdorimi i substancave të caktuara dhe faktorëve biologjikë.

Sipas ekspertëve të AgroWeb.org, simptomat e pagjumësisë janë si më poshtë:


Vështirësi në të fjetur,

Zgjim i përsëritur gjatë natës,

Qëndrim zgjuar gjatë natës,

Zgjim gjatë natës dhe pamundësi për të fjetur,

Lodhje pas zgjimit,

Pamundësi për të fjetur në drekë pavarësisht lodhjes,

Lodhje dhe acarim gjatë ditës,

Mungesë përqendrimi.

Këto simptoma mund të zgjasin për muaj apo vite me radhë.


Sa Orë Gjumë Ju Nevojiten?

Ekspertët e AgroWeb.org thonë se nevoja për gjumë e gjithsecilit prej nesh është në varësi të organizmit.

Megjithatë, po të marrim një mesatare të artë:

Të rriturit kanë nevojë për 7-9 orë gjumë,

Fëmijët për 9-13 orë gjumë,

Foshnjat për 12-17 orë gjumë.


Nga Se Shkaktohet Pagjumësia

Disa prej shkaktarëve më kryesorë të pagjumësisë janë:

Stresi, ankthi dhe depresioni,

Zhurmat,

Temperatura e dhomës së gjumit,

Shtrati i parehatshëm,

Përdorimi i kafesë, alkoolit dhe nikotinës,

Përdorimi i drogave të rënda,

Fluturimet e gjata dhe punët me turne.


Si Të Trajtoni Pagjumësinë Në Kushtet e Shtëpisë

Ekspertët këshillojnë që të shtriheni për të fjetur vetëm kur të ndiheni të lodhur dhe të përpiqeni të ruani oraret.

Një orë përpara gjumit, përpiquni të qetësoheni duke bërë një banjë ose lexuar një libër.

Sigurohuni që dhoma e gjumit është në errësirë të plotë dhe pa zhurma,

Kryeni aktivitet të rregullt fizik gjatë ditës,

Sigurohuni që krevati juaj është i rehatshëm.

Mos pini cigare, kafe, alkool apo çaj për të paktën 6 orë përpara gjumit,

Mos hani ushqime të rënda përpara gjumit,

Mos kryeni aktivitet fizik të paktën 4 orë përpara gjumit,

Mos shikoni televizor ose të qëndroni në telefon përpara gjumit sepse drita do ju mbajë zgjuar.

Mos bëni një sy gjumë gjatë ditës,

Mos i jepni makinës nëse ndiheni të përgjumur.

E fundit por jo për nga rëndësia, nëse nuk keni fjetur një natë më parë, vazhdoni t’i përmbaheni rutinës dhe frenohuni nga dëshira për të fjetur gjatë ditës.


/AgroWeb.org

https://agroweb.org/shendet/kuptoni-...ajtoni-shtepi/

[sirena_adria]

Si Ndikon Pagjumësia te Shëndeti i Trurit dhe Shtimi në Peshë – Çfarë Duhet të Bëni

Studime shkencore, të cilave u referohet AgroWeb.org kanë konfirmuar lidhjen e fortë mes pagjumësisë dhe shtimit në peshë.

Studimet thonë se njerëzit që flenë më pak peshojnë më shumë se njerëzit që flenë mjaftueshëm.

Sipas tyre, gjumi i pakët rrit shanset e mbipeshës me 55%.

Pagjumësia shkakton probleme të tjera që prekin trurin.

Ata që flenë pak kanë prodhimtari më të dobët në punë dhe kanë vështirësi në përqendrim.

Sipas ekspertëve, problemet me gjumin rrisin rrezikun e sëmundjeve të zemrës, ishemisë dhe diabetit të tipit 2.

Të dhënat shkencore tregojnë se njerëzit që flenë 4-6 orë për 6 netë me rradhë preken nga simptomat e para-diabetit.

Mungesa e gjumit shkakton dëshpërim të thellë.

Gjumi është thelbësor për imunitetin dhe kjo është arsyeja përse njerëzit që flenë më pak se 7 orë janë më të predispozuar të ftohen ose të preken nga gripi.


Shenjat Që Tregojnë Se Nuk Flini Mjaftueshëm

Njerëzit që kanë vështirësi të flenë kanë tendencën të hanë më shumë.

Truri ka nevojë për gjumin që të rimëkëmbet, në të kundërt do të kërkojë energji tek ushqimi.

Duke qenë se gjumi shton oreksin, njerëzit që kanë vështirësi të flenë do të shtojnë më shumë në peshë.

Njerëzit e pagjumë kanë vështirësi përqendrimi. Ata harrojnë ku kanë lënë çelësat, telefonin e sende të tjera personale.

Lodhja si pasojë e mungesës së gjumit është drobitëse.

Njerëzit që nuk flenë mjaftueshëm sëmurën me lehtë.

