Ditë e zymtë

[xheladin]

UDHËTIMI MISTIK

Derisa udhëtoj shtigjeve të harruara
Në fund të shpirtit ballafaqohet
Uni im me mua për fjalë
......................të pashqiptuara kurrë!

Hedhi shikimin e lodhur
Shikimin e lodhur lëshoj
Mbi gjethe të zverdhura
Që kishin mbuluar shtigjet e harruara
......................................çuditërisht
Shoh këmbët e mia tek dridhen
Si të ishin në ankthet më të forta
.................tamam si para vdekjes!

Kthej kokën në anën e djathtë
Shoh engjëjt me të bardha veshur
Tek ma bartin shpirtin me TEKBIR!

[GeoF]

UDHËTIMI MISTIK

Derisa udhëtoj shtigjeve të harruara
Në fund të shpirtit ballafaqohet
Uni im me mua për fjalë
......................të pashqiptuara kurrë!

Hedhi shikimin e lodhur
Shikimin e lodhur lëshoj
Mbi gjethe të zverdhura
Që kishin mbuluar shtigjet e harruara
......................................çuditërisht
Shoh këmbët e mia tek dridhen
Si të ishin në ankthet më të forta
.................tamam si para vdekjes!

Kthej kokën në anën e djathtë
Shoh engjëjt me të bardha veshur
Tek ma bartin shpirtin me TEKBIR!

Mik Xheladin !
Ju pershendes dhe ju them se jeni i vecante ne gjetjet stilistikore.
Aritmike dhe pikezuese kjo poezi, por e kendshme dhe me mendim.
Ju pershendes.
Genti

[xheladin]

Mik Xheladin !
Ju pershendes dhe ju them se jeni i vecante ne gjetjet stilistikore.
Aritmike dhe pikezuese kjo poezi, por e kendshme dhe me mendim.
Ju pershendes.
Genti

Miku im Gent, përzemërisht të falenderoj që gjeni kohë të lexoni poezitë e mia. Leximet e juaja më japin kurajo për shkrimet e mëtejme.

Me respekt
xheladin hamza

[xheladin]

GJOKSI MË HAPET SI DYERT TË XHENETIT

Nefsin tim lëshoj të bredhë pakufi
Në oqeanin Absolut të Rabbijallahut
Dhe të lundrojë në gjendje të habitur
Për trupin dhe shpirtin tim të rraskapitur
Marr frymë thellë e gjoksi më hapet
Bash si dyert e mëdha të xhenetit...

Para syve të mi të mjegulluar
Rrënohen vitet si muri i Berlinit
Fatamorgana shkapërderdhet
..................në copëza më të imta
E në horizonte qartë paraqiten
........................peizazhe qiellore
Shijohet një botë e vërtetë hyjnore...

Aty takova vetën time kokulur e të gjunjëzuar
Me tepih në dorë duke u lutur për shpirtin tim
Krijuesit të botërave Allahut të Madhërishëm!

[xheladin]

PRES RITAKIMIN MË TË BUKUR

I zënë si merimanga në rrjetën e saj
Mbi ballin tim lexohen mendimet e mia
Në vrapim tek ikin diku larg pa kufi...

Të gjitha vitet të pesëdhjetë e gjashtë
I kam renditur si lojërat e jetës
Në ëndrrat më të bukura që i kisha...

I vetmuar vetëm ty të pres me besim
Në heshtje ti fali bebëzat e syve të mi
Të shijosh botën e vërtetë të çudirave
Të shpirtit tim të plagosur sall për ty!

Me shpresë të pasosur kurrë
Pres ritakimit më të bukur
Kur engjëjt tek unë do të të sjellin
Të mbështjellur me vello të bardhë
..................bash, ama bash si dikur!

[xheladin]

MEDITIMI

Mendime të brishta
Më ndrydhin
Më frikësojnë...

Dua të dali e të iki
Të largohem tërësisht
Nga lëkura ime...

Do mbetem i vetmuar
Në vetmi, vetmi
Vetëm me vetën time...

I shtrydhur nga nata
Në mëngjesin e heshtur
Lexoj thellësinë qiellore!

01. 06. 2009

[xheladin]

MË KAPLOI MALLI
(Akrostik kushtuar Çamërisë)

Ç’më kaploi malli për ty Çamëri
Ah, me sytë të përlotur qaj si fëmi
Mbushur me aromën tënde magjepse
Ëndërroj çdo natë shëtitjen qyteteve tua
Retë mbi ty më duken më të bardha se e bardha
Ilaç shpirti Janinën tonë përjetësisht kam
Ashtu si të duam të rrugëtojmë rrugëve tona të bëhemi
................................................. NJË PËRGJITHMONË!

10. 06. 2009.

[xheladin]

DIELLI DO E PUTH FAQEN E DHEUT
(Akrsotik)

Zëri më dridhet si tel i këputur kitare
E heshtazi eci rrugëtimit tim
Mbi re të bardha në krah engjëjsh
Rend përshëndes çdo shpirtbardhë
Ata që i takoj në fluturimin mistik
Tek vijnë për të pirë ujë të bekuar qielli

Shtegu më është i njohur për shpirt
Qetësinë qiellore nuk e trazoj dot
I bindur në virgjërinë e tij të pastër
Pika shiu pikojnë nga sytë e mi
Tulipan në kopsht të rritet përsëri
Asgjë s’do ta ndalë rritën e tij
Retë nga qielli do të ikin në tërësi
E dielli sërish do e puth faqen e dheut

[xheladin]

FRIKA DHE VDEKJA

Vdekja sytë e ballit lehtas mi mbyll
Dhe për të fundit herë me afsh i puthë
E ballin të djersitur butësisht përkëdhelë

Me shikim të fërguar sytë të futur në gropëza
Mbesin dëshmitarë të fundit që shohin engjëjt
Tek marrin shpirtin mbi krah të tyre të pastër

Të gjitha ëndrrat të tubuara në një vend
Në heshtje si qirinjtë treten e fiken përjetësisht

Loti mbetet ilaç shpirti mbi buzën e tharë
Frika çuditërisht në ikje mbetet e vetmuar

[xheladin]

M’BESO PASHA TË MADHIN ZOT

Këmbëzbathur pamëshirshëm
Shkele mbi shpirtin tim të virgjër
Dhe në mua mbetën vragë
Që hapën një jetë dënese...

Dëshirova në ëndrrat e mia
Sytë e tu të jenë shkëlqim
Rreze dielli sall për mua
Pasha të Madhin Zot!

Me shpirtin të bezdisur
Ta fala buzëqeshjen
Më të pastër se qielli
Pasha të Madhin Zot!

Vdekjes nuk ia kam frikë, jo
Rrugëtoj me të dorë për dore
Çdo ditë e natë deri në amshim
M’beso pasha të Madhin Zot!

Një mëngjes në vjeshtën e vonë
Do të udhëtoj dhe unë drejt perëndimit
S’bashku me shumë shpirtra tjerë
M’BESO PASHA TË MADHIN ZOT!