Nëse gripi ju kaplon disa herë në një stinë, atëherë me siguri nuk jeni duke fjetur mjaftueshëm dhe imuniteti juaj është i dobët.

Mungesa e gjumit lidhet fort me vështirësinë në vendimarrje dhe përqendrim në dhënien e makinës.

Ajo ndikon fort edhe tek shikimi, sidomos ai nga afër.

Njerëzit që flenë keq dhe pak acarohen më lehtë dhe në mënyrë të pashpjegueshme.

Lëkura vuan gjithashtu nga problemet me gjumin.

Jo më kot gjumi cilësohet si një rutinë e bukurisë së jashtme.

Njerëzit që nuk flenë mirë kanë më shumë rrudha, sepse gjatë gjumit trupi prodhon më shumë kolagjen.


Si Të Bëni Një Gjumë Të Mirë

Ekspozimi ndaj dritës artificiale me ngjyrë blu që vjen nga telefonat pengon prodhimin e melatoninës, hormonit të gjumit.

Përpiquni të mos shikoni televizor të paktën 2 orë përpara se të bini për të fjetur.

AgroWeb.org ju sugjeron të mos pini kafe pasdite vonë dhe të mos flini gjatë ditës

Sipas ekspertëve, ju duhet t’u përmbaheni orareve të rregullta të fjetjes dhe zgjimit.

Sipas nevojës mund të konsumoni edhe suplementët e melatoninës 60 minuta përpara gjumit.

Një tjetër suplement i dobishëm është magnezi që qetëson trupin dhe trurin dhe përmirëson qetësinë e gjumit.

Pirja e alkolit ka një ndikim negativ tek gjumi, ndërkohë që dhoma e gjumit duhet të jetë në errësirë dhe pa zhurma.

Temperatura e ajrit në dhomë duhet të jetë rreth 20 gradë celcius por jo shumë e ngrohtë dhe as shumë e ftohtë.

AgroWeb.org ju këshillon se nëse konsumoni ushqim të pasur me karbohidrate disa orë përpara se të shtriheni për të fjetur do të flini më mirë.

Por cilësia e gjumit prishet rëndë nëse hani ushqim pak përpara se të bini për të fjetur.


/ AgroWeb.org

https://agroweb.org/shendet/pagjumes...cfare-te-beni/

[ATMAN]

Mungesa e gjumit mund të ndikojë negativisht në shëndetin e trurit dhe në aftësinë për të kontrolluar peshën e trupit.

Për sa i përket trurit, mungesa e gjumit mund të zvogëlojë funksionin kognitiv, kujtesën dhe aftësinë për të mësuar, si dhe të rrisë rrezikun e depresionit, ankthit dhe problemeve të tjera të shëndetit mendor.

Për sa i përket peshës së trupit, mungesa e gjumit mund të ndikojë në metabolizmin dhe oreksin. Mungesa e gjumit mund të rrisë prodhimin e hormoneve stresi si kortizoli, që në të njëjtën kohë mund të rrisë urinë dhe dëshirën për të ngrënë ushqime me kalori të larta. Përveç kësaj, mungesa e gjumit mund të ndikojë në orarin e ngrënies, duke rritur probabilitetin e konsumimit të ushqimeve me kalori të larta dhe ngrënies gjatë natës.

Në përgjithësi, është e rëndësishme të përpiqemi të flejmë të paktën 7-8 orë në një natë për të mbajtur shëndetin e trurit dhe trupit. Nëse keni vështirësi në të fjetur, ka shumë strategji që mund të ndihmojnë, si ndjekja e një rutine të rregullt gjumi, shmangia e përdorimit të pajisjeve elektronike para gjumit, ulja e konsumit të kafeinës dhe alkoolit dhe krijimi i një ambienti gjumi të rehatshëm dhe të qetë.

Nëse dëshironi të ndiqni një rutinë të rregullt gjumi, këtu janë disa këshilla që mund t'ju ndihmojnë:

1. Krijoni një orar të rregullt për të fjetur dhe zgjimin. Përpiquni të fikni dritat dhe të hiqni pajisjet elektronike (si celulari ose laptopi) për një orë para se të shkoni në shtrat.

2. Përpiquni të fikni dritat dhe të hiqni pajisjet elektronike (si celulari ose laptopi) për një orë para se të shkoni në shtrat.

3. Krijoni një mjedis të qetë dhe të rehatshëm në dhomën tuaj të gjumit. Sigurohuni që temperatura e dhomës është e përshtatshme dhe që dhoma është e errët dhe e qetë.

4. Përpiquni të fikni dritat dhe të hiqni pajisjet elektronike (si celulari ose laptopi) për një orë para se të shkoni në shtrat.

5. Nëse keni vështirësi në të fjetur, provoni teknika të relaksimit si meditimi, dëgjimi i muzikës të qetë ose leximi i një libri të relaksueshëm.

6. Përpiquni të zgjoheni në të njëjtën kohë çdo ditë, duke përfshirë edhe në fundjavë. Kjo do të ndihmojë trupin të marrë një rutinë të rregullt.

7. Nëse keni vështirësi në të fjetur, mos qëndroni në shtrat për shumë kohë pa u fjetur. Në vend të kësaj, çohuni nga shtrati dhe provoni teknika të relaksimit, derisa ndjeheni të lodhur.

8. Përpiquni të shmangni konsumin e kafeinës dhe alkoolit për disa orë para se të shkoni në shtrat, pasi këto pije mund të ndikojnë në cilësinë e gjumit.

Në fund të fundit, është e rëndësishme të kuptoni se një rutinë e rregullt gjumi ndërlidhet ngushtë me stresin dhe mënyrën se si ju e trajtoni stresin. Përpiquni të bëni mënyra të tjera për të lehtësuar stresin, si ushtrimi, meditimi apo aktivitete të tjera që ju ndihmojnë të ndjeheni më të qetë dhe të relaksuar.

[sirena_adria]

Nga se shkaktohet pagjumësia e verës dhe si ta shmangni

Gjatë muajve të verës, kur dita fillon e zgjatet dhe temperaturat tw ngrihen procesi i gjumit bëhet mjaft problematik dhe i pakëndshëm, pasi shpeshherë të arrish të flesh në një kohë kur çdo gjë vlon nga i nxehti është e pamundur.

Ndonëse duket sikur nuk mund ta zgjidhni në momentet e para ekspertët sugjerojnë disa mënyra qetësimi dhe stimulimi të gjumit të qetë edhe kur temperaturat jashtë janë shumë të larta.

Si të rregulloni gjumin?

Mbani një regjim strikt oraresh dhe kjo vlen për zgjimin, po ashtu edhe për kohën kur do të shkoni për të fjetur. Mundohuni të flini në të njejtat orare në shumicën e rasteve edhe nëse ndonjë nga netët mund të flini më pak.

Qëndroni të freskët

Gjatë natës mundohuni ta mbani temperaturën e dhomës të freskët në mënyrë që të mund të flini më qetë. Temperatura ideale për të fjetur rehat është 18 gradë Celcius.

Mësoni si të relaksoheni

Kur jeni të stresuar të tendosur e në ankth gjumi është procesi i fundit që ju shkon ndër mend. Relaksimi i plotë i trupit besohet se është mënyra më e mirë për të fjetur më shpejt dhe më gjatë. Mësoni si ta qetësoni jo vetëm trupin, por edhe të zbrazni mendjen nga mendimet negative.

Flini në errësirë

Kur të shtriheni për të fjetur eliminoni të gjithë burimet e dritës në dhomë. Sidomos kur drita është artificiale si televizori apo telefoni. Kjo vlen edhe për dritën natyrale të mëngjesit, pasi sipas ekspertëve orët më të mira të gjumit janë në mëngjes.

Zgjidhni çarçafët e duhur

Gjithnjë përdoni materiale të lehta në mënyrë që të flini më mirë. Këtu flasim për çarçafët, këllëfin e jastëkut dhe pizhamat me të cilat flini. Materialet e rehatshme si mëndafshi apo pambuku do e mbajnë temperaturën e trupit tuaj në normat e duhura dhe do ta bëjnë gjumin më të lehtë.


Lexo.al

https://www.lexo.al/2023/07/nga-se-s...i-ta-shmangni/

[sirena_adria]

Pagjumësia në Verë – Si të Flini më Qetë dhe më Gjatë

Kur dita fillon e zgjatet dhe temperaturat ngrihen procesi i gjumit bëhet gjithnjë e më i vështirë.

Netët pa gjumë fillojnë e bëhen të shpeshta teksa vera zë vend dhe ky problem prek shumicën e njerëzve.

Ndonëse duket sikur nuk mund ta zgjidhni në momentet e para ekspertët sugjerojnë disa mënyra qetësimi dhe stimulimi të gjumit të qetë edhe kur tempëraturat jashtë janë shumë të larta.

Ndiqini ato sipas këshillave të AgroWeb.org dhe praktikojini sa herë të keni probleme me gjumin.

Si të rregulloni gjumin?

Mbani një regjim strikt oraresh dhe kjo vlen për zgjimin, po ashtu edhe për kohën kur do të shkoni për të fjetur.

Mundohuni të flini në të njejtat orare në shumicën e rasteve edhe nëse ndonjë nga netët mund të flini më pak.

Qëndroni të freskët

Gjatë natës mundohuni ta mbani temperaturën e dhomës të freskët në mënyrë që të mund të flini më qetë.

Temperatura ideale për të fjetur rehat është 18 gradë Celcius.

Mësoni si të relaksoheni

Kur jeni të stresuar të tendosur e në ankth gjumi është procesi i fundit që ju shkon ndër mend.

Relaksimi i plotë i trupit besohet se është mënyra më e mirë për të fjetur më shpejt dhe më gjatë.

Mësoni si ta qetësoni jo vetëm trupin, por edhe të zbrazni mendjen nga mendimet negative.

Flini në errësirë

Kur të shtriheni për të fjetur eleminoni të gjithë burimet e dritës në dhomë.

Sidomos kur drita është artificiale si televizori apo telefoni.

Kjo vlen edhe për dritën natyralë të mëngjesit, pasi sipas ekspertëve orët më të mira të gjumit janë në mëngjes.

Zgjidhni çarçafët e duhur

Gjithnjë përdoni materiale të lehta në mënyrë që të flini më mirë.

Këtu flasim për çarçafët, këllëfin e jastëkut dhe pizhamat me të cilat flini.

Materialet e rehatëshme si mëndafshi apo pambuku do e mbajnë temperaturën e trupit tuaj në normat e duhura dhe do ta bëjnë gjumin më të lehtë.


/ AgroWeb.org

https://agroweb.org/ne-forme/trupi-s...-dhe-me-gjate/

[sirena_adria]

Pagjumësia dhe Reumatizma, Vështirësitë dhe Zgjidhjet Natyrale

Reumatizma shoqërohet me dhimbje të vazhdueshme e të forta të cilat shpesh pengojnë dhe prishin gjumin.

Mungesa e këtij të fundit ka ndikim të fortë në intensitetin e simptomave të sëmundjes por edhe në mirëqenien në përgjithësi.

Në këtë artikull të AgroWeb.org do të mësoni më shumë për lidhjen mes pagjumësisë dhe reumatizmës dhe trajtimet natyrale për një pushim të qetë e pa dhimbje.

Të rriturit mbi 18 vjeç kanë nevojë për të paktën 7 orë gjumë në natë.

Mungesa e gjumit i përkeqëson simptomat e reumatizmës dhe artritit sepse lodhja e bën më të vështirë menaxhimin e tyre.

Si Të Përballeni Dhe Të Trajtoni Problemin E Pagjumësisë

Këshillat kryesore për të trajtuar problemin e pagjumësisë, në fillim shënjestrojnë ndryshimet në stilin e jetesës dhe më pas marrjen e medikamenteve.

Aktiviteti Fizik

Aktiviteti i lehtë fizik është një mënyrë e mirë për të pakësuar ose përmirësuar shëndetin e një pacienti të prekur nga reumatizma ose artriti.

Aktiviteti fizik përmirëson humorin dhe mirëqenien.

Ekspertët rekomandojnë që një njeri i prekur nga këto sëmundje të kryejë të paktën 2 orë e gjysmë aktivitet fizik në javë.

Fillimi duhet të jetë i ngadaltë deri në marrjen e fuqive.

Ekspertët sugjerojnë ecjen, notin, çiklizmin e të tjerë.

Më Pak Kafe

Kafeja i çel rrugën pagjumësisë, thonë shkencëtarët.

Sipas tyre, njerëzit që vuajnë nga reumatizma nuk duhet të pinë kafe pasdite ose në mbrëmje.

Shmangni Alkolin

Pirja e alkolit në mbrëmje largon gjumin ose e trazon atë.

Për më tepër, pirja e alkolit në të njëjtën kohë me ilaçet përbën një rrezik shëndetësor.

Dremitja

Njerëzit e prekur nga reumatizma duhet të shmangin dremitjen ose gjumin e drekës sepse do ta kenë më të vështirë të flenë në mbrëmje.

Në vend që të flini në drekë, dilni në ajër të pastër ose kryeni një aktivitet fizik.

Më Pak Stres

Krijoni një rutinë tuajën në mbrëmje.

Ju mund të lexoni një libër a të dëgjoni muzikë të qetë dhe relaksuese.

Mbani ditar, shkruani shqetësimet tuaja dhe hiqini nga mendja.

Higjena

Sigurohuni që dhoma juaj të jetë e pastër, e qetë dhe në errësirë.

Temperatura e ambientit duhet të jetë e freskët.

30 minuta përpara gjumit, këshillohet që të shkëpusni kontaktet me çdo pajisje elektronike.

Mos E Teproni Me Ushqimin

Nëse flini me stomakun plot, gjumi do të jetë i trazuar.

AgroWeb.org rekomandon që njeriu që vakti i darkës duhet të konsumohet të paktën disa orë përpara gjumit.

Sipas tyre, njerëzit që vuajnë nga reumatizma por që bëjnë një gjumë të mirë e të qetë kanë më pak dhimbje.


/AgroWeb.org

https://agroweb.org/ne-forme/trupi-s...hjet-natyrale/